اخونا ميشيل بكرسي الاعتراف ..

[لما]

:sm-ool-09::sm-ool-09::sm-ool-09:

اخيراً خلصت من كرسي الاعتراف وصار دورك يا ميشيل

Michael-m


ما تخاف كتير رح نحاول نهربلك عصير وأكل بسرقة المدير::sm-ool-07:
ملاحظة : ( يوم الاربعاء و الجمعة صيام ) :sm-ool-21:

واول سؤال :اي طبخ بتلاقيه اطيب ؟؟؟ طبخ امك او طبخ حماتك :sm-ool-02::sm-ool-02:؟؟؟

تاني سؤال : شو اكتر شي حبيتو بالمنتدى؟؟؟؟

تالت سؤال صعب شوي وهو:: كيف بتقيم حياتك الروحية الحالية.؟ ومين اكتر شخص ساعدك بتقدمك الروحي؟؟؟


هههههه خلصوا واكيد الي رجعة تانية

[Michael-old]

اخيراً خلصت من كرسي الاعتراف وصار دورك يا ميشيل



الحمد الله ع سلامتك يا اشبينة... ياريت ماسألتك هداك السؤال، ماكنتي أخدتي بتارك.
على كل صليلي أطلع من الكرسي ع خير.



اي طبخ بتلاقيه اطيب ؟؟؟ طبخ امك او طبخ حماتك :sm-ool-02::sm-ool-02:؟؟؟
هلأ شوفي ..

كنت بالأول قول مافي أطيب من أكل أمي بالدنيا.. بس يخزي العين طلع أكل حماتي على أطيب
بس أنا واثق رح يطلع طبخ براسكيفي أطيب من أكل التنتين لأنها رح تتعلم من أمي و من حماتي.



تاني سؤال : شو اكتر شي حبيتو بالمنتدى؟؟؟؟

حبيت كل شي فيه و بدون مبالغة.. بلاقي فيه كتيستي... أهلي ..
مابقدر مافوت عليه أكتر من مرة باليوم حتى لو ماقريت شي او ماشاركت بشي.



تالت سؤال صعب شوي وهو:: كيف بتقيم حياتك الروحية الحالية.؟ ومين اكتر شخص ساعدك بتقدمك الروحي؟؟؟

صعبتي السؤال كتير مو شوي يا اشبينة بس رح كون صريح معك


حاليا حياتي الروحية دون الوسط و انشالله ماتوصل للفتور... ويمكن الأسباب هي ظروفي الصعبة و بعدي عن أبي الروحي (الذي اقبل يديه و أضرب له مطانية كبيرة و أطلب صلواته باستمرار) بسبب السفر و عدم تمكني من التواصل الدائم معه باستمرار.


و بالنسبة للأشخاص اللي ساعدوني بتقدمي الروحي هني أكتر من شخص
أكيد ابي الروحي الحبيب، و الأب الحنون و الغالي ابونا بطرس الزين الذي ادعي له بالصحة و العافية و العمر المديد. و التشجيع ثم التشجيع من الغالية براسكيفي.


(انشالله كون قدرت فهمت سؤالك مزبوط)



واكيد الي رجعة تانية



يا أهلا يا أهلا ... ماكفوكي هدول الأسئلة اشبينتي؟؟؟؟؟؟:sm-ool-02::sm-ool-02:

بالانتظار أنا........

[Nahla Nicolas]

http://www.orthodoxonline.org/forum/img-content/imgcache/2009/10/56.gif

مرحبا مع كل شروق شمس وغروبها
مرحبا عدد نجوم السماء اللامعه في الافق
مرحبا حين تتلا طم اموج البحر
مرحبا عند سقوط قطرات النداء على الزهر
مرحبا مليون بوجودك بكرسي الاعتراف

