اهمية العلم والدراسة في رأيك

في احد الاخويات قمت بطرح هذا الموضوع
اتمنى ان تقرأوه جيدا فانه بالعامية


في أجتماع فرقة في أحدى الأخويات طرح مسؤل الفرقة السؤال التالي: هل تجد للدراسة
أهمية في حياتك؟
سمير: رفيق أخوي الكبير درس دكتور وعبيسحب 50 ألف في الشهر وكل اللي عبيدرسوا عبيشتغلو كويس
مشان هيك أنا بشوف الدراسة بتساعدني على بناء مستقبلي.
جورج: حاج بقا أينا مستقبل أينا بلوط في الدراسة, الدكاترة عمبكشو دبان وكل الصنايعية عمبعيشوا
ملوك وعمبيقصوا ذهب .
المسؤل: فريد أش رأيك أنت.
فريد: بأيش رأيي ليش عن أيش أنتو عمتحكوا.
المسؤل: عن أهمية الدراسة.
فريد: الدراسة كويسة لما واحد بكون أصغير مشان يتعلم يقرأ ويكتب وبعدين أحسن يتوجه نحو الصنعة
لأنو أنا جربت الدراسة ومامشي حالي فيا وما بنصح حدا يعلق كتير آمال عليها
الياس: يا جدبة اذا أنت ما خرج تدرس ليش عمتحكي }الدراسة ديما أحسن شي في كل مكان وزمان{
فريد: يعني هلأ أنت أذا درست بتضمن مستقبل جيد
الياس: بس جدبة الشغلة شغلة مبدأ
فريد: خلص خلص متل مابدك
كريم: هلأ خلصونا أنت ويا, من كل عقلكن عم تتناقشوا على هيك شغلة فاضية حاج بقا دراسة
أي أنجقمنا دراسة, أشو ها لموضوع يا
المسؤل: ميشو تفضل احكي.
ميشو: الدراسة أفضل شي بها الوقت...بتسحب مصاري...بتتجوز أحلى بنت...مركزك الاجتماعي كبير كتيير...
بتتعلم تحكي...كل البنات بيتمنوا يحكوا معك.
فتحي: شوف هلحكي شوف, أيه أشو هالرأي, لك منويين جبتو, هلأ واحد مابيحسن يحصل على مركز اجتماعي
ألا إذا كان عبيدرس
ميشو: أنا هاد رأيي وماني مستعد أغيرو أبدا ومهما صار.
فراس: أنا بشبه الدراسة مثل الشجرة شقد ما بتسقيها وبتعتني فيها شقد ما بتعطيك وإذا تركتها وأهملتها بتضرك
لأنو بتا خد محل عل فاضي.
فادي: طالما شبهتها أنت بالشجرة أنا بشبها بالأعشاب البرية لا بتضر ولابتنفع.
المسؤل: فادي أش بتقصد بهلتشبيه.
رامي: أصدو انو الدراسة حلوة بس ما بتضر....................
وأنتهي الاجتماع ولم يصلوا إلى نتيجة...ما رأيكم انتم بالدراسة؟

شكرا لك اخ thelife.pro على الموضوع
وبأكد لك انني عندما طرحت الموضوع مع اولادي (هكذا اسمّي الشبيبة بالحركة)
توصلوا الى نفس النتيجة مع فارق بسيط ومهم وهو ان الاتكال هو على الرب
مع العلم انهم محبون للعلم اكثر وفي فترة الصيف يعمل البعض منهم لتسديد اقساطهم المدرسية

شكرا لك

كتير مهم ناخذ رأي الاطفال بهيك موضوع

لان من خلال هذا الموضوع بالذات ممكن نحلل شخصية الطفل ونعرف كيف نتعامل معه

شكرا اخي thelife.pro في عمري الاستعدادية والثانوية تكون الاجتماعات بأسلوب تحاور ونقاشات
وادع لأولادي التوصل الى النتيجة المرجوة من الاجتماع
ففي هذه المرحلة من عمرهم يحبون النقاش وتبادل الافكار ليبرزوا شخصياتهم
كما يحبون تحمل المسؤوليات والعمل (الكرمس، توزيع الروزنامات، توزيع رعيتي او منشورات الرعية ، تحضير الالعاب . . . )

كلامك صحيح الاطفال بهل السن بكونوا بقمة الاندفاع

واكتر وقت للنقاشات

ولازم ناخد افكارهم وننميها او نصححها بحال إذا كانت غلط

الرب يقويكي

على فكرة خلال الجمعة القادمة رح استلم فرقة بعمر 16 سنة تقريبا
ورح استلم لوحة ثقافية
ضمن الشبيبة الارثوذوكسية

صلي لاجلي

بصلوات ابائنا القديسين