أسلوب التعليم الحديث في سوريا... ان لا تستطيع مشاهدة اطفال يُضربون لا تدخل

[Alexius - The old account]

http://www.facebook.com/video/video.php?v=1551902713546

[رافي]

للأسف فالتوجيه عندنا هو لتطوير المناهج وهذا شيء جيد لكنه غير كاف، فالمناهج التي يتم تطويرها سنوياً لا تترافق مع تطوير أسلوب التدريس وآلية تطبيق المنهاج وعقلية المدرس بشكل عام، ما زلنا في نفس الحلقة... الاستاذ هو الموجه وهو مدرب الفتوة ولو اختلف اللباس

[Alexius - The old account]

ابو الراف لما شفت الفيديو تمنيت الارض تنشق وتبلع هالمعلمتين!
اطفال يالله عم ياكلوا قتلة رجال لا يتحملوها
الموضوع وصل للسيد وزير التربية واتصل مع السيد مدير التربية في حلب لمتابعة الموضوع.. بس قال بسبب عطلة العيد تعطلت المتابعة.. والله يستر ما تتعطل نهائياً...
http://www.dp-news.com/pages/detail.aspx?l=1&articleId=54013
http://www.dp-news.com/pages/detail.aspx?l=1&articleId=53694

[Georgette Serhan]

يا الهي كأن هالمعلمات كانوا عم يخدموا بمعسكرات النازية
نازلين جلد بهالاطفال بلا رحمة
طيب الوزارة مش سألانة بس وين الاهل؟
:sm-ool-19::sm-ool-19::sm-ool-19:

[Salwa]

التعليم على الأصول:

تاركين الوقت يضيع، بدل ما يعلموهن شي مفيد عم بضيعوا الوقت بالضرب. وجيل عم يتعلّم، وبقولوا من شو الجيل منزوع وعنده ثقافة عُنف :sm-ool-23:

الله يرحمنا

[برباره]

و لسى هالمعلمتين اللي بلا عقل و لا ضمير ولا رحمة ما بيعرفوا ليش الاولاد كسالى من كرههم للمعلمات و المدرسة
هيك معلمات بكرهوا الطلاب الدراسة و بيخلوهم يقرفوا الدرس
لازم عملية تعليم و تأهيل من اول وجديد لهيك معلمات
مع عدم احترامي للي مثلهم

[Dima-h]

شكراً أخ ألكسيوس عالفيديو......أنا ماما بحكم أنها معلمة منسمع منها أخبار بتشيب شعر الراس......ياما طلاب رجعوا على بيوتون جسمون مزرق ومورم وطبعاً نادراً ما ينسمع لشكوى الأهالي......هي مع العلم أنه في نسبة كبيرة بتخاف تقدم شكوى لأنها إذا ما مشي الحال بتتحطط المعلمة عالطالب وبتكرهو حياتو وهي المعلومة معروفة من زمان من أيام ما كنا صغار أنه المعلمة بس تحط الطالب ببالا.......اللللللللللللله يستر........والسلطات المسؤولة بغض النظر عن تغاضيا عن هالظاهرة يلي فعلاً منتشرة وأبسط جواب متل يلي ردوا بهي الحادثة.....بس بيضل أنه صار كتييييييييييير عالم بيكون ابنهم اللهم عافينا وعلى نقرة بيروحوا بيشتكوا.....يعني عم يروح الصالح بالطالح.....الفكرة حلها من الأساس بتهيئة المعلمين قبل ما يدخلون عالمدارس وما كل مين حمل شهادة صار اسمه دكتور
صلواتك

[wafaa elias]

حرام والله.
شو هالمهزلة؟
طيب وين الاهل ؟ كيف بيسمحولون يتصرفوا بهالبربرية؟
هالمنظر بيوقف الدم بالعروق. خرج هالمعلمتين يجربولون شي عصايتين قولكون بيتحملو الوجع يلي الاطفال داقوه؟

[Mayda]

التعرف على هوية المعلمتين اللتين ضربتا الطلاب في إحدى مدارس محافظة حلب (http://www.orthodoxonline.org/forum/threads/12461-%D8%A7%D9%84%D8%AA%D8%B9%D8%B1%D9%81-%D8%B9%D9%84%D9%89-%D9%87%D9%88%D9%8A%D8%A9-%D8%A7%D9%84%D9%85%D8%B9%D9%84%D9%85%D8%AA%D9%8A%D 9%86-%D8%A7%D9%84%D9%84%D8%AA%D9%8A%D9%86-%D8%B6%D8%B1%D8%A8%D8%AA%D8%A7-%D8%A7%D9%84%D8%B7%D9%84%D8%A7%D8%A8-%D9%81%D9%8A-%D8%A5%D8%AD%D8%AF%D9%89-%D9%85%D8%AF%D8%A7%D8%B1%D8%B3-%D9%85%D8%AD%D8%A7%D9%81%D8%B8%D8%A9-%D8%AD%D9%84%D8%A8)