احلى كرسي لاغلى اخ

http://www.orthodoxonline.org/forum/img-content/imgcache/2009/11/76.jpg

وكمان كباية شاي

http://www.orthodoxonline.org/forum/img-content/imgcache/2009/10/28.jpg



لي عودة بأسئلتي

[Georgette Serhan]

http://www.orthodoxonline.org/forum/img-content/imgcache/2009/10/55.gif

خينا ميشال سلام المسيح
ما راح كتر الأسئلة بعرف إنو إنت هلق وحيد وبالمصيدة
وما في يما ارحميني ب ولا يهمك إختنا نهلا توصت فيك كتير
أحلى كرسي وأحلى فنجان شاي أنا سؤالي
١ـ لما إنت والإخوة قررتو تفتحوا هالمنتدى هل خطر ببالك إنو راح يجي نهار وتستجوب ؟
٢ـ شو بتطلب من ربنا سبحانه وتعالى للإيام إللي جايي؟
٣ـنصيحة بتقولها لصديق بوقت الضيق؟
٤ـنصيحة بتقولها لصديق بوقت الفرح؟
ربنا يبارك تعبك

[اليان خباز]

الأخ الحبيب بالرب ميشيل : اسمح لي أولاً أن أشارك اخوتي في طرابلس هتافهم بكلمة مســـتحق, واسمح لي بأسئلة قد تبدو غريبة بعض الشيء لشبابنا وشاباتنا من الجيل الجديد , ماهو رأيك بضرورة عودة العمل بقانون المجالس الملية الصادر عام 1955 ,والغاء العمل بنظام المجالس الصادر عام 1973 ـ والذي صدر لأسباب معروفة مرت بها أبرشية دمشق , و الذي ألغى دور الشعب الأرثوذكسي في انتخاب ديمقراطي لمجلسه الملّي, ومشاركة المجلس الملّي لكل أبرشية ضمن إطار المجلس الملّي العام في ترشيح وانتخاب المطارنة, وهل الكنيسة تتألف من الإكليروس والشعب أم من الإكليروس فقط ؟بغض النظر عن أن انتخاب وسيامة سيادة المطران أفرام كان موفقاً وبرعاية وحلول الروح القدس , آمل أن لا أكون قد أثقلت عليك مع شكري واعتذاري . اليان

[Michael-old]

الأخت العزيزة نهلة
اشكرك على هذا الترحيب الجميل و هذه الكلمات الفائقة الحلاوة.
للحقيقة هي الكرسي اريح... و شكراً ع فنجان الشاي يلي بيروق الأعصاب.:sm-ool-07:




لي عودة بأسئلتي


أنا بانتظارك أختي

[Michael-old]

سلام المسيح معك أختي جورجيت.. و شكراً على مشاركتك الطيبة



لما إنت والإخوة قررتو تفتحوا هالمنتدى هل خطر ببالك إنو راح يجي نهار وتستجوب ؟

.

أختي الكريمة للأسف و قت الأخوة قرروا يفتحوا الشبكة و من ضمنها المنتدى، لم أكن أعرف اي شخص منهم و مؤخراً انضممت لفريق العمل.


شو بتطلب من ربنا سبحانه وتعالى للإيام إللي جايي؟
يجمعني بمن احب بأقرب وقت:sm-ool-22:


نصيحة بتقولها لصديق بوقت الضيق؟

اشكر الرب و احمده لأنه استفقدك بالضيق وهو لن يتركك ابداً و عليك بالصلاة و الصبر.



نصيحة بتقولها لصديق بوقت الفرح؟

أشكر الرب لأنه منّ عليك بالفرح وزرع فيك السرور.

[Seham Haddad]

الله معك اخي ميشيل

حظك منيح هالكرسي مريحك كتير

:sm-ool-17:
نستفتح بــــ

السؤال الاول
اذا طلب منك ان تحكم على شخص (معرفه صفاته ) ما هو اهم شي عندك بالحكم


السؤال الثاني
افضل الاوقات مناسبه للراحة

السؤال الثالث
(موجه الك والى اختي العزيزه براسكيفي )
لا سمح الله (بعيد الشر )
اذا حصل نقاش بينك وبين براسكيفي ولم تجد وسيله للتوصل الى حل يعني انت متمسك بشي وهي متمسكه بشي ولا حد بينكم يريد التنازل عن راية
ماذا تفعلون


واخر سؤال
ربنا يحمكيم ويحفظكم ويديم المحبه والسلام بينكم




صلواتك

:sm-ool-30:

[Nahla Nicolas]

