تذكرة لجهنم <قصة طويلة بقلم الصياد>

[مدحت الصياد]

تنويه هام جدا

_______________



لكل من يتابع قصتي هذه يجب أن يعلم أنها أقرب لادب القصص منها الي الايمان العقائدي لآي طائفة مسيحية ولا تقترب الا بلمحات خاطفة من أقوال الكتاب المقدس و قصصه .


لذلك وجب التنبيه حتي لا يأخذ على القصة أي نوع من أنواع التحريف في العقيدةمن جهة العذاب أو جهنم أو السما أو الحساب أو ما شابه من الموضوعات الشائكة في الفكر و الايمان القويم المسيحي عموماً و الارثوذكسي خصوصاً


فمجمل القصة لنهايتها لها طابع أدبي و حبكة قصصية لا تخفي على فهيم واعي متذوق للادب.


حتي أيمان مؤلف القصة وهو < الخاطيء كاتب هذا التنويه > يبعد كل البعد عما كتبه


بل نتاج ما كتبه لا يعدوا أكثر من أبداع قد يكون به شيء من الحقيقه كا ستقرأون عن شخصية عزازيل وأبينا أدم و أمنا حواء و قد يتجاوز هذه الحقيقه ليفسح المجال للخيال والفنتازيا . فهدفي بالنهاية ليس تصوير جهنم أو العذاب بل شيء أبعد من كل هذا و أكبر .


فرجاء عدم مقارنتي على أفكاري بالقصة بميزان الايمان فقط.




تذكرة لجهنم


بقلم الصياد


http://www.orthodoxonline.org/forum/img-content/imgcache/2009/12/41.jpg



حقوق الطبع محفوظة للصياد


وزبانية جهنم


تحذير



لا يشاهدة ضعفاء القلوب ولاالخطاة
ولقد أعذر من أنذر


أرجو لكم عذاب ممتع


محبتي الصياد


***********************************************
الفصل الاول


البداية
******

لا أعرف من أنا ؟؟؟...هل هذا الراقد منتحراً فوق أرض صالة منزلى هو أنا ؟؟!!

وأذا كان هذا أنا ....فمن أنا أكون ؟؟؟؟...وكأننى أشاهد لقطة سينمائية من فوق... لجسد أعرفه عز المعرفة...

جسد هامد بلا حياة,,,,,, أو نسمة واحدة من نسمات الحياة...أذا كان هذا الصياد,,,,,, فمن أنا؟؟؟؟من أنا ؟؟؟؟

لم يدم أنتظارى ولا سؤالى طويلاً ..فلقد أرتفعت لفوق ..فوق ...فوق...حتى أخترقت سقف شقتى وسقف كل

الشقق التى تقابلنى وأصحابها نيام ...وأنطلقت مرتفعاً نحو نجوم تلك الليلة الحالكة السواد كقلب اليائس من

رحمة الخالق...أنطلقت معلناً نهاية حياتى الارضية ...شعرت براحة غريبة لم أشعر بها من قبل...أحسست

باننى فى رحلة خلوية أو نزهة

وفجأة وجدت نفسى أو روحى وقد أقتربت من نقطة مضيئة أو هى التى تقترب منى..لا أعرف؟؟؟...المهم .

.أرتعشت بشدة <أذا كانت هناك أرواح ترتعش >...ليس خوفاً ...بل من جمال تلك النقطة التى تضخمت حتى

أبتلعتنى بداخلها بلا أرادة أو أدنى مقاومة منى...وجدت نفسى أدور فى دوامة لا نهائية .دوامة وهمية وحولى

هالة من الاضواء وفوق كل هذا أسمع أصوات شديدة القوة وفى نفس الوقت شديدة النعومة...كأنها لملائكة

ترتل ترتيلة أبدية ...أصوات أهتزت لها الاضواء من حولى....وأخيراً وجدت نفسى ملقى على طريق....نعم

...ولكنة ليس طريق مثل طرقنا الارضية...بل طريق ملتوى طويل يشع نور غامض وكأنة مصنوع من

البلور الصافى الذى لا شبية لة

وبلا أرادة منى وجدتنى أسير بلا حذر ولا خوف ولا وجل الى أتجاة لا أعرفة ولا أعلم نهايتة ...ولكنة يعرفنى

هذا الطريق....نعم أحسست أن هذا الطريق قد صنع أو وجد من أجلى خصيصاً ..أنا الصياد.....مشيت سائراً

كثيراً لا أرى حولى غير طريقى فقط ...مشيت وياللعجب... كلما مشيت لا أشعر بتعب بل على العكس كلما

مر الوقت وجدتنى أتحمس أكثر وينشط شعورى بالسير أكثر وأكثر حتى أننى فى نهاية الامر أصبحت كقذيفة

تجرى أسرع من الضوء

وأخيراً ...<ويالها من كلمة>...وأخيراً وجدت أمامى باب هائل لة رائحة منفرة للنفس ...وهنا...وهنا فقط

رفعت ناظرى لاقرأ ماهو مكتوب فوق هذا الباب...وبالكاد أدركت المكتوب وكانت جملة تقول

<< أيها القادم ....أترك خلفك كل أمل .أو رجاء فى النجاة ...فأنت على أعتاب..جهنم..>>

حاولت أن أرجع للوراء ولكنى..لم أجد الطريق الذى أتيت منة.. بل ...كانت هوة شنيعة ...ليس لها من

قرارتحت أقدامى ...أقدامى التى عجزت فى تلك اللحظة عن حملى...فجثوت على ركبتى ...وفجأة

جاءالصوت....صوت هائل ..شديد البأس والقوة ..صوت تغلغل بين أحشائى وزاد من رعبى وخوفى

ومصيرى المظلم الغامض المنتظر

الصوت : ياصياد ...قف...وأدخل ...وأهلاً بك فى الجحيم

قلت لذلك الصوت بكل خوف ورهبة : ماذا...ماذا تريد منى؟؟...أنا لم أفعل شىء...لما الحساب الان؟؟؟

رد الصوت قائلاً : أنت من حدد زمن الحساب ياصياد...أنظر الى أحشائك ...اليس هذا سم الذى يغلى بداخلها

ويمزقها؟؟؟

أجبت فى بساطة عجيبة : نعم

رد الصوت بهدوء: أذاً لماذا التزمر الان ...اليس هو أختيارك ...اليس أختيارك أن تنهى حياتك الارضية

وتلملم سنى عمرك الان ؟؟؟

نظرت لفوق أبحث عن مصدر الصوت قائلاً لة فى قوة من أين أتتنى؟؟؟ لا أعرف::أنا.....أنا لم أكن أريد أن

أخرج من تجربتى الارضية لاقع فى تجربة أبدية أشد قوة من الاولى

ضحك الصوت فى قوة قائلاً : ما يزرعة الانسان أياة يحصد....ومن قال لك أننا هنا فى مختبر نصنع

تجارب...هنا...... .. هنا النهاية....أدخل الان ياصياد ....وأهلاً بك بين سكان وقاطنى جهنم و....

قلت للصوت : نعم ...نعم ...أعرف تكملة الجملة ...<جهنم وبئس المصير>....يعنى مفيش فايدة ولا أمل ؟؟؟

يعن الرحلة دة ذهاب بس...من غير عودة...يعنى مفيش خلاص من النهاية وبئس المصير دة

رد الصوت فى قوة وقد نفذ صبرة :كان هناك فى حياتك التى أهدرتها ...كل الامل ...كل الرجاء....بل وكل

الخلاص.....بس خلاص ...الوقت الان وقت حساب....ومنذ قليل كان وقت خلاص ...لقد صاح الديك ياصياد

الصياد : طب ...يعنى غلطة وحدة فى لحظة ضعف وطيش شباب يبعتونى كدة لحد جهنم مرة وحدة؟؟

يعنى هو الواحد منحوس فى الدنيا ومتعوس فى الاخرة كدة؟؟؟!!

الصوت : لا تعاسة مع من يعرف طريق خلاصة

وفى تلك الحظة أنفتح الباب على مصرعية مصدراً صرير يصم الاذان وفى اللحظة الثانية قذف بى للداخل
__________________

[مدحت الصياد]

شمروخيل
*****
قمت من سقطتى لاجد أمامى <ياحفيظ يارب >..لاجد أمامى شيطان صغير مرعب الهيئة ,,,شنيع الطلعة ..


.ولولا أننى فعلاً فى عداد الاموات لمت من وقتى ثانياً...ولكن نقول أية ..مفيش فايدة ...أقتربت من هذة


الكارثة التى تقف أمامى وبكل هدوء مصطنع وحذر قلت لة : مرحب يا....يا ....ياأستاذ


ضحك هذا البلاء الواقف أمامى ضحكة مريعة لم أرى أقبح ولا أشنع منها فى حياتى...حتى أننى أحسست أن


ضحكتة أنياب تمزقنى


رد الكائن هذا قائلاً : أهلاً ياصياد...أهلاً بك بين أخواتك وأحبائك ..أهل الجحيم...أحب أعرفك بنفسى ...أنا


أسمى شمروخيل..وأعمل هنا مشرف أستقبال


أبتسمت قائلاً : مشرف ..هو فية هنا مشرفين كمان؟؟؟


رد شمروخيل فى خبث : أينعم...هنا كل شىء بنظام ...هنا يوجد مشرفين ورؤساء أقسام...ورؤساء رؤساء


أقسام ومشرفين فروع ورؤساء أشراف فروع ....الخ الخ وهلم جرا


قلت فى دهشة : ياساتر يارب ...هو هنا كمان فية أقسام ومستويات


نظر لى شمروخيل بعيونة الحمراء كجمرات متوهجة قائلاً :طبعاً ..طبعاً ...هنا كل واحد فى قسمة وكل واحد


فى مكانة المخصص والمعد لة من قبل تأسيس العالم


ضحكت فى بلاهة أحسد عليها قائلاً : أيوة...أيوة يعنى ذى ما تقول كدة <كل برغوت على قد دمة >


لكزنى شمروخيل بحربتة ذات الثلاث رؤوس قائلاً :أنت جى تهرج هنا كمان...والا تكنش فاكر نفسك معزوم


على حفلة شاى....أصحى.بم بم بم...فوووق.بم بم بم...أصحى..بم بم بم...فوووق


نظرت لشمروخيل قائلاً فى نفسى : <أية العبيط دة> ثم أنفجرت فية قائلاً :اية ياعم ...هوأنت


هتغنهالى..خلاص عرفنا ......خلصنى بقى


رد شمروخيل وهو يهز رأسة : يعنى أية أخلصك ؟؟....هو أنت جى تاخد حقنة!!....يابنى أنت فى


جهنم...عارف يعنى أية جهنــــــــــــــم ؟؟؟؟


أنفجرت فى هذا الشمروخيل الرذل قائلاً :خلاص ....متفولش فى وشى ....عرفنا أننا متئندلين فى جهنم ...


ورينى مكانى ياعم المشرف بقى


أبتسم شمروخيل فى دهاء أبتسامة صفراء رهيبة قائلاً :اية ...حيلك حيلك...هو بالساهل كدة تروح مكانك


مش الاول تتعرف على الاقسام والفروع بتاعة الاقسام وطبقات جهنم السبع...وتتقابل مع الريس بتاعنا


دارت الدنيا أمام عينى قائلاً :هو فية أية بالظبط .!!!.هو أنا جى هنا فى رحلة والا جى اتملى فى جمال المكان


رد شمروخيل : بص يابنى ....هو دة نظامنا...ولو مش عجبك,,,, أمشى.... وورينى جمال خطوتك


أنفجرت فى الضحك من كل قلبى قائلاً فى مرارة : أمشى ...حلوة النكتة دة ..أمشى أروح فين؟؟..هو ياعم


شمروخيل الموضوع بأيدى ....باين فعلاً أبتدى العذاب معايا بدرى


رد شمروخيل فى هدوء : طب لما أنت عارف أنك مش ممكن تمشى ولا تسيب جهنم.....لية مش عايز تمشى


على نظامنا هنا ؟؟؟


قلت لهذا الشمروخيل فى يأس : ياعم شمروخيل نظامكم على عينى وراسى من فوق ...بس الموضوع مش


مستحق اللف والدوران...أنا خاطى وعاصى وناقص تربية...


رد شمروخيل فى تريقة : دة شىء مفروغ منة ...أينعم


نظرت لة فى غيظ ثم أكملت: طب لما أنا كدة ومعروف نهايتى ...وأنا مش معترض على النهاية دة...أية بقى


لزمتة المشورة والفرجة على مخاليق اللة وهى بتتعذب....يعنى أنت عايزنى فى الاول أترعب من اللى


هشوفة وأحسة قبل ما يحصللى؟؟


رد شمروخيل الداهية : مش بالظبط كدة....بس هو دة نظامنا...وأنا مش ممكن الخبط نظام جهنم علشان


خطرك....أنت عايز تجبلى مشكلة...عايزنى بعد العمر دة كلة فى جهنم وتعب العصور والازمنة لحد مابقيت


مشرف عام أخد لفت نظر والا خصم من رؤسائى...لا يا عم النظام مش ممكن ينكسر هنا....


قلت لهذا المغفل : أوكى...مفيش مشكلة...أنا معاك لاخر المشوار بس ...الجدع اللى ميصرخش فى الاخر


جلس شمروخيل خلف مكتب أتى لة من العدم فاتحاً دفتر هائل الحجم أحمر اللون كلون الدماء وبريشة طويلة


بدء يكتب قائلاً : أسمك أية ؟؟


نظرت لشمروخيل فى أستغراب وضيق قائلاً : ياصبر أيوب


رد شمروخيل: أذاى الكلام دة ...أذاى أسمك صبر أيوب دة مش موجود عندى؟؟


أنحنيت على هذا الشيطان الغبى المتسرع قائلاً لة : ياعم شمروخيل ..لو بس كنت صبرت على ثانية كنت


قلتلك أسمى


نظر لى الشيطان قائلاً : أمال صبر ايوب دة يقربلك أية؟؟

قلت: يابا....ياعمى....ياخالى.........أ� �ت أبيض خالص كدة....دة مصطلح أرضى بنقولة لما الواحد


بيكون قدامة بلوى أو كائن غبى ومش عارف يتفاهم معاة ...فاهم


رفع نظرة شمروخيل وهز رأسة علامة الفهم ثم قال فجأة : يعنى أية كلامك دة؟؟...يعنى أنا غبى ومش عارف


تتفاهم معايا


ضحكت فى خوف أمام غضبة شمروخيل وقلت لة فى ود زائف : لا...حاشا وماشا...أذاى أنا الانسان


المتخلف عن ركب جهنم أعيب فى الذات الشمروخية...لا أنت فهمتنى غلط...المهم..أنت مش عايز أسمى


رد: أينعم


قلت : أسمى الصياد


قال : سنك؟؟


قلت : مابين الثلاثون والسبعون


ترك شمروخيل ريشة الكتابة قائلاً فى غضب: هنرجع تانى للتهريج والتريقة


قلت فى ضعف كاذب: أية تانى ياعم ...حصل أية ؟؟


قام من مكانة قائلاً : أنا بقولك سنك كام ...تقول من تلاتين لسبعين!!!!...تيجى أذاى دة بقى


أبتسمت قائلاً فى ود :صدقنى ...هى دة الحقيقة ومفيش لا تريقة ولا حاجة....


أنا ساعة لما أتجننت وعملتها وأنتحرت فى لحظة غباء لا مثيل لة كان عمرى خمس وثلاثون عاماً...ومن


وقت طلوع روحى لغاية لما أتكحلت عيونى بطلعتك البهية كانت بضع ساعات ...واللى أنا عرفة أن الزمن


فوق يومة بالف الف عام من زمننا على الارض ...يعنى بحسبة بسيطة تلت ساعات من ساعة الرحلة بحوالى


أربعين سنة على الارض ...يبقى عمرى دلوقتى سبعين سنة ...خلاص


نظر لى شمروخيل نظرة المغتاظ الذى أفلت من بين يدية فريستة قائلاً : ماشى هنفوت دة


رجع خلف مكتبة النارى قائلاً :من فحصى لسجلك وبياناتك ملهوش لزوم


الاسئلة....ودلوقتى نبدء رحلتنا لاول طبقة ودور من أدوار جهنم ...فى حاجة عايز تعرفها قبل ما نبدء


قلت لة : أيوة...عايز أعرف حاجة دهشانى من ساعة ما جيت هنا


نظر لى شمروخيل فى تسائل : أية الحاجة دة؟؟؟


تململت فى وقفتى قائلاً : اللى بسمعة عن جهنم هو نار وشياط وناس بتصرخ وولعة ملهاش ذى...وبصراحة


من ساعة مادخلت هنا وأنا مش لاقى حاجة خالص من الكلام دة


لدرجة حاسس من كتر الهدوء هنا أن ممكن فجأة كمان الاقى موسيقى شاعرية تملى المكان..أية الحكاية؟؟؟؟


ضحك شمروخيل وطبطب على ظهرى فأحسست بنار تلسعنى فى قفاياوشممت رائحة شياط لحمى ثم رفع يدة


قائلاً :شوف يابنى...الكلام بتاع الارض عن النار والعذاب ..دة كلة أركنة على جنب....هو كلام مش كذب ولا


هو الحقيقة بحزفرها...دة تشبيهات أرضية حسية للى بيحصل هنا ...علشان يقربوا الموضوع من المخ البشرى


المحدود...يعنى النار..مش نار بالمعنى الارضى...والعذاب مش عذاب واحد ولا نوع واحد من العذبات...دة


فية أشكال والوان من العذاب..وكل عذاب لة صاحبة ...وكل خطية لها عذبها المتفرد ...أحنا هنسبق الاحداث


لية؟...واحدة واحدة هتعرف كل حاجة كفاية كدة وياللى بينا


أنحنى هذا الشيطان الشنيع قائلاً : أركب على أكتافى وأمسك كويس


فزعت من الفكرة صارخاً فية : أية ياعم ..يعنى كل النظام دة وفى الاخر نرجع للعصر الحمارى فى


التنقل...يعنى مفيش عربية ولا حتى عجلة أو تلفريك ينقلنا


سحبنى هذا المعتوة من قفايا ووضعنى فوق أكتافة قائلاً : كفاية تزمر وتضيع وقت..أمسك كويس.....هالا ...هوووب




******************


وغداً مع الحلقة الثانية


تحياتى


الصياد من أمام أبواب جهنم وبئس المصير
__________________

القصة مش قابلة تنزيل أكثر من هذا هنا ولا أعرف السبب ؟

[Mayda]

القصة مش قابلة تنزيل أكثر من هذا هنا ولا أعرف السبب ؟



أخي شو رسالة الخطأ اللي عم تطلعلك؟

[مدحت الصياد]

أخي شو رسالة الخطأ اللي عم تطلعلك؟



شكراً أختي للاهتمام


المشكلة هي كلما أكتب باقي هذا الفصل من القصة و بعد الانتهاء أجد أنها لا تظهر الا ما تشاهديه فوق في المشاركة الثالثة وهو سطر واحد فقط ؟؟


ولا أعرف السبب


ها هناك حل لهذه المشكله


سأحاول تنزيل باقي الفصل الان و سأشاهد هل تنزل كلها أم لا

[مدحت الصياد]

نظر لى الشيطان قائلاً : أمال صبر ايوب دة يقربلك أية؟؟

قلت: يابا..ياعمى..ياخالى...ياولدى .
أنت أبيض خالص كدة..دة مصطلح أرضى بنقولة لما الواحد

بيكون قدامة بلوى أو كائن غبى ومش عارف يتفاهم معاة ...فاهم

رفع نظرة شمروخيل وهز رأسة علامة الفهم ثم قال فجأة : يعنى أية كلامك دة؟؟...يعنى أنا غبى ومش عارف

تتفاهم معايا

ضحكت فى خوف أمام غضبة شمروخيل وقلت لة فى ود زائف : لا...حاشا وماشا...أذاى أنا الانسان

المتخلف عن ركب جهنم أعيب فى الذات الشمروخية...لا أنت فهمتنى غلط...المهم..أنت مش عايز أسمى

رد: أينعم

قلت : أسمى الصياد

قال : سنك؟؟

قلت : مابين الثلاثون والسبعون

ترك شمروخيل ريشة الكتابة قائلاً فى غضب: هنرجع تانى للتهريج والتريقة

قلت فى ضعف كاذب: أية تانى ياعم ...حصل أية ؟؟

قام من مكانة قائلاً : أنا بقولك سنك كام ...تقول من تلاتين لسبعين!!!!...تيجى أذاى دة بقى

أبتسمت قائلاً فى ود :صدقنى ...هى دة الحقيقة ومفيش لا تريقة ولا حاجة....

أنا ساعة لما أتجننت وعملتها وأنتحرت فى لحظة غباء لا مثيل لة كان عمرى خمس وثلاثون عاماً...ومن

وقت طلوع روحى لغاية لما أتكحلت عيونى بطلعتك البهية كانت بضع ساعات ...واللى أنا عرفة أن الزمن

فوق يومة بالف الف عام من زمننا على الارض ...يعنى بحسبة بسيطة تلت ساعات من ساعة الرحلة بحوالى

أربعين سنة على الارض ...يبقى عمرى دلوقتى سبعين سنة ...خلاص

نظر لى شمروخيل نظرة المغتاظ الذى أفلت من بين يدية فريستة قائلاً : ماشى هنفوت دة

رجع خلف مكتبة النارى قائلاً :من فحصى لسجلك وبياناتك ملهوش لزوم

الاسئلة....ودلوقتى نبدء رحلتنا لاول طبقة ودور من أدوار جهنم ...فى حاجة عايز تعرفها قبل ما نبدء

قلت لة : أيوة...عايز أعرف حاجة دهشانى من ساعة ما جيت هنا

نظر لى شمروخيل فى تسائل : أية الحاجة دة؟؟؟

تململت فى وقفتى قائلاً : اللى بسمعة عن جهنم هو نار وشياط وناس بتصرخ وولعة ملهاش ذى...وبصراحة

من ساعة مادخلت هنا وأنا مش لاقى حاجة خالص من الكلام دة

لدرجة حاسس من كتر الهدوء هنا أن ممكن فجأة كمان الاقى موسيقى شاعرية تملى المكان..أية الحكاية؟؟؟؟

ضحك شمروخيل وطبطب على ظهرى فأحسست بنار تلسعنى فى قفاياوشممت رائحة شياط لحمى ثم رفع يدة

قائلاً :شوف يابنى...الكلام بتاع الارض عن النار والعذاب ..دة كلة أركنة على جنب....هو كلام مش كذب ولا

هو الحقيقة بحزفرها...دة تشبيهات أرضية حسية للى بيحصل هنا ...علشان يقربوا الموضوع من المخ البشرى

المحدود...يعنى النار..مش نار بالمعنى الارضى...والعذاب مش عذاب واحد ولا نوع واحد من العذبات...دة

فية أشكال والوان من العذاب..وكل عذاب لة صاحبة ...وكل خطية لها عذبها المتفرد ...أحنا هنسبق الاحداث

لية؟...واحدة واحدة هتعرف كل حاجة كفاية كدة وياللى بينا

أنحنى هذا الشيطان الشنيع قائلاً : أركب على أكتافى وأمسك كويس

فزعت من الفكرة صارخاً فية : أية ياعم ..يعنى كل النظام دة وفى الاخر نرجع للعصر الحمارى فى

التنقل...يعنى مفيش عربية ولا حتى عجلة أو تلفريك ينقلنا

سحبنى هذا المعتوة من قفايا ووضعنى فوق أكتافة قائلاً : كفاية تزمر وتضيع وقت..أمسك كويس.....هالا ...هوووب



******************

وغداً مع الحلقة الثانية

تحياتى

الصياد من أمام أبواب جهنم وبئس المصير
__________________

[Georgette Serhan]

http://www.orthodoxonline.org/forum/img-content/imgcache/2009/12/70.gif

ناطرين آخرتك مع شمروخيل
تانشوف مين غلب بلآخر

[Mayda]

أخي الصياد،

القصة جميلة جداً وأسلوبك ممتع ومُشد للقراءة..

لي بعض التعليقات، ولكن سأتركها حتى نهاية القصة..

بانتظار التكملة..

صلواتك.

[مدحت الصياد]

الحلقة الثانية



حكمة جهنم
*********



مرت الثوانى على وأنا مسطح على أكتاف هذا الدغف المدعو شمروخيل
وكأنها قرون من شدة رعبى وخوفى أنى أقع أو أحترق فى سماء جهنم
الملبدة بالغيوم المشتعلة......حتى أننى لم أشعر بطول المسافة التى طارها ذلك المجنون بى وفجأة وصلت الطائرة العفريتى الى مكان هبوطها.
نزل شمروخيل ووقف فوق هضبة هائلة الحجم وبعدها أمسك بقفايا المسكين وأنزلنى بجوارة قائلاً :
أحنا دلوقتى ياصياد على أعتاب وأبواب أول ساحة من ساحات التعلم والعدل .
نظرت لهذا الشمروخيل فى تعجب ...فضحك ضحكة خرجت معها من كهف فمة نفحات مشتعلة وكأننى أقف
أمام بركان يقزف حممة فى وجهى...فصرخت من شدة اللسعات
التى حرقت فروة رأسى فجريت مبتعداً عن هذا البلاء المستعجل
صارخاً فية :يادى المصيبة ما براحة ياعم شمروخيل....أنت هتحرقنى كدة..لية يارب.هو أنا مكتوب على الصحبة الهباب دة
فى الدنيا والاخرة كمان...دة أية النحس دة أغلق شمروخيل فمة مبتلع ضحكتة الرهيبة تم نظر لى قائلاً :
أسف.أسف مش هيتكرر الموضوع دة تانى أوعدك....المهم ...أنت كنت عايز تعرف يعنى أية التعلم والعدل ....أسمع بقى ياسيدى وماسيدك الا أنا أنت فاكر ياصياد أن جهنم ربنا خلقها ووجدها علشان يحط فيها الخطاة ويعذبهم حباً فى العذاب أو من دواعى الانتقام الالهى...لو فاكر كدة ...تبقى غلطان....ربنا خلق جهنم لحكمة الهية ...خلق السما وجهنم لهدف عظيم
طبعاً السما هى نهاية المطاف والواحة المريحة والجايزة الكبرة لرحلة الشقاء والتعب الارضى للمؤمنين ومن
محبة الخالق أنة منسيش الخطاة كمان ...بس ماكنش ممكن يدخل الخطاة للسما ويحتفلو بيها مع المؤمنين على
حفلة شاى...يعنى مش ممكن أن العدل الالهى يسمح بكدة ...يعنى مستحيل مثلاً يجيب القاتل والمقتول فى نفس
المكان ويقول...عفى اللة عما سلف...علشان كدة أوجد اللة جهنم...مش علشان ينتقم من الخاطى...اللة مش
محتاج الانتقام دة
هنا الخاطى بيتعذب عذابين
قلت لهذا الحكيم الشيطانى: أذاى بقى ياعم شمروخيل؟؟؟
رد شمروخيل قائلاً : أقولك أذاى....كل ما كانت خطايا الجنس البشرى كتيرة وكبيرة ...كل ما كانت
نفسة وروحة فى أسفل سافلين فى طبقات جهنم السبع..تقوللى لية؟؟...أقولك لية...علشان تكون أبعد وأبعد من
ذات الخالق ....مش هو اللى نفخ فى أنف الانسان عندما خلقة نسمة حياة...ونسمة الحياة دة كانت من ذات
واعماق الخالق...
.يعنى الانسان دة جوهرة من نسمة اللة ...أذاً كلما أبتعدت الروح عن مصدرها وهو اللة كلما
كانت فى عذاب ذاتى لا يقاس ولاهى فرحانة ولا هى مرتاحة...ودة أول أنواع العذاب ....والكل بيتعذب بية
هنا بدرجات...
أما تانى أنواع العذاب فهو العذاب من جنس العمل...يعنى السارق بيتعذب بخطايا سرقاتة...والكاذب
بيتعذب بخطايا كذبة ولوعة والزانى والقاتل ....الخ الخ....ولما الانسان يتعذب بيعرف خطيتة ويتعلم منها
...
ولما يتعلم منها بيصعد ويترقى درجة...ويقترب خطوة من أصلة ...اللى هو اللة....فيكون الانسان كدة بيدفع
ثمن خطاياة وفى نفس الوقت بيتعلم أذاى يستحق يكون وكيل للة على الطبيعة ويقترب من ذاتة الاصيلة
بأقترابة خطوة خطوة وسلمة سلمة فى درجات الذات الالهية للوصول للحق وهو الخالق...وطبعاً المسافة اللى
بتفصل الخاطى فى الجهنم بسماء اللة فى قدسة مسافة لا يستطيع أحد أن يعرف كم طولها ...مسافة رهيبة
...ولكنها ليست أزلية.
سقط فكى من الدهشة ثم قلت: ياللة ...يعنى كدة الواحد ممكن يوصل ويخرج من جهنم حتى ولو بعد الف سنة
مثلاً؟؟
شمروخيل: أنا معرفش....ولحد دلوقتى محصلتش قدامى...بس أنا بعرفك حكمة جهنم أية..
الصياد: يعنى جهنم مش تخليص حق بس بين الخالق والمخلوق
شمروخيل: ياصياد جهنم دة موضعها يطول شرحة ...وربنا يديك طولة العمر معانا وأنا هعرفهالك
صرخت فى هذا الشيطان التلم قائلاً : هو أنت بتموت فى المصايب...ياعم قول ربنا يقصر فى سجنك وعذابك
هنا مش تقوللى يطول
شمروخيل: ياصياد ...الموضوع لاهو بأيدى ولا بأيد حد....ذى ما قلتلك...أنت اللى هتقدر ترتفع بروحك
درجة درجة من هنا ..لحد ما هووب...تخرج بالسلام ....وأول حاجة لازم تعرفها هنا أن جهنم سبع طبقات
وكل طبقة منهم فيها ساحات لانواع الخطايا الصغرى منهم والكبرى
قلت لشمروخيل: الخطايا الصغرى والكبرى؟؟!!
شمروخيل: أينعم
مثلاً الخطايا الصغرى فى أول طبقة هى سبع خطايا صغرى
الصياد : ياسلام...طب عرفنى أية هما السبع خطايا الصغرى
شمروخيل: واحدة واحدة ...أنت مستعجل على أية..ولا أنت وراك حاجة غير العذاب ولا أنا ورايا حد دلوقتى
غيرك أنت...أحنا دلوقتى هندخل أول ساحة من ساحات الخطايا السبع الصغرة ...
وفعلاً فتح شمروخيل باب كبير جداً ذو شكل جميل وكلة مرصع بلاحجار الكريمة <مع أننى لم أرى فى حياتى
على الارض أى أحجار كريمة>..ولكنى عرفتها فأقتربت منها ومديت أصابعى لاحداها فتحولت الى فم حيوان
شنيع ولولا أننى أسرع بالابتعاد لكانت يدى كلها فى خبر كان ...
فصرخت فى شمروخيل قائلاً: أية دة ...أحنا
ناقصين خداع كمان
ضحك شمروخيل ثم أجابنى : معلش معلش ...أصل دة باب خطية الكذب....فهو شكلة حلو وكلة بيلمع كدة ذى
مانت شايف لكن فى حقيقتة عبارة عن خداع قاتل وكذب نهاش فتاك للى بينخدع بشكل الكذب وبريقة
قلت لشمروخيل: يعنى الساحة اللى أحنا وقفين فوقها دة بتاعة خطية الكذب
شمروخيل : أينعم ...بص ...بص ياصياد لتحت ...بص وقللى شايف أية
نظرت لاسفل ويالا هول ما شاهدت
http://www.orthodoxonline.org/forum/img-content/imgcache/2009/12/38.jpg (http://www.onewayg.com/vb/member.php?u=18)
*************************************
وغداً مع الحلقة الثالثة
تحياتى
الصياد http://www.orthodoxonline.org/forum/img-content/imgcache/2009/12/67.gif (http://www.onewayg.com/vb/member.php?u=240)
من أمام باب خطية الكذب
__________________

[شيم]

قصتك أخي العزيز ذكرتني بالكوميديا الإلهية لدانتي وبفيلم (seven) حيث يعاقب كل خاطئ بالخطيئة التي اقترفها في حياته يعطيك العافية على هالاسلوب المشوق بانتظار المزيد..

[مدحت الصياد]

شاهدت أرواح لا تعد ولا تحصى لاناس قد خرجت السنتهم من أفواههم مشدودة بحبال رهيبة من النار وهذة

الحبال متصلة بأعمدة هائلة الطول....وكلما حاول أى أنسان أن يحرك لسانة أرتفعت تلك الحبال بة ولفت بشدة

حول ذلك العمود أو الصارى فينتزع اللسان من مكمنة نتيجة لهذا الدوران الرهيب فيسقط الانسان أرضاً وفى

الثانية التالية تلتف حول الانسان نفس الحبل فيرجع اللسان لموضعة بفم الانسان المعذب فيقف ثانياً ...ويحاول

مجدداً أن يحرك لسانة فيحدث نفس الحدث الاول ..التفاف الحبل حول العامود وصراخ المعذب وأنتزاع اللسان

وسقوطة ثم رجوع اللسان الى موضعة ...الخ الخ...وطبعاً كل هذا والمعذب يشعر بعذاب لايستطيع أى أنسان

أو لا تستطيع أى لغة على وصفها من فظاعة تلك العذبات والالام الرهيبة القاتلة.....أنها طريقة شنيعة للعذاب

نظرت لشيطانى شمروخيل قائلاً فى فزع رهيب:أية العذاب دة...دة شىء لا يحتمل

رد شمروخيل فى هدوء منفر : دة ياصياد أقل وأول أنواع العذابات الصغرى...دة عذاب الشتام و

والمنافق والكاذب والمخادع...واللى متلقيش على لسانة غير كل كذب ونفاق

الصياد : ياساتر يارب...يعنى دة أصغر وأقل أنواع العذاب !!!!....أمال أكبرهم يبقى أية؟؟!!

رد شمروخيل : مش قلنا مش عايزين أستعجال .....فية أسئلة فى اللى بيحصل هنا؟؟؟

الصياد : يعنى هنا هيكون موجود كل الناس الكذابة ..صح؟؟

شمروخيل : أيوة

الصياد : طب أنا لية مش شايف حد مشهور من اللى نعرفهم على الارض؟؟؟...أية يعنى كلهم صادقين كدة؟؟!

شمروخيل: أنا فاهم قصدك....هنا ياصياد ...عذاب الكذب المحدود....يعنى اللى بيكذب على فرد واحد أو عدة

أفراد أو حتى عشرات ذى النصابين والمزورين ...الخ الخ...لكن فية ساحات تانية للى كذبة بيكون على

مستوى شعوب وليس أفراد....يعنى اللى بينصب على شعب بحالة ..من رجال السلطة على الارض ...وكمان

المفاجأة هتشوف كمان رجال دين موجودين فى الساحات الكبرى ..مش هنا ...المكان دة للناس اللى على قد

أفعلهم الصغيرة...يعنى مش ممكن نعذب اللى بيكذب على زوجتة بخصوص مثلاً أنة بيحبها وعمرة ما خانها

...ذى ما هنعذب اللى بيكذب و بيخون شعب بحالة

مش كفاية كدة ..ياللى بينا ..أركب على كتافى علشان

نروح لتانى ساحة من الساحات الصغرى

الصياد : أنت بردك مصمم على الطريقة الرخمة المرعبة دة !!

رد شمروخيل فى غضب : وأنت مش هتبطل تعترض على كل حاجة !!!

