حبيبنا بندلايمون على كرسي الاعتراف ..

بالحقيقة ... بعتذر إنو تأخرت بتسليم الكرسي ..

لشو الاستعجال ؟؟؟ كرسي مريح :sm-ool-07: ....... :sm-ool-04:


أما هللأ إجا دور حدا تاني ( يرتاح ) على هالكرسي ..


مييييييييييييين ؟؟؟؟؟؟؟؟؟؟؟

:sm-ool-17:



:sm-ool-17:



:sm-ool-17:




:sm-ool-02:


:sm-ool-02:


:sm-ool-06:

:sm-ool-06:


:sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10::sm-ool-10:
بــــــــــنــــــــــد لا يـــــــــــــــمــــــــ ــــــــــــو ن

حبيبنا الغالي معكم .. هجووووووووووووووووووووووو وووووم

:sm-ool-02:

لازم كون أول واحد مرحب بأخي وصديقي بندلايمون، بس عشان قول هلا والله أي والله حياالله، بالحبيب:
بندلايمون
ولي رجعة عالهدااا أكيد، بس حبيت سلم عالماشي

اهلا وسهلا أخي بندلايمون
رح اسألك 3 اسئلة انشالله يكونوا خفاف

1- ممكن تحكيلنا شوي عنك ( دراستك ، هواياتك ، عمرك ........ الخ )
2 - هل انت راض عن نفسك او لا ؟ ولماذا؟
3 - شوهوحلمك أوهدفك بالحياة واللي بتطمح أنك تحققوا بأقرب وقت ؟

صلواتك

اقتباس:

---

ولي رجعة عالهدااا أكيد، بس حبيت سلم عالماشي

---

وأنا بانتظارك أخي رافي.

اقتباس:

---

1- ممكن تحكيلنا شوي عنك ( دراستك ، هواياتك ، عمرك ........ الخ )

---

أنا شاب عمري 23 سنة طالب لاهوت بجامعة أثينا باليونان، هوايتي الموسيقى (بعزف كذا آلة موسيقية) وعندي حب مو طبيعي للسباحة.

اقتباس:

---

2 - هل انت راض عن نفسك او لا ؟ ولماذا؟

---

أكيد مو راضي عن نفسي لأنو بتخيل أنو بس يرضى الإنسان عن نفسو بيوقف بمكانو وماعاد بيتقدم هيدا إذا ما بلش يتراجع.
بس يكون عندي شي لازم أعملو دايما بتركو لآخر وقت وبصير بركض ويا بلحق يا ما بلحق وهيدا الشي مو عاجبني بحالي مع أنو بأغلب الحالات عم يمشي الحال.

اقتباس:

---

3 - شوهوحلمك أوهدفك بالحياة واللي بتطمح أنك تحققوا بأقرب وقت ؟

---

الكهنوت هوي أكبر حلم مرافقني من سنين كتيرة. (دراستي للاهوت مو يعني تحقيقي للحلم). بتمنى تتوفر ظروف ملائمة لتحقيق هالحلم, وبكل الأحول بتمنى كون خادم ليسوع المسيح بأي طريقة (كهنوت أو غيرو). عندي كتير أحلام تانية بتمنى تصير حقيقة رح أتركها بقلبي لظروف خارجة عن إرادتي.

اقتباس:

---

رح اسألك 3 اسئلة انشالله يكونوا خفاف

---

ولا يهمك الأسئلة كانو خفاف ظراف وبعتذر إذا جاوبت شي سؤال بطريقة غامضة أو ما عرففت وصل جوابي



صلواتك

أخي بندلايمون:
بغض النظر عن دراستك فإنك تعتبر" مغترب"، ماذا أثرت فيك الغربة؟ وماذا أضفت على حياتك من سلبيات أو إيجابيات؟
إنشاءالله تحقق حلمك بالكهنوت، هل تتمنى بعذ ذلك أن تعود لتخدم في سوريا بنفس منطقتك؟ هل لديك رغبة مستقبلاً بالبقاء في اليونان؟
أنت زرت الجبل المقدس، باختصار" وبعرف أنو صعب الإختصار"، ما هو الشعور الأول الذي انتابك عندما نزلت الجبل أول مرة؟ وما هي الإنطباعات النهائية للزيارة؟
ماذا تعني الأناشيد للأخ بندلايمون؟
المخيمات؟... المسيح نوري وخلاصي

