أمثال شعبية شامية {الأصل من صحنايا}

أمثال شعبية شامية {الأصل من صحنايا}



لا تطعميني جاجة سمينة ولا تبيتيني عليها حزينة

ضليت اشتغل حتى سراجي انطفا لاحجة حجيت ولا الدين عني انوفا

يلي بشاور أهل النصيحة بيسلم من الفضيحة

يلي مابتربيه الأهالي بتربيه الأيام والليالي

لابق لأم سنان عوج دقة بابوج ( أي ثياب غالية الثمن ) :smilie (114):

شب ومنتشي وعالموضة مشي , وبالجيبة مافي شي !!!!!؟

عزى المعزي وكل مين راح على بيته , وماراحت إلا على يلي نخرب بيته :sm-ool-11:

المونة بدا ركونة :sm-ool-17:... مابدا مرا مجنونة !!!!!؟ :smilie_ (36):

يلي بيستنى المعاش .. ماعاش :smilie (47):

إذا كان القمر بإيدك لاتعد النجوم

لاتحلق دقنك بين تنين واحد بقول طويلة وواحد بقول قصيرة :smilie (93):

قال حبني وخود برطيل قال له :محبة بالزور مابتصير

قالوا للجمل : شو بتحمل قال : لو مالي فزه لأحمل الشام والمزه

إذا جاعت النفس بأي شي قوتها وساعة البسط لاتفوتها

لاتعمل حالك راس كل الناس بتنطحك :smilie (102):

يلي بدو يستريح شو ما شاف بقول منيح

الحية بعمرا ماصارت خية

انحرق الوش والقفا :smilie (117): والعدو لسا مااشتفى

تربية الصبيان متل قرط الصوان :smilie (119):

البيت بده نعنع البيت بده توم بده رجال من نص الليل يقوم :sm-ool-21:

إذا بدك تناسب لاتحاسب

كل مين شافني أرملة شمر وإجاني هرولة :sm-ool-06:

إذا وقعت يافصيح لا تصيح :smilie_ (2): :smilie (64):

الديار الكبيرة بتعلم المشي والبخت الأبيض بيعلم الحكي

متل نومة أهل الكهف لا مخدة ولا لحف :sm-ool-15::sm-ool-15::sm-ool-15:

نفسك الطماعة علمها القناعة :smilie (32):

:smilie (80):

المصدر

ما شاء الله عليك.. من وين مجمع كل هالأمثال؟؟؟؟؟

تلات رباعها و تلات رباع الربع الباقي بعرفها و منستخدمها بحياتنا اليومية.....

يسلمو هالإيدين على هالموضوع

اقتباس:

---

عزى المعزي وكل مين راح على بيته , وماراحت إلا على يلي نخرب بيته

---

والناس بتعتب عالحزين اذا ما لبس الاسود اكتر من سنة واذا راح ليشم شوية هوا او ليرتاح من الضغط وبيقولو هاه ما لحق يموت الزلمي بلشت عيلتو تفوت وتطلع وكأنو مانون مصدقين
عأساس رح يكونو فرحانين اذا فاتو وطلعو بينسو انو مو رايحة الا عالحزين حتى لو ما اظهر هالشي
مجتمع غريب عجيب

صلواتكم