قال هذا ثم أمسك بقفايا المنحوس معى ووضعنى على ظهرة ثم قال : أمسك كويس ...هيلا ....هووووووب




لمحات خاطفة
************

بالرغم من طول الرحلة فوق ظهر شمروخيل لكننى لم أحس بها ...لاننى وللصدق قد سرح عقلى وكل كيانى
فى لقطات متصلة لحياتى الارضية ...حياتى التى أضعتها بغبائى وقصر نظرى أو هى التى تسربت
من بين أصابعى...قد تكون ظروفى ... أو ظروف معيشتى ....أو حتى أحلامى المستحيلة
وقد تكون كل هذة الاسباب مجتمعة قد أتفقت على بدون أتفاق بينهم على أن تضيعنى وتضيع مشروع أنسان
شريف فى يحلم بمستقبل باهر....حاولت أن أحدد بدقة ماهى مشكلتى أو ما هى كانت مشكلتى فى حياتى
على الارض ...وكيف أننى ولدت وترعرعت مثلما يقولون ...فى مجتمع وبيئة لا تعرف لتفرد الانسان وأبداعة
أى شىء...بل تعترف فقط بقوة وسطوة المال ...المال اللى مكنتش أحتكم على أى رصيد منة غير بضعة
جنيهات يومياً لاسد رمق جوعى وأحتياجات ذاتى المادية .بالكاد...أما العبقرية والابداع والشعور بالتفرد...فكل هذة الخزعبلات ليست فى مخيلة ولا فى عقل من حولى ...كان الجميع من أكبر راس لاصغر عيل يؤمن بأن الانسان المصرى والانسان عموماً لاشىء غير أنة عدد ورقم لاشباة مثلة بالملايين
وأنا فى وسط كل هذا كنت أحس و أشعر بقيمة ذاتى ...ذاتى التى حاولت بكل ماأستطع أن أصل لها وأن أكون
الصياد اللى أنا عايزة مش رقم ولا عدد...وفوق كل هذا أتت على البلد ...أسراب من اللصوص أشنع من
أسراب الجراد الذين كسروا ما تبقى من أنسانية شعب مصر وطموحة فى مستقبل أفضل
لقد باعوا لنا الوهم وسلبوا منا أعز ما يملك الانسان ...الا وهى حريتة...حريتة فى الابداع...حريتة فى التعبير
عن نفسة بل وحريتة فى أن يعيش فيها أو يرحل عنها..حريتة فى التفكير....هذا الوطن الذى أهاننى كثيراً ...هل كان
ينتظر منى غير أن أهينة ولو قليلاً ....وهذا القليل هو الامبالاة التى عشت بها ولها وهى أيضاً من أوصلتنى لعذاب رهيب...حروب لم تنتهى
بينى وبين نفسى...حتى وصلت لنهايتى الغير سعيدة بالمرة...أوصلتنى لليأس حتى من رحمة اللة
قد أكون أخطأت أو أبتعدت عن التمسك بأيمانى ...ولكننى لم أكن يوماً بكافر....حتى وأنا فى أخر لحظات
حياتى والسم يأكل أحشائى ..لم أكن بكافر...بل كنت أكبر ناقم على الدنيا والزمن وعلى كل من حولى وحتى
على نفسى....لقد كرهت حياتى وكرهت كل لحظة حاولت فيها أن أحارب الظلم واليأس بنعمة الحياة
....ولكن لم أكن بكافر....بل كنت أعظم حاقد على كل اللصوص والافاقين الذين أزلونا وأطعمونا المر
والقهر...لم أكن بكافر بل كنت أقوى صوت يسب ويلعن كل الافكار الانتهازية التى تكالبت على أرضنا وكل
الاعمال الوضيعة التى أحرقت خيرها وحولتة لرماد
أبدأ لم أكن بكافر....بل كنت أشرس محارب فى ساحات الحق والعدل ....وكيف بى أن أسكت..وكل ما حولى
يصرخ بالفساد والسقوط الانسانى...لم تمر مصر فى أى حقبة من أحقابها القديمة أو الحديثة بتلك الازمة وذلك
السقوط للانسان....لم يعد الانسان هنا يعمل ليبدع ...بل أصبح كالحيوان يعمل ليسد رمقة فقط..دة لو لقى أصلاً
عمل....رحمتك ياربى....رحمتك يالهى
دارت بى الدنيا من هز هذا المغفل شمروخيل بى وهو ينعق بصوتة الرهيب كنعيق الف غراب قائلاً :
ياصياد أصحى ...أحنا وصلنا
أقرن قولة هذا بأن وضعنى بجوارة قائلاً بهدوء: هنا بقى تانى ساحة من ساحات العذبات الصغرى
وأنفتح باب رهيب أمامى ذو شكل لا أستطع وصفة من كثرة تموجاتة ودخلنا ثم قال شمروخيل : هنا بقى
ياصياد ساحة عذاب خطية الخيانة...ذى اللى بيخونو الامانة..واللى بيخونوا عشرة الاصدقاء واللى بيخونوا
أزوجهم وزوجتهم....الخ الخ
نظرت لاسف لاجد ما جعل شعر رأسى يقف كالف مسمار ومسمار من شناعة وغرابة ما أشاهدة تحت أقدامى
فى تلك الساحة الرهيبة ....ساحة عذاب الخيانة

وغدا مع جديد الاحداث

محبتي

الصياد

[مدحت الصياد]

تنويه هام جداً
__________
__________


لكل من يتابع قصتي هذه يجب أن يعلم أنها أقرب لادب القصص منها الي الايمان العقائدي لآي طائفة مسيحية ولا تقترب الا بلمحات خاطفة من أقوال الكتاب المقدس و قصصه .
لذلك وجب التنبيه حتي لا يأخذ على القصة أي نوع من أنواع التحريف في العقيدةمن جهة العذاب أو جهنم أو السما أو الحساب أو ما شابه من الموضوعات الشائكة في الفكر و الايمان القويم المسيحي عموماً و الارثوذكسي خصوصاً
فمجمل القصة لنهايتها لها طابع أدبي و حبكة قصصية لا تخفي على فهيم واعي متذوق للادب.
حتي أيمان مؤلف القصة وهو < الخاطيء كاتب هذا التنويه > يبعد كل البعد عما كتبه


بل نتاج ما كتبه لا يعدوا أكثر من أبداع قد يكون به شيء من الحقيقه كا ستقرأون عن شخصية عزازيل وأبينا أدم و أمنا حواء و قد يتجاوز هذه الحقيقه ليفسح المجال للخيال والفنتازيا . فهدفي بالنهاية ليس تصوير جهنم أو العذاب بل شيء أبعد من كل هذا و أكبر .


فرجاء عدم مقارنتي على أفكاري بالقصة بميزان الايمان فقط.


وسأنتظر لاعرف هل أكمل أم ستصطدم أحداث القصة مع الحقائق الكتابيه و بالنهاية تحذف من هنا


فأنا بكل صراحة لا أريد أن أتعب نفسي بكتابتها هنا و بالنهاية تحذف كما قرأت في موضوع هنا مثبت


منتظر رد الاشراف



محبتي



الصياد

[Mayda]

تنويه هام جداً
__________
__________


لكل من يتابع قصتي هذه يجب أن يعلم أنها أقرب لادب القصص منها الي الايمان العقائدي لآي طائفة مسيحية ولا تقترب الا بلمحات خاطفة من أقوال الكتاب المقدس و قصصه .
لذلك وجب التنبيه حتي لا يأخذ على القصة أي نوع من أنواع التحريف في العقيدةمن جهة العذاب أو جهنم أو السما أو الحساب أو ما شابه من الموضوعات الشائكة في الفكر و الايمان القويم المسيحي عموماً و الارثوذكسي خصوصاً
فمجمل القصة لنهايتها لها طابع أدبي و حبكة قصصية لا تخفي على فهيم واعي متذوق للادب.
حتي أيمان مؤلف القصة وهو < الخاطيء كاتب هذا التنويه > يبعد كل البعد عما كتبه


بل نتاج ما كتبه لا يعدوا أكثر من أبداع قد يكون به شيء من الحقيقه كا ستقرأون عن شخصية عزازيل وأبينا أدم و أمنا حواء و قد يتجاوز هذه الحقيقه ليفسح المجال للخيال والفنتازيا . فهدفي بالنهاية ليس تصوير جهنم أو العذاب بل شيء أبعد من كل هذا و أكبر .


فرجاء عدم مقارنتي على أفكاري بالقصة بميزان الايمان فقط.


وسأنتظر لاعرف هل أكمل أم ستصطدم أحداث القصة مع الحقائق الكتابيه و بالنهاية تحذف من هنا


فأنا بكل صراحة لا أريد أن أتعب نفسي بكتابتها هنا و بالنهاية تحذف كما قرأت في موضوع هنا مثبت


منتظر رد الاشراف



محبتي



الصياد



أخي الصياد،

في أول مشاركة لي في موضوعك الجميل هذا كنت قد لمحت على وجود بعض التعليقات لدي من خلال ما قرأته، وهذه التعليقات كانت عبارة عن تضارب بالأفكار فيما تكتب وفيما نؤمن!! كما يوجد بعض التصورات التي سقتها لا توجد في إيماننا، وسأعطيك مثالاً واحداً وهو، نحن لا يوجد لدينا طبقات سبعة من الجنان ولا طبقات سبعة من جهنم!!

ولكن أسلوب القصة جميل جداً جداً وممتع للقراءة ومُشد، فاقترح أن نعدل المشاركة الأولى ونكتب ملاحظة بأن هذه القصة لا تُعبر عن معتقدات أو إيمان أي طائفة من الطوائف المسيحية كما سبق وشرحت وإنما هي قصة أدبية فانتازية.

ما رأيك؟

صلواتك

[Mayda]

وأيضاً يتم نقلها من قسم قصص روحية إلى قسم الأدب والفنون.

[مدحت الصياد]

وأيضاً يتم نقلها من قسم قصص روحية إلى قسم الأدب والفنون.



أختي الغالية أشكرك على سرعة ردك علي

و أقتراحاتك صحيحة و في محلها

أرجوا منك سرعة نقل القصة لمكانها الجديد و أيضاً تحويل التنبيه الذي كتبته لبداية القصة

محبتي

الصياد

[مدحت الصياد]

ساحة عذاب الخيانة
______________




هل ما أشاهدة حقيقى أم وهم جهنمى خادع ...أم هو كابوس مرعب شنيع


كانت تلك الافكار تتقافز فى عقلى من هول ما أشاهدة وأنا واقف بجوار مندوب جهنم هذا المدعو شمروخيل


أرواح لاتعد ولا تحصى من البشر بكل أجناسهم والوانهم تصرخ بشدة صرخات مفجعة رهيبة لم أسمع مثلها


طوال عمرى وحياتى على الارض....صرخات لاتنقطع ولو للحظات من فظاعة العذاب الذى يتجرعونة هنا


أقشعر بدنى وأنا أرى بعيونى التى دارت فى محجريهما كل أنسان هنا يجرى وهو يحاول الهرب من وحش


رهيب شديد الشناعة فى هيئتة و قسمات وجهة المرعبة...حتى أننى أصبحت أرى شمروخيل كأنة ملاك جميل


بجوار أشكال وهيئة هؤلاء الوحوش....وكل وحش يجرى مختصاً أنسان بعينة...وكأنة خيال ظلة ...وطبعاً لا


مهرب من الصياد.... وحينما تقع الفريسة أو المعذب فى قبضة يد هذا الكابوس الرهيب يبدء العذاب ....تخيل


أنسان لم يأكل طوال أسبوع وفجأة وجد أمامة وليمة دسمة....ماذا سيفعل....؟؟؟؟...هذا ما يفعلة الان كل وحش


مع المعذبون فى هذة الساحة المرعبة <ساحة عذاب الخيانة>...طريقة رومانية قديمة فى ساحات روما عندما


كانوا يرمون الشهداء لتلك الاسود والسباع لتلتهمهم فى ثوان...ولكن الفرق هنا رهيب ...فهذة الوحوش رهيبة


بما لا يقاس عن الاسود الارضية ....والعذاب ينتهى ليبدء من جديد...يعنى لا المعذب يموت ولا الوحوش


تشبع أبدأ...أنياب رهيبة وكأنها قد صنعت من فولاد...ذو شكل لولبى وتخرج منها ممصات لامتصاص حتى


دماء الفريسة...وهذة الانياب كبيرة ضخمة ....تستطيع أن تفرم قطار أو سفينة فى ثوان ...فما بالك


بأنسان....وكل هذا والوحش يعذب أو يمزق الفريسة بهدوء وبطىء وكأنة يتسلى وليس يأكل طلباً


للشبع...وتخيل أو لا تتخيل <أن كنت من أصحاب أمراض ضغط الدم أو القلب أو من المرعوبين وراثياً>


تخيل مدى حجم الالام التى يشعر بها المعذب...اذا كانت هذة الالام لها مقدار نستطيع تحديدة...هذة الالام .


..ليس لها نظير على الارض ...فلن يستطع أقوى الرجال وأشرسهم حتى وهو تحت تأثير مخدر أن يتحملها


ولو للحظة واحدة الا بالموت ...
__________________

[مدحت الصياد]

نظرت لحبيبى نجم الشباك شمروخيل قائلاً لة : مين دول ...<أشرت على الوحوش >


أبتسم شمروخيل أبتسامتة المصبوغة باللون الاصفر قائلاً فى بطىء : دول ....دول بقى ياصياد الخطايا بتاعة


المعذبين هنا


رفعت حاجبى قائلاً : مش فاهم يعنى أية خطاياهم؟؟...أنا اللى أعرفة أنك تقول دول اللى بيعذبو أو بينفذوا حكم


جهنم فى الناس دول بسبب خطاياهم ...مش تقوللى هى دى خطاياهم ؟؟


نظر لى شمروخيل نظرة كأنة ينظر لطفل رضيع أو غر يعلمة قائلاً : أنا واضح ودقيق جداً فى كل حرف


بقولة ....دول خطاياهم....تقولى أذاى ؟...أقولك أذاى....بص بقى ياسيدى...خطايا الناس دة كانت الخيانة ...صح؟؟


قلت لة بسرعة : صح


رد قائلاً : طب اللى طول عمرة عايش فى الخيانة ...يعنى حياتة كلها خيانة فى خيانة ...من أول خيانتة


لشريكة حياتة وخيانتة فى العمل لصاحب العمل وخيانتة للامانة لو أئتمن على شىء لحد خيانتة لجسدة وعدم


المحافظة على عطية الخالق...اللى ذى دة ...مع الوقت ومع كل خيانة بيفعلها على الارض ...بيبتدى يظهر


هنا وحش أو حيوان صغير بأسم هذا الانسان وكل ما أشتغلت الخيانة على أيدية ...كبر الوحش بتاعة هنا


فى جهنم....يعنى أنت هنا هتلاقى وحوش كبيرة ورهيبة الحجم والقوة والشناعة وبردك هتلاقى وحوش نص


نص ...بس حتى أضعف الوحوش هنا ...عندها مقدرة أنها تفترس البشرية كلها اللى عايشة على الارض فى دقايق معدودة


هززت رأسى فى قوة حتى لا أسقط أرضاً من هذا الدوار الذى حل بى لسماعى لهذا الشرح الممتع ثم قلت


لشمروخيل: يعنى كل الوحوش دة هى من صنع الانسان ؟؟


رد شمروخيل : لا....قصدك هى من صنع أفعال الانسان وخطاياة


بص ياصياد ...اللة مابيظلمش حد ....وكل واحد بيشوف هنا نتيجة أفعالة اللى فعلهاعلى الارض ....وكل


واحد هنا بياخد كل حقة ...يعنى مستحيل هتلاقى واحد بيتعذب مقدار أكثر أو أقل مما فعل على الارض


قلت لشمروخيل: بس ياشمروخيل ياخويا...العذبات دة رهيبة ...مستحيل هتقيس العذاب هنا بنفس اللى عملة


الانسان على الارض...دة ياشوشو ....الدقيقة هنا والعذاب دة ولو لثوانى أشنع الف مرة واكبر بكتير من


خطايا عمر الانسان كلة ولو كان عمرة الف عام؟؟؟أذاى بقى بتقول أن العذاب على قد الخطية؟؟

[مدحت الصياد]

نظر لى شمروخيل فى هدوء قائلاً : يا عزيزى الصياد ....كلامك على راسى من فوق .....بس موضوع


العذاب ودرجاتة وشدتة وما الى ذلك ...كل دة شىء نسبى...مش أكتر ولا أقل


حركت رأسى علامة الاعتراض قائلاً لهذا العالم الجهنمى : لا...لالا...أية الكلام دة !!!...يعنى اللى يشكة


دبوس ...ذى اللى تشكة عقربة مثلاً...والا اللى تصدمة عجلة أو سيكل...ذى اللى يصدمة قطار تربينى


مثلاً....هاهاها...كلامك دة مش معقول ياشاو شاو ياخويا


رفع شمروخيل كفة الرهيب فى وجهى قائلاً: حيك على شوية ياصياد....كل حاجة بالعقل والمنطق تتفهم


وتوصل المخ...صح؟


قلت : صح


شمروخيل: تعرف تقوللى أذاى بتقيسوا الالام على الارض...وأية هى وحدة قياس هذة


الالام؟؟؟...ها...تعرف؟؟؟


هرشت فى يافوخى من فوق ثم قلت: على ما أظن لحد دلوقتى مفيش حاجة بتقيس الالام ولا أعرف وحدة


لقياسة...


شمروخيل: طب تقدر تقوللى ...لو أحنا ضربنا مثلاً شاب قوى يافع بعصا من الحديد مثلاً....وضربنا فتاة


رقيقة بنفس العصا .....أية اللى حيحصل للاتنين...ها...تخيل كدة..


نظرت للفضاء الشاسع فوقى رافعاً مخيلتى ثم قلت: على ما أتخيل كدة....الشاب ممكن يصرخ من الالام ...أو يقع من شدتها ...أما الفتاة فمتهيئلى كدة ...أن المكان اللى هيكون مكمن الضربة هيتمزق أو ينكسرلها ضلع أو تغمى عليها


رد شمروخيل قائلاً : صح ....أجبتك معقولة ....طب والشعور بالالام ؟؟


قلت : لو قصدك مين هيشعر أكثر بالالام...طبعاً الفتاة الرقيقة


رد : حلو قوى ..أهو أحنا وصلنا للى عايزينة.....اللى أنا عايز أعرفهولك ...أن الالام الارض ممكن من


شدتها أنها تعمل تدمير للاعصاب ....فيموت الانسان لوقتة ... ودة اللى أسمة عندكم على الارض الصدمة


العصبية..وطبعاً الصدمة العصبية دة درجات...منها البسيط ومنها الشديد وطبعاً منها القاتل...أما هنا فمهما


حدث من شدة الالام التى لا تطاق على الارض فمستحيل أن المعذب يموت....دة


أولاً...أما ثانياً....فالمعذب هنا أعطاة الخالق تحمل أكثر للعذاب حتى يشعر بها وتعطى نتيجتها المطلوبة...بس


مش معنى كدة أن المعذب يكون مثلاً مرتاح وحاطط رجل على رجل ومستحمل بهدوء الالام هنا...لا


طبعاً....لقد أعد المعذب هنا ليكون مرهف الاحاسيس الجسدية والنفسية والروحية أيضاً.. للشعور بتلك الالام


وفى نفس الوقت تحملها لاقصى درجة ...يعنى ذى ما قلتلك أن الالام شىء نسبى .....وعلى الارض


الانسان الخاطى اللى مثلاً خان وبيخون زوجتة ...بيكون شعورها أية من خيانتة...طبعاً الام فظيعة لشعورها


بالمهانة...ونفس الشىء الانسان اللى بيكون قاتل....بيزرع الالام فى نفس ضحيتة وبعدة فى أسرة الضحية


واللى بيتعذب على أيد قساة القلوب اللى بيسرقوا شعوب...قوللى أية شعور اللى بيعذبوة؟؟



دمعت عيناى وأنا أتذكر ما حدث لى أيام ما كنت عايش على أرض الشقاء والتعب وكأن الذى حدث ...حدث منذ لحظات ..نظرت لشمروخيل قائلاً: عارف عارف...الانسان دة بيحس بالمهانة والزل لابعد الحدود...ولو كانت الام جسدة شنيعة ولكنها تنتهى مع الوقت...فالالام روحة ونفسة رهيبة لا تقاس ولا تنتهى أبداً..أنهم يزرعون الالام والحقد فى أرض هذا المعذب المهانة أدميتة....


شمروخيل: طب ..مش كفاية كدة وياللى بينا على الساحة التالتة..أركب...هيا


الصياد: حاضر


وفعلاً ركب الصياد فى مكانة على أكتاف شمروخيل الذى قال قولتة الشهيرة: أمسك كويس


....هيلا...هووووووب
__________________



وغدا مع جديد الاحداث


محبتي


الصياد

[Mayda]

ياد;52406][/size]
أختي الغالية أشكرك على سرعة ردك علي

و أقتراحاتك صحيحة و في محلها

أرجوا منك سرعة نقل القصة لمكانها الجديد و أيضاً تحويل التنبيه الذي كتبته لبداية القصة

محبتي

الصياد



تم أخي...

صلواتك

[مدحت الصياد]

مقابلة مع أبليس
_______________________

وقبل أن يهبط شمروخيل بى الى الساحة الثالثة سمعتة يتحدث مع نفسة ....وبعدها دار بى دورة كاملة وهبط بطريقة رأسية سريعة جعلتنى أتجمد من شدة الرعب وهرب الدم فى عروقى من هذا المتهور ...ثم صرخت فية بكل قوة وأنا متشبث بأكتافة بكل ما أتيت من عنف لم أعرفها فى نفسى من قبل....نقول أية ...حب الحياة والخوف من الموت..ولكننى ميت فعلاً ..قلت لهذا الصاروخ الهابط بى لارض جهنم بكل قوتة وكأنة سيحفر نفق برأسة بها :...ياعم شمروووخييييل...انت اتجننت والا نمت على نفسك....هدى السرعة شوية أرجوك...أتوسل اليك...أنا قلبى هيقف من الهبوط الرهيب دة

ضحك شمروخيل صارخاً بى: متخفش ...أنت خايف من أية؟؟؟يعنى لو وقعت هتموت...مانت ميت ياحبيبى ....
الصياد: طب أنت رايح على فين كدة بالصلاة على أبليس؟؟

شمروخيل: معلش الرحلة أتغيرت ...أصل جانى
message

نظرت فى ذهول لشمروخيل قائلاً : أية ياخويا ؟؟..جتلك رسالة؟؟...هو المحمول نزل هنا كمان؟؟...طب أنت تليفونك كرت والا خط...هاهاهاها

شمروخيل: أنت بتتريق على ...هنا الرسايل من الدماغ للدماغ طوالى مش محتاجين أجهزة نقل ياحلو

قال هذا ثم أقترب بشدة..وأصبح قاب قوسين أو أدنى من الارض فأغلقت عينى من هول مشهد الارض وهى تقترب منى بشناعة...ولكننى بعد ثوانى لم أشعر بأى أرتطام ففتحت عينى لاجد نفسى فى أسفل سافلين ...نظر لى شمروخيل قائلاً : خلاص الرحلة وصلت للمحطة أنزل بقى

نزلت بهدوء قائلاً لة : أحنا فين ياشوشو

رد شمروخيل قائلاً : أحنا على أبواب قاعة الرئاسة الجهنمية

فزعت من هذة الاجابة صارخاً فى شيطانى: أية...أية اللى جابك هنا دلوقتى ؟؟

رد بسرعة وهو يسرع الخطى وأنا طبعاً الهث خلفة: مش قلتلك من شوية جاتلى رسالة

الصياد : من مين الرسالة دة ؟؟

شمروخيل: < وقف عن الهرولة وأستدار نحو وأقترب من رأسى > قائلاً فى شماتة أحسستها فى لهجتة: رسالة من الريس ...من كبير القعدة....من رئيس الهاوية...من أبليس نفسة...

صعقت ...بشدة وتسمرت فى مكانى وكأننى تمثال شمعى ...أو قطعة من الحجر ...ثم نفضت عن نفسى بعد ثوان هذة البلاهة التى أصابتنى من هول الموقف الذى أنا فية الان قائلاً : يعنى...أحنا...دلوقتى...هنقابل. ..أب..أبل..أبلي...أب ليس!!

رد شمروخيل فى قوة وهو يهزنى قائلاً فى مرح مش معهود فية بالمرة : أية ياصياد ...أنا كنت فاكرك أشجع من كدة...وأية يعنى لما تتقابل مع الريس بتاعنا؟؟؟ ما أنت كنت كدة كدة هتقبلة ....يعنى دلوقتى أحسن ...وكمان الريس بتاعنا ذى الفل وأنسان جدع قوى

نظرت لهذا الاهبل قائلاً لة : أنسان ؟؟...مين دة الانسان ياعم شمروخيل؟؟؟ أبليس؟؟؟

هز شمروخيل رأسة فى قوة قائلاً بسرعة : أسف ..أسف ...قصدى هو شيطان حلو خالص ...شيطان جدع وصاحب صاحبة

أبتسمت أبتسامة الغريق الذى أضحى بينة وبين الغرق والموت شعرة قائلاً لهذا الشيطان الانجليزى اللى مش عايز يسبنى فى حال سبيلى..... وأنا فى كامل اليأس والقنوط : صاحب صاحبة؟؟؟..ياساتر يارب

رفع شمروخيل أصبعة فى وجهى ..<أذا كان هذا الذى رفعة فى وجهى يسمى أصبع> محذراً : هس.....بس...أنت بتقول أية...<وتلفت حولة فى خوف شنيع ...لم أشاهد شوشو خائف قبل ذلك أبداً...ثم أكمل كلامة بصوت يصعب على الكافر: أوعى...حسك عينك تقول أى لفظ أو كلمة فيها اللة أو يسوع أو المسيح أو أى شىء يخص السما ...فاهم..أوعى ..لحسن تكون نهايتى.... ونهايتك قبلى كمان...أوعى ياصياد ..أرجوك

ضحكت من هذا الرعب الذى أرتسم على قسمات....< أو حفر> وجة شمروخيل ثم قلت لة فى تسائل : طب وأية اللى هيحصل يعنى...ماحنا متأندلين..وقعدين هنا فى جهنم...على رأى المثل اللى قال....قالوا للقرد هنصخطك...رد وقال ..أكتر من كدة أية...هتخلونى غزال..هاهاهاها

هل رأيت يوماً شيطان يلطم ويولول ذى الولايا...دة اللى حصل لصاحبنا ..أقصد صاحبى شوشو الذى بدء فى وصلة ولولة رهيبة مع دخول موسيقى قوية مؤثرة من اللطم على كهوف خدودة ثم قال : أنت كدة مش هتجبها البر معانا...أحنا هنا فى الدرك السابع من جهنم ..عارف يعنى أية؟؟؟
الصياد : لا...مش عارف؟؟

شمروخيل: يعنى دة أشنع وأبشع طبقة من طبقات جهنم ...دة حتى الشياطين بتهرب من الخدمة هنا ..واللى أهلة دعين علية...يتسجن هنا.... مننا..أو منكم

ولو لا قدر القدر وسمع الريس كلمة من هذة الكلمات هتروح ورا

الصياد: أية هنا كمان ..هروح ورا الشمس..هو الموضوع دة ورايا ورايا..فى الدنيا والاخرة كمان..دة أية الحزن الازلى دة والنحس اللى مش عايز ينزل من فوقى..خلاص يابا...خلاص كفاية ولولة ذى الحريم كدة ...أمسك نفسك شوية..وأنا أوعدك أنى مش هجيب سيرة حد يعكنن مزاج الباشا الكبير بتاع جهنم...أوعدك

شمروخيل : طب ياللى بينا

وهنا فتح شمروخيل باب كبير جداً...فخم ....باب ذى أبواب مكاتب كبار رجال الدولة...أو الكون.. ثم دخل فى أحترام وأنا طبعاً خلفة وكأننى تلميذ بليد رايح عند ناظر أو مدير مدرستة ومعاة ولى أمرة...

كانت المفاجأة كبيرة على نفسى مما وقعت علية عيناى..لقد كنت منتظر أن أرى مكتب أبليس عبارة عن بركان وحمم وهو يجلس فوق هذة الحمم ويمسك فى يدة بشوكة هائلة الحجم لزوم الغز والضرب وأن أجد جماجم تتدلى من سقف هذا المكان ودخان يملاء الهواء من حولى ...وأشياء كثيرة من هذا القبيل مثلما نشاهدة فى الافلام السينمائية...ولكن ما شاهدتة أبعد ما يكون عن كل هذا بمراحل ...أقصد عكس كل ذلك...نعم لقد وجدتنى فى قاعة فسيحة جداً ..على أحدث صيحة فى الديكورات .وسجادة حمراء فخمة مفروشة على أرضية هذة القاعة بالطول وفى نهاية القاعة ونهاية السجادة كان هناك رجل يجلس خلف مكتب بيضاوى الشكل مثل مكتب البيت الابيض الامريكى...وهذا الرجل شديد الاناقة يلبس بدلة لها الف لون ولون...مموجة لا تعرف لها أستقرار على لون معين...ورباط عنق على ما أظن أشتراة من أفخم بيوت الازياء الايطالية....ولة هذا الرجل وجة غاية فى الرقة والجمال ذو عيون زرقاء اللون وذو شعر أحمر قانى ناعم الملمس...ومع كل حركة منة كانت خصلات شعرة تقع على عيناة فيرفعهم بكل وسامة ورقة متناهية....نظرت لشمروخيل قائلاً لة: مين دة ؟؟؟

رد وهو يتقدم بأحترام : دة الريس بتاعنا هنا ..دة أبليس

فزعت من أجابة شمروخيل...ثم أجبتة بسرعة : الحليوة دة ...أبليس !!!!!!!...ياعم قول كلام تانى..

نظر لى شمروخيل ثم رفع وجهة للرجل قائلاً فى قوة وأحترام كبيرين: مساء الزفت واللهاليب ياريس

نظر أبليس لنا وقال فى هدوء وبصوت غاية فى العزوبة وكأننى أسمع مقطوعة موسيقية للسداسى شرارة أو الاخ بتهوفن: مساء القطران عليك ...مين دة ياشمروخيل؟؟

تنحنح شمروخيل وقال بكل كياسة :دة اللى سماحتك وشيطانتك طلبتة الان..دة الصياد

وقف أبليس فى سرعة ثم قال : دة...هو صائد الذباب؟!!!!

لماذا أحسست بالمهانة والاهانة من هذا الرد ...لا أعرف...ثم نظر لى أبليس قائلاً : أهلاً...أهلاً...

×××××××××××××××××××××



وغداً مع جديد الاحداث

محبتي

الصياد

[مدحت الصياد]

الحقيقة الشنيعة
__________

تقدمت من الذات الابليسية تقدم المجنون المقدم على الموت تحت عجلات دبابة ثم قلت فى شىء من الرهبة :

مساء الخير يافندم

لكزنى شمروخيل بكوعة المدبب فى جنبى فصرخت من شدة الضربة وكأنها قرون لثور أسبانى

عفى....ولكننى عرفت مغزى هذا الضربة عندما صرخ فى أبليس: أنت بتقول مساء الخييررررر..

تلفت حولى أبحث عن مخرج أو هروبة من هذا الموقف وتلك الزنقة المفاجأة ثم قلت : أية ؟؟..حصل ..أية

ياعم...هو أنا عملت حاجة لاسمح الل ....فمسكت الكلمة قبل أن تخرج من لسانى ..لسانى دة اللى مش هيجبها

البر معايا...وبلعت الكلمة ..أكيد عرفتم أنا كنت هقول أية

نظر لى أبليس من تحت لفوق ثم هدء قليلاً وقال: بص ياصياد...هنا ممنوع منعاً باتاً تقول الفاظ مش محبوبة

ولا مقبولة هنا..يعنى أنت لما تقولى مساء الخير ..كأنك بتشتمنى وبتلعن سلسفيل جدودى ..دة لو لى جدود أصلاً...

نظرت لشمروخيل فى حيرة ثم قلت لابليس: طب لما أحب

رجع للصراخ تانى وقال : يادى النيلة ...أية يابنى..قبل ما تتكلم أى كلمة ..فكر فيها الاول ...وشوف

تنفع هنا والا لا...لاخر مرة...لا عايزك هنا تقول أحب ولا خير ولا أى شىء من الكلام دة ...مفهوم

قلت فى رعب : مفهوم

أبليس : طب لما تكرة تسلم على حد تقولة أية ؟؟

الصياد : أقولة أية...أقولة أية؟؟؟...أيوة أيوة ..أقولة مساء الفل

صرخ أبليس فى وجهى وتلون وجهة باللوان الغضب : أية ...تانى؟؟

الصياد : سبنى أكمل ...هو جنابك وقفلى عالوحدة...هقولة...مساء الفل الدبلان...مساء الصبار اللى من الشوك

ومن المرار مليان...مساءك ياأبليس كلة قطران فى قطران

لاول مرة أرى أبتسامة أبليس ..الذى هدء وقال : أيوة كدة....البنى أدمين دول ياجدع كائنات بتتعلم بسرعة ومش

بس كدة ..دة كمان بتتفوق علينا ساعات فى المكر والخداع والشر وكل مالذ وطاب

رجع أبليس لمكتبة وقال فى حنان الاب ونعومة الحرير وصفاء الانهار: أنت أتعذبت والا لسة؟؟؟

وكأنة بيعزم على أو بيشوفنى أخذت حقى من زيادة مرتب أو مكافأة أو عيدية!!!

بلعت ريقى الذى أضحى كالصحراء القاحلة ...فتنحنح شمروخيل وبثق فى وجة أبليس فصعقت من هذا الفعل

الشنيع وأنتظرت المجهول من أبليس لى ولهذا المتخلف المدعو شمروخيل..ولكن يالا المفاجأة ..لقد نظر أبليس

قائلاً لشمروخيل: فية أية ؟؟

شمروخيل: يسمحلى شرك وخستك أنى أتكلم



__________________

[مدحت الصياد]

أومىء أبليس لشمروخيل برأسة ..فأكمل شوشو قائلاً : عظمتك ..الصياد لسة واصل النهاردة بس ..وطبعاً

نظام المكان هنا يتطلب الاول أنة

رد أبليس بسرعة: أيوة..أيوة..خلاص ...فسحة فى جهنم الاول وعرفة كل الساحات وطبقات جهنم وبعديها

يرجعلى هنا علشان ننظر فى الدوسية بتاعة ونقيس خطاياة من كتاب حياتة

تنفست الصعداء كما يقولونى <ماأننى لاأعرف معنى الصعداء اللى هتنفسها دة>...بس كلمة فسحة شوية دة

مريحتنيش خالص ..ذى أفلام السيما المضروبة

رد شمروخيل قائلاً : سيادتكم تأمرنى بشر دلوقتى

أبليس : لا..لا...خد الصياد وكمل الزيارة

ثم التفت لى قائلاً : عايز تعرف حاجة منى ياصياد قبل ما أنهى المقابلة؟؟؟

قلت فى رهبة : لو سمح شرك وخساسة طبعك...ووضاعة أصلك أنى أعرف حاجة من جنابك

ضحك أبليس بشدة ثم قال : قول ..قول...بيتك وجهنمك

الصياد : معليش لو فيها تناحة ووضاعة وسماجة منى أنى أعرف ..شكل وهيئة حضرتكم ...هى كدة والا

عامل عملية كذب وتجميل لخلقتك الشنيعة..؟؟

هنا نظر لى شمروخيل ورأيت الدموع تنساب من عيناة..دموع تغلى بشدة وكأنها تخرج من سخان للمياة .

<.ياخبر أسود أنا باين على عكيت الدنيا فى بعضها>

قال أبليس : أنا أول مرة حد يسألنى السؤال دة !!!..ماشى هجوبك..المرادى بس ..ذى ما تقول كدة

دسكاوند..أو

أوكازيون...طبعاً دة مش شكلى الحقيقى..أنت ياصياد أو غيرك لو شاف هيئتى وشكلى الحقيقى..مش هيستحمل

يعيش تانى...هيتحرق عالطول...بس أنا ممكن أوريك شكلى من ورا ستارة

وفعلاً قام أبليس ونزلت بيننا أنا وشمروخيل من ناحية وأبليس من الناحية المقابلة ستارة وكأنها حائط من

الفولاد...ولكننى رأيت أبليس من خلفها أو لنقل بدقة رأيت خيالة ..وهو يتحول الى..الى ..وحش رهييييب

غاشم ضخم من النيران فأحسست أن قلبى سيقف ..فصرخت بشدة: كفاية كدة..وحش أقوى كدة...أستودعك

جهنم ياريس وبئس المصير....ثم التفت لشمروخيل قائلاً لة ..ياعم يالا بينا قبل ما يهدم الحيطة دة ..ويهجم علينا

جرى شمروخيل وأنا خلفة وهو يقول : مانت أفعالك كلها تودى الدرك الاخير ياصياد..حرام عليك...أنت

ناوى تخلص على وأنا لسة فى عز شبابى...ياأبنى أنا عندى عيال عايز أربيهم

قلت لة ونحن نخرج مسرعين من الباب : أعذرنى ياشوشو..الواحد مبيتعلمش بالساهل..وأوعدك ...وعد خاطى

..لشطانة ..أنى مش هسأل فى أى حاجة تخص صاحبنا دة تانى أبدأ

نظر لى شمروخيل بعدما واقف وهو ينهج بشدة حتى أنتظم تنفسة ..وخرجت من منخارية صحابة سوداء مهببة فقال : طب ياللى بينا...أركب عالكتافى

وفعلاً ركبت وجلست رجل على رجل وقلت : سوق ياسواق

ضحك شمروخيل وقال : ماشى..حاضر جنابك

أمسك كويس

هيلا...هووووووووب

________________


وغداً مع جديد الاحداث

محبتي

الصياد

[مدحت الصياد]

أستراحة خمس نجوم
______________

التفت لى صاحبى وهو محلق فى ضباب سماء الجحيم بعدما خرجنا من الدرك الاسفل قائلاً:

بقولك أية ياصياد

نظرت لة فى تسائل ..فأكمل كلامة : الساعة دة ساعة غدا...وراحة لى....ماتعمل فى معروف وننزل شوية نقعد قعدة طرية كدة ونأكل لقمتين...علشان كمان يكون بيننا عيش وملح ومحدش يخون التانى فى أى وعد..موافق؟؟...ولو مش موافق نكمل الرحلة...قلت أية؟؟

نظرت لة بشدة غير مصدق لهذا الهراء <مثلما يقولون فى المسلسلات العربية التعبانة >>..فقلت لة : ماشى ياعم شوشو...بس مش كان أحسن ..قصدى أوحش تقول ..متعمل فى متلوف مش معروف....وكمان أية هيى القعدة الطرية اللى ممكن أستناها هنا!!!!....وكمان عيش وملح.!!!!...طب قول ...ظلط ولهليب والا ولعة وشياط..هاهاهاها

ضحك شمروخيل قائلاً : يعنى موافق...طب ياللى بينا على أستراحة لهليبو

وفعلاً عرج بى الى مكان غاية فى الشناعة ...عبارة عن منطقة صحراء جرداء لازرع فيها ولا ماء...ودلفنا الى مغارة تتوسط هذا المكان...وفوق المغارة توجد كتابة بالنيران المشتعلة تقول

<< أهلاً ومرحباً بكم ياأوباش .. فى أستراحة ومطعم وكافر شوب ...لهليبو >>

ضحكت بشدة وأنا أقرأ تلك الكلمات قائلاً لصديقى: حلوة...حلوة كلمة كافر شوب دة

نظر لى شمروخيل قائلاً فى ود : ممكن منتكلمش دلوقتى خالص لحد مانطفح ..

أنا : أوكى

دخلنا لقاعة غاية فى الروعة البشعة...أو بشاعة الروعة...لو كان هناك وصف لها غير هذا...ولكن هى الحقيقة لما أشاهدة بعينى...قاعة فسيحة ذات أضواء شيطانية تغلب عليها روح المجون والالام من كثرة الالوان الحمراء بكل درجاتها التى نعرفها والتى لانعرفها من قبل....الحوائط عبارة عن أمعاء لوحش أو حوت أو لمخلوق ضخم...وتسيل من تلك الامعاء دماء كالشلال...ولكن للصدق تسيل بنعومة وذوق غاية فى العبقرية....مع وجود لبعض العيون المتفرقة هنا و هناك على تلك الحوائط...عيون شديدة الحمار والقسوة ..وتتحول بين الوقت والاخر الى عيون تبكى بمرارة وندم...فنظرت لصديقى الصدوق شوشو قائلاً لة : أية دة ياعم..هى دة الكافر شوب بتاعتكم...حرام عليك وعلى اللى...

قاطعنى ساحباً يدى بقوة الى أقرب طاولة وأجلسنى فوق كرسى...وللصدق ..لا أعلم بالظبط هل الذى أجلس فوقة كرسى..أم..أم خازوق؟؟ ..لقد أحسست بلهيب شديد فى ....فى...لمؤخذة فى.....مؤخرة قفايا..<أفهموها أنتم بقى>

المهم..حضر الينا من العدم وحش شديد البشاعة ..طويل القامة نحيف الجسد يمسك فى يدة بفوطة أذا كان هذا الشىء الممسك بة يسمى فوطة هنا..شىء أشبة أو أقرب ما يكون من حتة خرقة بالية أو هى قطعة من ملابس لشخص قد حدثة لة حادثة ودهسة قطار..فالقطعة كانت تسيل منها الدماء

نظر لنا هذا الجرسون المتوحش قائلاً فى تناحة يحسد عليها : أف...أية الزباين العرر دة...نهاركم أسود ويومكم أغبر مطلعتلهوش شمس...وليلكم ضباب بينقط أسمنت وجبس..طلبات الاباعد أية ياحوش منك لة ..طلبتكم أية يا أكسلنس

أنفجرت فى التنح الرخم دة صارخاً فية : دة ليلتك أنت ويومك أنت ونهار أهلك أنت اللى باين علية مش طلعالة شمس ولا حتى قمر...يابايخ...ياكالح... ياسابح فى بحور الرخامة

..ياواخد كاس جهنم فى الغلاسة ...والتناحة...والتلامة

ولكن هذا الدهل ضحك و بكل سماجة ورذالة رد : أشكر سيدى على هذا الاطراء وهذة الكلمات العزبة ..أرجوا لك طعام بالسم الهارى أنت والمدعوك اللى جنبك

نظرت لشمروخيل ..علشان يرد على الداهية دة الواقفة أمامنا..ولكن لا مجيب فالاخ شمروخيل كان منهمك بكل جوارحة وكل عيونة التى تعدت الخمسة فى لاستة الطعام الموضوعة أمامة..فلم يلقى بالاً لمهاتراتنا أنا وهذا الجرسون قليل الادب ..غير أنة تكلم بعدما سألة الجرسون عن الطفح الذى يريدة فقال : أنا عايز أطفح طبق معكرونة وزود السم شوية...وكمان صحن كوارع بالفتة...وطاجن نخاع بالبصل والتوم

نظر لى الجرسون قائلاً : وحضرتك..تطفح أية؟؟

قلت بغباء مستحكم : نفس الطلبات

الجرسون: والحلو أية؟؟..والا يكون مشروب؟؟

رد شمروخيل بسرعة : الحلو ..الحلو...ياريت يكون مهلبية ملهلبة...وزجاجة مياة فوارة بالشياط من الدرك السابع




__________________

[مدحت الصياد]

نظر لى الجرسون سائلاً : وحضرتك؟؟
قلت بكل سذاجة: شرحة
وهنا أنحنى الجرسون وأختفى ..مثلما جاء من العدم مثلما ذهب
نظرت لصديقى شمروخيل قائلاً : طب ياصاحبى ..هو هنا الحساب بيكون أذاى؟؟
رد شمروخيل فى غباء: الحساب..؟؟..أى حساب؟؟؟
قلت لة فى هدوء : حساب الطلبات دة...والا يكونش هنا نظام سفلئة..والا كريدى كرت..والا على الفاتورة بتاعة جهنم؟؟؟

ضحك شمروخيل ..فخرجت حممة فى وجهى فوقعت على الارض صارخاً فية: ..حاسب..حاسب ياعم ..أنت بتنسى بسرعة لية؟؟..هو دة كان وعدك لية بردة؟؟؟
رفعنى شمروخيل بعدما أغلق فوهة بركان فمة قائلاً : معليش ..أصلك فكاهى جداً ياصياد وبتفكرنى بأخر واحد أستقبلتة هنا فى جهنم...الشيطان يمسية بالشر..كان جدع ذيك كدة ..بس ياخسارتة..
نظرت لة ..متسائلاً ..فأكمل : خلاص أنتهى ياحبة قلبى علية....راح فى الوبا...أتبخر فى الهاوية

بلعت ريقى الذى أضحى كالخشبة وقلت فى تردد ورعب: يعنى أية راح فى الوبا؟؟...يعنى أية أتبخر ؟؟؟
أبتسم شمروخيل وهم أن يجيب ولكن جاء الجرسون وهبد الاطباق فوق الطاولة وأختفى فنظر شمروخيل لى
قائلاً : بقولك أية ..كفاية دلوقت الكلام ونخش على الاكل واللغ والطفح
أذا جاء الطعام ...سكت الكلام
قلت لة فى غيظ مكبوت : حاضر..أتفضل أطفح ..بالسم الهارى
رد لى من خلال فمة الذى أمتلىء بالطعام : ..بونى باتى
قلت فى عقل بالى ..ياسلام ...أما شيطان مثقف ..كمان بيتكلم لغات حية وميتة !!!
نظرت للاطباق المرصوصة أمامى ..وتقدمت بيدة الممسكة بملعقة رهيبة هى اقرب لمقلاع منها لملعقة وغرزت المقلاع أقصد الملعقة فى أول طبق وقعت علية عيناى..وأذا بها تخرج الملعقة من هذا المدفن المسمى طبق بأرجل حيوان أو للدقة كارع قرد مسلوخ ..فرميت المقلاع من بشاعة المنظر وقلت لشوشو : أية القرف دة ؟؟
رد بدون أن ينظر لى وهو منهمك فى اللغ: دة الكوارع
قلت لة : كوارع؟؟..كوارع أية دة؟؟
قال بكل هدوء : كوارع الجحيم ...هى حيوانات تصطاد من بحر الظلمات
أنا : حيوانات أية دة..مائية ..ذى الاسماك عندنا على الارض؟؟؟
هو: لا..لالا..دة كائنات بتكون أنتهت صلاحياتها فى تعذيب المعذبون فلا تستطيع الحياة وتسقط فى أعماق بحر الظلمات..فعلشان ننضف البحر من الزيادة بيصطدوها وتتاكل هنا...كفاية كدة وسبنى اتسمم
أنا فى رعب: ياساتر أستر على عقلى
هو فى ضيق : مش عجباك الكوارع.. ..أطفح من الطبق التانى
أنا فى يأس : حاضر..حاضر
وفعلاً تقدمت يداى بالملعقة وحفرت فى الطبق الثانى وخرجت ب....ب....أية دة!!!مش عارف أية الشىء اللى بيسيل من الملعقة دة ..كأنة شربة لزجة جداً او هى أقرب للجيلى..فقلت لصاحبى: معليش أستحملنى شوية..أية اللى فى الطبق التانى دة ؟؟
رد شمروخيل بعدما نظر نظرة غاضبة خاطفة لطبقى ورجع ينظر للطعام الموضوع أمامة وكأنة حارس على الطعام خوفاً من سرقتة قائلاً لى بكل بساطة : يعنى مش عارف أية دة؟؟...دة طبخة شيطانية من نخاع وحوش برية جهنم..ممزوجة ببعض الزفت الحار
تركت مقلاعى أقصد ملعقتى فى أسى واضح فنظر لى شمروخيل قائلاً : طب كل من المعكرونة دة..دة هتعجبك قوى ...صدقنى
أنفرجت أساريرى<مع أنى لا أعرف معنى كلمة أساريرى ..بس أنا بسمعها كدة فى الراديو أو المذياع >>
وتقدمت بشوكة رهيبة الشكل وكأننى سأدخل بها حرب طروادة أو سأغز بها فيل وليس معكرونة..أخذت أأكل من هذا الطبق بحذر ثم فى نهم واضح وأنا منسجم بشدة..فالمعكرونة للحق كانت فى غاية الروعة واللذاذة ..وبعد أن نسفت أكثر من نصف الطبق أحسست بأشياء تلعب فى قولونى المستعرض..كأن هناك سباق رالى فى معدتى ..فقلت بكل حذر..وخوف : شمروخيل...شمروخيل ياخويا..هى المعكرونة دة معمولة من العجين ذى عندنا؟؟..والا حاجة تانية؟؟ها....شمروخيل رد على ارجوك ..أنا حاسس أنى أكلت حاجة صاحية وبتلعب فى بطنى ..لا..لا..دة مش بتلعب دة بتجرى رايحة جاية فى بطنى..أية الى أنا أكلتة دة؟؟ماتكذبشى على ..رد أرجوك
هبد شمروخيل الطبق اللى كان مسكة بأيدية الاتنين ورد وقال : بص بقى..لو عايز تكمل معايا المشوار..أنسى كل حاجة عن الارض ..وسيرة الارض..<على رأى الست أم كلثوم >..دة أولاً ..أما ثانياً ..لو عايز تعرف أنت أكلت أية أو المعكرونة دة معمولة من أية ...فمتخافشى كدة..دة شىء موجود عندكم كمان
فرحت وقلت: أية..ها..معمولة من أية.؟.من القمح مثلاً؟..والا من الشعير ؟
رد شمروخيل فى غموض : لا ياسيدى..دة معكرونة أسباجيتى..عارف يعنى أية معكرونة جهنم الاسباجيتى؟؟
قلت فى رعب : لا..محصليش الشرف قبل كدة....يعنى أية ؟؟ها...
نظر لى شمروخيل مقترباً من وجهى قائلاً : معمولة من ...من ثعابين بحر السعير اللى فى الدرك الخامس من جهنم
لا أعرف كم المدة التى وقعت فيها مغشى على ..ولا كيف أستطاع شمروخيل أن يفيقنى من الصدمة العصبية التى هجمت على بعدما فتحت عيونى ولاأعرف كيف هجمت علية..ولولا تدخل القدر لكان شمروخيل فى عداد الشياطين الاموات .

______________________


و غدا مع جديد الاحداث

محبتي

الصياد

[مدحت الصياد]

صفعنى شمروخيل بشدة حتى أترك زمارة رقبتة ...فطرت لمسافة كيلو متر أو أكثر قليلاً.من شدة الصفعة..وبعدها أوقفنى شمروخيل من سقطتى قائلاً فى غيظ: بجد ..حرام عليك اللى أنت بتعملة فى !!..بجد أنت أشنع أنسان وأجن مخلوق قبلتة وأستقبلتة هنا...أنا حاسس وأحساسى عمرة ما يخيب..أنى هروح فى الوبا من تحت رأسك ...أعقل أرجوك كدة وأركز شوية..أية يعنى لما تاكل ثعابين بحر السعير!!!
امال لو بختك وأفعالك ودوسيهك رموك هناك فى قلب بحر السعير

نظرت لة فى رعب فأكمل:..عارف ساعتها ..مش هتاكل ثعابين بحر السعير..لاياحلو دة أنت اللى هتكون الوجبة الرئيسية بتاعتها ..هاهاها..ووحوشها الرهيبة وحتى

أعشابها المرجانية الفتاكة

دارت بى الدنيا من حولى ..أو بدقة أكثر..دارت بى جهنم من حولى فسقطت مما ينتظرنى

نظر لى شمروخيل مشجعاً نفسى: ياعم ..أمسك نفسك شوية..دة أنت ياريت يكون مكانك بحر السعير ..دة الطف من بحر الظلومات بمراحل..دة فى ناس هنا بتعمل المستحيل علشان تتنقل لبحر السعير دة

قلت لهذا المجنون بالعذاب : يانهار أسود ..هو فية أشنع من بحر السعير كمان؟؟!!

ضحك شمروخيل قائلاً : أشنع ...هو أنت لسة شفت الاشنع..دة بحر السعير وبحر الظلومات والبحار السبع السفلية ..ميجوش حاجة أو كأنهم نزهة نيلية بجانب الدرك الخامس والسادس والدرك الاخير.والهاوية..

هرشت فى يافوخى بشدة قائلاً : بقولك أية..مابلاش نظام التعذيب بالقطارة دة وقولى هنا..وجوبنى بسرعة..أية هو أشنع وأقبح وأفظع حتة عندكم؟؟؟

رد بهدوء وحذر شديد وبصوت ضعيف وكأنة خايف من شىء ما : أشنع مكان هنا ...هو مكان أسمة ....حديقة الخطايا

أنا : بتقول أية !!!أذاى هى حديقة وفى نفس الوقت أشنع مكان ..تركب أذاى دة ؟؟!!

شمروخيل : أصل المشكلة مش فى الحديقة نفسها....المشكلة فى الشجرة اللى فى منتصف الحديقة

أنا : شجرة..شجرة أية دة ؟؟

شمروخيل : الشجرة دة اللى بيتعذب فيها فيشوف اللى مش هيشوفة حد لا قبلة ولا بعدة...بأختصار كدة...الشجرة دة أسمها شجرة الخطايا..يعنى بتتجمع فيها كل أنواع الخطايا...وشوف أنت بقى...كل أنواع الخطايا لما تتجمع فى أنسان هيكون العذاب أذاى بقى!!!

قلت وأنا فى كامل رعبى وفزعى وأنهيار أعصابى : لا..لالالا..هو فية حد من البشر عمل كل الخطايا.؟؟؟

شمروخيل : طبعاً طبعاً..دة فية أربعة موعودين بيها

أنا : أربعة ..مين دول؟؟!!

شمروخيل : بقولك أية ..مت.

أنا : عارف ..عارف ..ماتسباقش الاحداث وياللى بينا وأركب عالكتافى..صح

شمروخيل : صح

وفعلاً ركبت على أكتاف شمروخيل ..وللحق لقد تعودت على الطائرة الشمروخية دة

وطار صاحبى وهو يقول قولته الشهيرة: أمسك كويس ..هيلا..هوووووووب

[مدحت الصياد]

ساحة خطايا القسوة
_______________

طار بى شمروخيل مسافة غير بعيدة من مكان أنطلاقنا ..وبعد أن نزلنا تقدم أمام باب قائلاً : هيا ياصياد..هنا بقى ساحة عذاب خطاياة القسوة

قلت لة فى أستغراب ..: خطايا!!..لية مقلتش خطية القسوة مش خطايا؟؟؟!!
رد شمروخيل قائلاً : علشان ياحبيبى ...هناك أنواع من القسوة وكل نوع هى خطية بحد ذاتها
يعنى مثلاً مش ممكن نقول أن هناك أنواع من الزنا أو السرقة.....الزنا ..فاحشة وهى نوع واحد

الصياد : بس ياشمروخيل ...فية فعلاً أنواع تانية من الزنا ..يعنى اللى بينظر لامرأة بشهوة بيكون زنا بها فى قلبة...زيها زى الزنا فعلاً

شمروخيل : طب ..ماهو دة اللى بقولة ..كل أنواع الزنا دة ..بيكون تحت نفس الحكم ..حكم الزنا يعنى نوع واحد..ونفس الشىء ..السرقة ..سرقت جنية ذى اللى سرق بنك ..ذى اللى سرق تعب وأفكار الاخرين وأعملهم ..

الصياد: طب والقسوة ؟؟

شمروخيل : ياصياد القسوة دة ..موضعها كبير..علشان فية قسوة حسية ..بدنية..وقسوة نفسية ..بتكون لها تأثير على البدن كمان ..وفية قسوة الانسان لاخية الانسان وفية قسوة الانسان لنفسة ولذاتة وحتى لجسدة ..وفية قسوة الانسان على المخلوقات التانية ..ذى الحيوانت والشجر وحتى الطبيعة

أخرجت من حنجرتى صفير المدهوش قائلاً : ياسلام..أية الكلام دة...!!يعنى اللى بيقسو على الانسان ذى اللى بيقسو على الحيون مثلاً ؟...يعنى اللى بيقتل أنسان بقسوتة ذى اللى بيقتل ذبابة مثلاً بمبيد حشرى؟؟!!!

شمروخيل : لا طبعاً..دة اللى بيعذب ويقسو على الحيوان ..بيكون عذابة أشنع من اللى بيعذب ويقسو على أخية الانسان

أنفجرت فى ذلك المعتوة الواقف أمامى : أية التخلف والجهل بتاعك دة..دة أنت نيلتها خالص..أذاى الكلام الغريب دة..يعنى على كدة كل اللى موت نملة والا اللى موت ذبابة بيكون قاتل أمام اللة؟؟!!أما حكاية غاية فى الغرابة والتحريف العجيب..دة على كدة مفيش حد هينجوا من القصاص والحساب

رد شمروخيل فى هدوء شنيع : ياعم الصياد الموضوع مش كدة خالص ....تخيل معايا ..أنت مثلاً بتعذب قطة ..وتقسو عليها ...والقطة دة بالنسبة لك حيوان أبكم..يعنى مش عارف يصرخ فيك ولا عارف يفهمك أنك قاسى القلب ولا عارف يدافع عن نفسة ..هل هيكون حسابك اقل من حسابك لو بتقسو على انسان ذيك ذيوة ..ممكن يدافع عن نفسة ووجودة ضدك حتى لو بالكلام؟؟..ها..جاوب ؟


__________________

[مدحت الصياد]

قلت فى بلاهة واضحة : لا..طبعاً...دة أنا أكون ساعتها قاسى جداً لو بعذب كائن ما كان وهو مش فى استطاعته التعبير عن قسوتى ولا التعبير عن عذابة..!! أما حكاية غريبة فعلاً ....تصدق ..أنى أول مرة أفتح

عينى على الموضوع ده

رد شمروخيل قائلاً : طب فتح عينيك كويس للى هتشوفه هنا

وفعلاً دخلنا للساحة الثالثة من ساحات الخطايا الصغرى ..ساحة عذاب القسوة
×××××××××××××××××
دخلت ويارتنى ما دخلت...شاهدت ويارتنى وما شاهدت....شاهدت حيوانات بأنواعها ..من كلا ب لقطط لافيال لحتى قرود...ولكن الغريب والمدهش أن كل هؤلاء الحيوانات لها وجة الانسان ...ليس رأس أنسان. فقط وجة الانسان وباقى أجزاء أجسامهم هى لتلك الحيوانات وكلهم يهرولون من شدة الوجع الخفى الذى يتجرعونة

نظرت لشمروخيل قائلاً لة : مين دول ؟؟؟

رد شوشو قائلاً : دول المعذبون ..الخطاة ...اللى كانوا بيعذبو الحيوانات على الارض..كل واحد فيهم بيتحول لنفس جنس وطبيعة الحيوان اللى عذبة ...مش بقولك خطايا القسوة...يعنى مثلاً ...الاخ المقلوب فيل دة ..كان عملة على الارض أصطياد الافيال وقتلهم من أجل أنيابها العاج ... والاخ اللى بيجرى وهو بيهوهو دة كان فى حياتة بيعذب أى ك لب يقع تحت رحمتة...

أشرت بدهشة لقط تخين جدأ قائلاً لشمروخيل : أية دة ..القط التخين دة يشبة جارى اللى مات السنة اللى فاتت؟؟

أخرج شمروخيل دفتر هائل الحجم من جيب سحرى قائلاً : طب أسمة أية ..أو كان أسمة أية جارك دة ؟؟

ضحكت قائلاً : لية..هو أنت هتعملة فيش والا هتشوف مخالفاتة على الارض ؟؟؟

هز شمروخيل رأسة قائلاً : لا ياحلو هنشوف أن كان هو جارك والا يخلق من المعذب أربعين

قلت بسرعة: طب شفهولى أصلى أنا كنت مفروس منة ....أكمنة كان راجل تنح وبارد ..كان أسمة أية ياواد ياصياد كان أسمة أية ياواد ياصياد..أة كان أسمة عم أحمد

نظر شمروخيل فى الدفتر باحثأ عن عم أحمد : تعالى ياأحمد... روح ياأحمد... تعالى ياأحمد.. روح ياحمد...هو كان أسمة أحمد محمد الدهل؟؟؟

قفزت قائلاً : أيوة..هو

نظر لى شمروخيل : هو القط دة..هو بعينة أحمد الدهل

رجعت أشاهد عم أحمد فى أنسجام شديد وكأنى أنظر لبرترية أو لوحة الموناليزة قائلاً : ياسلام على الدنيا!!!..جة اليوم انى أشوفك فى الاخرة ياعم أحمد ياحلو وكمان أية مقلوب قط تخين و بتنونو من العذاب...بس قوللى ياشوشو ياخويا ؟؟!!

شمروخيل : أقولك أية ؟؟

قلت لة : هو بيتعذبوا هنا أذاى أنا مش شايف حاجة بتعذبهم..ولا وحوش بتجرى وراهم...ولا هم مربوطين ولا حاجة خالص !!؟؟

رد شمروخيل قائلاً : العذاب فى الساحة دة عذاب بدنى بتحولهم الى حيوانات ...ودة بيخاللى الانسان يحس بالعذاب والمهانة دة من الناحية النفسية والروحية.....أما من الناحية الجسدية فتحولة دة بيكون بتمن على أجسمهم علشان مش متعودين على أجسمهم اللى من الخارج تكون كدة...مش بتاعتهم ولا حتى تنتمى للجنس البشرى فدة بيخاللى أعضائهم الداخلية الانسانية تتهاوى وتتدمر وأفرازات الغدد المختلفة لكل أنحاء أجسامهم أما تتعطل أو تنشط وبطريقة رهيبة فيشعرو أيضاً بالعذاب الغير منظور ودة عذاب أقوى من عذاب الساحتين اللى قبل ساحتنا هنا
أنا : يعنى أعضائهم اللى جوة أنسانية ذى ماهى؟؟

[مدحت الصياد]

شمروخيل : طبعاً ...طبعاً ....أمال هتكون الحكمة أية والعذاب هيجى أذاى لو كانوا أتحولوا برة وجوة لحيوانات...كان لازم ولابد أنهم يكونوا الاتنين مع بعض أعضاء داخلية وروح لانسان وجسد خارجى وطباع حيوان علشان العذاب يكون عادل والتمن يندفع لاخر فلس..فاهم يافسل؟؟

نظرت لة بشدة وأنا هايم فى متاهة عقلية داعياً للة أنة يحافظ على البقية الباقية من ثبات عقلى ..ثم قلت لة بهدوء : ياااة..أية دة ...دة عذاب ماحدش يتخيلة أبداً...ولا كان عمرى أفكر فى شىء ذى دة بتاتاً البتة

رجع شمروخيل للرعب عندما قال: أمال لما تشوف الباقى ..هتقول أية ياصياد..سيب الاندهاش دلوقتى ..كل اللى أنت شفتة مايجيش حاجة أو كأنة عرض أسماء أبطال الفيلم ..يعنى لسة الفيلم مابدأشى...ولسة الاثارة والاندهاش ماجاش وقتها...دة احنا لسة بنقول ياهادى...تحب تعرف حاجة هنا قبل ما نطير لحتة تانية وساحة جديدة؟؟
أنا : أيوة.....طب اللى كان بيقسو على البشر اللى ذيوة هم فين؟؟؟

هو : ..أهم هناك أهم
نظرت للمكان الذى أشار الية فوجدت أناس مربوطين فى أشجار غاية فى الشناعة ...أشجار لها أيادى كثيرة وكل شجرة تحتضن أنسان وكأنهم يرقصون رقصة شاعرية على الحان رومانسية...وأمام كل أنسان يقف شيطان صغير بوجة أنسان ويمسك فى يدة بسوط يعنى <كرباج ورا ياسطة>...وطبعاً الكرباج نازل يزغرت على ظهر المعذب المعبوط من الشجرة ...لكن الشىء المريع بجد أن الكرباج وهو نازل بقوة مش بيمزق ظهر الانسان ...لا..دة...دة بيقسمة نصفين ...أيوة بيقسم المعذب نصفين وكل نص فى أيد من أيادى الشجرة ...اللى بعد كدة بتجمع نصفى الانسان دة فيرجع من تانى صحيح يعنى حتة وحدة...الاشنع أنة حتى وهو مقسوم بيكون صاحى ...يعنى حاسس بأنة بقى أتنين ويرجع الشيطان الصغير دة اللى هو جلادة للضرب بالسوط وهلم جرا

قلت لشمروخيل وأنا بين العقل والجنون مما اشاهدة : أية دة ياشمروخيل...دة مش عذاب ...دة أشنع من العذاب نفسة...دة حاجة ملهاش أسم...دة أية القسوة دة!!!!

رد شمروخيل فى هدوءة المعتاد وكأنة ميكانكى أمام عربة خربانة أو جزار أمام الدبيحة : طبعاً ...مش هنا عذاب خطايا القسوة والشر الحيوانى اللى موجود بداخل الانسان الخاطى دة..أنت عارف ضربة السوط دة قوتها ممكن تعمل أية؟؟؟.

قلت فى أشمئزاز : لا طبعاً هو أنا خبير جلد

رد فى فرح وكأنة بيبشرنى بالخلاص: دة الضربة الوحدة منها لو نزلت على جبل تفلقة أتنين

حاولت بكل أستطاعتى وقوة مخيلتى أنى أتخيل ولو بصيص المشهد فصعقت بشدة وأحسست أننى فى تلك اللحظة فى أحتياج لدخولى بيت الراحة

أفاقنى شمروخيل قائلاً : حاجة تانية عايز تعرفها قبل ما نمضى الى حال سبيلنا

قلت لصديقى الرهيب شمروخيل محاولاً أن أغير موضوع الكرباج والانقسام دة: أيوة.. عايز حاجة..لو تكرمت وتعطفت على العبد المسكين اللى هو أنا ... تفتح دفترك الشنيع المريع دة وتقوللى أنا بأذن اللة أقصد بأذن أبليس مكانى هيكون فين؟؟؟

رد شمروخيل قائلاً وهو يشير بأصبعة علامة الرفض: لا طبعاً مستحيل

قلت لة فى ضعف تمثيلى زائف : علشان خاطرى ..وخاطر العيش والملح ..أقصد وخاطر كوارع القرد وأسباكيتى التعابين اللى طفحناهم مع بعض تعرفنى مكانى هيكون فين ياعمى وتاج رأسى من فوق

رجع لنفس الرد : لا..والف لا

أنفجرت كالبركان فى هذا الشمروخيل الباذنجان صارخاً فية بكل ما أعطتنى عوامل الطبيعة الجهنمية من غيظ وأحباط :هو أنت أية... مش حاسس بالمصيبة اللى أنا واقع فيها..ولا عامل أعتبار للصداقة ولا الكوارع ولا حتى للصحبة بتاعتنا أبداً

رد فى هدوء يغيظ : أولاً ..المصيبة اللى أنت بتقول عليها لسة مجتلاكش ولا شفتها ..ثانياً ..أنت اللى حطيت نفسك بتهورك وشربك للسم وأنتحارك..يعنى بيدى لا بيد عزرائيل...ثالثاً ودة الاهم أنى مش فى أستطاعتى أنى أعرفك مكانك

أنا : لية..هو فية قانون يمنعك بكدة ؟؟

هو : لا طبعاً ...وحتى لو فية أنا معفى من القانون دة

أنا فى أستغراب : طب لية مش عايز تعرفنى مكانى فين ؟؟؟!!

وهنا..وهنا فقط أنفجر فى شمروخيل أنفجار الف قنبلة نواوية صارخاً : علشان أنت لسة متحاسبتش ولا قاس أبليس خطاياك ولا فتح كتابك ...فهمت ..يعنى لسة أسمك مانكتبش عندى

هدء بالى وأرتاحت أعصابى وقلت لة : يعنى ممكن يعنى..أنى أطلع براءة..أو حتى بملحق ؟؟؟؟

أبتسم شمروخيل قائلاً : ممكن..جايز...يجوز...بس الكلام دة ماحصلش أبداً هنا ... يعنى مستحيل حد يجى هنا غلط...وغير كدة تعالى وقوللى...هو أنتحارك دة كان نكتة والا فاكر أنك هتخش السما وهناك هيعملولك غسيل معدة...وهيقولولك حمدللة عالسلام ....وتقوم لينا بالعافية...وشد حيالك كلنا لها...ياسلام على عقلك

قلت لشمروخيل فى غيظ : خلاص ياعم بقى...أنت هتتسلى على وتعملنى حكوتك...خلاص عرفنا أننا جينا هنا صح مش غلط

شمروخيل : طب كفاية كدة وياللى بينا على الساحة اللى بعدها ..أركب على أكتافى و...

قلت فى نرفزة مقلداً هذا الدهل: وأمسك كويس

شمروخيل : ياساتر على لسانك ...<وطار فعلاً قائلاً قولتة الشهيرة>:هيلا هووووووب
_______________________

وغداً مع جديد الاحداث

محبتي

الصياد

[Mayda]

رائع جداً جداً جداً

موضوع يستحق وسام التميز

بانتظار المزيد

صلواتك أخي العزيز

[مدحت الصياد]

رائع جداً جداً جداً

موضوع يستحق وسام التميز

بانتظار المزيد

صلواتك أخي العزيز






أخجلتم تواضعنا


شكراً على تشجيعك الدائم لي

وشكراً على متابعتك لعملي البسيط هذا

محبتي

الصياد

[Nahla Nicolas]

ربنا يباركك ويبارك موهبتك اكتر و اكتر
مستنيين اكتر و اكتر من اعمالك

http://www.orthodoxonline.org/forum/img-content/imgcache/2009/12/23.gif


http://www.orthodoxonline.org/forum/img-content/imgcache/2010/08/9.gif

[مدحت الصياد]

ربنا يباركك ويبارك موهبتك اكتر و اكتر
مستنيين اكتر و اكتر من اعمالك

http://www.orthodoxonline.org/forum/img-content/imgcache/2009/12/23.gif


http://www.orthodoxonline.org/forum/img-content/imgcache/notfound.gif




أشكرك أختي الغالية على هذه الكلمات المشجعة

وصدقيني أن قلت لك هذه الكلمات كتير على ...أنا لا أستحق كل هذا الاطراء

أشكرك لثاني مرة

محبتي

الصياد

[مدحت الصياد]

نزل شمروخيل بعدما طار قليلاَ ثم أنزلنى من فوق أكتافة قائلاً لى : معليش ياصياد هنمشى شوية

قلت لة فى تعجب : لية يعنى ؟؟؟

شمروخيل : علشان المكان دة ممنوع الطيران فية

ضحكت بشدة قائلاً لة فى تريقة واضحة: أية يعنى ...هى منطقة سكنية والا قاعدة عسكرية سرية ؟؟؟!!!

أبتسم شمروخيل فى ضيق واضح وهو يقول : لا ياسيدى...أصل المكان دة خطر الطيران فية علشان ممكن تصطدم وأنت طاير بقذائف لهب أو شرارات هكربائية قاتلة..أو نفحات شيطانية حارقة خارقة

أنا فى ذهول : قصدك تقول شرارات كهربائية مش هكربائية....و أية دة كلة هو المكان دة بتاع أية ...فية أية بالظبط؟؟؟؟؟

شمروخيل : أنا قلتلك قبل كدة أنا واضح ودقيق فى كل كلمة وحرف فقولة...هى أسمها هكربائية مش كهربائية....علشان هنا قوتها رهيبة لا تقاس بقوة أكبر مولد للطاقة الكهربائية أو حتى الذرية عندكم على الارض ..فعلشان كدة شقلبنا الحرفين الكاف والهاء وكمان أصل المكان هنا فية مزبلة التاريخ الانسانى كلة

قلت فى تردد: مزبلة التاريخ !!أنا سمعت عن المكان دة على الارض بس كنت فاكرة شىء معنوى مش حقيقى...مش فاهم حاجة...وأول مرة أسمع منك أى شىء يخص المكان دة ..طب هو تبع أى خطايا..الصغرى والا الكبرى وفى أى طبقة ؟؟؟؟

شمروخيل : براحة على ...واحدة واحدة....أولاً المكان دة مش محسوب من ضمن الساحات التقليدية هنا لا هى فى الساحات الصغرة ولا هى فى الكبرى ..دة مكان خاص جداً علشان اللى فية من خطاياهم وأجرامهم وتغيرهم لمجرى التاريخ الانسانى بأفعالهم الشنيعة ملهمش مكان ولا يقاس أفعالهم بأى ساحة ولا أى طبقة..والحاجة المدهشة بجد أن الحكم عليهم هنا بيجى من البشرية نفسها...يعنى اللى بيتعرف عنة على الارض أنة فى مزبلة التاريخ بيتقاس كتابة وافعالة فلو اتضح أنة فعلاً مكانة فى المزبلة ....بيكون عذابة فيها....ثانياً ..الموضوعات المعنوية عندكم بيكون ليها هنا فى الاخرة مكان ...فى جهنم أو الفردوس والسما....وأنا مقلتلكش على المكان دة علشان مش مسموح لينا لزيارتة الا بتصريح من أبليس نفسة...فهمت

قلت لة فى تسائل : طب أشمعنى المكان دة بتصريح ياشمروخيل .؟

نظر لى قائلاً : علشان لو أحنا دخلنا هناك من غير تصريح ممكن منعرفش نخرج ولو ضعنا فى مزبلة التاريخ هتتلخبط أحداث كتير فى التاريخ ويحصل نفس اللخبطة على الارض فتكون الطامة الكبرى...وبدل ما يكون شخص ذى هتلر مثلاً هنا فى مزبلة التاريخ ...هنلاقية بقدرة قادر فى الفردوس يتنعم ويرتل

قلت لة فى رعب : ياليلة ملهاش لون ولا طعم...يعنى واحد ذى الدلعدى سى هتلر يكون فى الفردوس مع القدسين والانبياء والملائكة وأنا الغلبان أضيع فى مزبلة التاريخ !!!...حاجة تجن الجن

شمروخيل : علشان كدة ...مستحيل نزور المكان دة.من غير ترخيص أو تصريح...بس أوعدك لما نخلص كل الساحات والطبقات هنجيب تصريح زيارة ...وهناك هتشوف عجب العجاب

أنا : طب أحنا رايحين فين دلوقتى؟؟؟

شمروخيل : رايحين ساحة عذاب الطمع...ودة موجودة على بعد خمسة كيلو متر من هنا

أنا : يانهار...لسة هنمشى خمسة كيلو!!!

شمروخيل : ياعم ولا يهمك ..أهو أحنا بنتكلم لحد ما نوصل ...عندك أى أستفسار عن أى شىء شفتة لحد دلوقتى؟؟

أنا : طبعاً ...حاجات كتير ...أولاً ..أكيد كل واحد فى الدنيا وعلى الارض عمل خطايا كتير..وطبعاً اللى بيكذب أكيد عمل خطايا تانية غير الكذب ..ذى مثلاً ممكن يكون قتل أو سرق أو نصب أو عندة الطمع أو حتى زنا بالفكر ..وذى ما بيقولوا <وهذا أضعف الايمان >...طب الناس دة هتتعذب أذاى كدة وهتروح أى ساحة؟؟؟

شمروخيل : طبعاً هيتعذبوا أو هيدفعوا حساب أشد خطية الاول ...يعنى مثلاً أنة قتل وكذب وسرق ...هيدفع تمن خطية القتل الاول ولما يتعلم من خطيتة هيترفع درجة ويروح لتانى ساحة أو الاقل من القتل وهى السرقة وبردك يدفع تمن سرقاتة ولما يتعلم يرتفع درجة ويروح للساحة الاقل منها وهى الكذب وهلم جرا

قلت لة فى دهشة : أية الحلاوة دة ..دة أنتم هنا مش ناسين حاجة خالص....طب فية حد مبيقدرش يرتفع للدرجة التانية؟؟؟

شمروخيل : على ما أظن ..لا..الكل هنا بيتعلم...بس كل حسب أجتهادة...يعنى مثلاً ..واحد بيقعد فى ساحة ألف سنة وبعدها يتنقل للدرجة الاعلى وواحد يقعد فى نفس الساحة الف الف سنة وواحد يقعد فى نفس الساحة أقل ...يعنى ياصياد صوابعك مش ذى بعضها....الكل حسب الطبيعة اللى جواة والعطية المعطاة لة منذ مولدة على الارض

قلت لة فى ضيق واضح : بصراحة كدة ياشمروخيل ..أنا مش عارف فايدة اللعبة دة كلها أية؟؟..حياة وخلق وناس بتقتل وناس بتتقتل وناس بتسرق وناس بتتعذب وناس وناس وناس والكل فى الاصل مخلوق من عند اللة وهو اللى خلق جواة الطبيعة اللى بسببها رايح السما والفردوس أو بسببها رايح جهنم والجحيم؟؟..تيجى أذاى دة؟؟..مادام اللة عارف أنى أنا الصياد من قبل ما أتولد مكانى جهنم ..لية طب سبنى لعذاب الارض ولية أصلاً كان من الاول وجدنى أذا أنا كنت مشروع فاشل من قبل ما أتوجد...عمرى ما شفت حد بيخش مشروع وهو عارف أنة مشروع فاشل الا لو كان بيتسلى ...مش عارف ياشمروخيل ؟؟..هل اللة بيتسلى بينا كدة وأحنا كلنا فى الاخر ما الا مباراة أو قصة معروفة نهايتها المؤلمة...وكمان الطبيعة اللى موجودة فى الانسان الشرير الخاطى من صنع اللة يعنى الانسان بيتحاسب على أعمال كانت وراها طبيعتة الفاسدة اللى أتخلق بيها ولا كان لية يد فى وجودها؟؟

شمروخيل : لا ياصياد لا...ربنا عمر ما كانت أعمال يدية فاسدة أو مشروعاته فيك فاشلة ..أبداً ده بالعكس

[مدحت الصياد]

الخدعة
______

شمروخيل : أنت عارف قصة شجرة معرفة الخير والشر؟؟

أنا : طبعاً ..لما الحية اللى كانت امكر المخلوقات أغرت حواء لتأكل من شجرة المعرفة وحواء أغرت أدم ليأكل هو كمان من نفس التفاحة وربنا طردهم من الجنة ...طبعاً قصة معروفة

ضحك شمروخيل قائلاً فى قوة : أهو القصة دة مش بالظبط كدة

صرخت فية وأنا أقول : أية؟..بتقول مش كدة؟؟!!..أنت أذاى بتقول كدة...أنت مش عارف أنها...مكتوبة فى سفر التكوين الاصحاح التالت ..يعنى كلام الكتاب المقدس فى عهدة القديم مش مظبوط؟؟؟

شمروخيل : ياعم الصياد ..أنت هتودينى فى الوبا...أنا مقلتش كدة ولا كان قاصدى كدة....تحب تعرف التفاصيل الدقيقة للقصة دة؟؟؟

قلت لة فى قوة : أيوة طبعاً ..نفسى أعرف التفاصيل كلها من أول طقطق لحد سلامو عليكم..

شمروخيل : طب ....تعالى ورايا

قلت لة فى أستغراب: على فين العزم كدة؟؟؟؟

شمروخيل : هنروح كهف التاريخ الانسانى كلة

قلت لة فى أستغراب : كهف التاريخ الانسانى!!!

رد شمروخيل وهو يسرع الخطى : أحنا حظنا حلو أن الكهف قريب من هنا...وكمان اللى ماسك الكهف دة صاحبى من أيام الدراسة فى جامعة أبليس الكبرى

أنا : أية الحلاوة دى ..دة أنت خريج جامعة وأنا ماعرفش!!!

رفع شمروخيل جبهتة الرهيبة قائلاً لى فى غرور واضح : ياحبيبى اللى قدامك دة معاة أتنين دكتوراة أباليسى فى كيفية خداع البشر ..وأتنين دبلومة فى المعالجة الوسواسية للمؤمنين...و

قاطعت هذا الثرثار المغرور قائلاً لة: خلاص يادكتور شمروخيل...خلاص ...حصلنا الشرف والقرف

وفعلاً وصلنا لكهف على شكل علامة أستفهام ودلفنا <يعنى دخلنا> من باب الاستفهام هذا.... لاجد نفسى وسط قاعة كبيرة جداً لدرجة أننى لم أستطع أن أرى نهايتها..وكأنها عشر ملاعب كرة قدم أو بلدة متوسطة الحجم...وهذة القاعة تذخر بكل أنواع الكتب والمعرفة الانسانية ..فتقدمت من أحد الارفف وقرأت عنوان كتاب يقول ..القنابل الذرية المتوسطة..وبجوارة كتاب عنوانة القنابل النظيفة وأخر بعنوان القنابل فائقة السرعة...وغيرها كثيراً

نظرت للدكتور شمروخيل قائلاً لة: أية دة ..الكتب دة سرقنها من الارض والا أية الحكاية بالظبط؟؟؟

نظر لى شمروخيل فى غضب وهو يقول : أخرس....أحنا مش تافهين ذى الجنس البشرى علشان نسرق الاختراعات دة.........دة ياحبيبى أختراعتنا أحنا من الاف السنين

ضحكت بشدة وأنا أقول : ياحلاوتك ..حرامى وبجح كمان..معظم أنواع القنابل دة أختراعات أنسانية ...ياحلو

ضحك وهو يقول: ياصياد الاختراعات دة أحنا عرفنها من زمان جداً واحنا بردك اللى وسوسنا فى دماغ الناس اللى عملوها على الارض..أمال هنجيب ناس هنا أذاى وهنملا المكان دة أذاى..يعنى فكرك هنقعد نوسوس فى عقل وقلب كل واحد على الارض علشان يعمل خطية ونتعب نفسنا ونهد حلنا علشان خطايا سذجة وصغيرة..لا ..كان لازم ولابد أننا نساير التاريخ والتقدم الانسانى..أحنا وبلا فخر اللى عرفنا الانسان أذاى يعمل أول ولعة نار فى التاريخ وأحنا اللى عرفنا الانسان قانون النسبية اللى أنتسبت لانسان اسمة البرت أينشتاين....وكمان أحنا اللى عرفنا الانسان الطيارة وتركبها من أيام الرسام دافينشى...وغيرها وغيرها

نظرت لة غير مصدق هذا الكلام الصعب تصديقة فعلاً فقلت لة : يعنى كدة الانسان كان بيغش من الاول ..يعنى الانسان ولا هو متحضر ولا هو اللى صنع الحضارة والتقدم ..طب لو كلامك مظبوط ياشمروخيل...لية كنتم بتعرفوا الانسان على الحاجات المفيدة دة؟؟..أنا اللى أعرفة عنكم أنكم مستحيل تعملو خير أو تساعدو فى الخير الانسانى أبداً؟؟؟

شمروخيل : ومين قالك أن الاختراعات دة خير من أساسة...هى شكلها خير بس مع الايام بتتحول للهدف من أخترعها اللى هو تدمير البشرية

قلت لة فى شك : مش قادر أصدقك ياشوشو أبداً

شمروخيل : طب هقولك حاجة تانية ..عارف نيوتن؟؟

قلت لة فى قوة : طبعاً دة كان مخترع لحاجات كتير قوى وكمان هو مكتشف الجاذبية الارضية..وقانونها

ضحك شمروخيل وهو يقول : أهو موضوع الجاذبية دة كان لعبة عملها شيطان أسمة أوسيسيل....راح لنيوتن وهو نايم تحت شجرة وراح حدف علية تفاحة ونط وسوس فى عقل نيوتن بقانون الجاذبية...أنت فاكر أن تفاحة تعمل فى نيوتن كدة..طب بعقلك كدة ياذكى...كام واحد على أيامة وقبلها شافو تفاح بيقع من الشجر؟؟؟

قلت لة فى بلاهة: أكيد كتير

رد فى أستهزاء : طب يعنى الكتير دول محدش فيهم فكر فى الجاذبية لية؟؟؟وكمان نيوتن نفسة مش أول مرة تقع على نفوخة تفاحة ..الاخ كانت هويتة النوم تحت الشجر وطبعاً اتعرض لضرب التفاح كتير ..أشمعنى مافكرشى الا دلوقتى..عارف لية؟؟علشان مساعدة صاحبنا أوسيسيل...وبعد الموضوع دة أوسيسيل أخد نيوتن مقاولة من بابة كدة... ذى ما بتقولو على الارض...أختراعات ونظريات ....قولى أى أختراع عندكم وأنا أقولك على الخدمة اللى بيقدمها لنا ؟؟

فكرت ..وقلت ..طب الطيارة ..أية اللى كان هدف أخترعها؟؟..دة سهلت ياشوشو ياخويا الانتقال وخالت السفر بسيط لابعد الحدود؟؟

أبتسم شمروخيل قائلاً فى مكر شديد : ياصياد لولا الطيارة كانوا البشر هيحربوا ويقتلوا بعض أذاى فى العصر الحديث..لولا الطيارة ..كانوا ضربوا مدينة ناكازاكى وهروشيما وحصل أحلى يوم فى التاريخ لما أتباد ملايين من الناس والبشر ولحد دلوقتى مفعلها شغال فى الحروب..دة سهلت الحصاد وكترتة قوى

فزعت بشدة من هول الاعتراف دة ...لكنى قلت لة : بس ياشمروخيل..الطيارة خلت الكل يسافر بسرعة ..أهو هى كمان ليها فايدة

شمروخيل : ماشى ليها فايدة..بس بردك فية حوادث لسقوط الطائرات دة...ولو خدت بالك ..كل فترة أو بضع سنوات بتكتر حوادث السقوط ...ودة أسمة عندنا ضريبة الاختراع...يعنى مش اختراع بلوشى حتى لو احنا المستفيدين الاوائل منة.

صرخت فية : يادهية دقى...دانتم كفرة ياشيخ!!!...

شمروخيل : ياصياد ياحبيبى...دة شغلنا..ودة أكل عشنا...هو مافيش عندكم ناس شغلتها تعدم ناس؟؟...وناس شغلتها تدفن ناس...وناس شغلتها تكفر سيأت ناس...دة أحنا تلامذة قدام أنسان العصر الحديث...دة أحنا قربنا نكون عاطلين مش قادرين نجارى شر الانسان.....دة حتى أكتشاف الجينات الوراثية كان الهدف منها أننا نخلى الانسان يغتربذاتة فيكفر بالخالق..واللى حصل أن الانسان وصل لابعد من كدة....

قلت لة فى زهول مهول: أذاى الكلام دة؟؟!!!

قال فى أسى واضح: وصل أنة يلعب فى الجينات دة ويخلق أشباة لة ...وصل أنة يغير حتى فى الطبيعة وحتى ثمار الارض... يخاللى مثلاً التفاح بطعم البرتقال..والبطيخ بدون بزر والخوخ بطعم المنجو..الخ الخ..أصبح الانسان بيلعب بالنار اللى أكيد هتحرقة وهتكون نهاية الارض على أيدية هو

قلت لة : طب وأية اللى مزعلك كدة!!!..مش دة اللى أنتم عايزينة؟؟

شمروخيل: لا طبعاً.....مش بالطريقة المجنونة دة....أحنا ذى الحنوتى بالضبط ..هو بيفرح لما يكون فية اموات كتير علشان يشتغل ويكسب رزقة...صح؟

قلت لة : مع التشبية الغريب دة ..لكنة صح

رد قائلاً : طب لو حصل والبلد او المدينة اللى فيها الحنوتى دة ولعت وكل حى فيها مات...هيكون عمل الحنوتى اية؟؟

اسقط فى يدى: مش عارف...على ما أظن ملهوش لزوم ساعتها لشغلتة

أكمل شمروخيل: طبعاً ...مش ممكن ولا فى أستطاعتة أنة يدفن بلد بحالة وحتى لو أستطاع ..مين بقى هيدفع للحنوتى دة؟؟..أهو أحنا كدة..لو الانسان دمر نفسة ودنياة كلها ..أكيد ساعتها هتكون العلامات الاخيرة للنهاية..وساعتها ياحلو..أحنا كمان مش راح ننجوا من قصاص العدل الالهى

زفرت بشدة ثم قلت: طب لما أنت عارف أنك مش هتهرب من وجة ولا حكم اللة لية ماشى ورا أبليس وبتخدمة؟؟

شمروخيل: دة موضوع يطول شرحة...المهم خاللى بالك أهو صاحبى شدراخيل أهو ..المسئول عن الكهف__________________

[مدحت الصياد]

قلت له ونحن نتقدم الى شيطان غاية فى البدانة وغاية فى القبح القبيح :قصدك أمين المكتبة ..

تقدم شمروخيل من صديقة القديم وزميل الدراسة الاباليسى شدراخيل ...حتى أصبحا وجهاً لوجة وهاتك ياضرب فى بعض ..شمروخيل يعض رقبة شدراخيل...وشدراخيل يغز شمروخيل بحربته ذات اللهب فى عنقه
خناقة شياطينى منيله...لحد ما صرخت فى الاتنين قائلاً : بس ..كفاية كدة ..أية ده اللى أنتم بتعملوه ؟؟..مش عيب عليكم تكونوا أصدقاء وعشرة عمر وزمالة جامعة وتبهدلوا بعض بالشكل ده !!؟؟

ضحك شمروخيل وهو ينظر الى : لا ياصياد ده من كتر الاشتياق اللى بينا...دي التحية عندنا هنا ...أحب أعرفك بأعز صديق لى...شدراخيل أبن لوسيفور...

ثم ألتفت ناحية شدراخيل قائلاً لة : وأكرة أعرفك بضيفى وضيف أبليس والقاطن الجديد لجهنم ..أخى وعدوى اللدود الانسان أبن أدم وحواء ......صائد الذباب

قلت لة فى دهشة : يعنى كل الضرب والهبد والبهدلة دة فى بعض علشان هى دة التحية عندكم؟؟؟؟

شمروخيل : بقولك أية ياشدراخيل ياخويا..عايز منك خدمة بسيطة جداً؟؟

رد شدراخيل قائلاً بصوت كأنة يخرج من أمعاءة وليس فمة: اللى تأمر بية ياأشنع صديق فى حياتى الجهنمية....عايز أية..لهليب عينى من جوة

قال لة شمروخيل: عايزك تفتح لينا قاعة العرض التاريخية وتحضرلنا فيها ذكريات خروج أدم وحواء من جنة عدن...ممكن؟؟؟

هرش شدراخيل فى رأسة التى كانت كالصحراء أو كالربع الخالى..بلا شعرة واحدة توحد ربنا...هرش وفكر ثم هرش ورجع يفكر ثم فكر ورجع للهرش فقلت لشمروخيل: أية دة ياشوشو ..هو صاحبك عندة جذام والا برص والاجربان ..دة لو بيهرش فى أرض جهنم كان زمانة حفر بير؟؟

ضحك شمروخيل وهو يقول لى بصوت منخفض: لا هو معندهوش حاجة خالص من الكلام دة ..بس هو بيشاور نفسة
أنتظرنا كتير؟...حوالى نصف ساعة والاخ بتاع الهرش شغال هرش وتفكير لحد ما صرخ فية شمروخيل : أية ردك ؟؟..هنخش القاعة والا ...مش ممكن؟؟

أبتسم أخيرأ شدراخيل قائلاً : أنت تقشر وأنا على التعذيب....خش ..بس علشان خاطر الشر اللى بينا ..الموضوع دة سر بينى وبينك...أنت عارف ..الشريط دة بالذات ...ممنوع حد يشوفة وبالاخص البنى أدمين...موافق

رد شمروخيل وهو يضحك ويجرى ناحية القاعة ساحباً العبد للة من قفاة : طبعاً ..دة أنا أخاف عليك أكتر من صباع رجلى اللى انقطع..أنت بتقول أية..دة اسمة كلام ياشدشد ...اطمن وحط فى جوفك حجر صوان مولع!!!!
وفعلاً دخلنا لقاعة أخر حلاوة..ضخمة البناء ..بها كراسى متدرجة كأنها سينما ..وبعد ثوانة ساد ظلام رهيب وتحولت القاعة لمكان أخر ...تحولت لمكان أشبة بقطعة من الارض كلها جبال ذات اللوان مبهرة وكان يقف جوارنا ملاك شديد السواد وعلى ما أظن هو أبليس كانه يقف امام نور هائل غير متناهى ...نور يشع على جبل أمامنا ..تقدم أبليس من ذلك النور العظيم وهو يقول: السجود لخالق الاكوان
__________________




و غداً مع جديد الاحداث

محبتي

الصياد

[Mayda]

رائع أخي الصياد ... بانتظار المزيد

أدعو كل الأخوة الأحباء بقراءة هذه القصة الممتعة.

صلواتكم

[مدحت الصياد]

رائع أخي الصياد ... بانتظار المزيد

أدعو كل الأخوة الأحباء بقراءة هذه القصة الممتعة.

صلواتكم




يارب أكون عند حسن ظنكم دائما

ويارب تكون الروايا تستحق المتابعة

أنتظروني الليلة مع تكملة القصة

محبتي

الصياد

[مدحت الصياد]

جاءة صوت أهتزت لها الجبال من حولة وأهتزت لها نفسى انا وشمروخيل..صوت قوى شديد العظمة قائلاً :

ماذا تريد يارئيس الهاوية ؟؟

أبليس :عدلك

الرب: عدلى على من ؟؟؟

أبليس : على أدم

قال الرب : مالك وأدم عبدى..لما قلبك علية ؟؟؟..هو وكيلى وعمل يدى ونفحة من نفسى...هو يسبح ويمجد أسمى دائمأ....لا مثلة مخلوق على وجة الارض

أبليس : ولكن هل لا يكسر لك وصية؟؟..وأذا دخل فى الامتحان ..هل سيبقى أدم الطاهر الانسان الكامل عبدك

الرب: ماذا تريد؟؟

أبليس : أبسط يدك عنة وأتركنى أجربة

الرب : أتركة لك لتجربة...ولكن الية لا تمد يدك

أبليس : وأن خالف وصاياك ؟؟

الرب : لك التجربة ..أيها المجرب الملعون ..ولى الحكم ..أذهب من أمام وجهى

__________________

[مدحت الصياد]

مرت الايام وأخرج الرب من ضلع أدم زوج له شبيهه لتكن معين له فى جنة عدن فنظر أدم وقال هذه تدعى أمرأة..لانها من أمرء أخذت.....حتى جاء يوم التجربة من المجرب...تقدم الشيطان من الحية وكانت فى ذلك الوقت تمشى على أطراف كباقى المخلوقات الموجودة فى الجنة قال لها الشيطان : أيتها الحية

نظرت لة قائلة :لما أنت هنا فى جنة عدن و ماذا تريد يارئيس الهاوية ..؟

قال لها : لقد أتيت ليكن لكى ما تتمنين

قالت لة الحية : عن أى شىء تتكلم ؟؟

ضحك وقال فى مكر ودهاء : أتكلم عن حلمك...حلمك فى أن يكون لك أجنحة وتطيرى مثل طيور السماء

أقتربت الحية من الملعون قائلة :و..وهل تستطيع تحقيق هذا لى؟؟!

أبتسم فى غموض وقال : نعم ..ولكن

قالت بسرعة الحية : ولكن ..ولكن ماذا؟؟..ما المانع أذا كنت تستطيع

رد الشيطان رافعاً يدية: لا مانع ولكن لكل شىء ثمنة

قالت الحية وقد وقعت فى الفخ : وما الثمن؟؟....هل فى مقدورى أن أدفعة؟

أعطى الشيطان ظهرة لها وهو يبتسم أبتسامة الشر قائلاً : الثمن بسيط جداً ..وفى مقدورك

فرحت الحية وقالت : وماهو؟؟

رد أبليس ببطىء وحذر : الثمن هو أن تتركينى أن البس جسدك هذا لبضع دقائق

قالت الحية فى دهشة : وما الفائدة لك من ذلك؟؟

قال الشيطان : أريد أن أتكلم مع المرأة

الحية :وماذا تريد منها؟؟

الشيطان : هذا شىء يخصنى وحدى..كل ما أطلبة بضع دقائق لا أكثر ولا أقل

قالت لة : ولكن هذا الثمن صعب جداً ..فأنت أن دخلتنى قد أموت وأنت غير مسموح لك بلاقتراب من أدم أو المرأة؟؟

فكر أبليس قليلاً ثم قال : أذاً أدخل وأكون على لسانك فقط وليس فى جوفك

أبتسمت الحية قائلة : هذا أسهل ..أدخل

وفعلاً تحول الشيطان الى دخان لهيب من نار ودخل مستقراً على لسان الحية ..فأنشق لسانها نصفين...وجعلها تذهب بة الى المرأة فنظرت الحية لها وتكلم الشيطان بلسانها قائلاً : لماذا أنت واقفة هكذا أيتها المرأة ؟؟

التفتت المراة للحية قائلة لها : لا شىء ...أيتها الحية الجميلة...لا شىء...كل ما هنالك أننى أشتهى أن أأكل من تلك الشجرة ولكنها عالية جداً

ضحكت الحية قائلة : لا عليكى انا فى أستطاعتى أن أتى لكى بما تريدين

فرحت المرأة قائلة للحية : أشكرك جداً ياصديقتى الغالية

نطقت الحية : ولكن هناك ما هو أشهى وأكثر فائدة من ثمار تلك الشجرة

قالت المرأة : أى شجرة تلك؟؟..فأنا قد أكلت من جميع شجر الجنة

الحية : هناك فى منتصف الجنة شجرة لم يمسسها كائن ..ولا حتى أدم ذاتة

المرأة : هل تقصدين شجرة الخير والشر؟؟

قالت الحية : نعم هى ..ولكنها تسمى شجرة المعرفة ياأمرأة

أندهشت المرأة وقالت : شجرة المعرفة؟؟..أى معرفة تتكلمين عنها؟؟

قال الشيطان على لسان الحية : المعرفة السرمدية..الابدية...المعرفة الالهية

صرخت المرأة قائلة : أيتها الحية ..هل ما تقولينة صحيح ؟؟؟

أبتسمت الحية ونطق الشيطان على لسانها : نعم ..صحيح ...أذا لم يكن هكذا ..فلماذا أوصاكم اللة أن لا تأكلان منها؟؟..ها...لانكم وقت أن تأكلان منها أنت وأدم تصبحان كمثلة لاتموتان وتتفتح أعيونكم وتكونان كاللة تملكان المعرفة السرمدية

قالت المرأة : ولكن أخاف أن أكسر وصية اللة

قال لها أبليس على لسان الحية الذى بدء يقطر سم زعاف :فى هذا الوقت لن يستطع اللة أن يفعل لكم شىء ..لانكم ستكونا مثلة وفى قوتة وسرمدية معرفتة ..هيا أذهبى للشجرة وكلى وأطعمى أدم منها أيضاً..هيا

وفعلاً ذهبت المرأة لشجرة معرفة الخير والشر...وأخذت منها ثمرة ناضجة ..وأكلت ثم جرت بفرح وتقدمت من أدم قائلة لة: خذ وكل ياأدم من هذة الثمرة

نظر أدم للثمرة وقال : هذة الثمرة تشبة ثمار شجرة الخير والشر؟؟؟

قالت لة المرأة: نعم هى

رد أدم فى خوف لم يشعر بة من قبل : ماذا فعلتى بنا..!! ستموتين أيتها المرأة؟؟

قالت المرأة : لقد أكلت منها ولم يحدث لى شىء

فكر أدم وقال : لم تموتى ؟؟...كيف؟؟

قالت المرأة : لقد فتحت الحية نظرى على قوة هذة الشجرة ..وكيف أننا سنكون مثل اللة أن أكلنا منها..ولهذا أبعدنا اللة عنها

فكر أدم قليلاً ثم قال : يبدو أن كلام الحية صحيح

المرأة : نعم ..صحيح

وفعلاً أخذ أدم الثمرة وأكل منها..ولم يحدث لة شىء غير خوفة من أن يعلم اللة بهذة الفعلة وكسرهم لوصيتة

__________________

[مدحت الصياد]

وجاء النهار وهبت الرياح وسمع أدم والمرأة صوت اللة يأتى..فخافا منة لكسرهم الوصية فهربا خلف الاشجار

جاء النور الرب وخرج صوتة قوى : أدم ..أخرج من وراء الاشجار والمرأة تخرج أيضاً

وفى خجل خرج الاثنين ...فقال الصوت الالهى: لماذا تهربنا من أمام وجهى ...هل أكلتا من شجرة معرفة الخير والشر؟؟؟

أدم : المرأة التى خلقتها من ضلعى هى التى أعطتنى فأكلت

الرب : وأنتى يأمرأة لماذا كسرتى وصيتى وأخذتى من الشجرة وأكلتى وأعطيتى أدم ليأكل منها أيضاً ؟؟
المرأة : الحية هى التى أغوتنى على أن أكسر وصيتك وشجعتنى على الاكل من الشجرة
فى نفس الوقت خرج الشيطان من لسان الحية الذى أصبح منذ ذلك الحين مشقوق من الوسط يقطر سم ...وهرب الشيطان وأختفى من أمام الحية ..فعرفت الحية أنها وقعت فى فخ رهيب من رئيس الهاوية...وسمعت صوت الرب وهو يطلبها فأسرعت تجرى الية والخوف يقتلها قال لها صوت الرب : أيتها الحية ..ملعونة أنتى من جميع البهائم ومن جميع وحوش البرية...على بطنك تسعين ..وترابأ تأكلين كل أيام حياتك..وأضع عداوة بينك وبين المرأة ..وبين نسلك ونسل المرأة..هو يسحق رأسك وأنت تسحقين عقبة

وبعدها أبعد أدم وحواء عن جنة عدن وتاة أدم عن المرأة سنوات طوال حتى التقيا من جديد

وهنا أنتهى الفيلم..وأختفت الجنة ورجعنا كما كنا جالسين فوق كراسينا فى تلك القاعة السينمائية المبهرة فزفرت بشدة قائلاً لشمروخيل بعد أن خرجنا فى هواء جهنم الطلق : طب ما هو دة اللى كان مكتوب فى العهد القديم ..بس مكنش فية حاجة عن الشيطان

__________________

[مدحت الصياد]

شمروخيل : مش كدة وبس..دة الشجرة دة كانت عادية خالص ......بس الله أوصى أدم أنه لايأكل منها علشان تكون رمز للطاعة ...لا اكتر ولا اقل..فلما الرمز ده أنكسر وقع أدم وحواء تحت نير حكم الموت والخروج من جنة عدن...بص ياصياد..الحية مش هى اللى أغرت حواء ذى مانت شفت بس غلطة الحية أو نقول خطيتها كانت أنها سمحت بدخول الشيطان وأستخدامه للسانها..ومن ساعتها والجنس بتاع الحية بيزحف على بطنه وأتلعن من الله...وكمان اصبحت الحية لها لسان مشقوق وميخرجش من لسنها الا... سم ...لان الشيطان سكن دقايق على اطرافه المشقوقة دي

الصياد: حاجة مدهشة بجد!!!!....طب ليه من الاول حط ربنا الشجرة دي وهو كان عارف ان ادم هيغلط ؟؟؟...عقلى مش قادر يفهم الهدف من كل اللخبطة دي...وكل موضوع بيكون غامض اكبر من اللى قبله؟؟

شمروخيل : الله ياصياد له طرق عجيبة محدش يقدر يفهمها ويمشى فيها غير المختارين والمكتوب اسمائهم فى سفر الحياة بس...بص ياحبيبى اللدود كل ماحاول أى أنسان أنه يفسر أو يفهم طرق الله بمجهوده الذاتى بيفشل ويكون فشله عظيم...واللى بيطلب أنسحاق الروح ويطلب قوة الروح القدس ده بس اللى بيوصل لطرق الله وفهم الخطه والهدف الالهى لكل اللخبطه اللى أنت بتتكلم عنها دي

قلت لشمروخيل : فيه حاجه كان نفسى من زمان وأنا على الارض أنى أعرفها

نظر لى شمروخيل ثم قال : أيه هى ؟؟

__________________





وغداً مع جديد الاحداث

محبتي

الصياد

[مدحت الصياد]

قلت لة فى قوة: من زمان وأنا عارف أن أبليس دة رئيس الهاوية وأنة هيكون فى جهنم مع البشرية اللى سقطت..كل الكلام دة عادى خالص...بس الشىء اللى مش عرفلة جواب هوعمل أية علشان يتلعن أشنع لعنة فى الكون وأية أللى بينة وبين اللة مخاللى فية حروب على الارض بين الاخيار والاشرار مع أن طبعاً مافيش وجة للمقارنة بين قوة الخالق ...وقوة أبليس وجنودة كلها..؟؟

فزع شمروخيل عندما سمع هذا الكلام وتلفت حولة وهو فى شدة الرعب والخوف القاتل قائلاً : أنا عارف وحاسس ..أنك هتكون السبب الوحيد والرئيسى فى ضياعى فى الهاوية...أنت يابنى فية حد مسلطك على؟؟؟ والا تكنش فاكر أننا هنا أحرار نتكلم ذى ماحنا عايزين

نظرت لة فى تحدى واضح وقلت لة بقوة : بقولك أية ياشمروخيل النحس أنت ....أنا مش عيل قدامك علشان تعمل على الحركتين دول....لو أحنا مش أحرار ماكنتش قدرت تفرجنى على قصة خروج أدم من الجنة...ولا كنتش قدرت تطفح فى الكافر شوب بتاعتك دة فى وقت العمل....ولا كنتش من أساسة فتحت معايا أى موضوع ولا عرفتنى الحكمة من جهنم....يعنى من الاخر كدة ..أما تقوللى موضوع أبليس أية ..أو أنت عارف بقى أنا ممكن أعمل أية

اقترب منى شمروخيل وهوينحنى حتى أصبحنا وجهاً لوجة ثم قال فى تردد واضح : يعنى هتعمل أية يعنى؟؟!!! هو أنت فى أيدك حاجة تقدر تعملها هنا؟؟

قلت لة بأعلى صوت خرج من حنجرتى منذ مولدى: أنا أولاً ممكن أسوحك ...عارف أذاى...لما أقابل أبليس تانى بعد نهاية الكعب الداير دة فى جهنم وهحكيلة على كل اللى قولتة لى ...وكمان هقولة أنك ندمان وبتضرب نفسك الف صرمة مولعة علشان أشتغلت مع البقف اللى أسمة أبليس

أحسست فى تلك اللحظة وكأن شمروخيل تغير لونة من الاسود الى الاحمر وبعدها الازرق الفاتح وأخيراً أستقر على اللون الازرق الغامق ...واصبح وجهة أقبح من ذى قبل...وزنهر وهطل على نفسة لعابة الذى سال من شفتية المشقوقة وبات على هذة الحالة بضع دقائق لا يتحرك من هول الصدمة التى حدثت لة ثم سقط بعدها على ركبتية متوسلاً لة وهو يقول بكل أزلال ورعب وخنوع قاتل: حرام عليك دة أحنا وكلين عيش وملح مع بعض ...هى دة الصداقة.....بتتبلا على ..الكلام دة كذب فكذب

أكملت التمثيلية على هذا المغفل وقلت بكل غرور : صداقة..هو فية صداقة فى جهنم ولا عيش وملح ..!!..طب هو أنت يعنى فاكرنى جى جهنم علشان صادق مأكيد أنا خاطى وفطابعى الكذب وبتبلا عليك ..وعمرى ما هعمل حساب لعيش وملح..هوفية عيش وملح بين خاطى وشيطانة ياهبل!!!

رد فى توسل : طب أنت عايز أية دلوقت؟

أنحنيت على هذا الراكع الاهبل وقلت لة فى خبث لم أعلمة فى نفسى من قبل وكأننى من أشرار السينما : واد ياشمروخيل...أنا مش هعيد الكلام تانى..أنا قلتلك عايز أعرف أذاى حصل اللى حصل من أبليس خاللى اللة لعنة وقفل باب رحمتة فى وشة العكر اللى ذى وشك دة ؟؟؟

قال شمروخيل بكل هدوء وحذر : طب لو قلتلك مش هتعرف أبليس حاجة خالص من اللى قلتة دلوقتى

قلت لة فى دهاء واضح : لما أشوف الاول كلامك هيخش مخى والا لا..وبعدها هقرر...قلت أية ياوحش الفلا؟؟

قام شمروخيل من ركوعة قائلاً : أنت خليت فيها وحش دة أنا بقيت جحش الفلا ...دة أنت مش سهل أبداً ..أنا أية اللى خلانى أشتغل الشغلة المأندلة دة..قال مشرف أستقبال قال...طب ممكن نأجل الاجابة لحد لما نزور الساحة اللى أحنا وصلنلها دلوقتى

__________________

[مدحت الصياد]

ساحةعذاب جديدة
_____________

دخلنا من باب غاية فى الضيق ..صغير الحجم ...ثم نظرت لاسفل لاجد ما جعلنى أنتفض من الزعر مما أشاهدة تحت أقدامى.....وكأننى أرى بلد قد ضرب بالجفاف ...كل ساكنية رافعين أيديهم يطلبون ماء أو طعام ولا يجدوة ...وكلهم بأختلاف أشكالهم والوانهم قد أصبحوا كالمومياوات المحنطة..أناس قد برزت عظام صدورهم ووقع شعر رؤؤسهم ....حفاة.... عراة...الا من خرقة بالية تستر عوراتهم..وكأننى فى بلد المجاعات والاوبئة...رؤسهم كبيرة ...عيونهم جاحظة ومن شدة جحوظها أحسست أنها ستقع من بين أجفانهم....أجسادهم نحيفة ...تصعب عالكافر من شدة الجوع والقحط والعطش المميت ...يرفعون أياديهم ولكن لا مجيب غير بضع فتات من السماء تسقط لهم ..فيزحفون على بطونهم زحف شديد التوجع ..حتى تدمى أجسادهم وجلودها ومن يصل أولاً يمد يدة فتتحول قطعة الخبز هذة الى حية عملاقة تبتلعة فى لمح البصر وبعد ثوان تقذفة من جوفها وقد رجع جسدة كامل سليم ...فتمر علية الساعات والايام حتى يصبح كسابق عهدة ضعيف يكاد الجوع والعطش يقتلة فيقتات من فضلاتة أو فضلات الاخرين حتى تبلعة الحية وترجع تقذفة فيرجع من جديد صحيح البدن ...وهكذا ...تمر تلك الاحداث بالجميع هنا ..وتلك الدورة الجهنمية الشنيعة

__________________

[مدحت الصياد]

رفعت نظرى عن هذة المشاهد التى أتعبت قلبى ومعدتى ..ونظرت لشمروخيل قائلاً لة : أية العذاب الرهيييييب دة ياأخ ؟؟...أنت حتى مقولتليش لحد دلوقتى خطايا الناس دة كانت أية...ولا الساحة دة أسمها أية؟؟

نظر لى وقال : مش أنت ذكى وبتعرف تسوحنى كويس مع أبليس ..شوف أنت بقى خطاياهم أية ياأستاذ صياد؟؟

قلت لة فى ود : ياعم أنت لسه زعلان منى ...يعنى أنت هتهون على برده وأسوحك ..ومع مين؟؟..مع أبليس نفسه..أنا مش خسيس للدرجه دي..أنا كنت بهزك شويه مش أكتر

أبتسم شمروخيل قائلاُ: طب مش تقول؟..قال وأنا واخد أتنين دكتوراه فى خداع البشر قال..ده أنت ياصياد جامعة لوحدك فى الخداع..أنا بعترفلك بكده

ضحكت بشدة وأنا بقول : تعترف أيه ياعم ..أنت فاكرنى أب أعترافك ؟؟..المهم ..بجد كده هى الساحة دي بتاعة خطية أيه..وليه بتجوعوا الناس وتعطشوهم كده؟؟؟..أيه مش قدرين تأكلوهم !!..طب هتعملوا أيه لما يأتى ميعاد البوق الاخير والبشر هيسكنوا هنا جماعات مش فرادى ؟؟؟

ضحك شمروخيل بهدوء قائلاً : مش بقولك دمك ذى العسل....ياعم الصياد الموضوع مش حكاية أننا مش عرفين نأكلهم..لا..ده هو عذبهم والتمن بتاع خطيتهم..المعذبون هنا خطيتهم الشراهة

قلت لة : يعنى أيه الشراهة؟....يعنى أنتم بتعذبوا اللى بيحبو الاكل وأصبح الاكل ده مرض عندهم؟؟...يانهار أغبر ...يعنى على كده كل الناس التخان واللى نزلين طحن ولغ هيكون نهايتهم هنا وعذبهم كده؟!!

رد شمروخيل : لا ..لالا..مش بالظبط كده....الموضوع كله أن الناس الشرهة فى الاكل وعنيها معميه عن الغلابه والمساكين هم دول اللى هيجوا هنا ...دة حاجة...وتانى حاجة هما بيكونوا حجر عثرة قدام المساكين وبيخاللوا المسكين من دول بيكفر بكل شىء من أفعالهم دة معاهم...وقسوة قلوبهم وعمى بصيرتهم

قلت لة : أذاى ياشوشو..طب فى العهد الجديد..مثل عن واحد اسمه لعازر البلايا ..وأذاى بعد لما مات رفعته الملايكة لحضن أبونا أبراهيم يعنى ماكفرش بأى شىء ذى مانت بتقول ....مع أنه كان مضروب بأمراض وقروح شديدة وكان قايم نايم على باب راجل غنى متنعم ..والغنى ده عمره مافكر يرمى للعازر فتافيت أكله اللى بيقع من قدامه وهو بيطفح ويلغ...وكمان لعازر البلايا ده كانت الكلاب كمان بتيجى تلحس جروحه ...يعنى مافيش أهانة ولا عذاب على الارض أكتر من كده...بس برغم ده كله لعازر كسب النصيب الصالح ...مش كفر...ذى مانت بتقول؟؟؟ ياهبل

شمروخيل : أنا معاك واللى أنت مش عارفه كمان أن لعازر مش مثل... ده حقيقى والغنى اللى مذكور فى الانجيل موجود فعلاً عندنا..بص..أهو تحت رجليك بالظبط

نزلت بنظرى للمكان ..وفعلاً رأيت أنسان أو هو شبح لانسان يرفع يده والاهوال كلها مرتسمة فوق وجهه..هذا الوجه الذى أضحى كوجه أنسان مات منذ زمن بعيد ...فلم يتبقى منه غير جمجمة وجلد رقيق يكسوها...والاغرب أنه كان يلبس الارجوان الفخم...ولكن ملابس رثة تفشى <يعنى تبوح > بأن صاحبها كان ذو شأن وقوة وغنى فيما مضى من سالف الايام

قلت لشمروخيل وأنا أتابع بعينى الغنى: يعنى المثل ده كان حقيقى فعلاً؟؟

__________________

[مدحت الصياد]

و العام القادم 2010 مع جديد الاحداث

كل عام و أنتم بخير و بعيد عن جهنم

محبتي

الصياد

[Nahla Nicolas]

كل عام وانت بخير
في انتظار الاحداث الجديدة

http://www.orthodoxonline.org/forum/img-content/imgcache/2011/02/31.gif
http://www.orthodoxonline.org/forum/img-content/imgcache/2009/12/1.jpg

[Georgette Serhan]

http://www.orthodoxonline.org/forum/img-content/imgcache/2009/12/1.gif



http://www.orthodoxonline.org/forum/img-content/imgcache/2009/12/2.gif



http://www.orthodoxonline.org/forum/img-content/imgcache/2009/12/3.gif

[مدحت الصياد]

كل عام وانت بخير
في انتظار الاحداث الجديدة

http://www.orthodoxonline.org/forum/img-content/imgcache/notfound.gif
http://www.orthodoxonline.org/forum/img-content/imgcache/notfound.gif



أشكرك أختي الغالية على كلماتك المشجعة

وكل سنة و أنت بخير

[مدحت الصياد]

http://www.orthodoxonline.org/forum/img-content/imgcache/notfound.gif



http://www.orthodoxonline.org/forum/img-content/imgcache/notfound.gif



http://www.orthodoxonline.org/forum/img-content/imgcache/notfound.gif




لأشكرك أختي الغالية على عمق محبتك
وكل سنة و أنت بخير

[مدحت الصياد]

شمروخيل : طبعاً ..طبعاً...بس ياصياد مش كل فقير هو لعازر البلايا...يعنى كدة ..فية ناس ذى لعازر عايشين فى وسطكم وأنتم مش وخدين بالكم خالص ...فالمسكين دة علشان يأكل ويطعم أولادة أو أسرتة ..بيسرق أو ينصب أو حتى يقتل علشان يعيش..وطبعاً عملة دة مش مظبوط وأحنا اللى بنشور علية بكدة..ذى ما وسوسنا فى فكر لعازر كتيييير قوى ولحد أخر نفس فى حياتة..وتعبنا جداً لدرجة أنة أصبح بالنسبة لينا لعنة واللى أبليس مش راضى عنة مننا بيكلفة بلعازر وكل واحد ما بيقدرش على خداع لعازر بينحدف فى الهاوية أو بيروح الدرك الاخير...وذى لعازر...فية مساكين كتير...فيهم اللى بننجح معاة ودة كتير...وفيهم اللى بيكون شبية بلعازر ودة موجود بس قليل...وأحسن وسوسة بندخلها عقل وقلب المسكين هو على الغنى الشرة اللى معندهوش أيمان ولا ضمير ولا حتى رحمة ..فلما يسمع المسكين الوسوسة دة بيقع فى فخنا طوالى..علشان كدة الغنى هنا بيتعذب لانة كان الحجر الاول والركن الشديد لضياع المسكين...عدم العطف ياصياد وأختفاء المحبة بينكم ... ... هى دة الارض اللى بنزرع فيها الخطايا... وأشواك جهنم بتطرح منها الخداع والغوايا لكل أنواع الخطايا من الكذب وحتى التجديف على الروح القدس و...وبس كفاية كدة...ويالا بينا على الساحة اللى بعدها

أنحنى شمروخيل بعدما خرجنا من تلك الساحة وهو يقول قولتة المحفوظة: أركب عالكتافى وأمسك كويس
وفعلاً لقد ركبت قبل حتى أن ينطق بجملتة هذة ..ثم نظر لى وهو يبتسم قائلاً : أنت دايماً كدة ..سريع فى كل حاجة..طب....هيلا..هووووووب


__________________

[مدحت الصياد]

طار شمروخيل مسافة لا بأس بها ...وبعد أن نزلنا الى الارض قلت لة : أية.... مش هتقوللى على قصة أبليس وسر الحروب دة كلها ...؟؟

تنهد شمروخيل قائلاً : أنت مبتنساش حاجة أبداً .....دة أنت بنى أدم صعب قوى ...طب حاضر هقولك بس الموضوع ده...بي...

قاطعتة قائلاً بسرعة : بينى وبينك ,,,ماتخافش ياشمروخيل..وحط فى بطنك بركان مولع ..دة أنا أخاف عليك أكتر من شعر رأسى اللى وقع....قول بقى ياشوشو ..ها..

نظر لى شمروخيل بزهول قائلآ: حاضر حاضر....أسمع بقى وأفتح ودانك كويس



سقوط أبليس
××××××××××××××××××××*

....زمان ....زمان من الاف الاف السنين مع بداية الخليقة.... خلق الرب الملايكة وهم خدام عرش الرب......ربوات ربوات وجيوش كتيرة من الملايكة وكل فئة منهم لها عمل معروف منذ الازل...فيهم حملة المباخر ومنهم المرتلين ومنهم ملايكة المعرفة ومنهم ملايكة الرسل الاولين ومنهم الملايكة الحارسة ...أنواع لا تعد ولا تحصى...منهم اللى أنخلق من الهواء ومنهم اللى أنخلق من النور ومنهم اللى خلقوا من النار..ودة الفئة المشهورة بملايكة المعرفة والقوة..وكان لكل ربوة وجيش من الملايكة دة رئيس وهو رئيس الملايكة من الفئة والجنس اللى منها...وخلق فى النهاية رئيس كل الملايكة وكان هو ميخائيل..ودة رئيس كل أنواع الملايكة وكان هناك كمان ملاك واقف أمام عرش اللة ..وهو الملاك المرسل برسائل للانسان فى كل الازمنة وكان أسمة جبرائيل

قلت لة فى نفاد صبر: ياعم شمروخيل هات من الاخر كدة...فين أبليس من دة كلة ؟؟

شمروخيل : واحدة واحدة...أنت دايماً مستعجل كدة!!

__________________

[مدحت الصياد]

كان رئيس ملايكة القوة والمعرفة هو صاحبنا أبليس.... وكان من أول ما أوجده الله وهو
مغرور ومتكبر....مايحبش يسمع أى أوامر من رئيس كل الملايكة ميخائيل...وكان بيقول على نفسة أنه الاعلى بين الجميع بعد الرب وهو حامل سفر كل المعارف وحامل درع كل القوة السفلية وهو حامل بئر الهاوية وهو الحامل لسلاسل الظلمة الرهيبة ...فكان تفكيره أنه أحق برئاسة كل مخلوقات الرب من أول الملايكة ذات المباخر لحد ملايكة الارض والحراس على الاسفار....وكان فى الوقت ده الرب بيصنع الخليقة الاولى ...ولما أتم صنع الخليقة فى..

قاطعت شمروخيل قائلاً : فى ستة أيام ذى ما الكتاب قال

ضحك شمروخيل وقال : الستة أيام ده فى معرفه الله وليس فى معرفة الانسان ...يعنى كل يوم من الايام الستة بحوالى الف الف عام بحساب الارض ياصياد وليس يوم بالمعنى الارضى...المهم بعد الستة ايام جلس الرب فوق عرش قدسة ..وطلب ميخائيل ليعطيه تقرير عن عمل كل الملايكة ...ماذا صنعوا وماذا قدموا من أعمال جيدة تليق بذات الرب وتليق بطهارة صنع يديه

دخل ميخائيل أمام الذات الالهية قائلاً بعدما سجد بخشوع وطهارة روح : ربى ورب الكون العظيم ..أعطى الى ذاتك العظيمة السرمدية تقريرى أنا الخادم.... الواضع ذاتى بين يديك الطاهرة النقية من كل شائبة أو شبه شائبة
نظر له رب الكون قائلاً بصوت كأنة صوت الف خرير ماء حى:... قل ما عندك ياميخائيل فقد حسن فعل يديك أمام عينى

وقف ميخائيل وهو ينظر لبهاء نور الرب قائلاً : ربى والهى ..لقد صنع كل ملائكتك وربوات الملائكة وجيوش الرب العظيم كل ما طلبتة وأمرت بة وأنت مستحق أن تطلب فيستجاب اليك وأن تأمر فيؤمر لك ..ولكن

__________________

وسكت ميخائيل متردداً

نظر لة رب المجد والاكوان قائلاً: ولكن ماذا؟...هات ما عندك ولا تسكت...ماذا فى تقريرك...أفتح سفرك؟؟؟

رجع ميخائيل للسجود وهو يمد كلا يدية للامام مظهراً سفر مغلق قائلاً برهبة : فليقبل ربى منى هذا السفر...فأنا لا أستطع أن أفتحه...فى وجود ذاتك السرمدية

وفعلاً طار السفر وأستقر بين أنامل الرب فنظر للسفر وفك طلاسيمة فحدثة هزة رهيبة جعلت كوكب الارض تهتزو تتحرك الجبال فوقها وتجرى المياة فتظهر اليابسة من تحتها وجعلت الكواكب ترتعش والنجوم تسقط فأمر الرب ملائكة الكواكب بأن تمسك تلك النجوم وأجرامها حتى لا تسقط..ونظر الرب للسفر فأذا بداخلة أعمال يد أبليس رئيس المعرفة ورئيس الهاوية والظلام والقوة.....فغضب الرب مما شاهدة من أفعال ذلك الملاك رئيس الهاوية فرفع عينية قائلاً لميخائيل ..أطلب فليحضر الى هذا الملاك أبليس...وفعلاً طلب ميخائيل من رئيس ملائكة ويدعى روفائيل أن يذهب ويأتى بأبليس..وفى التو جاء روفائيل وخلفة أبليس الذى ما أن شاهد مجد الرب فوق عرشة حتى خر وسقط أمام عرش النعمة قائلاً بكل كبرياء زائف و تعالى مقيت: ال..ال..المجد..والس..السج..الس جود لعرش الرب

قال الرب فى غضب : السجود لعرش الرب أم السجود للرب الجالس على العرش؟؟...ماذا فعلت أنت وربوات جنودك ياأبليس؟؟

رد أبليس بكل مكر وضلال: أنا... أنا لم أفعل شىء أبداً .. غيركل ما أمرت.....به...و..و...وأكثر قليلاً

نظر لة الرب فى غضب قائلاً: وهل الاكثرقليلاً هذا يسمح لك بأن تخرج الوحش ومعة التنين...وأن تحاول أخراج النبى الكذاب أيضاً ..من الهاوية...لما فعلت هذا؟؟؟...

نهض أبليس قائلاً بكل صلف وغرور قاتل خبيث: رب الكون العظيم..أنا أعترف بقوتك وقوة عرشك ولكن...أعترف أيضاً بأننى رئيس الهاوية وهى أقوى مكان فى الاكوان مجتمعة ...وأنا أيضاً رئيس سلاسل الظلام الرهيبة التى يخاف منها الجميع بما فيهم رئيس ملائكتك ميخائيل...أذاً أنا مستحق أن اكون رئيس كل الملائكة وليس ميخائيل..بل أنا كلى المعرفة مثلك تماماً

نظر ميخائيل بغضب لابليس قائلاً لة : لا أحد مستحق غير الرب ياأبليس ...فهو الكائن من الازل والباقى الى الابد وجميعنا ما الا بخار يظهر قليلاً ثم يضمحل...أنا أخاصمك أمام عرش النعمة ..

وهنا غضب الرب وكان غضبة رهيب جداً ..فقام من فوق عرشة ..فخرت مخلوقاتة فى كل الاكوان وفزعت الاكام والجبال على الارض وهربت السحب واتت الرعود وهجمت البروق على السماء..وحدثة زلزلة عظيمة عندما نطق الرب قائلاً : أيها الملعون..ياأبو الكذابين ورئيس الجنود الساقطين ..لقد أستوجب عليك غضبى وسخطى ولعنتى ليوم سرمدى أبدى لن يأتى أبداً...أذهب من أمام وجهى ..ولسوف أعطى مفاتيح المعرفة لادم من بعدك...ومن اليوم أنت لاتدعى ملاك ولا رئيس ملائكة...بل من اليوم تلعن وتدعى شيطان ورئيس الشياطين الساقطين معك فى فعلك الرهيب هذا...
قال ميخائيل : ربى ..ومفاتيح الهاوية ..هل نأخذها منة ؟؟

رفع الرب يدية قائلاً : بل دع الهاوية لة يقبع بداخلها هو وجنودة وكل من يتبع خطواتة من كل الملائكة ومن كل مخلوق على وجة الارض

رد ميخائيل : والوحش هل نعيدة للهاوية ونشدد الحراسة على النبى الكذاب هو و التنين
قال الرب : نعم ..فوقت النبى الكذاب والوحش والتنين لم يأتى بعد.....أقبض على هذا الملعون أبليس وأقزف بة فى الارض الخربة من الان..هو وجنودة وكل من سقط معة..فى قادم الايام

__________________

[مدحت الصياد]

وفى تلك اللحظة تغير وجه وشكل وهيئة أبليس وأسود وجهه وأصبح ذو شكل رهيب لا يستطع أحد أن يراه من شدة لعنة الرب له هو و جنوده وربوات هجيوشه..وهكذا كره أبليس أدم وكل جنس أدم من بعده لانه أعطى ما كان له وهى المعرفة ومحبة الرب وأهتمامه وحتى قوته أخذت منه غير قوة الخطية وضلالتها فقط أبقيت مع أبليس وربوات جنوده الساقطة ...ومن الوقت ده أتغيرت حاجات كثيره....وأستخدم أبليس كل ما تبقى من قوته وقوة أتباعه فى أسقاط أدم وخروجه من جنة عدن ..وفعلاً ..كان له ما شاهدته وعرفته ...ولكن كان هناك تدبير أخر معد منذ تأسيس العالم ...تدبير الرب ...فى أنقاذ عمل يديه فى أنقاذ الانسان من براثين وحقد وكذب هذا المضلل أبليس

نظرت لشمروخيل وقلت لة فى تسائل : برده هنرجع للسؤال والالغاز من تانى....والدايره الجهنمية اللى بنلف فيها من تانى

شمروخيل: دايره أيه دي ؟

الصياد : مادام الرب كان فى أستطاعته أنه ينهى على أعمال أبليس ويحكم عليه بالحبس والسقوط فى الهاوية ..ليه معملش كده ؟؟وليه أنتظر لحد ما لعب أبليس بأدم وخرجه من الجنة؟؟...وليه ما تركش أدم وحواء بسلام فى الجنة ؟

ضحك شمروخيل قائلاً : فعلاً ياصياد أنت أبن أدم وحواء ...عندك عقل ومعرفة ..بس معرفتك دي بشرية..يعنى معرفه مش كامله....تخيل معايا كده لو الرب عمل اللى أنت قلته ..هيحصل أية نتيجة كده؟؟؟

قلت له بعد تفكير : بجد مش عارف ...ممكن يعيش أدم فى الجنة بسلام وخلاص

شمروخيل : صح ..أكيد هيكون فى سلام هو وحواء بس ..بس لوحدهم ...يعنى ماكنتش الارض أتعمرت بالناس لانهم ماكنوش هيثمروا وهيينجبوا بشر من أساسه ..يعنى ياحلو ماكنتش أنت ساعتها هتكون موجود ..لا أنت ولا أى حد بتاتاً..ده أولاً..أما ثانياً ..العدل الالهى ماكنش هيسمح بكده..يعنى ماكنش هيسمح أن أدم أو أى بشرى يكون مستحق أنه يدعى أبن لله ويملك على الارض وكل الخليقة الا بالحق ..الا بالتجربة والنجاح فيها..الا لما يمر الانسان من بين فخاخ المجرب..وكمان كان لازم يكون التدبير محكم لانقاذ خلقة الله من بين يد أبليس وأعوانه ..النبى الكذاب والوحش والتنين

الصياد : مين هما دول ياشمروخيل..وهما كانو من الاول مسجونين ليه من الاساس وليه ربنا خلقهم وهما بالطبيعه دي ؟؟؟

__________________

زفر شمروخيل فى قوة أحرقت الارض من تحتى فقفزت من الخوف فرد قائلاً : أنت ياصياد بتحملنى أكتر مما أحتمل..المواضيع ده كلها ..صعبه الكلام فيها دلوقتى..علشان مستحيل هتفهمها كلها فى الوقت الحاضر..لازم تمر من خلال الهاوية اللى الخروف هزمها..وتمر كمان من بين سلاسل الظلمة اللى الخروف المذبوح كسرها..وقبل كده كمان مستحيل تمر من ده كله غير لما تتحاسب من أبليس الحساب الاول

قلت له فى زهول وقوة : أيه..بتقول أيه ..الحساب الاول ؟!!..هو فية حساب أول وحساب تانى؟؟

شمروخيل : طبعاً ..طبعاً ..ذى ما فيه القيامة الاولى وده بعدها هيعيش المؤمنين على الارض الف سنة وبعدها هتكون حرب رهيبه بين التنين والوحش والنبى الكذاب من جهة وميخائيل وربوات جيوش الرب منجهه أخرى وقبل كده فيه الابواق السبع والوحش الخارج من البحر والوحش الخارج من الارض وبعدها ساعة الحصاد وقصه المنجل وبعدها السبع ضربات من السبع ملايكة ..والسبعة جامات غضب الله وبعدها وقت خروج المرأة الزانية وأنتظار الوحش لابتلاع وليدها وبعدها سقوط بابل ..وبعدها الملك الالف مع المسيح على الارض ذى ما قلنا ..وبعد الالف سنة دي هيخرج الشيطان من سجنه علشان يضل الناس اللى فى أركان الارض الاربعة وبعدها دينونة الاموات وبعدها نزول أورشلم وبعد كل هذا يأتى المسيح على السحاب وينزل للارض نهر يسمى نهر الحياة ....وأورشليم الجديدة وأيضاً ستتجدد الارض والسماء أيضاً.......موضوع رهيييييب جداً عايز سنوات علشان نتكلم فيه..ومش هتفهمه دلوقتى..واحده..واحده ذى ما بقولك دايماً...أصبر..الصبر حلو ياصياد

قلت له وأنا فى عالم تانى خالص : أيه ده كله..ده مش موضوع ده عالم تانى ..وقصة تانيه غير قصتنا هنا عن الجحيم وجهنم!!!
__________________
وفجاءة شاهدت شمروخيل ينتفض بشده وهو يجرى خلف هضبة أو تل صغير ساحباً نفسى من قفايا قائلاً فى رعب وبصوت ضعيف سمعته بصعوبة : ياخبر ..يانهار أسود وليلة مش بينها هتعدى علينا بالساهل..

أرتعبت بشدة من كلام وأفعال شمروخيل فقلت لة بصوت أقرب للهمس من خوفى من شىء مجهول لا اعلمة : هو فية أية ياشمروخيل ياخويا..وقعت أعصابى ؟؟ها..فية أية ؟..أنت مستخبى وجررنى وراءك لية ؟؟.أنت خايف كدة لية.؟.رد أرجوك ..

رفع شمروخيل أصبعة الشنيع أمام شفتية المشقوقة محذراً : هش ..أسكت خالص دلوقتى ..مش عايزك حتى تتنفس

قلت لو : هو أنا أصلاً باتنفس هنا ؟..فيه أيه؟؟

رد بسرعة : ياعم أخرس دلوقتى أرجوك

فخرست وهدء المكان الا من أصوات دقات قلبى الذى اصبحت كدقات الطبلة ..وبعد حوالى ربع ساعة رفع شمروخيل رأسة وهو يجرى قائلاً لى : تعالى ورايا بسرعة

جريت خلف هذا المجنون لمسافة ثلاث كيلو ..وأخيراً وقف... وسقطت أنا من شدة الاعياء والتعب
وبعد أن هدء معدل تنفسى وهدء هذا الشيطان البائس المدعوا شمروخيل حتى نظرت له وأنفجرت فيه بكل قوة : هو فيه أيه..تستخبى كده ذى ما تكون حرامى أو هربان من معتقل المغول وبعدها تجرينى وراك عشرين كيلو

رد مقاطعاً صراخى بصراخ أشد قوة وبصوته القبيح الذى يشبه صوت أحتكاك عجلات قطار ثقيل بقضيب مكسور: أولاً دول كانوا تلاته كيلو بس مش عشرين..ثانياً ..أنا الف مره قلتلك أنك هتودينى الوبا أو هترمى ذى البقف فى الهاوية بسببك أو هتسحل بسلاسل الظلمة الرهيبة برده بسببك

قلت له : ليه يعنى؟..هو أنا عملتلك حاجه؟!!

رجع للصراخ وقال : علشان سؤالك دة عن سقوط أبليس ...رحت أنا نسيت نفسى وخالتنى أدخل برجليا دول اللى عايزين القطع فى قلب البرية القاحلة..برية جهنم

قلت له فى دهشة : ياسلام..أما أنت شيطان أهبل وجبان صحيح ..وأيه يعنى لما ندخل البرية دي ؟..يعنى هى ذى الهاوية؟؟

شمروخيل : لا ياصياد..مش ذيها..بس فيها حاجة تخاللى أى شيطان مايقدرش يدخلها أبداُ.أبداً الا لما يكون عنده اوامر بكده

قلت له فى أستغراب : ليه يعنى هى خطر للدرجه دي ؟؟
قال بسرعة : مش هى الخطر ..بس الخطر على كل شيطان أو أنسان أو أى كائن كان من اللى ساكن فيها
قلت لة فى دهشة : ومين دة اللى ساكن فيها ومخوفك كدة..؟؟!دة أنت دخلت على أبليس نفسة رافع راسك ومش خايف؟؟؟..
رد قائلاً : علشان اللى ساكن فيها ماحدش يقدر عليه غير أبليس ..و لحظنا النحس كنا قريبين منه قوى
قلت له بنفاذ صبر: مين ده ؟؟
__________________



و غداً مع جديد الاحداث

محبتي

الصياد

[Muna]

كل سنة وانت طيب
جميل ماتكتب يا الصياد بانتظار بقية الاحداث
Muna

[مارى]

[QUOTE]شمروخيل : هنروح كهف التاريخ الانسانى كلة
????: منتديات الشبكة الأرثوذكسية العربية الأنطاكية - منتدى الشبيبة الأرثوذكسية http://www.orthodoxonline.org/forum/showthread.php?t=983 (http://www.orthodoxonline.org/forum/showthread.php?t=9837)
قلت لة فى أستغراب : كهف التاريخ الانسانى!!![/QUOTE


كهف التاريخ الإنسانى :sm-ool-06:
بصراحة هى رحلة حلوة و جذابة :sm-ool-29:
بس أكيد مش مع شمروخيل .... مع حد يكون طيب ...بلاش شمروخيل دا :sm-ool-14:

قصة لطيفة

سلام و نعمة :sm-ool-05:

[مدحت الصياد]

كل سنة وانت طيب
جميل ماتكتب يا الصياد بانتظار بقية الاحداث
muna


اشكرك ويارب على طول تعجبكم قصصي البسيطة

محبتي

الصياد

[مدحت الصياد]

[quote]شمروخيل : هنروح كهف التاريخ الانسانى كلة
????: منتديات الشبكة الأرثوذكسية العربية الأنطاكية - منتدى الشبيبة الأرثوذكسية http://www.orthodoxonline.org/forum/showthread.php?t=983 (http://www.orthodoxonline.org/forum/showthread.php?t=9837)
قلت لة فى أستغراب : كهف التاريخ الانسانى!!![/quote


كهف التاريخ الإنسانى :sm-ool-06:
بصراحة هى رحلة حلوة و جذابة :sm-ool-29:
بس أكيد مش مع شمروخيل .... مع حد يكون طيب ...بلاش شمروخيل دا :sm-ool-14:

قصة لطيفة

سلام و نعمة :sm-ool-05:



أشكرك أختي الغالية على تشجيعك لي....

وبلاش فعلاً تروحوا في أي رحلة مع شمروخيل ...

محبتي

الصياد

[مدحت الصياد]

رد فى خوف قائلاً : عزازيل....المرعب عزازييييييل ... دة اشهر من نارعلى خازوق..بلوى مسييحة....كارثة تمشى على قدمين....مصيبة أذلية..سفاح أرواح ....جامعة أجرام ....كلية سفك دماء....وابور ظلط الجحيم....أشنع خادم من خدام أبليس ...حاصل على وسام قلة الشرف من الدرجة الاولى..صاحب الشوكة الذهبية فى الغز والفتك..لو قعدت أوصفلك فى حسناتة أقصد سيئاتة عايزلى مائة سنة ....دة ياصياد هو الوحيد هنا اللى ماحدش يقدر يعيش معاة أبداً..حتى أبليس عمرة ماطلبة الا للشديد القوى....وكان من خوف أبليس من افعال عزازيل دة كان مشغلة فى الارض يسرق ويقتل فى حيوانات الصحارى والفلوات ...لحد ما جة العهد الجديد ورجع لان حتى التيوس اللى كانت بتقع عليها القرعة ايام كهنة اليهود ويطلقوها للكارثة دة..خلاص أنتهى زمانها بعد العهد الجديد...فصاحبنا بقى عاطل عمل ورجع هنا...وأبليس أدالة أجازة طويلة...بس سمح لة بالفتك بأى حيوان أو أنسان أو حتى شيطان يقع تحت رحمتة هنا ...واللى حظة الاعثر يبعتة للبرية ..ويشم عزازيل رحتة ...مابيلحقش حتى يصرخ او حتى يتعذب...دة حاجة رهيبة...مافيش اتنين منة...أنا مش عارف أحنا خرجنا من البرية أذاى !!! ...دة حاجة محصلتش قبل كدة

قلت لة وانا مرعوب : أصل أنا فيا حاجة للة...أنا مش بقولك أنى جيت هنا غلط

نظر لى شمروخيل وكأنة يشاهد أنسان مخبول : جيت غلط..هنرجع للموضوع دة تانى!!!...أحمد ربك أننا خرجنا من عند المصيبة دة بسلام...دة الحادثة الوحيدة ان حد يروح لعزازيل ويرجع تانى من غير حتى ما يمسسى علية بخازوق حارق..او شوكة ملهلبة ..او حتى زمهرير

قلت لة فى غيظ : طب ياللى بينا بقى نكمل رحلتنا الرهيبة دة

نظر لى شمروخيل قائلاً : أنا مش بقولك أنك أنسان صعب....يابنى أحنا فى الناحية التانية من البرية...يعنى لازم نمر تانى منها علشان نعدى ونكمل مشورنا...وطبعاً لو خطينا خطوة واحدة تانى جوة برية جهنم ..المرادى أكيد عزازيل هيكون فى أستقبالنا ...مش كل مرة تسلم الجرة

ضحكت على هذا المغفل قائلاً لة ببساطة : طب ماتخدنى عالكتافك دول وطيران فوق برية جهنم لحد مانطلع منها باحدق

أبتسم شمروخيل أبتسامة اليائس قائلاً : أنت بردة مش فاهم حاجة ..أننى مستحيل أقدر أطير فوق برية جهنم ..دة المكان الوحيد اللى قوتى وموهبتى فى الطيران بتضيع فيها

رفعت حاجبى قائلاً : يعنى أية الكلام دة؟

رد بمنتهى الغيظ : يعنى لازم ولابد نعدى برجلينا منها تانى مش طيران ياصياد...عرفت المصيبة اللى أحنا وقعين فيها دلوقت؟؟

أرتعشت بشدة من هول الاجابة والرد الشنيع من صديقى اللى هيكون قتيل معايا بيد المدعو عزازيل ..ثم قلت لة فى شجاعة وهمية لا تفشى عما يمزقنى من رعب وجبن أنسانى رهيب: ماشى ...طب مانحاول نجرى أو نضحك على هذا العزازيل ونخرج من بين أيدية قبل ما يقفش فينا ...قلت أية ؟؟

هز شمروخيل رأسة قائلاً : ياعم أنا بقولك دة جامعة أجرام...وكلية سفك دماء ..وأنت تقولى نضحك علية؟؟

أسقط فى يدى فقلت لهذا الخائب شمروخيل : طب أية الحل يعنى؟؟..هنقعد كدة نضرب أخماس فى أسداس من غير مانعمل حاجة ونرجع مطرح ماكنا ؟؟

هرش شمروخيل قليلاً حتى أدمى فروة رأسة ثم نطق قائلاً : فية حل واحد..واحد بس....هو صعب شوية ..لكن ممكن ينفع مع عزازيل

نظرت لة فى فرح منتظر أن يكمل كلامة عن الحل فقال : ممكن أنك تدخل البرية وأنا معاك طبعاً ...ووقت ما يطب علينا عزازيل تنطق بأسم رب المجد وأنة أصبح هو الخروف المذبوح ..أصبح هو الذبيحة الدائمة لجنسك البشرى وأن دمة هيكون الساتر لك من مخالب الهاوية وسلاسل الظلمة ومن التمن المدفوع لعزازيل ..وبكدة نخرج من برية جهنم

قلت لهذا الواهم : أية ..حيلك على شوية..هو أنا لو أنسان عندةشوية أيمان كنت جيت هنا؟..أذاى بقى كلامى هيأثر فى المصيبة اللى أسمة عزازيل؟؟ أنت كدة هتجرب فينا

رد شمروخيل قائلاً بخبث: أنت مش فالق دماغى علطول بأنك جيت هنا غلط؟؟..طب قدامك اللى يخلينى أصدقك..وغير كدة وكدة..مافيش حل غير كدة..خلاص... بح .....مافيش حل تانى عندى

قلت لة وأنا فى قمة الغضب : يعنى أنت دلوقتى اللى بتسوحنى مع عزازيل ...ماشى حاضر ..ربنا هيكون معايا حتى وأنا فى قلب جهنم وقدام عزازيل...بس أنا خايف من حاجة تانية

شمروخيل : أية الحاجة دة..؟؟

قلت لة : خايف أنى أول ماهشوف خلقة الرهيب دة أنى أتلخبط وشجاعتى وأيمانى يهربوا منى ..دة أكيد شكلة ملهوش وصف ولا ملامح تتبلع أساساً

هرش شمروخيل من تانى وكأن موضوع الهرش دة وباء أو موضة هنا ثم قال : عندك حق ...ممكن أنى أمسك أيدك وأغمى عنيك بحتة خرقة ..وأجرك وأنت بتقول الكلام دة لحد مانخرج...يعنى هكون أنا السواق ..بس حسك عينك تحاول تسكت أو تترعش فى كلامك..ماشى؟

قلت لة : حلو قوى..طب أنت ممكن تيجى قدام عزازيل ومن خوفك تسيب أيدى وتجرى وتتركنى للمصيبة دة لوحدى

شمروخيل : طبعاً مستحيل أعمل كدة..دة كان أبليس يرمينى فى الهاوية ..أنت عهدة على ياحلو..ياللى غمض عنيك

وفعلاً أتى لة من العدم بحتة قماش سوداء رهيبة وربطها على عيناى ..فأصبحت الدنيا أقصد أصبحت جهنم من حولى ظلام ..لا أرى شىء ..لا أرى حتى هذا الظلام..خواء رهيب أحاط بى وفجاءة أحسست بنار فى يدى فقفزت مرعوباً صارخاً فى هذا الصديق الحارق شمروخيل : أيديا...أية دة ..هو أنا مسكت طاسة مولعة ..مستحيل أمسك أيديك ياشمروخيل أنا أيديا لهلبت وحاسس أن صوابعى ساحت

رد شمروخيل وهو يضع فى يدى طرف كبير من فرع لشجرة يابسة قائلاً : طب أمسك طرف الفرع دة وأنا ماسك من الطرف التانى وهجرك ورايا بس أوعى تسيب الفرع..لحسن أروح فى بطن عزازيل..أوعى ياصياد

قلت لة : حلو كدة ..أهو كدة أحسن..ياللى بينا..وماتخافش أنا متبت فى الفرع دة كويس جداًجداً

وفعلاً مشى بى شوشو مسافة غير بعيدة ثم صرخ بى قائلاً : أهو عزازيل جى يجرى ناحيتنا ..أبتدى دلوقتى

قلت بصوت حاولت أن يخرج بقوة وثبات وصليت للرب أنة يعطينى أيمان حتى أخرج من هذة الكارثة بدون خسائر فى الاعضاء : بأسم رب المجد..بأسم رب الجنود..بأسم الرب يسوع المسيح..الذى كان منذ الازل وسوف يكون الى الابد...الذى وضع نفسة كفارة من أجل خطايا العالم...بأسم دم الخروف المسفوك من أجل كل أنسان..منذ أدم وحتى المنتهى..بأسم رب الارب وملك الملوك

أصبحت لا أشعر بأى شىء ولا أى مشاعر غير قوة وفعل هذة الاقول التى خرجت من كل كيانى ..حتى أننى نسيت عزازيل وشمروخيل وحتى نسيت طرف العصا فسقطت من يدى فسمعت صرخة شمروخيل وهو يحملنى ويجرى وأنا أكمل ولم أستطيع أن أسكت بعدما كان شمروخيل قاب قوسين أو أدنى من أنياب عزازيل ..أكثر من نصف ساعة وأنا أرفع صوتى بكل ماستطعت أن أقولة من كل قلبى ومن أيمانى..أيمانى الذى وجدتة..والها من طرفة ..وجدت أيمانى..أخيراً ولكن أين؟..فى برية جهنم..يالها من لعبة الاقدار معى ..لم أفق من سرحانى الا عندما رفع شمروخيل القماش عن عينى صارخاً فى : حرررررام عليك..حرررررام بجد..أنت خلاص كنت هتدمرنى بسرحانك كدة..وتركك للعصا..أنا عارف وكل مرة بقولك..أن نهايتى على أيديك دول

أبتسمت وقلت لشمروخيل : معليش ياصاحبى ..أنا فعلاً أسف..صدقنى غصب عنى ..نسيت نفسى وذاتى وحتى كل كيانى فنسيت كمان أيديا ووقعت العصايا منى ..من غير ماحس..لتانى مرة أنا بتأسف ليك جداً

تنهد شمروخيل فى أرتياح قائلاً : خلاص حصل شر...بس بعد كدة بقى ياحلو لازم ناخد بالنا كويس ونمشى ذى ما الجدول بيقول..يعنى لا نحود يمين ولا شمال فاهم

وقبل أن أجيبة ...شاهدت شمروخيل يتكلم مع نفسة ..بنفس الطريقة ساعة لما أبليس طلبة..وبعد دقيقة نظر لى شمروخيل وهو محتقن الوجة قائلاً : أنا عارف أن نهايتى قربت وبسرعة
قلت لة : أية فية أية ؟؟؟حصل أية ؟؟

رد بصوت يكاد أن يخرج بالبكاء : أبليس ياصياد طلبنا أنا وأنت دلوقتى تانى..مش عارف لية؟؟.دة أول مرة يطلب أبليس حد وأنا معاة قبل ما يكمل الرحلة كلها؟؟

قلت لة وأنا أبلع ريقى : يعنى ماتعرفش هو عايز أية مننا الساعادى؟؟

رد : أنا خايف من حاجة ..حاجة واحدة بس هى اللى تخللى ابليس يطلبنى بالطريقة دة وبسرعة كدة

__________________-

و غداً مع جديد الاحداث

محبتي

الصياد

[مدحت الصياد]

صدمة ؟ لا دول أتنين
________________

حاولت أن أعرف ماهو الشىء الوحيد الذى من أجلة طلبة أبليس لثانى مرة بالطريقة دة...ولكن صاحبى شوشو أصبح كالقبور...صامت صمت السكون أو الموت...جامد الملامح ..لا تعرف هل هو يفكر أم هو نائم ...وأخيراً وصلنا لاسفل سافلين لتانى مرة خلال ساعات قليلة...ودخلنا من نفس الباب...وذهبنا لابليس ..ذو الوجة البشرى الخادع ...نظر لنا أبليس نظرة فاحصة ماحصة ...وتحولت عيونة الى ما يشبة الكشافات الحمراء وأصبح حاجبية على شكل رقم ثمانية ..وأخذت أسنانة الحادة تعض شفتية ...وضروسة تصدر أصوات رهيبة من أحتكاكهم بفعال الجز عليهم ...فأضحى ذو شكل رهيب وكأننى أقف وأشاهد مجنون من الدرجة الخطرة أو أنسان يغلى الغضب والقهر والزهول بداخلة لدرجة الغليان...
عرفت هنا فقط أن خوف شمروخيل كان فى محلة...وليس هذا فقط ...بل عرفت أيضاً أن شوشو صاحبى شيطان شجاع ....يعلم بأنة مقدم على الهاوية....بلا تردد ولا خوف...ربنا يستر...أسترها يارب ...بس هيسترها معانا أذاى فى جهنم ؟؟..واحد خاطى ذى العبد للة..ومحكوم علية بالعذاب هنا..والتانى شيطان من شياطين أبليس...وفجأة وأنا مندمج وسرحان مع هلوساتى الفكرية...قام أخينا من خلف مكتبة وهو واضع يدية خلف ظهرة وكأنة يفكر فى شىء رهيب..ثم فتح شفتاة وتكلم بصوت كأنة صوت حفار يحفر فى الصخور قائلاً بكل هدوء لا يفشى عما يجول بداخل هذا الكيان الاباليسى

أبليس : أية اللى دخلك برية جهنم ياشمروخيل ..أنت والمواطن الجديد الصياد ؟

تكلم شمروخيل بصوت ضعيف ووهن ...كأنة رجل فى أخر مراحل الاحتضار والموت :

شمروخيل : دخلت البرية ..غلط

يالا الدهل الاخرق ...حد يقول الكلام دة ويرد بالاجابة دى فى وش أبليس!!!


أبتسم أبليس أبتسامة الغضب قائلاً : غلط!!!....غلــــــــط؟!!!...غلـ� �ـــــــــــط!!!!!!

هو أيه ! علق على الكلمة دى..ذى الاسطوانة المشروخة؟؟؟ ...ده باين عليها ليلة ..بالف ليلة وليلة <على راى الست >

أكمل أبليس كلامه وهو يصرخ والشر باين من عنيه : أنا أول مرة فى عمرى كله أسمع فيها حد من أتباعى أو جنودى بيتوه فى جهنم ويمشى غلط

بلعت ريقى وقلت لابليس من باب التخفيف عن شمروخيل ...ماهو برده صاحبى : أصل باين ياسيد أبليس أن شمروخيل نسى الخريطة بتاعة جهنم ..

نظر لى أبليس نظرة الغيظ والحقد الدفين قائلاً : وأنت كمان أيه اللى نايلته فى البريه دي؟

قلت لخ فى هدوء وغباء رهيب لا يخرج حتى من أعتى المجانين : أنا؟..مش فاهم سيادتك بتتكلم على أيه بالظبط؟
رجع تانى أبليس للجز والعض فى شفايفه وأحسست أنه سيلطشنى قلمين أو سيغزنى بحربة أو سيرشق فى بطنى التى تأن من الخوف بشوكة شيطانية

أبليس : يابنى الاستهبال والاستعباط ده ملهوش مكان هنا...لاخر مره بقولك ..حصل منكم ايه لعزازيل فى البرية ؟؟؟

حلو أوى كده..أهو أحنا وصلنا للزنقة...الخسيس عزازيل باين عليه ماصدق , وجرى لابليس يشتكى مننا
قلت له فى هدوء : أصل أحنا لما دخلنا غلط عند عزعز

نظر لى أبليس فى تسائل قائلاً : عزعز!!...مين عزعز ده ؟؟؟

قلت له فى بساطة : عزعز...عزعز...أقصد الاخ عزازيل...لما دخلنا وراح هو هاجم علينا وبان الغدر فى عنيه ..بصراحة أنا خفت قوى...ومن غير ماقصد لهفط بكلام كده من خوفى...بس ..هو ده اللى حصل بالظبط

قال أبليس : كلام؟...كلام أيه دة اللى يعمل فيه اللى أنعمل ؟؟...ويحصله اللى حصل ؟

أخ...أهو أحنا أتزنقنا من تانى ...زنقه ما يعلم بيها الا ربنا

قلت له : أهو كلام وخلاص...

أبليس : كلام أيه ده ..عايز أعرفه كلمة..كلمة

يادى النيله والحوسه...مال أبليس مرخم كده ليه المرادى معانا ؟!!

قلت له : كلام أبن عم حديد

وهنا...وهنا فقط أنفجر فينا أبليس أنفجار الكون ..أنفجار الف نجم صارخاً بكل شناعة لم أشاهدها من قبل : أنت بتلعب بيا يابنى أدم أنت؟؟...

قلت له فى قوة أتتنى من العدم : يعنى حصل للمدعوك عزازيل أيه يعنى؟؟..ويعنى مهما كان الكلام هيعمل فى كائن ذى ده والا يأثر فيه حتى القنابل النواوية...أنا عايز أعرف كل التحقيق ده كله ليه يعنى؟؟؟..
نظر لى أبليس غير مصدق ما أفعلة قائلاً بعصبية منقطعة النظير : ماشى ..أنا هوريك الكلام اللى أنت بتقول علية عمل فى عزازيل أيه..تعالوا ورايا

وفعلاً رحنا أنا وشمروخيل ورا أبليس لاخر القاعة وفتح شباك من حائط أمامة ..وكأنة شباك سرى وقال مشيراً : بص...بص أنت وهو ..شوفوا عزازيل حصلة أيه من الكلام اللى بتقوله عليه ..بص
تقدمت أنا وشوشو ونظرت لاجد أمامى قاعة أخرى وفى وسط هذة القاعة عمود مرفوع عن الارض بضع أمتار وهنا كائن ..كائن لا أعرف لة ملامح محددة..فرأسه رأس أنسان قبيح جداً ..لم أشاهد أنسان بتلك القباحة والشناعة من قبل وجسده جسد قرد ضخم.. لة أجنحة كأجنحه الخفاش أو الوطواط..له أطراف كأطراف الاسد أو أطراف نمر ..وهو مربوط بسلاسل كأنها سلاسل لربط قطار أو طائرة ..وهذا الكائن ينتفض أنتفاضة رهيبة وكأنه مصعوق بمولد ذرى للكهرباء...يصرخ بشدة...وبعد دقائق يضحك بقوة ثم يرجع للصراخ المهول ..وهكذا كأنه محموم أو مجنون أو مسحور ..أو قل ماشئت من مختلف الامراض النفسية والعقلية ...كوكتيل رهيب من العاهات النفسية التى وللحق يجب أن تدرس وتقام عليها أضخم وادق الابحاث الفسيولوجية ..

أفاقنى أبليس وهو يقول : نفسى بقى أعرف ..أنت قولتله أيه خلاه بالشكل ده؟؟..أنا هتجنن مش لاقى حاجة ممكن تعمل فى الكابوس الرهيب عزازيل كل ده أبداً

قلت فى عقل بالى ..ده أنا لو قلتلك على اللى قلته فى البرية وسمعه عزازيل أكيد هتجنن فعلاً ..أعمل أيه ..أقول؟؟..مقولش؟؟..أنا خايف أقول أنا خايف

ولاول مره ينطق شمروخيل منذ دهر قائلاً : سيدى وتاج راسى من فوق أبو الشياطين والرأس المفكر لجهنم..والمدبر الكبير للغواية ممكن أتكلم

رد أبليس : ماتتكلم هو فيه شيطان منعك مالكلام..أتكلم بسرعة ..أنا صبرى نفد

بلع شمروخيل ريقة قائلاً :الصياد ماكنش يعرف أنه ممنوع يجيب سيرة...

ياليلة كحلى باين على شمروخيل هو كمان أتجنن وقرب خلاص من الهاوية

شمروخيل :::..يجيب سيرة...يجيب سيرة..سيرة..سيرة

صرخ أبليس فى شمروخيل : يجيب سيرة أيه....كمل ؟؟؟

خلاص شمروخيل عالحركرك ..ولو نطق بأى حاجه هتكون أخر لحظه أشوف فيها شمروخيل...ياصاحبي ياحبيبى ياأعز صديق...ماكانش يومك ياشوشو
أكمل شمروخيل قائلاً : يجيب سيرة الارض وبرية الارض وتيوس الارض ولحوم الارض ..والارض بتتكلم عربى

أكملت أنا بفرح : الارض..الارض الارض ....ترلام بم بم

صمت أبليس فترة وهويفكر وينظر لنا متفحصاُ متمحصاً ..ثم ظفر قائلاً : يعنى ممكن الصدمة اللى جاتله دي من سيرة الارض وأكل الارض ؟؟
قلت لة بقوة : طبعاً ..بس صدقنى..أنا ماكنتش أعرف أنة هيحصلو كدة..
رد بهدوء وكأنة تائة: ومين كان يعرف أن عزازيل الرهيب يحصلة كدة لما يفتكر شغلة والعز اللى كان عايش فية عالارض !!!

ابتسم شمروخيل قائلاً : أنا أسف على غلطة دخولى البرية ..دي هتكون أول مرة وأخر مرة

رد أبليس : خلاص..أنتهينا ...

قلت لة بسرعة : يعنى خلاص ..نمشى؟؟

رد قائلاً وهو يهز رأسة : لا...لسة فية الصدمة التانية والمصيبة التانية

نظرنا لة فى أستغراب عما يقولة فأكمل : ياصياد....أنت متأكد أنك جيت هنا برجليك؟؟

قلت لة فى دهشة : مش فاهم ...طبعاً..أنا جيت برجليا يعنى .....كعابى

أكمل أبليس : وأكيد شفت اليافطة بتاعة جهنم ؟

قلت بسرعة : أينعم...وعرفت أنها جهنم

أبليس : أنت ساعتها عملت أية ؟

قلت لة فى سرعة : حاولت أرجع ..بس

أقترب منى منتظراُ أن أكمل فأكملت : بس ملقتش الطريق اللى جيت منة

أندهش أبليس قائلاً : أذاى بقى؟..

قلت لة : أنا مش فاهم حاجة...ممكن تفهمنى لوسمح شرك

قال: أنا دلوقت عرفت أنك جيت هنا صح مش غلط..مع أنى كنت متأكد وعمرها ماتحصل أن حد يجى هنا غلط...طب لما أنت جيت هنا فى مكانك وصح مش غلط..لحد الساعادى مجليش دوسيهك ولا جالى كتاب أعمالك لية؟؟..ها...تقدر تقولى ؟؟

لعبت الظنون بفكرى وقلت : أنا أية اللى هيعرفنى..هو أنا كنت سفير فى جهنم والا أخذت دورة تدريبية هنا قبل كدة.... جايز البريد أتأخر والا يكون دوسيهى تاة والا حاجة ذى كدة

أنفجر أبليس فى الضحك قائلاً : بريد؟؟..بريد أية يابنى !!..دة هنا أعمالك بتتبعك ودوسيهك بيكون كخيال ظلك

_________________



وغداً مع أحداث جديدة

محبتي

الصياد

[مدحت الصياد]

أبتسم أبليس أبتسامة الغضب قائلاً : غلط!!!....غلــــــــط؟!!!...غلـ� �ـــــــــــط!!!!!!

هو أيه !؟ علق على الكلمة دى..ذى الاسطوانه المشروخة؟؟؟ ...ده باين عليها ليلة ..بالف ليلة وليلة .

أكمل أبليس كلامه وهو يصرخ والشر باين من عنيه : أنا أول مره فى عمرى كله أسمع فيها حد من أتباعى أو جنودى بيتوه فى جهنم ويمشى غلط

بلعت ريقى وقلت لابليس من باب التخفيف عن شمروخيل ...ماهو برده صاحبى.....:
أصل باين ياسيد أبليس أن شمروخيل نسى الخريطة بتاعة جهنم ..

نظر لى أبليس نظرة الغيظ والحقد الدفين قائلاً : وأنت كمان أية اللى نايلتة فى البرية دة؟

قلت له فى هدوء وغباء رهيب لا يخرج حتى من أعتى المجانين : أنا؟..مش فاهم سيادتك بتتكلم على أيه بالظبط؟
رجع تانى أبليس للجز والعض فى شفايفة وأحسست أنه سيلطشنى قلمين أو سيغزنى بحربة أو سيرشق فى بطنى التى تأن من الخوف بشوكة شيطانية
أبليس : يابنى الاستهبال والاستعباط دة ملهوش مكان هنا...لاخر مرة بقولك ..حصل منكم اية لعزازيل فى البرية ؟؟؟

حلو أوى كده..أهو أحنا وصلنا للزنقة...الخسيس عزازيل باين علية ماصدق وجرى لابليس يشتكى مننا
قلت لة فى هدوء : أصل أحنا لما دخلنا غلط عند عزعز

نظر لى أبليس فى تسائل قائلاً : عزعز!!...مين عزعز دة ؟؟؟

قلت لة فى بساطة : عزعز...عزعز...أقصد الاخ عزازيل...لما دخلنا وراح هو هاجم علينا وبان الغدر فى عنية ..بصراحة أنا خفت قوى...ومن غير ماقصد لهفط بكلام كدة من خوفى...بس ..هو دة اللى حصل بالظبط

قال أبليس : كلام؟...كلام أية دة اللى يعمل فية اللى أنعمل ؟؟...ويحصلة اللى حصل ؟

أخ...أهو أحنا أتزنقنا من تانى ...زنقة ما يعلم بيها الا ربنا

قلت لة : أهو كلام وخلاص...

أبليس : كلام أية دة ..عايز أعرفة كلمة..كلمة

يادى النيلة والحوسة...مال أبليس مرخم كدة لية المرادى معانا كدة؟؟!!

قلت لة : كلام أبن عم حديد

وهنا...وهنا فقط أنفجر فينا أبليس أنفجار الكون ..أنفجار الف نجم صارخاً بكل شناعة لم أشاهدها من قبل : أنت بتلعب بيا يابنى أدم أنت؟؟...

قلت لة فى قوة أتتنى من العدم : يعنى حصل للمدعوك عزازيل أية يعنى؟؟..ويعنى مهما كان الكلام هيعمل فى كائن ذى دة والا يأثر فية حتى القنابل النواوية...أنا عايز أعرف كل التحقيق دة كلة لية يعنى؟؟؟..
نظر لى أبليس غير مصدق ما أفعلة قائلاً بعصبية منقطعة النظير : ماشى ..أنا هوريك الكلام اللى أنت بتقول علية عمل فى عزازيل أية..تعالوا ورايا

وفعلاً رحنا أنا وشمروخيل ورا أبليس لاخر القاعة وفتح شباك من حائط أمامة ..وكأنة شباك سرى وقال مشيراً : بص...بص أنت وهو ..شوفوا عزازيل حصلة أية من الكلام اللى بتقولة علية ..بص

__________________

[مدحت الصياد]

تقدمت أنا وشوشو ونظرت لاجد أمامى قاعة أخرى وفى وسط هذة القاعة عمود مرفوع عن الارض بضع أمتار وهنا كائن ..كائن لا أعرف لة ملامح محددة..فرأسة رأس أنسان قبيح جداً ..لم أشاهد أنسان بتلك القباحة والشناعة من قبل وجسدة جسد قرد ضخم.. لة أجنحة كأجنحة الخفاش أو الوطواط..لة أطراف كأطراف الاسد أو أطراف نمر ..وهو مربوط بسلاسل كأنها سلاسل لربط قطار أو طائرة ..وهذا الكائن ينتفض أنتفاضة رهيبة وكأنة مصعوق بمولد ذرى للكهرباء...يصرخ بشدة...وبعد دقائق يضحك بقوة ثم يرجع للصراخ المهول ..وهكذا كأنة محموم أو مجنون أو مسحور ..أو قل ماشئت من مختلف الامراض النفسية والعقلية ...كوكتيل رهيب من العاهات النفسية التى وللحق يجب أن تدرس وتقام عليها أضخم وادق الابحاث الفسيولوجية ..

أفاقنى أبليس وهو يقول : نفسى بقى أعرف ..أنت قولتلة أية خلاة بالشكل دة؟؟..أنا هتجنن مش لاقى حاجة ممكن تعمل فى الكابوس الرهيب عزازيل كل دة أبداً

قلت فى عقل بالى ..دة أنا لو قلتلك على اللى قلتة فى البرية وسمعة عزازيل أكيد هتجنن فعلاً ..أعمل أية ..أقول؟؟..مقولش؟؟..أنا خايف أقول أنا خايف

ولاول مرة ينطق شمروخيل منذ دهر قائلاً : سيدى وتاج راسى من فوق أبو الشياطين والرأس المفكر لجهنم..والمدبر الكبير للغواية ممكن أتكلم

رد أبليس : ماتتكلم هو فية شيطان منعك مالكلام..أتكلم بسرعة ..أنا صبرى نفد

بلع شمروخيل ريقة قائلاً :الصياد ماكنش يعرف أنة ممنوع يجيب سيرة...

ياليلة كحلى باين على شمروخيل هو كمان أتجنن وقرب خلاص من الهاوية

شمروخيل :::..يجيب سيرة...يجيب سيرة..سيرة..سيرة

صرخ أبليس فى شمروخيل : يجيب سيرة أية....كمل ؟؟؟

خلاص شمروخيل عالحركرك ..ولو نطق بأى حاجة هتكون أخر لحظة أشوف فيها شمروخيل...ياصاحبي ياحبيبى ياأعز صديق...ماكانش يومك ياشوشو

__________________

أكمل شمروخيل قائلاً : يجيب سيرة الارض وبرية الارض وتيوس الارض ولحوم الارض ..والارض بتتكلم عربى

أكملت أنا بفرح : الارض..الارض الارض ....ترلام بم بم

صمت أبليس فترة وهويفكر وينظر لنا متفحصاُ متمحصاً ..ثم ظفر قائلاً : يعنى ممكن الصدمة اللى جاتلة دة من سيرة الارض وأكل الارض ؟؟
قلت لة بقوة : طبعاً ..بس صدقنى..أنا ماكنتش أعرف أنة هيحصلو كدة..
رد بهدوء وكأنة تائة: ومين كان يعرف أن عزازيل الرهيب يحصلة كدة لما يفتكر شغلة والعز اللى كان عايش فية عالارض !!!

ابتسم شمروخيل قائلاً : أنا أسف على غلطة دخولى البرية ..دة هتكون أول مرة وأخر مرة

رد أبليس : خلاص..أنتهينا ...

قلت لة بسرعة : يعنى خلاص ..نمشى؟؟

رد قائلاً وهو يهز رأسة : لا...لسة فية الصدمة التانية والمصيبة التانية

نظرنا لة فى أستغراب عما يقولة فأكمل : ياصياد....أنت متأكد أنك جيت هنا برجليك؟؟

قلت لة فى دهشة : مش فاهم ...طبعاً..أنا جيت برجليا يعنى .....كعابى

أكمل أبليس : وأكيد شفت اليافطة بتاعة جهنم ؟

قلت بسرعة : أينعم...وعرفت أنها جهنم

أبليس : أنت ساعتها عملت أية ؟

قلت لة فى سرعة : حاولت أرجع ..بس

أقترب منى منتظراُ أن أكمل فأكملت : بس ملقتش الطريق اللى جيت منة

أندهش أبليس قائلاً : أذاى بقى؟..

قلت لة : أنا مش فاهم حاجة...ممكن تفهمنى لوسمح شرك

قال: أنا دلوقت عرفت أنك جيت هنا صح مش غلط..مع أنى كنت متأكد وعمرها ماتحصل أن حد يجى هنا غلط...طب لما أنت جيت هنا فى مكانك وصح مش غلط..لحد الساعادى مجليش دوسيهك ولا جالى كتاب أعمالك لية؟؟..ها...تقدر تقولى ؟؟

لعبت الظنون بفكرى وقلت :
أنا أيه اللى هيعرفنى..هو أنا كنت سفير فى جهنم والا أخذت دورة تدريبية هنا قبل كده.... جايز البريد أتأخر والا يكون دوسيهى تاه والا حاجه ذى كده

أنفجر أبليس فى الضحك قائلاً : بريد؟؟..بريد أيه يابنى !!..ده هنا أعمالك بتتبعك ودوسيهك بيكون كخيال ظلك

[مدحت الصياد]

أنت فاكر الموضوع سهل كده أن حد يجى هنا غلط والا دوسيهه يضيع....دي حاجه مستحيل تحصل أبداً

قلت له : طب مالمستحيل أهو حصل ..وسيدتك مشلاقى كتابى ولا دوسيه أعمالى....ومن الاخر كده...أنا أيه هيكون وضعى بقى ...هكمل هنا والا تسبونى أذهب لحال سبيلى؟؟

هرش أبليس مفكراً لبضع دقائق ثم قال : مافيش غير حل واحد وهنعرف بيه أنت مكانك فين بالظبط

قلت لة بسرعه: طب لايمنى عالحل دة..سيدتك مقولتهوش مالاول ليه!!؟

رد أبليس بعدما تنهد بقوة أحسست معها أنه سينفجر من شدة التنهيدة قائلاً : هو حل بس بيكون أخر حاجة نلجيء لها ..لما يكون الموضوع معقد ذى موضوعك ياصياد

تكلم شمروخيل قائلاً : ياسيدى ...مانصبر شويه قبل الحل الاخير ده...

نظرت لشمروخيل فى دهشة ...يادى المصيبه ..باين الحل الاخير ده... مش ولا بد....ياهلترا الحل ده مصيبة جديدة على نفوخى والا يكون مصيبة على نفوخ شمروخيل.!؟!؟؟!

تكلم أبليس : لا...لالا...الموضوع أتأخر قوى ..وأول مرة يحصل كده...شمروخيل ..هات السفر...أقصد نسخة السفر بسرعة

رد شمروخيل فى رعب قائلاً : ياسيدى...أنا مش من حقى الاعتراض..بس سيادتك فاكر أخر مرة فتحنا النسخة دي هنا حصل أيه

أشاح أبليس بيده قائلاً : مش مهم...كل حاجة وليها تمنها اللى لازم يندفع...أذهب ..وبسرعة

[مدحت الصياد]

الحياه البرزخية
__________

وفعلاً أختفى شمروخيل من أمامنا فتنحنحت قائلاً : أحم...هو شمروخيل خايف كدة لية؟؟...وممكن لوتكرمت توضحلى اللى حصل قبل كدة...كلامكم دة الغاز ؟؟

أقترب منى أبليس ناظراً لوجهى قائلاً فى شناعة ملحوظة :أصل نسخة الكتاب دى عمللنا مشكلة ..فى كل مرة تنفتح هنا ينفتح معاها ....الخط الوهمى اللى بيفصل حياة مابعد الموت عن الحياة عالارض ...وبيرجع الانسان اللى بيكون فى اللحظة دة مابين الحياة والموت للارض ....ودة بقى بيكون أسمها أنقاذ الروح ...

قلت لة فى دهشة : طب الانسان دة بيكون فين ...يعنى ما بين الحياة والموت بتكون روحة فين؟؟

رد : طبعاً لا هو عالارض عايش حياة طبيعية...ولا هو هنا فى الجحيم بيتعذب ...بيكون فى الطريق أو رحلة الانتقال...ودى أسمها الحياة البرزخية...يعنى أنت ياصياد ماسمعتش قبل كدة عن الناس اللى بتموت وبعد ساعات من توقف القلب والموت بيرجع تانى للحياة؟؟

قلت لة : فعلاً ...الموضوع دة سمعتة كتير ..بس ماكنتش مصدقة

أبليس : أهو اللى بيرجع دة بيكون بسبب أننا هنا بنكون فاتحين الكتاب ...فى نفس وقت أنتقالة من الارض لهنا...فبيرجع مسحوبة روحة لجسدة...

نظرت لة قائلاً : أهو أنا بقى نفس أعرف كتاب أية دة اللى مخللى شمروخيل خايف منة كدة..وبيخللى الاموات يرجعوا ؟؟؟

أبليس : دى نسخة من كتاب <سفر الحياة >

قلت لة وأنا غير مصدق : أية؟..سفر الحياة؟..أنت قاصدك سفر حياة الخروف... بتاع المؤمنين....اللى مكتوب فية أسماء الناس المختارين واللى هيكونوا فى الفردوس مع المسي....

أمسكت الكلمة قبل أن تقفز من بين شفتاى

رد أبليس بسرعة : أيو..أيوة هو سفر حياة الخروووووف

قلت لة : طب أية اللى جاب نسخة منة هنا..وأذاى قدرتم تحصلوا عالنسخة دى....وأية فايدتها ليكم؟؟

أبليس : دة لازم تكون هنا نسخة ..علشان هو دة التحدى ..أحنا بنحاول أننا نكسب أى روح موجودة أسمها فى سفر الحياة ....وجة هنا أذاى؟...دة سر

وهنا جاء شمروخيل وهو يحمل صندوق كبير جداً ذو شكل دائرى ..مصنوع من خشب الابانوس ...ثم وضع الصندوق أمام أبليس ..الذى ما أن شاهد الصندوق حتى رفع أصبعة وبدون أن يلمسة أنفتح الصندوق وخرج منة كتاب ضخم جداً ..كتاب أحمر اللون كلون الدماء البشرية ...ثم أنفتح السفر وهو معلق فى الهواء ومن بعيد لبعيد قال أبليس لى : أذهب للسفر

__________________



و غداً مع جديد الاحداث

محبتي

الصياد

[مدحت الصياد]

ففعلت وذهبت له ...ثم أكمل : ضع يدك بداخل صفحاته

نظرت له قائلاً : لا لا.....الا كده....أنا أش عرفنى هيحصلى أيه لما أحط أيديا هنا ..لا ياعم...يفتح الل.....

مسكت لسانى ده اللى عايز حشه

رد أبليس بغضب : ماتخافش كده ..كل اللى هيحصل أنك لو أسمك مكتوب هنا ...هينطق السفر بأسمك أول ما تحط أيديك

قلت له : طب لو منطقشى

رد : يبقى أسمك مش مكتوب فى السفر

قلت له : أكيد...أكيد هو ده بس اللى هيحصلى ؟؟؟

رد : قلتلك هو ده اللى هيحصلك بس ...خلص ...أنهى ....السفر مفتوح بقاله كتير وتلاقى ناس كتير هربت من بين أيدينا ...ورجعت للارض

قلت له فى رعب : حاضر....حلمك على شويه...

وفعلاً مددت يدى المرتعشة وكأننى سأضعها فوق نيران أو أمام أسد متوحش ...وأنتظرت وأنا يدى على سفر الحياة..أن أسمع أسمى أو حتى حرف منه..ولكن خاب ظنى..ولم ينطق سفر الحياة بشىء

طلب منى أبليس أن أرفع يدى عن السفر فقلت له : معلش أدينى شوية وقت ...فرصة تانيه...بضع دقائق لا غير....ممكن أسمى موجود بس صعب نطقه

رد أبليس بغضب : فرصه تانيه أيه يابنى!!!...أسمك لو كان مكتوب كان السفر نطقه من ساعتها...أرفع أيدك

وفعلاً رفعت يدى وأنا حزين حزن الدنيا...أقصد حزن الاخره...وبكى قلبى...لاننى أحسست أن محبة الرب لم تقبلنى ...طب هتقبلنى أذاى وانا أنسان خاطى ومنتحر !!...أنا اللى عملت فى نفسى كده

رجع السفر لموضعه بداخل الصندوق وحمله شمروخيل مختفياً به...فنظر لى أبليس قائلاً : يعنى أسمك كمان مش موجود فى سفر الحياة!!!...ولا أسمك مكتوب عندى ولا أى ورقة ليك هنا!!!

قلت له : طب أنا وضعى أيه دلوقتى...يعنى لانا فى جهنم...ولانا فى الفردوس؟؟...هروح فين دلوقتى..؟؟؟

رد أبليس : مش عارف...دي أول مره يحصل الكلام ده هنا....وأول مره يجى حد ومعرفلهوش مكان!!

__________________

[مدحت الصياد]

قلت له : طب يعنى هعيش سواح كده والا هكون رحال مليش مكان ولا موضع

دخل شمروخيل فى تلك اللحظة قائلاً : سيدى ...فيه حل مؤقت

قل له أبليس : حل؟...حل أيه ده ؟؟

شمروخيل : الصياد يكمل الرحلة ويزور جهنم كلها ..وساعتها هيكون ظهر له مكان أو عرفنا مصيره أيه أو يظهر الدوسيه بتاعه..أكيد هيحصل حاجه منها...أكيييد

زفر أبليس قائلاً : باين فعلاً أن مقدمناش غير الحل ده ...مؤقتاً ..لحد لما نعرف حكايته أيه الانسان الغريب ده اللى أسمه الصياد ...ولو ماحصلش ولا جد جديد ...يبقى ماقدمناش غير....رجوعه للحياة البرزخية...وهناك هيعيش بروحه تائه هائم...حتى البوق الاخير

[مدحت الصياد]

مين أنا ...عايز أعرف ؟ مين أنا؟؟
_____________________

أنطلق شمروخيل بعدما خرجنا من أمام أبليس ...ذاهباً بنا الى ساحة جديدة وعذاب جديد...اصبحت لا أفكر الا فيما ينتظرنى ..ولا أعرف ما أنا مقبل اليه ..والى أين أنا ذاهب فى النهاية...فلم اعد حتى متأكد من كونى الصياد...ولم أعد مؤمن بأننى أستحق نار جهنم أو أستحق حياة الفردوس...حاله غريبه عجيبه ..ان تجد نفسك وذاتك التى عشت بها سنوات عمرك كلها وكأنك لست متأكد من كونك كنت أنت موجود فعلاً أو أنت هو أنت ولا أحد غيرك....أحساس رهيب ..أن تحس وتشعر بغربتك عن ذاتك وضياع شخصيتك فى لا شىء...من أنا؟؟..هل أنا روح الصياد فعلاً ؟؟..أم حدث خلط مع روح أنتقلت فى نفس وقت أنتحار الصياد..لقد أشرفت عالجنون ..اننى فى مأزق وحاله معقدة مجنونة ...أفكارغريبة لا تدعنى استريح ولا تدعنى لاى مصير معروف ...فراحتى هى ان اعرف من انا ؟ وما انا مقدم اليه حتى وان كان اتون النار ...فهذا اسهل من الغموض والانتظار الرهيب الغير معلومة نهايته ..فأنتظار الموت أشنع الف مره من الموت ذاته

هبط شمروخيل بى الى الساحة الجديدة وهو يقول : مالك ياصياد ؟؟ شكلك مش طبيعى خالص...في أيه ؟؟ جرالك أيه؟؟

نظرت له وأنا مشتت الافكار لا أعرف أين أبدأ ...فتنهدت قائلاً : يعنى أنت مش حاسس بالوكسة اللى أنا فيها؟

قال: وكسة؟..وكسة أيه دي ؟؟؟

قلت : وكسة ضياعى...وكسة تشردى بين سما و نار ..لا عارف أنا هروح فين ولا عارف أنا مكانى فين...ولا حتى بقيت عارف أنا فعلاً مين...هل أنا روح الصياد..وفيه غلط حصل؟؟..والا أنا روح هائمة غريبة تقمصت روح الصياد ؟؟؟مين أنا؟؟؟مين أنا؟؟؟ مين أنا ياشمروخيل؟؟؟ تعرف تقوللى أنت مين أنا؟؟

رجع أخينا لموضة جهنم فى الهرش الغريب بتاع التفكير هنا...وبعد وقت قصير أشاح بيده قائلاَ : يامانت مش عارف...هاعرف أنا!!!!....وحتى لو مش أنت الصياد ولا مكانك هنا...هتكون مين يعنى..أكيد واحد تانى ومكانك هنا بردك

أنفجرت فى شمروخيل : أسكت أحسن..أرجوك أسكت ..أنت جي تكحلها أهو نيلتها زياده

[مدحت الصياد]

أنفجرت فى شمروخيل : أسكت أحسن..أرجوك أسكت ..أنت جيت تكحلها أهو نيلتها زياده

أبتسم شمروخيل فى ود حقيقى قائلاً : أنا عندى فكرة ...هى فكرة شنيعه شويه..ومش سهله خالص ...بس هى تنفع فى الحاله بتاعتك دى....وهتكون بالنسبة لك ..طوق النجاة

أسرعت بالقول له : أتحفنى بفكرتك عالله يطلع مالمخ بتاعك ده اللى ذى مخ البقر حاجه تنفع

أستشاط شمروخيل غضبا صارخاً فى العبد الضعيف الواقف أمامه : يعنى أنا بفكر علشانك وأنت نازل فيا دبح وتريقه..خلاص ...بح ...مافيش أفكار ولا غيره ..أصلك وش نحس ومينفعش فيك المعروف ولا الخدمه يابنى أدم أنت ..أف عليك وعلى لسانك ده اللى عامل ذى الفرئلله

أستعطفت شمروخيل قائلاً له : ياعم شوشو أنت عمرك ماهتفهمنى...أصل أنا لما أحب حد لازم أتريق عليه..وأنت بقيت بالنسبالى ..أخ وصديق...ذى ماتقول كده...روحين فى جسد واحد...

أبتسم شمروخيل قائلاً : وأنا علشان عارفك كويس وعارف أنك طيب ومتستحق جهنم ولا تستحق حتى أقل ساحه فيها هقولك على الفكره..أسمع كويس ..ومتقاطعنيش لحد لما أخلص كلامى...موافق؟؟؟

قلت له بسرعه : طبعاً ...موافق

التفت لى وهو يقول : أنت دلوقتى عايز تعرف مين أنت....وعايز تعرف اللى مات ده هو الصياد والا ..لا...وعايز تعرف لو هو مات ..هل هو روحك دى اللى واقف أنا دلوقتى وبكلمها.... ولا حصل لبس وأنت روح حد تانى...صح؟؟

قلت له بسرعة : صح

قال : طب ؛احنا ..دلوقتى عندنا أجتماع كل خمس سنين بعمر الارض ..أجتماع موسع بيحضره كل الشياطين وجنود أبليس ..اللى هنا فى جهنم..واللى هناك شغاله عالارض...تقوللى الاجتماع ده ليه؟؟...أقولك ليه....علشان بنشوف عملنا أيه خلال الخمس سنين اللى مرت مع البنى أدمين ووقعنا كام نفس لهنا...وضاع من بين أيدينا كام نفس ...وكمان بنشوف الافكار الجديده والخطة الخمسية الجديده بتاعة جهنم وشياطنها

ضحكت من كل معميعى قائلاً : بتقول خطة خمسيه!!!...أنتم هنا كمان عندكم حرمية؟؟

رد قائلاً : مش فاهم ؟..أنا أقولك خطة خمسية وأنت تقول عندكم حرميه ؟..أيه كلامك العبيط ده

قلت له وأنا مش قادر أسكت من الضحك: أصل عندنا عالارض أو بمعنى أدق عندنا فى مصر ..معروف أن مادام هناك خطة خمسيه للحكومة هيبقى فى البلد سرقة خمسيه للشعب ...يعنى الخطة الخمسية تساوى سرقة خمسيه للبلد

أبتسم شمروخيل قائلاً : ده أنت مفقوع قوى من حكومتك اللى فى بلدك!!

أنا : طبعاً ..ده شىء مفروغ منه..مش أنا وبس اللى مفقوع منهم ..ده الشعب كله..وكلنا عارفين أنهم حرمية ولاد ستين والا بلاش ...والحاجه الغريبه أننا مستحملين؟؟..ليه؟..ماعرفش

شمروخيل : صياد ..أنت كده توهتنى خالص..لو سمح شرك تسكت وتكتم لحد لما أخلص الخطة بتاعتى..أنا كنت بقول أيه؟؟..كنت بتقول أيه ياواد ياشمروخيل ؟.كنت بتقول أيه ياواد ياشوشو ؟؟؟..أيوه أفتكرت ..أنا كنت بقولك عالاجتماع اللى كل خمس سنين ده

قلت له : طب وأنا مالى ومال أجتماع كله ناس شياطين ذيوكم؟؟!!!...ومال الاجتماع ومال مشكلتى هنا

شمروخيل : أصبر على ياصياد شويه..ولتانى مره بقولك متقاطعنيش أرجوك

أمسكت شفتاى بيدى علامه الكتم والسكوت فأكمل : اللى أنت متعرفهوش هو ..فى الاجتماع ده ..اللى هيكسب رضا وأستحسان أبليس هيكون على رأس الحمله الجديدة عالارض ..وشوف أنت بقى لو أستطعت أنا وأنت أننا نجيب أفكار أو فكرة وحده لخداع البنى أدمين تكون فكرة جديدة هننزل للارض ..وبرضا أبليس وهناك بقى ياحلو...هنعرف سيادتك أو اللى أسمه الصياد ده مات فعلاً والا موجود وساعتها روحك هى اللى هتدلنا على مكان جسدك الحقيقى وهنعرف ساعتها أنت روح مين؟؟

قلت له بتريقة ونرفزه : ياروحي على أفكارك ..أنت عايزنى أدخل أجتمعكم ده وأتكلم وكمان أخترع فكرة جديدة وأغلب شياطين الكون فى الافكار الشريرة وأضحك كمان على أبليس نفسه ؟..أنت شيطان عبيط والا أهبل والا شكلك هو اللى كده؟!!!..أيه الذكاء والعبقرية اللى بتشر من مخك

شمروخيل : أيه اللى مزعلك من فكرتى..أنت خايف أبليس يعرفك؟

قلت له : ..مش أبليس بس اللى هيعرفنى ياغبى..ده من أصغر عيل فى الاجتماع لاكبر نطع عندكم هيعرفنى ياذكى..

__________________

[مدحت الصياد]

ضحك شمروخيل قائلاً : اللى سيادتك متعرفهوش عنى ..أنى أكبر شيطان فى الخداع

أنا : عارف..عارف ..أتنين دكتوراه فى خداع البشر..أتشرفنا قبل كده يادوك....طوووور

شمروخيل: مش كده وبس..ده الظاهر..ياعبد الظاهر..
أما الباطن والمخفى من تجاربى هى كيفية خداع الشياطين وجنود أبليس ..وأبليس ذات نفسه ياحلو

نظرت فى وجه الدكتور شمروخيل قائلاً له فى دهشه حقيقيه : أيه ده..يخرب مطنك....دة أنت..دة أنت مصيبة مسيحة..ده أنت عبقرى زمانك..ده أنت هتودينى الهاويه حدف..أنت فاكر أن عقلى ياشمروخيل النحس أنت هيصدقك ويصدق تخريفك دى..تبقى بتحلم لو فاكرنى همشى ورا هبلك وكلامك اللى ملهوش عنوان غير<العبيط أهو..العبيط أهو>

شمروخيل : بقولك أيه..أنت وخدنى مقاوله فى التريقه ياصياد الغم أنت..أنت تسمع وتنفذ بس ..وصدقنى أنا علشان بحبك..أقصد علشان حبيتك وبقيت ذى الشريك المخالف معايا هتشجع وهساعدك..هو أنا يعنى هاخد حاجه والا هكسب حاجه من وراك؟؟..ها...رد

هرشت ولاول مره أهرش مثل شياطين جهنم..ثم قلت : طب أنت هتساعدنى ومتبرع بالمساعده دي ليه؟

شمروخيل : أولاً بصراحة كان نفسى من زمان أعرف أختباراتى وتجاربى على خداع الشياطين ناجحه والا ..لا...وكمان حظى الحلو أن الكل بما فيهم أبليس شخصياً هيكون موجود..يبقى حجر هصطاد بيه مش عصفور واحد دول ملايين العصافير والغراب بتاعهم كمان

أنفجرت فى شمروخيل قائلاً : ياليلتك السوده..أنت عايز تجرب تجربك معايا ياشمروخيل ؟؟..هو أنت أول مره تعمل اللى بتقول عليه ده ؟

شمروخيل : لا..لا طبعاً أنا عملت خدع كتير فى الكل بس المرادى هتكون اللعبه الكبيره..أو الخدعه الكبره..وكمان فيه سبب تانى مخاللينى أساعدك..عارف ليه؟؟

أنا : مش عارف يادكتور؟

شمروخيل : علشان أنت ياصياد علمتنى من غير ما تحس الشجاعة ..أنا فعلاً بعترفلك بكده..أنا كنت ناقصنى الشجاعه قدام أبليس وأى موضوع بكون فيه بتلخبط وتضيع منى نفسى وبكون ..

قلت له : أيوه أيوه ..معلوم..وبتكون مدهول وجبان

شمروخيل : علشان كده أنا هساعدك...ودلوقتى بلاش تضييع وقت ..اللى هقولك عليه أعمله من غير سؤال ماشى؟

رجعت للموضه بتاعة جهنم..وهرشت ثم قلت : ماشى

شمروخيل : غمض عنيك ياصياد وأوعى تفتح الا لما أقولك

وفعلاً غمضت وأحسست بلهيب نار يحتوينى من أعلى رأسى لاخمص قدمى...وبعدها أرتفعت شدة هذا اللهيب وكأننى دخلت فى فرن للخبز البلدى...نار رهيبه لا تحتمل ولكننى أحتملتها..كيف ؟ لا أعلم.!!...أستمر الموضوع أكثر من عشر دقائق وأنا مولع ...ومغمض عينى ..ولم أستطع أن أفتحهم لاننى خفت أن أنظر لنفسى فأجدنى ملهلب بالنار...وبعد عشر دقائق أخرى صرخت فى شمروخيل وأنا مغمض العينان : ياعم شمروخيل مش كفايه..أنا حاسس أننى جوه فرن عيش بلدى وأنى بقيت ذى العيش المحمص..أرجوك مش عايز أبقى عيش محروق...أرجوك كفايه ..أنا ورمت وفئفئت..أنا أستويييييييت


وفجاءه أختفى اللهيب الذى كنت أشعر به وأحسست بطراوى جهنم الحلوه ونسمة هواها العليل اللى يرد الروح..وسمعت شوشو وهو يقول لى : خلاص الخدعه كملت ..فتح عنيك بقى ياصياد..أقصد ياشيطان صياديل

فتحت عيناى ..وأنا أحس بشىء غريب عجيب قد حدث لى..أى هو..؟؟؟معرفش

نظرت لشمروخيل : أنت بقى عملت فى أيه؟..وأيه هى الخدعه اللى هتنطلى عالجميع فى الاجتماع المهبب بتاعكم ده و..

قاطعنى شمروخيل وهو يعطينى مرايا قائلاً : بص على نفسك أيها المشرف الجهنمى صياديل

أمسكت المرايا بصعوبه ونظرت على سطحها....فلم أجد الصياد ...بل ...بل وجدت

وهنا أغمى على من هول ما شاهدت على سطح تلك المرايا الملعونة

____________________________

وغداً مع أحداث جديدة

تحياتى

الصياد

__________________

[Rawan Abu-Aita]

فكرتك غريبة كتير و كتيير حلوة :sm-ool-01: شكرا على القصة و الى الامام

[مدحت الصياد]

فكرتك غريبة كتير و كتيير حلوة :sm-ool-01: شكرا على القصة و الى الامام


أشكرك أختي على مرورك و متابعتك للقصة

أسفل جديد من الاحداث

محبتي

الصياد

[مدحت الصياد]

نظرت لوجهى فى تلك المرايا بعدما أفاقنى شمروخيل ...وحاولت أن أتماسك ..وحاولت أيضاً أن أمسك نفسى حتى لا أقتل ذلك الشيطان السادى ...الذى يعشق التعذيب ويحب تشوية خلق الة....فلم أتمالك أعصابى مما أشاهدة بعين رأسى ..رأسى التى تحولت لرأس غول رهيب ...كثيف الشعر ذو أنياب بارزة ...ومدت نظرى أقصد نظر الغول هذا لكامل جسدى..جسدى الذى أصبح مثل جسد طائر خرافى يسمى الرخ...فكل جسدى مملؤبالريش الكبير...لقد أصبحت مريش ....أما أطرافى..يدأى وأرجلى...فلقد حدث لهم تشوة رهيب فأحسست أنهم لشيطان من طراز الشياطين الحمر<طبعاً مش النادى الاهلى ...>وكل هذا مغلف بصوت غاية فى النفووور ..وكأننى قد ركب لى زمارة ضفدع بدل من زمارة الصياد....أعطنى الصبر والسلوان يارب الكون....هذا الاعمى المدعو شمروخيل ..تلاعب بى وتفنن فى لخبطة خلقتى ...أة ياوجهى الجميل فيما مضى...أة ياجسدى النحيل فيما مضى...أة ياأطرافى الرشيقة أيضاً فيما مضى ...قمت من سقطتى وهجمت على هذا السفاح المجنون ولاول مرة أستطعت أن أرفعة من على الارض بيد واحدة ثم صرخت فية بصوتى الغريب الذى يشبة ضفدع عالمعاش قائلاً لة :

ربنا يخدك أكتر ماهو وخدك...الهى تتلعن أكتر مانت ملعون ياغبى...يا...يا...يا

__________________


فلم أستطع أن أكمل كلامى بهذا الصوت الشنيع فتركت المخبول شمروخيل وجلست فوق أقرب صخرة ...ووضعت يداى على

وجهى ..بضع ثوانى..ولكننى أكشعر بدنى من ملمس يداى فصرخت كالمجنون وأنا أجرى خلف شمروخيل..الذى وللحق قد

صبر على كثيراً فلم يتكلم أو تخرج منة أى عيبة فى حقى ...وهل كان فى مقدورة حتى أن يتنفس أمام ذلك الغول الرهييييب

الذى هو أنا...وبعد أن تعبت من الجرى حتى وقفت وهو ينظر لى من بعيد لبعيد ...حتى تأكد أننى قد أصبحت عاقل مثل

الشياطين..فأقترب منى وهو يقول بخوف ورعدة: أنا مش هقولك أي حاجة فى البهدلة وقلة القيمة اللى أنت عملتهم

فى...وكمان أنا عذرك على كل حاجة..أنا كنت عامل حساب كل دة...بس متاخفش كدة..دى حاجة بسيطة خالص ...وبعد

موضوعك ما يخلص صدقنى هترجع لشكلك القديم ...وغير كدة وكدة ..أنت هنا هتعرف قيمة شكلك دلوقتى
قلت لة بصوت الضفدع : ياسلام!!!!...يعنى أنت ملاقتش أشنع ولا أبشع ولا أتنح من الشكل دة وتحطنى جواة؟؟

ضحك شوشو قائلاً : دة أنت شكلك دة فية كل المواصفات الكاملة لاجمل شيطان...دة أنت يابنى اللى هيشوفك هيقع فى حبك من أول غزة...سبحان من صور...كامل من مجميعة...أحلى وجة...على أرشق جسم...على أقوى أطراف ودة كلة متوج بصوت الارق والنعيق...تصدق بأية ياصياديل؟؟
قلت لة فى غيظ : أصدق باللة طبعاً
شكلك دة اللى مش داخل دماغك...الشياطين كلها هتحسدك علية..دة فية شياطين بتعمل عمليات تجميل كتير علشان يملكوا ولو عشر اللى عندك فى هيئتك دى.... ياسلام....ما أبشعك...ما أفزعك...ما أرهبك...رهيب واللة رهيب

قلت لة وأنا بين العقل والجنون : أنت هتغنهالى كمان...ماعرفنا أنى بقيت أشنع من شكل أمنا الغولة...وأبو رجل مسلوخة

أقترب أكثر قائلاً : أيوة أهو شكلك دلوقتى واخد من الاتنين..يعنى أنت كوكتيل أمنا الغولة وأبو رجل مسلوخة حتة وحدة...شفت أنا عملت فيك معروف قد أية

وفجاءة نظر لسماء جهنم ثم قال فى لهفة: ياةة ياصياد ..أحنا أتأخرنا عالمؤتمر..والاجتماع قرب يكمل أعضاءه...ياللا بينا ...

__________________

[مدحت الصياد]

وفعلاً طار هذا المخبول وحدة..فصرخت فية : أية ياعم شمروخيل أنت نستنى ..أرجع علشان أركب عالكتافك

نظر لى شوشو وهو طائر قائلاً : خلاص أنت دلوقتى شيطان من مجميعة ...يعنى كدة تقدر تطير لوحدك ياعم...أبسط بقى..ياللا ياصياديل الى الاجتماع

وفعلاً عندما حاولت أن أرفع يدى وأن أفكر فى الطيران حتى وجدت نفسى أنطلق كالقذيفة وأصبحت أترك شمروخيل خلفى الذى ضحك وهو يحاول اللحاق بى قائلاً : أنت حتى فى الطيران سريع كدة...دة أنا بعد كدة أخاف على نفسى منك ياجهنمى

أحسست بنشوة غامرة لم أحسسها من قبل ...فأنا هاهنا فوق أجواء جهنم أطير بكل أستمتاع لا حد لة..ولما لا لقد كنت فى حياتى الارضية لا أعرف غير المتورجل...فلم أتشرف ولو مرة بركوب سيارة أنا سائقها...وحتى السيكل أو العجلة تعلمتها على كبر بعدما أطحت بها بنصف سكان منطقتى ودخلت بها أكثر من محل ...الخ الخ

أفاقنى شمروخيل وهو يطير جوارى قائلاً : أنزل هنا ياصياديل ..قاعة الاجتماع فى جوف المغارة دة


_____________________________________



مؤتمر الشياطين

__________



وعرجنا أنا وشوش لحد باب المغارة لاجد شيطانان واقفان على باب المغارة وكأنهم من موظفى الامن فخفت ورجعت < للخلف دور> فنهرنى شوشو قائلاً : رايح على فين أنت نسيت المكان والا خايف؟؟

قلت لة بصوت ضعيف : طبعاً خايف..ممكن أتهرش عالباب

ضحك شوشو وهو يقول ويمسك بيدى : تعالى ..ماتخفش أنت نسيت أنك نفسك.... معرفتش نفسك

قلت لة : أيوة ..بس هما ممكن يعرفونى ..ويعرفوا أنى بنى أدم مش شيطان

رد شوشو: أنت عارف ..مش ممكن حد يكشفك ولا حتى مخابرات جهنم

قلت لة : مخابرات جهنم؟؟

رد : أيوة ..الجن الازرق...مش بتقولوا عندكم محدش هيعرف مكانة ولا الجن الازرق...أهو هما دول مخابرات جهنم..شد نفسك كدة وخش بأنيابك دول...وحمر عنيك ....هو أنت شوية فى جهنم

سلمت أمرى للة وتقدمت من الباب...فحدث ما لم أحلام بة بتاتاً..لقد رفع الشيطانان شوكاتهما فى وجهى فعرفت أنهم سيرشقونها فى عينى ..ولكنهم صرخوا قائلين: التحية ولهليب الدرك الاخير لقادة جهنم

أنتفخت بشدة وسبكت الدور وتقمصت أو بدقة أكثر تقمصنى روح شيطان علوى ..فأصبحت بدون مبالغة شيطان أبن ستين شيطان..دخلت لقاعة وكأنها أستاد دولى من تلك الاستادات التى تستطيع أن تستوعب الاف مؤلفة..ولكن هذا الاستاد رهيب حقاً أكاد أجزم أنة يتساع أكثر من أتنين... قول ...تلاتة مليون شيطان ...حاجة رهيبة ..مدرجات مهولة وساحة فى وسطها غاية فى الجمال وأضواء ذاتية تشع فى كل أنحاء هذا البناء الرهيب الذى لم أكن أتخيل وجودة بداخل كهف بسيط ...جلست أنا وشوش ثم أنحنيت علية قائلاً :ياخبر ياشوشو..أية الخلق دى كلها!!!..دول ..حوالى أتنين تلاتة مليون شيطان ؟؟..صح؟؟

رد : صح ..بس دول اللى من حقهم يحضروا الاجتماع دة...يعنى دول رؤساء الشياطين اللى فى الكون واللى عالارض واللى هنا فى جهنم

__________________

[مدحت الصياد]

أرتعبت قائلاً لة : ياخبر..يعنى دول رموز لاعداد تانية ؟؟؟

ضحك شوشو : دول ياحبيبى مايجوش ربع من ربع من ربع فى المئة من عدد شياطين الكون....دول ذى كدة ماتقول نقطة فى محيط واسع مهول من الشياطين

هممت أن أكمل حديثى ولكن أختفت الاضواء كلها وجلسنا ثوانى فى ظلام حالك رهيب ثم سطع ضوء أحمر مرتعش من وسط الساحة وخرج منها أبليس نفسة وهو يلبس ثياب شيطانية كما نشاهدها فى الافلام ..يلبس ملابس سوداء قاتمة وكأنة فى مأتم وفوقها يلتحف بعبائة غاية فى الطول لونها أسود أيضاً ...ولكن هيئتة كما هى هيئة أنسان غاية فى الجمال ..جلس أبليس فوق عرش كبير ذو شكل ضخم فخم ممسكاً بيدة سولجان فى أعلاة جمجمة شنيعة تعطى أضواء شديدة الاشعاع والقوة ...تكلم أبليس بصوت رهيب جداً أستطاع الجمع الغفير هنا أن يسمعة وكأنة يتكلم فى مكروفون حديث ...

قائلاً : أهلاً ومرحباً بكم فى داركم وبين أهلكم أيها الشياطين الاندال...ياأخس ما خرج من الكون ...ياأحط ما وجد من مخلوقات رهيبة..أيها الشياطين أولاد أبيكم أبليس__________________

وهنا أرتجت المدرجات وأهتزت لاصوات هؤلاء الاندال قائلين وطبعاً معهم شمروخيل ..وفى صوت واحد وكأنة النشيد الوطنى لجهنم :


التحية والسجود...للراعى الباطل





التحية والسجود...للوحش





التحية والسجود...لابن الهلاك





التحية والسجود....لانسان الخطية





التحية والسجود....للاثيم





التحية والسجود....للاتى بأسم نفسة





التحية والسجود ....للراعى الاحمق





التحية والسجود....للمسيح الكذاب





التحية والسجود....لضد المسيح





التحية والسجود....للتنين





التحية والسجود....للحية القديمة






التحية والسجود ....لسلطان الظلمة والهاوية


فزعت بشدة وأنا أرى هذا الحشد وهو ينعق كملايين الغربان .....لهذة البومة الجالسة فى الوسط المدعوة أبليس...وعندما أنتهى هذا الصراخ...جلس الجميع وقلت لشمروخيل: أية ياعم الالقاب دى كلها؟؟



رد شوشو : دى القاب أبليس..دى حتى كلها موجودة فى الكتاب

قلت لة : قصدك الكتاب المقدس؟؟

نهرنى قائلاً: ياعم أسكت وبلاش تتكلم بأى كلمة...أحنا عايزين نخرج من هنا بسلام
__________________

فخرست ....والتفت لابليس الذى تكلم : أحنا النهاردة عايزين نشوف أعملكم أية عالارض خلال الخمس

سنوات الماضية

...واللى تعب هياخد أجرة تعبة..

واللى تهاون هيكون خازوقى فى قلبة

وطبعاً بدء الحساب والثواب والعقاب...اللى أترقى ..وبقى رئيس قبيلة<حاجة تشرف> واللى أنسحل قدمنا هنا ..واللى أترمى فى الهاوية واللى خد جمجمة الوضاعة كجائزة على تعبة فى تضليل البشر ...الخ الخ الخ

لحد ما جة وقت الخطط الجديدة اللى هتنزل الشياطين بيها لافراد خدمتها عالارض

قام أبليس من فوق عرشة المرعب قائلاً : ودلوقت وقت العمل...اللى شايف فى نفسة الذكاء والالمعية والشر المتطور والخساسة المتقدمة يقوم يقول هو عندة أية من الخطط لتضليل وغواية وأسقاط البنى أدمين أولاد حواء وأدم

فقام أولاً شيطان رهيب طويل جداً لا أكاد أرى وجة من علو هذة القامة الرهيبة ..تنحنح هذا الطويل الاهبل قائلاً : أنا عندى بعد أحترامى للكبير أبليس ..عندى خطة لسحل الافكار المقدسة وخنق الايمان بالرب ومسيحة..... فى عقل.... وقلب.... وروح البشر

__________________


وغداً مع جديد الاحداث

محبتي

الصياد

[شيم]

بانتظار المزيد أخي العزيز والله يعطيك العافية..

خطر لي سؤال أحب أن أسألك إياه: هل لديك أعمال قصصية أخرى من نتاجك الخاص أم فقط هذه القصة؟ما شاء الله عليك على هالخيال، مرحى..

صلواتك

[مدحت الصياد]

بانتظار المزيد أخي العزيز والله يعطيك العافية..

خطر لي سؤال أحب أن أسألك إياه: هل لديك أعمال قصصية أخرى من نتاجك الخاص أم فقط هذه القصة؟ما شاء الله عليك على هالخيال، مرحى..

صلواتك




شكرا أختي الغالية شيم على المشاركة هنا و الاهتمام بالقصة

أما عن أجابة سؤالك...فهو نعم لي أعمال أخري من القصص الطويلة و القصص القصيرة أيضاً و أيضاً المسرحيات الدينية المسيحية

ولكن ليس لي حظ حتي الان لنشرها فلقد تعبت مع دار النشرولم يوفق أحد لآنني بالنسبة لهم أسم مغمور ليس كاتب مشهور أو أديب معروف لينشر لي شيء

حتي بالنهاية أخذني اليأس كل مأخذ و أصبحت لا أكتب شيء الان أو ما أكتبه أكتبه لنفسي فقط

محبتي

الصياد

[مدحت الصياد]

نظر لة أبليس قائلاً : تكلم وعرف نفسك أولاً

رد هذا الاهبل أبو طويلة : أنا أدعى شفرائيل من قبيلة شياطين الكوارث والمصائب...

<أنعم وأكرم ...عيلة وقبيلة متأصلة فى المصايب والكوارث>

أكمل هذا الشيطان : أنا بقى خطتى تتلخص فى كتابين

<ياليلــــة بلدك اللى ملهاش لون...هنقعد كدة نسمعك تشرح كتابين ...!!!>

تكلم هذا التنح قائلاً : أولاً...

وهنا قاطعة أبليس قائلاً : بقولك أية ياعم الحلو أنت يابتاع قبيلة الكوارث...أختصر

<الحمدلله ..أهى جات من أبليس>

تململ شفرائيل قائلاً : حاضر خسستك...أحم...هلخص ملخص الخطة دى فى ..كتاب واحد...

أنفجر أبليس فى هذا الشيطان السمج : أنا بقى اللى ممكن الخص حياتك وحياة قبلتك كلها لو ما لخصتش الخطة فى كلمتين...فاهم؟؟.ها..فاهم؟؟

أرتعد هذا المغفل طويل التيلة قائلاً : حاضر حاضر جنابك...أحم..الخطة ملخصها أننا نحاول نوهم وندخل فى عقل كل أنسان أن مافيش لا حساب ولا فردوس ولا نار ولا جهنم ولا دياولة...فبكدة الناس تسبها من الايمان بالرب وتنسى كل حاجة تخص الرب وحتى الدم المسفوك

__________________


صفق الجميع لهذا المتعوس الخسيس حقاً و لهذة الفكرة المنكرة ...فتحملت على نفسى من هول الغيظ والضيق من هذة الفكرة ووقفت دون أن أدرى وحاول شمروخيل أن يسحبنى لاجلس ولكن ..ولكن .. فات الميعاد<على رأى الست>وشاهدنى أبليس الذى قال لى: تكلم وعرف نفسك أولاً

لاول مرة أحس أن جهنم ...حرارتها فوق الخمسين درجة فهرنهيت وأغرقنى العرق بشدة من هذة المصيبة التى وضعت نفسى بها...نظر لى أبليس صارخاً : أنا بقولك أتئندل وأتكلم أيها الشيطان

بلعت ريقى ثم أسلمت أمرى للخالق وتقدمت للامام قائلاً :أنا ...أنا أدعى...أنا أدعى..أية؟؟أنا أدعى أية أية؟؟؟

لكزنى شوشو قائلاً : صياديل ياغبى..هتودينا فى دهية...أمسك نفسك أرجوك وتكلم وعلى صوتك

تنحنحت قائلاً : أنا أدعى صياديل ياغبى

أنفجر الجميع فى القهقهة والضحك الشنيع فقال أبليس : أنت أية ؟؟

أسرعت قائلاُ: أدعى صياديل ...خدامك الغبى...أبن قبيلة جلادى جهنم

رد أبليس : هات ما عندك ياصياديل يابنى
__________________

تشجعت أمام هذة العاطفة الابوية الجياشة قائلاً : الشيطان الاهبل العبيط أبو طويلة دة

رجع الجميع للضحك بما فيهم أبليس نفسة فأكملت قائلاً : فاكر أن الناس عالارض بهطلة...يعنى بتهطل عبط عيال ينضحك عليهم بكلامة اللى لا يخش مخ حد ولا حتى يخش معهد سنتين

رجع الجميع لوصلة الضحك فأكملت: ياناس..أقصد ياشياطين جهنم...الخليقة والكون كلة بيصرخ بأن فية رب وخالق للكون وليهم..أذاى بقى أبو مخ كوتش دة يقول أننا ندخل مخهم كلامة اللى لا يتصرف ولا يتبلع !!!؟؟...و...وشكراً

حدث تصفيق حاد وكأنى أجلس فى أجتماع لمجلس الشعب..شياطين معندهاش غير الضحك والتصفيق

تكلم أبليس فسكت الجميع قائلاً : كلام صياديل عين العقل..أحنا عايزين خطط جامدة...خطط ذى كتاب الابلسة ما بيقول ..حاجة كدة..ذى مابيقولو... السهل الممتنع

<ياسلام عليك ياأبليس..أنت بجد خسارة فى الناس دى >
__________________

[مدحت الصياد]

وقف نطع أخر ..لة شكل كأنة بطيخة ...تخيين جداً ...قصييير جداً ...أرعن جداً < يعنى متهور بعدم فهم ومتسرع بدون تفكير >..تكلم هذا الشيطان : أنا أدعى غندافيل..أبن قبيلة الجشع والطمع...وعندى خطة تتلخص فى أكلتين

ضحك الجمع فأكمل: أقصد فى لقمتين

<هو الشيطان دة كان بيخدم فى مطبخ>

تكلم هذا الجشع قائلاً : الخطة بتعتمد على الاكل والفلوس..أينعم الاكل....نعرفهم أن الاكل والفلوس هى ربهم وبطنهم هى صلاتهم...وكل وأشرب بأطمئنان وأقرأ الفاتحة للشيطان

قمت ثانياً وأنا أقول : هو أنت يابنى شغال فى محل كبدة ومخ

رجع الضحك يغلب الجميع فأكملت : دة لو أفكار الشياطين ذيك كدة ...ماكنتش جهنم أتعمرت بحد خالص....يعنى بمخك العجالى دة...... هتنفع طبختك دى اللى بتقول عليها خطة فى ترويض المؤمنين اللى أكتر أيام حياتهم صوم وصلاة!!!!...طبختك محروقة ...أقصد خطتك محروقة


وتكلم بعدها شياطين كثيرة...اللى يقول نسحر البشر...واللى يقول نسحل المؤمنين ...واللى يقول نرمى عليهم لهليب نار مالسما ..واللى يقول نـــدبح ونــقتل فى المؤمنين...واللى كلامة كلام مجانين..واللى كلامة ملهوش لزوم..واللى واللى واللى

وأخيراً تكلم أبليس قائلاً : أنتم تعبتونى خالص...ولا واحد عارف يقول خطة عليها الطلا!!!...ولا واحد عارف يفرح قلبى بكلام وخطة تشرفنا ...اللى راح يتكلم بعد كدة وكلامة مش مقبول ولا مبلوع ...هيكون لة حساب شنيع معايا

وفعلاً سكت الجمع المهول...تلاتة مليون أو أكثر لم يستطع أحد منهم أن يقوم ويتكلم...جات الفرصة علشان ننزل الارض ياواد ياصياد..أقصد ياواد ياشيطان ياصياديل...قمت واقفاً وانا ضربها مليون صرمة قديمة ..لا صابت ..لا أتنين عوور
تقدمت وأنا فى كامل قواى العقلية قائلاً : أنا بقى ياسيدى ..وسيد الجميع ...ياسلطان الهاوية وأبو الكذابين عندى خطة بسيطة جداً ...


أنتبة لى أبليس وكل من كان موجود وأحسست أننى أسمع دقات قلبى من هول الصمت الرهيب الضارب جذورة فى المكان ...كان الجميع ينظر لى بكل شغف منتظرين معجزة من بين شفتاى...شفتاى التى تشققت من هول العطش والخوف ...سحبت نفس عميق من الهواء ثم قلت :...خطتى دى ...بسيطة لابعد الحدود...خطة أسمها الذبون دايماً على حق...يعنى...نقول للناس ..أن فية رب وفية حساب وفية سما وجهنم وفية مخلص ..الخ الخ

هــــــــمهم الجميع فى قوة لدرجة جعلت أبليس يصرخ فيهم قائلاً : الجميع يسكت ويخرس..مش عايز نفس

التفت لى قائلاً : وبعدين ياصياديل...كمل ؟

__________________

[مدحت الصياد]

قلت له فى مكر تمثيلى وخسه ظاهرة ..لدرجة أننى صدقت نفسى ولعنتها فى سرى : يعنى لازم الاول يكون الذبون على حق..الانسان طول عمرة حاسس أن رجلية مش واقفة على أرض ثابتة...يعنى خايف من الزمن وخايف من الكوارث الطبيعية ..وخايف من وحوش الارض وحيوانتها...وحتى خايف من الانسان اللى ذية ...فالشىء الوحيد اللى كان بيخاللى الانسان ثابت عالارض وعندة أطمئنان وسلام مع نفسة هو ..الامل....والايمان فى حياة مابعد الموت..الايمان فى وجود قوة كامنة راعية ترعاة ..قوة علوية خارق لكل شىء..قوة محبة..حنـــانة لة بدون أنتظار لاجر...فعلشان يسمع لينا الانسان لازم نكسب ثقتة..مانحولش نهدم الايمان اللى جواة..دة فى الاول ...وبعد كدة...نكمل الخطة..نقولة ..فية كل اللى بتحلم بية بس مش النهاردة ترجع لربك...ربنا موجود عالطول..ومكان الصلاة موجود عالطول..ورحمة ومغفرة ومحبة ربنا ومسيحة موجودة دايماً وتستوعب الكل ...وكل خطاياك اللى عملتها..واللى هتعملها بأذن اللة ليها مغفرة وهتترمى فى بحر النسيان..فعلشان أية الاستعجال؟!..أجل التوبة لبكرة الصبح..ويجى بكرة..ونعيد نفس الكلام..وأجل لبكرة وأجل لبعدة..وهكذا ..لحد لما الانسان من دول يتعود على البعد عن الرب بدون ما يحس وتكون الصلاة صعبة علية والتوبة بالنسبة لى تكون شبة مستحيلة...الزن عالودان أمر من السحر ..واللى مايجيش بالعافية يجى على نار هادية...و شكراً

جلست وأنا أنهج من فزعى أننى أستطعت أن أكمل كلامى ...بدون أن أنظر لأبليس....صفق الجميع بما فيهم أبليس ..فالتفت لى شمروخيل قائلاً : دة أنت بلوى مسييحة...دة أنت شيطان أصلى..

قلت لة : يعنى عجبتك؟

رد بسرعة : عجبتنى!!...دة أنت ممكن يجيلك عقد أحتراف فى أكبر قبيلة فى جهنم..أنت بتقول أية..دة أنا لولة أنى عملك عملية التجميل فى خلقتك كنت بصمت بالعشرة أنك شيطان أبن شيطان أبن ستين شيطان

__________________
تكلم أبليس قائلاً : أيوة كدة...أحنا لازم نعطى الفرصة لشباب الشياطين...للجيل الجديد..هو دة الامل...هو دة اللى هيكون نزير شؤم عالبنى أدمين...برافو عليك ياصياديل يابنى...أنت هتكون مع الطليعة الاولة اللى هتنزل الارض بالخطة الجديدة
قلت لابليس : أمرك مطاع ياسيد الالطاع...بس لى عندك طلب

رد: طلباتك مجابة حتى من قبل ماتقول

قلت : لو يسمح شرك أنى يكون معايا صديقى وزميل الكفاح الجهنمى شمروخيل

رد : أوكى...<والتفت ناحية شمروخيل قائلاً لة> : مسموح ليك ياشمروخيل أنك تنزل مع صياديل ومعاكم الطليعة الاولة ..بس الاول سلم العهدة اللى معاك لشيطان غيرك

قام شمروخيل قائلاً : عهدة؟؟..عهدة أية دى؟

أبليس : البنى أدم المدعوا صائد الذباب..مش دة عهدتك؟

ياخبر ..وقع المحظور..وهننكشف

رد شمروخيل قائلاً: حاضر..بعد أذنك هسلمها للشيطان المشرف ..هرطائيل

أبليس : وأنا موافق...أنتهى المؤتمر...تصحبكم الندالة والخطاياة...ياأبناء أبليس

رد الجميع فى نفس واحد: وتصحبك أنت أيضاً ..ياكذاب يابو الكذاب...مع وافر اللعنات



______________________________________

وغداًمع أحداث جديده

محبتي

الصياد

__________________

[مدحت الصياد]

السر
____

خرج شمروخيل من عند صديقة هرطائيل مبتسم وتقدم منى قائلاً : خلاص ياعم...أهو صاحبنا هرطائيل أستلم الصياد وهيكمل معاة الرحلة هنا

نظرت لة بدهشة قائلاً : لحد دلوقتى مانيش فاهم اى حاجة !!!!....مين دة اللى سلمتة لهرطائيل؟؟؟...وأذاى قدرت تضحك على صاحبك وتسلمة واحد تانى غيرى انا؟؟؟

ضحك شمروخيل قائلاً :ياصياد..أنت فاكر يعنى أن سيادتك وحيد زمانك!!!...والا تكونش فاكر أن مافيش حد فى جهنم من البشر أسمة الصياد غيرك أنت؟؟؟...أنا ياصديقى اللدود سلمت هرطائيل معذب أخر.... أسمة ذى أسمك..ودة خطفتة من الدرك الاول....

قلت لة بسرعة : أنت ذكى قوى...طب لما أبليس يطلب الصياد دة تانى ويلاقية مش أنا هتكون مصيبة على وعليك...ياشمروخيل

رجع شوشو للضحك قائلاً : هو أنا هيفتنى حاجة ذى دى...أنا ياحلو الملامح..أخدت ملامحك ..قصدى اللى كانت ملامحك..وخدت صوتك..اللى كان صوتك...وخدت حتى كسمك..وركبتهم بحرفنتى على الصياد الجديد..ماتخافشى...طول ما وراك شمروخيل

أسرعت قائلاً : هيكون نهايتى السحل ...أنت يعنى فاكر أن أبليس هيشرب المقلب مرتين؟؟

شمروخيل : أنا هسئلك سؤال وأنت جاوبنى علية

قلت لة : سؤال أية دة؟

رد : عندكم عالارض فية مثل بيقول ...لا يلدغ المؤمن من الجحر مرتين...صح؟..فية مثل ذى دة والا لا؟؟

قلت لة : ومال الامثال ومال موضعنا هنا...ولوعايز أجابتى..صح فية مثل بكدة

رد وهو يضحك : طب هو أبليس مؤمن ..ياأخ..صاحبكك أبليس دة غبى بدرجة أمتياز مع شوكة الشرف أو قل عدم الشرف..هو لو كان عندة شوية مخ أو ذكاء كان يقف أمام وجة الرب ويقول اللى أنا قلتهولك قبل كدة...؟؟

قلت لة فى شك : يعنى مش هيكشفنا ياشوشو ياخويا؟؟

شمروخيل : طبعاً مع حبة حظ وتوفيق ..مش هيكشف أى حاجة..ودلوقتى قبل ماننطلق للارض عايزك تعرف حاجة كنت مش قادر أبوحلك بيها...حاجة سر بينى وبينك

أقتربت منة وبصوتى الضفدعى قلت لة : حاجة..؟؟حاجة كنت مخابيها على !!!..عيب عليك لما تكون واكل معايا كوارع القرد وتعابين بحر السعير وتخون العيش والكوارع

رد هذا المغفل : أنت هتقطمنى...أنا اللى بعترفلك دلوقتى علشان أحنا أصحاب وطريقنا أصبح واحد..الموضوع ياصياد هو أن أبليس كذب عليك..كذبة شنيعة جداً

صرخت فية : أذاى ياشمروخيل ..؟؟؟

رد قائلاً بصوت منخفض: أصل لما طلب منك أنك تحط أيديك دول على سفر الحياة ومطلعش أسمك فية..هو كان عارف أنة مستحيل هيطلع أسمك فية ولا تسمعة أبداً...عارف لية؟؟

قلت لة : علشان هو كان متأكد أنى جيت هنا صح...صح؟

رد هذا المنحوس وأطلق قنبلتة الرهيبة فى وجهى قائلاً بحذر : لا ياحلو..مش علشان كدة...علشان الكذاب أبو الكذاب دة ..طلعلك سفر الحياة اللى مكتوب قبل تأسيس العالم

قلت لة : مش فاهم..طب مانا عارف أنة طلع سفر الحياة؟؟

شمروخيل : ياصياد أصحى شوية وأفهم أنا بقول أية ...أنا بقولك طلعلك سفر الحياة اللى مكتوب قبل تأسيس العالم ...يعنى طلعلك السفر الغلط ووصفلك العنوان الغلط

قلت لة فى ضيق : ياعم الحلو ..أخوك غبى جداً ..لاحد دلوقتى مش فاهم أنت عايز تقول أية؟؟
شمروخيل : من الاخر كدة..اللى موجود فى الكون وعند الخالق ومنة نسخ هنا..سفرين مش سفر واحد

صعقت ووقفت مثل الصنم ثم أنفجرت فية : ها..كمل
رد : السفرين دول ..واحد بأسم سفر الحياة قبل تأسيس العالم والتانى سفر الحياة منذ تأسيس العالم اللى هو سفر حياة الخروف ..اللى هو بردة السفر اللى فية أسماء المختارين واللى هيشملهم الدم المسفوك..اللى هو ممكن يكون فية أسمك مش الاولانى

قلت لة بسرعة : أمال الاولانى دة بتاع مين يعنى ؟؟

رد هذا الشمروخيل الجهنمى قائلاً : سفر الحياة اللى مكتوب قبل تأسيس العالم فية أسماء القديسين السمائيين..واللى مش هيكونوا موجودين فى وقت بداية الساعات الاخيرة للارض ...يعنى اللى هيكونوا موجودين بعد صعود المسيح وطبعاً صلبة وقيامتة..دول بقى اللى مكتوبة أسمائهم فى سفر حياة الخروف اللى مكتوب منذ تأسيس العالم وليس سفر الحياة قبل تأسيس العالم..فهمت الخدعة اللى أتعملت عليك ياصياد..والكذبة الرهيبة اللى أنطلت على عقلك ؟؟

زفرت بشدة قائلاً : كلامك دة مظبوط ياشوشو؟؟..والا تخيلات ؟؟

صرخ بى قائلاً : ياعم لو أنت فتحت الكتاب المقدس ودققت شوية هتلاقى أن هناك فعلاً سفرين ..مش واحد..أنا مابتخيلشى..دى حاجة معروفة

قلت له : طب ليه أبليس الندل...يكذب على كده؟
شمروخيل : أصلك لحد دلوقتى متعرفهوش على حقيقتة ...هو لما شافك متلهف كدة على الخروج من هنا وعايز تعرف مصيرك أية وشاف كمان أن عندك أمل فى النجاة..عمل اللى عملة..مش هو كذاب وأبو الكذاب؟

قلت لة : يا أبليس الزفت.. ..دة أنا لو أطولة هعرفة شغلة ؟
ضحك شوشو : ياعم المسامح كريم..هو أنت هتقدر علية؟؟
قلت له وأنا أفكر : يعنى على كده أنا لسه عندى أمل أن يكون أسمى مكتوب فى سفر حياة الخروف ياشمروخيل ياخويا؟؟
رد فى قوة : طبعاً ..وليه لا!!...

[مدحت الصياد]

قلت لة : ياسلام...أنا أول مرة فى حياتى كلها حتى اللى كنت عايشها على الارض أحس بالفرح والامان والايمان مالى قلبى وفكرى وروحى وكل كيانى...وفين؟!! هنا.!!.هنا فى قلب جهنم..شوف الدنيا ..شوف الزمن..عمايل الدنيا فعلاً غريبة وطرق ربنا فعلاً عجيبة!!!

ضحك شوشو قائلاً : طب مش كفاية كدة ويالا بينا على البعثة اللى هتنزل عالارض ...خلاص الوقت جة ..ولازم نعرف أنت مين


__________________________________________________ __
البعثة
_____

مثلما أرتفعت لجهنم مثلما هبطت منها...ولكن بفارق بسيط..هو ذلك الحشد من الشياطين الذى نزل معى..فى أول رهط وأول طليعة جديدة على الارض...نزلنا الى صحراء شاسعة ..وبعد أن أتم شمروخيل التأكد من وجود كل الشلة الشياطينى حتى قسم العمل بخطتى الجديدة بتاعة الزبون دايماً على حق ...هناك من ذهبوا لاوربا..وبلادها....لاعطاء الشياطين الساكنين هناك الخطة الجديدة...وهناك من ذهب لاشياطين أسيا وبلادها ...وهكذا ..تم تقسيم كل الارض ...حتى أختفى من أمامنا هؤلاء السفهاء من أبناء أبليس ...ولم يبقى غيرى أنا الصياد وشمروخيل الذى تنهد قائلاً فى راحة: أخيراً..أنتهى التقسيم...ووزعت العيال المهابيش عالارض ...بس سبت بلدك مصر لينا ياصياد

قلت لة فى قوة : حلو قوى كدة...أحنا بقى لا هنبلغ الشياطين اللى هنا بالخطة ولا غيرة

نظر لى شوشو قائلاً : يعنى أية كلامك دة؟..يعنى هنطنش

أنا : أينعم ياغبى ...هو يعنى الناس هنا ناقصة خطط شيطانية جديدة علشان تكفر...ما هو الناس هنا كفرنين لوحدهم...وكفاية عليهم الخطط بتاعة الحكومة ..دى لوحدها تكفر أبليس و جنودة ...وأنت يعنى هتعيش فى الدور دة كتير..أنت ناسى أحنا نزلين هنا لية؟؟؟

تكلم هذا الشيطان الغريب قائلاً : تصدق ياصاحبى أنا مش عارف اليومين دول عقلى مالة؟؟..ذاكرتى بقت ضعيفة جداً ...لدرجة أنى ساعات بحاول أفتكر أول مرة شفتك فين مش عارف؟؟

أنفجرت فية : ياليلتك البمبى...هو أنا أخلص من جهنم وأبليس تطلعلى أنت وأمراضك العقلية وذاكرتك اللى هتودينا فى ستين داهية؟..لا...أحنا جينا للجد هنا..مش عايزين أى غلط ياصاحبى..ماشى؟

ضحك شوشو قائلاً : ماتخفشى

قلت لة : أهو أنا مابخفشى الا من كلمتك دى..وكل ما بتقولهالى بلاقى قدامى مصيبة

يالا بينا على عنوانى هنا..وحاول تركز شوية ياشوشو

وفعلاً وفى لمح البصر أنطلقنا أنا وشوشو الى سماء القاهرة وكانت ليلاً ..نظرت من فوق للمبانى والبيوت والميادين ..دة ميدان رمسيس ..ودة ميدان التحرير..ودة الكورنيش بتاع منطقتى وهنا بقى قلت لشوشو : هنا بيتى ياعم..أيوة العمارة دى

نزلنا فى منتصف الشارع وكانت الساعة تقترب من الثانية بعد منتصف الليل ..فقلت لشوشو: هو أحنا الناس ممكن تشفنا كدة؟

رد وهو منبهر بالارض والطرقات وحتى القطط التى بتسرح بالليل : لا..لا طبعاً ...أحنا مش منظورين لحد... الا للشياطين اللى ذينا بس

قلت لة : طب أية اللى فى عقلك ومخ دة ...يعنى هنعمل أية دلوقتى؟؟
رد : هنطلع عندك الشقة وهندخل ..ومن منظر شقتك أنا هعرف أن كان فية حد.... والا لسة مقفولة ذى ماهى من بعد أنتحارك...ومن نفس مكان أنتحارك...هنشمشم على الطريق اللى أنت مشيتة..أو مشيتة روح الصياد لحد أخر محطة وصلتلها

قلت لة : بس أنا حتى معرفتش أنا غبت عن الارض قد أية؟؟..يعنى غبت شهر والا أتنين والا سنتين والاحتى قرن؟؟
ضحك شوشو : لا طبعاً ياصياد ..أنت ماغبتش غير أسبوعين بس

قلتلة : أذاى الكلام دة؟؟..اللى أنا عارفة وأنت كمان قولتهولى كذا مرة ..أن اليوم فوق بالف الف عام بعمر الارض؟؟..وأنا اللى أعرفة أنى أنحبست عندكم فى الرحلة المئندلة بتاعة الطبقات وجهنم حوالى أسبوعين بردة....فهمنى بقى تيجى أذاى دى؟؟

قال لى : يعنى أنت بمخك دة وعقلك هتتصور أنى هنزل أو هننزل فى الوقت الحاضر بعمر جهنم...ياحبيبى كان لازم يرجع الزمن بينا عالارض كتييير قوى علشان يكون نزولنا بعد أسبوع أو أتنين من أنتحارك...علشان بردة نعرفلك مصير..لاننا لو نزلنا بالزمن الحاضر بتاع جهنم هنكون هنا بعد الاف الاف السنين من موتك...أنت عارف أن الاسبوعين اللى أنحبستهم عندنا فات على الارض قد أية...ها..عارف..أقولك أنا..فات على الارض حوالى الف الف عام وأضربهم فى 14 يعنى أربعتاشر مليون سنة ياحلو
قلت لة : أية دة؟؟..الكلام بتاعك دة هو كلام قانون النسبية؟..وكمان حلم الانسان فى أختراع ألة الزمن..اللى ترجع الانسان للماضى أو تقزف بية للمستقبل؟

شمروخيل : هو أنا مش قلتلك قبل كدة أن النظرية دى بتاعتنا...وكمان أحنا سهل علينا نرجع للماضى...بس مش كل الماضى..دة أولاً..أما ثانياً..مش ممكن نغير حاجات حصلت فى الماضى أو هتحصل فى المستقبل...بس الفايدة أننا بنعرف هيحصل أية للخطط اللى أحنا بنعملها للبشر...المهم..يالا بينا نطلع عندك

وفعلاً دخلنا من باب العمارة فلم يرانا عم عثمان بواب العمارة< طبعاً لازم فى أى قصة أو فيلم يكون البواب أسمةعثمان...لية ماعرفش>

[مدحت الصياد]

مين هنا ؟!
________

وصلنا لباب شقتى فنظرت لشوشو قائلاً لة: أنا معرفش مفتاح الشقة فين ؟؟..مش معايا

ضحك شوشو وهو يقول: مفتاح أية ياصياد!!!..أحنا دلوقتى ..لا حد يقدر يشفنا ولا يسمعنا ولا حاجة تقدر تقف قدمنا...

وأقرن قولة هذا بأن أخترق الباب ودخل كأنة هواء أو سراب وفعلت أنا مثلة..وأنا مغمض العينان من منظر الباب الذى أقتربت منة وتخيلت أنة سيكون عائق لى..ولكننى للدهشة أخترقت الباب بسهولة..كأنة خيال..أو بدقة.. أنا هذا الخيال...نظرت لشقتى العزيزة ودمعت عيناى بشدة قائلاً لشمروخيل: فعلاً ياواد ياشوشو ..الحكمة ماكذبتش اللى بتقول..الخارج من دارة بيتئل مقدارة..مافيش أجمل من بيتك ..وكراسى بيتك وحيطان بيتك و...

وهنا سكت وأنا مندهش مصعوق عندما سمعنا أنا وشوشو صوت يأتى من حمامى...صوت كأنة صوتى أنا...وهو يقول : مين اللى برة فى الصالة؟؟

التفت لى شمروخيل قائلاً : هو أنت كنت متجوز؟

قلت لة: لا..طبعاً لا..هو أنا مجنون للدرجادى...طب أنتحار وممكن أصدق أنى أنتحر..بس جواز ..لا

رد قائلاً: طب هو كان حد عايش معاك هنا؟

قلت لة : ياعم شوشو..أنا وحيد ..مقطوع من شجرة عرجة

رد بسرعة : طب تعالى نستخبى علشان اللى أتكلم دة طالع من الحجرة دى

قلت لة وأنا أسرع الى داخل حجرة النوم وشوشو خلفى : ياعم دة الحمام مش حجرة ..

نزلنا تحت السرير فقلت لشوشو: أذاى بقى ياعم شوشو الراجل دة سمع صوتنا؟..مع أنك قلت ماحدش يقدر يشفنا

رد: ولا حتى يسمعنا كمان

قلت لة : طب أهو سمعنا..تيجى أذاى دى بقى؟؟

رد : بجد مش عارف؟..دى حاجة غريبة فعلاً..و..

قلت لة : عارف...عارف..وأول مرة يحصل الكلام دة

وقبل أن يرد على شمروخيل ..شاهدت أرجل لانسان تدخل الحجرة التى نختبىء بها ..وحاولت أن أرفع عينى أو أخرج رأسى لارى من هذا الذى أحتل منزلى ..فلم استطع...أنتظرنا قرابة الساعة ونحن تحت السرير حتى نام هذا الانسان وبعد أن سمعنا أصوات شخيره الرهيب ...حتى خرجنا من تحت السرير...وتقدمت من وجه هذا الانسان..لاصعق بشدة وفتحت عيناى لاخرهم وأحسست بأن الدنيا تدور بى فتمالكت نفسى وخرجت بهدوء أنا وشوشو..وخرجنا أيضاً من الشقة والعمارة كلها ..حتى أصبحنا فى الشارع

وهنا صرخت فى شمروخيل قائلاً :أنت شفت اللى أنا شفتة؟؟!!

رد وهو مزهول قائلاً: طبعاً...دة أنا مسحت بؤبؤ عينى من جوة علشان أتأكد من المنظر اللى قدامى ومن الشخص اللى نايم ومرحرح على سريرك
قلت لة بقوة :مين دة؟؟...أية دة..؟؟..

رد : هو أنت متأكد أن ملكش أى توءم.؟؟

قلت لة فى غضب رهيب : ياعم..ياعم شمروخيل ..أنا بقولك أنى مقطوع من شجرة عرجة..تقولى ملكش توءم؟؟!

هرش بشدة ففعلت مثلة ثم قال : طب اللى نايم دة ويشبهك ..لا..ده مش يشبهك ده هو أنت ...يطلع مين ياصياد ؟

قلت له : علمى علمك ....أنا هقع من طولى..أذاى أنا هنا معاك وكمان نايم فوق فى شقتى وفى حجرة نومى وعلى سريري هناك؟؟؟..أنا هتجنن

شمروخيل : مش عارف...بجد مش عارف

قلت لة : ممكن نكون نزلنا الارض قبل يوم أنتحارى...؟؟ممكن؟

شمروخيل : مع أنى متأكد من أنى نزلت بيك بعد أكتر من أسبوع من يوم أنتحارك ...بس مال التاريخ ومال اللى شبهك فوق؟؟

قلت لة : علشان ياحلو لو أحنا نزلنا قبل يوم أنتحارى ...أكيد هأكون لسة عايش ..واللى فوق هو أنا...حاجة تجنن...يعنى انا بقابل انا ..يعنى الصياد واقف بيراقب الصياد اللى نايم...أخ أنا خلاص عقلى قرب يلسع..أنت أكيد نزلتنا قبل الميعاد وتاريخ أنتحارى ..

التفت لى قائلاً : لا..طبعاً لا...مش ممكن أغلط الغلطة دى ولا يسهو على

قلت لة : جلا من لا يسهو..دة ممكن وممكن وممكن كمان..أصلى أنا عارفك كويس ..عمايك كلها غلط فى غلط

رد وهو يزعق بشدة : الا كدة..أنا مش عيل صغير علشان أغلط الغلطة دى..ولا أنا مبتدىء ..دة أنا واخد

قلت لة : عارف ...عارف..خلاص يادكتور..بس لازم نتأكد الاول...صح؟

رد : مع أنى متأكد ..بس مش هنخسر حاجة أننا نتأكد...بقولك أية

قلت له : فيه أيه؟؟

قال: أنت فاكر التاريخ اللى أنتحرت فيه ؟؟

قلت له : طبعاً ..مش ممكن أنسى اليوم ده..اولاً علشان هو يوم أنتحارى...ثانياً علشان كان يوم عيد ميلادى بالظبط

رد بسرعة : طب كان يوم كام ...فى شهر أيه ؟

قلت لة : كان يوم 9 الموافق شهر 5 ......السنه دى يعنى 2006

أشار لفوق بيده ..فنظرت للمكان فوجدت ساعة الميدان الالكترونية...وصعقت مما شاهدته من التاريخ المضىء عليها...لقد كان التاريخ 24الموافق شهر 5 ......سنة 2006 ..

رد قائلاً : يعنى أحنا فعلاً موجودين بعد أسبوعين من أنتحارك ياصياد مش قبلها

قلت له وأنا بين العقل والجنون : طب ده يطلع مين بقى؟

رد شمروخيل : ده بقى على ما أظن هو الصياد الحقيقى

ضحكت كالمجنون ثم قلت لهذا الشمروخيل : ياعم شوشو..لو هو الصياد الحقيقى..كان شكله هيكون غير شكلى...يعنى لو أنا مش الصياد ماكنتش هكون بنفس شكله...فهمت حاجة؟

رد هذا الدهل : أيوه..أيوه صح...طب يطلع مين البنى أدم ده؟

قلت له : ..ده كمان مش واخد شكلى بس ..لا..ده كمان واخد كل تفاصيل جسمى..حته حته...حتى كمان شفت على رجله اليمين جرح قديم ..هو نفس الجرح القديم اللى موجود فى رجلى اليمين لما كنت عايش عالارض

فتح عيناه بشدة ثم قال : لا بقى..دى الحكايه معقده

قلت له : دة مش معقدة بس...قول معقربة..متئندلة...أنا تهت خلاص

وقفنا أنا وصديقى شمروخيل فى وسط الميدان ..صامتين..مبلمين...تائهين.. وكأننا

تماثيل الميدان
__________________

و غدا مع جديدالاحداث

محبتي

الصياد

[مدحت الصياد]

يع...يع.. يععع
__________

أنتظرنا أنا وشمروخيل بداخل أحد الكهوف التى يقول عنها شوشو أنها منازل سرية لاستراحة وأقامة الشياطين الموجودة وبتخدم هنا..فلقد كان الكهف يقع بداخل أحد الصحارى القريبة من القاهرة...تقدم منى شوشو وانا جالس افكر قائلاً لى :روحت فين ياصياد.؟!..أية كل السرحان والسكوت اللى أنت بقيت فيهم دة...لا ياعم أنا مش متعود عليك كدة..أرمى ورا ضهرك ..وكبر دماغك...وأضربها ستين صرمة ....مش هو دة كلامك..أنسى ياصاحبى بقى..وأكيد هنعرف حل للغز الغريب دة..أكيد..مش ممكن أى حاجة هتستعصى على شمروخيل..أتنين دكتوراة وأتنين دبلومة..وكمان معاة الصياد اللى ضحك على كل الشياطين وعلى أبليس نفسة

نظرت لة فى زهول قائلاً : ياشمروخيل...أنا حاسس أنى واقع فى بير غوييييط قوى ومش عارف أطلع منة..أنا قربت أقتنع أنى مش الصياد...بس حتى كل ما حاول أدخل الفكرة دى فى نفوخى ..أرجع وأفتكر شكل الراجل التانى دة..فأتأكد أن ورا الموضوع ... لعبة..

رد شمروخيل : لعبة ؟؟؟

قلت لة: أيوة ..لعبة حقيرة..بس لعبة... غاية فى الذكاء

شمروخيل :أذاى بقى ؟؟

قلت لة فى ضعف وغيظ : هى دى المعضلة اللى مش لقلها حل..أية هى اللعبة؟...مش عارف....ومين اللى هيستفاد منها؟؟...بردة مش عارف....موضوع ملخبط أخر لخبطة

جلس بجوارى شمروخيل وهو يقول : أحنا دلوقتى الصبح ..يعنى النهار طلع...وأكيد صاحبك اللى شبهك راح شغلة

نظرت لة فأكمل :فممكن أننا فى غمضة عين نكون هناك جوة شقتك ونفتشها حتة حتة

قلت لة : طب وأية اللى هنطلع بية من التفتيش دة ؟

رد وهو ينظر لى بشدة : أكيد هنلاقى حاجة تعرفنا الشخص دة أية... وهو مين ...دة على الاقل دلوقتى


قلت لة : يعنى هنلاقى أية ياشمروخيل؟؟..مأكيد ذى ما خد شكلى وأحتل بيتى ..هيكون معاة كمان بطاقتى وكل أوراقى أنا

قام شوشو وهو يشد ذراعى قائلاً : ياعم قوم وياللى بينا وهناك ممكن نلاقى حاجة ..أى حاجة مش عالبال ولاعالخاطر...قوم بس ومتتسرعش وتتعب كدة بسرعة

وفعلاً كانت كلمات شمروخيل كالترياق لسم العجز الذى أضحى بداخلى..فتشجعت وأنطلقنا لشقتى

دخلنا مثلما فعلنا ليلاً ...ولم نجد المحتل فيها مثلما قال شمروخيل

تنهدت قائلاً : هنعمل أيه دلوقتى؟؟

رد بسرعة : أحنا لازم نقلب البيت تفتيش... بس من غير ما نعرف أخينا ده أو نشككه بأن حد دخل هنا...أنا هفتش ساحة النوم والصالة..وأنت فتش ساحة المطبخ وساحة المكتب والحمام..موافق؟

أنطلقت وأنا أقول له: موافق ...بس دول أسمهم هنا حجرة مش ساحة

وبدأنا التفتيش الدقيق جداً جداً ....دخلت الحمام وفتشت كل شبر فيه وحتى الحنفيات فتحتها يمكن يكون مخبى حاجة فيها..وبعدها دخلت المطبخ..فوجدت رأئحة المطبخ لا تطاق رائحة عفن..شىء متحلل..كأنة جثة قد مر عليها على الاقل أسبوع هنا..أنطلقت أفتش المطبخ وأبحث عن مصدر تلك الرائحة الرهيبة التى ازكمت أنفى حتى وأنا متنكر فى هيئة صياديل ..وعندما وصلت ببحثى الحثيث للثلاجة ..وفتحتها حتى هب على نفحات رهيبة من تلك الرائحة الشنيعة فمسكت أنفى بقوة ونظرت بداخلها ..وهنا لم أستطع أن أفعال شىء أمام ما أشاهدة فى الثلاجة غير شىء واحد ..أنى تقيأت بشدة وهربت لخارج المطبخ وأنا أجرى وأصرخ فى شمروخيل الذى ما أن سمع صراخى حتى أتى مسرعاً وهو يقول لى : مالك ؟؟..حصل أية ؟...أنت عيان والا أية؟؟
__________________
قلت لة وأنا أحاول الا أتقيأ ثانياً: يع...أخييييى..يع يعععع ..

رد قائلاً : أية اللغة العجيبة اللى أنت بتكلمنى بيها دى؟!

صرخت فية : لغة أية ياشمروخيل ..دة أنا قرفان جداً من المنظر اللى شفتة جوة الثلاجة اللى فى مطبخى...دة أنا حاسس أن معدتى هتخرج هربانة من مكانها

رد وهو يسرع ناحية المطبخ وأنا منتظرة بالصالة : يعنى شفت أية ؟..وأية الحاجة اللى تخليك كدة

أنتظرت بضع ثوانى حتى سمعت شمروخيل يحدث لة مثلما حدث معى وسمعتة يتقيأ..وخرج هو الاخر وهو يصرخ قائلاً : يع..يع..أف..يع

قلت لة : أهو أنت كمان أتعلمت اللغة بسرعة..هاهاها

صرخ فى قائلاً : أنت بتضحك كدة لية؟؟.أنت فاكرنى قرفان علشان الحاجات اللى جوة الثلاجة؟..لا طبعاً ..أنا حصلى كدة من شكل العلبة اللى برة الثلاجة

قلت لة بأندهاش: علبة؟..أى علبة؟؟

رد قائلاً فى أشمئزاز : علبة مكتوب عليها جبنة بيضاء..وأول ما قربت من العلبة وشميت ريحتها حصلى اللى حصل

أندهشت بشدة من هذا الشيطان الاحول حقاً قائلاً لة : يانهارك اللى ذى وشك!!..يعنى اللى فى الثلاجة عادى وعلبة الجبنة هى اللى عملت فيك كدة!!!

رد قائلاً : طبعاً..أحنا منعرفش الاكل الرهيب المقرف دة اللى أسمة الجبنة دى..وكمان لونها أبيض يع..يع...يععع

قلت لة : ماشى ..مش وقتة دلوقتى ..المهم أنت شفت القرف..أقصد الحاجات اللى فى الثلاجة؟

رد وقد سال لعابة وكأنة يتكلم عن أكلة كباب أو أكلة لحم ضانى:طبعاً ..دى حاجة لذيذة قوى..دى ضنين لما حد يكلها عندنا..دى أكلة رهيبة ..لذيذة...بالاخص لما تتعمل ومعاها التوابل والبهارات

قلت لة : أنا بتكلم على اللى جوة الثلاجة ؟

رد بسرعة : طب مانا كمان بتكلم على اللى جوة الثلاجة..يكش فاكرنى غبى والا أحول

قلت لة بهدوء ظاهر: يعنى أنت قاصدك أن الجثة المعفنة اللى جوة الثلاجة دى بتكلوها عندكم..فى جهنم؟

قال: لا..طبعاً ..بس مش علشان هى وحشة ..لا..علشان مستحيل نلاقيها عندنا الا فى ساحة خطية القسوة..ذى مانت شفت هناك..بس اللى بيخدم هنا على الارض ..لو أستطاع يقتل واحدة منها بيأكلها..كلها

قلت لة : أنت عارف اللى جوة الثلاجة دة أية؟؟

رد بغضب : مالك ياصياد..أنت بتختبر ذكائى والا أية حكايتك معايا ..أية الاسئلة الغريبة دى؟؟

قلت لة : ياعم مش قاصدى..بس عايز أتأكد من اللى شفتة فى الثلاجة

رد بسرعة : طبعاً عارف ..دة..دة كلب مشوى على نار هادية ...مشوى عالفحم

رجعت لليع من جديد ..وبعد أن أمسكت نفسى قلت لة : طب أنتم.... وواخدين على الاكل الرهيب دة..بس أحنا معندناش حد بأكل كلاب أبداً...غير بلد أو أتنين ..بتوع شرق أسيا.ذى الفلبين ..والراجل اللى هنا مش منها..أذاى بقى ..دة لو حتى مجنون وأبن ستين مجنون مستحيل ..يع.يعععع..<وبلعت ريقى مكملاً>: يعمل العملة الرهيبة دى..مستحيل حد يفكر يأكل كلب..عارف يعنى أية كلب مشوى ومحطوط جوة تلاجة.؟!!.دة كمان مش كلب..دة بقى نص بس..لانة أكيد خلص على النص اللى تحت الاول..والاخ الغريب دة ساب النص الفوقانى وطبعاً مع رأس الكلب..

رد شوشو : ,اية يعنى؟..هو أكيد أشتهى أنة يأكل من الحيوان دة..فعمل كدة

هززت رأسى بشدة قائلاً : ياعم بقولك مستحيل يعنى مستحيل حد يعمل كدة أبداً

سكت شمروخيل بضع دقائق ثم قال لى فى غموض : بقولك أية ياصياد..دلوقتى نمشى علشان ممكن الغريب دة يجى هنا فى أى وقت..وكمان علشان أنا جتلى فكرة من اللى جوة الثلاجة وأنت بتأكد أنة مستحيل حد ياكل كلب عندكم وعايز أتأكد من الفكرة دى..ولو طلع اللى فى نافوخى صح ..يبقى أحنا قربنا من حل لغز الراجل دة..وعرفنا مين هو..على الاقل

نظرت لة قائلاً : فكرة..؟؟ فكرة أية دى؟؟..ممكن أعرفها؟

رد وهو يسحبنى بسرعة من الشقة :مش دلوقتى..أصبر لما نروح المشوار دة الاول وبعد لما أتأكد..هتعرف كل حاجة..و لو اللى فى دماغى صح..مش غلط..هنكون وصلنا للحل وفى نفس الوقت هتكون المشكلة أكبر بكتير مما كنا نتخيل ...أو نتصوووور

وزادت الالغاز لغزاً أخر





الدفترخانة


××××××××*

أنطلق بنا شمروخيل لصحراء شبة جزيرة سيناء...ودخل بنا الى أعماق صحرائها ..ولم نهبط للارض وتنتهى هذة الرحلة الا مع غروب شمس ذلك اليوم..وبعد أن هبطنا سألتة قائلاً : نفسى بقى أعرف حضرتك كدة مشحططنى وراك لغاية هنا لية؟؟..وأية اللى ممكن يكون هنا ..وهيساعدنا فى اللى أحنا فية

رد وهو يسرع الخطى : حلمك على ياصياد شوية..أهو أحنا خلاص وصلنا للهدف

قال هذا وهو يصعد جبل رهيب لة ألوان غاية فى الروعة وأنا طبعاً خلفة ..حتى وصل لجوف حفرتة أنامل الطبيعة فى قلب هذا الجبل.

دخلنا فوجدت طريق طويل يشع أضواء باهتة كأنها شموع..ومشى شوشو وأنا جوارة فى ذلك الطريق بداخل ذلك الكهف الرهيب الصامت فى جلال ..حتى وجدت نفسى أمام شيطان عجوز جداً ...لة وجة متشقق باهت يكاد أن يكون كلوحة ليس بها غير اللون الابيض والاسود..تقدم شوشو من هذا الشيطان فى أجلال ..وجثى على ركبتية..ساحباً العبد الضعيف معة فجثوت أنا أيضاً أمام ذلك العجوز الجالس القرفصاء وأمامة كتاب ضخم قديم جداً يعشش فوق صفحاتة العنكبوت ويغلب علية اللون الاصفر

تكلم شمروخيل قائلاً : التحية والاجلال ..لشيطان الدفترخانة ....شيطان العصور وعفريت القبور...الشيطان حاشوم

نظر لة هذا الشيطان الاثرى ثم نظر لى قائلاً : التحية والعنة الشيطانية عليك أيضاً ياشمروخيل ياولدى...مين دة ياشمروخيل ؟

رد شوشو : دة أخى فى العفرتة وتوءم روحى فى الشيطنة..صياديل الذبابى

ضحكت فى سرى من هذا الهبل وكأنى أشاهد لقطة فيلم عن المماليك

أكمل شوشو : أنا عايز من جنابك خدمة بسيطة جداً

قال لة هذا الشيطان : أذا كان فى مقدورى

قل لة شوشو : عايزك تفتح كتاب < تمام الشياطين> اللى فى مصر وتقوللى لو فية حد منهم غايب ..والا لا..؟؟

نظر لة هذا العجوز ثم هرش< ياحلاوة...دة موضوع الهرش شغال هنا كمان> وفكر ثم أجاب : على عينى وقرونى من فوق

وفعلاً وببطىء السلحفاة بدء هذا الميت البحث حتى منتصف الليل لدرجة جعلت أعصابى تحترق من هذا الشيطان البارد ..وأخيراً تكلم رافعاً نظرة لنا قائلاً : أينعم...فية بلاغ من حكمدار العاصمة الشياطينى ...من حوالى أسبوعين عن أختفاء أو لنقل هروب وأختفاء شيطان من موقع خدمتة

تكلم شمروخيل بلهفة : ولحد النهاردة مظهرش ؟

رد ببرود الاموات وبلهجة أحسست أنة سيموت بين أيدينا فى أى لحظة : أيوة ...فعلاً..لحد الساعادى مافيش أى أخبار عنة !

قال لة شمروخيل بسرعة : طب أخر سؤال..لو سمحت خستك ووضاعة منشأك.. تقوللى أسمة أية وكان مكان خدمتة فين ؟؟

رد : أسمة أية؟؟..أسمة أية؟..أهو..أيوة..أسمة حونشائيل أبن الجن الخطاف...وكان بيخدم فى منطقة شبرا مصر بالعاصمة..القاهرة

التفت لى شمروخيل وهو يبتسم أبتسامة الظفر والنصر ..ثم ودع هذا الشيطان العجوز وخرجنا طيران عالقاهرة...وبعد أن وصلنا للشارع اللى فيها شقتى حتى نظرت لشوشو وقلت لة: من الاخر كده..عايز أعرف كل حاجة

رد قائلاً : طبعاً..طبعاً....أسمعنى كويس ياصياد...وأمسك أعصابك من الكلام اللى هتسمعه



الحل
_____
تكلم شمروخيل قائلاً : أنا لما شفت شبيهك دة...أتلخبطت فى الاول وكنت ذى الضايع...وبعد لما عرفت منك أن حتى جسمة نفس تفاصيل جسمك...زادت الحيرة..وبقت الحكاية مضلمة خالص فى عقلى ولما أتأكدنا أننا كمان نزلنا للارض بعد أنتحارك..أتعقدت أكتر وضلمت أكتر....يعنى مافيش شك واحد فى المليون أن الشبية دة مش أنت قبل الانتحار...ولكن أبتدى النور يظهر فى طريق الالغاز دى لما عرفت موضوع الاكل اللى مش ممكن البنى أدمين ياكلوة..ولا حتى المجانين منهم....وجاتلى فكرة عن حدثة حصلت أكتر من مرة ..فى عصور مختلفة..فحبيت أتأكد منها الاول..وكان مشوار الدفترخانة وهناك ذى ماسمعت ...عرفت اللى عايز أتأكد منة....
قلت لة بلهفة : أيه هو ده..كفايه الغاز وكلام مبهم كده؟؟

رد بصوت هادىء وخرجت الكلمات من بين شفتيه ببطىء رهيب قائلاً :بص ياصياد...الاكل اللى لقيته فوق مش بتاع بنى أدمين...يعنى مستحيل أنسان يأكل منه...ذى مانت بتقول...صح؟

قلت له :صح

رد: والانسان اللى شفناه عندك هو هو أنت بكل تفصيل جسمك كمان ..صح؟

قلت لة بسرعة .: صح..الصح

رد قائلاً : الشيطان اللى أختفى من خدمتة كان من حوالى أسبوعين...صح ؟

قلت :ذى ماسمعنا...صح

رد: ومكان خدمة الشيطان دة هى هى مكان سكنك ياصياد....صح؟

قلت فى ضيق: صح..صح..صح

رد بقوة وبطىء : ولما سمعنا الشبية دة وأنا قلتلك أن مستحيل أى أنسان يشفنا أو حتى يسمعنا...صح؟

صرخت فية : أيوة ياعم شمروخيل...صح

وأخيراً القى على بقنبلتة الشنيعة فى وجهى قائلاً : معنى كل كلامى دة أية؟؟

قلت لة : ..أوعى تقول أنة......لا...لامش ممكن..مستحيل يكون كدة..مستحيل!!!

رد : لا..ياحبيبى..أنا فى الاول قلتلك أن الموضوع بتاعك دة...حصل قبل كدة..وفى عصور وأزمنة مختلفة...يعنى مش مستحيل ولا حاجة

قلت لة وأنا غير مصدق وكأننى بحلم : قصدك تقول أن شبيهى دة....

رد مكملاً كلامى: أيوة...شبيهك دة...شيطان......شيطان من الخدام اللى هنا

قلت لة وأنا بين اليقظة والاغماء : طب هو لية عمل كدة..وتقمص شخصيتى؟؟

قال شمروخيل النحس : دة مش متقمص شخصيتك بس...دة لبس قميصك الجسدى...دخل جوة جسدك ..أحتلها بالقوة

أصبحت لا أقوى على الوقوف من هول تلك الصواعق التى يقزفها على هذا المتعوس شمروخيل
فجلست على رصيف الشارع ثم قلت لة: طب أذاى؟..أذاى حصل كدة؟؟

رد شارحاً : من دراستى الجامعية وخبرة العصور وبعد تدوير الحوادث المشابهة لنفس حدثتك دى فى نافوخى...أقدر أقولك بكل ثقة هو عمل أية معاك وأذاى عمل كدة وكمان هدفة كان أية...تخيل معايا ياصياد...

أن الخادم دة زهق وتعب من شغلتة ودى بتحصل عندنا وحب يغير طريقة ونمط حياتة وكمان حب حياة البشر...فدرس كل الناس اللى فى نطاق خدمتة..لحد ماوجد شخص فية كل الشروط المطلوبة علشان يتقمصة...
واحد مقطوع من شجرة عرجة ذى مانت بتقول..يعنى لا أهل ولا أسرة ولا حتى أصدقاء..واحد فى حالة..غريب...غامض...منطوى على نفسة...وكمان أيمانة أصبح ضعيف وهش جداً من الظروف اللى عايش فيها...فحاول يخش جسدك دة...ويعيش فية ..فمعرفش.لان روحك كانت أقوى منة....فحاول أنة يخليك تنتحر ووسوس أكيد كتيرليك بفكرة الانتحار... وكنت أنت كل مرة وفى أخر لحظة ترجع عن الانتحار...لحد ما أستولى على أفكارك..وعلى حتى الارادة اللى جواك..وعملك حاجة ذى التنويم المغناطيسى اللى معروف عندكم هنا عالارض...وهيئلك كل الظروف لحد ما ..هب شربك بأيديك أنت السم ...وبعد ما خرجت روحك اللى أنا بكلمها دلوقتى ...سحبك وأنت مش شايفة لحد طريق جهنم..ولحد بابها كمان






قلت له وأنا قربت على الجنون: طب والصوت اللى سمعته على باب جهنم ...بتاع مين؟

رد ببساطة: طبعاً صوته هو

قلت له : طب لما دخلتلك ..أقصد لما رمانى جوه جهنم ودخلتلك أنت عرفت أسمى وحكاية أنتحارى أذاى بقى؟

رد: من وظايف أى خادم عالارض أنه ساعة لما حد من الناس اللى فى منطقة خدمته يموت ..ويعرف أن اللى مات ده طريقه عندنا..بيبعت أشارة بكده..وطبعاً فيها أسمه وظروف موته يعنى مات فى حادثة أو موت طبيعى أو أنتحر ذى مابعت عنك بالظبط

شهقت بقوة وأنا غير مصدق تلك الكوارث التى تخرج من بين شفتى شمروخيل ثم قلت لة :يعنى هو اللى بعت الرسالة ليك؟

قال: طبعاً..بحكم خدمتة فى نفس منطقة سكنك...وطبعاً علشان أنت تعتبر مخطوفة روحة ..أقصد مطرودة روحة من جسدة ...غصب عنة...بيكون حالتك دى حالة بنى أدم مقتول أو منصوب علية ومش أنتحار...علشان كدة ماجاش دوسيهك لابليس...ولا حتى أى ورقة

قلت لة فى قوة وغيظ مكبوت : وطبعاً الخسيس دة من ساعتها وهو مرحرح فى جسمى ومرحرح فى بيتى وسرق حتى أسمى

رد : طبعاً...أخد كل حاجة تخصك ياصياد

جلس شمروخيل جوارى ثم أكمل قائلاً: وطبعاً لما أستولى على جسمك وأحتل مكانك...أختفت كل شىء عن الخادم اللى هنا وأصبح مفقود أو هربان..وكان مستحيل يعرفوا أنة جوة جسد أنسان تانى...لانة بقى لوحدة جوة جسدك..فمحصلش أى حاجة غير طبيعية من الصياد...هى حاجة واحدة اللى خلتنى أشك فية

قلتلة : عارف...حكاية الثلاجة والاكل اللى جواها

رد : أيوة...وكمان موضوع أن أنسان يسمعنا...أو حتى يشعر بينا

قلت لة وأنا كالغريق : طب دلوقتى أية العمل؟؟...هقدر أرجع لجسمى تانى ...طبعاً دة لو عرفنا نخرجة منها الاول ..والا ....؟

لم أستطع أن أكمل والا...نظر لى شمروخيل وهو يربت على أكتافى قائلاً : طبعاً ممكن..وهو دة اللى لازم يحصل

قلت لة : أذاى؟...أذاى هنقدر نقنعة بخروجة من جسمى؟؟

رد بقوة وهو يقف قائلاً : اللى ذى جنس ونوع الشيطان الخطاف دة ماينفعش معاة الاقناع ولا المنطق...مافيش غير حل واحد...واحد بس

__________________






و غدا مع جديد الاحداث

محبتي

الصياد

[مدحت الصياد]

كابوس أم حقيقة


____________


صمت شمروخيل قليلاً ثم أكمل : مافيش غير طريقة عزازيل

قلت لة متسائلاً : أى طريقة دى..ومال عزازيل ومال الموضوع دة؟

رد وهو يذهب ناحية شقتى وأنا خلفة :أنت كدة نسيت بسرعة...نفس اللى عملناه مع عزازيل

أنبهرت بشدة قائلاً : أيه...أنت قاصدك أطرده بأسم رب المجد يسوع المسيح

قال : مش مكتوب فى العهد الجديد...<حتى الشياطين تخضع لنا بأسمك>....وكمان الشيطان ده من قبيلة بعلزبول ....ودي من أكتر القبائل اللى تعبهم ووقف حالهم أسم الرب

وفعلاً تقدمنا من باب شقتى ودخلنا وهنا...وجدنا هذا الشيطان واقف كأنه منتظرنا...واقف فى منتصف الصاله ...تقدم منه شمروخيل قائلاً له : عامل أيه ياحونشائيل فى بيتك الجديد..وهيئتك الجديدة...وكله جديد فى جديد...

زمجر هذا الحونشائيل فى وجه شوشو وكأنه حيوان مصعور...وعندما أصبح شوشو وجهاً لوجه مع هذا المصعور ...حتى وجدت شمروخيل ينقض عليه ويمسك به ...ويطرحه أرضاً....جالساً فوقه..ولكن هذا الشيطان كان قوى جداً...لدرجة أنه أطاح بشوشو الذى أرتطم جسده بالحائط من قوة هذه الدفعه الشيطانية....والتفت لى واقفاً ..مقترباً منى وأنا كالطفل...أمام بعبع رهيب..ظهر لة فى الظلام ...مع أن هيئتة وشكلة لانسان عادى وضعيف كمان اللى هو أنا...وأنا هذا الجبان فى شكل وهيئة شيطانية رهيبة تسقط من بشاعتها أقوى القلوب..ومن يشاهد تلك الصورة لا يصدق...أنسان ضعيف الجسد يهجم ببطىء وثقة وأيضاً تلذذ على شيطان رهيب يفوقة حجماً ثلاث مرات على الاقل...وعندما أصبح أقرب ما يكون منى حتى أستجمعت شجاعتى وتذكرت ما تسبب فية هذا الشيطان من لخبطة حياتى وقذفى فى قلب جهنم...وكيف أنة أهدانى تذكرة لجهنم و كنت سأضيع للابد فى أحد الساحات أو أضيع متشرداً أشحذ فى شوارع الحياة البرزخية....كل هذا جعلنى أنفجر أنفجار رهيب فى وجة هذا المنحوس الذى وقف أمامى ...أنطلقت يداى بلا تفكير وبقوة الغضب والقهر من هذا الشيطان اللص أضرب وجهة ..الذى هو فى حقيقتة وجهى...ضربات متتالية ولوى الذراع مع الحمل على الاكتاف مع الدوران بة ..وهب أطحت بة أرضاً وهاتك ياضرب فى نافوخة وهو مع كل هذا يضحك..بل ويقهقة...لم أفيق من غضبى الامع صراخ شمروخيل الساقط بجوار باب الشقة : كفاية ضرب ياصياد أنت كدة هتأذى جسمك..هو مش حاسس بأى حاجة من كل ده...أنهى الموضوع...خطة عزازيل

وفعلاً أفقت من دور المصارعة الحرة اللى كنت فيها...وأنطلق لسانى وقبلها قلبى يطلب من هذا الشيطان الخروج بأسم رب الجنود....

أستمر هذا الغبى يتلوى كالحية مرة... وأخرى كالمجنون حتى بدء الاستسلام...وعندما طلب منى أن يخرج من عين الصياد...حتى صرخ شمروخيل: أوعى تسمحلة بكدة...دة عايز يخزق عينيك..لو خرج منهم

قلت لة : أخرج من صباع رجلى اليمين..الصباع الصغير

ولكنة كان ذو نفس طويل.....وهات أخد ورد معايا..ومداولات ومناورات..لحد ماسلم..وفعلاً خرج وهو يصرخ.....
رأيت هيئة هذا الشيطان الخسيس ..وهو يحلق ويخترق سقف شقتى....هيئة بشعة....تفننت أنامل جهنم فى رسم

أبشع صورة لهذا الشيطان

تقدم منى شمروخيل وهو يقول: خلاص ياصياد مشورنا أنتهى مع بعض

قلت لة فى حزن: معلش بقى ...أشوف وشك بخير....أقصد بشر

نهرنى شمروخيل بقوة: لا..لالاياصياد أنا مش عايز أشوف وشك تانى..مش عايزك ياصاحبى أشوفك فى

جهنم تانى أبداً..دة كان درس لازم تتعلم منة...ويكون أيمانك بربك أقوى وأعمق من كدة

قلت لة : اللى عايز أعرفة....أنت بتتكلم معايا من أول ماشفتك كلام ناس حكيمة ومؤمنة ..بصراحة مش عارف أذاى أنت شيطان..وحافظ الكتاب؟؟

رد وهو يضحك: طب ماهو أبليس ممكن يوعظ ولا أحلى وأقوى واعظ..وبردة حافظ الكتاب....بس مش المهم الكلام...المهم الافعال والايمان

قلت لة : طب أنا دلوقتى هدخل جسمى أذاى ؟

رد بسرعة قائلاً : قرب من جسمك وأقف فوقة

وفعلت مثلما قال

رد قائلاً : أيوة كدة

وفى لمحة خاطفة...ضربنى هذا الشمروخيل على أم رأسى بقوة ...لم أحس بعدها بالدنيا من حولى

[مدحت الصياد]

وجاء صباح جديد...وفتحت عيناى..لاجد نفسى نائم فوق فراشى ...جلست أكثر من ساعة لا أستطيع أن أفكر فى شىء وأن

أحاول أن أتذكر كل ما مر بى...أكيد كل دة كان حلم...لا..دة كان كابوس رهيب

أشكرك ياربى يسوع على أنة كان كابوس...وخرجت منة بسلام

رن جرس التليفون ..فأسرعت بالرد...وكان على الخط الاخر زميل العمل مجدى..الذى ما أن سمع صوتى حتى قال: أيه ياعم الصياد...أنت مش ناوى تيجى المكتب النهارده كمان والا أيه حكايتك؟..أنت لسه عيان؟؟

قلت له : مش عارف... أه..طب..حاضر..حاضر ..أنا هلبس ونازل عالطول...


قمت من فوق فراشى وذهبت للحمام وبعد أن أغتسلت...دخلت مطبخى..أبحث عن زجاجة ماء لاشرب...وفتحت

الثلاجة...وعندما هممت أن أمد يدى لزجاجة الماء...وقع نظرى لبقايا لحم مشوى فى أعلى رف ...وبجوارها..رأس


رأس لكلب مرسوم فوق وجهة أشنع أيات الرعب والفزع

تمت بنعمة الرب

وغداً مع أحداث جديدة

عفواً

وغداً مع قصة جديدة

أذا أردتم

محبتى و الي لقاء أخر

الصياد

[شيم]

الله يعطيك العافية اخي العزيز وأنا عن نفسي أحببت طريقتك الجميلة في الكتابة وأتمنى أن تضيف لنا المزيد من قصصك ورواياتك..
ما بعرف إذا الأخوة الباقين بيوافقوني بهالحديث..

صلواتك

[Georgette Serhan]

وأنا أيضا'' أحببت أسلوبك في الكتابة أخ صياد
بارك ألله تعبك
في انتظار الجديد
محبة ألله تضللك وتكون معك

[Muna]

...Its Really nice story Keep on

.Waiting more from you my brother
May the Lord bless you
Muna

[Mayda]

يعني من أكثر القصص التي شدتني للقراءة في حياتي هي هالقصة! وبصراحة زعلت كتير لأن القصة انتهت!! بس عم واسي حالي لقصة جديدة من عندك.

صلواتك

[Mayda]

وينك يا أخونا الصياد؟

اشتقنا لكتاباتك

:sm-ool-02:

[Maximos]

معك حق مايدا ..

وينك يا صياد القلوب ؟؟ .. اشتقنا .. ما على أساس :


وغداً مع قصة جديدة

أذا أردتم

محبتى و الي لقاء أخر

الصياد

اخي نحنا أردنا .. و أردنا مزبوط يعني .. بس انتا وينك ؟؟ !!!!!

[Georgette Serhan]

مضبوط خينا مدحت
بعدنا ناطرين قصصك الحلوة المتميزة بالاسلوب الضاحك
وهيدا اسلوب كتير فريد