الأخت باراسكيفي في كرسي الاعتراف

[Nahla Nicolas]

حلوى كتير الفكرة
ومتفقين انو باراسيكفى اتكون اول الضحية بكرسي الاعتراف رح بلش بكم سؤال

1- اكتر ايه بتحبها وبتعتبرها شعار لحياتك
2- هواياتك
3- طموحك
4- ماذا يمثل لك المنتدى
5-كيف تعرفتي على المنتدى
بكفي لليوم

[Paraskivy]

ممممممممممممممممممممممممم ممممم انا نزلت الموضوع وانا اللي علقت يا سلاااااااااااااااااام
(من حفر حفرة لاخيه وقع فيها ) :sm-ool-02::sm-ool-02::sm-ool-02::sm-ool-02::sm-ool-02:


طيب انا جاهزة لاسئلتكم بس لاتنسوا انتوا جاييكون الدور
:sm-ool-09::sm-ool-09::sm-ool-09::sm-ool-09::sm-ool-09::sm-ool-09::sm-ool-09::sm-ool-09::sm-ool-09::sm-ool-09:


أختي نهلا أهلا وسهلا فيكي وباسئلتك :sm-ool-05::sm-ool-05::sm-ool-05:


1- اكتر ايه بتحبها وبتعتبرها شعار لحياتك

تمام هنن اتنين
الاولى : تعالوا الي ياجميع المتعبين والثقلي الأحمال وانا اريحكم
التانية من المزمور : طلبت إلى الرب فاستجاب لي ومن جميع مخاوفي نجاني



2- هواياتك

هلا ما بعرف اذا كانت هي بتعتبر هواية بس اوكي أنا بحب التطريز عالإيتامين وبحب شغل الخرز
المطالعة في اغلب الاوقات بس مو ديما



3- طموحك

طموحي انوا كوّن عيلة مسيحية مع إنسان مؤمن ونشكر الله اللي بعتلي ياه

4- ماذا يمثل لك المنتدى

عيلتي التانية :sm-ool-10:



5-كيف تعرفتي على المنتدى

انا اول شي كنت مشتركة بمنتدى سيرافيم واتعرفت عالمنتدى من خلال شب معنا بالفرقة بالكنيسة وهو مشترك معنا بالمنتدى واسمو سمعان بس هلا ماعاد يدخل لانوا صار مبتدئ بدير مارجرجس صيدنايا صلواتو تكون معنا

[برباره]

باراسكيفي لما كنت بحلب ما حصلي الشرف اتعرف عليكي عن قرب و لما هلا انا بعيدة و ما بقدر للاسف
ارجع بتمنى اتعرف عليكي و على عيلتك المستقبلية و اكون معكم واحدة من عيلة المنتدى
يمكن ما عم اقدر اتواصل معكم بسبب مشكلة بكومبيوتري عم يخجلني بكتير من الاوقات بس بصلي انه
تتفهموني
بربارة

[Joyce]

هو بما أنى أنا اللى ورطتك فى الموضوع ده يبقى لازم أستغل فرصتى أسوأ استغلال :smilie (139)::sm-ool-13:
1- أشيائك المفضلة: اللون المفضل، و الأكلة المفضلة و الوقت المفضل من اليوم (فجر، صباح، غروب...) و المنظر الطبيعى المفضل (الثلج، البحر، الخضرة....)

احنا كده لسنا بنقول يا هادى :sm-ool-13:

2- بما أننا زى بنات زى بعضينا:
- إيه العيب اللى بتشوفيه منتشر بين الشباب المسيحى حاليا ؟ (و شباب المنتدى بصفة خاصة) :sm-ool-07:
- و إيه الكلمة اللى تحبى توجهيها لهم؟ (أيوة معاكى الميكروفون :sm-ool-02:)

3- لو شفتِ موقف خطأ فى رعيتك، إزاى تتصرفى؟ هل تتجنبين الخوض فى الموضوع أم تتدخلين مباشرة أم تتكلمى مع كاهن الرعية و لا إيه ؟؟؟

4- إيه الحاجة اللى مش موجودة فى الكنيسة حالياً (سواء على مستوى رعيتك المحلية أو على المسيتوى العام للكنيسة) و فى رأيك أنه لازم تتوجد؟

5- بالنسبة لباراسكيفى: إذا كنت دخلت فى حوار مع أحد الأشخاص المختلفين معك فى الرأى إمتى تقررى أن الحوار مع هذا الشخص انتهى؟

