بعض الهموم والأسئلة

[Levon]

من المشاكل الكثيرة التي تحارب الشبيبة المسيحية اليوم هي مشكلة وجودنا في العالم، أعني أننا نحن شبيبة ملتزمون كنسياً، ولكن محاربون من كل جهة، على سبيل المثال: عندما كنت في المرحلة المدرسية، كثيرون كانوا يستهزئون بي لأنني ملتزم كنسياً، مع العلم أنهم مسيحيين مثلي مثلهم، ولكن بعيدون كل البعد عن الكنيسة، لدرجة أن أحداً منهم قال في إحدى المرات أنه يصلي من خلال الحفلات الراقصة: الparty، وهنا أنا لست ضد الرقص ولا الحفلات، ولكن طريقة تفكير شباب اليوم تافهة جداً، لدرجة أنهم يفكرون تفكيراً كهذا.
السؤال الذي يطرح نفسه..... كيف بإمكاننا أن نجعل هذا النوع من الناس قريبين من الكنيسة؟؟ أنا شخصياً يئست من الأخد والعطي مع هؤلاء الأشخاص... هل تصرفي صحيح أم خاطئ؟؟؟؟
أنتظر ردودكم وتعليقاتكم.

[Dima-h]

عندما كنت في المرحلة المدرسية، كثيرون كانوا يستهزئون بي لأنني ملتزم كنسياً، .
أخ ليفون هي ما بس مشكلتك الكل بيعاني من هيك، ويلي بيزعل أنه التعليقات بتجيك من المسيحية نفسهم يلي بيعتبروا الملتزم بالكنيسة واحد في بعقله شي:sm-ool-20:


السؤال الذي يطرح نفسه..... كيف بإمكاننا أن نجعل هذا النوع من الناس قريبين من الكنيسة؟؟ أنا شخصياً يئست من الأخد والعطي مع هؤلاء الأشخاص... هل تصرفي صحيح أم خاطئ؟؟؟؟.
نحن منخلي الناس يقربوا من الكنيسة بتصرفاتنا وقت بيشوفونا عم نتغير للأحسن بوجودنا بالكنيسة.
الغلط بس أنه نيأس
صلواتك

[Paraskivy]

أخ ليفون هي ما بس مشكلتك الكل بيعاني من هيك، ويلي بيزعل أنه التعليقات بتجيك من المسيحية نفسهم يلي بيعتبروا الملتزم بالكنيسة واحد في بعقله شي


أختي ديما معك حق لا ومو بس هيك الكل منون بيعتقد انوا اللي ملتزم كنسيا آخرتوا يا راهب او كاهن او راهبة




من المشاكل الكثيرة التي تحارب الشبيبة المسيحية اليوم هي مشكلة وجودنا في العالم


انا عندي سؤال تاني بضيفو ع اسئلة أخ ليفون انوا نحن وبالعالم كيف فينا انعيش مسيحيتنا صرت عبشوف حتى المجتمع المسيحي هو ادانة ومصالح وثرثرة ومافي اي نوع من المحبة وين ايمانا ؟؟؟ وين مسيحيتنا اذا عمنتصرف هيك ؟؟؟ وشو فينا نعمل وكيف فينا انطبق شي من مسيحيتنا بهل مجتمع أو حتى ببيوتنا ؟؟؟؟؟؟






نحن منخلي الناس يقربوا من الكنيسة بتصرفاتنا وقت بيشوفونا عم نتغير للأحسن بوجودنا بالكنيسة


يا ترى اختي ديما نحن عمنتغير للاحسن او عمننجرف مع العالم بالادانة والغضب والحقد اوكي الكل موجود بالكنيسة وتصرفاتو منيحة بس هو بالبيت عبيتصرف متل تصرفاتو المثالية بالكنيسة ؟؟؟؟

[Seham Haddad]

