تابعوا هالفلم ..

[Maximos]

الفلم اللي عم خبركم عنو هوّي بعنوان :
The chronicales of Narnia

رح يطلع بكرا الأحد على قناة فوكس موفيز الساعة 11 المسا بتوقيت السعودية ..

و المفاجأة بالموضوع إنو هالفلم عم يحكي عن المسيح و المسيحية .. ! ! !

طبعا ً أيا واحد بيحضرو من غير ما يعرف هالمعلومة .. ما رح ينتبه لهالحكي .. رح يفكر إنو فلم أسطوري ملحمي .. بس لما نعرف إنو كاتب الفلم ( نسيت شو إسمو ) هوّي نفسو كاتب كتاب ( الكنيسة المجردة ) رح نعرف إنو في ( إن ) بالموضوع ..

خصوصا ً إنو هالكتاب قال عنو أحد الآباء إنو مستحيل يكون كاتبو مانو قاعد مع شيوخ الجبل ( آثوس ) .. هادا إذا ما كان كمان شاف النور الإلهي ..

الفلم بيحكي عن أربع أخوة ( شبين و بنتين ) بيوصلو لمكان أسطوري .. في مملكتين .. مملكة الشر و مملكة الخير بقيادة الأسد ( اللي بيمثل المسيح ) ..

ما رح إحكي الفلم .. بس رح حطّ شوية رموز من الفلم لتساعد على فهمو أكتر ..

* الصبي الزغير بياكل من يد ملكة الشر .. و رح تلاحظو إنو الأكل وهمي مكوّن بالأساس من التلج و هادا رمز للخطيئة اللي بتعطي سعادة مؤقتة وهمية ..

* بناءً على هالأكل الملكة بتطالب بالسيطرة على هالصبي لأنو صار إلها .. الشيطان عم يطالب إنو اللي أخطأ يكون تحت تصرفو بالأبدية و معو بالعذاب الأبدي ..

* الأسد بيتفاوض مع هالملكة مشان يسترجع هالصبي ( الخاطئ ) .. و الملكة بتطلب إنو تقتل الأسد .. و الأسد بيسلم حالو للموت ..

* و بالفجر بيروحوا البنات ( اللي هون عم يمثلو حاملات الطيب ) ليشوفو الأسد .. و بعد ما يشوفوه ميت بتصير زلزلة و تشقق بالمصطبة .. و بيشوفو الأسد القائم من الموت ..

* بهالأثناء بتكون قوات الشر عم تهاجم قوات الخير .. و قوات الخير عم تنكسر أمامها .. لحد ما بيظهر الأسد .. و هوّي اللي بينتصر على الشر ..

* الأسد بيعطي البنت شراب أحمر ( رمز لدم المسيح و المناولة ) .. و هالشراب لما تسقي منو للميت ( الموت بالخطيئة ) بيرجع و بيعيش ..

* الأسد لما بينفخ على ميت بيرجع و بيعيش ( رمز لنفخة السيد لما قال : خذوا الروح القدس .. ) ..

* بعد الانتصار بيجي تمثيل بسيط للملكوت .. و الأسد بيتوّج الأخوة ملوك .. و بيجلسو على العرش ..



حاجة رموز .. .. الباقي اكتشفوه لحالكم ..


بيبقى إنو أشكر حبيبنا طاناسي اللي عطاني ( من كم شهر ) نسخة من هالفلم و نبهني إنو الفلم كلللللو رموز بتتعلق بالمسيح .. و هوّي اللي خبّرني عن الكاتب .. .. و هوّي - و إن كان غايب عنا بكتابة المشاركات - بس حاضر معنا بالمتابعة و بالمشاركة الوجدانية ..


صلواتكم

[Joyce]

الحقيقة شاهدت الفيلم مع العائلة يوم عيد القيامة منذ عدة سنوات و هو فيلم ممتع للغاية و أعتقد ان الرواية الأصلية ستكون ممتعة أكثر رغم أنى لم أقرأها.
و الفيلم مأخوذ عن رواية للكاتب C.S.Lewis و قد شهد له المطران كاليستوس وير أنه و إن كان أنجليكانى و اكن له عقلية أرثوذكسية (لا أتذكر الكلمات بالضبط) .
الجزء الوحيد الذى لم أرتح له هو فكرة تفاوض الأسد (الذى يمثل المسيح) مع الساحرة البيضاء (التى تمثل الشيطان) لأنه على حد علمى هذه الفكرة أوريجانية و هى ليست مقبولة لأن الشيطان ليس له يطالب بأى شىء لأنه هى نفسه عاصى...
و لكن فيما عدا ذلك فالفيلم متميز من ناحية طريقة العرض و الخيال الخصب الذى فيه و حتى من ناحية الإخراج...رائع جداً و أتمنى من الأخوة متابعته و أن يقولوا رأيهم فى الفيلم بعد المتابعة.

[Maximos]

شكرا ً للمعلومات الإضافية اختي العزيزة جويس ..

و بانتظار تعليقات باقي الأخوة بعد مشاهدة الفلم ..

[mahajabbour]

أخي مكسيموس الفلم كتير حلو وفعلا بتحس كتير أنو بيحكي عن المسيح
ياريت تكتبلنا مقال عن رموز هالفلم بالضبط وكل ما يتعلق به
لأنني أريد أن أعرضه على الفرقة بالثانوي وحابة أعرف شو بدي أشرحلهم بالضبط عنه
بعدين شو منشان الجزء الثاني أنا لسا ما حضرتو بس قالولي عنو أنت شو رأيك

صلواتك

[Maximos]

شكرا ً لاهتمامك اختي العزيزة مها ..

كنت بتمنى حقق طلبك .. بس الفلم ما عادو عندي ..

يمكن مشان هيك انبسطت لما طلعت دعايتو .. و خبرت الكل مشان نحضرو سوا ..

و الجزء التاني أنا كمان ما حضرتو كامل .. حضرت لقطات .. بس بما إنو من كم شهر مو متذكر شي عنو ..

[Maximos]

اللي بالمرة الأولانية ما صرلو يحضر الفلم بيقدر يحضرو على نفس المحطة و بنفس الموعد ( الأحد الجاي الساعة 11 بتوقيت السعودية ) .. هيك شفتللو دعاية مبارح ..


:sm-ool-05::sm-ool-05::sm-ool-05:

[George B]

اخوتي الاحباء
هذا الرابط دعاية للجذء الثاني من الفلم


http://www.youtube.com/watch?v=JlMJAOAWk-M


ارجو ان ينال اعجابكم :smilie (106):

وشكر خاص للحبيب Maximos

اخوكم في المسيح George Bayrakcioglu.

[karen]

الفيلم نازلو جزء ثالث كتير حلو

2233

The Chronicles of Narnia: The Voyage of the Dawn Treader