الأخ الحبيب Maximos في كرسي الاعتراف

بعد قضائي أسبوعاً كاملاً جالساً على هذا الكرسي الكريم, وبعد سؤال الأخ الحبيب Maximos, فإنني أعيّنه خلفاً لي على هذا الكرسي :sm-ool-27::sm-ool-27::sm-ool-27:

واسمحوا لي أن اتمنى له طيب الإقامة وحسن الراحة

وأبدأ ببعض الأسئلة:
1. مكسيموس, لديك الآن ولد, ربنا يخليه, ما هني نظرتك للتربية المسيحية, وكيف ستربيه؟
2. ما هو رأيك في النشر الأرثوذكسي؟ هل له من أهداف يحققها؟
3. لو افترضنا وجود مشكلة عند أحد أقرباءك, هل تسعى لحلّها؟
4. ما رأيك بموضوع الحوارات المسيحية المسيحية؟ :sm-ool-19:
5. هل تجد معنى للحياة دون المسيح؟ وكيف يحيا الإنسان دونه إن قدر؟
6. ما أهدافك المستقبلية وطموحاتك؟ :sm-ool-11:


قعدة مريحة إن شاء الله :sm-ool-03::sm-ool-14::sm-ool-09:

:sm-ool-09:
مكسيمووووووووووووس :sm-ool-09: .... يا هلا :sm-ool-09:

فى نظرك ...... ما هو أجمل شىء فى الحياة ؟ :sm-ool-17:
أجمل غنوة ؟ :sm-ool-05:
أجمل بلد ؟
أجمل فيلم ؟ :smilie (4):
أجمل نوع ورد ؟ :sm-ool-05:
أجمل جملة قيلت لك ؟ :Smilie (48):
أجمل جملة انت قلتها لشخص ؟ :sm-ool-24:
أجمل هواية ؟ :sm-ool-08:
أجمل مهنة ؟ :smilie (5):
أجمل بوكية ورد .... شو يكون لونه ؟
أجمل منزل ..... شو يكون ستايله ؟

ههههههههههههههه :sm-ool-29: ....... طبعا" أنت بتقول أيه حكاية أجمل دى ...... أصل انا بحب غنوة فريد الأطرش جميل جمال ملوش مثال :smilie (135): و كنت بسمعها من شوية ..... فأوحت لى أنى أسئلك الأسئلة دى ...... ههههههه ..... حقك على فريد الأطرش :smilie (135): ..... بس أرجوك جاوب أجوبة جميلة . :smilie (74):

يا ويلي ي ي ي ي ي ي ي ي ي ...

يعني - حبيبنا جيراسيموس - ما قدرت تطوّل بالك ليطلع النهار .. ؟ .. ! ! ! ! ! ! ! ! ! !

إي ... بيعين أللـه ..

برجع بكرا للأجوبة ..

بالراحة و حبة حبة علييَّ يا عللللللللااااام .. :sm-ool-01:

اقتباس:

---

المشاركة الأصلية كتبت بواسطة Maximos

يا ويلي ي ي ي ي ي ي ي ي ي ...

يعني - حبيبنا جيراسيموس - ما قدرت تطوّل بالك ليطلع النهار .. ؟ .. ! ! ! ! ! ! ! ! ! !

إي ... بيعين أللـه ..

برجع بكرا للأجوبة ..

بالراحة و حبة حبة علييَّ يا عللللللللااااام .. :sm-ool-01:

---

لا صدقاً لم أقدر أن أطول بالي إلى اليوم صباحاً
مخافةَ ألا أستطيع تسليم الأمانة لصاحبها :sm-ool-28::sm-ool-28:

اليوم أنا مسافر وعشان كده ما قدرتش أطول بالي خيّو

أهليييييييييييييييييييييي يين والله بالأخ مكسيموس

طمني عنك وكيف هالكرسي معك

يللا وقبل ما تجاوب عللي سألوك قبل.. بتفوت بتتفاجئ بالأسئلة رشاً ودراكاً

هات لنشوف:

1- شو هيي أكتر شغلة بتكرهها بحالك؟

2- شو هيي أكتر شغلة بتحبا بحالك؟

3- بعرف انك قارئ من الدرجة الممتازة.. شو هيي الكتب يللي بتهتم بقراءتها غير الكتب الدينية؟ مع اني بتوقع انك ما مخلي كتاب من شرك.. قصدي من قراءتك..

4- شو دراستك وماذا تعمل في الحياة؟

5- لو كنت كاهن لرعية ما شو هيي الأمور اللي بتركز اهتمامك عليها أكتر من غيرها؟

وإلنا رجعة بعدين...

أخي الحبيب مكسيموس:
أتمنى لك الإقامة المريحة والسعيدة على الكرسي وخطر ببالي السؤال التالي:
إذا أتي أحدهم إليك بعرض هو التالي: إقامة في دولة خارج بلدك الحالي(سوريا)بغرض العمل، راتب مغري مع سكن لك ولعائلتك، وكل متطلبات متوفرة لك؟ هل تقبل؟ ولماذا؟ هل ترفض؟ ولماذا؟
ما هي نظرتك بالتالي للغربة؟ وللمغتربين؟
دور الكنيسة الأم في حياة المغتربين؟

صلواتك ولي عودة أخرى...

سلام المسيح خينا مكسيموس هيك منضمن تضل معنا طيلة الأسبوع وما تزوِّغ
مكسيموس انت من اكتر الناس حماسا'' للدفاع عن العقيدة وذلك واضح وجلي من خلال كتابتك
واخيرا'' في دفاعك عن أن ما جمعه ألله لا يفرقه انسان
1 ما رءيك بالأعذار المعطاة للطلاق وا لفسخ الزواج في الكنيسة؟
ونحن كمؤمنين كيف لنا ان نصدق ان ما جمعه ألله لا يفرقه انسان؟ ومن جهة ما جمعه ألله يفرقه انسان لديه صفة كنسية معينة بحجة الضعف البشري أو ما شابه؟
برأيك الصريح جدا'' والذي لا يحابي هل القوانين الكنسية الموضوعة هي لخدمة كلمة ألله وتعاليمه كما يفترض؟
أم لخدمة الاءنسان ومعاصيه؟ وذلك من خلال ايجاد تبريرات معينة؟
واخيرا'' بهالايام الميلآدية المجيدة شو بيتمنى مكسيموس للكنيسة الاورتودوكسية؟وشو هيي القوانين اللي بيتمنى تتغير فيها وذلك لخدمة مجد ألله؟
ميلاد مجيد خيي مكسيموس الك ولعيلتك

http://www.orthodoxonline.org/forum/...2009/12/74.gif

شدوا أحزمة الأمان .. رح نبلللللللللللللللللللش ...

