حبيبنا Elias على كرسي الاعتراف ..

إي .. هادا أنا اللي حطيت الموضوع :sm-ool-01:

كيفكن فييييييييييييا :sm-ool-29:

* * * * * * * * *

حبيبنا إرميا :sm-ool-10: صرلو كم يوم غايب .. انشاللـه يكون السبب خير :sm-otl-18:
و أبو اللوس :sm-ool-10:تطوّع للمهمة .. و مو كل مرة منلاقي متطوّعين :sm-ool-09:

و مشان ما نظلم حبيبنا ارميا : بيتعهد أبو اللوس إنو يحط اللي بدو ياه إرميا بعدو على الكرسي ..
كيفك فييييا أللوس ؟؟ :sm-ool-13:

لنبللش السلخ :sm-ool-01::sm-ool-06::sm-ool-01::sm-ool-06::sm-ool-01:

1- أبو اللوس .. أكيد منحب نعطيك المكرفون تكتبلنا كم سطر عن حالك .. ده كان اوووووولاً

2- بحب أعرف شو بتحب موسيقا .. مع شوية تفصيل ( إذا ما في إنجعاز يعني :sm-ool-26: )

3- مين كان أكتر عضو مشاغب بالفترة الماضية بالمنتدى .. يعني مين كان شغلتك بالنقل و تنقيح المشاركات ..

4- المكرفون معك .. و مع باقي الأخوة .. و هيّ جبتللك الكرسي لهون :sm-ool-13:

http://www.orthodoxonline.org/forum/.../2011/02/5.jpg

اقتباس:

---

المشاركة الأصلية كتبت بواسطة Maximos

كيفكن فييييييييييييا

---

ملعوبة ..........لكن لذيذة ...........يسلمو ايديك على كل :sm-ool-09:

بما أنو انت جبتلي الكرسي فهاد شرف كبير الي كل ما بدي ارتاح عليه رح اتذكرك الله لا يحرمنا من محبتك حبيب قلبي

اقتباس:

---

المشاركة الأصلية كتبت بواسطة Maximos

- أبو اللوس .. أكيد منحب نعطيك المكرفون تكتبلنا كم سطر عن حالك .. ده كان اوووووولاً

---

أولا أنا عمري 24 سنة بحب كل الدني والناس ومافيني عيش بلاهن بحب المزح والضحك
أكلتي المضلة رز وتانيا جاج
مشروبي المفضل : البارد بيرة أولا
الساخن:شاي بنكهة اليانسون
مأدرس إحصاء رياضي سنة رابعة ودورات محاسبة
بحب السفر وعلى وجه الخصوص المناطق الجبلية يعني شجر وغابات وهيك شغلات
شفيعي :القديس يوحنا كرونشتادت 20 12 1908 روسيا كرونشتادت

اقتباس:

---

المشاركة الأصلية كتبت بواسطة Maximos

- بحب أعرف شو بتحب موسيقا .. مع شوية تفصيل ( إذا ما في إنجعاز يعني )

---

بالنسبة للموسيقى بحب الموسيقى البيزنطية وعم ادرسها وانا هلأ بالمستوى التاني بحب كمان أسمع عندي شي 2 غيغا موسيقى
أكتر شي بحب ياني لدرجة أنو اسمي عالبلوتوث فيليتسا اسم أجمل مقطوعة الو كان هاديها لأمو وسماها على اسما

اقتباس:

---

المشاركة الأصلية كتبت بواسطة Maximos

3- مين كان أكتر عضو مشاغب بالفترة الماضية بالمنتدى .. يعني مين كان شغلتك بالنقل و تنقيح المشاركات ..

---

انشالله كون فهمتك صح انا كمشرف , مشرف على قسم التاريخ ومامعي صلاحيات خارج هالفئة من المواضيع وبما أنو المشاركات فييا قليلة هيك ما بيطلع معي حدا مشاغب

لحتى تبلش مظبوط بدك دعم و هاي احلى كاسة latte macchiato لأبو الياس مع قطعة كاتو

http://www.orthodoxonline.org/forum/.../2011/02/1.jpg http://www.orthodoxonline.org/forum/.../2011/02/2.jpg
و بعدها الي عودة للأسئلة .

