الأسد والفار
بهوني نهار شاف الفار
علبة فيها قطعة جبنة
لف ودار شم وقال
ريحة هالجبنة بتعجبني
ولما على العلبة فات
ومن خلفه تسكر الباب
صار يصرخ وينادي
النجدة النجدة يا اصحاب
- 2 -
بهوني نهار علق الفار
بعلبة فيها قطعة جبنة
لف ودار صرخ وقال
النجدة يا مين يخلصني
تلا صراخو كل الحي
سمعه الأسد وقال خطي
قرب صوبه وفتح الباب
وصفا شايف حاله علي
- 3 -
راح نهار ورجع نهار
سمع الفار صراخ وعنة
لف ودار انتبه وقال
هيدا الأسد اللي خلصني
صار يدوّر بالوادي
تالاقى العم بنادي
شافه علقان بشبكة
نصبوها الصيادي
- 4 -
ضحك الفار نط ودار
حيا الأسد وصار يغني
الأسد احتار ترجى وقال
مافي غيرك بيخلصني
الفار سنانه متل السيخ
قدو زغير وفعلو كبير
قطع الشبكة بدقيقة
خلص أسد من الضيقة
- 5 -
وهيكي صار لولا الفار
كان الأسد انهار وولا
اسمعوا يا كبار ياما زغار
فعـلن قـد الـدنيـي كـلا