جيراسيموس ..

اقتباس:

---

. مكسيموس, لديك الآن ولد, ربنا يخليه, ما هني نظرتك للتربية المسيحية, وكيف ستربيه؟
2. ما هو رأيك في النشر الأرثوذكسي؟ هل له من أهداف يحققها؟
3. لو افترضنا وجود مشكلة عند أحد أقرباءك, هل تسعى لحلّها؟
4. ما رأيك بموضوع الحوارات المسيحية المسيحية؟
5. هل تجد معنى للحياة دون المسيح؟ وكيف يحيا الإنسان دونه إن قدر؟
6. ما أهدافك المستقبلية وطموحاتك؟

---

1- كل إنسان بيحب يكون أحسن و أفضل من كلللللللللللل العالم .. و ما بيتمنى حدا يغلبو بكلللللللللل العالم ... ما عدا إبنو ...

مشان هيك رح إبذل كلللللللللل جهدي إنو يطلع تمام .. بيبقى التوفيق من الرب ..

أكبر صعوبة بالموضوع إنو حتى تربي إبنك .. هوّي بيربيك بالأول .. كيف يعني ؟؟؟
يعني بالأول إذا كان معلش إنك تتصرف غلط .. هللأ مو معلش ..
لأنو أهم شي بالتربية إنو تتصرف صح قدام إبنك ..

أهم شي بالنسبة إلي إنو يكون إبن كنيسة تمااااااااااااااما ً ...
أما من الناحية السلوكية و الاجتماعية .. بحب إتجنب إنو يكون رخو متل قسم كبييييييييير من ولاد هالإيام اللي عم ينزعهم الغنج و الدلال ..
بس طبعا ً الواحد لازم ينتبه إنو لما يحط قدامو هالهدف ما يوقع بالفخ المعاكس .. يعني ما يسحق الولد ..

النشر الأرثوذكسي .. إمممممممممممم ..
الجهات النشطة عم تكون محدودة .. و اغلبها عم يكون ماشي على منهج معين ليقدم كل فائدة لأبناء الكنيسة ..
بس عم نشوف منشورات بدون هدف متل ( ----- ) ههههه مشفرة .. و هيّ إنك تقرا روايات عبير مفيدة أكتر ..
و في منها غلط إنو تترجم .. و كنت ذكرت هالأمر تعليقا ً بموضوع من كم يوم على كتاب ( قول الرب نقي ) .. في كتييييييييييييييييييييييي ييييييييييييييييييييييييي يييييييير كتب مفيدة .. ليش لنختار المؤذي أو السيء أو المخطئ .. ؟؟ .... !!!!!!!!!!!!!!!!!!
بيجوز إنو هون اللي بيلعب دور هوّي قناعات المترجم .. لأنو عم شوف بين الأرثوذكس تيارات عم تخرج ببعض الأحيان عن الاتجاه الآبائي الأصيل لتتبنى أفكار ما بتتفق معو ..

بكل الأحوال .. يترجمو الكتب اللي ما في خلاف عليها متل حياة و تعاليم القديسين .. بعدين لما ننتخم من هدول يبقو يترجمو كتب لهادا الفهمان و هداك الخبير ..

3- ما بدها خمسطعشر واحد يحكو فيها .. شو بقدر ساعد بساعد ..
و هون بيكون عمق التدخل بحسب عمق المونة ..

4- ههههههههههههه متل رأيك حبيبنا .. :sm-ool-16: :sm-ool-16: :sm-ool-16: :sm-ool-25: :sm-ool-28: :sm-ool-28:

لأنو بكلللللللللللللللللللل بساطة .. الوحدة هيي إنو اللي طلعو من الكنيسة يرجعو إلها ..
و هادا ما بيتم بالمباحثات و المفاوضات .. شو نحنا رح نفهّمهم شو هوّي الصح .. ؟ .. !! !! !!
الابن الشاطر مو أبوه بعتلو مندوبين .. هوّي ((( عاد إلى نفسه ))) و بحث و وجد و قرر ..
وقت بتكون نيتهم سليمة .. بيقول المتل : اللي بيدور على ربو بيلاقيه ..

أما إذا عم يدوّروا على حدا تاني غير الرب .. فا .. كيف رح يلاقوا الرب .. ؟؟؟؟؟؟؟؟

آدم أخطأ ... -------> بيكون التصليح بآدم .. مو بالرب ..
و هون هيك كمان .. اللي أخطأ يصلح الخطأ تبعو و بيرجع للصح .. و هيك منكون كلنا سوا و أكيد مع المسيح ..

اما بالحلول الوسط و التوفيقية .. منكون مع بعض .. بس مو مع المسيح ..

لأنه أية شركة بين النور و الظلام ..


5- الحياة بدون المسيح ... إمممممممم .. بدون تماما ً .. ما جربتها ..
بس جرّبت الحياة ببعد عن المسيح .. و بتأسف على كل لحظة منها ..

توصلت منها لمبدأ :

وقت بتقوم بالخطيئة .. و ما بتموت بلحظتها .. تذكر إنو هيّ رحمة من الرب ( إنو ما قرر موتك بهاللحظة ) .. لأنو لو متت بهاللحظة .. كااااااااااااارثة ..

كل مرة منخطئ و منبقى أحياء .. هيّ رحمة من الرب .. هيّ فرصة انعطت إلنا لنرجع نوقف على رجلينا و نتابع بدرب الرب ..

ماااااااااااااااااااااااا اااااا أعظم رحمتك يا رب .. !!!!!!!!!!!!!!!!!!!!!!!!!!!!!!!!!!!!!!!!!!!!!!


6- ما رح إحكي عن الكل ( مشان كون صريح ) ..
بس أكيد أكبر طموح هوّي إنو ابني سيرافيم أعطيه أفضل ما هوّي ممكن ..


صلواتك

مررروووش ..

اقتباس:

---

1- فى نظرك ...... ما هو أجمل شىء فى الحياة ؟
2- أجمل غنوة ؟
3- أجمل بلد ؟
4- أجمل فيلم ؟
5- أجمل نوع ورد ؟
6- أجمل جملة قيلت لك ؟
7- أجمل جملة انت قلتها لشخص ؟
8- أجمل هواية ؟
9- أجمل مهنة ؟
10- أجمل بوكية ورد .... شو يكون لونه ؟
11- أجمل منزل ..... شو يكون ستايله ؟

---

معلش .. حطيت أرقام .. أسهل ..

