سبب بطء الصفحة عند كتابة موضوع جديد

قد يلاحظ الأخوة النشيطين في كتابة المواضيع الجديدة وجود بعض البطء بعد الضغط على عبارة "اعتمد الموضوع الجديد".
وهذا الأمر عائداً، إلى أن المنتدى يقوم بعد الضغط على هذه العبارة، وقبل الانتقال من صفحة كتابة الموضوع، بقراءة الموضوع واستخلاص الكلمات الأكثر تكراراً وعنوان الموضوع لكي يضعها في خانة "الكلمات الدلالية (Tags)" والتي بدورها تقوم بربط عدة مواضيع مع بعضهم البعض من خلال الكلمات الأكثر تكراراً.
لأن الغالبية العُظمى، وأنا منهم، تنسى تعبئة هذه الخانة، فلذلك نحن مضطرين إلى الإبقاء على التعبئة الاوتوماتيكية لها.
اعذروناً، وشكراً لتفهمكم.

شكرا للتنويه و لكن صندوق الكلمات الدلالية لايقبل اضافة عدة كلمات حتى بوجود فاصلة بينها لذلك في كل المواضيع انا اكتفي بكلمة دلالية واحدة و هو يضيف الكلمات الأخرى اوتوماتيكيا كما أشرت.

بس كمان اخي الكسيوس في شوية بطء ، يعني المنتدى صار ابطأ من قبل بدو وقت تا يفتح علما انو انا عندي انترنيت

haute vitesse


http://www.desiglitters.com/wp-conte.../thank-you.gif

بالنسبة للفاصلة، أرجو استخدام الفاصلة الأنجليزية
يعني استخدام (,) :sm-ool-08: وليس (،) :sm-ool-25:

صاير أبطأ؟ يمكن لأني عم اشتغل شوي بالموقع فلهيك عم يصير في لود كتير ع الموقع.
وكل ما زاد عدد زوار المنتدى كل ما ضعفت السرعة.
متل الكمبيوتر، افتحي مية صفحة بتلاقي الجهاز بلش يعلق ويجمد.. بينما افتحي عشر صفحات بتلاقي ياعنيي عليه كأنو جديد.

لأ نشكر ربنا ونشكر خي ألكسي على التعب الكبير يلي عم تبذلو لبنيان هالعائلة المباركة أنا ماعم لاحظ أي بطء حاليا بس هاي غلة الكلمات الدلالية يمكن ما إلها لزوم أنا مابعرف يعني بس عالأكتر ما إلها لزوم

اقتباس:

---

لأ نشكر ربنا ونشكر خي ألكسي على التعب الكبير يلي عم تبذلو لبنيان هالعائلة المباركة أنا ماعم لاحظ أي بطء حاليا بس هاي غلة الكلمات الدلالية يمكن ما إلها لزوم أنا مابعرف يعني بس عالأكتر ما إلها لزوم

---

أخي الحبيب ميلاد، أعتقد أن الكلمات الدلالية تستعمل في محرك البحث لإيجاد مواضيع ذات علاقة بكلمات البحث. وإذا ما إلها لزوم لشو نستعلمها؟

الله يقويك ويكون معك ومعنا جميعا عائلة النمتدى

انا حبيت فكرة كلمات دلالية أوتوماتيكيا أنا واحد من الاشخاص أوقات بلاقي 7 كلمات دلالية وأوقات ما بلاقي الا العنوان وبالنسبة للبطئ خطوطنا خلقة الله بطيئة بس للصدق السرعة نسبيا معقولة
بب ضيف فكرة زغيرة انا بشوف انو الكلمة الدلالية هي كلمة ذات علاقة بفكرة الموضوع في كتير كلمات عم تتكرر بالموضوع وليست ذات علاقة قوية وكلمة ذات علاقة ممكن تكون انذكرت شي قليل وكل واحد بيقدر يفهم هالفكرة بعتقد واضحة, لا غنى عن الجهتين:
1- كل صاحب موضوع يدخل كلمات دلالية تكون أساسية ومحورية بالموضوع
2- الكلمات الدلالية الاوتوماتيكية
بتشكرجهودك والله يقوينا جميعا لرفع هالمنتدى منارة تهدي طريق كل انسان