خلافاتنا مع الكنيسة الكاثوليكية !! (دراسة عميقة)

اخي ارميا، اذا عندك word 2007 او 20010 ففيه امكانية التحويل لـ pdf
او ممكن تبعتلي ياه word وأنا بحولك ياه pdf :sm-ool-30:
اخي ارميا بتريد ننقل المشاركات السابقة وكانت في هيئة حوارات لاخر الموضوع؟ او مابدك تدخل بالنقاشات القديمة؟

حبيبي أليكسيوس
برنامج وورد اللي عندي 2007 فيا ريت أعرف كيف ممكن أحوله pdf
لأنه بدي أعمل عليه شوية تعديلات, فازا فيك تحكيلي كيف بكون أفضل
أما بخصوص الحوارات فهذا شي برجع للإدارة يعني وين ما بتحبوا تكون الردود تكون
وأنا ازا قدرت راح أرد, بس المشكلة هو انشغالي بموعد عرسي لأنه قرب :)
وأكيد الأعضاء اللي ردوا على الانتقاضات المطروحة كفوا ووفوا

صلواتك

مصادر الموضوع.

1- الشمس الساطعة (لمؤلف غربي).
2- التعليم المسيحي (الجزء الخامس) بأمر البطريرك لويس برلسينا.
3- تاريخ الكنيسة - للفرغاني.
4- نشرات سنة العذراء المقدسة - بإذن السلطة الكنسية.
5- نشرات الحياة المسيحية. مؤلف أرثوذكسي.
6- تنوير الأذهان - الخوري الياس الرمشاوي.
7- الهداية القويمة إلى الأمانة المستقيمة - لبطريرك أورشليم أنثيموس.
8- رسالة بطاركة الكنيسة الشرقية الجامعة في الإيمان الأرثوذكسية - تعريب الشماس غفرئيل كراتياكيس.
9- الخلاصة الشهية في أخص العقائد والتعاليم الأرثوذكسية - لبلاطون (تعريب حزبون).
10- ريحانة النفوس في أصل الاعتقادات والطقوس. طبع ببيروت 1952.
11- الدليل إلى طاعة الإنجيل. للمعلم ميخائيل مشاقة.
12- ادحاض الآراء البابوية - للقس ستانفورد.
13- أهم الفوارق الدينية بين الأرثوذكسية والبابوية - لمؤلف أرثوذكسي.
14- رفيق المسيحي (جزء1و2) - حركة الشبيبة الأرثوذكسية.
15- مجلتي النور والصخرة الأرثوذكسيتين - للأرشمندريت غفرئيل دميان.

صلواتكم

اقتباس:

---

المشاركة الأصلية كتبت بواسطة ارميا

برنامج وورد اللي عندي 2007 فيا ريت أعرف كيف ممكن أحوله pdf

---

ملف مرفق 2031

صلواتك

:sm-ool-322:

شكراً لمايدا على وضعها الطريقة اللي ممكن تحويل فيها ملف الوورد لبي دي اف..
وانشالله الف مبروك سلفاً اخي ارميا..
اخي ارميا هل ممكن تأمين بعضا ًمن الكتب التي وضعتها كمراجع على هيئة بي دي اف ايضاً؟... أتمنى ذلك :)

اقتباس:

---

المشاركة الأصلية كتبت بواسطة Mayda

ملف مرفق 3014

صلواتك

:sm-ool-322:

---

شكراً أختي المباركة مايدا
أنا جربتها وزبطت, وان شاء الله قريباً راح يكون الكتاب متوفر للتحميل

صلواتك

اقتباس:

---

المشاركة الأصلية كتبت بواسطة Alexius

وانشالله الف مبروك سلفاً اخي ارميا..
اخي ارميا هل ممكن تأمين بعضا ًمن الكتب التي وضعتها كمراجع على هيئة بي دي اف ايضاً؟... أتمنى ذلك :)

---

الله يبارك بعمرك حبيبي أليكسي وعقبالك ازا لساتك عزابي
صدقني يا حبيبي الكتب عندي مش الكترونية, وبعضها جبته من المدرسة الأرثوذكسية
على العموم امهلني كم يوم بس أدور عليهم على النت ككتب الكترونية وان شاء الله راح أحط اللي بلاقيه.
و أتوقع كتاب "الهداية القويمة إلى الأمانة المستقيمة - لبطريرك أورشليم أنثيموس." موجود بالمنتدى لكن راح ابحث عن البقية

صلواتك

اقتباس:

---

المشاركة الأصلية كتبت بواسطة ارميا

و أتوقع كتاب "الهداية القويمة إلى الأمانة المستقيمة - لبطريرك أورشليم أنثيموس."

---

هذا الكتاب جعله الشماس اسبيرو جبور، من أفضل الكتب اللاهوتية التي كُتبت باللغة العربية.
مابظن الكتاب موجود لأنه قديم ولم يُعاد طباعته...
انشالله جازة الدهر يارب

شكراً حبيبي أليكسيوس, وخسارة أنه الكتاب ما في منه طبعة جديدة.
وبخصوص كتاب العذراء مريم باللاهوت المقارن فأنا انتهيت منه وعملت نسخة pdf
بس بصراحة بستنى مقدمة الأب الكاهن اللي دقق الكتاب لأنه هو طلب يحطلي مقدمة ولسا ما بعتلي اياها, وكمان بستنى بركة سيدنا البطريرك
وطلب مني الأب الكاهن أني أعدل بعض الشغلات على الكتاب, فازا بتحبوا أني أحطه بالمنتدى بعد الحصول على المقدمة
وبعد تعديل الملاحظات اللي حطوها على الكتاب فلازم نستنى شوي, لكن ازا ما بهم فأنا ممكن أحطه هلا بالمنتدى وأعدل عليه لاحقاً بس أحصل على الملاحظات
بانتظار ردك حبيبي أليكسي

صلواتك

أخي ارميا الأفضل أن تنتظر البركة، وبعدها تنشره.
فبما أنك طلبت بركة غبطته، فليس من الجيد أن تتجاهل هذا الطلب الآن تحت اي ظرف كان.
هذا رأيي.. وبالنهاية هو قرارك أنت.
بالتوفيق يارب