حوار لطيف بين ( زوج مع زوجته )

هو: حبيبتي أنا بدي أطلب بيتزا ، بدك شي ؟
هي: لأ حبيبي
هو: اوكي
هي: ولا بقلك ..؟
هو: ها ، أطلب لك كمان ؟
هي: ما بعرف
هو: شو عارف اذا كان بدك ؟
هي: لا
هو: أنتِ جوعانة ؟
هي: يعني
هو: يعني شو يعني...؟
هي: يعني مش متأكدة اذا كنت جوعانة ولا لأ.
هو: الواحد لما بيكون جوعان بيعرف
هي: لأ بس يمكن جوع بعدين
هو: يعني اطلب لك بيتزا؟
هي: طيب واذا ما كنت جوعانة وقتها..؟
هو: ما تاكلي
هي: بس هياد تبذير
هو: خلص ، معناتا بتاكليها بكرة
هي: و اذا ما كان إلي نفس آكل بيتزا بكرة؟
هو: ما بدها نفس ، الواحد بياكل بيتزا كل يوم
هي: انا لا .. أنا ما باكل بيتزا الا لما يكون عندي نفس للبيتزا
هو: طيب بلا ، أطلب لك شي تاني؟
هي: بس أنا ما بدي شي تاني
هو: يعني بدك بيتزا؟
هي : لأ
هو: يعني ما بدك شي؟
هي: كمان لأ
هو: جننتيني ، طبيب شو بعمل ؟
هي: اطلب انت لحالك
هو: الحمد لله ، اخيرا .. ماشي ..
هي: بس اطلب بيتزا بالتونة
هو: نعم ؟ انا ما بحب البيتزا التونة
هي: بس انا بحبها
هو: وشو دخلك أنتِ ؟ هو انا رح اطلب إلك ولا إلي ؟؟
هي: إليك طبعا
هو: طيب ليش لأطلبها بالتونة...؟
هي: يمكن جوع لما يوصل الاكل
هو : أي؟
هي: يا سلام ، يعني بدك ياني آكل شي ما بعجبني؟
هو: ليش أنتِ – أصلاً - بدك تاكلي؟
هي: ليش لأ ؟
هو: يا مثبت العقل.. أنا بدي اطلب بيتزاإلي , مشان احتمال أنتِ تاكليها اذا كنتِ جوعانة؟؟
هي: بالضبط
هو: وأنا شو باكل؟
هي: ما يمكن وقتها كون ماني جوعانة

ملاحظة:
محكمة الجنايات قررت تبرئة الزوج من تهمة
"قتل الزوجة مع سبق الإص رار والترصد"
وتحويل التهمة إلى ..
"قتل الزوجة دفاعاً عن النفس"

"قتل الزوجة دفاعاً عن النفس"
مشكور الرب يباركك كتير حلوة

مشكور ميخائيل على الموضوع
بس قلنا لو كنت محلو للرجال بتجيب البيتزا ولا ................... مع سبق الاصرار