زواج الأقارب...رعب من لدن العلي لنستيقظ!

كنا في معاينة لمرتي الحامل عند طبيبتها النسائية. سالناها عن جنس المولود. قالت: هذا يتبين بعد الشهر الرابع و ذلك لكي اكون متاكدة. انا لا اعطي جوابا الا اذا كنت متأكدة. مرة واحدة لم استطع ان اعرف الجواب. في مرة اقول للأم انه صبي و في المرة الأخرى اقول بنت. في النهاية تبين ان المولود خنثى. تجمد الدم في عروقنا. سألتها: هل كانت الأم تعاني من مرض ما؟ قالت: لا و لكني اظن انها و زوجها اقارب!

هذا ليس من قبيل الصدفة. جميع التشوهات مقبولة من الله. ليس فيها ما يمكن ان يؤثر على روح الشخص. الا ان يكون الشخص خنثى فهذا قد يؤدي بالشخص عندما يكبر الى ضياعه الجنسي و بالتالي الروحي.

نرجو من كنيستنا التي تزوج الأقارب ان تعود الى التفكير جديا بمنعه و لو خسرت الأشخاص. على الأقل تبعد غضب الله عن رعاياها.

شكراً على طرحك الموضوع أخي الحبيب
أرجو ممن لديه دراسة علمية جدّية حول موضوع زواج الأقارب أن يفيدنا بها
علَّ آفاقنا تتسع حول هذا الموضوع
ونقدر أن نستفيد نحن ونفيد غيرنا لاحقاً

أنا بقدر فيدك أخي جراسيموس .. معلوماتي مؤكدة بس مو كتير عميقة .. و بقدر اتعمق إذا بتحب :
أكتر الأمراض الوراثية بفضل الرب جيناتا متنحية ، يعني الغالبية العظمى ، فا إذا كانت الجينة الي بدا تسبب المرض بالأب بس ، بتغلب الجينة السليمة تبع الأم .. و نفس الشي إذا الجينة الممرضة بالأم بتتنحى ادام الجينة السليمة تبع الأب .. و هيدا شي منو كتير و ما منحس عليه .. يعني الشخص بيكون مانو عرفان حالو .. و آخد الجينة الممرضة من الأب و السليمة من الأم و الممرضة متنحية غالبا ً فا هو سليم لأنو جينة الأم الي ظاهرة .. و أي حدا مننا ممكن يكون ناقل لجينة ممرضة و ما بيعرف .

توضيح :
الشخص من ناحية كل جينة ممرضة هو احتمال من تلاتة : 1 - سليم . 2 - ناقل . 3 - مريض .
رح احكي عن غالبية الأمراض الوراثية الي بتكون الجينة الممرضة متنحية .

السليم : Oo ، و الناقل : Ot ، و المريض : Tt .
الشخص بياخد حرف من الأب و حرف من الأم . ( الحرف رمز لجينة الصفة الي بدا تطلع سليمة أو ممرضة ) .

السليم ما عليه مشاكل / الناقل ظاهريا ً سليم لأنو t بتتنحى ادام o بس مشكلتو انو النطفة أو البويضة تبعو بتاخد o أو t حسب الحظ / المريض مبين .

رح أعطيك مثال عائلة ما :
الجد ot ، الجدة oo
عالحظ الجيل الي بعدن طلع هيك فرضا ً :
1 - oo
2 - ot
3 - ot

ما ظهر المرض بفضل أنو أمن ما بتقرب الأب .
هلأ الجيل الي بعدن بالنسبة لـ 2 و 3 :
أولاد 2 شريكو oo طلعو :
1 - oo
2 - oo
3 - ot

و أولاد 3 اجو هيك :
1 - ot
2 - ot
3 - oo

لهلأ كلن عم ياخدو من برا و مع هيك ، المورثة عم تمشي بالحظ ، يعني بدك حظ نادر كتير ليطلعوا كلن سليمين . كلن ما عم ياخدوا قرايبين بس الجينة الممرضة عم تمشي من جيل لجيل بشكل خفي . بس لأنن عم ياخدوا من برا عم يكون احتمال tt مستحيل طالما الي من برا ما عندو ياها .

هلأ إذا ابن 2 أصغر واحد ot أخد بنت عمو بنت 3 الي ترتيبا التانية ot

صار احتمال الأولاد :
25 % oo (سليمين)
50 % ot (هيدول ناقلين للمرض بس ظاهريا ً سليمين)
25 % tt (الي مصابين بالمرض الوراثي)
فا أربع أولاد مثلا ً : بيجي واحد سليم ، و تنين ناقلين ، و واحد مريض .

يمكن دوختك بس انشالله تكون وصلت الآلية .

وصلت أخي الحبيب كريستو
وشكراً إلك ولردك السريع

ولو فيك تحطلنا ياها ملف وورد بدراسة بشكل عميق بركي منقدر نحطها بالمنتدى كمقال لوحدوا