للأرثوذكسيين - المهتمين فقط

سؤال تم توجيهه لي بالرسائل الخاصة:

اقتباس:

---

بعد مناقشة الموضوع الجديد للأرثوذكسيين فقط والأشتراك فيه ابدى بعض الاشخاص الذين اعرفهم الاستياء من كتابة اسم الأب الروحي وانه بند اجباري .ارجو من الادارة اعادة النظر في اهمية هذا البند لانه قد يمتنع الكثيرين عن الاشتراك بسبب حرصهم على عدم ذكر اسم ابيهم الروحي والبند الثاني كتابة اسم اب الرعية هل هو ضروري ايضا

---

المشكلة أنو نحن بسوريا ماتعودنا لسه انو في شي اسمو cv وسرّية الـ cv

هي نقطة والنقطة الثانية رح يبقى الموضوع سري للغاية محصور في شخصين فقط لا غير.
او بالأحرى محصور في شخص واحد ومو اثنين.
لأنو انا مابقدر ادخل على ايميل بشارة والعكس صحيح.
فالشخص اللي رح يراسل بشارة رح تكون معلوماته بس مع بشارة.. والشخص اللي رح يراسلني رح تكون معلوماته بس معي.
يعني اذا كانت ادارة الشبكة غير مؤتمنة على هذا الموضوع وجهة غير موثوقة فليش أصلاً حتى ينتسب للشبكة اللي مو مأمنها؟

والموضوع مهم بالنسبة النا للحفاظ على أرثوذكسية الموقع. وأرثوذكسية الموقع عندي أهم من أي كاهن أو حتى أسقف وحتى السينودوس الأرثوذكسي.

اذا اجاني واحد وقالي اسمي فلان الفلاني من الكنيسة الفلانية.. انا شو بعرفني من هذا الشخص وليش مشترك؟
بس لما بيقلي عندي اب روحي وهو قدس الأب الفلاني فبعرف انو هذا الشخص في من عم يرشده ويوجه لكي ينهض حين يسقط.

في حل تاني وهو نترك الموقع متل ماكان ونمنع الاشتراك فيه.. وخلص ويادار مادخلك شر.
بدنا شبيبة غيورة على الأرثوذكسية ترغب في عمل شيء ما وغير قادرة لأسباب خاصة بها.. وماتكون بدا تنتسب لأنو موضة، او بدنا نجرب.. او مابعرف شو..

وبالنسبة لكاهن الرعية فهو غير اجباري.. لأنه ببساطة اي شخص بيعرف اسم كاهن رعيته.. لأنه بيزورون على الاقل مرة في السنة بعد عيد الظهور الإلهي.. فمن الممكن ألا يكون ملتزم كنسياً ولكنه يعرف كاهن رعيته.

صلواتكم

على فكرة لو في مجال لتشديد الشروط اكثر من هيك كنت شددتها.. واذا حدا عندو افكار لتشديد الشروط ياريت يحطها بالموضوع.
لانو مو معقول في احدى المرّات قامت اخت من المشرفات بوضع موضوع عن مجمع افسس اللصوصي معتبرةً إياه مجمع قانوني مسكوني.
يعني هيك شخص مابيعرف مجامع الكنيسة كيف بدي امنعه من انو يحط هيك موضوع بالموقع؟
والأخ ميناس، الله يذكره بالخير، هو نبّهني على الموضوع.

ما حلى الموقع بكرا ندخل عليه ونلاقيه حاططلنا هراطقة مع القديسين؟
بفضل نمنع الانتساب على أن يتحول الموقع إلى ملهى..