مع قدوم عيد الميلاد:
أحب أن أعايدك معايدة خاصة جداً، وأتضرع للطفل المتجسد أن يعطيك سلاماً، ويملئ حياتك من نعمته، لتكون للكنيسة الأرثوذكسية منارةً كما كنت لمدارس الأحد، وما زلت.
أخي الحبيب أشتاق أن تعود يوماً تلك الأوقات الجميلة التي قضيناها معاً. والأحسن القول: أشتاق إلى تلك الأيام الجميلة، وأصلي لكي تجمعنا الحياة في القريب أو في البعيد وإن اختلفت الأدوار...المهم أن يكون الهدف واحد والغاية هي ...الكنيسة


صلواتك
ولي عودة أخرى

بندلايمون الحبيب
لماذا الكهنوت؟ او بعبارة أوضح:
من خلال كلام الأخ رافي، اتضح لي بأنك تحب ونعمل في خدمة الكنيسة.. فهل بتعتقد أنك من خلال الكهنوت رح تعمل شي مابتقدر تعملو وانت من عامة الشعب؟
في خطط في ذهنك حول ممارستك الكهنوتية؟

شو رأيك بالكاهن البتول الذي يعيش ضمن الرعايا؟
إن كنت ضد وجود كاهن بتول في الرعية، فهل تعتقد أننا سنواجه ماتواجهه اليوم الكنيسة الكاثوليكية بسبب وجود كهنة بتولين في الرعية وضمن عامة الشعب؟
وخلينا نكون صريحين.. عنا علامات تدل على ان الوضع سيتفاقم... فشو رأيك بكونك تحلم بالكهنوت؟

وأقول مع اخينا الحبيب رافي
أحب أن أعايدك معايدة خاصة جداً، وأتضرع للطفل المتجسد أن يعطيك سلاماً، ويملئ حياتك من نعمته، لتكون للكنيسة الأرثوذكسية منارةً كما كنت لمدارس الأحد، وما زلت.
صلواتك

أخي الحبيب رافي

اقتباس:

---

بغض النظر عن دراستك فإنك تعتبر" مغترب"، ماذا أثرت فيك الغربة؟ وماذا أضفت على حياتك من سلبيات أو إيجابيات؟

---

الغربة؟؟؟؟؟ إنت أكتر واحد بيعرف شو يعني الغربة. شو بدي أحكيلك لأحكيلك. بالبداية أنا كتير بكره الغربة بس كان في شي أقوى من عاطفتي وتفكيري جبرني إقبلها وهوي دراسة شي بحبو.
حاليا دخلت بالسنة الرابعة من غربتي يعني بالعربي المبلطح فتت بجوها وتعودت عليها، طبيعي استفدت من الغربة بشكل كبير. مثلا بسببها زاد عندي الحس بالمسؤولية، بسببها صرت أعرف شو يعني شخص ما عندو أهل وما عندو حدا جمبو. وهون اسمحلي أخي الحبيب سدد شوي من الدين يلي عليي لأحد الآباء يلي اسمو أفرام ووجهلو شكر لأنو كان بفترة من الفترات أهلي باليونان:sm-ool-24::sm-ool-24::sm-ool-24: وما تركني أبدا من أول إلي بهالبلاد.
بعتبر أنو كان للغربة عليي سلبية وهيي أنو صار عندي حذر كبير من التعامل مع الناس يعني زيادة عن اللزوم بس مو بإيدي (يعني أنت متهم حتى تثبت برائتك:sm-ool-01::sm-ool-01::sm-ool-01::sm-ool-01:)
السلبية التانية هيي أنو الغربة ساهمت بشكل من الأشكال بتقليص دور العاطفة بحياتي وهون بعتذر ما بقدر أشرح أكتر.

اقتباس:

---

هل تتمنى بعذ ذلك أن تعود لتخدم في سوريا بنفس منطقتك؟ هل لديك رغبة مستقبلاً بالبقاء في اليونان؟

---

أول شي بغض النظر عن تحقق حلمي أو لا فأنا أكيد راجع على سوريا (حتى لو تأخرت الرجعة شوي) بس بالنهاية راجع. لو الله اختارني لكون من خدامو فأنا بتمنى من كل قلبي كون بمنطقتي لكتير أسباب.
البقاء في اليونان فكرة مو واردة نهائيا عندي.
هون فرصة حتى خبركن أنو بلادنا أحسن من 10000000 يونان. ووضع كنيستنا أحسن بكتيييييير من اليونان. تخيل أنو هون يوم الأحد بالقداس بكنيسة الرعية بكون أنا وبلا منازع أصغر شخص بالكنيسة والأكبر مني مباشرة يمكن عمرو 50 سنة. يعني شريحة الشباب مختفية. وهالحكي مو برعية وحدة لا ب 99,99من الرعايا، ومنشان كون عم أحكي الحق كلشي صرلي باليونان شفت كنيسة وحدة بتهتم بالشباب والسبب أنو الاشمندريت يلي فيها كتيير نشيط.

اقتباس:

---

أنت زرت الجبل المقدس، باختصار" وبعرف أنو صعب الإختصار"، ما هو الشعور الأول الذي انتابك عندما نزلت الجبل أول مرة؟ وما هي الإنطباعات النهائية للزيارة؟

---

وقت كنت رايح عالجبل لأول مرة وكنت عالطريق ما بعرف شو كنت حاسس، كنت فكر طول الطريق بالشغلات يلي منقراها بالكتب وحس بالرهبة أنو هلق رح شوفها بعيني، وأول مرة ركبت فيها بالباخرة يلي رايحة عالجبل (كان فترة عيد الميلاد) كانت الدنيا صقيع وظنطاري وشو ما بدك وع هيك كنت مقرر ضل على ضهر الباخرة منشان ضلني شايف الجبل وأديار الجبل وهيي موزعة.
الجبل يا أخ رافي هوي أفضل مكان باليونان لأنك تفرغ نفسك من همومك وتقرب من الله.
ما رح أنكر أنو طلع الجبل مغير عن الصورة يلي كنت حاططها براسي ويلي كنت مكونها من قراءاتي عنو أو من القصص يلي كانوا يحكوها الآباء يلي زاروه. مثلاً الجبل فيه كل أشكال الحضارة (سيارات- إنترنت- تليفون- فاكسات- شرطة..) وطبيعي أنو كل هالإشيا عم تتسخر لخدمة الجبل وهيي كتييييييير ضرورية.

اقتباس:

---

ماذا تعني الأناشيد للأخ بندلايمون؟
المخيمات؟... المسيح نوري وخلاصي

---

يا أخ رافي حطيت إيدك عالجرح....
أول شي فكرة مدارس الآحاد فكرة كتير راقية مع أنو عم تحيد عن اهدافا. أنا التعليم بالكنيسة شقفة مني وما بتخيل حالي بدونو. ولمداراس الأحد فضل عليي بتوعيتي ويمكن هيي السبب إني باليونان.
الأناشيد يا أخ رافي...... ممممممم شو بدي قول
أنا بحس بقمة الفرح وقت منوقف مجموعة ومنقول نشيد وبيكون طالع من القلب والكل مبسوط. للأسف الأناشيد بلشت تموت وماحدا وقف بالعزى.
المخيمات؟؟؟؟؟ بتذكر بسنة 2002 طلعت 7 مخيمات وكلت علقة ماكنة بالبيت وكنت كل مخيم قول لأهلي هيدا آخر واحد. يعني باختصار عندي ولع بالمخيمات وبعتبرها وسيلة كتير مهمة لتبشر فيها. وهون كمان رح أتأسف أنو المخيمات بلشت تنهار وبتوقعلا الانقراض (يمكن إنت لأنو صرلك فترة ما طلعت مو حاسس مع إني بعرف إنك حاسس)، وعلى فكرة تراجع المخيمات سببو مدراس الأحد يلي ما عم تتطور مع تطور الدنيا وأنا ما قصدي بالتطور أنو تبيع أهدافا ومبادئها.
بس هلق إذا بتلاحظ سواء خلال السنة أو بالمخيم نفس الشغلات بتصير: يعني موضوع (عالأغلب ممل) ونشاط (صرنا حافظينو عن الغايب) شيلك عن أنو لازم مركز المخيمات يتغير كل فترة كنوع من تغيير الشكل.
المسيح نوري وخلاصي كان من أحلى المخيمات يلي طلعت فيها وأكيد عارف ليش ما بدك مين يخبرك.

اقتباس:

---

أحب أن أعايدك معايدة خاصة جداً، وأتضرع للطفل المتجسد أن يعطيك سلاماً، ويملئ حياتك من نعمته، لتكون للكنيسة الأرثوذكسية منارةً كما كنت لمدارس الأحد، وما زلت

---

وأنا بدوري بعايدك من كل قلبي وبتمنالك يكون قلبك مغارة يسكنها يسوع طول الأيام. وبشكرك عالإطراء بس أنا بعمري ما بقدر كون منارة (هيدا مو تواضع) وأكتر شي بقدر كونو هوي شخص عم يحاول يقدم شي من وزناتو.