1- السكر ... هههههههههه ... في كتييييييييييير شغلات حلوة .. ما بقدر أعطي وحدة منها أفضلية على غيرها ..
2- كمان ما في شي محدد .. بسمع مليون نوع موسيقى .. و بكل نوع في شي حلو ..
و ما فيني كمان اعطي افضلية ..
بس أروع و أفخم شي بسمعو هوّي الترتيل البيزنطي ..
أما بالنسبة للأغاني .. أحلى غنية هيي اللي بتجي بوقتها = حسب الوقت و الشعور ..
3- كماااااااااااااان ما فيني حدد .. كل بلد إلها جماليتها .. و أنا لو معي مصاري ( هيك بس شي كم مليار ) ما كنتي بتعرفي بأيا بلد بتلاقيني .. ما كنت خليت بلد يعتب عليي ..

4- كماااااااااااااااااان في كتير أفلام .. رح إذكر كم واحد و انشاللـه يطلع الـ ( نمبر ون ) بيناتهم و ما كون نسيان ..
رجلٌ على ركبتيه \ حفر جوّاتي حَفر .. حضرتو مرة وحدة من زمااااااااااااااااان و ما بعرف بطولة مين أو أيا شي تاني عنو ..
عطر امرأة \ آل باتشينو ..
محامي الشيطان \ كمان آل باتشينو ..


5- أجمل وردة عندي ( و عند سوزي ) سيرافيم ... و من بعدو القرنفل الأحمر ..

6- 7- بصراحة .. ما بعرف .. أنا بعيش اللحظة بوقتها .. و في كتير شغلات إتذكرها أبدى من هدول . .

8- أجمل هواية .. كلشي .. كتير هوايات .. بس مع وقف التنفيذ ..

9- أجمل مهنة .. دي جي - إخراج - تمثيل - لاعب رياضي - كل شي ما عدا الشغلات المتاحة إلي حاليا ً هههههههههه

10 - مع الجواب 5

11- أجمل منزل .. إمممممممم .. منزل خشب متل القرون الوسطى المتأخرة .. و يكون جوّتو جناح عالستايل الياباني .. مع شومينيه و بيانو و واجهة بللور ذات إطلالة على الطبيعة و ما تنسي مجموعة ( سمعي بصري ) سوووووووووبر .. و كتيييييييييييير تفاصيل .. متقشف مو هيك ؟؟؟ ... !!!! ههههههههههه

بس ... طبعا ً كللللللللللل هادا تانيا ً ... لأنو أهم شغلة بالبيت إنو يكون مليان محبة ..

ووووووووو ... و أللـه يسترنا من الأغاني اللي رح تسمعيها هالاسبوع .. يا سااااااااااااتررررررر .. ههههههه



صلواتك

شيم ..

شااااااااااايفة .. !!!!!!!! تقولي صرلهم سنة ناطرين هاللحظة .. يا لطيييييييييييف هههههههه

اقتباس:

---

- شو هيي أكتر شغلة بتكرهها بحالك؟
2- شو هيي أكتر شغلة بتحبا بحالك؟
3- بعرف انك قارئ من الدرجة الممتازة.. شو هيي الكتب يللي بتهتم بقراءتها غير الكتب الدينية؟ مع اني بتوقع انك ما مخلي كتاب من شرك.. قصدي من قراءتك..
4- شو دراستك وماذا تعمل في الحياة؟
5- لو كنت كاهن لرعية ما شو هيي الأمور اللي بتركز اهتمامك عليها أكتر من غيرها؟

---

1- شغلات كتير .. مع إني من النوع النشيط بس بكره بحالي الكسل و التواني .. خصوصا ً بالمجال الروحي ..

بالإضافة في شغلتين ناوي إتخلص منهم - إذا أللـه يسّر - بعد راس السنة : الدخان و الكرش .. هههه

و أكيد في شغلات بحب إني غيّرها أو إتخلص منها .. بس الشغلة بدها صبر و تعب .. مشان هيك بعتبر حالي ضعيف ..

2- إنو إجمالا ً بحب الكل .. و من اكتر الشغلات اللي بتخليني إبكي لما إقرا شي أو إحضر شي هيي المحبة ..

3- بهالفترة الماضية متراجع كتير بالقراءة .. و هللأ عم حاول آخد تدابير بهالخصوص .. و منها إنو بهاليومين رح ركّب كلوب فوق التخت مشان القراية قبل النوم ..

بعد قراية الكتب الأرثوذكسية ما عاد إلي خلق متل أول على قراءة أي كتاب تاني من خارج هالمجموعة .. مشان هيك بشكر الرب إنو خلاني إقرا من الأدب العالمي كمية منيحة قبل ما إبلش بالكتب الأرثوذكسية ..
الميثولوجيا اليونانية و خصوصا ً الإلياذة و الأوذيسة و الإنيادة و مسخ الكائنات ..
جبران خليل جبران المجموعة العربية الكاملة ... الأخوة الأعداء للمهرطق كازنتزاكيس ..
سلسلة الفروسية الفرنسية .. اسكندر دوماس و ميشيل زيفاكو ..
و قصة ( قصة رجل حقيقي ) لبوريس بوليفوي ..
اللي حبيتو من كل الكتابات العربية جبران و نوعا ً ما نزار قباني .. و شعر باللهجة المحكية للمرحوم عيسى أيوب ..
اما الباقي ما حبيتهم .. حاولت إقرا غيرهم نجيب محفوظ و غير .. بس ما قدرت كمّلها .. ما حبيتها ..

درست معهد الصناعات التطبيقية بحمص اختصاص كيميا - تكنولوجيا الصناعات الكيميائية ..
و هللأ موظف بالصحة - مركز العيادات الشاملة بتلكلخ ( ما حدا يسألني شو دخل هيّ بهيّ .. لأنو أنا نفسي ما بعرف هههههههههههه ) .. طبعا ً وظيفتي إدارية .. مسؤول قيود المركز .. يعني فيها شبه من امين مستودع ..

5- لو كنت كاهن رعية .. أخخخخخخخخخخخخخخخخخ

كتييييييييييييييييييييييي ييير شغلات ..
أول شي و أهم شي التعليم الديني .. و بطريقة تكون صح و مدروسة ..
إبراز جمال الكنيسة .. و خصوصا ً عبر الترتيل البيزنطي (((( النظاااامي )))) و الأيقونة البيزنطية ..
الصلوات المسائية على ضوّ الشمع .. و حتى بالنهار تتسكر الشبابيك و يكون كمان ضوّ الشمع .. لأني لسا ما نسيت السهرانيات بدير السيدة بلمانا أللـه يرحمنا بصلواتهم ..
الزياحات ((( كمان المدروسة )))) ... يعني من شو بيشكي إنو بعيد الأم نعمل صلا و زياح بايقونة العدرا أم الكل ؟؟؟ .. و رح قول بهالمثال كيف يعني مدروس : يعني في سيارة عليها إذاعة موصول عليها مكرفونات لاسلكية للكاهن و للجوقة .. و أيقونة كبيرة للعدرا .. و بخور .. و إذا بالليل شموع بإيد الناس ..