6- إيه الأسباب اللى خليتك تقبلى بمهمة الإشراف بالرغم أنها تتطلب وقت كبير فى متابعة المشاركات؟ و هل مر عليك مواقف محرجة فى المنتدى كمشرفة؟



أنا بأقول كفاية عليكِ كده دلوقتى عشان ماتطخنيش بالنار :smilie (12):
(طبعاً مش محتاجة أقولك أنه أى سؤال أنتِ مش حابة تجاوبيه مفيش أى مشاكل....عشان بس تعرفى قلبى الطيب :sm-ool-02:)

[Georgette Serhan]

أختي باراسكيفي سلام المسيح يكون معك دايما''
أنا كمان راح إتركلك حرية الأجوبة
١ـ شو أول كلمة بتقوليها أول ما تفتحي عيونك؟
٢ـ شو آخر كلمة بتقوليها قبل ما تنامي؟
٣ـ هل تعطي فرصة لمن أساء إليك حتى ولو كانت إساءته جارحة؟
٤ـ كيف تتصرفين إذا وجدت في مكان واحد مع شخص أساء إليك وتقدم نحوك للسلام؟
٥ـ هل أنت من المؤمنات بأن ألغد نهارُ جديد مليئ بالأمل رغم خلو ألحاضر منه؟

[الأب نقولا]

عزيزتنا بارسكفي في كرسي الإعتراف
شو رأيك أترك الخيار إلك، وتعترفي إنت بكم كلمة
وتخبرينا عن حالك بكلمات قليلة...
لأنو الشباب والصبايات البركة مو مقصرين أبدا بالأسئلة
مع محبتنا لك

[Paraskivy]

اهلين اختي جويس والله استغليتي الفرصة منيح بس معليش جايكي الدور :smilie (139)::smilie (139)::smilie (139):


أشيائك المفضلة: اللون المفضل، و الأكلة المفضلة و الوقت المفضل من اليوم (فجر، صباح، غروب...) و المنظر الطبيعى المفضل (الثلج، البحر، الخضرة....)

اللون المفضل : الاسود
الأكلة المفضلة : كل شي بيخص الفروج واذا بدك شوي كمان رح طير
الوقت المفضل : الصبح لانوا بكون لحالي وبكون الجو رواء
المنظر الطبيعي المفضل : منظر البحر وقت الغروب او فيكي تقولي الغروب


- إيه العيب اللى بتشوفيه منتشر بين الشباب المسيحى حاليا ؟ (و شباب المنتدى بصفة خاصة)


الشباب طبعا قصدك الشباب والبنات
الشباب عدم تحمل مسؤولية الحياة والشباب العاطل عن العمل
البنات الاستهتار واللباس الغير لائق
شباب المنتدى مافي شي ( بس بدنا يشاركو اكتر ويحركوا المنتدى اكتر ونتعرف عليون ويتعرفوا علينا اكتر )



- و إيه الكلمة اللى تحبى توجهيها لهم؟ (أيوة معاكى الميكروفون :sm-ool-02:)/


انوا نتشبه بالمسيح اللي خلقنا عصورتو ولو بشي بسيط




- لو شفتِ موقف خطأ فى رعيتك، إزاى تتصرفى؟ هل تتجنبين الخوض فى الموضوع أم تتدخلين مباشرة أم تتكلمى مع كاهن الرعية و لا إيه ؟؟؟

هلا ممكن ادخل بالموضوع اذا كنت واثقة من حالي انوا فيني قدم شي بس اذا لا طبعا بحكي مع كاهن الرعية وهو بيتصرف او بتصرف بلي بقلي عليه كاهن الرعية



- إيه الحاجة اللى مش موجودة فى الكنيسة حالياً (سواء على مستوى رعيتك المحلية أو على المسيتوى العام للكنيسة) و فى رأيك أنه لازم تتوجد؟


المحبة والخدمة


- بالنسبة لباراسكيفى: إذا كنت دخلت فى حوار مع أحد الأشخاص المختلفين معك فى الرأى إمتى تقررى أن الحوار مع هذا الشخص انتهى؟


لما بوصل لمرحلة هادا الشخص ماعاد يتقبل مني شي او حتى ماعاد يتقبل اي كلام بقولوا انا هون بضل على راي وبحترم رايو


