مشكلة شخصية... بتمنى تساعدوني

قصتي مثل غيري ممكن يكون أي شخص منكم مر فيها...
أنا و شب من شباب كنبستنا بيربط بينا حب قوي كتييير و من أكتر من 5 سنين و متل أي شخصين بحبو بعض حبينا نرتبط بسر الزواج المقدس لحتى ربنا يباركنا و نكون أسرة مسيحية أرثوذكسية...
الشب تقدملي 3 مرات و كل مرة أبي بيرفضو...
مع العلم انو ابن كنيسة و أخلاقو بيشهدلو فيها الجميع و قادر ماديا يفتح بيت و أنا و هو و مساعدة ربنا فينا نعيش مرتاحين ...مرينا أنا و هو بتحديات كتير و بقوت ربنا حبنا كل مرة بزيد...
أول مرتين أهلي رفضو لأني كنت لسا بدرس و معهم حق بس المرة الاخيرة كنت خلصت و توظفت...
المشكلة بالنسبة لأهلي هو أخو... أخو أكبر منو بس شب طايش و سمعتو مو كل هل قد هاد الشي مخلي أهلي يرفضو تماما...
بلأضافة انو كمجتمع شرقي بشكل عام و كمجتمع أردني و باأخص بابا بيرفض أي علاقة من هاد النوع و بفضل الزواج التقليدي....
:smilie_ (16):
بدي صلاتكم و نصيحتكم

موضوعك متل ما قلتي مو مشكلة شخصية.. بل هي مشكلة عامة او بالاحرى تحدث في كل المجتمعات وعلى الاقل كل شهر نسمع عن زواج خطيفة (بدون موافقة أهل الطرفين او احدها).

شوفي هون رح تسمعي نصائح قد تتعاكس فيما بينها لأن لكل شخص منظوره..
فاسمعي واعملي نهايةً بما ترتضين به لئلا تندمي في المستقبل على انك اتخذتي قرار غيرك

ولا تنسي بالنهاية نحن نسمع طرف واحد من اطراف القصة فالكل سيتكلم بحسب المعطيات التي لديه وقد اخذها منك..

بالنسبة لي لن اعطي قرار تتخذينه ولكن نصيحة قد تكوني عملتي بها وقد لا تكوني..

اذهبي لعند والدك اطال الله لكم بعمره وامده بالصحة والعافية واطلبي منه أن تجلسي معه وتكلمي بكل ما ترغبين به وتصارحي وإياه وادخلوا في تفاصيل المشكلة وحاولي ان تقنعيه بوجهة نظرك..
قد تكوني تحدثتي إليه ولكن اقول لك الآن اجلسا جلسة مصارحة وتحدثا بكل الامور..
كل منكما يدلي بدلوه واسباه التي جعلته يتخذ هذا القرار
فقد تقتنعي بوجهة نظر والدك وتغيري رأيك.. وقد يقتنع هو ويغير رأيه!
وقد لا يقتنع معك اقتناعاً تاماً ولكنه لا يرى ما يمكن ان يرفضه فيوافق..

واخبريه أنك ابنته وتربيته ومن المستحيل ان تفكري في أمر كهذا بدون مراجعة كل الامور وحسابها بشكل جيد..
واخبريه انه لا يعيب الشخص إن كان اخوه او اقربائه لا يعجبوننا..
ولا مانع، بما أنكما اولاد كنيسة فلديكما علاقة مع الآباء الكهنة، أن يتدخل أحد الآباء الكهنة ويتحدث لوالدك في هذا الموضوع.

تحاوري معه وخذي بركته وموافقته على الزواج فتكون ايامكم سعيدة...
وبالنسبة للزواج التقليدي وهو أن تتزوجي شخصاً لم تسمعي عنه في حياتك فاعتقد ان هذا الأمر قد ولّى بلا رجعة..

الله يخليلك والدك ووالدتك ويجمعك بمن تحبين.. بس ما تنسي تعزمينا على الاكليل :smilie_:
موفقة يارب
صلواتك

شكرا كتير لردك ...
أب كنيستنا عندو علم بالموضوع و موافق تماما...
بس المشلة انو والدي رفض انو يلتقي معو و يتعرف عليه أكتر

و أكيد رح يكون الكل معزوم بس صلولي ربنا يجمعنا...

أهلين أخت يارا ... منورتينا...

اقتباس:

---

المشاركة الأصلية كتبت بواسطة yara s

بس المشلة انو والدي رفض انو يلتقي معو و يتعرف عليه أكتر

---

عزيزتي إن كان والدك رافض للموضوع وبشكل قطعي فعليك إذاً اتخاذ قرارك بنفسك!

ولاتخاذ قرار عقلاني ومتزن، عليك مقارنة ماذا سيحدث إن نفذت رغبة والدك و ماذا سيحدث إن نفذتي رغبتك! وأيهما أهون عليك ومن كافة الجوانب!
انظري وقارني سلبيات وايجابيات القرار من جميع النواحي وصلي للرب يسوع أن يساعدك :)

صلواتك

اقتباس:

---

المشاركة الأصلية كتبت بواسطة mayda

ولاتخاذ قرار عقلاني ومتزن، عليك مقارنة ماذا سيحدث إن نفذت رغبة والدك و ماذا سيحدث إن نفذتي رغبتك! وأيهما أهون عليك ومن كافة الجوانب!

---

هداالشيء الصعب كثيييييييييييييييييييييير و فكرت في كتيير بس ما فيني أتخلى عن أي طرف

اقتباس:

---

المشاركة الأصلية كتبت بواسطة yara s

هداالشيء الصعب كثيييييييييييييييييييييير و فكرت في كتيير بس ما فيني أتخلى عن أي طرف

---

أفهم وأقدر شعورك جيد جداً جداً .... الرب يكون معك....

شكرا الك أخت مايدة...
أنا بشكر اهتمامك........

صلواتك

اخت يارا
بس تقعدي مع ابوكي احكيلو عن انواع الزواج الفاشلة (زواج مسلم من مسيحية او زواج المصلحة او اي نوع تاني من الزواج اللي بيادي للفشل لان الضروف ما كانت مناسبة ) و بعدين رح يلاقي مشكلة اخوه للشب مشكلة بسيطة كتير بالنسبة لغيرها...
الحمد الله كل الظروف مناسبة بالنسبة الك و للشب و بيكفي انو ابن كنيسة و بيحبك و هاد اهم شي ..
هلق في كتير شباب عندهم مشاكل و بيمروا بمراحل طيش بس اذا بدنا نشوف انو هاد الشي مشكلة كبيرة كتير بتحكم عالعالم ما عاد حدا بيتزوج ..اذا كان الاهل اصلهم كويس و ببخافو الله فأكبد الشب رح يعقل و يصير كل شي مليح باذن يسوع المسيح انشاء الله لان الاهل متل ما بتعرفي هني الاصل ..
واذا ما اقتنع ابوكي اعطيني انا بحكيلك معو ههههههه
موفقة و صلي ليسوع دخيل اسمو و كوني واثقة انو رح يساعدك لان كل الامور تعمل للخير للذين يحبون الله..
اختك رجاء

اختنا العزيزة يارا نطلب من الرب ان يمنحك سلامه ويطيب قلب والدك برضى وتسامح كبيرين حتى يستطيع احتواء الموضوع .
ما بعرف اذ كنت اتيعتي هالأسلوب (ان تسقطي قصة الشب على عائلتك اوتطلبين من والدك ان يضع نفسه مكان الشاب والذي كما تقولين ان الجميع يشهد له بالأخلاق والسلوك الجيد هل يعقل ان تصرف من شخص واحد ضمن العائلة يغير مصير افرادها).
والأهم من هادا كلو صللي للرب انو يتدخل ويرتب الأمور لما فيه خيرك وسعادتك.وقولي لتكن مشيئتك.آمين

وصلوات الأخوة كلهم الك وانشالله بنسمع اخبار حلوة عنك عن قريب وتعزمينا على اكليلك.

باسم الآب ولإبن والروح القدس
آمين
أرجو أن أكو مستحقا أن أشارك مشكلتك
ولكن حل هذه المشكلة في يدك انتأولا
وقبل كل شيء ارجعي لإى سيدتي والادة الإه
واطلبي مساعدتها ومن ثم راجعي أفكارك وحاولي أن تتخذي القرار الصائبلأن هذا مستقبلكواستندي في كل شئ على الرب يسوع وبعدها على براهينك اتجاه والدك اطلب المساعدةستجدينها
(اطلبوا تجدوا_ اقرعوا يفتح لكم_
اسئلوا تعطوا)أليس هذا ماقاله الرب إذا لنضع كل ثقتنا به وسيكون الحل قريب فقط ثقي:smilie_::smilie_::)

شكرا كتير لمشاركتكم أخت رجاء و أخت لما و الأخ ميلاد ... أنا بحاجة لهيك كلام لحتى أقوى بمساعدة ربنا و مساعدتكم

اقتباس:

---

المشاركة الأصلية كتبت بواسطة roro

اذا ما اقتنع ابوكي اعطيني انا بحكيلك معو ههههههه

---

اذا بدك احكي من هلأ بتريحيني :lol:

الله يكون معكم جميعا
صلواتكم

يا اخوة كلكم طلبتو مني اتفاهم مع والدي بس اضافة لحكي قبل انو بابا حتى ما حكي معي بالموضوع و لا سألني رأيي...
و الصراحةأنا كتيير ميدايقة بالبيت و ما عم بقدر احكي معو متل قبل و هو ملاحظ ...

بركة الرب تكون معك دائمآ
اختي الحبية اطلبي من امك اتساعدك اذا كانت من طرفك
لانو الام بهمه سعادت بنتها وممكن امك تأنع بيك
واذا لا احكي انت معه بصراحة وحطي النقط على الحروف
وقولي له رأيك بصراحه وما تخافي نحنا كلنا عم انصليلك والرب معك

شكر كبير الك أخت نهلة ....
امي كانت معي بس وقت بابا رفض طلبت مني أنسى كل تاموضوع

[frame="2 95"]

السلام لكم جميعاً ونعمة الرب تغمركم يوماً بعد يوم. آمين .

1ً - هل الشاب قادر على تأمين بيت زوجي خاص بكما بعيداً عن أهله . أم يريد السكن مع اهلهِ ؟
وربما هذا من الأسباب التي دفعت والدكِ إلى الرفض ؟ .
2ً - هل يملك عملاً يدر له مدخولاً يكفي متطلبات الحياة ؟ .
فالأهل ينظرون إلى زواج إبنتهم بمنظار يختلف عن منظار الإبنة ويهمهم الحب بين الطرفين ولكن يبقى عندهم إمكانية وقدرة الشاب على حماية إبنتهم أمراً اساسياً .
اطرح هذه المخاوف من منظار الأب . وربما هي كذلك ؟ أو ربما هناك أسباب اخرى لا نعرفها .
على الشاب أن يثبت لوالدكِ عزيزتي يارا أنه صادق ومتفهم لمخاوفه لجهة اخيه ذو السمعة الغير مريحة . عليكما أن تكسبا ثقة والدكِ بأي طريقة ممكنة .
حتى لو اضطر الشاب لتدبر طريقة بمساعدة أحد المقربين من والدكِ إلى تدبير لقاء بدون معرفة ابوكِ مسبقاً كصدفة بدون موعد سابق ، في مكان بعيد عن البيت وفي مكان يساعد على الإلتقاء معاً وفتح الموضوع بهدوء وتودد واظهار محبة وتفهم لمخاوف والدكِ . ربما هذه الطريقة الأخيرة لفتح هذا الموضوع مع والدكِ .
صلي انت معنا للرب له المجد أختنا يارا
أن يمد يد المساعدة ويسهل الأمر إن كان هذا الزواج هو الذي فيه سعادتكِ ويؤمن لك المستقبل الذي فيه رضى الرب وبركاته .
آمين

[/frame]

اعملي متل ما قلتلك و لايهمك ...الحمد الله كل شي مليح عند الشب و ما بعرف شو دخل اخوه بالموضوع
بس صدقيني الاهل هني الاساس .. اذا كانو اهلو سمعتهن مليحة معناها الشب لازم يرجع لاصلو لان كلها مرحلة طيش و بتعدي
شغلة كتير طبيعية و ما بينخاف منها ...ما في انسان كامل .(((.من منكم بلا خطيئة فليرجمها بحجر ))) ...لازم الانسان يمر بالتجارب و لازم يخطأ لحتى يتعلم ...
بس برجع بقلك اهلو هني الاساس و لازم ابوكي يسأل عن اهلو
انتي بس صلي ليسوع و لا يهمك
يسوع بيمشي الامور لصالح الخير للذين يحبونه ...انا عم احكي هيك عن تجربة صدقيني
موفقة
اختك رجاء

شكرا الك يا أبونا على تعليقك عل موضوع و أنا كنت منتظرة ردك...
يا أبونا الشب بيشتغل و شغلو نشكر الله منيح و علاقته بمدير الشركة ممتازة ...
و بالنسبة للسكن مع الأهل هاد شيء غير وارد لأنو نحن الاثنين على قناعة تامة انة السكن مع الأهل ممكن يسبب مشاكل و على كل حال أنا و الشب بالامارات يس أهلو ببلدهم...

أذكرني بصلاتك و بالقداس ..