يعني باختصار : قوات السماء تغزو الأرض ..

لأنو الناس صارو كتير بعاد عن الكنيسة .. و بهيك إشيا ( منشحطهم ) من البيت و الدش عالكنيسة ..
الخوري مو لازم ينسى إنو هوّي أب لكلللللللللل هدول .. و ما بعتقد كلمة اب بدها شرح ..

في كمان كتير شغلات .. كتير ..

كمان .. صعبة الأمور كتيييييييييييييير بدون أديرة أرثوذكسية ..

الرهبان الأرثوذكسيين الحقيقيين .. هنّي من أقوى الأسلحة على الأرض ..

يرحمنا الرب بصلواتهم ..



صلواتك

كالعادة لازم شارك يا باشا بشوية أسئلة

1- شو بيمثل المنتدى بالنسبة لألك (شو استفدت منو أكتر شي)
2- رح أسأل سؤال سألتو لجراسيموس بطريقة أخرى
هل تتأثر بآراء بعض الناس لأنهم (فلان) دون اقتناع؟


صلواتك يا حبيب

رافي ..

اقتباس:

---

إذا أتي أحدهم إليك بعرض هو التالي: إقامة في دولة خارج بلدك الحالي(سوريا)بغرض العمل، راتب مغري مع سكن لك ولعائلتك، وكل متطلبات متوفرة لك؟ هل تقبل؟ ولماذا؟ هل ترفض؟ ولماذا؟
ما هي نظرتك بالتالي للغربة؟ وللمغتربين؟
دور الكنيسة الأم في حياة المغتربين؟

---

بشكل عام أنا مو مع الغربة .. بس هادا أمر شخصي .. يعني أنا عن نفسي مو مفكر ( مبدئيا ً ) بالغربة بهدف الربح ..
بيجوز بيساعدني إنو ماديا ً ماشي حالي .. بس في غير شباب غير بالغربة ما بيقدروا يأسسوا لوضع مادي مريح أو مقبول ..
من شي أكتر من عشر سنين .. قدم أخي طلب هجرة على كندا .. و هللأ هوّي هونيك ..
و أنا رحت بوقتها و جبت طلب مشان عبّيه و قدّمو .. و كان عندي إحساس إنو إذا قدمتو رح إنقبل .. مع هيك شقيت الطلب بعد ما جبتو ..
كان السبب الرئيسي إنو أهلي ( أبي و إمي ) كبار بالعمر .. و تخيلت إنو يصرلهم شي أنا و بالغربة .. بهيك حالة شو بعمل بحالي .. ؟؟ .. هدول اللي فنو عمرهم و هنّي عم يعتنو فينا .. و حبّونا كل هالمحبة .. يجي وقت يحتاجوني و ما كون هون .. ما زبطت معي ..
و اللي زاد الطين بللة .. إنو وقتا سمعت لوديع الصافي : ليش يابني ليش طوّلت الغياب ..
إي هيي الغنيّة من غير شي بتبكي .. كيف وقت الواحد عم يفكر هيك ..

برأي الواحد مو غلط إنو يسافر و يشتغل مشان يحسّن وضعو .. بس من ناحية لازم يكون كمان عندو قناعة .. و ما ينجر بالطمع .. يعني بس إنو يشتغل فترة ليأمن راسمال يعمل فيه بيت و مصلحة يشتغل فيها ..
لأنو في كتير ناس لما راحوا .. و عجبتهم عيشة الفلت هونيك ما عاد حبّوا يرجعوا ..

أما نحنا بالمسيحية .. المسطرة و المقياس عنّا هيي المحبة .. مشان هيك لما بيكون هالسفر و هالغربة مشان مساعدة الأهل أو مشان تأمين وضع مناسب للعيلة المستقبلية ( يعني بدافع المحبة ) .. بيكون هالسفر شيء جيد ..
أما إذا كان الهدف إنو الواحد يجمع مصاري مشان ينفش و يشوف حالو على غيرو .. بيكون الدافع هوّي الأنانية و هادا بيتعارض مع المحبة .. و بالتالي بيكون غلط ..

أما عن دور الكنيسة ..
كمية المسافرين و المهاجرين كبيرة .. و هدول بالنهاية من أبناء الكنيسة .. و بالتالي واجب إنو يتم الاهتمام فيهم .. بس اللي عم يصير إنو أغلب هالأشخاص ما عم يكون من اهتماماتهم الكنيسة و الحياة الروحية .. مشان هيك اللي منهم عندو هالاهتمام بالحياة الروحية عم يعاني بالغربة من هالأمر .. لأنو عم تكون العناية أقل بسبب هالإهمال من قبل الأغلبية .. لأنو بالنهاية الكنيسة مو بس هيي الخوري .. هيي نحنا ..

بتمنى يكون الجواب وافي ..


صلواتك

جورجيت

اقتباس:

---

1 ما رءيك بالأعذار المعطاة للطلاق وا لفسخ الزواج في الكنيسة؟
ونحن كمؤمنين كيف لنا ان نصدق ان ما جمعه ألله لا يفرقه انسان؟ ومن جهة ما جمعه ألله يفرقه انسان لديه صفة كنسية معينة بحجة الضعف البشري أو ما شابه؟
برأيك الصريح جدا'' والذي لا يحابي هل القوانين الكنسية الموضوعة هي لخدمة كلمة ألله وتعاليمه كما يفترض؟
أم لخدمة الاءنسان ومعاصيه؟ وذلك من خلال ايجاد تبريرات معينة؟
واخيرا'' بهالايام الميلآدية المجيدة شو بيتمنى مكسيموس للكنيسة الاورتودوكسية؟وشو هيي القوانين اللي بيتمنى تتغير فيها وذلك لخدمة مجد ألله؟

---

رايي إنو سر الزواج بيتم مرة وحدة و بس .. إلا في حال وفاة أحد الزوجين بيكون الرب هوّي اللي فرق بيناتهم و وقتا ممكن لياللي بقي عايش يرتبط ..
و على حد علمي إنو ما بتكون خدمة الزواج التاني متل الزواج الأول ..
و بكل الأحوال ممنوع الزواج الرابع على حد علمي .. حتى عند وفاة الزوجات التلاتة ..
هادا اللي بشوفو من خلال قراءة سير القديسين من خلال روح معيشتهم .. و طبعا ً الرب بيطالبنا إنو نكون قديسين ..
اما هالإيام ما عم يتم هالأمر .. و السبب برأيي إنو صار الإنسان محور الحياة و التشريع .. مو الرب ..

متل ما ذكرت هادا ( رأيي ) .. و هوّي غير ملزم ..
أما تعليم ثابت بهالموضوع ما مرق معي ..

بالميلاد بتمنى إنو يكون في توعية أكتر عن المعنى الحقيقي للعيد و تقليص لحجم ظهور بابانويل ..
و إنو يكون في قرار ( يُعلن على الملأ ) إنو التماثيل مو مقبولة و هيي مخالفة لتعليم كنيستنا ..



صلواتك

بندلايمون ..

اقتباس:

---

1- شو بيمثل المنتدى بالنسبة لألك (شو استفدت منو أكتر شي)
2- رح أسأل سؤال سألتو لجراسيموس بطريقة أخرى
هل تتأثر بآراء بعض الناس لأنهم (فلان) دون اقتناع؟

---

1- المنتدى وسيلة بشارية جيدة .. و إن كان مو الكل عم يفوتو عالنت .. و اللي عم يفوتو مو كللهم عم يفوتو عليه .. بس بالنسبة لـِ ( ملتمسي وجه الرب ) عم يكون جيد جدا ً ..
و خصوصا ً بظل الغياب الإعلامي ( الفاحش ) لكنيستنا ..
أما عن شو استفدت .. في كتير شغلات كانت أول مرة بعرفها هون بالمنتدى ..
و تعلمت منو أكتر إنو طوّر أسلوبي بالمناقشة ( و لسا بدو تطوير ) ..
و عشت هالجو الحلو بمحبة الأخوة ..
ما بعرف عبّر أكتر ..

2- إذا القضية مو مقتنع فيها بالمرة .. مو ممكن .. ما بقبلها جوّاتي ..
أما إذا في شبه قناعة = ما في رفض .. ممكن آخدها و إقبلها ( نوعا ً ما = مو متل لما كون مقتنع ) إذا كانت من مصدر موثوق متل أبي الروحي .. أو الأشخاص اللي عندي ثقة عاااااااااااالية بتعليمهم ..
بس أكيد حتى بهالحالة ما رح بتكون متل لما كون انا مقتنع ..


صلواتك

عدنا والعود أحمد..

طمني كيف هالكرسي معك

سؤالي التالي...


بما انك موظف طلعلك مازوت ولا لاء بما انو طلع الصيت عالموظفين انو هنين بس يللي بيطلعلون
ههههههههههههههههههههههههه ههه

عم بمزح لا تروح تجاوب على هالسؤال هلأ منعملو مشكلة لأخونا ألكسيوس

نستأنف..

اقتباس:

---

أخخخخخخخخخخخخخخخخخ
كتييييييييييييييييييييييي ييير شغلات ..

---

1- من يقرأ هذه العبارة يعتقد بأنك كنت ترغب أن تكون كاهناً ولم تنجح فهل هذا صحيح؟ وإن كان صحيحاً فلماذا لم تفعل؟
2- كيف تتصرف تجاه موقف محزن؟
3- ما أكثر شيء يجرحك؟
4- ما الذي يثير غضبك؟
5- ألا ترى بأن طريقة دفاعك عن قناعاتك قاسية قليلاً إلى حد الإزعاج؟ (فينك ما تجاوب اذا ما بدك)

وهي مرقمتلك الأسئلة كمان مشان تسهيل الأمور

الأخ الحبيب بالرب مكسيموس : :sm-ool-30:
-ربنا يخليلك سوزي و سيرافيم
سؤالي قديش بتشوف الفرق بحياتك قبل وجود سيرافيم و بعد ولادته
و شو انطباعك لما بيضحك الضحكة من كل قلبه و شو بتعمل لما بتشوفه عم يبكي و الدموع نازلة على خدوده . و أحلى موقف تعرضتله معه و خلاك تضحك من كل قلبك .
- قديش بتشوف دور سوزي كبير بحياتك و شو قدرت برأيك تغير شي فيك للأحسن و لو حبيت توصف سوزي بأرق وصف شو بتخبرنا عنها .
- و بعد خبرتك بالزواج و الاولاد شو بتنصح الشباب العزابي .
-بتمنالك أسبوع سعيد و أحلى الاوقات
و كل عام و أنت و سوزي و سيرافيم بألف ألف خير .

رح تكون اول مشاركة الي بالفرع 555 المسمى "كرسي الاعتراف" معك.
- لمّا السيد سيرافيم الله يخليلك ياه بيصير بعمرك حاليا ، شو بتتصور-على ضوء الظروف الحالية-رح يكون الوضع بالكرسي الأنطاكي من ناحية الرهبنة ، التعليم ، النشر و الاعلام الأرثوذكسي الالكتروني؟؟؟.
تمنياتي لك باقامة مريحة وهانئة على دولاب الاعتراف.

شيم ..
نشكر أللـه .. ماشي الحال ..
مازوت لسا ما طلعلنا .. بهاليومين ع أساس .. جايينا الدفا .. هههه ..
يسلموووو عالترقيم ..

اقتباس:

---

1- من يقرأ هذه العبارة يعتقد بأنك كنت ترغب أن تكون كاهناً ولم تنجح فهل هذا صحيح؟ وإن كان صحيحاً فلماذا لم تفعل؟
2- كيف تتصرف تجاه موقف محزن؟
3- ما أكثر شيء يجرحك؟
4- ما الذي يثير غضبك؟
5- ألا ترى بأن طريقة دفاعك عن قناعاتك قاسية قليلاً إلى حد الإزعاج؟ (فينك ما تجاوب اذا ما بدك)

---

1- اللي كنت حابب كونو و فشلت هوّي راهب .. و حتى كان يخطرلي رهبنة بدون كهنوت .. يعني بس تفرّغ للرب ..
أما موضوع (الأخخخخخخخخخخخخ ) هادا إلو قصة تانية .. على سبيل المثال .. لما بحضر بعض الكليبات بيجلطني المخرج لما بيكون لازم يعمل إشيا و ما بيعملها .. أو بيعمل بدلها إشيا غلط ..
و نفس الشي بموضوع الكهنوت .. في كتير أفكار ممكن تنعمل .. و ما عم تنعمل .. أو عم يكون بدلها تصرفات أقل جودة .. أو هيك يعني ..
و خصوصا ً بالوضع الحالي لشعبنا .. إذا ما الخوري شحطو و دفشو عالكنيسة دفش ..ما عم يمشي الحال ..
أما موضوع الكهنوت .. صاحب القرار فيه هوي أبي الروحي .. لما بيلاقي إنو لازم إخدم بهالمجال هوّي بيقرر .. لأنو مين أنا لحتى قرر إنو ممكن إتحمل هيك مسؤولية .. !!
إذا انتبهتي .. بالرسامة المطران بيعطي جسد المسيح للكاهن و بيقللو : خذ هذه الأمانة و كن حريصا ً عليها من الآن و حتى يوم الدينونة .. .. .. .. مسؤولية مرعبة .. !!