جبتلك كباية بوظه
حتى تبورد قلبك
http://www.orthodoxonline.org/forum/img-content/imgcache/2009/10/27.jpg



1- من العضو الذي تتمنى ان يطرق بابك وتراه امامك؟
2-كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى الأمنية اللي تتمناها ... ؟

3- شو أصعب المواقف اللي مريت بها ؟
4 -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك؟؟؟؟؟؟؟؟
5- هل ندمت فحياتك على شي معيّــن ؟؟؟
6- مالفـرق بين الحب والصداقة ؟ وهل يمكن ان يسلكا طرق الغيرة ؟

7-ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..

الغربة..
8-هل انت راض عن نفسك ..؟؟
9-وما هي المجالات التي تتمنى ان تأخذها منهاجا في حياتك ؟؟
10-الي رجعة تانية

[Michael-old]

أهلاً و سهلاً بك اخي الحبيب اليان وشكراً لمشاركتك.
وانا بدوري ايضاً أهتف معك بتثليث "مستحق" و ابارك لأخوتنا في طربلس سيامة ملاكهم سيادة المطران افرام.

بالنسبة لسؤالك ...فالمسيحيون الذين لم يكونوا شعبًا من قبل فإنهم، في الكنيسة ، يصبحون شعب الله . الكنيسة هي شعب الله المختار ، وكل مؤمن يكون منتسباً إلى هذا الشعب. إنه laïkos، أي علماني
"لم يبقَ بعدُ يهوديٌّ أو يوناني، عبدٌ أو حر، ذكرٌ أو أُنثى، لأنكم جميعًا واحدٌ في المسيح يسوع" (غلا 3: 28) و"لا رجعة في هبات الله ودعوته" (رو 11: 29). وإذن ، فلا يمكن أن يكون أحدٌ في الكنيسة دون أن يكون علمانيًا، laïkos، أي عضواً في شعب الله. من انتسب إلى الكنيسة فهو علماني ، والعلمانيون جميعًا هم شعب الله.وكلٌّ منهم مدعوٌ بصفته كاهناً لله، إلى أن يقرِّب اليه ذبائح روحية بالمسيح يسوع.

آمل ان أكون قد أجبتك على ماتريد.

صلواتك أخي الحبيب

[مارى]

و جاء دورى بالأسئلة ...... إستعد يا MICHAEL :sm-ool-19:

شوف .... انا اسئلتى خفيفة و سهلة :sm-ool-02:...... انا هرجعك سنيين لورا ........ قوللى مين النجم اللى كنت بتتمنى تكون شبهه و انت مراهق ؟؟ إختار من هؤلاء

عمر الشريف
رشدى أباظة
حسين فهمى
محمود ياسين
محمود عبد العزيز
إسماعيل ياسين :sm-ool-08: ......ههههههههههههههههههه

على فكرة انا غير دول معرفش ..... معرفش اللى عندكو :sm-ool-26: ...... اختار منهم


لو انت و بارسكيفى معزومين على فرح مثلا" ..... و فوجئت ان بارسكيفى جاءت و هى مرتدية فستان لونه سىء جدا" :sm-ool-12:.... و عاملة فى شعرها تسريحه غريبة جدا":sm-ool-12: ..... هتعمل أييييييييييييييييييييييه ؟ قول بصراحة .... متخفش :sm-ool-23:

[Michael-old]

الله معك اخي ميشيل
حظك منيح هالكرسي مريحك كتير


و معك اختي سهام.. شكراً لمشاركتك اللطيفة.
الأخت نهلة عرفت شو تعمل... ريحتني بالقعدة و هرتني اسئلة..
بس معلش جاييها الدور.



السؤال الاول
اذا طلب منك ان تحكم على شخص (معرفه صفاته ) ما هو اهم شي عندك بالحكم

أكيد بحكم عليه من طريقة معاملتو معي وبالصفة اللي بيعاملني فيها... يعني اذا بعرف صفاتو و مابتعامل معو مابحكم عليه ابدا. يعني ان كان صادق بتعامله معي ( بغض النظر ان كان كذلك مع غيري ) فأقول عنه صادق. و هكذا


السؤال الثاني
افضل الاوقات مناسبه للراحة

أكيد بعد الانتهاء من العمل اي مابين الساعة السابعة مساء والحادية عشرة ليلاً...

