** لــقــاء عــائــلــة الــمــنـتــدى **

:sm-ool-02:
لأنه حيثما اجتمع اثنان أو ثلاثة بإسمي
فهناك أكون في وسطهم

متى 18 : 20

بالتنسيق مع أخونا الحبيب ألكسيوس و أبونا الحبيب موسى خوري

تم الاتفاق على عقد

لقاء عائلة منتدى الشبيبة الأرثوذكسية

آن لنا بعد كل هذه المحبة من وراء الشاشة
أن نلتقي لنعيش هذه المحبة الأخوية وجهاً لوجه و قلباً لقلب

آمل حضوركم جميعاً أخوتي الغوالي:sm-ool-10:

المكان : وادي النـصـارى
الزمان : يوم الجمعة 30 نيسان

للتنسيق رقم هاتفي
0932440935
0317448094

و سأوافيكم في المشاركات التالية بالتفاصيل

محبتي لكم

صلواتكم

إي .. هللأ منترك الفصحى و منحكي عربي بقى .. !! :sm-ool-01::sm-ool-01:

هيّ فرصة إلنا كللللنا إنو نلتقي مع بعض .. و نعرف بعض أكتر .. و هادا أكيد شي بمنتهى الروعة ..

الحقيقة .. الفكرة بالبال من زمااااااان .. و الشوق لهاللقاء من زمان ..

ليش اخترنا الوادي ؟؟؟

لأنو موقعو بالمنتصف بين المحافظات ( السورية + اللبنانية ) .. و هيك بيكون متوسط المسافة عن الكل .. مو بيكون واحد قريب و واحد بآخر الدني (( ما عدا اللي بآخر الدني بكل الأحوال = ببلاد الاغتراب :sm-ool-01: ) ..

و من ناحية تانية منطقة الوادي - خصوصاً بهالوقت - فيها مناظر بتجنن من كتر الحلا .. يعني لقاء محبة + سياحة و اصطياف ..


أما عن مشاركة قدس الكهنة الأحباء .. رح يكون معنا أبونا الحبيب موسى و عم يتم الاتصال و التنسيق مع عدة كهنة من الوادي .. و كلللنا منتمنى إنو يكون الآباء الأحباء اللي معنا بالمنتدى حاضرين لأنو من زماااااااااااان حاببين من كللل قلبنا نلتقي فيهم .. و أكيد الدعوة كمان مفتوحة لكهنة الرعايا اللي إنتو فيها ..

وجود الآباء الكهنة معنا مهم جداً ليوصل صوتنا و نحكي معهم عن القضايا اللي بتهمنا و نتناقش بالحلول ..

يعني بشكل أوضح : من الغايات اللي منطمح لتحقيقها من خلال اللقاء إنو نوجد صيغة حوارية لنعالج من خلالها هموم الشعب و هموم الكهنة .. إي .. ما حدا يستغرب .. هموم الكهنة كمان .. نحنا متعوّدين بس نحنا ( نــّنــقّ ) على آبائنا الكهنة .. و مو الكل بيعرفو مدى حجم معاناة الكهنة ..

يعني إذا حبيت إختصر : الطموحات كبيييييييييرة .. و تحقيقها بيعتمد على مشاركتكم .. صار وقت الشي العملي ..

النية يكون في باللقاء فقرات متعددة .. من الفقرات المرحة للسياحية وصولاً للاستفادة الروحية و التطبيق بالحياة العملية ..

التجمع رح يكون بكنيسة مار الياس الغيور - الحواش .. و اللي لسا ما بيعرف عن كرم الضيافة الحواشي يجي و يشوف .. :sm-ool-08:


بالمشاركات اللي جاية رح حطّ صور - معلومات - خرائط عن المنطقة مشان اللي ما بيعرف المنطقة من قبل يعرف كيف بيقدر يجي ..

الفكرة رائعة أخ مكسيموس،
طبعاً مش هأقدر أتواجد معكم بالجسد بس معاكم بالروح يعنى :sm-ool-01:
المهم تحاولوا تتفقوا على ميعاد محدد و على برنامج للقاء، و لما يتم انشالله عايزة أعرف كل التفاصيل و النتائج اللى توصلتولها بالحوار و همتك معانا (اللى مش هنكون موجودين) بالصور !!!

يا عم مكسيموس
فكرة رائعة و ان سبقكم اليها المنتدى الشقيق سارافيم

مفيش حاجة كده للي برة سوريا و لبنان ?
:(

المسيح قام
وأخيراً صار الحلم حقيقة
للأسف كنت بتمنى أجي بس وقتها رح تروح البكالوريا:sm-ool-28::sm-ool-30:.......انشالله ينجح اللقاء ويتكرر دائما لحتى يكون ألنا بركة بلقاء الكل
صلواتكم

امنية يا ريت تتحقق شي نهار
ربنا يكون معكم ويوفقكم لمجده تعالى
اذكروني بصلواتكم
وسلام للكل ولوادي النـصـارى
نحن من هون اكيد راح نرافقكن بصلواتنا
تاتضل هالعيلة عيلة محبة ومحمية من ربنا سبحانه وتعالى
وانشالله اللقاء ات اللي جايي بكون النا فيها نصيب
صلواتكم اخوتي

يتمنى أقدر كون معكم فعلا
خطوة كتير حلوة والله يبارك لقاءكم
وإن شاء الله بشارككم بلقاءات قادمة
اذكرونا بصلواتكم

وادي النـصـارى من أجمل المناطق وأطيب شعب
الفكرة حلوة كتير

يا بختكم ......ياما كان نفسي في لقاء مثل هذا اللقاء

لكنني في القاهرة

صلوتكم لي عندما تلتقون

محبتي

الصياد

اقتباس:

---

. مو بيكون واحد قريب و واحد بآخر الدني (( ما عدا اللي بآخر الدني بكل الأحوال = ببلاد الاغتراب :sm-ool-01: )

---

:sm-ool-19:
LUCKY YOU
We will be praying with you