2- على حسب ما فهمت السؤال .. تصرفي بيكون الصبر و التحمل .. عموما ً ماني من النوع اللي بينهار أو بيستسلم لليأس .. بيجوز لأنو بحس بحضور الرب معي بكتير مواقف .. و هادا بيخليني متطمن .. و من ناحية تانية أنا من النوع الواقعي .. يعني على سبيل المثال .. انكسر الصحن .. ما بنزعج نهاااااائيا ً و إنو ليش انكسر و يا لطيف و ما كان لازم و الخ الخ ..
خلص .. انكسر و راح .. بيصير تفكيري إنو كيف لازم أعمل و شيل الكسارة ..

3- أكثر شيء يجرحني .. !! .. بعد عملية البحث بالغوووغل الداخلي لقيت أكتر شي بيجرحني :
شعبي عصاني معصيتين ، تركوني أنا نبع الماء الحي ، و احتفروا لأنفسهم آباراً مشققة لا تضبط المياه ( إرميا 2 : 13 ) ..
مشان هيك بتأثر كتير لما بقرا أو بتذكر للقديس سلوان الآثوسي :
أركع و أسجد امامكم أيها الأخوة الأحباء ، و أقول لكم : آمنوا بالرب .. .. .. .. الخ

4- أكتر شي بيثير غضبي هوّي الغباء ..


4- رح جاوب .. ( و شكرا ً على التخيير بالإجابة ) ..
الشغلات اللي بدافع عنها بقوة ( أو فيكي تقولي بعنف ) هيي الشغلات اللي بكون متأكد منها .. إذا مو متأكد تمام بفوت بموقف أقل ضراوة ..

في البعض عم ينزعج من هالضراوة ( أو العنف ) .. بركع قدامهم بمطانية كبيرة و بطلب منهم السماح .. و بحب قللهم إنو السبب ورا هالموضوع هوّي المحبة .. ما حدا يستغرب .. !!
محبتي للكل بتخليني إنو بحب وصّل الصح للكل ..
بتخلليني إطلب إنو الكل يكونو صح أكتر .. و يكونو أفضل ما يمكن ..
لدرجة إنو مستعد كرمال هالأمر إنو ضحي و إتحمل شي .. أو إنو إطلع قدامهم كا ( مشكلجي ) أو شو ما بدك كرمال يتحقق هالأمر ..
و في كتير أخوة تحملوا مني كتير كلمات لأنو ( يمكن ) حسّوا بهالمحبة اللي من وراها ..
لأنو على أرض الواقع الواحد ممكن يرضى إذا انجرح بالغلط إذا حسّ إنو هالشخص اللي جرحوا بيحبو و ما بيريد أذاه .. بالوقت اللي إذا انقرص ( أو حتى بدون تصرف مادي ) عن كره أو إنو بس حسّ بكره شخص إلو .. .. .. يعني بالمختصر الشي الأهم من اللي صار .. هوّي الدافع ..
ما بعرف إذا الكل هيك بيفكروا .. أنا هيك بفكر ..
ممكن حدا يأذيني بدون قصد .. أو يكون قصدوا خير بس ما زبطت معو .. إذا كنت عرفان إنو نيتو المحبة بتحمل اللي صار و ما بنزعج ..
أما إذا حدا ( خلينا نقول قدّملي باقة زهر ) و بعرف إنو عندو كره إلي .. هادا بيزعجني أكتر ..


ما بعرف إذا قدرت عبّر عن حالي .. أو متل كتير أوقات خانتني الكلمات ..


صلواتك

بربارة ..

شكرا ً لمحبتك أختي العزيزة بربارة .. بطلب منك معها الصلوات لضعفي ..

اقتباس:

---

1- سؤالي قديش بتشوف الفرق بحياتك قبل وجود سيرافيم و بعد ولادته
و شو انطباعك لما بيضحك الضحكة من كل قلبه و شو بتعمل لما بتشوفه عم يبكي و الدموع نازلة على خدوده . و أحلى موقف تعرضتله معه و خلاك تضحك من كل قلبك .
2- قديش بتشوف دور سوزي كبير بحياتك و شو قدرت برأيك تغير شي فيك للأحسن و لو حبيت توصف سوزي بأرق وصف شو بتخبرنا عنها .
3- و بعد خبرتك بالزواج و الاولاد شو بتنصح الشباب العزابي .

---

1- الفرق كبييييييير .. صار ما فينا ننام من صوت البكي .... هههههههههههه عم إمزح ..
بالحقيقة (الزلمي ) مانو من النوع المزعج .. بيفيق مرة وحدة شي الساعة خمسة الصبح بيرضع و بيرجع يكفي نوموا .. مو متل كتير اولاد ..
الفرق فعلا ً كبيييييييييير .. بالأول كانت حياتي حياتي .. هللأ صارت حياتي حياتو ..
يعني صرت عم حسّ إنو عن طريق تربيتو كأني عم إبني حياتي اللي رح يعيشها هوّي ..
مشان هيك كانت أجمل عبارة تهنئة بالمولود كتبها حبيب قلبي إيليا الغيور بمنتدى القديس سيرافيم (بما معناه) الرب قال لداوود إنو : مو إنتا اللي رح يبنيلي بيت ( الهيكل ) ، بل إبنك .. .

على سيرة الحبايب .. إيليا الغيور و ألكسيوس تنيناتهم غايبين هالفترة .. انشاللـه يكون المانع خير ...
هللأ أنا بالفترة الماضية كان غيابي عن الكتابة .. بس متابع على طول ...
أما غياب هالجوز الحبايب عم يكون غياب تام .. انشاللـه خير ..

منكفي ... ضحكة سيرافيم فرحة من جووووووووووااااااات القلب ..
و لما بيبكي بحس الدنيا ضييييييييييقة .. بحاول كل شي فيني إنو يكون مبسوط .. و بعصّب ..
و أحلى شي هللأ عم يحاول يحكي ... تعلم الـ ( اغغغغغغي ) و الـ ( بففففففففففففف ) .. و ناطرين البقية ..

2- ضروري هالسؤاااال ؟؟ .. !! المخلوقة متابعة الموضوع ..
بس مع هالشي رح كون صريح .. و ما بيشيل هالراس غير اللي حطو .. ههههههههههههههههههه مزحة ..
بالحقيقة .. في كلمة قلتها لسوزي أكتر من مرة : لو إنو أللـه قللي تعا لفصّللك وحدة ع زوقك .. ما رح يطلع معي هيك ..

باختصار إنسانة راااااااااائعة جدا ً .. و وين ما كانت عم تكون الجانب الحلو بالموضوع .. مشان هيك بالأخوية = بالفرقة ( باللادقية ) كانو مسمايينها : ملاك الفرقة ..
في بأحد المواضيع اللي انكتبت هون بالمنتدى لتهنئتنا ( بالخطبة أو بالزواج ما بذكر ) بتلاقي صورنا .. و من صورتها رح تعرفي شو افشيا اللي ما اسعفتني الكتابة بالتعبير عنها ..

و من أهم الإشيا إنو بنت كنيسة عالأصلي .. يعني هيي بتشحطني عالصلا .. مو أنا بشحطها ..

بستغل هالفرصة لأهديها الأغنية اللي على طول بهديها ياها .. أغنية عازار حبيب : يا أحلى السيدات ..
و كمان أغنية فيروز : عروستنا الحلوة ..

3- أول شغلة إنو نحنا بالمسيحية ما في شي إسمو عزابي على طووووووول .. من أهم الإشيا إنو الواحد يعيش جو المحبة .. و المحبة المضحية .. إما مع زوجة ( و اولاد ) .. يا إما بأخوية رهبانية ..
مشان هيك يا إما يتزوجو .. يا إما الرهبنة بشي دير ..
أكيد الرهبنة هيي الأفضل ( لياللي بيقدر عليها ) و الحياة الملائكية أسمى بكتير .. متل ما بيقول القديس بولس ..
و الزواج أمر رائع .. و كمان ميدان لخدمة الرب و عيش المحبة ..
و بنصح الشباب العزابي إنو ما يتأخروا كتير بالجازة .. يعني برأيي أنسب عمر للشب بين 25 – 30 ..
و ما كتير يهكلوا هموم المادة و يتكلوا عالرب ..
و الصبايا كمان ما يتخنوها .. لأنو التأخير بالزواج عم يكون بالقسم الأعععععععظم منو بسبب الصبايا ..
هيّ ما بتسكن مع حماية .. و هيّ بدها كذا و كذا .. و هيّ ما بعرف شو ..
يعني بدها كللللللللللشي عالجاهز .. طيب .. وين الحياة المشتركة .. و إنو يبنوا إيد بإيد .. ؟؟ !!!!!!
يعني إذا ما كان كلشي مأمن شو فيها يعني ... مو مستعدة تتحمل أي شي مع شريكها .. ؟؟ .. !!!
شو هوّي رح ينام بقصر و ينيّمها عالسطح .. ؟؟ !!!
هادا الموضوع الحق عالصبايا بالدرجة الأولى و الرئيسية ..

كمان هون بتذكر قول رائع : الغني مو هوّي اللي عندو كتير ... الغني هوّي اللي بيحتاج قليل ..
مشان هيك بنصح الشباب و الصبايا إنو ما يدققوا كتير على الكماليات ..
و إلا بيختيروا و ما بيتجوّزوا ..

لأنو عنا – بكلللللللللللل أسف – المجتمع من غباؤوا الشديييييييييييد : لازم كذا .. و لازم يكون كذا ... و لازم يجيبوا كذا ...
علما ً إنو هنّي بغنى عن هالإشيا ...
شو يعني عرس بدون تصوير و زهور و طنة و رنة .. ما بيكون فيه بركة ... بيطلعوا الأولاد قرعان ؟؟ ..!!!!!!
أو إنو إذا سكنوا ببيت ( إن كان ملك أو أجار ) و ما كان فيه غرفة نوم ديلوكس .. و ناموا على فرشات أو اسفنجات بالأرض .. ما بتزبط الخميرة .. ؟؟ و بيطلعوا الولاد .. مجعلكين .. ؟؟؟ ... !!!!!!!

يعني حلللللللها العالم تفهم شويّ و تعتق غيرها من كلامها و تعليقاتها .. و ما ينسوا إنو جاييهم الدور و وقتا ما حدا رح يرحمهم .. .. و بيقولوا المجتمع العربي ليش متخلف .. ! ! ! ! ! ! ! ! ! ! ! ! ! ! ! ! ! !

حاجة هللأ ... شي بيورّم القلب ..

أللـــــــــــــــــــه يرحمنا ..



صلواتك

بشارة ..

اقتباس:

---

- لمّا السيد سيرافيم الله يخليلك ياه بيصير بعمرك حاليا ، شو بتتصور-على ضوء الظروف الحالية-رح يكون الوضع بالكرسي الأنطاكي من ناحية الرهبنة ، التعليم ، النشر و الاعلام الأرثوذكسي الالكتروني؟؟؟.

---

بالحقيقة ما بقدر إتخيل أو إتوقع شي ...

نحنا علينا نحاول نربيه و نجهّزو بأمثل شكل ... و الباقي على أللـه ..

أنا مو كتير شاطر بالأسئلة الافتراضية ..



صلواتك

:sm-ool-09::sm-ool-09::sm-ool-09:
يا اهلين باخي العزيز مكسيموس

كيف كرسي الاعتراف ؟:sm-ool-17:



في كمن سؤال بسيطين ومو صعبين
نبدا
بنظرك ليه دايما الاهل يقفون بوجه ابنائهم:sm-ool-23: عندما يخبرونهم برغبتهم في الرهبنه ؟
وكيف بنظرك يمكن اقناع الاهل وتوضيح اعتقادهم تجاه الرهبنه ؟:sm-ool-27:
وهل تعتقد الان ان الرهبنه في انطاكيه باحسن حال عما كان سابقاً وانها ستكون باحسن حال في المستقبل ؟
هل تتطمح بشئ في المستقبل ؟:sm-ool-17:

أخى مكسيموس، :sm-ool-05:
بما أنه نهاية عام 2009 قربت ...فما تقييمك ل:

1- مكسيموس خلال 2009 ؟ هل حقق أهدافه التى وضعها فى بداية العام؟ ما الجديد الذى تعلمه هذا العام؟ الأشخاص الذين أثروا فى حياتك هذا العام؟ أكثر موقف ستتذكره ؟....إلخ

2- المنتدى خلال عام 2009؟ هل طرأ أى تغيير على المنتدى؟ للأفضل أم مرت على المنتدى أوقات أفضل من ذلك؟

الرب يبارك عامك الجديد :sm-ool-22:

سهام ..

مييييييييية هلا .. نشكر أللـه ماشي الحال ..

اقتباس:

---

1- بنظرك ليه دايما الاهل يقفون بوجه ابنائهم عندما يخبرونهم برغبتهم في الرهبنه ؟
2- وكيف بنظرك يمكن اقناع الاهل وتوضيح اعتقادهم تجاه الرهبنه ؟
3- وهل تعتقد الان ان الرهبنه في انطاكيه باحسن حال عما كان سابقاً وانها ستكون باحسن حال في المستقبل ؟
4- هل تتطمح بشئ في المستقبل ؟

---

1- بعتقد جزء كبير من السبب احتفالي ..
لأنو لما الواحد بيتجوز و بيجيب ولاد بيحتفلو كتييييييير .. بكل خطوة ..
احتفال بالجازة .. و احتفال بالولاد .. و بكذا .. و بكذا ...
يعني باختصار ... بيمللي حياة العيلة ..

في كمان سبب إنو الراهب مو على طول بيقدرو يشوفوه .. مشان هيك بيحسوا كأنوا فقدوه ..
مع إنو الشيخ باييسيوس بيقول برسائلو بما معناه : و كأنو الأهل بيبقو يشوفو ولادهم على طول لو تجوّزوا .. !!!!

و كمان في شغلة ( بالإضافة لكتير أسباب تانية ) إنو مجتمعنا و بسبب الفقر بالمعرفة الروحية ما بيعرف أيّا بركة للكل إنو يكون منهم واحد راهب ..

أللـه يرحمنا ..

2- إقناع الأهل – برأيي – حسب طريقة تفكير الأهل ..
بس بشكل عام بيرتكز على غنو في كتير أولاد بيتجوّزوا بعاد عن أهلهم .. و بالتالي مو كتير بيشوفوهم .. و إنو يشرحولهم ( شوي شوي ) بركة الرهبنة و بقية الأمور الروحية ..

برأيي .. إنو الواحد وقت بدو يكون راهب ( و هالحكي بوضع الشباب أكتر ما هوّي بوضع البنات ) ما بتوقع رح يهتم إذا الأهل اقتنعوا مزبوط ..

3- حسب الإشيا اللي قريتا ( لأنو الشغلة بدها مقارنة على فترة طويلة ) إنو في تحسّن ..
و طبعا ً في طموح للأفضل ..
بس بخاف على الرهبان إنو عم يصير مع قسم منهم متل ما عم يصير مع بقية الناس من التأثر بالأفكار الغربية و الأفكار الغريبة .. انشاللـه المذكورين بيطلعوا منها و بيرجعوا للفكر الأرثوذكسي الآبائي النقي .. لأنو نحنا املنا بالرهبنة لتنتشل الوضع العام هون من هالشكل المتدهور و تحسينو لوضع أفضل ..

4- المستقبل بيد الرب .. و انا متل ما ذكرت مو شاطر بالأسئلة الافتراضية .. و كمان التوقعية ..

على أللـه ..



صلواتك

جويس

اقتباس:

---

1- مكسيموس خلال 2009 : هل حقق أهدافه التى وضعها فى بداية العام؟
2- ما الجديد الذى تعلمه هذا العام؟
3- الأشخاص الذين أثروا فى حياتك هذا العام؟
4- أكثر موقف ستتذكره ؟....إلخ
5- المنتدى خلال عام 2009 هل طرأ أى تغيير على المنتدى للأفضل ؟
6- أم مرت على المنتدى أوقات أفضل من ذلك؟

---

بشكل عام اسئلتك أغلبها تقييم و دراسة شخصية بيقوم فيها الواحد مع حالو ..
و انا مو متعود أعمل هيك .. انا غاااااااااااالبا ً ابن هاللحظة ..
الماضي راح .. و المستقبل ما منعرفو .. و بإيد الرب ( مشان هيك ما بهكل همو )
و اللحظة اللي عم عيشها هيي أغلب اهتمامي .. إنو حاول إتحسن و إتعلم قد ما فيني .. و عيش المسيح و تقديمو للآخر بأفضل ما فيني .. يعني بدك تقولي : عفوي عالآآآآآآآآآآآآآآآآآآآآآآ آآآآآخر ..

1- ميييييييييييين قللك إنو بأول العام حطيت اهداف .. ؟؟ .. !!!! ههههههههههه
أنا كل فترة ممكن يخطر على بالي أمر مشان حققو .. بس ما بحط خطة زمنية أو غيرو .. بتركها على أللـه ..

2- ما بعرف ..

3- ما بعرف مين في جديد و مؤثر غير سيرافيم .. !!

4- ما في موقف محدد .. في كتير مواقف .. حسب حركة الفكر ..

5- المنتدى بشكل عام في تطوير مستمر .. على كل المستويات ..
و أكبر تطوير عم يتم هوّي التطوير التقني .. و اغلب الشغل بهالمجال ( ما بعرف إذا كللو ) بيقوم فيه المقاتل الشرس .. و "المتوحش باللـه" ( على قولة واحد من رفقاتي ) : ألكسيوس ..

6- .. كمان ما بعرف .. هيّ أكتر شي بيقدّرها اللي كانوا مع المنتدى من لما بلش .. و خصوصا ً حبيب الكل الكسيوس ..



صلواتك

اقتباس:

---

المشاركة الأصلية كتبت بواسطة Maximos

شو يعني عرس بدون تصوير و زهور و طنة و رنة .. ما بيكون فيه بركة ... بيطلعوا الأولاد قرعان ؟؟ ..!!!!!!
أو إنو إذا سكنوا ببيت ( إن كان ملك أو أجار ) و ما كان فيه غرفة نوم ديلوكس .. و ناموا على فرشات أو اسفنجات بالأرض .. ما بتزبط الخميرة .. ؟؟ و بيطلعوا الولاد .. مجعلكين .. ؟؟؟ ... !!!!!!!

---

:sm-ool-04: :sm-ool-29: كلام ذهب أخ مكسيموس

عم سجل حضور بس ما خطر ببالي أسئلة :sm-ool-30:

شكرا ً لمرورك الجميل و المهضوم حبيبنا ساري .. :sm-ool-05:

عم تطوّل الغيبات و عم نشتقلك .. :sm-ool-19:

وييييييييينك حبيبنا ؟؟؟

بالحقيقة ... بعتذر إنو تأخرت بتسليم الكرسي ..

لشو الاستعجال ؟؟؟ كرسي مريح :sm-ool-07: ....... :sm-ool-04:


أما هللأ إجا دور حدا تاني ( يرتاح ) على هالكرسي ..


مييييييييييييين ؟؟؟؟؟؟؟؟؟؟؟

:sm-ool-17:



:sm-ool-17:



:sm-ool-17:




:sm-ool-02:


:sm-ool-02:


:sm-ool-06:

:sm-ool-06:


:sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10:
بــــــــــنــــــــــد لا يـــــــــــــــمــــــــ ــــــــــــو ن

حبيبنا الغالي معكم .. هجووووووووووووووووووووووو وووووم

:sm-ool-02: