أبو غسان.. دمه من دم المسيح.. الأب الروحي لجماعة أبناء النعمة

أخي سلامة أنا ما هاجتمك، وماقصدي اعلن الحرب ضدك، واذا غلطت بحقك سامحني أخي، بس من معرفتي للكهنة بجزم بمؤامرة محاكة ضدهون وهاد الشي كمان أخي مابينسكت عليه، وبين هاد الشي خصوصاً بعد ما جدد الأب بطرس اسبر كنيسة جرمانا صار أحد الكهنة يحكي عليه للرعية بلخلف وهاد الشي منقول إلي حرفياً، طيب ليش الأب (فلان) ماكان عم يحكي عليه وعلى الكهنة الباقين قبل تجديد الكنيسة؟؟؟؟؟!!!! وخصوصي صرلو الأب بطرس مستلم مهامو بكنيسة جرمانا من شهر آذار؟؟؟؟!!! يمكن مشان ما يطلع نقطة على السطر قدام يلي ساواه الكاهن الجديد.
وبالمناسبة أنا سمعت أنو صاحب الغبطة ببداية سيامة الكهنة التالية أسماؤهم كان أخد منهون تعهد بأنو يلغوا أي علاقة بجماعة أبو غسان إذا كانوا الهون أي علاقة فيها (يعني صاحب الغبطة بيعرف بأمر هل الجماعة) ومن بعدها ماعاد حدا بيقدر يثبت أنو الكهنة لسعتون من هل الجماعة، يالعكس سيرتون كتير حسنة وأخلاقون عالية ورعاة ممتازين (بشهادات الرعايا)، مشان هيك أخي سلامة، بتمنى يكون قبل ماتشوهوا بسمعة الكهنة تتأكدوا من مصدر المعلومات، وماترجعوا تجرحوا وتشوهوا بسمعة الكهنة، إذا كان فرضاً بالماضي أخطؤا، لاترجعوا تفتحوا أخطاء الماضي دون أدلة ملموسة، (أني غير متأكد من المعلومات دون وثائق).

صلواتك أخي سلامة وحابب أتعرف عليك أكتر أخي، وبتمنى دائماً تكون أول من يرد عليّ.

أخي الأورثوذكسي السوري: انا مستغرب لأنو الظاهر انك ما قرأت شو كتب احد الكهنة يلي تفاجىء بوجود اسم أحد الكهنة من أصدقائه. اتصل فيه و تبين انو الحكي مزبوط. يعني يا هل الكاهن عم يكذب يا اما..... فسرلي اياها اذا بتقدر؟:sm-ool-12:

شو بتقصد أخي (Georgious The Great) أنو أنا من جماعة أبو غسان؟؟؟ ولا أنا مخي سميك وعم أفهم غلط؟؟؟؟!!!
[align=center]:sm-ool-19:[/align]:sm-ool-19::sm-ool-19::sm-ool-19::sm-ool-19::sm-ool-19::sm-ool-19:

إذا كنت بتقصد هيك ياريت تقولا ولا تخجل.

مع أحترامي أخي لكل الكهنة، بس الكاهن يلي حكى تلفون مع أحد كهنة الجماعة كان الأفضل يقول اسم الكاهن يلي حكى معو؟؟؟!!!

طيب احسبها بالعقل معقول كاهن هرطوقي يقول عن حالو أنو هرطوقي؟؟؟؟!!!!!

