جحود الإنسان

[يوحنا الرحيم]

لقد وصلتني هذه القصة القصيرة عبر الايميل فأحببت أن أتشاركها وإياكم لما تحمله من معانٍ جميلة بين السطور.

قرر إبليس أن يهجر الأرض.
فزع الناس كلهم للخبر و راحوا وصاروا يترجوه وقالوا له : أرجوك ما تروح ... وين رح تلاقي ناس مثلنا كذّابين ومنافقين وبدّن يروحوا عا جهنّم؟؟؟
فقال لهم: إبعدوا عني إنتوا ما بتستاهلو شي!!! الواحد منكم بيجيني شحاد حفيان وما معو ياكل. أنا أعلمه ودرّبه وأخليه يسرق وينصب ويحتال حتّى يعيش عيشة مثل الفلّ، ويغشّ حتّى يتخرّج بامتياز، ويزوّر بالإنتخابات ويرشي حتّى يطلع نايب أو رئيس وأوّل ما يقعد عالكرسي بتلاقيه معلق يافطه وراه مكتوب عليها:

'هذا من فضل ربي'
[/align]

اي اشتهيت شي مرة حدا يقول هذا من فضل إبليس.




فما رأيكم أخوتي الأفاضل بهذه القصة.


انتظر تعليقاتكم على الذي فهمتوه من هذه القصة.

[Mayda]

ليش في حدا بيقدر يكتب هذا من فضل إبليس؟

شكراً أخي يوحنا :smilie_:

[يوحنا الرحيم]

ليش في حدا بيقدر يكتب هذا من فضل إبليس؟

شكراً أخي يوحنا :smilie_:


شكرا لتعقيبك أيتها الأخت المديرة:

وإليك هذه النكتة:

مرة واحد بشع راح يخطب وحدة حلوة ومن كتر ما حكي ببيت العروس صرعو بالحكي لوالد العروس وهو عم يحكي عن نفسو وعن قديش معو مصاري وانو هو جمع كل هالمصاري لحالو وقلو كمان انو هو شخص صنع نفسه بنفسه قام والد العروس وعلى سبيل النكتة جاوبو: أنا والله من وقت شفتك حسيت إنك مو خلقة الله.

فشو رأيك !!!!!!!!!!!!!!!!!!!!!!!!!!

[لما]

مشكور اخ يوحنا عالقصة وعالنكتة الحلوة .


طبعا هادا من فضل ربه لانو ربه هو أبليس

( فعلا ابليس اثبت انو غبي لو فكر منيح بهالعبارة ما كان زعل) .


أما اللي بيكون المسيح ربه والهه رح يكون عرشه وكرسيه الحقيقي بقلوب المساكين .

(اذهب بع كل مالك واعط الفقراء فيكون لك كنز في السماء وتعال اتبعني حاملا الصليب) مر10 :21


انا برأي انو ابليس طفش من هالبشر مو لانهن ما بيعترفوا بفضلو.....
طفش بسبب حزنو لانهن طلعوا اذكى وأدهى منو أو لانو خاف شي حدا ينافسوا على عرشو .


صلواتك.

[Seham Haddad]

يا مسكين يا ابليس

:smilie (86):
يا حرامممممممممممممممم


شكرا اخي يوحنا على القصه

[مخائيل]

العبارة الصحيحة :


( هذا من فضل ربي أبليس )


بس لأنو أبليس دائما يسقط حتى لو كان سهواً