اقتباس:

---

أخي الحبيب أشتاق أن تعود يوماً تلك الأوقات الجميلة التي قضيناها معاً. والأحسن القول: أشتاق إلى تلك الأيام الجميلة، وأصلي لكي تجمعنا الحياة في القريب أو في البعيد وإن اختلفت الأدوار...المهم أن يكون الهدف واحد والغاية هي ...الكنيسة

---

هي الأمنية مشتركة وأتمنى إنها تتحقق بأقرب فرصة

أخي الحبيب
إن شاء الله الكرسي يكون مريح

عندي سؤال:
كيف ترى من مكانك خارج أنطاكية, وضع كنيسة أنطاكية وخاصةً إذا كان يوجد شيء ما حولها في الأوساط والصحف والمجلات الكنسية اليونانية؟

أخونا الحبيب ألكيسوس

اقتباس:

---

من خلال كلام الأخ رافي، اتضح لي بأنك تحب ونعمل في خدمة الكنيسة.. فهل بتعتقد أنك من خلال الكهنوت رح تعمل شي مابتقدر تعملو وانت من عامة الشعب؟

---

أخي الحبيب مو بس بحب العمل والخدمة في الكنيسة لأ، إذا بدك عندي هوس أو هاجس أو ولع بهالموضوع.
أما بالنسبة للكهنوت فأمر طبيعي أنو تعمل شي ما بتقدر تعملو إنت ومن عامة الشعب، وما قصدي أنو عامة الشعب ما بيقدروا يخدموا أو يعملو شي، بيقدروا بس ضمن إمكانيات وظروف معينة والكاهن نفس الشي بيقدر يعمل كتير شغلات هوي وكاهن وما بيقدر يعملها هوي وعلماني.

اقتباس:

---

في خطط في ذهنك حول ممارستك الكهنوتية؟

---

أكيد في كذا خطة وكذا محور بذهني. ومن فترة تناقشة مع مطراني فيهم، أبدا إعجابو بالبعض والبعض ما عجبوه. بتخيل أنو أي شخص رح يجرب يشتغل عالإشيا يلي هوي شايفها ناقصة أو ضعيفة، وأنا كتيييييير بآمن بالمواهب يعني برأيي كل شخص لازم يسخر مواهبو بخدمتو.
بكل الأحوال بعد بكير شوي عالموضوع.

اقتباس:

---

شو رأيك بالكاهن البتول الذي يعيش ضمن الرعايا؟
إن كنت ضد وجود كاهن بتول في الرعية، فهل تعتقد أننا سنواجه ماتواجهه اليوم الكنيسة الكاثوليكية بسبب وجود كهنة بتولين في الرعية وضمن عامة الشعب؟
وخلينا نكون صريحين.. عنا علامات تدل على ان الوضع سيتفاقم... فشو رأيك بكونك تحلم بالكهنوت؟

---

ممممممم موضوع صعب
أنا لاني مع ولاني ضد الكاهن البتول بالرعية ورح جرب وصل فكرتي.

برأيي الكاهن البتول وشخصيتو هني عوامل أساسية بهالموضوع. يعني بالمختصر المفيد إذا كان الزلمة قد حالو وقلبو بالكامل لله فأكيد رح يعمل شغل رائع ورح يوصل كلمة الله لأكبر عدد ممكن، وبيقدر يكون مثال حي للشعب على أنو حتى بهالأيام في ناس نادرة نفسها لله بالكامل لأنو للأسف بهالأيام صارت البتولية بنظر الناس هيي الهروب من المشاكل بالعالم أو من شي عقدة نفسية ومو عارفين أنو أكبر تجارب هيي يلي بيتجرب فيها المتبتلين.
وجود كاهن بتول برعية ما لحالو بدون كاهن متزوج أنا شخصيا مو معها. وبتخيل هي طريقة مطران اللاذقية ومطران عكار يلي بيحطو كاهن بتول وكاهن متزوج مع بعض بنفس الكنيسة، وبهالطريقة بيتنظم الموضوع بترتيب. يعني مو ضروري للكاهن البتول أنو يبرم بيوت الرعية حتى يكرس. الكاهن البتول بتخيل ببلادنا متفرغ لقراياتو وصلواتو أكتر من المتزوج يعني أغلب الآباء الروحيين عنا بالرعايا هني متبتلين، وهيدا ما يعني أنو المتزوج ما بيقدر يكون أب روحي بالعكس، في مشاكل الشخص ما بيقدر يحكيها إلا لأب كاهن متزوج. يعني بالمختصر بيكملو بعضن.

هلق إذا كان الكاهن مو متل ما حكينا فأكيد ما رح يمشي حالو. بس ما بتخيل نواجه (بهالفترة) نفس مشاكل الكاتوليك لأنو التأثير الغربي بعدو ما وصلنا متلهن. يعني لهلق عنا إسا الكاهن إلو صفات وهيبة معينة غير موجودة عند الكاتوليك.


