" وأما مرثا فكانت مرتبكه في خدمه كثيرة . فوقفت وقالت يا رب أما تبالي بأن أختي قد تركتني أخدم وحدي فقل لها أن تعينني " ( لو 10 : 40 )
لفت نظري موقف مرثا مع ربنا الطبيعي لو اي حد عنده ضيوف واخواته مش بيساعدوه ممكن يوجه الكلام لأخواته قدام الناس علشان يساعدوه لكن محدش بيكلم الضيف لانه ملوش دعوه دا ضيف
لكن مرثا عملت اللي كلنا بنعمله لما تحصل لينا اي مشكله او اي مرض او اي شيء سيء .......... بنلاقي جوانا مشاعر بتلوم ربنا او على الاقل بنحاول نسأله ليه سمحت بالأمر دا ... انا شايف انه ضرر ليا ... انت فين يا رب متدخلتش ليه زعلان
وساعات اول ما بيجي التفكير دا بنحاول نسكته ونقوله اذهب عني يا شيطان الرب بيحبني ومات من اجلي :smilie (64):
بس في نفس اللحظه بيبقى في لخبطه جوانا من ناحيه حاسين ان ربنا مش حاسس بينا ومش مهتم بينا كفايه ومن ناحيه تانيه الكتاب بيقول ان الرب بيحبنا محبه ابديه وادام لينا الرحمه
في اللحظه دي ملقتش حد صح أد مرثا انها مسبتش ابليس يلعب بفكرها ويهز ثقتها في ربنا لكن جريت وسألته على كل اللي في بالها
ولما سألته جالها أجابه هي مش متوقعاها الرب قالها انه المشكله فيها هي مش في مريم :smilie_ (11):
" فأجاب يسوع وقال لها مرثا مرثا أنت تهتمين وتضطربين لأجل أمور كثيره ولكن الحاجه الي واحد " ( لو 10 : 41 – 42 )
مهما كان الامر اللي شاغلك أسأل ربنا عنه ومتسمحش لأبليس انه يلعب بيك أفتكر صاحبه ليا والدها اتوفي ولما رحت اعزيها فضلت تحكيلي انه عمو الله يرحمه فضل في المستشفي سنتين وعمل فيهم اكتر من عمليه وفي الاخر مات
بس هي لامت ربنا انه يا رب لو انت كنت عايز تاخده ليه مأخدتهوش من الاول ليه سمحت انه يتعذب في المستشفى بدام كدا كدا هو ميت :cry:
هي كانت محتاجه لأجابه ومفيش انسان يقدر يجاوب عليها لأن محدش يقدر يعرف فكر الله وهدفه غيره كان لازم تسأله لو عايزه تعرف الاجابه والرب مش هيزعل لو حد سأله وقاله ليه بالعكس هو بيرحب بكل ليه
" فأجاب الرب ايوب فقال . هل يخاصم القدير موبخه أم المحاج الله يجاوبه " ( أى 40 : 1 – 2 )
ساعات بتجي ردود في بالنا لأي شخص متألم أن ربنا سمح بكدا علشان يباركك زياده أو لأنه سمح بكدا علشان تلجأ ليه وتوب وتغير حياتك
ممكن تكون الاجابات دي صح بس مش ديما هي التفسير الوحيد ساعات ربنا بيسمح بتجارب ومواقف علشان بيها نتعرف على نفسنا ونشوف عيوبنا زي مرثا
تخيل مثلا انك ترس في ساعه مكانك الطبيعي في الساعه من جوا لكن فجأه طلعت في دماغك وقلت لربنا انا عايز ابقى عقرب ثواني وتفضل تجاهد وتحاول انك تتغير علشان تناسب المكان الجديد اللي انت اختارته لنفسك
وكل مره ربنا يقولك دا مش مكانك وانت تطلب من ربنا معجزه وتغيير وبما انه هو ربنا الصانع العجائب يبقى ايه المانع يحقق طلبك ولما ربنا مش بيحقق حلمك المستحيل ترجع تلوم ربنا انك فشلت في الامر دا :smilie (41):
لكن تخيل لو ربنا كان سمع كلامك وخلاك ترس مكان عقرب الثواني تخيل ايه اللي ممكن يحصل
1 – ساعه فاشله شكلا وموضوعا شكلا بقت ساعه شكلها عار وموضوعا الترس وزنه أثقل من وزن العقرب يعني الساعه مش هتمشي صح
2- مكانك الاصلي بقى فاضي .................:smilie (84):
3 - وزن الترس هيحطم العقارب التانيه عقرب الساعات وعقرب الدقائق
يعني مش هتضر نفسك بس لكن هتضر اللي حواليك كمان
علشان كدا احنا محتاجين ديما تفسير من ربنا وكمان نكون مستعدين نسمع تفسيره افتكر مره وقعت في مشكله وكنت مصره اعرف الغلط فين بس مكنتش مهيأه أني اسمع بس كنت بزن اني اعرف ليه سمحت يا رب
وأفتكر رد ربنا ليا هو كان غريب بس كان لازم
" بل قال لي الرب كفاك لا تعد تكلمني ايضا في هذا الامر " ( تث 3 : 26 )
منكرش اني زعلت وقلتله حاضر يا رب مؤقتا بس عايزه افهم فرد عليا تاني وساعتها بس انا ارتحت
" أجاب يسوع وقال له لست تعلم أنت ألأن ما أنا أصنع ولكنك ستفهم فيما بعد " ( يو 13 : 7 )
وفعلا الرب جاوبني بعدها وفهمني الغلط كان فين وللأسف المشكله جزء كبير كنت انا المسئوله عنه لأني كنت شايفه نفسي غلط:smilie (129):
أهم حاجه في أني أسأل ربنا عن السبب هو اللي حصل بعد كدا مع مرثا لما لعازر انتقل
" فلما سمعت مرثا أن يسوع آت لاقته . وأما مريم فأستمرت جالسه في البيت , فقالت مرثا ليسوع يا سيد لو كنت ههنا لم يمت أخي , لكني الآن أيضا أعلم ان كل ما تطلب من الله يعطيك اياه " ( يو 11 : 20 – 22 )
اهم حاجه كسبتها مرثا انه بقى عندها ثقه في المسيح وفي أقرب مشكله حصلت ليها لجأت ليه لأنها جربته قبل كدا وعرفت تثق في مين بعد كدا
ـــــــــــــــــــــــــ ـــــــــــــــــــــــــ ـــــــــــــــ
1 - أنت تهتم بي أنت تقودني وأنت ترعاني ها قلبي في يديك وعينايا عليك يا من لا تنساني
القرار ::
أسبحك بقلبي اللي أشتهى دوما حضورك وأعبدك ربي للمنتهى طلبتي مجدك
2 – أطيعك سيدي بكل ما بيدي وأسمك ضماني فحياتي كلها أنت تتويجها وأنت سلطاني
3 – يا من أحيا به أوجد من أجله ولقصده أتاني سلمت دفتي فقد سفينتي أثق بك ايماني
4 – أذني ثقبتها ولعا بحبك فشخصك سباني حبك أسكرني عطفك غمرني ودمك فداني