أنا ماعم افهم؟؟؟؟؟؟؟؟ :sm-ool-12::sm-ool-12::sm-ool-12:

ومن كام كلمة كتبتون صرت من هل الجماعة ؟؟؟؟؟؟؟؟؟؟؟
شي حلو وصل البل لدقني:sm-ool-23::sm-ool-23::sm-ool-23:


صلواتك أخي

اخي العزيز السوري انا آسف لني تركت النقط موجودة بس انا ما عرفت شو بدي أكتب مشان هيك. اكيد و مستحيل اقول انك منتمي لجماعة هرطوقية. ما عاذ الله طبعا. على كل حال انت فهمت بالجواب التاني و جاوبتني. رح قلك شغلة اذا انا منتمي لجماعة مستعد موت من اجلها و ماني معتبرها هرطوقية ليش بدي أكذب. بس هل من المعقول ان يكذب هذا الأبونا في هيك موضوع؟ يعني عندي استعداد انو صدق انو الأبونا يكذب بأي شي (فقط مجرد افتراض) بس بيك شي ما اظن ابدا! لكن شو قاعد يعمل بالموقع؟ طبعا هو لأجل هذا الشخص ما رح يذكر اسمو. شو بدها تفرق أصلا لو ذكر او ما ذكر؟
صلواتك أخي الحبيب

اسمحوا لي برأي اقوله بعد هذه المداخلات التي لن تصل الى هدفها ولن تثمر لأنها كلام يبقى على صفحة المنتدى ولا من يلاحق اي متهم امام اي اسقف يتبعه.
وانا ابرر للأخ الأرثوذكسي السوري موقفه وكلامه .
فبلا دليل قاطع لايمكنكم الحكم قطعياً . فالمتهم يبقى بريئ إلى ان تثبت ادانته.
وانا بمشاركة لي منذُ البداية قلت :

اقتباس:

---

اخشى ان يذهب الصالح مع الطالح في الإشتباه وذكر اسماء ربما هي بريئة من ذلك .
وان بقي الخبر بدون ذكر متهمين من المتسللين إلى الكنيسة ، يبقى خبراً بلا قيمة ومجرد تشويش واساءة مباشرة إلى هيبة الكنيسة .

---

ثم ان لاتقبلوا شهادة كاهن يقول انه ليس من الجماعة ، فليعلن احد ما ويشهد على كذبة ويشهد على مشاركته في اجتماعات هذه الجماعة . ويكون دليل موثوق في ادعائنا .
انا لا ادين ولا ابرئ احد إلى ان تثبت الحقيقة سلباً او ايجاباً .
وماذا لو صرح واحداً منهم أو كل المتهمين يحسب رأيكم ومراجعكم ، واعلنوا انهم كانوا في بداياتهم مع الهرطوهي ابو غسان ، ولكنهم تابوا عنه وعادوا الى رشدهم وايمانهم . وخاصة اذا لم يكن لديكم دليل ملموس على واحد منهم انه مازال ملتزماً بهذه الجماعة . غير شهود سريين ولا يقبلون زكر اسمائهم .
وهذا يجعلهم محل شبهة وشاهد غير موثوق به لانه بلا دليل .
التحدي الكبير ان يقف واحد ويعلن صراحة ان هذا المتهم او ذاك انا رأيته أو لدي شاهد اسمه فلان نشهد ان هذا ملتزم بإجتماعات عصابة ابو غسان . وبعدها سيهابكم الجميع ولن يجرئ احد على معاندتكم.

سمعت عن هذه المجموعة الكافرة منذ سنوات وسنوات ولكن حسب ماسمعت بان النهاية كانت بطرد هؤلاء من البلمند .
وهناك من تاب منهم فعاد للدراسة في دير البلمند الى ان تم ترسيمه كاهنا .
نتمنى فقط مراقبة دائمة لمن بقي منهم للتأكد 100%100 أنهم عادوا الى دينهم وانهم يعملون بما اوصانا به سيدنا يسوع المسيح

كلامك يا أبونا على العين و الراس و مزبوط. عندي سؤال صغير: معروف بالقوانين الكنسية بانو اذا شخص انتمى او كان ينتمي لجماعة مسيحية او هرطوقية فلازم يتوب و من ثم يمر عدة سنوات على وضعه الأورثوذكسي و فيما بعد اذا تأكد صدق نواياه و تعليمه يرسم و يدخل سلك الكهنوت؟ مزبوط و لا انا مخربط. هذا من ناحية اذا كانوا سابقا منتمين.
الأخ اليكسي قال سابقا أنو مصدرو موثوق, فيا ابونا فينك ترجع بينك و بينو لتحكوا و يشرحلك اكثر اذا مانو حابب يحكي قدام الجميع. من ناحية أخرى شو مشان الكاهن يلي قال انو سأل صديقو و أكد له انتمائه؟ كمان فينك تسألو بينك و بينو لأنك كاهن و اكيد رح يجاوبك.
شكرا جزيلا على تنويرك و صلواتك دائما