الوضع سيتفاقم؟؟؟؟
أخي الحبيب أنا شايف أنو بلش يتفاقم من هلق وكل مانو الوضع لورا. وما بخفي عليك كذا مرة دب فيني الخوف أنو أنا شو بدي بهالشغلة وبخدم أنا وعلماني وبرجع لجامعتي بسوريا. بس حب الكنيسة سوسة بيربا عليها الشخص وما بيقدر يتركها.
مرة في شاب عم يدرس لاهوت سأل سيدنا سلوان مطران الأرجنتين (كان عم يعطي محاضرة عن بولس الرسول)
قلو يا سيدنا كيف شخص متلنا بيقدر يتخذ من بولس الرسول مثال بخدمتو قام ببساطة قلو سيدنا سلوان كتير منيح إنك عم تفكر تتخذو مثال وقلو هيدا الشي نحنا ربينا عليه ببيت أهلنا.
يعني الكل بيعرف أنو وضع الكنيسة عم يتراجع وفي كتيييير تجاوزات عم تصير، بس إذا الكل شال إيدو مصيبة. لذلك الواحد بيصلب إيدو عوجهو وبيتكل عالله. وأكيد أنو بالنهاية مشيئة الله هيي يلي رح تمشي بالكهنوت أو بغيرو.

ميلاد مجيد أخي العزيز

لو صرت كاهناً ما هي الأمور التي ستهتم بها في رعيتك؟
الواضح أن مدارس الأحد تعني لك الكثير، هل أنت مع أن يكون هناك كاهن مخصص لمدارس الأحد؟

صديقي جراسيموس

اقتباس:

---

كيف ترى من مكانك خارج أنطاكية, وضع كنيسة أنطاكية وخاصةً إذا كان يوجد شيء ما حولها في الأوساط والصحف والمجلات الكنسية اليونانية؟

---

إذا بدي أعمل مقارنة بين كنيسة اليونان وكنيسة أنطاكية فأكييييييييييد كنيسة أنطاكية أفضل من كل النواحي.
الكنيسة اليونانية كتير بيحبونا طبعا مع وجود قلة من من يلي بيعتربونا محتلين البطركية من اليونان، بس هي قلة قليلة بهالوقت.
أنا ما صرت أعرف قيمة الوضع عنا إلا بعد ما شفت هون، بس يلي بيخوف يا باشا هوي المشاكل والتجاوزات يلي عم تصيبنا.

بالنسبة للصحافة فمعظم المقالات عبارة عن أخبار. وإذا وللبد حدا بدو يكتب مقالة بتكون لنشر الغسيل.
أحد الأشخاص كتب مقالة عن أمور صارت داخل المجمع وأنا استغربت كيف وصليتو هيك أخبار بعدين فكرت أنو بتكون مو مظبوطة. وقت زارني مطراني بالبيت قلتلو هيك هيك قريت وسألتو أنو كيف هيك معلومة بتتهرب؟؟؟ بعدين طلب مني يقرا المقالة فا عطيتو ياها، ببساطة ما أنكر الموضوع.

بس أنا صار عندي قناعة أنو معظم المطارنة عنا بدهون خير الكنيسة وإن اختلفت الأساليب وإن كان موجود بعض التجاوزات (يلي أنا ضدا). بس يمكن لازم نحط حالنا محل صاحب المسؤولية حتى نقدر نفهم ليش هيك صار. منشان هيك أخي الحبيب أنا ما وقعت عالعريضة تبع التماثيل مع إني وبقوة وبشدة ضد وجود التماثيل حتى ولو خارج الكنائس.

أهلا وسهلا إخت شيم

اقتباس:

---

لو صرت كاهناً ما هي الأمور التي ستهتم بها في رعيتك؟
الواضح أن مدارس الأحد تعني لك الكثير، هل أنت مع أن يكون هناك كاهن مخصص لمدارس الأحد؟

---

أكيد أي شخص إذا بيصير كاهن رح يشوف شو الأمور المغيبة والفيها تقصير (من وجهة نظرو) ويحاول يشتغل عليها.
بعدين الله عطانا مواهب وكل شخص بيقدر يشتغل ويخدم حسب موهبتو.
مبدئيا الحكي بهالموضوع مو سهل وما بيحقلي إحكي فيه، بس بتخيل أنو الاهتمام بالطفولة بيكون كتير منيح منشان يطلع جيل ابن كنيسة عن جد وهالاهتمام ما يكون بس بمدارس الأحد لا وكمان بالبيوت. لأنو برأيي شخص كبير بالعمر خلص ما عاد قادر يغير أفكارو. وكلامي أبدا ما بقصد فيه عدم الاهتمام بالكبار لا بس بقصد التركيز أكتر عالشريحة الصغيرة بالعمر.