السؤال الثالث
(موجه الك والى اختي العزيزه براسكيفي )
لا سمح الله (بعيد الشر )
اذا حصل نقاش بينك وبين براسكيفي ولم تجد وسيله للتوصل الى حل يعني انت متمسك بشي وهي متمسكه بشي ولا حد بينكم يريد التنازل عن راية
ماذا تفعلون
غالباً مانتوصل لحلول و ان كان بعد مناقشات طويلة (و لا أذيع سراً ان قلت أنني أعشق النقاش مع براسكيفي لأنها تناقشني بنضج) .. و ان لم يحدث ذلك نأخذ رأي أحد الآباء أو رأي الأهل فإنه يوجهنا كثيرا.

[Joyce]

واضح أنه الأخ ميشيل مش ملحق على الأسئلة فأنا هأسأل سؤال واحد:

ماهو السفر المفضل لديك فى الكتاب المقدس و لماذا؟

[Michael-old]

جبتلك كباية بوظه
حتى تبورد قلبك


يسلم هالإيدين يارب




1- من العضو الذي تتمنى ان يطرق بابك وتراه امامك؟


العزيز ألكسيوس


2-كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى الأمنية اللي تتمناها ... ؟
الأمنية التي تروادني ولا تفارقني ابداً هي أن يجمعني الرب و براسكيفي بأقرب وقت وتحت سقف واحد.



3- شو أصعب المواقف اللي مريت بها ؟

كان لي ثلاث سنوات لم ارى والدي وكنت بقمة الشوق لأراه عندما توفي.. ولم يكن ممكنا لي ان اراه حتى عندما كان مسجىً في التابوت.


4 -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك؟؟؟؟؟؟؟؟
الاثنين معاً.. و لكن الأسبق هو عقلي وغالبا ما احكم به.



5- هل ندمت فحياتك على شي معيّــن ؟؟؟
نعم .. لأنني تهاونت بدراستي وارتضيت بدراسة المعهد بدل الجامعة.

6- مالفـرق بين الحب والصداقة ؟ وهل يمكن ان يسلكا طرق الغيرة ؟
الصداقة علاقة وفاء و محبة وثيقة بين شخصين وممكن اكثر

اما الحب هو علاقة بين شخصين يسعيا ان يعيشان الحب بكل معناه الى ان تتوج حياتهم بالزواج و تكوين الاسرة.
الغيرة تكون فقط على الحبيب وانما الاصدقاء أخاف عليهم و لا اغار عليهم



7- ما رأيك بهذه الكلمات
الخيانة .. عدم الامانة وهدم الثقة

المرأه.. الرقة والجمال والحنان
الصداقة .. صخرة صلبة من الثقة و المحبة و التضحية
النميمة .. لا تؤذيني أبدا و انما تؤذي صاحبها
النفاق .. ضعف شخصية وعدم نضوج .
الغربة.. منفى

8-هل انت راض عن نفسك ..؟؟

نشكر الله؛ إلى حدٍّ كبير.

9-وما هي المجالات التي تتمنى ان تأخذها منهاجا في حياتك ؟؟

الصبر و عدم الغضب


10-الي رجعة تانية

(ياساااااااترهههههه)


مية أهلا وسهلا...

[Michael-old]

أهلا وسهلا أختي العزيزة ماري ...
شكراً لهذه المشاركة المهضومة..ضحكتيني




قوللى مين النجم اللى كنت بتتمنى تكون شبهه و انت مراهق ؟؟ إختار من هؤلاء
عمر الشريف
رشدى أباظة
حسين فهمى
محمود ياسين
محمود عبد العزيز


إسماعيل ياسين :sm-ool-08: ......ههههههههههههههههههه

ولا واحد منون ..لأني كنت اتمنى كون متل يونس شلبي هههههه .....(أكيد لاء)
صدقيني بأيام المراهقة ماكنت فكر متل مين بدي كون..
بس كنت أحلم يكون عندي سيارة مشان شوف حالي قدام الصبايا.:sm-ool-21:




لو انت و بارسكيفى معزومين على فرح مثلا" ..... و فوجئت ان بارسكيفى جاءت و هى مرتدية فستان لونه سىء جدا" :sm-ool-12:.... و عاملة فى شعرها تسريحه غريبة جدا":sm-ool-12: ..... هتعمل أييييييييييييييييييييييه ؟ قول بصراحة .... متخفش :sm-ool-23:

هلأ سؤالك هدا افتراضي كتير و أكيد مارح يصير لأنو براسكيفي زوقها حلو كتييييير ...
ولكن لنفرض صار... ماعندي اي مشكلة ؛ بالعكس بتقبلها كيف مابتكون....

[Fr. Boutros Elzein]

http://www.orthodoxonline.org/forum/img-content/imgcache/2009/10/26.jpg
الإبن الحبيب ميشال
اقدم لك شريط سينمائي مصور لقصة حياتك كلها.
واقدم لك مقص الرقابة لتقتطع منه كل المشاهد والأحداث التي كنت تتمنى لو أنها لم تحدث على هذا الشكل الذي تمت فيه .
وعليك الآن اعادة كتابة تلك الأحداث بالطريقة التي كنت تتمناها ان تكون عليه .
فماذا تقطع ؟ وبماذا تستبدل ماقطعته منها ؟

[Michael-old]

شكراً لك اختي جويس لهذا السؤال الرائع..



ماهو السفر المفضل لديك فى الكتاب المقدس و لماذا؟



السفر المفضل هو سفر المزامير... لأنني عندما اقرأ أو أردد أو اسمع منه اي مزمور مرتلاً أشعر وكأني لست بمكاني و انما اصبحت هناك...............
(كنت حابب ارفع مزمور مُرتّل بصوت ابونا نقولا مالك لتسمعيه ولكن للأسف ماعرفت)

[Georgette Serhan]

http://www.youtube.com/watch?v=0WjKOYihVqQ

هيدي هدية مني خيي ميشال
سلام المسيح

[Salwa]

الـله معك أخي ميشال :sm-ool-05:

أنا رح أكون كتير متساهلة و رح أسأل سؤال واحد وحيد:

مين من الآباء القديسين تأثرت أكتر شي بلاهوتهم؟

[Michael-old]

أبي الحبيب بطرس، شكراً لك على مشاركتك الطيبة و انها بركة لي


أشكر الرب على جميع الصور التي كونت شريط حياتي من سوداء وبيضاء..
فالسوداء علمتني ان أقترب من الرب أكثر و ألقي عليه كل همومي و اتقبل الحزن بإيمان و رجاء. و البيضاء علمتني ان أشكر الرب لأنه أعطاني ما أريد و زرع بداخلي الفرح.
لذلك أبونا لا أريد قص أي صورة أو استبدال أي منها و أترك الشريط كما هو.


صلواتك أبونا الغالي

[Michael-old]

شكراً لك أختي العزيزة جورجيت،وكم سعدت بهديتك

ولك مني هذه الهدية ايضاً و للأخت جويس و لكل الاخوة.

http://www.zshare.net/audio/674252882eb930ae/ (http://www.zshare.net/audio/674252882eb930ae/)

[Michael-old]

شكراً لك اختي سلوى على مشاركتك


هناك الكثير من الآباء الذين أحب مقالاتهم جداً أمثال القديس باسيليوس الكبير والقديس باييسيوس الآثوسي و كثر ....
و لكن من تأثرت بكتاباته وبحياته هو – شفيعي - معلم المسكونة القديس يوحنا الذهبي الفم.

