هل تجوز المناولة في أية كنيسة؟

و بالمناسبة بردو ، أهلاً بيكي يا أخت يارا و منورانا

شوف يا عم انو العدد مش قالل اكيد قالل
بس دا برضو تضخيم من التايمز...
عارفين الكل انو الجماعات الانجليين بحاولوا يعظموا نفسهم ويبوظوا غيرهم

ومافيش في العالم كله مصدر إعلامي غير متحيز لجهة ما... ويختلف فقط النسبة...

يعني دولة فيها لا يقل عن عشرين مليون وميونخ مدينة كاثوليكية لو طلع قدامه مليون كاثوليكي مش مشكلة...

والكنائس الكثوليكية بطبيعتها بتعمل حشود وبتطلع تستقبل البابا... فمش لازم نشكك في كل حاجة..
صلواتك

أيوة أنا شفت الإستقبال و كان ضخم جداً و فعلاً طلع فيه مليون
بس لو شفت شكل الإستقبال هتستغرب ... كان فعلاً شكله غريب ... انا شعرت بأنه كان فيه محاولة يائسة لإنقاذ الكاثوليكية في ألمانيا ... و غيرها ... حيث صارت الكنائس الكاتوليكية متاحف ، و الفضل يرجع لنظرية التفسيح البولسي التي باركت زيجات كزيجة ياسر عرفات من سهى

مااااااا علينا

يا عم وكأنو هما البروتستانت اللي مش عاوزين من ينقذهم...
دول بقوا يبيعوا في "كنايسهم" عشان مافيش من يدخلها... وعجبي

يا خوفي يا بدران :):)

اقتباس:

---

و بالمناسبة الكنيسة الكاتوليكية لا تستدعي الروح القدس في الإفخارستيا و دا موضوع يطول شرحه في ظل فهم الليتورجية الاتينية

---

الكنائس الكاتوليكية متعددة يا ميناس ، اى كنيسة تقصد انها مش بتستدعى الروح القدس ، وضح كلامك اكتر
اصل الكلام ده خطير أوى ، ده معناه ان محدش بيتناول جسد و دم المسيح غير الأرثوذكس

اقتباس:

---

و لا نقدم عبادات مريمية

---

و الكاتوليك بيقدموا عبادات مريمية ؟ إزاى يعنى ؟ الكاتوليك مش بيعبدوا مريم
ايوه عندهم عقيدة غلط اللى هى الحبل بلا دنس ، لكن مش بيعبدوا مريم

اقتباس:

---

الأب الكاهن الكاثوليكية لو ملتزم بقوانين دستور ليومين جينتيوم في مجمع لفاتيكاني ، لن يناولك طبعاً

---

الحمد لله أن فى أباء كتير مخهم كبير ، يعنى لما إنسان مسيحى يتقدم طالب المناولة ، مش بيمنعوها عنه ، لأن عقلهم كبير

اقتباس:

---

نحن نؤمن بأن الكنيسة الكاثوليكية تقع في أخطاء لاهوتية شديدة الخطورة منها الزواج من غير المسيحيين مثلاً

---

دى أكبر مصيبة ، عندك حق فيها ، ده غلط بكل المقاييس ، لكن مش بيحصل بالشكل اللى انت بتقوله ، الشرط فيه ان الطرف الغير المسيحى هو اللى يتبع المسيحى ، كذلك الأولاد ، ده غير ان الكنائس الكاتوليكية الشرقية كلها بترفض ده
المارونية ، السريان ، الروم الكاتوليك ، الأرمن الكاتوليك ، وضح اللى بتقوله ده بيحصل فى اى كنيسة بالظبط
ما الكاتوليك كتير
هما بيعتقدوا ان المسيحى ممكن يؤثر على الغير مسيحى فى الحياة الزوجية و يجذبه للإيمان بأسم المسيح
لكن انا رأيى ان ده غلط غلط غلط

اقتباس:

---

صكوك الغفران التي مازالت إلى اليوم توزع.

---

الجملة دى يعنى أيه ، وضحها اكتر

اقتباس:

---

بالمناسبة ، امبارح كنت أتحدث مع سيدة ألمانية كانت كاثوليكية و تزوجت من مسلم مصري و أسلمت بعد ذلك بعد إلحاحه و إقناعه لها ، و أنجبت منه علي

---

و ده مش ممكن يحصل عند الأرثوذكس يا ميناس ؟ عمرك ما شفتها ؟ بلاش الكلام الغير محايد ده ، مالوش لزمة

اقتباس:

---

الكنائس الكاتوليكية متعددة يا ميناس ، اى كنيسة تقصد انها مش بتستدعى الروح القدس ، وضح كلامك اكتر
اصل الكلام ده خطير أوى ، ده معناه ان محدش بيتناول جسد و دم المسيح غير الأرثوذكس

---

مفيش حاجة اسمها كنائس كاتوليكية ... هناك عقيدة واحدة و طقوس مختلفة .
هم لهم فلسفة في قضية استحالة الخبز و الخمر لا تعتمد على الروح القدس ... هم لا يستدعون الروح القدس. حتى الكنائس ذات الطقس الشرقي ، تؤمن بعقيدة مجمع فلورنسا.

اقتباس:

---

و الكاتوليك بيقدموا عبادات مريمية ؟ إزاى يعنى ؟ الكاتوليك مش بيعبدوا مريم

ايوه عندهم عقيدة غلط اللى هى الحبل بلا دنس ، لكن مش بيعبدوا مريم

---

هم يرفعون العذراء لمرحلة العبادة Worship و ليس التكريم Veneration ، و مسألة الحبل بلا دنس هي جزء من عقيدة كبيرة في الكنيسة الكاثوليكية اسمها الماريولوجي ... المسألة معقدة و ممكن أشرح كل دا لكن أنا للأسف عندي امتحان بعد بكرة

اقتباس:

---

الحمد لله أن فى أباء كتير مخهم كبير ، يعنى لما إنسان مسيحى يتقدم طالب المناولة ، مش بيمنعوها عنه ، لأن عقلهم كب

---

هذا تسطيح لكل ما قلناه سابقاً ، أو بمعنى أدق ... تهييف للمسألة .
و أظن إننا شرحنا المسألة ، خصوصاً مسألة الشياكة و الكياسة على حساب العقيدة التي تكون الإفخارستيا ، فلو كان الشخص من القشرية إنه مش عارف العقيدة اللي عليها بتستحيل الإفخارستيا و بيتقدم فيها للتناول ، يبقى لا مؤاخذة ... صباح الفل و يجعله عامر. و أظن إن المسألة فندناها بتدقيق ، و وضعنا الأساس الطبيعي و هو عدم أمانتنا حتى في تصحيح الأخطاء التي عند الآخرين و ذلك بقبولهم بهرطقاتهم و تعاستهم

اقتباس:

---

لكن مش بيحصل بالشكل اللى انت بتقوله ، الشرط فيه ان الطرف الغير المسيحى هو اللى يتبع المسيحى ، كذلك الأولاد ، ده غير ان الكنائس الكاتوليكية الشرقية كلها بترفض ده

---

لأ بالشكل اللي بقوله و أنا واضح
الكنيسة الكاثوليكية واحدة و لا يمكن أن تعصي أو تختلف الكنائس الشرقية الكاثوليكية البابا . الرفض هو أمر اجتهادي لكن لا يعني عدم الإعتراف بزيجة أتمها البابا أو أي كاردينال . أنا حضرت زيجة أتمها كاردينال كاثوليكي لواحد مسلم مع واحدة كاتوليكية إيطالية في كنيسة ابازيليكا اللي في مصر الجديدة ، أكيد عارفاها .

اقتباس:

---

الجملة دى يعنى أيه ، وضحها اكتر

---

الكلمة واضحة زي الشمس ، مازالت هناك صكوك غفران بتتوزع في الفاتيكان
ادخلي على جووجل و اكتبي
Benedict Indulgencies
لي صديق يوناني هو رئيس قسم الهندسة الكيميائية في أثينا ، اسمه فاسيليوس لامبروبولوس ، و كان قد درس الماجستير في مدينة روما ، و كان بيحكيلي مثل لطيف
المباركة الكنيسة اللاتينية تكون باسم الآب و الإبن و الروح القدس
بادرو مادرو سانكتوس اسبيريتوس ... و من كثرة تفشي الفساد المالي بسبب موضوع الصكوك ، بقى فيه تريأة لطيفة عند الإيطاليين ، و هي استبدال كلمة بادرو ، بكلمة بانكو ... لتصير : بانكو مادرو سانكتوس اسبيريتوس

أنا مش متأكد أوي من نطق مادرو دا لأني مش عارف إيطالي بس فاكر بس إن كلمة آب استبدلها الإيطاليين بنوع من السخرية بكلمة بنك.
و لمزيد من التفاصيل ، سآتي عليها لاحقاً لكن لما أفضى

لكن المحبة لا تعني التظبيط ... لازم نساعدهم بالحوار ، و كما قلت للمرة السبعتاشر ، الحوار يجب أن يكون هو المعبر لطريق الوحدة الإفخارستية ... و لو فيه وحدة إفخارستية دون حوار ، هنلاقي أورثوذكسيات بيتجوزوا غير مسيحيين و ساعتها هايقولوا طب ماهو اخواتنا اللاتين اللي بيتناولوا معانا بيتجوزوا كدة ... و كما قلت سابقاً :
يجعله عامر و صباحه محبة

اقتباس:

---

و ده مش ممكن يحصل عند الأرثوذكس يا ميناس ؟ عمرك ما شفتها ؟ بلاش الكلام الغير محايد ده ، مالوش لزمة

---

أولاً سبق و قلتلك احنا مش في ماتش كرة عشان تقولي محايد ، و اتنين صفر و تعادل في الذهاب ، و الحكم من المغرب و كدة ...
أنا بتكلم في نقاط محددة و لا تخلطي الأوراق
لا مابيحصلش ، أنا مايهمنيش الشخص يزني و للا لا مؤاخذة يتحرق بجاز ، المهم موقف الكنيسة ... مفيش كنيسة أورثوذكسية ممكن تقبل هذا التجديف على سر من أسرارها ... لكن ممكن أبعت لك صورة البابا يوحنا بولس و هو حاطط إيده على راس ياسر عرفات وسهى عرفات و يجعله عامر

بالمناسبة ... اللي يراجع شهادة معموديتي ، هيعرف إني أبويا الله يرحمه كان كاتوليكي ... يعني المسألة مهيش خناق و مين حلو و مين وحش ، أنا أتكلم بالورقة و القلم و التسليم الرسولي الذي لا تفريط فيه ، لأجل حياة العالم لا لأجل اتمزيق .
العقيدة هي السلوك الإلهي المقدس ... مش كلاكيع اللي يتجاوزها يبقى حلو و أمّور و مكبر