بالنسبة للسؤال التاني:
مدراس الأحد بتعنيلي كتير بس يمكن خيبلك أملك إذا قلتلك مو يلي بأيامنا. شو في مدراس الأحد وقت تأسست على يد شباب واعي جدا، وشوفي أهدافها ومبادئها، وقتها بتلاحظي أنو هلق ما عاد في مدراس أحد. إذا بدك فينا نسميها نادي اجتماعي تحت لواء الكنيسة.
وجود كاهن مخصص لمدارس الأحد مفيد بس مو كتير ضروري. الكتير ضروري برأيي يكون الكاهن مرجعية دائمة لأنو رح يكون الشخص الأفضل رعائياً بحكم الخبرة.
بعتقد إعداد كادر بمدارس الأحد يكون جدي هوي الأهم. ببساطة إعداد كادر هوي مؤمن بالشي يلي عم يعملو.


صلواتك

المجد لله في الاعالي و على الارض السلام و في الناس المسرة .
ميلاد مجيد و عام سعيد
و كل عام وأنت بألف خير أخي بندلايمون و ينعادى عليك بالصحة و المحبة و السلام
سؤالي كونك باليونان هل وجدت فرق في التعامل بين الكنائس الارثودكسية ( الانطاكية , اليونانية , الروسية )
و هل تعتقد أن الكنيسة اليونانية تتعامل مع الكنيسة الروسية و الانطاكية بنفس المقدار من المحبة و الاحترام
أم هناك فروقات في التعامل بين اليونان و الروس و الانطاكيين.( كنيسة أدنى من الاخرى) .
و خصوصا من الشعب اليوناني الذي يعتبر نفسه أحسن من الشعوب الاخرى المذكورة . أم العكس.

ميلاد مجيد اخي بندلايمون
كل سنه وانت سالم

اسئلتي بسيطة :
1-لقد احتفلت بالميلاد في اليونان وسوريا وكل من هذه الدولتين لها بهجتها الخاصه في الميلاد برأيك من يعطي عيد الميلاد بهجته الحقيقية

2-اكثر شي لا تحب ان تسمعه او تراه
3-ما هو الشي الذي تحب ان تقوم به يومياً

تتوقف اللعبة حتى بداية شهر شباط / فبراير بسبب التزام الأخوة والاخوات بالاعياد والامتحانات..
فأرجو أن يختار الاخ بندلايمون الاسم الذي يليه حتى يلجس على الكرسي..
صلواتكم

أهلا إخت بربارة

اقتباس:

---

سؤالي كونك باليونان هل وجدت فرق في التعامل بين الكنائس الارثودكسية ( الانطاكية , اليونانية , الروسية )
و هل تعتقد أن الكنيسة اليونانية تتعامل مع الكنيسة الروسية و الانطاكية بنفس المقدار من المحبة و الاحترام
أم هناك فروقات في التعامل بين اليونان و الروس و الانطاكيين.( كنيسة أدنى من الاخرى) .
و خصوصا من الشعب اليوناني الذي يعتبر نفسه أحسن من الشعوب الاخرى المذكورة . أم العكس.

---

بتمنى كون فهمت السؤال صح
كل كنيسة عندا تقليد شويييييييييي مختلف عن باقي الكنائس، بالنسبة للكنيسة الأنطاكية واليونانية فهني كتييييير قراب لبعضن مع اختلافات طفيفة.
بالنسبة لإلي بشوف أنو التعامل بكنيسة أنطاكية أفضل بكتير من اليونان.
الكنيسة اليونانية بتحبنا كتير وأكبر دليل أنو في كتير أنطاكيين هون باليونان، وإكراما لوجودن خصصتلن كنيسة ناطقة باللغة العربية في أثينا والكنيسة تابعة لرئيس الأساقفة في اليونان (يعني مو أنطاكية).
منشان الواحد يحكي الحق أنا ما شفت منهن أي نوع من العنصرية بالعكس دايما بيمدحونا وبيضربو المثل بإيمان شعبنا.
بالنسبة لتعاملن مع الكنيسة الروسية للأسف ما فيني فيدك لأنو ما عندي معلومات.
طبعا أنا كنت عم إحكي عن الرئاسات الروحية باليونان. أما بالنسبة للشعب في شوية فوقية بالتعامل معنا (مو من قبل الكل) بسبب جهل البعض بواقع بلادنا. يعني في ناس مفكرين عربي= بدوي. وبيفكرو أنو تيابي مشتريها من اليونان (هي قلة قليلة)
وكمان في نسبة كبيرة ما بتعرف أنو في مسيحيين ببلادنا وبس قلون أنو مسيحي ما بيصدقو. بس إجمالاً الشخص إذا شويييييي كان عندو اطلاع عالموضوع بيعرف تماما نحنا مين ومن أيمت موجودين ببلادنا.
وعلى قولة سيدنا باسيليوس وقت رد على أحد الشيوخ في طرطوس "نحنا هون قبل سنة 630"
الحق يقال أنو الشعب هون طيب وخدوم.
معظم أساتذتي بالجامعة (شريحة المثقفين) بيقولو أنو نحنا الوحيدين يلي حافظنا على اسمنا صح (روم أرثوذكس) وليس يونان أرثوذكس.

