هام جدا جدا......مطروح للنقاش

في البداية أود أن أشكر التفاعل الكبير من جميع الذين قرؤا الموضوع,شاكرا لهم الفهم الصحيح للموضوع.
و أنا بدوري أقف مع طرح الأخ ميناس (الدعوة للحوار)انصل الى الفهم الصحيح لتعدد الكنائس.
أما بالنسبة لطرح الأخ gageفاسمح لي أن أخالفك بالمطلق فالأرثوذكسية و الكاثوليكية لا يمكن أن تتلاقيا بالوحدة,فثمة اختلافات كبيرة بيننا أكبر من ان نتحد بهذه السهولة التي تظن,فنحن كنيسة استلمي التقليد من الكنيسة الأولى و حافظت عليها طيلة ألفي عام دون أن تحيد عن مبادئها,في أن الكاثوليكية خرجت عن الخط ضاربة بذلك مفلهيم الكنيسة الحقيقية و لو شئت نخصص حوار مفتوح عن هذا الموضوع.
أما بالنسبة للقداسة فهذا أمر آخر,فليس ثمة شراكة في القداسة بيننا و الكاثوليك فهم لا يعترفون بقديسي الكنيسة الأرثوذكسية و اكثر من ذلك فهم يعتبرون قديسينا هراطقة بعد حدوث الانشقاق و خير دليل على ذلك أنهم يعتبرون القديس غريغوريوس بالاماس هرطوقي,و من القديس العظيم في الشهداء جاورجيوس مغبوط,و المغبوط في الكنيسة الكاثوليكية في مرتبة دون القداسة؟و الأهم من هذا كله انمن شروط القداسة في كنيستنا (وحدة العقيدة )و لا عقيدة واحدة لنا معهم.,
فكيف لله ان يدعو الى وحدة الكنيسة بين الطوائف؟
وهل الكنيسة تقبل المساومة على مبادئها التي ورثتها عن الكنيسة الاولى؟
هذا الموضوع برسم التوسع بالنقاش.


صلواتكم

الظاهر أن الموضوع بين الأخ ميناس و الأخت أنستاسيا تعمق.
ببساطة شديدة:الكلام صحيح حول مدى تطبيق الأرثوذكسية,لكن من يطبقها بشكلها الصحيح يخلص.
و السؤال المهم هو :هل من يطبق العقائد الكاثوليكية او سواها من العقائد الأخرى يخلص؟
برسم الاجابة

صلواتكم

و لا تعمق و لا حاجة ، أنا أضع الأسئلة التي تدور في ذهن الناس
و الناس مكسوفين يقولوها عشان ماتتحطش رقبتهم تحت مقصلة الدوجماطيقية ( مقصلة انت صح و انت غلط ... انت بتهرطق و انت مش بتهرطق)
فمن الهام أن نضع هذه الأسئلة المحيرة

و مش عارف الحقيقة ليه الآباء الكهنة محدش فيهم تكرم و حاول يجاوب على السؤال خاص بيهم ، كرعاة... و السؤال كان بيوجهه أنستاسيا عن هل الكنيسة بتقوم بدورها في توعية الناس بروحانية الأورثوذكسية؟؟

انا من زمان مشاركتكمش الحوار ، لكن الحقيقة الموضع ده بيهمنى كتير
حبيت مجرد اقول رأيى فيه

اقتباس:

---

و السؤال كان بيوجهه أنستاسيا عن هل الكنيسة بتقوم بدورها في توعية الناس بروحانية الأورثوذكسية؟؟

---

الحقيقة ، انا شايفة ان ده أهم سؤال طرح فى الموضوع ، و لو سمحتوا لى اقول رأيى
لأ الكنيسة مش بتقوم بالدور الكافى لتوعية الناس .... و لو ده بيحصل مش هنلاقى آلاف من البشر بيتركوها و بيتجهوا لطوائف معتقداتها خاطئة و غريبة ، و ده بيحصل لأنهم أصلا" لم يجدوا التوجيه السليم ..... و لو وجد هذا التوجيه للأسف الشديد انه فى كثير من الأحيان بيكون مرتديا" عباءة التعصب و السخرية من الآخر .... الدفاع عن الحق لو أرتدى العباءة دى بيسبب للناس حالة من النفور من هذا الحق ....
رأيك يا فيرينا كمان هادىء و مقنع لحد كبير

طب يا أخت ماري وحشتينا ... و شكراً على إيجابيتك في طرح رأيك
هذه نقطة هامة و خطيرة ، و أرجو إن الآباء الكهنة أن يشاركوا أيضاً بآرائهم ، مذكراً إنهم ليس طرف ثانِ ، بل هم معنا في نفس الصف ... صف المؤمنين ، لذلك لن يكون هناك استغراب لو تكلم أي أب كاهن منتقداً سلبيات معينة .. لعلي أقول دائماً لأصدقائي كلمة ( أصحابي اللي في الكلية و معانا عالمنتدى هيفتكروها) و هي إنه أكبر خطوة في اتجاه حل أي مشكلة هو الإعتراف أصلاً بوجود مشكلة ... أو بلاش كلمة مشكلة ، ممكن نقول تحدي.

