ما هو الشيء الموجود في صندوق المنتدى؟؟؟؟؟

[Georgette Serhan]

ما هو الشيء الموجود في صندوق المنتدى؟؟؟


إخوتي الأحبّة هذه اللعبة معروفة ومشهورة ولكن سنحاول توظيفها هنا بشكل مسلّي ومفيد ,
وملخّص الفكرة إنّنا سنجعل لدينا صندوق للمنتدى وسنضع شيْء داخل هذا الصندوق والمطلوب من الأعضاء توجيه أسئلة للعضو الذي وضع هذا الشيء في الصندوق للتوصّل لمعرفته من خلال الأسئلة .
وقد يكون هذا الشيء الذي نضعه مادياً أو معنوياً وحتى أشخاص تاريخيين أو مشاهير أو كتب مشهورة إلخ...
ويقوم الذي وضع الشيء بتعريف بسيط ومختصر لهذا الشيء قبل بدء الأعضاء بتوجيه الأسئلة


وحتى نضبط العمليّة سنضع شروط للعبة
1- يتم طرح الأسئلة من قبل الأعضاء لمعرفة هذا الشيء


2- لا يحق للعضو أن يعطي جواب مباشر قبل أن يوجّه ثلاث أسئلة على الأقل. وأي إجابة مباشرة قبل توجيه ثلاث أسئلة ستحذف


3- العضو الذي وضع الشيء داخل الصندوق هو فقط المخوّل بالرد على الأسئلة


4- يمكن للأعضاء طرح الأسئلة حتى في حال عدم تواجد العضو صاحب السؤال حيث يمكنه عند دخوله الإجابة على جميع الأسئلة الموجودة


5- العضو الذي يتمكّن من معرفة هذا الشيء هو الذي يضع شيئاً جديداً في الصندوق


سأبدأ بوضع أول شيئ في الصندوق
وهو كتاب مشهور جدا''
هيا لنبدأ بوضع الأسئلة


مع أرق التحيات


http://www.orthodoxonline.org/forum/img-content/imgcache/2009/12/20.gif

[wafaa elias]

حلوة كتير الفكرة وبتشجع على البحث.:smilie (107)::smilie (106):


هل بامكاني طرح الاسئلة دفعة واحدة؟

هل الكتاب ديني؟

[شيم]

الفكرة حلوة كتير ذكرتني بلعبة للأطفال عن أشخاص الون صور وواحد بيختار شخص والتاني بيسأل عن صفاتو وهيك بيحصرو الاحتمالات شوي شوي حتى يعرفو الجواب بس
لازم تجاوبي عالأسئلة اول بأول يا اخت جورجيت لنقدر نسأل سؤال تاني

[Beshara]

:sm-ool-17::sm-ool-17::sm-ool-17::sm-ool-17::sm-ool-17::sm-ool-17::sm-ool-17::sm-ool-17::sm-ool-17::sm-ool-17::sm-ool-17::sm-ool-17::sm-ool-17:
1- هل الكتاب حديث الاصدار؟؟
2- هل الكتاب لشخص علماني أو اكليركي؟
3-هل الكتاب موجود بمكتبة الموقع ؟؟؟
* اذا في مجال للمساعدة اعطينا أول خمس أحرف من اسم الكتاب:sm-ool-18::sm-ool-18::sm-ool-18:

[Georgette Serhan]

هل الكتاب ديني؟


نعم ديني
وفاء
شيم انت ما سألتي لازم تحطي سؤال متل الباقيين
بشارة الشروط واضحة بحقلك ب 3 اسئلة بس مش مع بعضهم
راح جاوب عا اول سؤال


هل الكتاب حديث الاصدار؟؟

لا الكتاب ليس حديث الاصدار

[Beshara]

الشروط ما بتذكر انو يكونوا الاسئلة مع بعض اولا... على كل سؤالي التالي هو
هل الكتاب موجود بمكتبة الموقع ؟؟؟
شو منشان المساعدة ، ما رح تعطينا راس الخيط ؟؟؟

[Georgette Serhan]

الشروط ما بتذكر انو يكونوا الاسئلة مع بعض اولا... على كل سؤالي التالي هو
هل الكتاب موجود بمكتبة الموقع ؟؟؟
شو منشان المساعدة ، ما رح تعطينا راس الخيط ؟؟؟




بالنسبة للاسئلة مش مشكلة يكونو مع بعض
بس كل مرة منجاوب عاسؤال واحد لكل شخص
اما بالنسبة لجواب السؤال ايه موجود بمكتبة الموقع وتحديدا'' بالمكتبة الاورتوذوكسية
وبعدين تعا لهون ليش مستعجل بدك شي 5 احرف من اسم الكتاب
لازم اول شي تسأل لما تصعب عليك فيك تستعين بصديق
صلواتك

[شيم]

شيم انت ما سألتي لازم تحطي سؤال متل الباقيين

انا ما كنت رح اعرف عن شو بدي اسأل اذا انت ما جاوبت لازم يكون عندي قاعدة استندعليها لاقدر اسأل بما اني ما كنت صاحبة اول سؤال

عكل حال سؤالي هوي

ما الموضوع الذي يتحدث الكتاب؟

[Georgette Serhan]

ما الموضوع الذي يتحدث الكتاب؟


موضوع الكتاب ديني صرف

صلواتك أخت شيم

[لما]

بعد الشكر والدعاء انو الرب يعطيك العافية عالفكرة الحلوة
رح اسالك ::

عنوان الكتاب ( اسمو ) من كم كلمة مؤلف ؟؟؟؟ 2 ......؟؟؟؟ 3.......؟

[Georgette Serhan]

عنوان الكتاب ( اسمو ) من كم كلمة مؤلف ؟؟؟؟ 2 ......؟؟؟؟ 3.......؟


العنوان من كلمتين

http://www.orthodoxonline.org/forum/img-content/imgcache/2009/12/12.gif

[Beshara]

ممممممممممممم:sm-ool-17::sm-ool-17:
طيب ، مؤلف الكتاب شخص علماني أم من الاإكليروس ؟؟؟؟

[Georgette Serhan]

طيب ، مؤلف الكتاب شخص علماني أم من الاإكليروس ؟؟؟؟



من الاكليروس

[Salwa]

شكرا اختي جورجيت على الفكرة الرائعة الرب يبارك تعبك

أما بالنسبة للسؤال:

موضوع الكتاب ديني بس شو طبيعة الموضوع، يعني هل الموضوع عن محاربة الأهواء مثلاً أو عن تفسير شي لاهوتي أو ... ؟

[wafaa elias]

طيب المؤلف الاكليروسي عربي أو مترجم الكتاب للعربي؟

[Georgette Serhan]

موضوع الكتاب ديني بس شو طبيعة الموضوع، يعني هل الموضوع عن محاربة الأهواء مثلاً أو عن تفسير شي لاهوتي أو ... ؟


الكتاب هوي لاهوتي ويتحدث عن كل شيئ




طيب المؤلف الاكليروسي عربي أو مترجم الكتاب للعربي؟


لا المؤلف مش عربي
وما فينا نقول انو مؤلف بل هو ناقل
وعا فكرة راح اعطيكم اول خيط
للكتاب اكتر من ناقل
وترجم إلى كل لغات العالم


وفاء وسلوى شكرا'' عا مروركم
شدوا الهمة قربتو شوي
وعا فكرة ممنوع حدا يحط جواب اذا بيعرفو قبل ما يكون سأل 3 اسئلة

[Paraskivy]

أختي جورجيت يمكن الجواب صار معروف بالنسبة لالي
ومارح جاوب الا بعد ما تجاوبني على اسئلتي
1- الكتاب بيحكي عن البشارة ؟
2- موجود فيو عدة مواضيع ؟
3 - طبيعة المواضيع طبعا ما االقصد دينية عن شو بتحكي ؟

[Georgette Serhan]

سلام المسيح أخت باراسكيڤي
ينعاد عليكي يا راب وتكون سنة خير وبركة




ومارح جاوب الا بعد ما تجاوبني على اسئلتي

المسألة وما فيها انو ما فيي جاوب كل مرة الا عاسؤال واحد لكل عضو
منشان نفسح المجال لاكبر عدد ممكن من المشاركات
وهيك انت مش مضطرة هلق ترجعي تحطي الاسئلة مرت تانية
انا راح جاوب علين من بعد مشاركات الاخوة وكل مره راح جاوب عا سؤال




- الكتاب بيحكي عن البشارة ؟



ايوه الكتاب بيحكي عن البشارة

[Paraskivy]

اوكي أختي جورجيت خدي وقتك وراحتك
وبتوقع الاخوة قربوا ليعرفوا الجواب الصحيح
فيلا يا شباب شدو الهمة

[Paraskivy]

شو وين الاسئلة يا اخوة ؟؟؟؟
أختي جورجيت عطينا شي معلومة من عندك بركي الاخوة بيرجعوا بيتحمسوا

[Georgette Serhan]

متل ما قلنا الكتاب ديني بامتياز
بيحكي عن آلبشارة
مواضيعو شاملة وبتغطي كل حياتنا
وهوي كتاب منقول مش مؤلَّف
يعني بيحكي قصة حياة و تضحية وفداء
ونمط عيش متكامل
بعلمنا كيفية العيش بسلام و محبة وتسامح
نُقل بواسطة اربع أشخاص
تُرجم إلى كل لغات العالم
ناقليه هم من الاكليروس الغير عرب
بعتقد بعد كل هيدا عيب انو ما نلاقي حدا يعرفو
شكرا'' أخت باراسكيفي على مشاركتك
الهيئة الشباب والصبايا او زهقوا ا ما عرفوا
شدوا همتكن صار في عندكن كتير معلومات
أخ بشارة ما عاد عندك حجة اليوم عطيتك 3/4 الخيط

[Paraskivy]

ههههههههههههههههههههههه بينت أختي جورجيت أنا بفضل تقوليلنا الجواب انتي
لانوا أسهل منو مافي

[Georgette Serhan]

أخت باراسكيفي هينة انا حط الجواب
بس شروط المسبقة هيي انو احد الاعضاء هوي يعرف
لانو من حقو بعدين هوي يشآرك ويحط شغلة بالصندوق وكمان ياخذ حقو
بالاجابة والمشاركة
صلواتك

[Georgette Serhan]

شو القصة شباب وصبايا
العيد خلص وتنعاد عليكم يا رب
ما عاد عندكن حجة مين راح يعرف الجواب بالاول
ويحطلنا مسابقة جديدة؟
نحنا ناطرينكم بس يعني هموها شوي
في مهلة لكل شي بهالحياة
الحركه بركة

[Paraskivy]

طيب أختي جورجيت انا رح جاوب
الشي الموجود في الصندوق
هو الكتاب المقدس
صلواتك

[Georgette Serhan]

ايوه أختي باراسكيفي مضبوط
وهلق صار الدور عندك لانك ربحتي
تفضلي استلمي الصندوق
صلواتك

[Beshara]

مبروك باراسكيفي:sm-ool-08: ، سبقتينا ،بس الكتاب هو العهد الجديد مو الكتاب المقدّس .
على كلّ إذا ممكن كمان تعطينا راس الخيط بالنسبة لسؤالك القادم :sm-ool-26:

[Paraskivy]

أخ بشارة عطيتكون خيوط بسؤالي التاني وهو موجود على هلرابط
الموضوع ماهو الكتاب الموجود بالصندوق
http://vb.theorthodoxy.org/showthread.php?p=53134#post53134
صلواتك والرب يبارك فيك

[wafaa elias]

برافو أخت باراسكيڤي.

سبقتيني وربحتي بجدارة وهلق ناطرين شو رايحة تحطيلنا بالصندوق؟

[Georgette Serhan]

أخت وفاء سلام المسيح
انحطت مسابقة جديدة بالقسم
واللي حطتها الأخت باراسكيفي اسمها هالمرة
ما هو الكتاب الموجود في الصندوق
منتمنى تشاركينا باسئلتك في هذا الموضوع


http://www.orthodoxonline.org/forum/showthread.php?t=9979

صلواتك