الرشح( نزلة البرد - الزكام)

سلام المسيح معكم

و صوم مبارك للجميع

بعرف انو الموضوع مو وقتو هلق ....

بما انو نحنا بنص الصيف.

بس نتيجة المفهوم الخاطئ عند البعض منا أن الإنفونزا أو الرشح يحدث في الشتاء فقط

إلا أنني لاحظت خلال هذا الصيف العديد من الإصابات التي سببها على الأغلب نوع جديد من الفيروسات..

و حقيقة هو نوع واحد بس عنده قدرة على التطافر " Mutation " و إنتاج سلالات جديدة مقاومة للأدوية التقليدية..

لن أطيل الكلام...لأن الموضوع مشروح بوفرة في المرفق

و إنشا الله يعجبكم

صلواتكم

بتصدقو يا شباب....

أني رجعت تصفحت الموضوع مرة تانية لأني عم دور على دوا منيح للكريب....

ما بعرف شو القصة معي...

بس النهفة أني مرضت مرتين ورا بعض و بفترة زمنية قصيرة...

مرة كنت بحمص و المرة التانية بالشام...

و هاد يعني انو الفيروس عم يلحق يغير تركيبته " Rna " بسرعة هائلة و فاعلية مقاومة لأغلب الأدوية الموجودة في الصيدليات...

منشان هيك..... عمليا لا يوجد دوا فعال ضد الكريب مية بالمية...حتى الأدوية الجديدة

صلواتكم

اقتباس:

---

مرة كنت بحمص و المرة التانية بالشام...

---

أول شي عليك العافية يا ألوس و ما على قلبك شر ....:smilie_ (28):
تاني شي بامكانك تجرب حلب هالمرة لحتى نشوف إذا انتشار الفيروسات عام ولا لأ
سلام

نسينا ما نشكرك على الملف...يسلموا ايديك على هالمعلومات و بالفعل يبدو في أنواع جديدة من الكريب ما عم تنفع معها الأدوية الجديدة

هلا أخي Beshara ....

تكرم عينك

بس الفكرة أنو بلشت حس حالي فأر تجارب...

الله وكيلك ما تركت نوعية دوا تعتب عليي... علما ان التخبيص في الأدوية ضار جدا

يعني شوف شو جربت : ديكلوفيناك-بروفين+أيبوبروفين-كوديين-أسيت أمينوفين=باراسيتامول بكافة أشكاله طبعا : دوبران و دوبران إكسترا و لحق يا معلم...

و أكيد الماكسيسيليين و توابعهم....

طبعا لا تنسى حبتين أسبرين أخر الشي " أسيتايل ساليسايليك أسيد "

الله يعين معدتي شو عم يصير فيها حاليا...

الوووووس هريت معدتك يا زلمة
سلامتك انشالله معافى ومشكور عالموضوع

بس لا تقلي أكيد الفيروس الحمصي غير شكل ... دير بالك منو ..

انا بنصح باكل التوم هو دوائي الاول والاخير وقت الغريب ...

الله الله إخت anastasia...

أنا برأيي إترك إشراف القسم الطبي و روح عالقسم الترفيهي أحسن شي...

بالفعل التوم يملك فوائد بحالات الزكام و الإنفلونزا و إلتهاب القصبات...

و هادا الرابط مذكور فيه بعض الفوائد :

http://www.arabmedmag.com/general/is...gerneral01.htm

إذا هيك عندك معلومات طبية....فأنا متأكد أنو دراسة الصيدلة رح تكون كتير سهل عليك

ربنا يحميك و يوفقك.

صلواتكم

شكرااااا ألوس:smilie_:

مشان هيك دير بالك:smilie (63): ... إجتك منافسة قوية بالصيدلة

بس مو مشكلة ... رح خليلك الإشراف الطبي بس بإشرافي ..

اكيد عم امزح ... انت الأصل ولووووووووووووووووووووووو و

صلواتك

أحرجتني أحرجتني أحرجتني

:smilie (56)::smilie (56)::smilie (56)::smilie (56)::smilie (56):

شكرا لك ألوس الحبيب

لك أهلا أهلا بالحبيب...

الحمد الله عالسلامة..

شو كيف كان المخيم ..... إنشا الله خلص بخير و سلام...

وينك يا زلمة, إشتقنالك و إشتقنا لمشاركاتك الحلوة .

صلواتك

تسلم يا معلم ألوس.............الحمد لله كان المخيم منيح......

شكراً أخ أللوس على هذا المقال الجميل
بس في نقطة حابب اضيفها من وجهة نظر الأطباء ( بعيداً عن الصيادلة اللي ايدون و الدوا ) عم نمزح شباب
الفكرة هية انه بغض النظر ان كان رشح او انفلونزا فهو عبارة عن فايروس و مخاربته تتم عن طريق جهاز المناعة الموجود في الجسم بغض النظر ان اعطيناه مضادات اضافية ( انتي بيوتيك مع اختلاف انواعه مع اني لا احبب جميع فئاته الاربعة ) و نحن بدورنا بامكاننا انه نقدم شغلة كتير حلوة و نساعد فيها جهاز المناعة و هي انه البرونيت الحيواني او اي خلايا حيوانية منتناولها عن طريق الطعام فهي بالنسبة لجمسنا عبارة عن اجسام غريبة و طبعاً جهاز المناعة سيقوم بمحاربتها الى جانب محاربته الفايروس اللي جمسنا عم يتعرض اله
فلذلك افضل هدية هية ان نحاول الامتناع عن تناول اللحوم و الالبان و الاجبان و كل شي حيواني خلال فترة هالاسبوع اللي نحن متعرضين فيها للرشح او الكريب او او او
ملاحظة هامة للامهات اللي عندون اطفال: في خطأ شائع بيقوموا فيه العديد من الامهات و هية انه اذا الولد بيصير عنده حرارة او رشح بيضلوا عم يطعموه حليب لكن من الافضل انه يوقفوا الحليب عن الولد و يعطوه شاي عوضاً عنه و يحطوله فيه الفيتامينات المطلوبة لنمو جسمه و حتى لو كان طفل رضيع وهي بتكون هدية من الام لجسم ابنه و ابنها ا

مشكور دكتور ابراهيم على المعلومات الحلوة

أرجو منك رجاء خاص أن تزودنا بخبراتك الطبية عن طريق كتابة مواضيع في القسم الطبي

و ليس الإكتفاء بالردود

فأنا بحاجة إلى شخص ذو خبرة طبية و مرجعية موثوقة يساعدني في القسم الطبي

أرجو ألا تخيب ظني و أملي فيك

صلواتك

أخ أللوس يا ريت من دون ألقاب لانه كلنا اخوة في هذا البيت الجميل
اكيد رح حاول فضي حالي و اساعد في اللي بقدر اساعد فيه في المنتدى
صلواتك

صراحة جيت لحتى أكتب موضوع بس ما عرفت عن شو أكتب لانه في العديد من المواضيع اللي ممكن طرحها فلذلك انتو شوفوا شو الموضوع اللي حابين تحكوا فيه و انا بساعد حسب اللي بعرفه

أخي الغالي إبراهيم

المجال الطبي بحر كبير متل ما بتعرف و عندك مواضيع كتير

و أنا عندي ثقة كبيرة فيك و متأكد أنك رح تحسن الإختيار

بإنتظار مشاركتك

صلواتك