اقتباس:

---

المشاركة الأصلية كتبت بواسطة roro

انتي بس صلي ليسوع و لا يهمك
يسوع بيمشي الامور لصالح الخير للذين يحبونه

---

صدقيني يا أخت رجاء لو ما عندي ثقة كبيرة بانو ربنا رح بساعدنا كنت انتهيت من زمان.

شكرا الك و لاهتمامك... انا بستمد القوة من ربنا و منكم.
صلواتك

[gdwl] [/gdwl][gdwl][/gdwl][gdwl][/gdwl][gdwl][/gdwl]
[gdwl]

عزيزتي يارا

بعد كل ماقيل لم يبقى امامكِ سوى اتخاذ القرار ما قبل الأخير وهو:
أن تحزمي امركِ وتواجهي والدك بقرارك الأخير والذي ترين فيه تحقيق حلمك الكبير ، يحقق احلام والديك بالسعادة والتوفيق لإبنتهم التي يحبون .
وتطلبين من والدكِ ألموافقة على الزواج ممن تحبينه ويحبكِ . وانك تحلمين وتأملين برضى والديك وموافقتهم على هذا الحلم الذي ترجينه اليوم وتسعين لتحقيقه . وأنك تأملين أن تخرجي من البيت الوالدي برضاه ومباركته .
وبعدها افعلي ما لن تندمين عليه وفيه سعادتكِ .

[/gdwl]

شكرا الك يا أبونا لمتابعتك للموضع...
بطلب منك صلاتك دائما ... و أي شي جديد رح يصير رح أخبركم في...
و شكرا مرة تانية للجميع

مرحبا اخت يارا
الموضوع يلي ذكرتيه جميعا نمر به ولا يخلو بيت منه بشكل او اخر
لقد ذكرت طلب مساعدة امك وان والدك يرفض لقاء الشاب او احد من الكنيسة
ولكن ماذا عن اعمامك واخوالك وجديك واخوتك الشباب ان كانو بعمر يسمح لهم باتخاذ موقف
حاولي سبر مواقف الجميع من حولك واعيدي التحدث مع والدك مرات ومرات
وصدقيني مافي احلى من الفرحة بين الاهل
وانشالله بنفرحلك عن قريب

شكرا الك يا أخي و لمشاركتي المشكلة
الله يكون معك

عادة لا أحب توجيه النصائح لأني أخشى من المسؤولية.

لكن ببساطة يمكن القول أن مشكلة مثل هذه ( ومشاكل كثيرة غيرها ) أجد لها حلاً واحداً ولو أنه ليس سهلاً أبداً. إنه الصبر والصلاة. فبالصبر والصلاة تتوضح الأمور وتظهر مشيئة الرب وتدبيره لأن كل مشكلة نواجهها لها تدبير ما، فالله لا يترك شعرة من رؤوسنا تسقط بدون علمه وتدبير محبته. أما ما هو تدبير الرب فهذا أمر لا يمكنني أن أقوله فلكل حالة خصوصيتها.

صلي لأجلي

شكرا أخ ساري...
أنا بحاجة أكيدة للصلاة و الطلب من ربنا و انشاءالله ربنا بيستجيب...

هاي ..... ولو إني عادة ما بدخل بالعواطف لأني كثير بتأثر فيها بس رايدة قلك شيء يمكن يكون فاتك ..... لا تسمحي لهيك أزمة تعتبر لحظية إنها تمنعك تعيشي الحب الازلي الأبدي ... لاحظي إنو إلو -الحب- صفات من قولها لعرش الله بتعرفي ليش ما؟لأنو الحب أساساً عرش الله فلا تمنعي حالك بإشياء زمنية غنك تعيشي الحب الحقيقي وتتمتعي بنقاءه وحنيته وإياكي تسمحي لأي أزمة تمر تخليكي تبطلي تبتسمي بوجه حبك لأنو الحب طفل صغير بس عبسنا فيه بحس حالو أذانا فبينسحب بهدوء كوني أقوى من الرفض كوني اقوى من الأيام من الماديات من الزمن تعلقي بعلاقتنا الاولى والأخيرة بالله حبي ولا تاكلي هم شي وصدقيني كل واحد حب بحياته وعرف معنى الحب مجروح مشانك وفهمان أحزانك بس مانو شفقان عليكي لانو الحب كالطريق إلى الملكوت ضيق وطويل ومليء بالعثرات صلي حبي ولا تخافي ربنا وقلوبنا معكم ..... الله يبعث المحبة الله يديمها والله وحده المستفيد منها ومعه لا نهاية لها ثقي به :smilie_::smilie (7):

