ظهور القديسه العذراء مريم فى الزيتون

قصة ظهور القديسه العذراء مريم فى الزيتون
ياااه الدنيا ليل و ضلمه وسط جراج الاوتوبيسات و عم عبد العزيز قاعد بيحرسها تشرب شاي ياعم محمد شكرا يا عم عبد العزيز
خلاص وفرت قعد عم عبد العزيز يعمل الشاي و فجأه (يسكت) حصلت حاجه غريبه (ينظر الخادم لاعلي) ايه ده؟؟ مش ممكن( يفرك الخادم عينه و ينظر لاعلي ثانية)الحقوني الحقوني .....

جه عمال الجراج جري فيه ايه وبصوا فوق اتسمروا ؟ (سكوت)
اتاري علي قبه الكنيسه اللي قصادهم في بنت (قلق) و القبه مدوره و بتزحلق والبنت اكيد هتقع يعني هتموت

في ايه يا عم عبد عزيز ---يا عم اسكت البنت هتموت
ده هي اللي شكلها عايزه تنتحر اعقلي يا بنتي حد يبلغ البوليس يا ناس

و فعلا جت عربيات البوليس بسرعه ظباط و عساكر و ناس كتير خايفين ع البنت
بس ايه ده(انظر عاليا ) ايه النور ده ؟هي معاها حد؟ (استكشاف)
ايه ده ده البنت اللي بتنور اكتر و في ايديها غصن زيتون ؟
ايه الحمام الابيض ده؟ الحمام مابيطيرش باليل (هز رأسك مستغرب)

الظابط مش مصدق نفسه اكيد في حاجه غلط سلط الكشافات يا عسكري خلينا نشوف كويس

راحوا مسلطين الكشافات راح النور زاد اكتر واكتر فوق قبه الكنيسه راح واحد زعق بفرحه دي الست العدرا الست العدرا بتظهر فوق قبة كنيسه الزيتون
الظابط مش مصدق اكيد المسيحيين دول بيضحكوا علينا ده تلاقيهم عمالينها بنور وكهربا اقطعوا النور يا عساكر عن المنطقه كلها

الله الله ايه ده دي نورت اكتر واكتر يعني دي مش كهربا مش ممكن كسروا العواميد بتاعه النور دي برده لسه منوره ده بجد بقي هي دي الست العدرا

وفعلا بانت الست العدرا بنورها و الناس ابتدت تسقف فرحانه و العدرا بتتحرك علي القبه و راحت ناحيه الصليب و الصليب كمان نورو علي راسها تاج وقعدت تظهر كذا ليله وساعات تظهر في اليله 4 ساعات و الناس كلهم يشوفوها مسيحيين و مسلمين حتي الرئيس جمال عبد الناصر جه قعد في بيت قصاد الكنيسه وشافها

اقتباس:

---

المشاركة الأصلية كتبت بواسطة basem1010

حتي الرئيس جمال عبد الناصر جه قعد في بيت قصاد الكنيسه وشافها

---

ألله يرحمو

فعلا جورجيت
ربنا يبارك حياتك
وشفاعة القديسه العذراء مريم تكون معنا امين
اذكرينى واسرتى فى صلواتك