هل يجوز لكاهن كاثوليكي أن يقدس لأورثوذكس؟ هذا مايحدث في اللاذقية تحت سمع و بصر الجميع!

[Georgious The Great]

ذهبت لقضاء عيد السيدة في منطقة التفاحة التابعة لطرطوس. نزلنا مع أقاربي في دير للكاثوليك. ضيعة التفاحة علوية كلها و لا يوجد فيها شيء مسيحي سوى هذا الدير الذي تقطنه راهبة واحدة. و يوجد دير جديد مقابله يقطنه كاهن يسوعي اسمه انطوان مساميري. من خلال الحديث عن أي منطقة ستكون الأنسب لحضوري انا و عائلتي لقداس أوثوذكسي, قالت الراهبة: تستطيع ان تذهب صباحا مع الأب مساميري فهو يقدس لضيع اورثوذكسية في كنائسهم قداديس بيزنطية. طبعا فجعت و صعقت. كاهن يسوعي يقدس لرعايا اورثوذكس! المهم ذهبت الى قرية فيها كاهن اورثوذكسي. بعد القداس تعارفت مع المرتليين الذين سألوني أين انزل. بعد الاجابة قلت: الأب مساميري قد ذهب ليقوم بقداس لرعايا اورثوذكس. طبعا الكل اجاب انه لا فرق بيننا و ان الوحدة في قلوبنا. و اكتشفت ان الجميع متيم بهذا الكاهن بما فيهم الكاهن الذي خدم القداس.
في الحقيقة لا اعرف ماذا أقول. هل وصلنا الى الحضيض و لم نعد نهتم؟ في الأول نرمي القدسات للكلاب و من ثم نقدم أبنائنا لقمة سائغة للوحش؟ ما الذي يفرق عمل رجال الدين في الكنيسة عن قيام أب فقير ببيع اينه لرجل غني ليربيه بدل ان يتعب عليه و يربيه بحسب قدرته؟

كثيرا ما نرى نقصا في عدد الكهنة, لماذا لا يطلب من الأديار سد الحاجة؟ ما الفائدة ان يكون هناك رهبان في أديرة بينما توجد رعايا متروكة و لا من يسأل و في احسن الأحوال ترمى للوحش؟

قيل في الكتاب:"جعل الرب صفيه عجبا", أقول:"لقد جعلنا الرب في آخر الأزمنة عجبا للأرض كلها"


فهل يجوز لكاهن كاثوليكي أن يقدس في الكنيسة الأرثوذكسية؟ ألا يحتاج الكاهن لموافقة الأسقف حتى يستطيع أن يخدم القداس الإلهي؟ أليس من شرط الاشتراك في الأسرار أن يكون الإيمان واحد؟ [[هذا السؤال من وضع الإدارة]]
وتم تغيير العنوان من "من اللاذقية...كاهن كاثوليكي يقدس لأورثوذكس تحت سمع و بصر الجميع؟"

[فيليبس]

سلام المسيح
مع احترامي الكامل لك بس هي مو مسيحية إنك تفكر الملكوت مفتوح بس للأرثوذكس و الباقي رح يوقفوا عالشمال

[athnasi]

أخي جاورجيوس

خليك سبور!

إذا مطرانون مو سائل عنون , والقاض راضي.

أنتي ليش زعلان .

ولووووووووووو.

خليك سبور , ما كلون بأنطاكيا صاروا سبور.

ِ

[Alexius - The old account]

مافهمت شو دخل اللاذقية بالنص؟ انت كاتب انك كنت بطرطوس.. وطرطوس تابعة لأبرشية عكار، يعني، سيدنا باسيليوس.
اخي فيليبس، بتمنى نشوف مشاركتك معنا بهذا الموضوع [سلسلة أرثوذكسيات] أؤمن بالكنيسة! فما هي الكنيسة؟ (http://www.orthodoxonline.org/forum/threads/12024-%D8%B3%D9%84%D8%B3%D9%84%D8%A9-%D8%A3%D8%B1%D8%AB%D9%88%D8%B0%D9%83%D8%B3%D9%8A%D 8%A7%D8%AA-%D8%A3%D8%A4%D9%85%D9%86-%D8%A8%D8%A7%D9%84%D9%83%D9%86%D9%8A%D8%B3%D8%A9%2 1-%D9%81%D9%85%D8%A7-%D9%87%D9%8A-%D8%A7%D9%84%D9%83%D9%86%D9%8A%D8%B3%D8%A9%D8%9F)

[Maximos]

حبيبنا الكسيوس :sm-ool-10:

حسب ما فهمت على التلفون : هيي بمحافظة طرطوس إدارياً .. و لكن تابعة لأبرشية اللادقية ..

