القصة الاولى من ميلاد القديسه العذراء مريم للبشاره

يوم ورا يوم يعدي و الناس كل يوم بتيجي و تخبط علي الباب(يخبط الخادم ع الميكرفون و ينادي ) يا يواقيم يا عم يواقيم يقوم عم يواقيم يفتح لهم الباب ايه يا عم يواقيم هي مراتك حنه مش هتخلف بقي مش تخلفولنا يقي بيبي صغير كده يقوم عم يواقيم قايله انشاء الله و تفوت السنه

و يواقيم و حنه مش بيخلفوا كل يوم يصلوا و يطلبوا من ربنا ( مشاعر صلاة) يا رب ادينا بقي نسل انت عارف يا رب ان اللي ما بيخلفش ده عار عليه لان مش هيجي المسيح من نسله
يا رب المولود اللي هتديهولنا هيكون ليك خادم يخدمك في بيتك

و سنه ورا سنه و بعد 31 سنه و يواقيم بيصلي علي الجبل(يغمي الخادم عينه بايده) يظهر ملاك ربنا بنور عظيم ويقول لعم يواقيم: ربنا سمع صلاتك و فعلا خلفت حنه بنت صغيره اسمها مريم (مشاعرفرحه)

وفعلا زي ما ندروا يواقيم و حنه خدوا البنت ودوها الهيكل و هي عندها 3 سنين و دخلت مريم هيكل ربنا بهدوء و احترام و كانت بتحب بيت ربنا بتصلي فيه و ما بتتشقاش وتسمع كلام الخدام رغم ان عندها كام؟

و يعدي يوم ورا يوم و سنه و را سنه و بقت مريم عندها ست سنين ابوها مات (حزن) وبعد سنتين مامتها كمان ماتت و ماعدش ليها حد فضلت قاعده في الهيكل لحد ما بقي عندها 12 سنه و ماينفعش تقعد فيه خلاص طب هتخرج تروح فين؟ (يسكت)

راحوا شيوخ الهيكل قالوا احنا لازم نشوف حد تتخطبله وفعلا اتخطبت لراجل قديس اسمه يوسف و بعد اربع شهور ومريم عماله بتصلي زي عادتها فجأه( يسكت و بعدين يغمي عنيه بيده) ظهرلها ملاك اه ده الملاك جبرائيل و قالها يا بختك يا مريم انتي ربنا انعم عليكي انتي هتخلفي المسيح
قالتلوا ازاي انا مش متجوزه هو في حد بيخلف من غير ما يتجوز قالها عشان كده المولود منك يدعي ابن الله.