الرب معكم يا اخوة
الاسماء صحيحة مئة بالمئة وكان معهم شخص اسموا ابراهيم صباغ ما صار كاهن و فتاة اردنية ناسي اسمها وأذكر في السنة الاولى لنا في البلمند حذرنا الاب اغابيوس نعوس(ريمون) والاب جورج معراوي (خليل) من هذه الجماعة وطلبوا نخبرهم عن تصرفاتهم ولقائاتهم وتشاركنا لجمع المعلومات عنهم وقدمناها لابونا بوغوص.وابراهيم هذا ونحنا
ناقشناه بالصف واعترف انوا بينتمي للجماعة وانوا ما مستعد يتخلى عن شخص يده مفتوحة للخير وكانوا يدعونا للصلاة معهم وهناك تسجيل صوتي لهم عند محاولتهم استدراج احد الطلاب وهو خضر فرح من الهندوراس اصله فلسطيني وقدمنا الشريط لسيدنا ابو زخم وابونا ميشيل بوغوص وتم فصلهم اول مرة من البلمند .اما الاب بولس بدين (نديم)انا بشك يكون من الجماعة ولم يكن له اي علاقة بس يمكن لانه كتير هدوئي في ناس حسبوه عليهم .اذا تغير بعدين ما بعرف.

فرح الملائكة بخاطئ يتوب كما قلت سابقاً لقد عرفت هذه الجماعة جيداً وشعرت بخطورتها وهم الأصل يعرفون ماذا يعملون من خلال إيمانهم بالعم أبو غسان وهذا لتمسك الأعم مما جعلهم لا يروا سوا هذا الإنسان الذي بالأصل هو لا يؤمن ولكن استعمل معهم طريقة أخذت من عقلوهم وقلوبهم وجعلتهم عبيد لهذا الشخص و نسوا قول بولس الرسول : لست بولس ولست أبولس و لست لصفا هل بولس أو أبولس أو صفا صلب عنكم .ونحن اليوم إذ نراهم مجتهدون في التمسك مع العلم أن كثيرين عرفوا حقيقة هذا الشخص فتركوه ورجعوا إلى الإيمان الحقيقي وأعرف بعضاً منهم ولكن من خلال الاحتكاك بهم علينا أن نعي شيئاً واحداً وهو أنهم أغبياء وأعمى الحقد قلوبهم وعقلوهم لأنهم ينظرون إلى أخرين على أن خطأة وهم وحدهم المخلصون فأنا لا أدينهم ولكن أصلي إلى الرب الإله مخلصي ومنقذي أن يفتح قلوبهم حتى يسمعوا صوته هو وليس صوت أبي غسان أو زوجته أو حتى ابنته . فهم دائما يزورن زوجته أو أرملته في ساحة جورج خوري في القصاع و الجميع يعرفون ذلك أم لماذا صاحب الغبطة لا يأخذ قرار بحقهم لأنهم يظنون أنفسهم أذكياء من خلال الأعمال التي يقومون بهم ولكن شعروا في الآونة الآخيرة أن هناك من ينافسهم في الخدمة ليدحضوا أفعالهم الملتوية ولذلك أعود وأقول : أطلب من الجميع أن يصلوا حتى يعودوا إلى حظيرة الرب القائم من بين الأموات ولا خوف على كنيسته رغم الرياح العاتية التي تهب عليها من كل حدب وصوب وشكراً لكم على السماح لي بالتعبير عن رأي في هذا الموضوع و الرب يكون معنا جميعاً