إلا إنه يا أخت ماري ، و الحق يقال ... أنا لم أر تعصباً من أي أحد من الآباء عندنا ، و انتي معايا في الكنيسة و عارفة... لكن كلامك حقيقي في دوائر أخرى في الكنيسة في أماكن مختلفة ...
أنا في تقديري الشخصي يا ماري إنه التعصب ليس فقط في الهجوم الغير موضوعي على أشخاص الآخرين ، و لكن أرى التعصب في عدم الإكتراث أصلاً إلى تبشير أو إعلان كلمة المسيح للآخرين ، فطالما إنهم مش تابعين لحظيرتنا يبقى ملناش دعوة بيهم ... و كأن المسيح جاء و التلاميذ كانوا أولريدي متعمدين ! أو إن التلاميذ بشروا في نطاق المؤمنين ! ( و أقصد هنا ليس فقط الغير مؤمنين ، بل أقصد إنه أيضاً لدينا واجبات نحو الغير أورثوذكس ) ... فإنكارهم و عدم الإهتمام بهم مكتفين بتهديد الغير أورثوذكس ، هو التعصب نفسه . و لعل الحياة في الآونة الأخيرة أثبتت لنا شيئاً عجيباً ، فكل الذين تحركوا نحو كنيستنا ( التي للأسف تتميز بالتكتم الشديد و عدم التحرك و السعي و الدعوة و الإفتقاد ) هم الذين صاروا أعلام الأورثوذكسية ، كالأسقف كاليستوس وير و غيره من الآلاف في أمريكا اليوم ممن لهم أصول غير أورثوذكسية و صاروا أساتذة في اللاهوت الأورثوذكسي ! ألا يدفعنا هذا إلى الإهتمام بالآخر؟ أخشى أن أقول أن الذي يكتفي باعتبار الآخر مهرطق (و هي حقيقة) و ترك الواجب المقدم نحوه .. أخشى أن أقول إنه هو الغير أورثوذكسي ، أو إنه في حقيقة الأمر ينطبق عليه المثل القائل (فاقد الشيء لا يعطيه)

أنا أشعر بهذا لأني انضممت حديثاً للكنيسة الأورثوذكسية ، و أعلم ذلك.

شكراً مرة أخرى أخت ماري ، و مازالت الأسئلة كثيرة و سنحاول أن نكتشفها سوياً.
تحياتي
ميناس

اقتباس:

---

أنا لم أر تعصباً من أي أحد من الآباء عندنا

---

انا كلامى عام و لا اقصد به كنيسة معينة

بالمناسبة
دائماً نجد عظات كنيستنا في الفلس المفقود و لخروف الضال عن الناس اللي مابينتظموش في الكنيسة !
لكن الخروف الضال هو الإنسان ... الإنسان بمعناه المطلق ... الإنسان الذي يحيا مأساة الزمن و المكان ... و اختراق الله الكلمة لهذه الأبعاد الأربعة ( التلاتة بتوع المكان (إكس ، واي ، زد)، و الرابع هو الزمن) هو لإخارج الإنسان من قفص المادة ، و تأليه المادة نفسها و الظفر بها.
هذا للإنسان ... و ليس للأورثوذكسي ابن الإيبارشية بتاعتي

اقتباس:

---

انا كلامى عام و لا اقصد به كنيسة معينة

---

أكيد ، أنا فاهم قصدك

هجاوب على قد ما اقدر من الاسئله وربنا يستر :cry:

اقتباس:

---

هل تمارس الأرثوذكسية بشكلها الصحيح الآن ؟؟

---

للأسف لاء واحيانا اكتر مكان بيبقى معثر هو الكنيسه ابليس للأسف واخد راحته في الكنيسه

اقتباس:

---

أين التوعية المنشودة ؟؟؟

---

ضعيفه ومنفره احيانا كتيره

كمان احب اقول حاجه انا مش هسيب بيتي وادور على راحتي في مكان تاني الا لو ملقتهاش في بيتي يبقى اول علاج لو كنيستي بجد عايزاني انها تلبي احتياجاتي الروحيه لاني جعانه ومن كتر جوعي خرجت ادور برا على الاكل

