يا طالع عا حماطورة (نشيد)
يا طالع عا حماطورة والمشوار طويل
جــايي للعدرا تزورا وتضـوي القنديل
حـــامل بالقلب ندورا والايمــــان دليل
عا هالدرب المهجورة تهديــك السـبيل
يـاطـالع عا حماطورة والمشـوار طويـل
- 2 -
يـا قاصد دير العدرا تتصليـلا بإيمان
شوي شوي بالطلعة حتى ما توصـل تعبــان
لا تعتل همّ الوقعة بعمرو ما تجرّب انسان
لا تنسى تضوي شمعة وتطلب من الله الغفـران
وبـالرجعة العــدرا بـنـورا تهـديــك الســبيل
- 3 -
عا هالدرب الماشــيها قبلك مشـيو قديسـين
صـلّي وتخشّــع فيهـا بتشـعر إنن موجودين
نـدورك حتى توفيهـا خللي تيابك محتشـمين
الكلمة اللي بـدك تحكيها إلها حسـاب بيـوم الدين
وانشـالله العــدرا بــنـورا تهــديك الســبيــل
رد: يا طالع عا حماطورة (نشيد)
عنجد من أحلى الأناشيد الموجودة على الأطلاق....................شكرا اخت منى
رد: يا طالع عا حماطورة (نشيد)
شكرا كتير كتير كتير إخت منى
و عفكرة في جوقة سورية إسمها "جوقة الراعي الصالح"
يعني الله وكيلك أصواتهم ملائكية......
و بالمناسبة هالنشيد موجود بالCD اللي إسمه "رجوع الخاطئ"
و سؤال هالجوقة معروفة بلبنان أو لأ
لأنو ماشاء الله عندكم كل جوقة أحلا من التانية و خصوصا جوقة جبل لبنان
أخوك بالمسيح الياس
رد: يا طالع عا حماطورة (نشيد)
شكرا لتشجيعك اخ الياس
لدي مجموعة من 3 كاسيتات لجوقة الراعي الصالح ومن ضمنها هذا النشيد الرائع ، لكنني حصلت عليها اثناء زيارتي لدير سيدة بلمانا - في سوريا .
رد: يا طالع عا حماطورة (نشيد)
اخت منى ...........بس تطلعي مرة تانية على دير السيدة بلمانا اسالي عني الراهبات هونيك
رد: يا طالع عا حماطورة (نشيد)
رد: يا طالع عا حماطورة (نشيد)
اقتباس:
المشاركة الأصلية كتبت بواسطة Rawad
اخت منى ...........بس تطلعي مرة تانية على دير السيدة بلمانا اسالي عني الراهبات هونيك
:sm-ool-26::sm-ool-26::sm-ool-26: ليش ؟
s-ool-331
رد: يا طالع عا حماطورة (نشيد)
رد: يا طالع عا حماطورة (نشيد)