أخت سهام

اقتباس:

---

1-لقد احتفلت بالميلاد في اليونان وسوريا وكل من هذه الدولتين لها بهجتها الخاصه في الميلاد برأيك من يعطي عيد الميلاد بهجته الحقيقية

---

كنسياً باليونان الاحتفال يقتصر على الصلوات المقامة في الكنائس سواء من بدء الصوم (قداس إلهي يومياً كل أيام الصوم وبكل الكنائس)
أما شعبياً فبتشوفي كل الطرقات مزينة وبكل ساحة عامة في شجرة وأسواق وما إلى هنالك، طبعا مع نسيان سبب العيد الرئيسي، وبيتصدر القديس باسيليوس على قولن (بابا نويل) كللل هالاحتفالات.
عندي أستاذ بيسمي بابا نويل "الزلمة الناصح يلي اخترعيتو كوكاكولا"
كنسيا حبيت الاحتفال باليونان أكتر أما شعبياً عنا فوق كل التجاوزات يلي عم تصير بيضل الوضع أحسن على الأقل لأنو الجهة يلي عم ترعا هالاحتفالات بتبقى تحت لواء الكنيسة "مدراس الأحد"

اقتباس:

---

2-اكثر شي لا تحب ان تسمعه او تراه

---

ما بحب أفقد حدا عزيز عليي ولا إسمع هيك خبر. بس أكيد حكمة الله تفوق الجميع.

اقتباس:

---

3-ما هو الشي الذي تحب ان تقوم به يومياً

---

عندي حب كبير لضلاة الغروب أكتر من باقي الصلوات (من أنا وبصف السابع) ولهلق بحاول إني كون موجود بصلوات الغروب عقد ما بقدر (حسب جامعتي).
كمان يوميا بحب إقرا أخبار يعني شو عم يصير بالعالم سياسيا اقتصاديا إلخ.

اقتباس:

---

تتوقف اللعبة حتى بداية شهر شباط / فبراير بسبب التزام الأخوة والاخوات بالاعياد والامتحانات..
فأرجو أن يختار الاخ بندلايمون الاسم الذي يليه حتى يلجس على الكرسي..
صلواتكم

---

بعتلك رسالة بالتفاصيل
صلواتك

أخي العزيز بندلايمن
أريد أن أطرح عليك سؤال ديني طرح علي سابقاً وتلبكت في الإجابة عليه وهو:
لقد أعلمنا يسوع بأنه يدين بما يسمع أي هو الديان العادل والذي نحن مؤمنون به ولا بت فيه
ولما أعطى الرب يسوع مفاتيح ملكوت السموات لبطرس أعطاه سلطان حل وربط الخطايا أي بمعنى آخر يمكنه أن يدين بالخطايا على أحد أو ينزعها كالديان العادل
أي بطرس كما فهمت يمكنه أن يدين كما الرب يسوع الديان العادل

معظم أساتذتي بالجامعة (شريحة المثقفين) بيقولو أنو نحنا الوحيدين يلي حافظنا على اسمنا صح (روم أرثوذكس) وليس يونان أرثوذكس.

ياريت أخي بندلايمون تعطيني فكرة عن الفرق في التسمية ( لماذا سمينا بأسم الروم الارثوذكس = هل بالتبعية لقسطنطين الذي اتى من روما و أسس حضارته البيزنطية عندنا أم للروم معنى اخر ) و لماذا لم نسمى اليونان الارثوذكس علما بأن كنيستنا تابعة للكنيسة اليونانية ( كنيسة حلب ) .و لماذا نحن صح في تسميتنا .
بتمنالك سنة سعيدة و ايامك كلها فرح و محبة .
صلواتك .

أخ بندلايمون ..
ميلاد مجيد
في الابداية أخبرك أنها المرة الأولى لي بالاشتراك في ( كرسي الاعتراف ) وأنا جدا سعيدة بمشاركتي هذه

س: هل صحيح أن النساء ممنوعين من الدخول إلى الجبل المقدس؟؟؟ ولماذا ؟ اذا كنا نحترم دخولنا إليه من ناحية اللباسكما نفعل عند دخولنا إلى الأديرة ( أثواب خاصة )

شكرا لك واعتذر عن استفساري هذا

اذكرني في صلاتك

الأخ جاك

اقتباس:

---

لقد أعلمنا يسوع بأنه يدين بما يسمع أي هو الديان العادل والذي نحن مؤمنون به ولا بت فيه
ولما أعطى الرب يسوع مفاتيح ملكوت السموات لبطرس أعطاه سلطان حل وربط الخطايا أي بمعنى آخر يمكنه أن يدين بالخطايا على أحد أو ينزعها كالديان العادل
أي بطرس كما فهمت يمكنه أن يدين كما الرب يسوع الديان العادل

---

كان بإمكانك وضع هذا التساؤل في قسم الأسئلة لكي تحصل على جواب شافٍ
الرب يسوع المسيح هو الديان العادل "الوحيد"، أنا أنَّه أعطى مفاتيح ملكوت السماوات لبطرس فلست أدري إن كان فكر كاثوليكي بالحقيقة، لكن الكاثوليك هكذا يقولون (عن جهل أو لا للأسف لست أعرف) وكنيستنا لا تؤمن به.

إخت بربارة

اقتباس:

---

ياريت أخي بندلايمون تعطيني فكرة عن الفرق في التسمية ( لماذا سمينا بأسم الروم الارثوذكس = هل بالتبعية لقسطنطين الذي اتى من روما و أسس حضارته البيزنطية عندنا أم للروم معنى اخر ) و لماذا لم نسمى اليونان الارثوذكس علما بأن كنيستنا تابعة للكنيسة اليونانية ( كنيسة حلب ) .و لماذا نحن صح في تسميتنا .

---

تسمية روم جاية من المركز الروحي والإداري للامبراطورية الرومانية. وهالشي مو يعني قومية يعني نحنا مو رومان. هالصفة كانت تطلق عا يلي قبل الإيمان بالكنيسة الجامعة ويلي كان موجودة بهاداك الوقت بالامبراطورية الرومانية وبغض النظر عن قوميتو. وبعد انشقاق الكنائس الشرقية القديمة متل الآشوريين والسريان والأقباط كان ضروري كتير استعال هالصفة "روم" منشان التمييز بين الكنيسة الجامعة وهالكنائس.
البيزنطيين هني يلي أطلقوا تسمية يونان أرثوذكس على القسم الغربي من الامبراطورية منشان يحتفظوا لحالن بهاللقب ويبعدوهن عن الانتماء للامبراطورية الرومانية.
تسمية روم ضلت بس بالقسم الشرقي من الامبراطورية.
مين قال أنو كنيسة حلب تابعة للكنيسة اليونانية؟؟؟
اكيد إلنا إيمان واحد بالكنيسة الجامعة المؤمنة بالمجامع المسكونية السبعة. بس اليونان كنيسة مستقلة تتبع البطريركية المسكونية. وحلب تتبع بطريركية أنطاكية.

اقتباس:

---

بتمنالك سنة سعيدة و ايامك كلها فرح و محبة .

---

شكرا كتير لتمنياتك
وأنا أكيد بتمنالك أعوام عديدة مليانة سعادة وفرح

إخت مريم

اقتباس:

---

في الابداية أخبرك أنها المرة الأولى لي بالاشتراك في ( كرسي الاعتراف ) وأنا جدا سعيدة بمشاركتي هذه

---

أهلا وسهلا فيكي وأنا كتير مسرور بمشاركتك

اقتباس:

---

هل صحيح أن النساء ممنوعين من الدخول إلى الجبل المقدس؟؟؟ ولماذا ؟ اذا كنا نحترم دخولنا إليه من ناحية اللباسكما نفعل عند دخولنا إلى الأديرة ( أثواب خاصة )

---

نعم النساء ممنوعين من الدخول إلى الجبل المقدس.
بحسب التقليد الشريف أنو العذراء مريم وقت مرت بالجبل طلبت أنو يتسمى حديقة العذراء وطلب يكون مكرس للرهبان الذكور بس. يعني مو القضية قضية حشمة أو غيرو أبدا.
تعاليم الكنيسة كلها مأخوذة من الكتاب المقدس والتقليد الشريف كمان. يعني للتقليد الشريف دور كتير مهم بالكنيسة.

اقتباس:

---

شكرا لك واعتذر عن استفساري هذا

---

ما في داعي للاعتذار. أنا بيوم من الأيام سألت نفس السؤال.

صلواتك

مين قال أنو كنيسة حلب تابعة للكنيسة اليونانية؟؟؟
حقك علي ................. غلطة غير مقصودة .
كان القصد منها أنه أغلبية طلاب الكهنوت عنا بيدرسوا باليونان و من هاد المنطلق قصدت أنها تابعة لليونان (بالتعليم الكهنوتي). مع العلم أنها هي( إنطاكية ) بالأصل ............. سامحني.