أنا وشجرة التين ....

" فنظر شجرة تين من بعيد عليها ورق وجاء لعله يجد فيها شيئا فلما جاء اليها لم يجد شيئا الا ورقا , لأنه لم يكن وقت التين " ( مر 11 : 13 )

زمان كنت بستغرب ألأيه دي وكنت بسأل يا رب لما هو مش وقت التين ليه لعنت الشجره أنت عادل مع كل مخلوقاتك ... بس دورت على التفسير لقيت حاجه عجيبه

أنه شجرة التين بتبقى طول السنه ملهاش ورق ووقت ألأثمار بس هو دا الوقت اللي بيطلع ليها ورق يعني طلوع الورق مرتبط بالثمر هنا فهمت هي ليه اتلعنت

لانها كانت بتخدع كل اللي بيشوفها على انها شجره مثمره وهي منظر على الفاضي وبما ان شجرة التين مجرد رمز لبعض الناس اللي بيعيشوا شكل الايمان الخارجي وشكل الحياه المسيحيه وبيخدعوا الناس وبيخدعوا نفسهم انهم مسيحين بحق
كمان رب المجد قال مثل تاني بيوضح اكتر نفس المفهوم

" ويل لكم أيها الكتبه والفريسيون المراؤون لأنكم تشبهون قبورا مبيضه تظهر من خارج جميله وهي من داخل مملوءه عظام أموات وكل نجاسه , هكذا أنتم من خارج تظهرون للناس أبرارا ولكنكم من داخل مشحونون رياء واثما " ( مت 23 : 27 - 28 )

تخيلوا التشبيه قد ايه قاسي بس هو حقيقي شبه القبر ........ فعلا القبور جميله من برا ومش جميل وبس دا احيانا بتبقى القبور رائعه وكلنا بنشوف القبر من برا ... لكن عمرنا ما فكرنا ندخل جوا القبر ونتفرج عليه .......
مشكله شجرة التين او الشخص المرائي في رأي ليها بعدين
1
- أني أقابل شخص شجرة تين ودا ابسط احتمال لأني ببساطه هبعد عنه وهكبر دماغي منه بس دا في حالة أني اكون واعيه للنقطه دي بمعنى

رحت من حوالي سنه أبارك لصاحبه ليا على زواجها وزوجها قابلنا وكان شخص رائع بجد ابن ربنا وانسان زوق بصراحه فيه كل الصفات الحلوه ربنا يسعدهم المهم بعد ما خرج فضلت تحكي لينا عن خدمته وانه كان بيخدم في كذا نشاط في كنيسته وخدمته كانت رائعه فواحده مننا سألتها وهو بيخدم في ايه دلوقت قالت هو دلوقت يا دوب بيتناول بس فسألنا ليه قالت لانه اتصدم في أمين الخدمه ومن ساعتها بطل يروح الكنيسه دي وبطل يخدم في أي كنيسه :cry:

بصراحه هو معاه حق هو مستوعبش انه ممكن ان يكون امين الخدمه مسيحي مظهري ليه منظر الحياه المسيحيه لكنه معندوش جوهر الحياه دي بيتناول ماشي بيعترف مفيش مشكله بيخدم ممكن لكن كل دا كواجب او زي ما كل الناس بتعمل هو كمان بيعمل يعني أهو واجب والسلام

الحل في رأي لأي حد منا لو قابل النوعيه دي خصوصا لو كانوا خدام كبار يبعد عنهم أحسن ما يتعثر ودي مشكله الاباء الكهنه ربنا يعينهم عليها

2 - أني انا شخصيا اتحول لشجرة تين من غير ما أخد بالي ودا لما ابتدي صح مع ربنا وبعدين امارس مسيحيتي كطقوس وخلاص وانا هعرف حالتي كويس لما أفحص نفسي من خلال كلمة ربنا ليا كل يوم لان ربنا مش ممكن يسبني اتحول وابعد عنه من غير ما يفضل يحذرني بس انا لازم اسمع كلامه بأرشاد روحه القدوس العامل فيا

كمان هعرف وأتأكد أني بقيت شجرة تين لو حبيت المديح وكلام الناس اللي غالبا مبالغ فيه

يعني تلاقي الناس بتقول ياه البنت دي بتنضح زيت من كتر القداسه ...........بس هي بتنضح زيت لأن بشرتها دهنيه عادي جدا :smilie_ (35):
لو حد مدحك وأنت مرجعتش الفضل لربنا حتى لو من جواك يبقى على ما اعتقد انك في مشكله حقيقيه
أ
حنا اتخلقنا علشان نكون كرمه مثمره مينفعش نبقى تينه من غير ثمر :smilie (41):
ـــــــــــــــــــــــــ ـــــــــــــــــــــــــ ــــــــــ
* خليني أقدر أبوتك وفديتك بروح خشوع
وأسجد بحمد لنعمتك ومحبتك لينا في يسوع

خليني أعيش عمري اللي باقي على الارض ليك
يكفى اللي ضاع من بين أيديا وأنا اسمي ليك

القرار ::
يا أب يحبني يا حب يردني
يا قلب يضمني يا رب ارفعني ليك

* خليني أقدم برأفتك حياتي لك وكل شيء
ثبت جذوري في كرمتك نقيني بالحق المضيء

خليني أكون غصن في مسيحي مليان ثمار
أشهد بروحك وبكلامك عن أختبار

موضوع حلو
كما تعودنا منك اخت فيرينا


صلواتكم

شكرا لتعبك فيرينا والله يباركك

" ويل لكم أيها الكتبة والفريسيون المراؤون لأنكم تشبهون قبورا مبيضة تظهر من خارج جميلة وهي من داخل مملوءة عظام أموات وكل نجاسة . هكذا أنتم من خارج تظهرون للناس أبرارا ولكنكم من داخل مشحونون رياء واثما(مت23-27-28).
شكرا اختي على تعبك وربنا يعطيك الصحة والعافية ونعمة وبركات ربنا ومخلصنا يسوع المسيح تكون معك الى الأبد آمين.
بصلواتك

حبيب

شكرا دا بس من ذوقك وربنا يبارك حياتك ويستخدمك لمجد اسمه

رواد

ويباركك انت كمان ويخليك تعيش حياه القداسه ديما

عودة

معاك حق انا ألأيه دي بترعبني ربنا ميسمحش أن اي حد منا يبقى كدا ويحافظ على ايمانا


امين صلوات العدرا والقديسين ربنا يبارك حياتك ويستخدمك لمجد اسمه القدوس