قصة ليلى والذئب ....... كما يرويها حفيد الذئب

[karen]

كان جدي ذئبا لطيفا طيبا, وكان جدي لا يحب الافتراس وأكل اللحوم ولذا قرر أن يكون نباتيا ويقتات على أكل الخضار والأعشاب فقط ويترك أكل اللحوم….
وكانت تعيش في الغابة فتاة شريرة تسكن مع جدتها تدعى ليلى…. ليلى هذه كانت تخرج كل يوم إلى الغابة وتعيث فسادا في الغابة وتقتلع الزهور وتدمر الحشائش التي كان جدي يقتات عليها ويتغذى منها, و تخرب المظهر الجميل للغابة, وكان جدي يحاول أن يكلمها مرارا وتكرارا لكي لا تعود لهذا الفعل مجددا, ولكن ليلى الشريرة لم تكن تسمع إليه وبقيت تدوس الحشائش وتقتلع الزهور من الغابة كل يوم, وبعد ان يأس جدي من اقناع ليلى بعدم فعل ذلك مرة أخرى قرر ان يزور جدتها في منزلها لكي يكلمها ويخبرها بما تفعله ليلى الشريرة.
وعندما ذهب إلى منزل الجدة وطرق الباب, فتحت الجدة الباب, فرأت جدي الذئب, وكانت جدة ليلى ايضا شريرة, فبادرت إلى عصا لديها في المنزل وهجمت على جدي دون ان يتفوه بأي كلمة, او يفعل لها اي شيء, وعندما هجمت الجدة العجوز على جدي الذئب الطيب من هول الخوف والرعب الذي انتابه ودفاعا عن نفسه دفعها بعيدا" عنه, فسقطت الجدة على الأرض وارتطم رأسها بالسرير, وماتت جدة ليلى الشريرة.
عندما شاهد ذلك جدي الذئب الطيب, حزن حزنا شديدا و تأثر وبكى وحار بما يفعل, وصار يفكر بالطفلة ليلى كيف ستعيش بدون جدتها وكم ستحزن وكم ستبكي وصار قلبه يتقطع حزنا و ألما لما حدث...
ففكر بالأخير أن يخفي جثة الجدة العجوز, ويأخذ ملابسها ويتنكر بزي جدة ليلى لكي يوهم ليلى بأنه جدتها, ويحاول ان يطبطب عليها ويعوض لها حنان جدتها الذي فقدته نتيجة وفاة جدتها بالخطأ, وعندما عادت ليلى من الغابة ووصلت للمنزل, ذهب جدي واستلقى على السرير متنكرا بزي الجدة العجوز.
ولكن ليلى الشريرة لاحظت ان انف جدتها و أذناها كبيرتان على غير العادة وعيناها كعيني جدي الذئب, فاكتشفت تنكر جدي, وفتحت الباب وخرجت ليلى الشريرة...
منذ ذلك الحين وإلى الآن وهي تشيع في الغابة وبين الناس ان جدي الطيب هو شرير وقد اكل جدتها وحاول ان يأكلها أيضا

[Maximos]

يا حرااااااااااااااااام هالذئب شو مسكين .. :sm-ool-11:
و يا حرااااااااااااام شو طلعنا ظالمينو ..:sm-ool-11:

هههههههههههه


على فكرة .. هيّ بتذكرني بأغلب قصص الحب ( أو الصداقة ) لما بتفشل .. كل ما سمعتها من واحد من الطرفين بيصير بدك تتطلع ورا ضهرو بلكي بتشوف الجوانح الملائكية .. و طبعاً الطرف التاني بيطلع شيطان بهيئة بني آدم .. :smilie_ (23):

[لما]

ههههههههههههههههههههههههه هههه

بيقولوا صفي النية ونام بالبرية :sm-ool-09: ههههههههههههه

معقول قصدهم انو يمكن تتصادف مع هالذئب الحنون ويساعدك؟؟؟؟؟؟؟ :sm-ool-06:

اخي مكسيموس معك حق بالنسبة للجوانح الملائكية :sm-ool-11:.... بس السؤال المطروح ليش دايما الانسان بكل مشاكلو بيفكر حالو انو هو المظلوم وغيرو الظالم :sm-ool-26: ؟؟؟؟؟؟؟؟

[شيم]

ليش دايما الانسان بكل مشاكلو بيفكر حالو انو هو المظلوم وغيرو الظالم

رغبة منه في تمجيد الألم الذي يكسبه أهمية في نظر نفسه عندما يظن أنه هو محور اهتمام الكون وبحزنه وألمه يلفت الانتباه إليه..

في أغنية لميادة بسيليس اسمها (يا غالي) فيها مقطع بيقول:


كل شي صاير قاسي ناقصنا حنان ضيعان هالعمر يروح هيك يا ضيعان..

وبعدين بتكفي:


لا عين تشوف ولا قلب يحزن.. خلينا نعيش بلا زعل أحسن..

لأن الناس ينقصها الحنان لذلك تراها تركض على سبب تستثير فيه شفقة الآخرين لتسد هذه الحاجة

ما تواخذينا أختي كارن قلبنالك القصة مقت..
صلواتكم

[George B]

نظرة جديدة للحقائق واعادة لكتابة التاريخ الاصطوري

وجهة نظر ذئباوية :sm-ool-29::sm-ool-29::sm-ool-29: يعني يا جماعة اذا الواحد بدو يحكم على اثنان لاذم يسمع حجة الطرفين حتى يكون في عدالة .....
والان انا محتار اصدق مين من بين الروايتين ليلى ام الذئب ( معضلة صعبة ) Hahaha.

شكراً اخت karen قصة طريفة .:sm-ool-30:

[Georgette Serhan]

بس السؤال المطروح ليش دايما الانسان بكل مشاكلو بيفكر حالو انو هو المظلوم وغيرو الظالم ؟؟؟؟؟؟؟؟


عاطول اختي لما بتلاقي المظلوم ساكت والظالم هوي اللي عم يحكي ويبرر
من هون بتعرفي مين الظالم ومين المظلوم http://www.orthodoxonline.org/forum/img-content/imgcache/2010/05/4.gif



هلق حسب قصتك يا كارن طلع الذئب طيب وابن حلال وليلى وستها العاطلين
يعني بحرفين فينا نقلب الامور لصالحنا وساعة اللي بدنا
كل اللي بيلزمنا شوية اعلام ودعاية وناس تدعم



لأن الناس ينقصها الحنان لذلك تراها تركض على سبب تستثير فيه شفقة الآخرين لتسد هذه الحاجة


هاي معك حق فيها اختي شيم وما اكثرهم

وجهة نظر ذئباوية يعني يا جماعة اذا الواحد بدو يحكم على اثنان لاذم يسمع حجة الطرفين حتى يكون في عدالة


معك حق خيي جورج لانو العدالة تاتكون صحيحة لازم نسمع الاتنين وقدام بعضن
يعني لازم نواجههم ببعض تا نقدر نستخلص الحقيقة :sm-ool-20:



والان انا محتار اصدق مين من بين الروايتين ليلى ام الذئب ( معضلة صعبة ) Hahaha.


صدق قللي بحبها قلبك وبتقتنع فيها
يعني اذا حبيت ليلى فيك تصدق قصتها واذا كنت ميال للذيب فيك تصدق قصته
يعني انت فيك تحط النهاية اللي بدك اياها متل الافلام العربي http://www.orthodoxonline.org/forum/img-content/imgcache/2010/05/5.gif
بيتركولك هيي انت تقدرها
شكرا كارن عالقصه الحلوة بس انت مع مين فيهن
مع قصة ليلى او مع قصة الحفيد الغىيور http://www.orthodoxonline.org/forum/img-content/imgcache/2010/05/6.gif
صلواتك

[Seham Haddad]

قبل شوي عم اقرا بموضوع
وفي كلمه عجبتني " الكذبُ هو مثل الحِرْباءةِ التي تظهرُ بألوانٍ مختلفة.

وهاي القصه مناسبه للكلمات
يعني المعروف قصه ليلى والذئب
وهلا طلع لينا قصه الذئب المسكين
والله اعلم شو رح يطلع يمكن قصه جده ليلي التي سئمت من الحياه
بفكر اعمل للجده قصه حرام :sm-ool-17::sm-ool-17::sm-ool-17:
لازم الناس تعرف قصتها
:sm-ool-29::sm-ool-29::sm-ool-29:



:sm-ool-17:

[Seham Haddad]

شوفو ليلى والذئب باللهجة الاردنية
في بيت من بيوت قرى الكرك في الاردن طلب الولد من امه تقله قصة قبل لا ينام والام حبت تحكيله قصة ليلى والذئب ومن هون بدت الام تحكي في القصة
كان يا ما كان في قديم الزمان :
كانت ليلى بتتبرطع مع الغنم في الوطاة ورا الدار لمّا سمعت أمها في
الحوش بتنادي عليها: "ليلاااا! تعي جاي!"
====(ليليhttp://www.orthodoxonline.org/forum/images/smilies/36_1_40.gif )
أجت ليلى وقالت ليها: "ويش أدّك يمّا؟"
قالت أمها: "خذي هاللّبنات وديهن لجدّتكي تمرسهن عشان ودنا نطبخ منسف
بكرى"
ردّت ليلى: "حاظر يمّا".
أخذت ليلى اللّبنات بالسّلة وبدت تمشي وهيّه تهيجن, ومافي شوي ولا ّ ليلى
بتسمع صوت بقول ليها: "قوكي ياخيّة!" وصارت ليلا تخرخط من الخوف
===(المجرمhttp://www.orthodoxonline.org/forum/images/smilies/36_6_2.gif )
اتطلّعت وقالت: "قويت, بس منو إنت؟"
قال ليها: "أنا, ويش أدكي فيّي, وين موجها؟"
قالت ليه: "عند جدّتي"
فكّر شوي و قال ليها: "هانا اقرب ليكي من الطريق تبعتكي, شو رايكي تيجي
من هانا معاي؟"
قالتله: " روح يا رجل فكني من شرك و امشي من قدامي احسن لأصمتك بزعموط
اللبن أجيبك أرض"
قاللها: "يا بنت الأوادم, هاي الطريق بتوصّل اسرع لجدتكي, ردي عليّ
وخلينا نطيح من هان أقرب لينا"
قالتله: "اسمع ترى منا شايفه الظو , إقلب وجهك!"
ولمّا شاف التشلب انّو ليلى معيّه ترد عليه راح ركاض من طريق قريبة و
سبق
ليلى
على بيت الجدّة.
وصل البيت ودفش الباب بإجره ودخل, قالت الجدّة (بخوف واستغراب): "منو
هاظا؟!"
لفّت وجهّا و لمّا شافت التشلب, قالت ليه: "البين يطسّك خرّعتني, وشّو
اللّي جابك يا مسخّم؟"
قاللها التشلب: "مالك انطبزتي؟ هو انشبي عاد واسكتي!" نط عليها ودملها
بين اللّحف و حشاها بلخزانة!
لبس التشلب ثوب الجدّة ونام مطرحها.
وما شوي ولا ليلى بتدق الباب. وقال التشلب (بصوت الجدة): "افتح الباب
وفوت!"
فتحت ليلى الباب و قالت: "هاذي أنا يا تيتا!"
قال التشلب: "اقربي جاي! أنا تلفانه, مني قادره أقوم!"
قرّبت ليلىِِ عند الجدّة و هي متعجبة وقالتها: "شايفيتك كايسه! شو مال
صوتك مبحوح؟"
قال التشلب بصوت الجدّة: "أيوا يا تيتا, امبارح نمت متكشفه!
قالت ليلى: "هاي فهمتها, بس لويه أذانكي كبار؟"
جاوب التشلب وقال: "عشان اسمعكي مليح"
قالت ليلى: "اه اه اه, طب و علام عيونكي, كبرانات؟"
قال التشلب: "عشان اشوفكي كويّس, مهو الكبر عبر يا تيتا"
قالت ليلى: "سالامتكي يا تيتا, بس لاويه زقمك كبير هيه؟"
قال التشلب: "عشان ازلطك فيه!" ونط التشلب على ليلى وبدو يوكلها!!!
صرخت ليلى على طول صوتها:
http://www.orthodoxonline.org/forum/images/smilies/36_1_2.gif http://www.orthodoxonline.org/forum/images/smilies/36_1_2.gif http://www.orthodoxonline.org/forum/images/smilies/36_1_2.gif
"ويلييي, يا غبصة يا حزينة!!! ساعدوني ....!!!"
ولحسن حظ ليلى كان أبوها قريب في السيل بتصيّد, و لمّا سمع صراخها:
"ساعدوني ساعدوني!" تناول البارودة و راح يحجل حجل عل عرقوب و ركاظ على
بيت الجدّة!
===(ابوها الدلخhttp://www.orthodoxonline.org/forum/images/smilies/36_1_22.gif http://www.orthodoxonline.org/forum/images/smilies/36_1_22.gif http://www.orthodoxonline.org/forum/images/smilies/36_1_22.gif
شاف التشلب ناط على ليلى بدو يوكلها, وقف يتصل على الشرطه وخلى الرجال ياكل فيهاhttp://www.orthodoxonline.org/forum/images/smilies/36_13_1.gif http://www.orthodoxonline.org/forum/images/smilies/36_13_1.gif http://www.orthodoxonline.org/forum/images/smilies/36_13_1.gif
اجت الشرطة ولحسن الحظ هج الرجال
و ثاني يوم طبخوا مناسف و شرّبوا لبن و سمن و عاشوا مبسوطين
http://www.orthodoxonline.org/forum/images/smilies/36_1_51.gif http://www.orthodoxonline.org/forum/images/smilies/36_1_51.gif
وتوته توته خلصت الفلوته

:smilie (4)::smilie (4)::smilie (4):

[karen]

هلق حسب قصتك يا كارن طلع الذئب طيب وابن حلال وليلى وستها العاطلين



القصة هي ضمن اطار كوميدي بس بما انو تحولت الى اطار اجتماعي رح اشرح اكتر



هدفي من القصة هو الخروج من الطابع التقليدي والانتقال الى الطابع الواقعي بمعنى انا كان الهدف هو التركيز على شخصيات القصة يعنى ليلى من جهة والذئب من جهة تانية بغض النظر عن القصة يعني بغض النظر عن الطابع التقليدي انو الذئب اكلها وشو بيعرفني



والانتقال الى رؤيا اخرى



وهيدا هو موضوع الفيلم القصير يلي انا عملتلو



هو عبارة عن فيلم قصير (انمي)



ليلى بنت طيبة بريئة مرهفة الاحساس عايشة هي وامها بكوخ صغير



بقرية صغيرة وطبعا بالغابة في ذئاب



وكانت امها عم تحميها من هدون الذئاب



(كنت القي بنفسي في حضنها وتلفني بين ذراعيها وتضع قبلة حنان فوق راسي فيتبدد خوفي)



هون امها كانت عم تحميها من الذئاب البشرية



يعني في نقلة بين الواقع والخيال



الذئاب مابنتهش بعضها



بينما الذئاب البشرية



هي الفئة قصدت فيها الناس يلي ترتدي بدلة ذئاب ويلي بتتلاعب بمشاعر الناس وبيحاولو يكتسبو شفقة الناس بنهشو لحم ناس بريئة



وبيدفعو نتائج كذبن مشاعر واحاسيس ناس ابرياء متل ليلى



المهم الحكي مو متل الشوفة



لانو في احداث كثيرة



وهدفي انو نطلع من القصص الاعتيادية والانطلاق الى فكر اخر

[Elias]

***اولاً القصة وصلتنا تناقل ألسن وكل واحد بيشد اللحاف لصوبو نحنا مامنعرف وين الحقيقة وبالتالي منسمع الكل ومافينا نصدق هاد ونكذب هداك عشان ما ينظلم
***ثانيا أول واحد حكى القصة كيف عرفا كان حاضر ساعتا؟؟ ألي عتب عليه ليش ماصورها بكميرا يمكن القصة كتير قديمة
أنا بقول خلي ليلى والذئب يتفقوا ويردولنا جواب