طلب مساعدة بخصوص كلمة مرور

اخوتي بالرب
انا هلأ عما مر بأزمة كبيرة بالنسبة إلي كلمة مرور ايميلي انسرقت
بتمنى من كل شخص قادر يساعدني بهالموضوع يحط ايدو ويعمل جهدو وأنا مش حأنسى هالمعروف حتى للشخص اللي قصد وما قدر, بتمنى تساعدوني واللي بيعرف بهيك أمور يا ريت يراسلني على الخاص مشان اعطيه عنوان ايميلي المسروق ويساعدني

بحب أكد عليكن هي مش أول مرة بيصير فيي هالكلام هاد تاني ايميل بينسرق وعليه كتير شغلات هامة
ارجو المساعدة من كل شخص
والله يوفقكن

اخي ما عندي كتير معرفة بهالامور بس اذا عندك المعلومات الي سجلت فيها الايميل، جرب تراسل الشركة وتطلب منون يرجعولك الايميل.
والمعلومات مقصود فيها هي: تاريخ الانشاء، تاريخ الميلاد، معلومات البلد... إلخ

طبعاً أنت اكيد جربت موضوع "نسيت كلمة المرور"، ماهيك؟ وحاطط ايميل بديل ينبعتلك عليه كلمة المرور؟
اخي الياس ياريت من هلأ ورايح ماتدخل على ايميلك من كافيه نت، تحت أي ظرف كان...
انشالله بترجع ايميلك..
موفق يارب

اخي الياس استعمل السؤال السري
في خانة لما بتفتح ايميل بيطلبوا منك سؤال سري تجاوب عليه
هيدا ما لازم حدا غيرك يعرفوا
بالتوفيق انشالله

اخ الياس انت رجعت عملت الايميل من البيت ولا بمحل نت
لانو اذا محل نت بيكون فايت على اي بي الجهاز
ازا رجعت عملت ايميل من البيت جرب اخفي الاي بي او غيرو
ولا تفتح برنامج خرق بروكسي
ولازم يكون عندك جدار حماية قوي

اي أخونا... كيفك اليوم؟

إذا جربت تستخدم تغيير كلمة المرور عن طريق البريد الإلكتروني البديل وما مشي الحال...

وإذا جربت تستخدم تغيير كلمة المرور عن طريق الإجابة السرية على السؤال السري وكمان مشي الحال..

فما قلك غير انو تراسل الشركة وتعطيهم معلومات بتأكد ملكيتك للبريد الالكتروني وانو انسرق منك... هي المعلومات لازم تكون دقيقة جداً، مثل التاريخ اللي عملت فيه البريد، آخر مرة بالتاريخ والتوقيت قدرت تفوت عليه، أسماء الفولدرات الموجودة فيه، أسماء الاتصالات، عنوان لايميل قديم وصلك عليه... الخ.. وإذا ما بتتذكر كتير حاول تتصل مع أصحابك اللي بيراسلوك على الايميل وممكن هم يساعدوك (يعني ممكن يشوفوا الرسائل المرسلة في ايميلهم الك وهيك بيعطوك عنوان شي ايميل قديم انبعت منهم على ايميلك المسروق)

هلأ فوت على هالوصلة مشان تقدر تراسل الشركة، بس قبل ما تفوت عليها يا ريت تشوف الصور المرفقة، صورتلك الطريقة وشرحتلك كل نقطة فيها...

https://windowslivehelp.com/PasswordReset.aspx

موفق أخونا وإذا في شي ما فهمته بالشرح خبرني.

صلواتك

:sm-ool-322:

ملف مرفق 1951

ملف مرفق 1958

ملف مرفق 1959

ملف مرفق 1954

ملف مرفق 1957

ملف مرفق 1955

ملف مرفق 1956

ملف مرفق 1953

ملف مرفق 1952

شو صار معك أخ الياس؟ مشي الحال أو لسه؟؟

جربت فييا ومشيت فييا تمام التمام بس حسيت حالي بعد ما دخلت البيانات وصلت لطريق مسدود ماعرفت شلون بدي كممل
ااخر شي وصلت عالصفحة يللي عرضوا فييا البيانات يلللي انا دخلتا

ميرسي كتييير ألك غلبتك