[لما]

عدنا اخي ميشيل...:sm-ool-02:
والسؤال سهل وصعب بنفس الوقت :sm-ool-26:

شو هي مقومات الزواج الناجح برايك ..؟؟ :sm-ool-17:

وشو هي الصفة اللي ما بتحبها بحالك واديش ممكن تاثر على نجاح زواجكم انت وبارسكيفي ؟ :sm-ool-20:

[Paraskivy]

الغالي ميشيل وهلأ صار دوري أنا
اسئلتي انشالله يكونو سهلين :smilie_ (26)::smilie_ (26):

1- بعد سنة ونص في المنتدى - وين صار ميشيل ووين كان ؟ وهل تغير شي ؟:smilie (130)::smilie (130):

2 - أي صفة بتحب تزرعها باولادنا :smilie (155)::smilie (155):بالمستقبل وليش ؟ وشو هي الصفة اللي بتحب يشبهوك فيها ؟ :smilie (150):

3 - بتفضل معون اسلوب العقاب:smilie (180): او الإرشاد:smilie (37): ؟ وليش .؟

4- شو كان انطباعك عن اول سهرانية :smilie (21): احضرتا بحياتك ؟:smilie (140):


آخر شي بدي قول
http://www.orthodoxonline.org/forum/img-content/imgcache/2009/10/40.gif
:smilie (18): I love you

[Michael-old]

مية أهلا وسهلا أختي لما


شو هي مقومات الزواج الناجح برايك ..؟؟
الحب الحقيقي ثم الثقة الكاملة بعدهما يأتي التفاهم ... هدا باختصار


وشو هي الصفة اللي ما بتحبها بحالك واديش ممكن تاثر على نجاح زواجكم انت وبارسكيفي ؟

ههههههههه.
اني مابحب ناقش بموضوع معين أنا مسبقاً مناقش فيه و آخد قرار.
هلأ أكيد مارح يأثر ابداً على نجاح زواجنا كونو انا وبراسكيفي متفاهمين عليه وهي بتعرف انو عندي استعداد ضل ناقش يوم كامل ولكن بعد هاليوم بتوتر اذا رديت فتحيتو ...بس مابيخلا من شوية نق منها على شوية تعصيب مني...
بس حبنا لبعض مغطى ع كل شي و مهون كل شي

[Michael-old]

الغالي ميشيل وهلأ صار دوري أنا



الأدوار كلها الك..انتي بس أمري و اسألي اللي بدك يا:sm-ool-05::sm-ool-05::sm-ool-05::sm-ool-05:




1- بعد سنة ونص في المنتدى - وين صار ميشيل ووين كان ؟ وهل تغير شي ؟




قبل المنتدى كنت مسيحيا بالاسم فقط
وبعد المنتدى اصبحت اعرف الكثير مما كنت أجهله عن أرثوذكسيتي و طقوسها و آبائها ... و أصبح لدي أب روحي يعرفني و يرشدني...
كما اصبح لدي آباء اجلاء اسأل نصحهم و مشورتهم بأكثر الامور التي لاعلم لي بها، و اخوة و اخوات اكن لهم كل المحبة.
ولا انسى فضل المنتدى الذي عرفني و جمعني بك ِ حبيبتي.



2- أي صفة بتحب تزرعها باولادنا بالمستقبل وليش ؟ وشو هي الصفة اللي بتحب يشبهوك فيها ؟


أكيد الصدق و المحبة.. ومن يجد تلك الصفتين برأيي يجد الفضائل كلها.




3 - بتفضل معون اسلوب العقاب او الإرشاد ؟ وليش .؟


الارشاد طبعاً.. بس اذا اتكررت الشغلة اكتر من مرة ممكن الجأ لاسلوب العقاب.




4- شو كان انطباعك عن اول سهرانية احضرتا بحياتك ؟




أول سهرانية. كانت بدير القديس جاوجيوس في صيدنايا و بحضور ابونا الياس عبدوكا وابونا بطرس جمل
وابونا يوحنا التلي وابونا سلوان جوجووعدد من الاباء ايضا الذين لااعرف اسماؤهم.
السهرانية مافيني أوصفا ابداً... ولكن حسيت انو كنا عم نصلي بالسما.



و كان ختامها مسك....
شكراً لكل الأخوات العزيزات اللواتي شاركنا بأسئلتهن لي و أتمنى ان اكون قد أعطيت جوابا شافيا لكل سؤال.
والشكر للأخ اليان خباز الذي شارك بسؤاله...
وكل الشكر لك أبونا الحبيب بطرس لمشاركتك وأطلب صلواتك دائما لي ولبراسكيفي.


و الآن الأخت العزيزة ماري فلتتفضل