صلواتكم

أخي ألكسيوس اسفسار صغير شو الشي يلي رح يضطركم لتستخدموا الرقم..........؟
على كل حال أنا ما قصدت الرقم بس حكيت عن النقطة الأساسية يلي زعجتني
وبتوقع مافي داعي تحكي عن الثقة لأنه أنت بتعرف مقدار الثقة والاحترام من الكل للإدارة وتقديرهم لتعبكم
بس بدي أذكر أنه بكل كتب الآباء يلي بتحكي عن الحياة الروحية و ..... ما عودونا على الـcv لهيك ما تعودنا على سريتها وماقالولنا بس قولوا ولو تفصيل صغير لا لشخص ولا لمدينة كاملة .
يعني أنا مثلاً كل ما بدي سجل بمنتدى ( أرثوذكسي) حصراً وأنا ما بسجل بغير هيك وطلبو الاسم والرقم بدي أعطيهم!!!!!!!!!!!!!!!!!
ومهمة الانتباه على المواضيع بترجع للإشراف مو للأشخاص
وعلى كل حال كانت وجهة نظر بعتذر إذا كانت مزعجة أو غير مرغوبة
صلواتك

اقتباس:

---

المشاركة الأصلية كتبت بواسطة dima-h

أخي ألكسيوس اسفسار صغير شو الشي يلي رح يضطركم لتستخدموا الرقم..........؟
على كل حال أنا ما قصدت الرقم بس حكيت عن النقطة الأساسية يلي زعجتني
وبتوقع مافي داعي تحكي عن الثقة لأنه أنت بتعرف مقدار الثقة والاحترام من الكل للإدارة وتقديرهم لتعبكم
بس بدي أذكر أنه بكل كتب الآباء يلي بتحكي عن الحياة الروحية و ..... ما عودونا على الـcv لهيك ما تعودنا على سريتها وماقالولنا بس قولوا ولو تفصيل صغير لا لشخص ولا لمدينة كاملة .
يعني أنا مثلاً كل ما بدي سجل بمنتدى ( أرثوذكسي) حصراً وأنا ما بسجل بغير هيك وطلبو الاسم والرقم بدي أعطيهم!!!!!!!!!!!!!!!!!
ومهمة الانتباه على المواضيع بترجع للإشراف مو للأشخاص
وعلى كل حال كانت وجهة نظر بعتذر إذا كانت مزعجة أو غير مرغوبة
صلواتك

---

في شي مو قادرين تفهموه.. للأسف!!
من قال هذا الانتساب مفتوح لكل من هب ودب؟
هذا الانتساب مفتوح لاشخاص معيّنين..
حدا طلب لما سجلتي بالمنتدى اي معلومة شخصية؟
في ناس بيكتبوا ممكن مايكونوا مسيحيين..

وبالنسبة لكتب الآباء الروحية فقالوا كلشي بهون مشان الأرثوذكسية.. وحتى نحافظ على الخط الأرثوذكسي للموقع بدنا نعرف الشخص الأكثر ثقة في العالم (الأب الروحي) اللي ممكن نرجعله للتأكد من أرثوذكسية الشخص المنتسب.
هي نقطة. والنقطة الثانية مارح تنشريه بالجرايد أبي الروحي هو فلان الفلاني..
او بدك تدخلي وتلاقي مثلاً اسم نسطوريوس مدرج ضمن اسامي القديسين؟

يعني أغلب اللي بعرفون بعرف الأب الروحي تبعون.. بس لأنو شرط فلازم ننتقد.. لازم نتمرد.. لازم نعارض

وبعدين انتوا شايفين الكل شاطر بالانتقاد؟
ماحدا قدم مقترح بديل.. بس منعرف ننتقد!
لا.. لا.. لا
الجميع بحث عما يمكن أن يعترض عليه ولم يتكلم أحد عن كيفية ضمنان بقاء نقاوة أرثوذكسية الموقع.

واذا مابدك بتقدري اخت ديمة ماتسجلي ومارح تحسي باي تغيير لأنو مافي تغيير ظاهر.. التغيير خلف الكواليس وبس.