اخينا ابو اللوس على رأي اخونا مكسيموس انا بهنيك على الموسيقى الي عم تسمعها على قد ما هيه حلوه وهلا بنبلش بالاسئله :
1 . ما هو اكتر شغله حابب تحققها بالحياه :sm-otl-18:
2.اذا حدا دايقك بشغله وانتا دايقت منها لدرجه كبيره اش راح تكون ردت الفعل عندك بوقتها:sm-ool-24:

اجمالا بكتفي بهدول السؤالين ونوافيك بالمزيد من الاسئله :sm-ool-17:

اقتباس:

---

المشاركة الأصلية كتبت بواسطة asma

. ما هو اكتر شغله حابب تحققها بالحياه

---

حاليا أهم شي عندي خللص دراسة جامعية عشان انطلق للحياة وبعدين بتخلق اهداف جديدة

اقتباس:

---

المشاركة الأصلية كتبت بواسطة asma

2.اذا حدا دايقك بشغله وانتا دايقت منها لدرجه كبيره اش راح تكون ردت الفعل عندك بوقتها

---

بحاول قدر الامكان سايرو عشان أعرف شو نهايتا معو وأعرفو بشكل أفضل
بس أكيد ما بسمح بإني آكل كف وأطلع ببلاش بتجي ساعة طالع الفرق فييا
يعني بحاول فرجيه اني مو سهل

ابو الوس مرحبا سؤالي الك شو هيي اكتر كلمة بتحب تستخدما وشو بتعنيلك

إيه أخي الياس هلأ جينا
أول سؤال شو بتعنيلك الارثوذكسية وهل عيش الارثوذكسية برأيك صعب و لا سهل و ليش
شو الترتيله اللي لها وقع خاص بنفسك و بترتلها دايما
شو اكتر آية أو عبارة بالأنجيل بتخليك تتأمل فيها باستمرار و كل مرة بتفهم منها معنى مختلف عن المرة السابقة اللي تأملتها فيها .
شو الكتاب اللي قريته و خلاك تعيد النظر في حسابات حياتك
على سيرة الحسابات كيفك بالميزانيات انشاءلله ما عم يعزبوك
مين لعب الدور الاساسي بحياة الياس و تركيبة شخصيته ؟
شو بتعنيك الصداقة الحقيقية ؟

بتمنى تكون اسئلتي مستحبة و انا بانتظار الرد .

اقتباس:

---

المشاركة الأصلية كتبت بواسطة Elias

بس أكيد ما بسمح بإني آكل كف وأطلع ببلاش بتجي ساعة طالع الفرق فييا يعني بحاول فرجيه اني مو سهل

---

مرحبا أخي الياس، حلو هالحكي وأهم شي الدرس يالي بنتعلموا بعد الكف وهو بيكشف وجه جديد للشخص يالي قدامنا وبيقوينا.

سؤالي: وين بتشوف حالك بالكنيسة يعني شو الدور يالي بتحب تلعبوا كعضو فعال بالكنيسة؟
صلواتكم

بالنسبة لسؤال أخونا فهد أكتر عبارة بلاقيها هيي " الله بيعين" بلتمس فيا تعزية أكيد أكيد كلشي بيتم تحت عين الرب وهووي بيسمح فيو
"كل الأشياء تعمل معا لخير الذين يحبون الرب"

اقتباس:

---

المشاركة الأصلية كتبت بواسطة برباره

شو بتعنيلك الارثوذكسية وهل عيش الارثوذكسية برأيك صعب و لا سهل و ليش

---

الأرثوذكسية بشعر بأنها الطريق الصحيح للوصول الى السيد المسيح والخلاص
بالنسبة لعيش الأرثوذكسية مستوى صعوبته وسهولته متعلق بمدى ارتباطنا بالسيد المسيح أكيد بالنهاية محا يكون مستحيل, أكيد صعب, السيد المسيح له المجد قال "اجتهدوا أن تدخلوا من الباب الضيق " يعني نحنا عشان نعيش الارثوذكسية بحاجة لجهاد ,العيش صعب بقدر ما نحنا بعيدين عن المسيح
أكيد هالعيش مش مستحيل

اقتباس:

---

المشاركة الأصلية كتبت بواسطة برباره

شو الترتيله اللي لها وقع خاص بنفسك و بترتلها دايما

---

كتير تراتيل إلها وقع ولكن اذا بدي حدد البوليئليون " سبحوا اسم الرب اللحن الخامس"

اقتباس:

---

المشاركة الأصلية كتبت بواسطة برباره

شو اكتر آية أو عبارة بالأنجيل بتخليك تتأمل فيها باستمرار و كل مرة بتفهم منها معنى مختلف عن المرة السابقة اللي تأملتها فيها .

---

من رسالة بولس الرسول الى أهل رومية 13: 8
"لا تكونوا مديونين لأحد بشيء الا بأن يحب بعضكم بعضا لأن من أحب غيره فقد أكمل الناموس"
وأنا بشوف اذا قدرنا نعيش المحبة حسب ما أوصانا الرب هديك الساعة ما رح نقدر نغلط مع حدا

اقتباس:

---

المشاركة الأصلية كتبت بواسطة برباره

شو الكتاب اللي قريته و خلاك تعيد النظر في حسابات حياتك

---

كتاب تعاليم روحية للقديس دوروثاووس غزة كان أول كتاب قريتو وأثر فيي كتييير لدرجة تغيرت شخصية كليا, حبيتو كتيييير

اقتباس:

---

المشاركة الأصلية كتبت بواسطة برباره

على سيرة الحسابات كيفك بالميزانيات انشاءلله ما عم يعزبوك

---

انا من جهة الدراسة والعلم عالم الأرقام هووي متعة بحياتي أكيد درست المحاسبة من باب الرغبة

اقتباس:

---

المشاركة الأصلية كتبت بواسطة برباره

مين لعب الدور الاساسي بحياة الياس و تركيبة شخصيته ؟

---

بخاف اذكر اسم ينظلموا البقية على حسابو من مرشدي فرق الجامعيين والعاملين اللي أنا فيا وحتى ايام الثانوي وأكيد بعض الكهنة أثروا فيي بقوة
وبالنسبة لتحديد الأسم سمحيلي فيوو عشان في كتير أشخاص أثروا بقوة بتمنى يكون جوابي جاب هممو وما قصرت بالإجابة

اقتباس:

---

المشاركة الأصلية كتبت بواسطة برباره

شو بتعنيك الصداقة الحقيقية ؟

---

أنا بشوف أنو صديقي الحقيقي هووي يللي قادر اني اعطيه حتى من حاجتي وهوي قادر يلبيني ساعة اللي أطلبوا الصداقة كنز كتير كبير بشوف فييا روح الجماعة وهاد من أثمن مافي الحياة أيضا بتنتعش حالتي النفسية وبرتاح مع هالصديق .ايضا كل إنسان بلاقي نفسي بوجودو وبلاقيه سبب لراحتي,وبقدرأفتحلو قلبي حتى بأشد خصوصياتي بلا ما أحمل هم.

اقتباس:

---

المشاركة الأصلية كتبت بواسطة برباره

بتمنى تكون اسئلتي مستحبة و انا بانتظار الرد .

---

طبعا كللهن مستحبات بس واحد منهن عليه كم اشارة . يسللم دياتك حلوين

اقتباس:

---

المشاركة الأصلية كتبت بواسطة zoukaa

وين بتشوف حالك بالكنيسة يعني شو الدور يالي بتحب تلعبوا كعضو فعال بالكنيسة؟

---

بالنسبة للعمل بالكنيسة قدرت كون فعال بأكتر من جهة ولكن إرشاد لفرق مرحلة الطفولة كان هووي النقطة يللي انا أشد فعالية فييا من باقي أبواب العمل بالكنيسة

اقتباس:

---

المشاركة الأصلية كتبت بواسطة Elias

وأنا بشوف اذا قدرنا نعيش المحبة حسب ما أوصانا الرب هديك الساعة ما رح نقدر نغلط مع حدا

