دعوة لمؤتمر الشبيبة الارثوذكسية في الاراضي المقدسة

نعمة الرب يسوع المسيح ومحبة الله الاب وشركة الروح القدس لتكن مع جميعكم
بنعمة الرب يسوع المسيح وبصلوات العذراء مريم والدة الإله الدائمة البتولية مريم سيُعقد المؤتمر الخامس للشبيبة الارثوذكسية في الاراضي المقدسة في قرية عبلين في الجليل الغربي يوم السبت الموافق 1-3-2008 تحت عنوان أتريد ان تبرأ ( مفهوم الخلاص بالكنيسة الارثوذكسية)
الدعوة موجهة لجميع الشبان والشابات من جيل 15- حتى 35 من ابناء الرعايا المسيحية الارثوذكسية في الاراضي المقدسة.
مرفق ملف الدعوة والبرنامج .
للتنسيق ممكن مراسلتي على العنوان التالي mitrptlm@bezeqint.net
يوجد منسقين في كل القرى والمدن في الجليل ومنطقة المركز والضفة الغربية . حفاظا على الخصوصية ستعطى عناوين المنسقين عن طريق البريد الالكتروني الوارد اعلاه.
الطالب صلواتكم
الاب الياس خوري

باذن الله راح نشارك بالمؤتمر ,,, وانشالله يكون المؤتمر ناجح ويتبارك اكبر عدد من الناس من خلاله ...

مشكور ابونا على جهودك ... الرب يباركك ....

تمنيات الأخوة في سورية لكم بالتوفيق ..
.
الرب يبارك
.
صلواتكم

بعد لثم أياديكم و اخذ بركتكم الأبوية من لدن المسيح يسوع


كل الشكر و التقدير لمجهوداتكم الجبارة في خدمة أبناء الرعية في

ارجاء البطريركية لماذاااا لم توجه الدعوة

إلى أبناء الرعية بغزة و إلا إنتوو عم تعملووو زي ما بقول الكتاب المقدس في العهد القديم


أن غزة متروكه من وجه الرب لذلك لم تذكرهااا في الدعوة

و إلااااااااااااااااااااا مش من نطاق البطريركية

شو القصة أبونااااااااااااااا

إبنك بالرب الفادي يسوع المسيح

إبراهيم إبن فلسطين

اخي ابراهيم نعمة الرب يسوع المسيح تكون معكم
لم يكن عندنا حتى الان اي عضو او منسق نستطيع ان نتعاون معه
نعتذر منكم ولكن اذا امكن ارسلوا لنا اسم المنسق عندكم وسيكون هو همزة الوصل بيننا وبين اهالي غزة الكرام اصحاب الرأي القويم والجهاد الحسن بالروح والحق ونحن لا ننسى صمودكم الجبار في الحفاظ على الوجود المسيحي الارثوذكسي في وطننا غزة ولا نسسى شهادتكم للمسيح في اصعب بقعة على وجه الارض
نقدم لكم اعتذارنا مرة اخرى ولعلل هذه الحادثة تكون فاتحة خير علينا جميعا
نسأل صلوات سيدنا المطران الكسي حفظه الله
الحقير في الكهنة
الاب الياس خوري - عكا المقدسة

صلواتك أبونا...
كيف الصحة؟

حلو كتير هالحكي وشو رأيك أخي ابراهيم تنسق حضرتك مع أبونا ويمكن تلحقوا تعملوا اي اشي في هذا الموضوع وتشارك كنيستنا في غزة بالمؤتمر...
أكيد بيطلع معاكو اشي حلو حتى لو مش هالمرة يبقى المرة الجاي باذن الرب... وإلا ايش رأيكو؟ وخاصةً أبونا.. أيش رأي قدسك؟

صلواتكو

اخي الكسي الله يقدسك
قمنا بالاتصال مع الاخ ابراهيم وانشالله رح نرتب انة يكون في مشتركين من غزة الغراء الحبيبة
الله يحمي اهلنا بغزة ويكون معين لهم في اوقاتهم الصعبة هذه ونسال ربنا يسوع المسيح ان يخفف الآام اهلنا هناك ويعطيهم تعزية روحية بنعمة روحه القدوس ومحبة الاب السماوي - امين
الله يقدسكم جميعا وشكرا للاخ الكسي لانو بمساعدة هالموقع عمنتواصل مع اشخاص ما كنا غادرين نتواصل معهم بالماضي
الى القاء في عبلين
الحقير في الكهنة الاب الياس خوري