Levon,Dima-h,Paraskivy
كل ماتقدمتن به صحيح
هيدي المشكله بعاني منها المسيحين المتمسكين بايمانهم وكنيستهم
اقولها وانا حزينه ان هناك من كانوا متمسكين ولكن بضغظ الاخرين تراخوا في حياتهن شيئا فشيئا
اذكر ان هناك كان شخصا كان يتألم ويبكي بسبب كلام الاخرين عنه وكل يوم يسمع قصه جديده عنه وممن يسمع :smilie_ (13):من اقرب الناس اليه
كم هذا محزن


انا عندي سؤال تاني بضيفو ع اسئلة أخ ليفون انوا نحن وبالعالم كيف فينا انعيش مسيحيتنا



الانسان المسيحي صار بوجهين تصرفه بالكنيسه شئ وبالبيت ومع المجتمع شئ تاني
اي انه لا يوجد تناغم داخلي بين النفس والجسد



صرت عبشوف حتى المجتمع المسيحي هو ادانة ومصالح وثرثرة ومافي اي نوع من المحبة وين ايمانا ؟؟؟ وين مسيحيتنا اذا عمنتصرف هيك ؟؟؟ وشو فينا نعمل وكيف فينا انطبق شي من مسيحيتنا بهل مجتمع أو حتى ببيوتنا ؟؟؟؟؟؟

اما الحل :
ان لم يكن هناك اصلاح داخلي عند الانسان فكيف علينا ان نصلح الاخرين !!!!؟؟؟؟؟


يا رب ارحمني

[Salwa]

بالفعل هاي المشكلة مشكلة أشخاص كتار, و هي مشكلة عنجد مزعجة

وأحياناً مش أي مسيحيين بكونو مصدر الازعاج لا بل بكونو من الأهل. بس طبعاً نحنا مش رح نكون أحسن من النبي أيوب يللي أقرب المقربين الو كانو عم بحاولو يرجعو عن ايمانو بالرب.

يمكن كل اللي فينا نعملو انو ندير الدينة الطرشة متل ما بقولو :sm-ool-07:لحد ما نكون حضرنا حالنا للمواجهة:sm-ool-21::sm-ool-27:بس الودية أكيد لنشرحلن وجهة نظرنا


المهم انو نحنا على قد ما منقدر و أكتر نضل متمسكين باللي بيفرضو ايمانّا بالرب , و هو أمر صعب هالأيام, بس ما إلنا غير سبيل و نصلي لكل اللي بيضطهدونا.

الرب يقوينا بهالزمن الصعب و يساعدنا على الثبات بطريقو للنهاية...أمين:sm-ool-22:

[wafaa elias]

(اقتباس)
وكل يوم يسمع قصه جديده عنه وممن يسمع http://www.orthodoxonline.org/forum/images/smilies/smilie_%20(13).gifمن اقرب الناس اليه



شو بعد فيني قول .
يا شباب حكيتو كل شي.
بعد بدنا حل للمشكلة .
ساعدونا منترجاكون.
ما اصعبها لما بيكون النقد عكسي ومرتجع ومن اقرب المقربين حتى ولو على سبيل المزح.:sm-ool-14::sm-ool-14::sm-ool-14:

[Paraskivy]

بعد بدنا حل للمشكلة .
ساعدونا منترجاكون
لازم حدا من الآباء يدخل ويعطينا رايو ........


اذكر ان هناك كان شخصا كان يتألم ويبكي بسبب كلام الاخرين عنه وكل يوم يسمع قصه جديده عنه وممن يسمع http://www.orthodoxonline.org/forum/images/smilies/smilie_%20%2813%29.gifمن اقرب الناس اليه
كم هذا محزنللاسف اختي سهام هادا شي طبيعي هالكلام كل يوم منسمعو ومن اعز رفقاتنا يلي نحن معهون صرلنا سنين انا براي منصليلون وهادا اهم الشي لانوا مارح نوصل لنيتجة معهم ابدا

[Levon]

بدي ارجع ورد عليكن كلياتكن، هلأ على سبيل المثال، نحن داخل الكنيسة ممكن يكون فينا نوعين من الناس، ناس بيحضروا كل الصلوات وما بيتركوا صلاة الا وبيحضروها، والقسم التاني جايي عالكنيسة، ببساطة منشان جو اجتماعي حلو، أخت بارسكيفي: وقت ما بتقولي انو الثرثرة والحكي الفاضي انتقل عالكنيسة هاد حكي كتير صحيح، ومو بس هيك، صرنا عم نشوف جوات الكنيسة، وحتى جوات الفرقة الوحدة انقسامات على أساس (القيل والقال)، وجماعة تانيين ما بهمن غير يملوا برنامج على مدار السنة، فمنطلع من نشاط منصير برحلة، منطلع من رحلة منصير بمخيم، منطلع من مخيم منصير بمهرجان، وطبعاً فوق كل هالزحمة يا بينجحوا يا ما بينجحوا، ومن جهة تالتة ناس بيطلعوا بدن يخلوا الاولاد يقروا كتاب السلم إلى الله، يللي بيجوز نحن ما نفهمه، ومن جهة رابعة وفوق كل شي بيجوا عالم كرمال بنات، والمصيبة الكبرى انو فوق كل هالقصص والمشاكل بدنا نتم برؤوسنا، لك والله شي بشيب الراس:sm-ool-23:، بس مع ذلك بتتم الكنيسة بكل قصصها ومشاكلها مرجعنا بكل شي، فأنا بسهولة فيني اتعامل مع جماعة النشاط أو جماعة البنات أو جماعة الكتاب والقلم، أو جماعة الرهبنة، بس لا تقولولي اتعامل مع ناس ما بيعرفوا شو يعني الكنيسة، ويللي ببلش يومن الساعة 2 الضهر، وبيقعدوا عالنت وأكيد لأسباب (شريفة)، بعدين بيطلعوا من البيت الساعة 7، بيروحوا عالعزيزية والموغامبو(رح حاول حط أسماء مماثلة لأخوتنا من باقي المحافظات: يعني القصاع والشعلان بدمشق، الأميركان باللادئية، الأشرفية ومونو ببيروت،) بما معناه التجمعات الشبابية في المدن، بعدين بروحوا على نوادي البلياردو يللي بينطرح عليها إشارات الاستفهام، وبالليل الله أعلم وين هنن، فيا أخوة، بعد كل هالحكي بدكن ياني ما جن؟؟؟؟؟؟؟
وبالنهاية بثني على كلام الأخت سهام وبقول انو إذا الواحد ما بلش من حالو، فشي أكيد ما رح ينتقل للآخرين....

[Alexius - The old account]

فأنا بسهولة فيني اتعامل مع جماعة النشاط أو جماعة البنات أو جماعة الكتاب والقلم، أو جماعة الرهبنة، بس لا تقولولي اتعامل مع ناس ما بيعرفوا شو يعني الكنيسة
اخي ليفون بتعتقد أن الأصحاء بحاجة إلى طبيب؟ ام المرضى؟


بعدين بيطلعوا من البيت الساعة 7، بيروحوا عالعزيزية والموغامبو(رح حاول حط أسماء مماثلة لأخوتنا من باقي المحافظات: يعني القصاع والشعلان بدمشق، الأميركان باللادئية، الأشرفية ومونو ببيروت،)
:sm-ool-04::sm-ool-04::sm-ool-04:
ملعوبة هي شرح المفردات :sm-ool-02:

اخي ليفون هلأ انتوا هالكام شخص اللي من جيلك بعتقد لازم تجتمعوا لحالكون مع كاهن موثوق فيه وتكون نواة عمل..
والسيد لم يقل عبثاً: يروا أعمالكم فيمجدوا آباكم الذي في السماوات.
فلهيك مالازم نيأس لأنه لو فسد الملح فبماذا يُملّح؟

بس ننتبه من الانزلاق.. بمعنى:
اثناء محاولتنا إصلاح الآخرين لا ننزلق معهم ونفسد أنفسنا.. وانا عم أعطيك عن خبرة شخصية.
لما بتشوف انك انت ومجموعتك غير قادرين على التأثير ابتعدوا واستخدموا فقط سلاح الصلاة لأجلهم لئلا تفقدوا سلامكم وخلاصكم. لأن فاقد الشيء لا يعطيه.

اشتركوا بالنشاطات الاجتماعية وحاولوا تعملوا نشاطات خاصة فيكم. الاجتماعية وليست الترفيهية.
واهم شي مانخجل بأننا نحمل ربنا يسوع المسيح للناس..
جمعوا حالكون وماتبقوا مشتتين لأنو ايد لوحدا مابتصفق.. وكل ما اجتماع اثنان باسمه، الرب يسوع، يكون هو بينهم.

شو اخبار المفاضلة اخي ليفون؟
صلواتك

[Dima-h]

ناس بيحضروا كل الصلوات وما بيتركوا صلاة الا وبيحضروها
يا أخ ليفون أكيد يلي بيحضر الصلوات بيكون شي كتيير منيح بس يمكن هادا طبع مامنيح فيني بس بتوقع صح أنه عندي اعتقاد ما ضروري كل يلي بيحضروا الصلوات وما بيتركوها بيكونوا عنجد جايين يصلوا حتى يلي عالجوقة مثلاً أخطر شي أنا صير رتل بس لأنه العالم يشوفوني أنا عم رتل وصرت شغلة عظيمةيعني مانها مقياس


أخت بارسكيفي: وقت ما بتقولي انو الثرثرة والحكي الفاضي انتقل عالكنيسة هاد حكي كتير صحيح، ومو بس هيك، صرنا عم نشوف جوات الكنيسة، وحتى جوات الفرقة الوحدة انقسامات على أساس (القيل والقال)
الحكي والثرثرة هي شغلة عادية وموجودة بس ماكانت متفشية بهالشكل وإلا كل المشاكل يلي بتصير من شو؟؟؟
أما على صعيد فرقة فهي المشكلة بتعود لطبيعة الأشخاص وتربيتهم وهي ما فينا نعملها متل ما بدنا بس منحاول نخففها. والانقسامات فهي ألنا ولشطارتنا كيف منتفاداها وإذا صارت وهي مابدي قول شغلة طبيعية بس كتير ممكن تحصل فنحن إذا في محبة منخلص منها وإذا مافي محبة فليش عم نعمل فرقة!!!!!!!!




، وجماعة تانيين ما بهمن غير يملوا برنامج على مدار السنة، فمنطلع من نشاط منصير برحلة، منطلع من رحلة منصير بمخيم، منطلع من مخيم منصير بمهرجان، وطبعاً فوق كل هالزحمة يا بينجحوا يا ما بينجحوا
ومن جهة تالتة ناس بيطلعوا بدن يخلوا الاولاد يقروا كتاب السلم إلى الله، يللي بيجوز نحن ما نفهمه،

كمان هي الشغلة مانها مقياس وأقرب مثال أنت بتعرفه هو أنا وبتوقع بتعرف أنه ملحقة على كل شي ممكن كلنا يكون في شوية تقصير أحياناً بس منخطاه يعني أنت قلت بموضوعك عن البكالوريا أنه بما معناه ماضروري نحبس حالنا. هلق في حالات بقلك استثنائية بس هدول هنن ما بيكون حاطين بعقلون ينجحول وإذا بيجوا عالكنيسة فنحن مامنكون بموقع تقييم لألهم.
وبخصوص السلم فكمان نحن مانا بموقع تقييم للأشخاص وهي شغلة مالنا علاقة فيها وما بتأثر عالكنيسة لأنه يلي رح ينصح ولده بالسلم أولاً رح يكون قريانه تانياً بيكون بيعرف ابنه إذا بيقدر يقراه أو لأ فما بتكون مشكلة

بس لا تقولولي اتعامل مع ناس ما بيعرفوا شو يعني الكنيسة، ويللي ببلش يومن الساعة 2 الضهر، وبيقعدوا عالنت وأكيد لأسباب (شريفة)، بعدين بيطلعوا من البيت الساعة 7، بيروحوا عالعزيزية والموغامبو بما معناه التجمعات الشبابية في المدن، بعدين بروحوا على نوادي البلياردو يللي بينطرح عليها إشارات الاستفهام، وبالليل الله أعلم وين هنن،

أخ ليفون بعرف أنه عم أطلعلك بكل نقطة بشغلة بس هالمرة ما اتفقنا
موضوع تعاملك مع الأشخاص هي شغلة كتيير شخصية فيك وبتتعلق فيك وبطبعك وبطبع التانيين
أما تصرفاتون فبما أنها من حكيك خارج الكنيسة فلا أنا ولا أنت منقدر نحكي طالما ما عم تأذي الكنيسة وقصة تعاملنا معون ماألها علاقة بالكنيسة لأنه ما فيني أجبرهم يتكون اهتماماتهون متل اهتماماتي
وقصة نوادي البلياردو يلي ذكرتها فوقت منذكرها مرتبطة بهدول الناي حتى لو كان عنجد فمنكون بشكل من الأشكال عم نسيء لأخلاقهم وهنن بالنهاية أخوتنا وحتى لو ما اتفقنا مهون


بعتذر ما اتفقنا أنشالله بالنهاية نوصل لرأي مشترك
صلواتك

[Levon]

شو اخبار المفاضلة اخي ليفون؟
صلواتك
عمبقولو الاسبوع الجاي

[Maximos]

شكر كبييييييييير لإلك حبيبنا ليفون .. :sm-ool-10: .. :sm-ool-30: .. :sm-ool-05:

فعلا ً هالأزمة كلللللنا منعاني منها ..

يمكن من ضمن الحلول الموجودة في عبارتين تعلـّمتهن من فلم أثّرو فيني كتير :

Be you

talk hard

كن أنت = كما أنت .......... + تكلـّم بقوّة .. بس أكيد مو بعنف ..

الأولى بعتقد واضحة .. أما التانية يمكن بدها شويّة توضيح :

الفرق بين القوة و العنف : القوة نابعة عن ثقة و محبة ... و العنف ناتج عن محاولة تغطية ضعف ( يعني بعكس الثقة ) و عن عدم أو قلة محبة ..

و الثقة بتنتج عن المعرفة .. ما رح تكون واثق من الفكرة اللي رح تدافع عنها إذا ما كنت على معرفة كبيرة فيها ..



طبعا ً في ملاحظة مهمة : التكلم بقوّة إلو أوقات مناسبة .. و مع أشخاص مناسبين ..
يعني قبل هالشغلة بدّو الواحد يقدّر إذا هيك بينفع أو غير طريقة ..


و طبعا ً هالكلام ما بينفي الطرق التانية .. متل طريقة ( الإدن الطرشا ) .. و بيجوز التضحية ببعض الإشيا أحيانا ً ..

الموضوع بالفعل شائك كتير ..

و بعتقد أفضل حل للموضوع بالكامل إنو الواحد يكون عندو أب روحي بيتولى إرشادو و مساعدتو ليعرف كيف يتصرف ..

خصوصا ً إنو نحنا عم نحكي عن مؤمن أرثوذكسي .. و من أهم دعامات الحياة الروحية الأرثوذكسية هوّي وجود الأب الروحي الجيد ليرشد نفوسنا ..

[samer hazim]

لازم نكون نحنا مثال صالح أولاًَ .

[Levon]

أنا برأيي الحل لموضوعنا هو انو نكون كلياتنا كجماعة واحدة داخل الكنيسة، ونفرجي التانيين عن الحياة الجماعية داخل الكنيسة، وكيف نحن بعاد عن المشاكل يللي مالها طعمة، بس طبعاً إذا بدنا هاد الشي يصير، بدنا نبلش من أنفسنا، ونشوف شو مشاكلنا وأخطاءنا ونتفاداها بالمستقبل، ونحاول نكون "انجيل ناطق" وطبعاً هاد أبداً مانو شي سهل، ولما نبلش عالقليلة نخطي خطوة لقدام، فينا نكون جماعة كنسية قدر الإمكان فيها جو محبة، ولما البقايا بيشوفونا بهالمحبة، شوي شوي رح يشوفو انو نحن الصح، بس أكيد هاد الشي بدو يمشي ببطء، لأنو نحن ما فينا نقول للشخص يللي ما بيعرف يصلي غير الأبانا، تعا حضار سهرانية، ولا للشخص يللي ما بيعرف تراتيل القداس نقللو تعال رتل terirem، بالنهاية، لما نحن نبلش نحقق، ولو شي بسيط من المدينة الفاضلة، فأكيد هاد الشي رح يجذب كتيييير نااااااس، وطبعاً المدينة الفاضلة ما رح تكون غير بالصلاة والعمل معاً. صلواتكم

[Maximos]

كلام من ذهب حبيبنا ليفون .. :sm-ool-08:

أحد الآباء الكهنة قللنا مرّة :

كيف برأيكم الكنيسة انتشرت بالقرون الأولى ؟؟
كان تجي عيلة أو مجموعة عيل .. و يسكنو بالمنطقة ( مدينة أو قرية .. الخ ) ..
و كان بقية الناس يلاحظو قديش في محبة بينهم و بين بعض من جهة .. و قديش محبتهم للباقيين من جهة تانية ..
و كانو يشوفو كيف حياتهم و يبحثو عن سبب هالتميّز ..

و هيك كانو يكتشفو إنو السبب هوّي عيشهم لمسيحيتهم ..
فكان يصير عندهم قبول مبدئي للمسيحية من قبل ما يعرفوها مزبوط ..

و هيك كانو يقبلوها بسهولة أكبر لما يتعرفو عليها مزبوط ..

[wafaa elias]

:sm-ool-09:(اقتباس)

و هيك كانو يكتشفو إنو السبب هوّي عيشهم لمسيحيتهم ..

لان الرب يطالبنا بأن نكون مثالا"صالحا"فكما اننا مثال لابنائنا هكذا نكون بالنسبة للاخرين في كل الامور ليس فقط الامور الدينية بل الدنيوية ايضا".
أخي مكسيموس جبت الفائدة.:sm-ool-09:

[micheal]

يا اخي الكريم كلامك صحيح عن الحثرثرة والادانة وعدم المحبة في المجتمع المسيحي
خاصة عندما يكون الأمر في مدارس الأحد والمسؤولين عنها فتشعر بأن كل مرشد قيادي او ذو مسؤولية كبيرة (مسؤول مركز - فرع أو عضة في المركز) يعاملك كانه فوق الجميع

[Maximos]

شكراً لمشاركتك حبيبنا ميشيل ..

بالحقيقة .. من لما قريت المشاركة عرفت إنك من اللادقية .. و تأكدت من صندوق المعلومات ( اللي تحت الاسم ) ..

كوني صهر اللادقية صار عندي اطلاع - نوعاً ما - على الوضع .. و كلامك صحيح .. و خصوصاً بالفترة اللي مضت ..

يمكن هللأ أقل شوي .. بس بعدها الرواسب موجودة .. أللـه يرحمنا .. و المهم هالجيل اللي عانى من هالموضوع يتعلم منو مشان يصيروا مرشدين بدون هالنزاعات .. و حزب فلان و حزب فلان .. و بدون ما الواحد يفكر حالو ( وصل لملئ قامة المسيح ) .. و هيك بيكون العطاء أفضل ..

[micheal]

يمكن هللأ أقل شوي .. بس بعدها الرواسب موجودة .. أللـه يرحمنا .. و المهم هالجيل اللي عانى من هالموضوع يتعلم منو مشان يصيروا مرشدين بدون هالنزاعات .. و حزب فلان و حزب فلان .. و بدون ما الواحد يفكر حالو ( وصل لملئ قامة المسيح ) .. و هيك بيكون العطاء أفضل .

شكرا اخ مكسيم على الرد وانا صحيح من اللاذقية
لكن للأسف المور تزداد ولا تقل
و اعجبني كلامك (ما حدا يفكر حالو وصل لملئ قامة المسيح)
يا ريت القياديين عنا يفكروا هيك...