حبيبنا فيليبس :sm-ool-10:

يا ريت قبل ما تصفّ المدافع و تبلش الهجوم إنو تقرأ أكتر عن موضوع الكنيسة ..

[Alexius - The old account]

حسب ما فهمت على التلفون : هيي بمحافظة طرطوس إدارياً .. و لكن تابعة لأبرشية اللادقية ..
ع التلفون قلتلي... معناها اكيد عندك اخبار اكتر :)
تفضل اتحفنا فيها

[Gerasimos]

أنا لم أسمع بقرية التفاحة من قبل, هي هي شمال طرطوس, كل القرى الإدارية في شمال طرطوس تابعة لأبرشية اللاذقية
بتمنى أعرف الموضوع أكتر بركي بقدر تابعو مع المطرانية

[Maximos]

ع التلفون قلتلي... معناها اكيد عندك اخبار اكتر تفضل اتحفنا فيها

لاااااااا .. بالعكس .. هون في تفاصيل أكتر .. بس أنا حكى معي لسا كانت القصة تازة .. و طلبت من محبتو يتأكد تمام قبل ما يكتب شي ..


أنا لم أسمع بقرية التفاحة من قبل, هي هي شمال طرطوس, كل القرى الإدارية في شمال طرطوس تابعة لأبرشية اللاذقية بتمنى أعرف الموضوع أكتر بركي بقدر تابعو مع المطرانية

بعتقد الأفضل تاخد رقم حبيبنا جيورجيوس مشان تفاصيل أكتر ..

و نحنا بانتظار راي المطرانية بالموضوع ..

شكراً أخوّوّوّييييييييييي :sm-ool-01::sm-ool-01::sm-ool-01:

[Alexius - The old account]

شكراً أخوّوّوّييييييييييي
ما حا بحب حا... إذا حكا الواح بيقولوا حكا الواح، وإذا ماحكا الواح بيقولوا ماحكا الواح! وشو بدو الواح تيحكي الواح، تيحكي الواح؟!

[Gerasimos]

بعتقد الأفضل تاخد رقم حبيبنا جيورجيوس مشان تفاصيل أكتر ..

و نحنا بانتظار راي المطرانية بالموضوع ..

شكراً أخوّوّوّييييييييييي :sm-ool-01::sm-ool-01::sm-ool-01:


ع راسي حارتك معلمنا
بعتلي الرقم وهون بحاول نشوف الموضوع

[Fr. Jean]

شيء يبكي ويدمي القلب
أرجو من الأخوة متابعة الموضوع رسمياً مع الأبرشية المسؤولة ومع الأسقف المسؤول وانا حاضر لكل مساهمة
والرب يسامحنا

[John of the Ladder]

أخي الحبيب في الرب جاورجيوس،

ليس الحل لسد النقص في الكهنة هو إخراج الرهبان من أديرتهم، فتقليدياً، كهنة الرعايا هم من الكهنة المتزوجين.

أخي الحبيب، اليوم أصبح موضوع الكنائس المختلطة في المنطقة الواحدة مشكلة عويصة، فمثلاً عندنا في أحد السنوات قام كاهن رعيتنا المحترم بالإشتراك مع الكاثوليك والبروتستانت لتكريس البيوت، والمضحك بالأمر أنه قد يأتي على بيتنا الأرثوذكسي الفصل والأصل كاهن كاثوليكي لأن حارتنا طلعت نصيبه!

أن تكون أواخر حياتنا مسيحية سلامية بلا حزن ولا خزي وجواباً حسناً لدى منبر المسيح المرهوب نسأل

[Maximos]

أخوّوّوّوّي جيراسيموس ..

شوووو صار معنا ؟؟!!

:smilie (81):

[ميلاد شحادة]

سلام شباب حبيت سلّم عليكن
وقلكن كمان بطرطوس بالأخص بضهر صفرا على ما أذكر سنة 2009 كان عم يصير قداديس الموارنة عند الأرثوذكس يعني الكهنة الكاثوليك عم يقدسوا عنا يمكن بالنسية للشمالية الغربية صار أمر عادي يصير هيك شي عندن.( بس مو متأكد من الخبرية)
أنا مابعرف رأي الكبارية بالموضوع عم استنى معكن كمان
سلام المسيح يكون معكن

[Maximos]

أخوّوّوّوّي جيراسيموس ..

شوووو صار معنا ؟؟!!

:smilie (81):

إذا في أي صعوبات ما فيك تذكرها هون ابعتلي ياها برسالة خاصة

الموضوع مو لازم نتركو

:sm-ool-16:

[Gerasimos]

حبيبنا
ما في شيء
كل ما هنالك ناطر رد من أحد الآباء
؟؟؟؟؟؟؟!!!!!!!!!!!!!!!!!!!!!!!!!!!!

[Georgious The Great]

شو بدو الواح يحكي تيحكي! أفي يحكي شي يا حبيب. بس لو ************************************************** **********************
بعدين يا عزيزي يوحنا السلمي بالزمان لما كانت الكنيسة تتعرض للمآسي كانوا ينزلوا الرهبان للمساعدة. شو هو كتاب منزل انو يكون خدام الرعايا متزوجيين؟ طيب شو اذا كان في نقص و ما منقدر نسدو؟ منستعين بصديق متل ما عم يصير؟
صلواتكم
بانتظار جواب الأخ جراسيموس



تم تعديل المشاركة وحذف الكلام الغير لائق
الإدارة

[Mayda]

أخ جاورجيوس، تم تعديل المشاركة أعلاه وتم حذف كلمات فيها تطاول على رئاسات روحية دون تسميتها بشكل مباشر!!

أرجو أن لا يتكرر الأمر أكثر من ذلك لتجنب تجميد عضويتك!! خصوصاً وأني التمس في بعض مشاركاتك أسلوباً ساخراً على الإكليروس والكنيسة!!

وأكرر ما قلته سابقاً لك، إن كنت "شخصياً" ترى أخطاء في الكنيسة أو في الكهنة، فبرجاء كتابتها بأسلوب النقد البناء وليس بأسلوب الاستهزاء!!

صلواتك أخي العزيز

مايدا

[Alexius - The old account]

على فكرة لهلأ ماحدا جاوب على السؤال، ولا حتى الاخ جيورجيوس، صاحب الاعتراض.
لهلأ مافهمنا في غلط بالموضوع أو مافي غلط؟
وشو هو الخطأ اللاهوتي والعقائدي؟ وشو هو العمل الصح؟!
معتمدين تعليم الكنيسة وآباؤها القديسين
أم بس بدنا ننتقد؟ لأنو اذا هدف الموضوع النقد بس!!! بدون وضع التعليم الصحيح، فأنا بعتذر رح يتم حذف الموضوع... لأنو حكينا بالموضوع ومابدنا نكسر الاتفاق خلال اقل من شهر..
صلواتكم

[كريستو]

بدي اسأل : هو الي عم يقدس بكنايس كاتوليكية قداسنا و العالم عم تروح لعندو ؟؟ ولا عم يروح عكنائس أورثوذكسية يقدس فيا ؟؟ لأني ما بتصور المطارنة بيعطوه الحق بهالشي .
و يا ريت تخبرني أخ أليكسيوس عالاتفاق (كبر معلاقي) :sm-ool-01:

[John of the Ladder]

....
بعدين يا عزيزي يوحنا السلمي بالزمان لما كانت الكنيسة تتعرض للمآسي كانوا ينزلوا الرهبان للمساعدة. شو هو كتاب منزل انو يكون خدام الرعايا متزوجيين؟ طيب شو اذا كان في نقص و ما منقدر نسدو؟ منستعين بصديق متل ما عم يصير؟
....

القديس أنطونيوس الكبير لم يخرج من ديره وقلايته إلا مرتين طول فترة رهبنته التي تعدت الـ 80 سنة. الراهب، تقليدياً، لا يخرج من الدير إلا في فترات الإضطهاد الديني والزيغان العقائدي للدفاع عن الإيمان. أنظر ماذا يقول الأسقف كاليستوس وير:
في القاعدة العامة، كاهن الرعية متزوج، ونادراً ما يجري تعيين راهبٍ كاهنَ رعية {في أيامنا هذه، يقوم العديد من الرهبان بوظيفة كهنة الرعية، لكن الكثيرين يأسفون لهذه المخالفة للتقليد}. ويتم اختيار الأساقفة دائماً من صفوف الرهبان {تلك هي القاعدة منذ القرن السادس على الأقل، لكن عرفت الكنيسة الأولى العديد من الأساقفة المتزوجين ومنهم بطرس الرسول}، علماً أنه بمستطاع الأرمل أن يصبح أسقفاً إذا اتخذ النذور الرهبانية. ليس من السهل، في وضع الرهبنة الحالي داخل الكنيسة الأرثوذكسية، العثور دائماً على مرشّحين صالحين للأسقفية. وقد ابتدأ بعض الأرثوذكسيين في التساؤل عما إذا كان يجب حصر اختيار الأساقفة من بين الرهبان. والحل ليس بالتأكيد في تغيير القاعدة الحالية التي تقضي بأن يأتي الأسقف من صفوف الرهبان، إنما الحل هو تقوية الحياة الرهبانية نفسها.

إذا كان يوجد نقص، نطلب من الرعية أن ترشح شخص متزوج وذوو سيرة حسنة للكهنوت.