اى علاقه بين اتنين ( من اى نوع سواء صداقه او ابوه او أخوه أو .... ) محتاجه تواصل وعلشان يبقى فى تواصل لازم الاتنين يبنوا جسر بينهم
بس الجسر دا علشان يتبنى صح ويبقى متين ويستحمل سنين عمرهم محتاج انهم هما الاتنين يشتركوا فى البناء بس يشتركوا ازاى ؟؟؟؟
تخيل مثلا ان الجسر دا هيمتد بين ضفتى نهر وكل طرف واقف على ضفته ومحتاج يتلاقى مع صديقه
يبقى لازم كل واحد يبتدى من عند ضفته ويبتدى بوضع اساس التضحيه والمحبه والبذل ويدعم الاساس بعمدان الاحتمال والتنازل عن وجه نظره علشان يقرب من اخوه وطبعا هيبقى فوق العمدان الجسر نفسه جسر الموده والدفء جسر الكلمات الرقيقه والمواقف الحقيقيه
لو كل طرف فيهم ادى دوره صح هيلاقوا نفسهم اتقابلوا فى النصف بالظبط يعنى اتقابلوا فوق اعمق جزء من النهر بس مع عمق النهر وخطره هما فوق اقوى جسر
وعلشان تتأكد بأهميه دور كل طرف هنتخيل جسر فاشل هيبنيه ( س ) مع ( ص )
( س ) :: أبتدى يشتغل بهمه عايز يوصل ل ( ص ) بسرعه مش هامه التعب ولا الجهد :smilie (14):
( ص ) :: قاعد مكانه شايف أن أرائه ديما صح هو بيفهم أكتر من ( س ) يبقى لازم ( س ) يتبع تعليماته وينفذها علشان الجسر يتبنى :smilie (125):
( س ) :: خلص نصف الجسر بتاعه بمهاره فائقه وكمان عمل اعمده أناره المجاملات اللطيفه وزرع ورود الثقه ...... (س ) فى قمه فرحه وسعادته المفروض هيقابل حبيبه ( ص ) :smilie (99):
( ص ) :: شايف ( س ) بطىء مش ممكن الكسل اللى بتحرك بيه كان لازم يخلص الجسر كله مش نصه ..... يبقى لازم وقفه جامده مع ( س ) لانه مقصر :smilie (180):
( س ) :: أتصدم معقول بعد كل الجهد والتعب أكون مقصر أكون أنا سبب فشل الصداقه والحب .... ( س ) قرر يبذل مجهود أكتر ويلتمس الاعذار لحبيبه ( ص ) :smilie (150):
ولسان حاله يقول معلش تلاقيه كان تعبان من الشغل او عنده مشكله علشان كدا مهتمش بمحبتى أنا هقرب منه أكتر أصل مفيش بينا فرق.............. هاخد من موادى الخام اللى فاضله هاخد حديد وقتى وهاخد اسمنت اهتمامى :smilie (126):
( ص ) :: أيوه كدا اهو ابتدى يشتغل أصله مش بيجى الا بالعين الحمرا :smilie (86):
بس مشكله جسر التواصل ان محدش يقدر يحفر الاساس او يبنى العمدان فى النصف التانى بتاع صاحبه بس ممكن انه يبنى الجسر نفسه من غير اساس ولا عمدان يعنى جسر نصفه على الهوا
نرجع لأصحابنا هنلاقى ( س ) كمل شغله وفضل ( ص ) يوجه ويدى أوامر
وجت اللحظه الحاسمه ( س ) الرائع وصل بالجسر لضفه ( ص )
الدنيا مش على اد فرحت ( س ) خلاص وصل لحبيبه ( ص ) ونسى كل دمعه حزن او ألم اعترضت طريقه:smilie (94):
بس فجأه ........................................... الجسر أنهار تعب السنين راح
الجسر كان اتحمل اقصى وزن ممكن يتحمله جسر نصفه من غير اساس
بس
( س ) :: ابتدى يغرق وهو على شاطىء ضفه ( ص ) يعنى مش فى مكانه .... المسكين مفروض عليه يرجع لمكانه ويبتدى يشيل الانقاض والهدد اللى عكر ميه مشاعره الميه اللى بيعيش بيها .... :smilie_ (25):
( ص ) :: أخيرا حس بمحبه (س ) أخيرا شاف مجهود (س ) اللى كان بيحاول يسعده ديما بس هو فين (س ) :smilie (143):
ابتدى يصرخ ............ فينك يا (س ) انت فين انا مقدرش اعيش من غيرك انا شفتك وانت بتقع من فوق الجسر وشفت حجاره الجسر وهى نازله عليك ........ بس سامحنى مقدرتش اساعدك انا متعودتش امد ايدى بالحب انا مقدرش اقول :smilie (173): انا جرحتك
وفى قسم العظام المشهمه والجراح العميقه كان نايم ( س ) بكل ألم
وفى قسم الحالات النفسيه لقينا ( ص ) ورأى الاطباء بيقول انه بيعانى من تأنيب ضمير حاد بيحاول يداريه بالكبرياء :smilie (41):
*********************
خلص التشبيه العجيب وجينا للجد ::
كل واحد فينا ممكن يبقى ( س ) او (ص ) فى كل علاقه بيعيشها بس الكارثه انهم الاتنين غلط
( ص ) ...... غلط بتسلطه وعدم تقديره لأمكانيات وقدرات ( س) وحبه لذاته وعدم تضحيته غلط لما رفض أنه يتغير وطلب كل أن كل التغيير يبقى من عند ( س ):smilie (121):
( س ) ...... غلط بسلبيته وضعفه غلط لما استمر فى علاقه مبنيه على التضحيه من غير اى مقابل او تقدير معنوي غلط لما استمر وهو مضغوط عليه من غير ما يعبر عن غضبه او يعمل وقفه مع ( ص ) :smilie (87):
والحل سواء كنت ( س ) او ( ص ) .............. أعمل وقفه مع نفسك وشوف نفسك صح وبعدين شوف اذا كنت محتاج تواجه الطرف التانى او تعتذر ليه :smilie_:
بس لو سكت مصيرك يا اما قسم العظام والجروح العميقه او قسم الامراض النفسيه
* أي علاقه بين أتنين علشان تنجح لازم الاتنين يتغيروا علشان يوصلوا لأرض مشتركه مينفعش واحد بس هو اللي يتغير في اسلوبه او افكاره او قنعاته والتاني يفضل زي ما هو
ـــــــــــــــــــــــــ ـــــــــــــــــــــــــ ـــ
بعتذر لأن الموضوع قديم وانا نزلته في منتدى تاني :smilie_:
