الرب هو الوكيل الوحيد المعتمد لحياتك

كل واحد منا عنده فى بيته أجنده تليفونات لكل مراكز الصيانه بتاعة أجهزته صيانه الغساله والثلاجه و ......

واول ما نلاقي أي تغير حصل لأي جهاز نجري نتصل بالتوكيل حتى لو التغير دا مش باين ومالوش تأثير برضوا نجري على الصيانه :smilie (112):

وفي نفس الوقت اللى بنتصل علشان نصلح الغساله تلاقينا بنشتم الشركه وبنحلف أد كدا انه مش سوء استخدام ونعمل خطايا متتعدش وفى نفس اللحظه منحسش انه لسانا بايظ وانه زايد عشره متر محتاجين يتقصوا

كمان نزور جارنا ونفضل نجيب في سيره الناس طبعا بالشر ...... نقابل جيرانا على السلم ننسى مفهوم الطهاره

نتنرفز فى الشغل ونطلع علبه السجاير ومنعتقهاش ألا لما تفضى

نكتب فواتير المكتب نخنصر ( نسرق ) فى المصاريف

أخدنا بالنا ان الغساله بتعمل صوت وهي بتشتغل وملفتش نظرنا انه من ساعة ما بنصحى من النوم واحنا كل أجهزتنا خربانه وعايزه تترمى بس مش هتترمي فى السله دي هتترمي في جهنم لو مرضناش نروح للتوكيل :smilie (151): :smilie (182):

بالزمه يبقى عندنا توكيل وحيد معتمد فيه كل قطع الغيار ونروح ندور برا على أي حد يساعدنا على التغيير !!!

معانا الكتالوج الشخصي لينا كلمه ربنا ومعانا فاتوره الضمان مختومه بدم المسيح

يبقى ليه مش بنجري نتصل بالوكيل الرائع دا هل هيعجز على تصليح أي عيب فينا ؟؟؟:smilie (41):

" ففسد الوعاء الذي كان يصنعه من الطين بيد الفخاري فعاد وعمله وعاء أخر كما حسن فى عيني الفخاري أن يصنعه , فصار الي كلام كلام الرب قائلا أما أستطيع أن أصنع بكم كهذا الفخاري يا بيت اسرائيل يقول الرب هوذا كالطين بيد الفخاري أنتم هكذا بيدي " ( أر 18 : 4 – 6 )

فكر فى الانبا موسى والقديس اغسطينوس التائب أزاى ربنا غير حياتهم من النقيض للنقيض ... يبقى مش هيعرف يغير كل عيوبك وكل ضعفك !!!!

" فمن ثم يقدر أن يخلص الى التمام " ( عب 7 : 25 )

تأكد انه هيغيرك ويخلصك الى التمام بس حس بيه وحس بوجوده :smilie (99):

أى توكيل علشان تتصل بيه لازم تدور على نمرته الاول قبل ما تطلبه بس وكلينا الرائع مش بيسبنا ندور عليه لكنه فى كل لحظه بيدينا تنبيهات وانذارات بس كل اللي علينا أننا نلتفت ليه

" التفتوا الي وأخلصوا يا جميع أقاصي ألأرض لأني أنا الله وليس أخر " ( أش 45 : 22 )

سمعت تأمل حلو للأيه دي .. أنه كأن واحد ماشي فى طريقه وباصص لأقدام وفجأه حد نده عليه فلف راسه بس علشان يشوف اللى بيناديه لكن باقي جسمه متجه للطريق اللى هو ماشي فيه ... بس اول ماشاف ربنا ربنا قاله بس كدا خلاص انا كدا هعرف أشتغل وأتصرف في حياتك

ألتفت علشان تخلص ... قوله محتاجك في حياتى ..... وشوفه هيعمل أيه .... :smilie (89):

• ممكن تقوله الترنيمه دي ( متعقدهاش ألفلها لحن :smilie (134): )


1 – أنــا أنــاء أســـــود كاســيــر عليــل
لقتني أيد خزاف ملوش مثيل
صرت في يده انــاء أبيـــض جميــل

القـــرار :::

أنا غالي فيك يا أغلى مافي عمري
مهما ابليس رخص في عينيا أمري

وضعفي صار حيره وسكوت وصمتي
أذكر دا دمك هو ثمــــني وقيمـــتي



2 – أنا عايش بيك يا نفسي وشهيقي
بتقودني ايديك وتنور لي طريقــي
دايما بالقاك وحدك خلي وصديقـي

3 – أنــا بستنـاك فــي كــل يــوم راعــي
أجري أحكي معاك وأسمع ردك علي
وتضمــني لـيــك يـا أبــويـــا وفـــادي

حلو كتييييييييييييييييير
الله يوفقك.........................

ويوفقك انت كمان


شكرا على المشاركه ربنا يبارك حياتك

لا تعليق بجد شي

بشجع ننتظر المزيد ربنا يحفظك تحت جناحه

أخوكي بالرب الفادي يا " فيرينا "

إبراهيم ابن فلسطين

الله يعطيك الف عافية !
شكراً و لكن هل استطيع ان اطلب منك اخي تحكميل الترنيمة او ان تعطيني موقع استطيع ان اجد الترنيمة فيه فقد احببت كلماتها ..

شكرا لك اختي فيرينا على هذا الموضوع الجميل ونبارك تعبك وربنا يقويك بنعماته وبركاته آمين.
اذكريني بصلواتك

ابراهيم

شكرا كتير على تشجيعك بجد مش عارفه اقولك ايه بس دا من زوقك

ربنا يبارك حياتك ويستخدمك لمجد اسمه

Gaga

ويعطيك الف عافيه انت كمان

بالنسبه للترنيمه انا ملقتش غير الرابط دا ليها بس انا سمعتها من المرنم نشأت واصف كانت اجمل من كدا بكتير بس معرفتش القيها بصوت الاخ نشأت :smilie (41):

http://www.alkhaima.net/anhar2.php?listen=87

يا رب تعجبك ..........

ملحوظه صغيره انا أختك مش اخوك ......... ورحمه خالي حسن انا بنت :smilie_:

ربنا يبارك حياتك ويستخدمك لمجد اسمه

عوده

دا بس من زوقك ويا ريت انت اللي تذكرني بصلاتك

ربنا يبارك حياتك وعيلتك ويستخدمكم لمجد اسمه

اقتباس:

---

ورحمه خالي حسن انا بنت :smilie_:

---

الله يرحموا بقى.....الفاتحة:smilie_:

اقتباس:

---

المشاركة الأصلية كتبت بواسطة فيرينا

ورحمه خالي حسن انا بنت :smilie_:

---

مصدقينك من غير حلفان بنت و ست البنات كمان lol

:smilie (98): طب عدوها :)

اقتباس:

---

الله يرحموا بقى.....الفاتحة

---

الفاتحه لا يجوز .......... ابانا الذي يجوز جدا

اقتباس:

---

مصدقينك من غير حلفان بنت و ست البنات كمان

---

ربنا يكرمك يا حج انا قلت لو مش مصدقين اجبلهم البطاقه