صلواتك

اقتباس:

---

المشاركة الأصلية كتبت بواسطة alexius

واذا مابدك بتقدري اخت ديمة ماتسجلي ومارح تحسي باي تغيير لأنو مافي تغيير ظاهر.. التغيير خلف الكواليس وبس.
صلواتك

---

شكراً عالنصيحة
أخ ألكسيوس بتوقع لا أنت فهمت شو قصدي ولا أنا فهمت شو بتقصد لهيك مافي داعي نكمل النقاش ونخسر كتير
صلواتك

اقتباس:

---

المشاركة الأصلية كتبت بواسطة dima-h

شكراً عالنصيحة
أخ ألكسيوس بتوقع لا أنت فهمت شو قصدي ولا أنا فهمت شو بتقصد لهيك مافي داعي نكمل النقاش ونخسر كتير
صلواتك

---

انا فهمتك... ومنيح كتير
بس بتمنى انت تحاولي تفهميني

صلواتك

بالحقيقة أنا بستغرب كل هالخوف من هالنقطة .. :confused:

أنا أبي الروحي الاشمندريت أثناسيوس فهد .. و أنا ببذل كل جهدي ما حطّ شي ما يليق بإبن إلو .. لأنو مسؤولية إنو ينعرف مين أبونا الروحي .. و لازم نكون قد المسؤولية .. و إلا كيف بدنا نبني شي .. :confused:

كمان متل ما ذكر حبيبنا ألكسيوس .. حتى اللي مو مسجل بيقدر يستفيد من الموقع ..

التسجيل مشان الواحد يقدر يضيف شي .. بسّ ..

و حتى بهالحالة بيقدر يضيف اللي بدّو ياه عن طريق شي حدا من الأخوة .. و طبعا ً القائم بالإضافة ما رح يقبل إذا هالشي مو ارثوذكسي ..

فا .. ما عرفت لشو معتبرينها مشكلة هيك ..

إنو الواحد يسجل يعني إنو حابب يشتغل .. حابب يعطي .. طيب شو بدّو يعطي ؟؟

بدّو يعطي شي أرثوذكسي ..

كيف ممكن يعطي إذا كان ( فاقد الشيء لا يعطيه ) ؟؟؟

من أهم المقومات لعيش حياة أرثوذكسية هوّي وجود أب روحي ..

ليش لنخاف إنو حدا يعرف مين هوّي (( مع إنو بس شخص واحد )) ؟؟

هل نحنا عم نعمل شي يسوّد وجهو فينا ( لا سمح اللـــه )؟؟؟




برأيي .. هيّ النقطة انعطت أكبر من حجمها بكتير ..

يا ريت تعيدو نظر بالموضوع ..

نحنا هون عم نحاول نقدم للناس من عسل الأرثوذكسية ..

خللي اهتمامنا بالعسل الأساسي .. مو الاهتمام بالجرة ..

تحياتي القلبية للكل .. :smilie_:


:smilie_ (15):

[align=justify]
الأحبة في المسيح

أولاً: مبارك الموقع الجديد، الذي هو ثمرة تعب محبتكم، لنشر نور الأرثوذكسية، في ظلام هذا العالم القاتم. ولا يسعنا إلا أن نقدم كل التقدير والإحترام، لهذا المجهود الجبار المبارك. وكلنا يا أخي الحبيب ألكسي، نستفيد من هذا الموقع والمنتدى، وتصل الرسالة من خلاله، بفعل وقوة الروح، والرغبة في ارواء العطش الداخلي. ورأي الغير إذا لم يفد، فهو لا يضر، من باب أن القرار يرجع في النهاية إليكم، ولكنه مهم، للنظر إلى الموضوع بعدة أعين، ومن عدة جهات، وبالتالي يتم اتخاذ القرار الأفضل من هذه المعطيات جميعها. وفي العادة، الشخص لا يمدح الحسن، لأنه لا يحتاج إلى تحسين، وإنما ينتقد ما يعتقد أنه يحتاج إلى تحسين، وهذا من باب النقد البناء بإذن الله.

ثانياً: المنتدى هو المكان التفاعلي الأنسب للأعضاء، وأرى أنه من غير المناسب، جعل الموقع منتدياً آخر، حتى ولو كانت المواضيع فيه أرثوذكسية بحتة. فنظرتي للموقع تتوقف على مجموعة من المصادر (الكتب) الموثوقة أرثوذكسياً، التي تشكل الأساس وتعطي الفكرة العامة والشاملة للأرثوذكسية، لعقائدها وتاريخها، وسير قديسيها، ... إلخ، وهذا ما رأيته في الموقع السابق محققاً بتواضعٍ وبساطة مريحة. بكلام آخر، أن يتم اتباع نهج الموقع السابق. أما بالنسبة للتراتيل والأيقونات، فهذه يمكن إيجاد حلول لها.

هذا رأيي الشخصي، أرجو النظر فيه، ولكم أن تقرروا ما هو أفضل للموقع، وصلواتنا معكم.

صلواتكم
[/align]

أخى العزيز ألكسيوس،،

انا أتفق معك بخصوص تخصيص الموقع للأعضاء الأرثذوكسيين فقط لأن الهدف الأسمى للمنتدى هو التفاعل و الأفادة الروحية بين الأعضاء الأرثذوكس
لكن انا كقبطى أرثذوكسى أعتمد على هذا المنتدى الأعتماد الكلى لتعرف على الكنيسة الأرثذوكسية لأن بمنتهى البساطة أنا لا أعرف فى واقع حياتى أى أباء او أشخاص روم ، انا اعتقد ان هناك من الأقباط يوافقون معى فى الفكر.
فهل أعتبر نفسى مطروداً من منتداكم؟ أم سأستمر على رجاء الحوار و معرفة الحق؟

بعتذر عن التدخل مرة تانية .. بس لقيت إنو بشيل كتف بالشرح عن حبيبنا ألكسيوس لأنو ما عم يلحّق .. أللـه يقويه .. و أكيد بيبقى الكلام النهائي إلو ..

أخي الحبيب يوحنا :

اقتباس:

---

نحو خطوة في اتجاه بناء موقع أرثوذكسي عربي متكامل قمنا بإنشاء موقع أرثوذكس تيوب من أجل الفيديو، لأن السيرفر المستضيف لأرثوذكسأونلاين لا يدعم هذه الخاصية وهي قصة طويلة مالنا فيها.

---

يعني القصة مو منتدى تاني أو ما شابه ..

كل القصة إنو هادا قسم الفيديو ..
و الانتساب مشان نضيف على مقاطع الفيديو علما ً إنو المشاهدة متاحة للكل ..
كانت الفكرة بالأساس عند حبيبنا الكسيوس إنو الإضافة لقسم الفيديو تكون محصورة بالمشرفين ..
بعدين لاقى إنو تكون مفتوحة لعدد أكبر من الأخوة .. مشان زيادة غنى قسم الفيديو + إنو يكون الموقع تفاعلي أكتر ..

و أما موضوع الشروط فا هيي بتهدف لأمرين :
1- ضمان إنو تكون المواضيع المُضافة أرثوذكسية .. مو يكون هالقسم كوكتيل ..
2- حافز لكل الأخوة يفحصو حياتهم الروحية .. اللي من مقوّماتها المهمة وجود أب روحي ..



أخي الحبيب مكسيموس الروماني ..

لا مطرود و لا من يحزنون ... ولووووووو حبيبنا ..

الموضوع ما بيتعلق بالمنتدى هون ..
هون ما في شي رح يتغيّر ..

و حتى بقسم الفيديو اللي انحكى عنّو فيك تفوت و تشوف كلشي و تنزّل على جهازك كلشي ..

الموضوع بيتعلـّق بس بـِ : مين بيقدر يضيف مقاطع فيديو على الموقع ..

بتمنى يكون كلامي وضّح الأمر شويّ ..

و إذا في أمور فاتتني ما إلنا غير الحبيب ألكسيوس ..

All:smilie_ (15):

:smilie_: