فقرات للمخيم

هاي أخواتي بليز بدي مساعدة منكن بدي فقرات لسهرات المخيم أكيد في منكن طلعوا مخيماتن يا ريت تساعدوني بأفكاركن بدي فرقتي تأبدع بفقراتا .:smilie (8):

و مشكورين سلفاً الرب يبارك خدمتكن

يا ريت يلي بيتذكر أخت رولا يتذكرنا كمان بشوية فقرات صاير عنا نقص شوي
صلواتكم:smilie_ (16):

أوكي أخت ديمة أنا رح حط الفقرة الدينية اللي رح أعملا لولادي :

الممثلين :
الشيطان .... يسوع .... وصاحب المنزل ....



المشهد الأول ..... الولد مرتاح داخل كتير جوات البيت وفجأة بيندق الباب ......

الولد : مين

يسوع : أنا يسوع

الولد: شو يسوع ياويلي ..... تفضل تفضل يسوع أهلا وسهلا شرفت

الولد يتكلم الأطفال بالمخيم ..... وين بدي أقعدو شو رأيكن أقعدو بأحسن غرفة عندي ..... اكيد رح يحبني


الولد : تفضل تفضل يسوع أنا رح أقعدك بأفضل زاوية بالبيت يعني رح أعطيك أكتر غرفة منيحة
أي أنا كم يسوع عندي ..

((( يسوع يبتسم )))


وفجأ ة بيندق الباب :
الولد : مين

((( وهو عم يفتح الباب )))))

الشيطان : ((( يتعارك هو والشيطان علىالباب )) ههههه أنا بدي أدخل على بيتك غصبن عنك ......

الولد : لا ما رح خليك رح ضل أتخانق معك لحتىقلعك ....


(((( ينتصر الولد )))

الولد يتكلم مع الأولاد .... لكن وينو يسوع ما ساعدني ......مو بقولو أنو الشرير ما بيقدر قرب إذا كان يسوع ...ل


الولد : يسوع يسوع .... أنت ليش ما ساعدتني مو أنا عطيتك أحسن غرفة بالبيت

ليش هيك ما قلعتوا من البيت

يسوع : لا أنا ما بقلعوا أصلا أنا إلي غرفة بالبيت يعني غريب بس أنت صاحب البيت ما بقدر قلع ضيوفك

الولد : شو هالحكي يا يسوع أنت من أهل البيت
طيب طيب رح أعطيك نص البيت أي ................قال غريب غريب

الشيطان مرة تانية بيتخانق مع الولد .... ويكاد ينتصر الشيطان بس بيرجع الولد بينتصر



الولد يا ويلي شو هالمعركة كنا رحنا فيها ..........يوه صحيح وين يسوع .....

يسوع معقول أنت ما ساعدتني وقفت غريب هيك ......

يسوع أنا غريب ما قلي غير نص البيت وهاد ضيفك دق على بابك ....

الولد شو غريب يسوع

يسوع ... بس يكون البيت إلي بيقدر قلع مين ما بدي ....
الولد : طيب يا يسوع البيت إلك ما شي ...

يندق الباب وبيطلع الشيطان بيجهز حالو الولد لحتى يتخانق مع الشيطان بس الشيطان بكون قويان وجايب معو عدد أكتر ...

المهم ....
الشيطان : هههههههه هالمرة ما رح تقدرلي ههههههه

(( يسوع بوقف الولد وبروح هو بيقتح الباب .............. بشوفوا الشيطان وبقول يا ويلي يسوع وبيهرب وبيصير يقول لرفقاتو الشياطين هاد البيت صاحبو يسوع لا حدا يقرب.

انشالله تعجبك ديمة أنا ناقصني فقرة فكاهية بس انشالله يساعدوني فيا أخواتنا اللي هون .

شكراً أخت رولا عالفقرة كتير مهضومة وحلوة بس ولادك أي عمر

ولادي صف تامن

مخيمك أي يوم انشالله بقدر لوقتها نزل فقرات

مخيمي الخميس يعني بعد يومين بس

صعب شوي الوقت قليل أنتي بأي مدينة

كتييير حلوة

ميرسي أخ مالك على مرورك


بس يا ريت إذا حدا عندو شي فقرة فكاهية يحطلي ياها بسرعة لو سمحتو بدي مساعدتكن