اقتباس:

---

المشاركة الأصلية كتبت بواسطة عليّية نعيم

لا تسمحي لهيك أزمة تعتبر لحظية إنها تمنعك تعيشي الحب الازلي الأبدي ... لاحظي إنو إلو -الحب- صفات من قولها لعرش الله بتعرفي ليش ما ؟ لأنو الحب أساساً عرش الله فلا تمنعي حالك بإشياء زمنية غنك تعيشي الحب الحقيقي وتتمتعي بنقاءه وحنيته وإياكي تسمحي لأي أزمة تمر تخليكي تبطلي تبتسمي بوجه حبك لأنو الحب طفل صغير بس عبسنا فيه بحس حالو أذانا فبينسحب بهدوء كوني أقوى من الرفض كوني اقوى من الأيام من الماديات من الزمن تعلقي بعلاقتنا الاولى والأخيرة بالله

---

الله يبارك فيك اخت علبية :smilie_: احلى كلام .....

الشيطان بيحاربنا باكثر المواضيع حساسية واهمية بحياتنا لبيعدنا عن طريق الرب ويشوش علاقتنا النقية مع الله

سلام الرب يكون معك اخت يارا صلي بسلام وثقة وطمني بالك انو الرب رح يتدخل باللحظة المناسبة ويبارك حياتك.

صلواتك

اقتباس:

---

المشاركة الأصلية كتبت بواسطة عليّية نعيم

هاي ..... ولو إني عادة ما بدخل بالعواطف لأني كثير بتأثر فيها بس رايدة قلك شيء يمكن يكون فاتك ..... لا تسمحي لهيك أزمة تعتبر لحظية إنها تمنعك تعيشي الحب الازلي الأبدي ... لاحظي إنو إلو -الحب- صفات من قولها لعرش الله بتعرفي ليش ما؟لأنو الحب أساساً عرش الله فلا تمنعي حالك بإشياء زمنية غنك تعيشي الحب الحقيقي وتتمتعي بنقاءه وحنيته وإياكي تسمحي لأي أزمة تمر تخليكي تبطلي تبتسمي بوجه حبك لأنو الحب طفل صغير بس عبسنا فيه بحس حالو أذانا فبينسحب بهدوء كوني أقوى من الرفض كوني اقوى من الأيام من الماديات من الزمن تعلقي بعلاقتنا الاولى والأخيرة بالله حبي ولا تاكلي هم شي وصدقيني كل واحد حب بحياته وعرف معنى الحب مجروح مشانك وفهمان أحزانك بس مانو شفقان عليكي لانو الحب كالطريق إلى الملكوت ضيق وطويل ومليء بالعثرات صلي حبي ولا تخافي ربنا وقلوبنا معكم ..... الله يبعث المحبة الله يديمها والله وحده المستفيد منها ومعه لا نهاية لها ثقي به :smilie_::smilie (7):

---

كلامك كتيير بريح شكرا كتييير ..
صدقيني ما حد بالدنيا بيقدر يبعدني عن حبي الوحيد و بالعكسكل يوم عن يوم عم نحب بعض أكتر و نتعلق ببعض أكتر و أكتر... و أنا متكلة على ربنا هو الوحيد يلي بيقدر يساعدنا

شكرا كتير أخت لما .. ربنا يكون معك
صلواتك

أخت يارا
البارحة كان عنوان المحاضرة على OCEnet هو "المسيحي والزواج" وبعد الانتهاء منها وبداية الاسئلة قمت بنقل مشاركتك الأولى في هذا الموضوع للأب سمعان نصري وطلبت منه الارشاد فكان رده:
نعم اننا نواجه في مجتمعاتنا مثل هذه الأمور (للأسف) ولكن نصيحته لك هي:
أن تبدي صلابة امام والدك لكي يعرف بأنك إما تتزوجي من تحبين وإما أنك لن تتزوجي مطلقاً مع استبعاده لفكرة أن تتزوجي بدون موافقة أهلك..
وقال بالعامية: اضربي رجلك بالارض وقولي لابوكي يا هذا الشاب يا مابدي زواج من اصلو.

اي ان دورك هو اقناع والدك بمن تحبين بكل ما هو متاح لكِ من وسائل (دون الخروج عن بركتهم للزواج) وأن يعرف انك لن تتزوجي غيره.

صلواتك

الله يقويك و يخليك يا أخ Alexius صدقني انك فرحتني من جوات قلبي بهل كلام...
و شكر أكبر انك تذكرتني و طرحت الموضع ... صدقني ما عارفة كيف بدي عبرلك....