هذه زجليه باللهجة المحكية تروي قصة قطع رأس يوحنا اتمنى ان تنال رضاكم
هيرودوس كان قيم عَ عبــــادو
الجليل و حولها كـــــانت بلادو
وهيروديا اللي كانت مع فيليبس
أخــــوه وسقطت بحبو و ودادو
ويوحنا ل كان فاضل ع البرايا
اشتهر ب حكمتو وطيبو وزهـادو
ع ايدو اعتمد فــــــاديناالمفدى
ليطلق دعوتو و يبدأ جهـــــادو
و يمحي عن خـــلايقنا الخطيئة
و يرد الكون عن غيّو و سهادو
يوحنا اعترض قــلّو مرت خيك
حرام و خاف صاحبنااعتراضو
هيروديــّا اعــتــمــر بالـحـقد قلبا
وبـحـقـدون مـوت يــوحناأرادوا
و صارت لقتل الشيخ تتحين فرص
مـع الـظـالـم على شعبو وعبادو
واستخدمـت بِ غايتا كيد النسا
بعتت سالومي بنتها تغوي فؤادو
سالومي بنتا رقصت ومالت دلع
و قلا تمني هـديـتو بـليـلة ميلادو
لو نص مملكتي فدا عيونك أكيد
وأقسم ت كيد النسا يتحقق مرادو
قالت بصحن تحط راس المعمدان
وبـلّـغ السـيّـاف يحـضر مع عتادو
_______2_______
ومتل ما بيـقـدمـوا الـبـطـيــخ
بالـصحن حطّو الراس عيديّـة
وأخدت لأمـا الراس سالومـي
و مــسـبّـحــةبـالـدم الهـديّــة
الفادي إكتأب لما الخبر وافاه
ذرف الدمـع بعيـون مكـويّـة
هيك حـال الكون و الإيمان
ببذل النفس نحـصد ألـوهيّة
ومن يوم يومابقصة الإنسان
كلمـة الحـق كـتـيـر غـالـيّـة
وطول عمراما ارتقت أكوان
إلّاعـلـى الأجـسـاد مـبـنـيّة
و الدين يا مانصرتو الأكفان
وأرواح منها النفس مقضيّة
وإن ماانهارت روحنا وأبدان
ما بـترتفع رايـــــة سماويّة
وابن الإله بعطف و بتحنان
قدم ع خشبة روح صـافيّة
تحمّل إهانةعسكرالسلطان
وبقبورعتمة وغير مضويّة
وبكفن أبيض وبجسم بردان
و بجرح نازف للسما ضحيّة
يسوع كان بكونـنـا القـربــان
ت يشيل عنا ذنـوب دهــريّة
ومنشان هيك ولازم الوجدان
فينا و ت نبقى اولاد مرضيّة
نبذل قصارى الجهد عَ مذبح الإيمان
ونكتب بحبرالمجد أحرف مسيحيّة
ابو لبيب
عبدالله سليط
مقيم في الكويت
29-8-2010