اقتباس:

---

:" البروتستانت عندهم روحانية و حاجات حلوة و ترانيم جميلة ، و الأورثوذكس (من الآخر يعني) دمهم تقيل"

---

ممكن من غير زعل اوضح بعض النقط في الموضوع دا هبتدي بالترانيم

1 - كلمات الترانيم في الكنيسه الانجليه غالبا في معظم الاوقات بتبقى تأملات وتسابيح عن اختبار زي ترنيمة انا ساكن في حصون الصخر لماهر فايز واعتقد ان كلنا عارفين قصتها .............. انا قصدي انها اختبارات جديده بتمجد ربنا وكلام من القلب فطبيعي بيمس القلب

دا مش معناه اني بقول ان الترانيم الارثوذكسيه مش من القلب اطلاقا بس من يوم ما وعيت على الدنيا وهي هي نفس الترانيم في كل المناسبات الترانيم واحده لحد اما حسيت اني بقولها وانا مش مركزه فيها

انا مش ضد تراثنا الرائع من الترانيم بس ايه المانع انه يبقى جنبه ترانيم جديده مش الكتاب بيقول سبحوا الرب بترنيمه جديده

موضوع كلمات الترنيمه دا ابسط حاجه ومش مهم بالنسبه للي جاي

2 - توظيف الترانيم وطريقه الترنيم كلنا عارفين ان الكتاب بيقول ادخله الي حضرته بترنم وطول عمر الكنيسه الارثوذكسيه بتعمل فترة تسبيح قبل اي اجتماع بس ........................

ولنفرض ان الاجتماع عن التوبه

** فريق الترانيم في الكنيسه الانجليه هيصلي قبل ما يختار الترانيم اللي هتترنم قبل العظه كمان احد الخدام هياخد كلمه يقول فيها تأمل بسيط بين كل ترنيمه وترنيمه

&& قبل الوعظه في الكنيسه الارثوذكسيه واللي اعرفها القبطيه اي خادم بيقود فترة الترانيم من غير تحضير او صلا وبيطلب من الشباب ان كل واحد يختار الترنيمه اللي تعجبه :smilie (41):

** فريق الترانيم الانجيلي هيختار ترانيم مثلا زي راجع للأب الحنان و أيها الفخاري الاعظم و هل اطرق بابك بعد ضياع الكل

@@ حبيبي الخادم الارثوذكسي الولاد هيختاروا ترنيمة كنيستي كنيستي كنيستي هي بيتي و كمان طوباكي يا عدرا يا امي و يا سائح للقاء يسوع

لاحظوا ان الموضع كان عن التوبه الاخوه الانجليين اجتماعهم هيبدأ وهما مهيأين للتوبه ولادنا الارثوذكس اجتماعهم هيبدا وابليس مش محتاج يحاربهم بحرب التشتيت لانهم اتشتتوا في فتره التسبيح بما فيه الكفايه

انا مش بقول ان كل كنايسنا الارثوذكسيه كدا بس 90% كدا لكن برضوا فيهم ناس واعيين لفتره التسبيح بس للأسف هما قله قليله مندسه :smilie (90):

قلت كمان ان بعض الشبا ب بيقولوا ان الانجليين عندهم حاجات حلوه ودا بصراحه صح

اصحابي اللي اتربيت معاهم في الكنيسه الارثوذكسيه حاليا هما خدام وامناء خدمه ولما بنشارك بعض عن القراءات في الكتاب المقدس نشبه مش قليله ومش عايزه اقول كبيره بيقولوا انهم بيحضروا الدرس اللي هيقلوه في مدارس الاحد وخلاص

لكن بصراحه الخدام الانجليين بياكلوا الكتاب المقدس أكل

كمان في حاجه مهمه واضحه جدا في الكنيسه الانجليه والكنيسه الارثوذكسيه قبول الاشخاص عارفه انه ملوش علاقه بالعقيده بس الناس ليها الاسلوب اللي بتتعامل بيه ولو عايزيين دليل اقتراح بسيط جدا ممكن اي حد ينفذه

روح اي كنيسه انجليه مش في منطقه سكنك ومتعرفش فيها حد وشوف هتتعامل ازاي وهيستقبلوك ازاي

وروح برضوا كنيسه ارثوذكسيه بعيده عن بيتك وشوف هيطنشوك ازاي و ولا حد هيسأل عنك ومحدش هيتعرف عليك الا لو انت اللي ابتديت تتعرف بيهم
ومضمنش اذا قبلوك ولا لاء

( ملحوظه انا قلت لفظ كنيسه على الكنيسه الانجليه بأعتبار انها جماعة مؤمنين )

من ضمن الحاجات الحلوه اللي عندهم الافتقاد هل احنا عندنا افتقاد جاد فعلا من الخدام ممكن اعذر شويه الاباء الكهنه لانهم مشغوليين لكن الخدام ونرجع نلوم الاولاد المطروحين برا الكنيسه بدون راعي انهم راحوا كنيسه تانيه

اقتباس:

---

هل تعي أصلاً ماهية البروتستانتية ، و ماهية الأورثوذكسية؟ أليس من الجدير إنه عندما تقارن بين شيئين ، يجب أن تكون على علم بهما؟ فما بالك عدم علمك بحقيقة الأورثوذكسية!!؟"

---

لاء طبعا معاك حق الشباب دول معندهمش فكره خالص عن اي فرق بين الطوائف بسسسسسسسسسسسسسسسس

هما عندهم مشكله كبيره وكارثه اكبر انهم محتاجين ربنا ومش عارفين يوصلوله

ضميرهم بيوجعهم على خطاياهم والروح القدس بيبكتهم في نفس الوقت لما بيروحوا كنيستهم كأنهم دخلولوا متاهة حجا :smilie (137):

اقتباس:

---

إن كان الأمر كذلك ، أليس من الجدير أن نعرف من المسئول عن غياب التعريف بحقيقة الأورثوذكسية للناس و خاصةً الشباب؟ أم المطلوب إن كل واحد ينزل من بطن أمه عارف الروحانية

---

وصلت لحقيقة المشكلة الكنيسه للاسف اختزلت الارثوذكسيه من انها حياه نحياها الي فرع واحد منكرش انه مهم وهو الاهوت المقارن بس

انا نفسي نعلم اولادنا وشبابنا ازاي يعيشوا الحياه الارثوذكسيه ويفهموها صح وبعد ما يبقى ليهم علاقه مع ربنا نبتدي نكلمهم عن الفروق حتى علشان يقدروا يستوعبوا

المسئول في رأي كلنا الكنيسه من كهنه وخدام وكمان الشعب مفروض يوصلوا الايمان اللي استلموه من ابائهم لأولادهم

** طبعا لينا دور ناحية اخواتنا غير الارثوذكس بس الاول لازم نعرفهم صح ونحاول نفهم طريقه تفكيرهم واسلوبهم علشان نقدر نتفاهم سوا بدل ما الواقع هو حوار طرشان

اقتباس:

---

هل من يطبق العقائد الكاثوليكية او سواها من العقائد الأخرى يخلص؟

---

في رأى طبعا ايوه لعدة اسباب

اولا انا مؤمنه جدا بالقديسين الكاثوليك مقدرش انكر شفاعة سانت تريز وسانت ريتا اللي بيشكرهم عليها غير المسيحين اصلا بسبب العجائب اللي بتحصل ببركة شفاعتهم

ثانيا هفترض ان انسان ارثوذكسي بالمولد بس ولما بقى شاب بقى مدمن مخدرات وبيستعمل مطوه وبتاع مشاكل وكل الشر اللي انت ممكن تتخيله

والشخص دا قابله خادم مش ارثوذكسي وارشده لطريق الكنيسه اللي مش ارثوذكسيه وعلمه ازاي يقرا ويفهم الكتاب المقدس والشخص دا اتغير بشهادة كل الناس ................ هل ممكن اقول ان دا عمل ابليس

على فكره انا قلت انه مثل بس دا كان اختبار شفته على قناة معجزه وام الشخص دا مبقتش مصدقه ان دا ابنها :smilie_ (35):

ثالثا متنصر قبل المسيح وعرف انه بيعبد ابليس وراح يحاول انه يتعمد في الكنيسه الارثوذكسيه وابونا الارثوذكسي رفض لخوف منه او لآي سبب والشخص دا فضل يدور لحد ما راح كنيسه غير ارثوذكسيه وعاش حياته كمسيحي غير ارثوذكسي وهفترض الاسواء ان اهله لقوه وقتلوه هل ممكن حد يتخيل ان ربنا ممكن يرفضه :smilie (184):
ـــــــــــــــــــــــــ ـــــــــــــــــــــــــ ـــ

هو مطلعش رد هو طلع مقال لوحده بس انتوا قلتوا جابوا على اللي بتفكروا بيه

ولو حد زعل مني او من كلامي ادي ورده هديه :smilie (94):