إيه الأسباب اللى خليتك تقبلى بمهمة الإشراف بالرغم أنها تتطلب وقت كبير فى متابعة المشاركات؟ و هل مر عليك مواقف محرجة فى المنتدى كمشرفة؟

السبب اللي قبلت الاشراف فيه هو الحب لهل عيلة اللي علمتني كتير علمتني شغلات ماكنت بعرفا ومواقف محرجة لا ابدا

بتمنى كون اقدرت وصل الاجوبة عالاسئلة اللي سألتيني ياها

[Paraskivy]

أهلا وسهلا اختي جورجيت نورتي



١ـ شو أول كلمة بتقوليها أول ما تفتحي عيونك؟

مرحبا ماما


٢ـ شو آخر كلمة بتقوليها قبل ما تنامي؟

باي


٣ـ هل تعطي فرصة لمن أساء إليك حتى ولو كانت إساءته جارحة؟

اي بعطيه فرصة لانوا ماحدا مننا معصوم عن الخطأ



٤ـ كيف تتصرفين إذا وجدت في مكان واحد مع شخص أساء إليك وتقدم نحوك للسلام؟

بسلم عليه هادا السؤال فيني شبهو بلي قبلو لانوا ماحدا معصوم مننا عن الخطا


٥ـ هل أنت من المؤمنات بأن ألغد نهارُ جديد مليئ بالأمل رغم خلو ألحاضر منه؟

اي طبعا بس فيني قلك نحن اللي منصنعو جديد لانوا الغد لا يحمل جديد

[مارى]

أهليييييييييييييييييييين بارسكيفى .... أنا راح أسألك أسئلة خفيفة :sm-ool-05:...... مو راح تقل :sm-ool-29: عليكى


ما الحكمة التى تؤمنين بها ؟ :sm-ool-08:
من مثلك الأعلى .. و لماذا ؟ :sm-ool-07:
إذا ربحتى المليون .... شو راح تسوى ؟ :sm-ool-17:
إذا ذهبتى لحفلة تنكرية ...... بأى شخصية تتنكرين ؟ :sm-ool-24:

و بما إنك تحبين أكل الفراخ ..... إليكى وصفة جديدة مكافأة ليكى :sm-ool-04::sm-ool-04::sm-ool-04::sm-ool-04::sm-ool-04:

شوفى يا بارسكيفى :sm-ool-10: .... قومى بسلق فرخة ثم إخليها :sm-ool-02:
بعد كدا أفرميها مع إضافة ملح - فلفل - بهارات
حضرى كوباية كريمة (باشاميل) بس تكون سميكة شوية (يعنى كترى فيها الدقيق) :sm-ool-21:
ثم قومى بخلطها مع الفراخ :sm-ool-09:
بعد كدا أصنعى كورات صغيرة و دحرجيها فى البيض و البقسماط
ثم قومى بقليها فى الزيت
و بالهنا يا باراسكيفى .... و تصبحى على خير:sm-ool-15:

[ميلاد شحادة]

ياجماعة حاسس راح يصير اسم منتدانا (منتدى الشابات الأرثوذكسيات)وين الشباب
سلام الرب يبارك أيامك أخت باراسكيفي أسئلتي
هدفي من سؤالي هو أخد البركة من تجاربك:
1_كيف كان شعورك أول مااتعرفتي على السيد المسيح بشكل فعلي؟

2_كل انسان منا بتعرض لنوبات غضب انت وقت ماتعصبي شو بتعملي من شان تخرجي من مصيبتك؟
3_وقت ما تحسي انو بالهدف للي عم تمشي في نفترض أنو للروحانيات وحسيتي حالك حاملة السلم بالعرض شو بتعملي تمشي مع التيار ولا بتختاري تضليكي ماشية بالسلم بالعرض؟
4_وقت ماتحسي حالك انو الخطيئة لابستك لبس وعم تأثر على كل مجريات حياتك وكل ماتلجئي للمسيح بتحس الأمور بتصعب عليكي شو بتعملي؟
5_والسؤال التاني ليش لما بتجي عالشام مابتخبري انك جاي؟ربي يبارك أيامك ويبارك كنيستك الجديدة وتحسني تعمريها بخير ومحبة على الصخر

[Salwa]

سلام الرب معك أختي بارسكسفي:sm-ool-05:

الفكرة حلوة و هيك فينا بعائلة المنتدى نتعرف على بعض أكتر

أنا كمان بحب الفروج كتير , يعني لازم تعلميني على كم وصفة:sm-ool-01:



1- شو بتعنيلك الكنيسة الأرثوذكسية؟

2-كيف بتقارني حياتك قبل و بعد ما اتعرفت على الشبكة الأرثوذكسية الأنطاكية ؟

3- لما تحسي إنك في ضيق, شو بتعملي؟

[Paraskivy]

أختي بربارة صح ما سبق واتعرفت عليكي بحلب وهلا انتي بالغربة بس انا بقلك اهلا وسهلا فيكي بيبيتك وبعيلتك التانية وانت ظبطي الكومبيوتر ونحن معك وانت عضوة مننا وفينا

[Paraskivy]

ابونا العزيز نقولا يمكن لو سألتني شي سؤال كان اسهلي
بس هلأ فيني عرف عن حالي بكم كلمة
عمري 21 سنة
انا عبدرس طالبة إدارة أعمال وانشالله السنة تخرج
أنا البنت الكبيرة بالبيت وعندي اختي عمرا 4 سنين
بحب الحياة بس جنب الشخص اللي بحبو ويلي الرب حطلي ياه بدربي والفضل لله وللمنتدى
علاقتي بالكنيسة منيحة وواثقة انوا الرب ما بيتخلى عننا لو شو ما صار فينا

انشالله كون قدرت عرفت عن حالي بكلمات قليلة متل ما طلبت
صلواتك وبركتك تكون معنا

[Joyce]

ماشى يا أخت باراسكيفى...:sm-ool-01:

بما أن الأسئلة انهالت و تراكمت عليكِ أنا هأكتفى بسؤال إضافى واحد و ابقى جاوبيه فى الآخر...


مين الشخصية اللى قريتى أو سمعتى عنها و تتمنى تقابليها و تتعرفى عليها يوماً ما من الأيام؟

[Paraskivy]

أهلييييييييييييييين مروووووووووش اسئلتك حلوة ومهضمومة متلك



ما الحكمة التى تؤمنين بها ؟ :sm-ool-08:

التأجيل تفشيل او لاتؤجل عمل اليوم الى الغد


من مثلك الأعلى .. و لماذا ؟ :sm-ool-07:

أهلي ، بصبرون وتحملون على التجربة اللي مرت عليون وهي وفاة اخي


إذا ربحتى المليون .... شو راح تسوى ؟ :sm-ool-17:

بستفاد منون بحياتي المستقبلية مع شريك حياتي
و بالنهاية بحسب الظرف اللي انا فيه رح استفاد منون


إذا ذهبتى لحفلة تنكرية ...... بأى شخصية تتنكرين ؟ :sm-ool-24:

مابعرف لانوا ولا مرة رحت عحفلة تنكرية وتنكرت بس بوعدك اذا خطرلي شي جواب رح اكتبلك ياه


شكرا على الأكلة واكيد رح طبقها ورح خبرك عالطعم

[Seham Haddad]

فكره كتير حلو
:sm-ool-09::sm-ool-09::sm-ool-09:

شايف الاخوه ما خلو سؤال غير انسأل:sm-ool-17:
ما قصروا
عندي سؤالين فقط
هل وقعت يوما عند قراءتك لتعاليم آبائنا القديسين ان تطبقي تعاليمهم لكن ما قدرت اطبقي


اكثر الاوقات يلي بتلاقيها مناسبه للصلاه بمفردك

[Mayda]

هلكوتها للبنت بالأسئلة حرام عليكم :sm-ool-26: يعني عنجد كرسي اعتراف :sm-ool-21:

سؤالين اثنين وبس ... شو أحلى يوم بحياتك وشو أتعس يوم بحياتك؟

وانشاالله كل أيامك تكون حلوة وفرحة :sm-ool-30:

[Paraskivy]

أنا ماعندي مشكلة اخواتي واللي بدكون ياه اسالوه انا جاهزة أسا معكم وقت للسبت

[Paraskivy]

أخ ميلاد شكرا على الأسئلة :

هدفي من سؤالي هو أخد البركة من تجاربك:
أخي ميلاد البركة نحن مناخدا من تجارب القديسين وخبراتون ومن الحياة اللي عاشوها مو من بعضنا نحن الخطأة


_كيف كان شعورك أول مااتعرفتي على السيد المسيح بشكل فعلي؟

شعور ما فيني او صفلك ياه بس فيني قلك حسيت بالبركة اللي انا فيها


_كل انسان منا بتعرض لنوبات غضب انت وقت ماتعصبي شو بتعملي من شان تخرجي من مصيبتك؟

بلتهى بأي شي قدامي مشان روق او بحكي مع اي حدا


_وقت ما تحسي انو بالهدف للي عم تمشي في نفترض أنو للروحانيات وحسيتي حالك حاملة السلم بالعرض شو بتعملي تمشي مع التيار ولا بتختاري تضليكي ماشية بالسلم بالعرض؟

انا بضل بسأل لاوصل للصح


_وقت ماتحسي حالك انو الخطيئة لابستك لبس وعم تأثر على كل مجريات حياتك وكل ماتلجئي للمسيح بتحس الأمور بتصعب عليكي شو بتعملي؟

بحكي مع ابي الروحي وبعترف فيا فورا وما بخليا ادمرلي حياتي


والسؤال التاني ليش لما بتجي عالشام مابتخبري انك جاي؟

انا ماعندي حدا بالشام وما بطلع على الشام وحتى لما بطلع بكون بهدف الطلعة صيدنايا يعني ماني فاضية لاخبر حدا ولا شوف بس انشالله اذا طلعنا شي مرة عالشام انا وميشيل بخلي ميشيل يخبرك ومنتعرف عليك

[Paraskivy]

اهلا وسهلا بسلوى

نا كمان بحب الفروج كتير , يعني لازم تعلميني على كم وصفة:sm-ool-01:
حلووووووووووووووو كتير اتفقنا خلص لازم نروح انا وانت وناكل شي اكلت فروج :sm-ool-08:شو رايك


1- شو بتعنيلك الكنيسة الأرثوذكسية؟

حياتي


2-كيف بتقارني حياتك قبل و بعد ما اتعرفت على الشبكة الأرثوذكسية الأنطاكية ؟


اتغيرت كتير وتعلمت كتير



3- لما تحسي إنك في ضيق, شو بتعملي؟


بصلي

[Paraskivy]

أهليين جويس للمرة التانية :



مين الشخصية اللى قريتى أو سمعتى عنها و تتمنى تقابليها و تتعرفى عليها يوماً ما من الأيام؟

ابونا بندلايمون فرح _ ابونا نقولا مالك

[Paraskivy]

اهلين سهام كيفك :


هل وقعت يوما عند قراءتك لتعاليم آبائنا القديسين ان تطبقي تعاليمهم لكن ما قدرت اطبقي


اكيد تعاليم الآباء بحر كبير وما فيما انطبق كل تعاليمون



اكثر الاوقات يلي بتلاقيها مناسبه للصلاه بمفردك


المسا بوقت متاخر من الليل

[Paraskivy]

هلكوتها للبنت بالأسئلة حرام عليكم :sm-ool-26: يعني عنجد كرسي اعتراف :sm-ool-21:


يلا مايدا بتهون جاييون الدور


شو أحلى يوم بحياتك وشو أتعس يوم بحياتك؟



أحلى يوم بحياتي يوم اللي تعرفت على Michael-m وارتبطنا بفضل الله وهالمنتدى وتعاهدنا قدام ربنا انوا مافي شي يفرقنا غير الموت


اتعس يوم بحياتي كان يوم توفى اخي وكان عمرو 8 سنين

[Dima-h]

مرحبا باراسكيفي أجت ديما وأسألتها شغل تفويت بالحيط:sm-ool-28::sm-ool-28::sm-ool-28:
ما كتييير رح تقل العيار كالعادة سؤالين عالخفيف:
أولاً : إذا غلط شخص بحقك وأذاك كتير بموضوع جدي يعني مو سوء تفاهم بكل صراحة ممكن تسامحيه؟؟؟؟؟:sm-ool-22::sm-ool-22:(بغض النظر مين)

ثانياً : اختر الإجابة المناسبة بالنسبة لك:
1- عندما تشعرين بالضيق بمن تستنجدين (بعد يسوع طبعاً)
أ- أصدقائك ب- أهلك ج- المرشد الروحي د- شخص آخر.

2- هل محبتك لأحدهم قد تتغير بحسب:
أ- سلوكه نحوك ب- المزاجية
ج- تحقيقه لمصالحك شخصية(مصلحةيعني)
د- لأسباب أخرى.
ثالثاً : هل أنت مع أم ضد اعتبار الإشراف - الإرشاد - التعليم . مناصب شرفية - لفرض السلطة - لتحقيق مصالح شخصية؟ بالعلم أنه في الإشراف و..... قد تتحقق الأشياء المذكورة.




انشالله ما كون تقلتها
صلواتك

[Paraskivy]

أهلين ديما بس اطمني انا من الناس يلي ما بيفوتو بالحيط :sm-ool-01::sm-ool-01::sm-ool-01:



أولاً : إذا غلط شخص بحقك وأذاك كتير بموضوع جدي يعني مو سوء تفاهم بكل صراحة ممكن تسامحيه؟؟؟؟؟:sm-ool-22::sm-ool-22:(بغض النظر مين)

بصراحة اكيد لانوا كل الاجوبة لهلا هيك
و(بغض النظر مين ) انا ما بتفرق معي مين ماكان الشخص المهم هو إنسان متلي متلو
رح جاوبك عالسؤال طبعا بسامحو بس اذا تكررت القصة اكتر من مرة ممكن ما عاد احكي معو بس انا مسامحتو ومحبتو بقلبي بتضل موجودة


1- عندما تشعرين بالضيق بمن تستنجدين (بعد يسوع طبعاً)

المرشد الروحي ، وشخص آخر طبعا حسب الموضوع


هل محبتك لأحدهم قد تتغير بحسب:

محبتي ما بتتغير بس بنزعج منو او بتدايق منو اي لصورة مؤقتة او لفترة قصيرة


ثالثاً : هل أنت مع أم ضد اعتبار الإشراف - الإرشاد - التعليم . مناصب شرفية - لفرض السلطة - لتحقيق مصالح شخصية؟ بالعلم أنه في الإشراف و..... قد تتحقق الأشياء المذكورة.


الاشراف هو شغل مو مرتبة و اذا بدي اعتبرا مرتبة انا اول وحدة ما بستحقها
ولما انقطعت عن المنتدى بسبب ظروف معينة انا كنت كتير متدايقة وحسيت اني مقصرة

[Gerasimos]

إخت براسكيفي
ترددت بالمشاركة _ما بعرف ليش _ يمكن مشان ما يجيني الدور :sm-ool-07:
المهم بدّي إسألك:
ما رأيك الشخصي بالمطالعة الروحية؟ وما الفرق بينها وبين المطالعة العاديّة؟ وماذا تفضّلين
من تختارين من أعضاء المنتدى, ليكون أفضل عضو؟ (بكل صراحة هاهاهاهاهاهاها) :sm-ool-23:

قالوا لي دعواتك مستجابة, فادعيلي حتى ما كون مكانك:sm-ool-20:

[Paraskivy]

اهلا جيراسيموس بالعكس لا تتردد الكرسي كتير مريحة خيلة


ما رأيك الشخصي بالمطالعة الروحية؟ وما الفرق بينها وبين المطالعة العاديّة؟ وماذا تفضّلين

المطالعة الروحية بتغذي حياتنا الروحية وبتقومها
الفرق هو : الانسان المؤمن ما بيقدر يعيش بلا مطالعة روحية
والمطالعة العادية بتكون قراءتها تثقيفية وما بتزيد بروحنا وقلوبنا شي


من تختارين من أعضاء المنتدى, ليكون أفضل عضو؟ (بكل صراحة هاهاهاهاهاهاها) :sm-ool-23:
من الأعضاء ماري
وكبركة (واللي هني اكتر من مجرد اعضاء) ابونا بطرس الزين


قالوا لي دعواتك مستجابة
ممممممممممممممممممم مين قلك

[مارى]

ربنا يخليكى يا بارسكيفى .... انا متشكرة أوى :sm-ool-30: ..... كسفتينى :sm-ool-24: ..... الحقيقة كل الأعضاء أحسن من بعض و لكل واحد تأثير مختلف ..... أما بقى عن أبونا بطرس ..... مهما نقول فقليل عليه .... أبونا بطرس ملك المنتدى و إحنا رعيته :sm-ool-09:

[Paraskivy]

أبونا بطرس ملك المنتدى و إحنا رعيته
أكيد يا ماري ابونا هو بركة المنتدى وراعي الكل
بركة صلواتو تكون معنا والرب يحفظو

[رامي حبيب الشمالي]

ما باعتقد ضل سؤال ماسألت عنو
بس سؤالي
انا من وادي النضارى من قرية اسمها حب نمرة وهي أم الكنائس السبعة
هل اتيتي الى وادينا
زرتي اديرتنا الموجودة في الوادي
وين رحت واي ضيع زرتي
الك اصحاب بضيع الوادي

[بندلايمون]

حابب شارك وجيت متأخر
الشباب والصبايا كفوا ووفوا منشان هيك محتار شو بسأل
رح أتمنالك التوفيق بحياتك وانشالله كلها فرح وسلام
ومنشان كون ما سألت رح أسأل سؤال واحد منطلق من أنو تعرفتي على ميشيل هون:
برأيك التعارف عن طريق الانترنت آمن (أو إنتي وميشيل طلعتو طفرة)
الله يوفقكن
صلواتك

[Paraskivy]

هل اتيتي الى وادينا

نعم


زرتي اديرتنا الموجودة في الوادي

دير ماجرجس الحميرا


وين رحت واي ضيع زرتي

رحت ع وععناز والحواش


الك اصحاب بضيع الوادي
صار الي اهل بالضيع وهنن اهل خطيبي

[Michael-old]

أخ بنلايمون أهلاً و سهلاً بك أخ عزيز و غالي

يعني اسمحلي انا جاوبك ع سؤالك بدل براسكيفي





برأيك التعارف عن طريق الانترنت آمن (أو إنتي وميشيل طلعتو طفرة)





وقت بيصير في مشاعر متبادلة بين الطرفين ووقت بينوجد الصدق ليش لحتى مايكون آمن؟
و اكيد مانا طفرة ... نحن متلنا متل اي تنين التقوا و اتفقوا يكملو حياتون سوا ولكن.. اول شي التقينا عالنت وبلشت القلوب تدق ( يعني دقات من هداك النوع!!! ) بعدين عالتلفون لحتى بفضل ربنا التقينا شخصيا و اتعاهدنا نكمل سوا.

انشالله كون اقدرت وصلتلك الفكرة




وسؤالي الك براسكيفي ...
لو قال لك الأخ الكسيوس انت الآن مديرة الشبكة ... لك كل الحق بأضافة ماترينه مناسب لتطويرها و استمرارها لتبقى منارة أرثوذكسية .. فماذا تضيفين ؟
وماذا تطلبين من الآباء الاجلاء و الاخوة و الأخوات في الاشراف و حتى الاعضاء؟



صلواتكم

[Paraskivy]

اخي بندلايمون بما انوا ميشيل اللي جاوب فأنا وهو واحد وجوابنا واحد



لو قال لك الأخ الكسيوس انت الآن مديرة الشبكة ... لك كل الحق بأضافة ماترينه مناسب لتطويرها و استمرارها لتبقى منارة أرثوذكسية .. فماذا تضيفين ؟




وماذا تطلبين من الآباء الاجلاء و الاخوة و الأخوات في الاشراف و حتى الاعضاء؟




الغالي ميشيل المنتدى هو بحد ذاتو منارة ارثوذكسية هلأ شو اللي بضيفو انا مافيني اعمل شي لوحدي لانوا ايد وحدة ما بتصفق واللي بطلبو من الأخوة والاخوات في الإشراف وحتى الاعضاء انوا نكون ايد وحدة ونحط ايدينا بأيدي بعض


أما اللي بطلبوا من الآباء اذا شافو شي غلط او صح يقدمولنا النصايح اللازمة لنتفادى الخطأ او لنستمر بالصح


وبطلب وبتمنى من الكل انوا نساهم بتطوير هالموقع وهالمنتدى وكل واحد على قد ما ربنا بيعطيه من وزنات






وآآآآآآآآآآآآخر شي بدي قول للكل انا فرحت كتير بكرسي الاعتراف حسيت فعلا إني معكم بعيلة مباركة وحدة الله يديما علينا كل العمر


وبالنجاح والتوفيق للمنتدى ولكل اعضاءوا وإلى مزيد من التقدم




وإلى اللقاء مع كرسي إعتراف جديد ومع أختنا لما :sm-ool-08::sm-ool-08::sm-ool-08:

وانا رح آخد غفوة بااااااااااااااااااااااي :sm-ool-15::sm-ool-15::sm-ool-15::sm-ool-15: