tattouage (الوشم)

[Georgette Serhan]

http://www.orthodoxonline.org/forum/img-content/imgcache/2010/05/13.jpg




الوشم موضه ينساق اليها شبابنا اليوم في محاولة للتنفيس عن انفسهم ولاتبات انهم احرار في اتخاذ قراراتهم ولو كان ´دلك من خلال قرار وشم اجسامهم
الموضه كلمه يبطل مفعولها بعد عامين او تلاته من ظهورها ولكن موضة الوشم لو اراد التخلص منها فلن يستطيع لان آثارها ستبقى على الجسم مدى الحياة وان اراد ازالتها فبالليزر
ولكن المهم في الموضوع ليس عملية ازالته او وشمه المهم هو ما يذهب اليه شبابنا في وشمهم على الجسم من تحقير للمقدسات وللرموز الدينيه فهم يرغبون بوشم الصليب المقدس او صورة لرأس المخلص او لوالدةا لاله الفائقة القداسه ظنا منهم انهم محميون دينيا بها ومن خلال حملهم لهذه الرموز الموشومه على اجسادهم


ىوالاخطر ايضا هو وشم هذه الرموز في اسفل اسفل اسفل الظهر وفي اسفل اسفل اسفل آلبطن نزولا الى القدم
حيث نرى وشما للصليب المقدس على كاحل القدم


http://www.orthodoxonline.org/forum/img-content/imgcache/2010/05/14.jpg




لم نكن لنعترض لو ان الوشم وردة صغيره او اي رمز واينما وضع لاعتباره حرية شخصيه ولكن ان نحقر مقدساتنا ورموزنا بهذه الطريقه فهذا لا يسكت عنه مهما اعترض المعترضون على حريتهم الشخصيه التي نقول لهم من خلاله حريتكم تنتهي عند بدء حريتي وتنتهي عندما تحاولون المس بما اعتقد وبما اؤمن فكما لكم حيرتكم لي حريتي ومعتقدي ولا اقبل المساس بهما تحت اي مسمى
يمكنك ان تمارس حريتك كيفما شئت ولكن بعيدا عن الهزء بالآخر وبعيدا عن المساس بالقيم الاخلاقيه والدينيه
فانت من خلال دفاعك عن حريتك لا تتقبل من الآخر ان يدوس صوره فوتوغرافيه لك بحجة انها تمثل شخصك الكريم فكيف سارضى انا بان تحتقر صورا لرموزي الدينيه ولمعتقدي بهذا الشكل
فانت حتما ستقيم الدنيا ولا تقعدها في سبيل ذلك فكيف يفعل بالاحرى من دنس معتقده بهذا الشكل المذل
ان ترسم على جسدك وشما لمطرب تحبه او لحزب تنتمي اليه او او او فهذه حريه شخصيه لا دخل لنا فيها الا من خلال توعيتنا لك وتنبيهك الى مضار المواد المستعمله في الوشم وخطورتها على حياتك لما تحتويه من كميه كبيره من الرصاص والالوان الكيماويه السامه عدا ذلك مرده لك ولجسمك فانت حر ان تفعل به ما تشا
طالما تحترم الآخر
http://www.orthodoxonline.org/forum/img-content/imgcache/2010/05/15.jpg




في هذه اللحظه تخطرني قصه قرأتها على الانترنيت وتم تداولها لفتره غير قصيره مفادها ان رجلا في التلاتينات من عمره يعشق زوجته واولاده لدرجة الجنون ذهب الى محل للوشم وطلب ان يشم صوره لزوجته ولاولاده بالقياس الكبير على ظهره تبدأ من عند الرقبه الى اسفل الظهر تخيل عدد غرزات الابر التي تحملها هذا الرجل وما تعرض اليه من خلال ذلك


ولكن المهم بعد ذلك فقد تعرض زواج هذا الرجل الى الانهيار ووصلا الى الطلاق فعلا
فما عساه يفعل بالوشم بعد ان حدث ما حدث؟
كيف سيزيل آثاره من جسده بعد ان زال سبب وجوده من حياته؟
هذا ما فعلته بنا الحريه الم تكن العبوديه نعمه؟
آقله كنا قد فكرنا الف مره قبل ان نظهرها الى العلن
وما كنا مصدر عثرة لاحد
يا رب ارحمنا نحن عبيدك الخطأة



http://www.orthodoxonline.org/forum/img-content/imgcache/2010/05/16.jpg

[Ayman Gh. Hodeib]

باسم الآب و الابن و الروح القدس الإله الواحد آمين
شكرا لألك أختنا العزيزة عهالموضوع
بالبداية بتمنى انو ينوجد حل للصورة اللي بآخر الموضوع لأنا بالفعل بتفور الدم و بتجرح العين(و المشكلة انو أنا بالأساس دمي حامي متل ما بيقولو), طبعا هاد مع كامل شكرنا و تقديرنا لأختنا الغالية اللي كتبت الموضوع و لجهودا لأنو بالفعل وضع المقدسات بمكان غير لائق أنا بنظري جريمة و بتستحق العقاب
بالمناسبة يا جماعة أنا شخص عندي وشم, وشم للصليب الكريم على أعلى كتفي الأيسر, هلأ ممكن البعض ما كتير يحب الوشم بس أنا بالنسبة لإلي و لأحكي بس عن حالي هوي كان تعبير مني لمدى عشقي و اعتزازي بهالرمز اللي رب المجد يسوع فدانا عليه, و لأنو الوشم ما بزول كمان بصلي دايما انو هالرمز اللي وشمتو بشكل مرئي على كتفي يضل بنعمة الثالوث الأقدس مغروز بشكل غير مرئي بأعماق أعماق قلبي و قلوبكن و قلوب كل البشر يا رب.
اعذروني اني اخترت الكتابة بالعامية بس مالل من الفصحى.
كل عام و الجميع بخير بمناسبة العنصرة المقدسة.
اغفرو لي يا إخوتي أنا الخاطئ
أيتها الفائق قدسها والدة الإله خلصينا
صلواتكم
و كل

[Georgette Serhan]

أخي ايمن سلام المسيح يكون معك
الصور اللي بصحبة المقال ابدا مش للاستفزاز
انما هيي لخدمة الموضوع يعني هيي مقززة صح بتخللي الواحد يشعر بمدى انحدار البشرية لهالمستوى صح
ممكن انو دمك يفور صح
بس المشكلة موجودة وبعد باحقر بكتير من الصور المرفقة مع المقال
بس لانو المكان اكبر من انو ينوضع فيه صور اكتر جرأة ولانو المكان محترم وملتزم اخلاقيا
ما حطيت صور اكثر جرأة
ولكن مش معناها انو القصة بس تايفور دمنا لا
لازم يكون في توعية وما بيصير توعية الا اذا كشفنا مكمن الخلل بالاشيا والممارسات
كوننا مسيحيين هيدا ما بيعطينا الحق انو نحقر مقدساتنا بهالشكل وما بيعطينا الحق انو نعتبر رسم للصليب المقدس متل اي رسمة عادية وبالتالي بحقلنا نوشمو وين ما كان
وكمان حبنا واحترامنا لمقدساتنا لازم يكون اكبر بكتير
خيي وشمك للصليب المقدس على كتفك وباحترام شديد لا غبار عليه ومكن لانو بتعتز فيه
بس اسمحلي اخي في كتار ما عم ينظروا لهالموضوع بهالجدية والاحترام المطلوبين
صلواتك وربنا يديمك مدافع عن مقدساتنا ورموزنا

[Salwa]

الرب يرحمنا ويشفق على ضعف نفوسنا.
فعلا الصور مقززة , بس أحيانا بحس الواحد إنو على كتر الصور المماثلة بتصير مألوفة عند بعض الأشخاص. متل ما سمعت مرة مقولة إنو "على كثرة الخطيئة تغدو الخطيئة عادية وطبيعية".

أحيانا بيتساءل الواحد عن سبب غياب الردود القوية على هكذا ممارسات

[Ayman Gh. Hodeib]

الأخت الغالية جورجيت:
مرة تانية بشكر جهودك المباركة و بشكرك أيضا عالرد
أنا بتفق معك تماما انو البشرية للأسف وصلت لمستوى من الإسفاف و من القرف لحد الجنون, أنا عشت بأميركا عند أهل أبي هنيك لفترة كسياحة بعد ما خلصت الباكالوريا و قبل ما ارجع لكفي دراستي الجامعية بكلية طب الأسنان و بالفعل أخت جورجيت الشي اللي ممكن الواحد يشوفو هنيك ما بسر الخاطر منوب.
بشكرك كمان على المهمة اللي أشرتي عنها لإلي و هيي الدفاع عن رموزنا و مقدساتنا و اللي هيي شرف أكيد أنا ما بستحقو (يمكن أنا بخطاياي التي تفوق الإحصاء بسيء أكتر منهم).
و بتفق كمان مع الأخت سلوى انو لازم يكون في رد و رد شديد اللهجه و شديد الإجراء حتى عهيك شغلات
شكرا مرة تانية
أحد عنصرة مقدس و مبارك للجميع
سلام المسيح معكم جميعا
صلولي أنا الخاطئ
أيمن

[Georgette Serhan]

اخي ايمن واختي سلوى شكرا لمروركم


أخت جورجيت الشي اللي ممكن الواحد يشوفو هنيك ما بسر الخاطر منوب.


اخي ايمن اذا نظرنا جيدا' من حولنا منلاقي مش بس الشباب اللي بالغرب عم يوشموآ اجسامهم
هني من زمان شي اسمو دين او رموز دينية ما عاد عندن وصاروا بيعتبروا هالصور متلها متل اي صورة لاي فنان وحتى الفن الآخر مقدر عندن اكتر
بس اللي منقصدوا بهالمقال هوي شبابنا اكمسيحيين اللي عايشين بالشرق مطرح ما منفتخر انو بعد في عندن قيم واحترام للمقدسات وللرموز
هودي الشباب هني بحالة تقليد اعمى لكل شي جايي من الغرب وبيعملوه بدون تفكير وبيعتبروا موضة
وانو هني الاوائل بكل شي
هالفئة هيدي من الشباب اللي بتلاقيهن واشمين انفسهم وحاطين حلق بآذانهم وهني بيعرفوا انو عيب بس حجتهم موضة
هودي الشباب اللي لازم يوعوا لهالتقليد الاعمى لانو بعدن بيعتقدو بالمقدسات وبالكنيسة وتعاليمها
اما الباقيين بالغرب لا تنده ما في حدا



أحيانا بيتساءل الواحد عن سبب غياب الردود القوية على هكذا ممارسات

اما بالنسبه للتشدد اخت سلوى ما بعتقد انو في مجال لهالشي
بالغرب بيعتبروها حرية شخصية وما فيكي تمسي فيها والا الغرامة والحبس
اما بالشرق ما بعرف كيف ممكن يتشددوا فيها لانو ما في احكام لهالمخالفة لا مدنية ولا روحية من قبل الكنيسة

[karen]

مشكورة اخت جورجيت على الموضوع الرائع والقيّم
ليش الكل عم يركز على الصور المقززة بينما محركات البحث على النت مليئة بصور مقززة اكتر من هيك
الهدف هو انو نحنا نشوف لوين وصلنا من الانحطاط ونشوف اخطار الوشم
انا ضد الوشم بكافة اشكالو حتى لو كان وردة او أي شي (طبعا هيدا رايي الشخصي)
بس الجيل الجديد معظمو عم ينقاد لهيك شي لانو بيعتبروها موضة وانو انتا لازم تتبع الموضة يعني صارت عنا الخطيئة موضة ويلي ما بيمارس الخطيئة صار متاخر

[برباره]

اما بالنسبه للتشدد اخت سلوى ما بعتقد انو في مجال لهالشي
بالغرب بيعتبروها حرية شخصية وما فيكي تمسي فيها والا الغرامة والحبس
اما بالشرق ما بعرف كيف ممكن يتشددوا فيها لانو ما في احكام لهالمخالفة لا مدنية ولا روحية من قبل الكنيسة
عنصرة مباركة و كل عام و أنتم بخير
شكرا جورجيت ع طرح الموضوع
المشكلة ما بقيت وشم ( تاتو) المشكلة أكبر من هيك بكتير
مشكلة مثلا تمثيل أفلام أباحية بوضع الصليب أو الكنيسة ( سمعت مرة أنه تم هنا في المانيا بأحدى الكنائس تصوير لقطات أباحية بدون علم الكنيسة و الكاهن ) أو حتى صور المسيح و العذراء
يعني هاي مشكلة أكبر من الوشم
يعني إيصال و إحدار الكنيسة لهذا المستوى شي رهيب
بس المشكلة بتكمن فينا و ين و عينا و صرختنا ضد هيك إشيا
ليش الأسلام لما بينرسم صورة كاريكاتور لمحمد بيقوم العالم و بيقعد تحت مسمى أحترام الأديان و بتتاخد كل الاجراءات للأعتذار
و عنا للأسف كل شي مسموح تحت مسمى الحرية هل الحرية بتقول أني أسمح بالإساءة للكنيسة أو المسيح أو العذراء و لهيك لازم أسكت
أم الحرية بتقول لازم أرفع صوتي و على أعلى مستوى لرفض هادا الشي وين ما كنت بالعالم إن كنت بالشرق أو بالغرب طالما أنا مسيحي و عندي حرية الرأي
المشكلة بتنحصر بكلمتين قال يا فرعون مين فرعنك قال ما لا قيت اللي يردني
معناها لازم يكون ردنا قاسي و قاسي كتير ليتعلم العالم حفظ المقدسات من أي إساءة و عن طريق كافة الوسائط ( الانسانية ، الدينية ، الاعلامية ..........الخ)
و المشكلة اليوم أنه الشعب تعود اللامبالاة ( ما بخصني) فلم تعد المشكلة بتعنيه بشي فصار يدير ضهره و يمشي حتى لو شاف الشي بعينه .
المسيحية ما كانت جبانة بيوم من الايام كانت شجاعة و كلمتها كلمة لكن للاسف تحت مسمى الحرية صارت مرتبطة بالحالات السياسية و مواقفها المختلفة و صارت مسيسة .
وهون بعتقد لازم يكون دورنا دور الشباب الواعي المثقف اللي بيقدر يحامي عن كنيسته على مدى العصور
صلواتكم (صلوا لاجل ضعفي)

[Georgette Serhan]

معك حق اختي برباره
الاسلام اكتر غيره منا عا دينهم
بتلاقيهم بقيمو الدنيا وما بقعدوها اذ تجرأ حدا ورسم صوره لنبيهم
وهوي بالنتيجه انسان مش اله
بولعو حروب وبيحرقوا مدن كرمال هيك وبتوصل معهن للقتل كرمال هالانسان
ونحن المسيحيه منتسلح بكلمة لا تحاربوا الشر بالشر بل اغلبوا العالم بالمحبة
هيدا كان جواب احد الاشخاص لما كنت عم بتناقش معو بهالقصة
قال انو الشر بولد الشر وما بجيب نتيجه
بس نحن بحاجه لوقفة كبيرة بحاجة لقرار ضخم من اعلى المستويات
بس المشكلة اختي برباره مين راح يسمع؟
ما كل واحد بقلك هيدي حرية شخصية وانا ما عم بأذي حدا هيدي افكاري وانا حر
صلواتك

[feras sammour]

الموضوع كتير حلو و ازا بتسمحولي اعطي رأيي فيه انو مو غلط ازا الشب عمل وشم صليب على كتفو مثلا انا عامل وشم صليب على كتفي و ما بحس انو غلط بالعكس بشوف حالي اني مسيحي قدام كل الناس و بحب الكل يشوف الصليب لانو ربي و انا بفتخر بس يلي عم يعملو وشم بمناطق جد حرام علين متل انجلينا جولي طبعا الكل شايف الصليب وين بجسما و حرام كمان البنات هي يلي واشمة فراشة على كتفا ووردة على ايدا و عقرب ما بعرف وين بس كلو كوم و هدول يلي بكونو واشمين صليب على كتفن مثلا و بعدين بيعملو وشم باخر ضهرن والله حرام و هاد كلو من الحرية يلي الاخ ما بيعرف اختو شو عم تعمل وشم او لا و الاب كمان و الام يعني في جزء كبير لازم نلوم الاهل عليه مو بس الاشخاص و الاهل ايام شو بقولو اي يلا هاد الجيل كلو هيك خلي الاولاد ينبسطو بحياتن كم مرة بدن يعيشو و هاد كلو سببو البعد عن التربية المسيحية من الاهل قبل الاولاد

[Maximos]

رأيي الشخصي : ضد الوشم على طووووووووووول الخط ..

حبيبنا فراس .. اللي بدو يفتخر بمسيحيتو في آية بالانجيل بتدل كيف بيكون هالأمر :

فليضئ نوركم هكذا قدام الناس لكي يروا اعمالكم الحسنة و يمجدوا اباكم الذي في السماوات ( متى 5 : 16 )

لأنو على أرض الواقع اللي بيمجد الرب هوّي إنو اللي حاملين إسمو ( المسيحيين ) يعيشوا و يتصرفوا كأبناء اللـه ..

[Seham Haddad]

اجسادنا هي نعمه من الله

[Mayda]

s-ool-472
.....................

[Georgette Serhan]

maximos
feras
mayda
seham

http://www.orthodoxonline.org/forum/img-content/imgcache/2010/07/12.gif

[feras sammour]

ميرسي كتيييييييييييييير اختي جورجيت :smilie (94):

و بالنسبة ليلي انتي حكيتي فيه بخصوص انو الاسلام متعصبين على دينن اكتر مننا انا معك فيها في متل بقول عن الاسلام ايمان بلا دين و المسيحية دين بلا ايمان بس السبب ورا انن بحاربو يلي بيحكي عن دينن انو كتير ايات بالقران بقلن يعملو هيك بس نحننا المسيح بقول من ضربك على خدك الايمن در له الايسر و هاد الشي برأيي صعب نقدر نعملو لان انا حاسس انو عايشين مع وحوش مو عايشين مع بشر و ازا شخص شاف الواحد طيب و عم يمشي بتاعليم المسيح بقول عنو درويش و معتر و ضايع حقو و بينضحك عليه بكلمتين مع انو المسيح قال كونو حكماء كالافاعي و طيبين كالخرفان و انا لهلق ما عم طبق هي المقولة لان ما عم بعرف كيف بدي كون طيب و حنون و حكيم و بنفس الوقت ما يضيع حقي و لو عنا بالانجيل كان مذكور اية عن القتل من غير دين او الحرب كنتي ما شفتي بالدنيا غير المسيحيين و انو الاسلام بحاربو اي شخص بسيء لنبيهم فهاد الشي صحيح مية بالمية و بتلاقي ازا شخص غلط عليهم باي كلمة العالم كلها بتقوم الدنيا و ما بتقعدها و انا متفاجئ اخر مرة صار شغلة بتسيء للمسيح هي عن طريق شركة اديداس يلي عملت بوط رياضة و علامة هاد البوط كان تمثال المسيح يلي بريو ديجانيرو و ما سمعت حدا دان هاد الموضوع الا عالفيس بوك :sm-ool-24:
صلواتك اختي

[ميلاد شحادة]

أصدقائي وأخوتي الأحباء لقد اطلعت على آرائكم وكانت خير كلمات لن أستطيع أن أزيد فمعلوماتكم كلها كاملة ولكن عندي تعلق مختصر أنو كل مايأذي النسان هو خطيئة يعني من التدخين وجر فالوشم هو أكتر هذه الأنواع ضررا بعد المخدرات إذ مليئ بالمواد الكيماوية فأنت يا أخي ويا أختي إن جسدك هو هيك للروح اللـه وإن أتيت بالضرر لهذا الجسد فأنت تضر بهيكل قدس الرب ويلي بدو يوشم صليب بدالو يلبس سنسال في صليب .:sm-ool-02::sm-ool-02::sm-ool-02::sm-ool-02::sm-ool-02::sm-ool-02::sm-ool-02::sm-ool-02::sm-ool-02::sm-ool-02::sm-ool-02::sm-ool-02::sm-ool-02:
صلواكتم والخلود لرسالتنا

[ميلاد شحادة]

ما هى اضرار الوشم؟
1- من اضرار الوشم حدوث تلوث موضعى مكان الوشم قد يمتد إلى أماكن أخرى والتهابات جلدية لا تستجيب للمضادات الحيوية





2- حدوث رد فعل صحي سىء بعد الوشم كالحساسية المزمنة للمواد الداخلة بالوشم





3- ومن اضرار الوشم ايضاً ان المعدات التي يتم بواسطتها إجراء الوشم قد تكون غير معقمة وقد تنقل أمراض معدية كالايدز و صفار الكبد





4- إصابة أوعية دموية خلال غرز الإبر بالعضل وتلوث في الدم





5- التسبب بأعراض نفسية سيئة لو أن الواشم ندم على الوشم بعد حين حيث يتسبب له بما يسمى النفور الاجتماعى





6- ومن اضرار الوشم ايضاً التسبب ببعض الأمراض المزمنة كسرطان الجلد والصدفية





7- ومن اضرار الوشم ان الواشم يمنع من التبرع بالدم لمدة سنة كاملة