---

http://www.orthodoxonline.org/forum/...2011/03/15.gif

اقتباس:

---

المشاركة الأصلية كتبت بواسطة Elias

أنا بشوف أنو صديقي الحقيقي هووي يللي قادر اني اعطيه حتى من حاجتي وهوي قادر يلبيني ساعة اللي أطلبوا الصداقة كنز كتير كبير بشوف فييا روح الجماعة وهاد من أثمن مافي الحياة أيضا بتنتعش حالتي النفسية وبرتاح مع هالصديق .ايضا كل إنسان بلاقي نفسي بوجودو وبلاقيه سبب لراحتي,وبقدرأفتحلو قلبي حتى بأشد خصوصياتي بلا ما أحمل هم.

---

http://www.orthodoxonline.org/forum/...2011/03/16.gif

اقتباس:

---

المشاركة الأصلية كتبت بواسطة Elias

طبعا كللهن مستحبات بس واحد منهن عليه كم اشارة

---

أي منهم ؟؟؟وضحلي و انا مستعدة لقلك رأي بصراحة
أيه هه الكرسي نور

اقتباس:

---

المشاركة الأصلية كتبت بواسطة برباره

أي منهم ؟؟؟وضحلي و انا مستعدة لقلك رأي بصراحة
أيه هه الكرسي نور

---

انت كمان مشعشة 250 شمعة
بالنسبة لطلبك التوضيح بقصد السؤال الخاص باسم الشخص يللي لعب الدور الأساسي بحياتي في أكتر من شخص أثروا عليي بقوة لدرجة تغيرت سلوكياتي من خلالهن

أكيد بذكر أسامي لتنين من الناس كانوا فعلا بمثابة منارة بحياتي وهنني "ابونا خليل رباحية" وكمان "أبونا بطرس الجمل"
كل واحد منن لعب دور كبير بحياتي على المستوى الروحي
وبعيد عن المستوى الروحي ما بعتقد اني تأثرت بقوة بأحد الناس
واسمحيلي بكتابة اسمين لأنو فعلا هني التنين بيستحقو ينكتب اسمهن بهالمجال
(مع عدم إهمال دور المرشدين يللي خلوني فكر بجدية ببعض القصص بالحياة)

اقتباس:

---

المشاركة الأصلية كتبت بواسطة Elias

كانوا فعلا بمثابة منارة بحياتي وهنني "ابونا خليل رباحية" وكمان "أبونا بطرس الجمل" كل واحد منن لعب دور كبير بحياتي على المستوى الروحي

---

الله يخلهم منارة مشعة على طول تضوي دربك يارب
و بصلواتهمو دعواتهم بركتنا.

اقتباس:

---

المشاركة الأصلية كتبت بواسطة Elias

وبعيد عن المستوى الروحي ما بعتقد اني تأثرت بقوة بأحد الناس

---

المهم يبقى الياس مثل ماهو الياس

اقتباس:

---

المشاركة الأصلية كتبت بواسطة Elias

أكيد درست المحاسبة من باب الرغبة

---

حلوة المحاسبة و ممتعة معك حق.

شو أحلي مخيم رحتو و وين و ايمت
شلون كانت الحياة داخل المخيم وشو بتعنيلك

اقتباس:

---

المشاركة الأصلية كتبت بواسطة حازم 76

شو أحلي مخيم رحتو و وين و ايمت
شلون كانت الحياة داخل المخيم وشو بتعنيلك

---

كان من شي سنة ونص بصيف 2009 بضيعة مرانة حسيت وقتا اني فعلا نسيت الدني
طبيعة الحياة ضمن المخيم مختلفة كتير عن الحياة العادية يللي بيقضيها الواحد بحارتو مع أهلو
كان ومخيم طفولة صحيح كان في ضغط علينا ضمن برنامج المخيم بس تعلمت مننو شو يعني الواحد يشتغل
كانت حياة كتير حلوة كتير أطفال حولينا

بتعنيلي:حسيتا أيام من الجنة وكانت نقلة بحياتي الروحية طبعا تأثرت بالأطفال والعاملين بالمخيم أيضا بتمنى تعيشوها

كيف الكرسي اخي الياس
انشاله مرتاح
ما رح اكتر اسئله عليك
بس شوي :sm-ool-12:



هل تحاول ان تمارس حرفيا ما هو في التقليد الارثوذكسي ووجدت نفسك انك تمارسه بطريقه غلط
ماذا تعني لك كلمه مطانيه
ما هي اصعب فتره في حياتك مررت بها
كيف تعرفت على المنتدى

انشاله تكون الاسئله خفيفه

اقتباس:

---

المشاركة الأصلية كتبت بواسطة Seham Haddad

هل تحاول ان تمارس حرفيا ما هو في التقليد الارثوذكسي ووجدت نفسك انك تمارسه بطريقه غلط

---

بصريح العبارة ودون خجل ماعندي فكرة شو هيي مجموعة الأفكار يللي مقصود فييا تقليد أرثوذكسي بس بشكل عام ما بيخلى الانسان من الغلط , وبقرا منيح, عمما اتنور, اكتشفت من خلال قراءاتي اني كنت فعلا غلط ولهلأ بحاول اتعرف عالصح وأكيد رحلة البحث هاي طويلة لليوم لسه بشوف شغلات جديدة بالكنيسة يمكن غريب هالأمر لكوني ابن 24 سنة مقضي حياتي بالكنيسة بس هاي الحقيقة ما مسكت لليوم كتاب بعنوان التقليد الارثوذكسي.
"بيعنيلي تكميل للكتاب المقدس وفي كم اشارة واضحة بالكتاب بتدل على وجود التقليد"

اقتباس:

---

المشاركة الأصلية كتبت بواسطة Seham Haddad

ماذا تعني لك كلمه مطانيه

---

المطانية بتعني : 1 أحد أوجه مشاركة الجسد في الصلاة مش النفس أو الروح هني بس يللي بيصللوا الجسد ايضا بيشارك من خلال المطانيات ومن خلال حركات أخرى ممكن ما كون تعرفت عليا لليوم
2 حركة من حركات التوبة بتساهم بترويض الجسد وضبط شهواته
كل انسان عاش تجارب بحياتو " بقصد جرب هالأمر مابقصد تجربة شيطانية"
بيعرف مدى وضوح وفاعلية المطانية على عيش التوبة
3 وجه من أوجه التواضع اذا الانسان ماعندو تواضع بيشعر انو المطانية غريبة عنو
حتى لو شاف غيرو بيساويا بتصعب عليه كتير وممكن ما يفكر فيا
لابد من وجود معاني أخرى هاد اللي طلع معي

اقتباس:

---

المشاركة الأصلية كتبت بواسطة Seham Haddad

ما هي اصعب فتره في حياتك مررت بها

---

أصعب مرحلة كانت من شي خمس سنين بداية دراستي الجامعية مع انها كانت ايام حلوة بس فعلا كانت غاية في الصعوبة كانت ناتجة عن وضع صحي صعب وأن هلأ بصحة جيدة وقوية كانت يد الرب معي كل نهار حسيت انو في قوة كبيرة عم تفعل بحياتي أقوى من قدرتي.

اقتباس:

---

المشاركة الأصلية كتبت بواسطة Seham Haddad

كيف تعرفت على المنتدى

---

من خلال الأخت المشرفة شيم بتكون أختي وطبعا في كتير من رفقاتي الحماصنة مشتركين هون وعلى تواصل مستمر

اقتباس:

---

المشاركة الأصلية كتبت بواسطة Seham Haddad

انشاله تكون الاسئله خفيفه

---

حلوين يسللم دياتك

شو أجمل مقليب أكلتو

حبيبي الياس سلام ونعمة

في عندي كم سؤال بحب أعرف ردك عليهم ازا ما في مانع:

1- مين أكثر شخص بعنيلك بحياتك وليش كتير بعنيلك ؟
2- هل اذا فكرت تتجوز بنت فهل شرط أنها تكون أرثوذكسية ؟
3- كيف بدأت طريقك بالإيمان وتمسّكك بالمسيح ؟

سامحني على الإطالة وربنا يباركك

صلواتك

اقتباس:

---

المشاركة الأصلية كتبت بواسطة حازم 76

شو أجمل مقليب أكلتو

---

في موقف كتير كوميديا صار معي من فترة قريبة بإحدى الاجتماعات تعرفت على وحدة من الصبايا وصار في إلفة بعد كم يوم سألت عنا أكتر من مرة على مدى أكتر من يوم وداااااااارت الأياااااام وإجت اللحظة يللي التقينا فييا ساعة اللي شافتني قالت خي كتير منيح شفت حدا بعرفو بس أنا ماعرفتا هديك الساعة وكنت كمان نسيان اسما فرجعت تعرفت عليا عن جديد

اقتباس:

---

المشاركة الأصلية كتبت بواسطة ارميا

1- مين أكثر شخص بعنيلك بحياتك وليش كتير بعنيلك ؟

---

صراحة ما بعرف ما بظن اني رح فكر بهالطريقة كتير أشخاص بيعنولي لدرجة عالية أهل بيتي لأنو كل حياتي معهن وبيعرفوني كتير كويس وبيساعدوني حتى بخصوصيات حياتي ,أصدقائي لأنو بحياتي معهن ما بعرف الضجر ,وأكيد أبي الروحي بيعنيلي كتير عطاني أمل بالحياة
وعشان تحديد اسم عذرني لأنها عنجد صعبة

اقتباس:

---

المشاركة الأصلية كتبت بواسطة ارميا

2- هل اذا فكرت تتجوز بنت فهل شرط أنها تكون أرثوذكسية ؟

---

مبدئيا أي مش لأنو أنا عنصري لاء لأنو اذا كانت مش اورثوذكسية رح واجه صعوبة الى حد ما بالحياة معا, بالأخص تربية الأولاد الإبن بكنيسة أرثوذكس وللا كنيسة غير الأرثوذكس بدو يتعلم فيا ,انا رح كون واضح تماما, أنا مش ناضج كفاية لحتى أقدر عيش براحة وسعادة مع وجود هيك نقطة بحياتي ماعندي حكمة كفاية للتعامل مع هيك وضع.
بس بعتقد أنو الزوجين اذا كل واحد من كنيسة شكل من بداية حياتهن الزوجية يتفقو ويقرروا وبعدين يعيشوا سوا بنفس الكنيسة أفضل مايوقع الأبن بخلاف كبير ويتفتح على مشاكل نتيجة انتماؤه لأكتر من كنيسة ويضيع بين هون وهنيك و يمكن يطلع خارج الكنيسة نظرا لعدم وجود استقرار

وبيجوز كون أنا غلط "بالنهاية كللنا مسيحيين وممكن الزواج من غير طوايف"
كللنا أبناء أبينا الذي في السموات

اقتباس:

---

المشاركة الأصلية كتبت بواسطة ارميا

3- كيف بدأت طريقك بالإيمان وتمسّكك بالمسيح ؟

---

مريت بأكتر من مرحلة جوهرية بحياتي كانسان يحيا الايمان
أول نقطة كان ابي ياخدني أيام زماان عالكنيسة بهديك الأيام لسه يادوب وعيان شو عم يصير حوليي
نقطة تانية دخلت لمركز التعليم الديني وتعلمت كتييير وتعلمت انو ندخل عالكنيسة ونصوم ونحيا حياة مسيحية
بعد فترة طلعت أول مخيم بحدود سنة 2005 كان نقطة تحول بحياتي ومن وقتا بللشت فكر جديا بالخلاص وتعلقت أكتر بالكنيسة
وبعدين بللشت عيش حياة مع أب روحي عطاني أمل بالحياة وعيت وقتا على نقطة انو الانسان فعلا قادر على التغلب على أهواءه
وفقط.

اقتباس:

---

المشاركة الأصلية كتبت بواسطة ارميا

سامحني على الإطالة وربنا يباركك

---

أسئلتك مش طويلة على عيني وراسي انتا وأهالي حارتك. أنت عذرني إجاباتي طويلة

سلام الرب يكون معك اخي الياس
كيفك انشالله منيح
انا رجعت ومعي اسئلة صعبة شوي بس بتمنى تجاوب بكل صراحة
سؤالي الاول شو بتعنيلك كلمة الحب؟؟؟ بكافة جوانب الحياة
2 في كلمة طلعت منك وبتتمنى انو يرجع الزمن وتسحبا ؟؟
3 انت لمين بتفتح قلبك لاختك ام اخوك ؟؟
4 اذا فتحنا قلب الياس وطلعنا شو ممكن نشوف ؟؟
5 شو اكتر غنية بتحبا ولمين بتهديا؟؟
اسفة اذا طولت الاسئلة
بصلواتك
ملاحظة اذا في اي ازعاج بالاسئلة فيك لا تجاوب

اقتباس:

---

المشاركة الأصلية كتبت بواسطة Chrestina

سلام الرب يكون معك اخي الياس
كيفك انشالله منيح

---

نشكر الله أحسن من هيك بنتزع

اقتباس:

---

المشاركة الأصلية كتبت بواسطة Chrestina

سؤالي الاول شو بتعنيلك كلمة الحب؟؟؟ بكافة جوانب الحياة

---

اذا كان بعيد عن مفهوم المحبة يللي وصانا فييا الرب فهو شكل معاق من أشكل العلاقة بين الناس لأنو هديك الساعة بيكون حب للذات مش حب للإنسان الآخر
وحسب ماأوصانا الرب فهو بيكون اسلوب راقي وجميل للعلاقة بين الناس أنا لمما بحب شخص يعني هووي بحياتي مرفأ الأمان والاستقرار بوجودو بلاقي حالي وبكتشف وجودي وبكسب من وجودو قوة لمواجهة الحياة ومصاعبها
*وبالنسبة لحب ماهو غير كائن بشري فهداك أمر مختلف تماما أنا بحب هالشي لأنو بيخدمني بحياتي بشرط استخدمو بشكل صحيح وأبقى أنا سيد عليه مش هووي سيد عليي

اقتباس:

---

المشاركة الأصلية كتبت بواسطة Chrestina

2 في كلمة طلعت منك وبتتمنى انو يرجع الزمن وتسحبا ؟؟

---

خلال آخر كم شهر ما بظن بوجود كلمة طلعت من تمي وبتمنى يرجع الزمن تأسحبا ما بشعر بأني بندم على كلام قلتو لأنو بعمل حسابو مظبوط
بالنهاية كل انسان عندو أفعال بيندم علييا مافي انسان بريء من الخطأ

اقتباس:

---

المشاركة الأصلية كتبت بواسطة Chrestina

3 انت لمين بتفتح قلبك لاختك ام اخوك ؟؟

---

اذا بدي كون صريح مظبوط أنا بفتح قلبي لأختي شيم أكتر من باقي أقراد العيلة بشعر أنها بتفهمني وبما أني شب وهيي بنت وبتعرف كيف البنت بتفكر أنا بلاقي أنو هاي نقطة حلوة وجيدة وقوية لصالحي

اقتباس:

---

المشاركة الأصلية كتبت بواسطة Chrestina

4 اذا فتحنا قلب الياس وطلعنا شو ممكن نشوف ؟؟

---

دم بشري +شاي +يانسون +قلوب ناس طيبة

اقتباس:

---

المشاركة الأصلية كتبت بواسطة Chrestina

5 شو اكتر غنية بتحبا ولمين بتهديا؟؟

---

بصريح العبارة أكتر غنية بحبا وبحبا عالتقيل عالتقيل "مدينة الحب" لكاظم الساهر وبصراحة أكتر لمما ببسمعا مابفكر بحدا
واذا بدي أهديا بهديها لرفيقي نورس اللي مسافر من تلت سنين لأميركا وبقلو بلدنا كتير حلو رجاااااع كل سوريا مشتاقة
والله سوريا بتجنن الله يحميها