ما أجمل أن يجتمع الأخوة تحت سقف واحد

الله معكم أحبائي ..
وصوم مبارك ويارب يكون خير وبركة عليكم جميعاً ..

ابتهجت نفسي بالقائلين لي إلى بيت الرب ننطلق ويترنيم الفرح ندخل إلى دياره ..

بتمنى تقبلوني بدياركم .. وأنا ماني غريب عنكم وتقريباً الكل بيعرفني ... بس ليلي ما بيعرفني كتبت هون ..

أنا imad وهاد اسمي .. عماد غميض .. من مواليد دمشق 1977
شغلتي بهالحياة انه الله اختارني وليش ما بعرف .. لحكمة هو ادرى فيها .. أنا كاهن بخدم بكنيسة سيدة النجاة بقطنا .. وهالمدينة هي بريف دمشق ..

ما بعرف إذا لازم عرّف عن حالي أكتر من هيك .. بس بتصور بكفي ..

انبسطت كتير بهالموقع .. والرب يحمي القائمين عليه واللي قاعدين فيه ..
وأنا على ثقة إني رح استفيد منكم كتير ..

محبة الرب تملى قلوبكم ..

أبونا عمااااااااااااااااااااد
منورنا

وصوم مبارك
أبونا بوجودك بينا أكيد حليت علينا البركة

مالي عارف شو بدي أحكي لانو خايف أبقى مقصر بحقك...... السكوت من ذهب

بس اسمحلي أني ادعو من هذا الموضوع جميع الأخوة لكي يقوموا بتعريفنا عن نفسهم على قدر ما تسمح لهم (ظروفهم)

صلواتك أبونا

antiochair

يمكن مشيئة الله انه نضل مجتمعين .. وكل هالشي لخيره ولمجده يتبارك اسمه القدوس ..

ما تقصر ابداً اخي الحبيب .. وتأكد اني بفتخر كتير لاني تعرفت عليك .. وانت اللي عودتنا انك تكون واضح وصريح ..
فالرب يزيدك ويبارك بخدمتك .. وانا كمان بحاجة كتير لصلواتك .. فما تبخل عليّ فيها ..

شكراً كتير لترحيبك .. كلك ذوق ..

اقتباس:

---

يمكن مشيئة الله انه نضل مجتمعين .. وكل هالشي لخيره ولمجده يتبارك اسمه القدوس ..

---

آمين

اقتباس:

---

وتأكد اني بفتخر كتير لاني تعرفت عليك

---

وأنا أكيد بفتخر بمعرفتي في قدسك وتباركت

اقتباس:

---

وانت اللي عودتنا انك تكون واضح وصريح ..

---

هي شهادة بعتز فيها

اقتباس:

---

وانا كمان بحاجة كتير لصلواتك

---

صلوات القديسين أبونا

صلواتك

نور المنتدى ابونا

منور بوجودكم حبيب ..
شكراً كتير ..

اهلا اهلا نورت المنتدى قدس ابونا عماد

ربنا معاك ويبارك خدمتك ويستخدم قدسك لمجد اسمه

اذكرنا فى صلاتك أبي

أنا كتير انبسطت لما عرفت إنو الأخ عماد هو أبونا عماد ،
أبونا الله يقويك وياخد بيدك ، وعلى طول تفيدنا وتمدنا بخبرتك في مجال التعليم

اسمي نجيب قرنوب من مواليد ادلب 1977 ، صيدلاني ، مندوب شركة أدوية في ادلب
من وقت ما وعينا بالدنيا بتذكر الكنيسة وإنو بروح عليا وما بتصور حالي عايش بعيد عنا
العمل في كنيسة ادلب ممتع جدا لأننا طائفة صغيرة ( 800 شخص ) والكل يعمل من أجل الكنيسة .

اذكرنا في صلواتك أبونا عماد بشكل دائم

وأنا كتير مبسوط بأني تعرفت عليكن ، بتمنى اتعرف على كل الأخوة في الموقع

فيرينا شكراً ... الله وحده يعرف كم لك معزة في قلبي ...

نجيب .. بتنحب من أول نظرة .. شكراً كتير على اهتمامك ومحبتك ..

ربنا يبارك بتعبكم ونشاطكم ..