لقد وقع خطأ بالتاريخ الذ ي وضع بالنسبة للاعلان للمؤتمر تاريخ اللقاء هو 1-03-2008 وليس 8-03-2008 حسب ما هو مذكور بالملف المرفق وليس بالاعلان وارجو من الاخ الكسي التصحيح
وشكرا

نشكر الرب انكو قدرتوا تتواصلوا وقدروا شبيبتنا بغزة يتعرفوا على نشاطات الكنيسة في كل فلسطين الحبيبة...
أبونا تحت أمرك بالسنبة لتعديل الإعلان بس يعني تدفع كام حتى أعدله؟ :)

بدفعلك صلوات دائمة غير منقطعة بيكفي؟؟؟

ليش في أغلى من هيك يا أبونا؟ بس ياريت أبونا تذكرني بصلواتك دائماً الي ولنصي التاني اللي قدسك بتعرف مين هو...

اسف على الخطأ في المرة الأولى...
صلواتك

الله يقدسكما

آمين
تم بالفعل الإتصال بي شخصيا و ترتيب كل الأمور لعمل اللازم من قبل رئيس الطائفة في غزة
و كل شي بسير على ما يرام و بكرة السبت الصبح راح يبعت أبونا الأرشمندريت أرتيميوس أرقام الهواية لعمل اللازم من قبل الأب إلياس خوري ذو القلب الطيب الحنون الغيور على أبناء الطائفة الذي يعمل بكلمة الكتاب المقدس القائلة " غيرة بيتك أكلتني " لكي يوصل كلمة الله لأبناء الرعية في كل أرجاء البطريركية
السماح مطلوب لإنو يقول في الكتاب المقدس " إن إعترفنا بخطيانا فهو أمين و عادل حتى يغفر لنا خطايانا و يطهرنا من كل إسم " و انا بأوعدك أبونا إنا غنكون دائما على إتصال
إبنك بالرب الفادي يسوع المسيح
إبراهيم ابن فلسطين

اخي ابراهيم يجب ان ترسلوا قائمة الهويات سريعا من اجل ترتيب التصاريح والا راح يكون صعب جدا حتى مستحيل من ان نصدر التصاريح ارجوكم بارسع وقت ممكن

سلام المسيح معكم جميعا ولك يا ابونا الياس انا الياس من الرمله كيفك؟
المظبوط يا ابونا كنتوا لازم تنسقوا مع كل المركزين من انحاء فلسطين علشان يكون قرار مع بعض بالنسبة للتاريخ لانوا انت بتعرف بكون بالكنيسة الارثوذكسية سبت الاموات وشوي صعب على العموم احنا جايين 20 شخص

اهلا وسهلا بالجميع ...

بس نحنا بحاجة لصلواتكم لحتى يطلعوا التصاريح لانه لهلا ما طلعوا ... بس نحنا واثقين بالله انه هو اكيد راح يساعدنا لحتى نشارك بالمؤتمر ... صلواتكم ...

اخي الياس انا بعتذر منك ومن كل الاخوة من كل المناطق بالاراضي المقدسة
الحقيقة انه ما كنا بدنا نعمل مؤتمر كبير لكل الشبيبات بالاراضي المقدسة كانت الفكرة بس لمنطقة الجليل لانه انا وابونا فيلوثيوس ما عنا وقت لتحضير مؤتمر كبير بسبب الخدمة الرعوية ، وانت بتعرف كتير كم تستغرق هذه التحضيرات من وقت ومجهود، وخاصة التنسيق
وبعدين باقي الشبيبات من كل المناطق ما تحركوا وبادروا انه يكون في تواصل مستمر ونحنا هون ما عندنا القدرات الكافية لمتابعة موضوع التواصل والارتباط بين كل الشبيبات بدون دعم من جهة كل الشبيبات
لكن بعد ما شفنا انو بنقدر ندعي باقي البلدان تمت الدعوة باسم شبيبة الاراضي المقدسة وكان كل همنا انه تكون قبل الصوم الكبير، فكان هذا الخلل انو تم التنسيق فقط مع شبيبات الجليل وباقي الشبيبات تلقت فقط الدعوة
على كل حال نحنا متأسفين كتير ومنطلب مكم الاعتذار على امل انه بالمستقبل القريب نلاقي آلية اتصال نتفق عليها ولنسطيع ان نكثف النشاطات المشتركة لكي ما يكون الحمل بس على فئة واحدة ولتوزيع الحمل على الجميع من اجل مشاركة الجميع
وللمسيح يسوع الاكرام والسجود وليتجلى في شاباتنا وشبابنا
الحقير في الكهنة الاب الياس خوري
عكا
و