أخونا ميلاد على كرسي الاعتراف

بعد امضائي فترة أسبوع مريحة على كرسي الاعتراف, يُسرّني أن أُرحب بالأخ ميلاد شحادة وأضعه مباشرة تحت الأضواء :smilie (94):


http://www.orthodoxonline.org/forum/.../2010/03/3.jpg

أتمنى لك إقامة ممتعة ::sm-ool-01:


ورح ابدأ بكم سؤال خفاف تحمّي حالك فيهن, لتاخد على الجو:

يا ريت تعرّف الإخوة عن حالك بكم جملة

كيف تنظر إلى وضع الشباب المسيحي اليوم من الناحية الروحية؟

ماذا تعني لك الأرثوذكسية؟


أسبوع عظيم مبارك وكل سنة وانت بخير

شوووو أخت سلوى شوو ولعت بالنار من الكرسي ابتغيتي الهريبي يلا الهريبي تلتين المراجل... لا عم امزح:sm-ool-02: عنجد شكرا كتير على الثقة للي منحتيني ياها وأنا إلي الشرف الكبير بدخولي لكرسي الاعتراف:sm-ool-03: ووين بأرثوذكس أون لاين للي كان إلي شمعة مضواية من أول مرة فتحت صفحتو للتصفح كانت وانجذبت كتير إلو لأن كان عنجد شعلة مضوية ضوتلي كتير من طرق حياتي وبشكر ربي يسوع على توصيلي ليهدا الموقع كل الشكرززز ماراح طيل الكتابة والكلمات الروح وحدها بالتعبير..
راح ابدا وعرفكن عن حالي شيي شوي..
أنا اسمي ميلاد شحادة من ريف دمشق وتحديدا من أجمل منطقة بالعالم صحنايا من رعية مار الياس الغيور.
أنا عم ادرس اعلام بكلية الآداب بجامعة دمشق صحيح طولت شوي بالدراسة بس هو كان هيك يعنيي يلي بيت أهلو على مهلو هيك كنت عم أعمل بس هلأ لأ يعني حطيط عقلي براسي وبلشت ادرس.
من الصفاتي أنا شب أرثوذكسي مسيحي بحب كتير التراتيل الإفرادية أكتر من الجماعية وخصوصا اليونانية وأكتر يمكن ملاحظو على حالي هي انتقاد أعمال الكهنة وخصوصا المطارنة طبعا مين أنا لحتى انتقد أو افعل أي صير متلون بالأول بعدين انتقد أنا ما بستحق بس الشي يلي عم يصير قدامي مو طبيعي غصبن عنو الواحد لازم ينتقد وخصوصا وأكتر شي بدايق منو هي لما بغيرو وقت صلاة الهجمة والصلاة يلي مدتها تلات ساعات بصير مدتها يمكن ساعة إذا مو أقل. على كل حال هيدا أنا .
أما أخت سلوى ردي على سؤالك كيف أنظر إلى وضع الشباب المسيحي؟
راح جوابك من خلالي أنا كأحد الشباب مثلا أنا لا كنت روح على صلاة ولا كنت صلي أو صوم ماكان في شي بيجذب للكنيسة في بداية 16 سنة كنت روح متلي متل هالشباب لأن شبابنا إذا مافي شي دفعون لصلاة مابروحوا لأن حياتنا ملايني شغل ودرس وهم ووجعة راس بس طبعا كلو هيدا كنت أشعر فيه بالبداية بس لما التزمت بالكنيسة بيحس حالو الواحد خلص في عندوا هالساعة غير عن كل الساعات لازم الواحد يفضي وقتوا لإلها ومتل مو معروف أنو اشاب المسيح بالنسبة الأكبر ميال للعصبية والغضب السريع فورا مثلا طلبا أي شي من ربنا وماتحقق اتحقق العكس لنفترض منبلش نحط تأوهات والحق على ربنا ومابعرف شو ولو ببحني ماكان صار هيك منكون جاهلين إنو لكل شي إلهو وقت على الأرض على كل نحنا شبابنا قليل ماعم يفكروا بالصلاة وبالصوم هالاهتمام بيجي آخر الاهتمامات يمكن وضحة الفكرة.... ملاحظة عفكرة إذا طلبتي أي شي من أي شب اتجاه كنيستو بكل تأكيد راح يلبي
أما عن سؤوالك شو بتعنيلي الأرثوذكسية؟
إذا مابتعنيلي شي هي كل حياتي شلون إذا بتعنيلي .
حطي أيدك اتجاه نور الشمس ياترى فيكي تحجبي نورها عنك طبعا لأ وكمان هي نور المسيح الأرثوذكسية كيف ماحطيطي ايدك لتحجبي نورها مافيكي طبعا في شخص كان إلو الفضل الأكبر بتعمقي بالأرثوذكسية طبعا مو بتعمقي بالتعصب لأ وهو هالشخص من هون من المنتدى وهو الأخ مكسيموس .
انشاللـه احسنت وصل الإجابة المطلوبة يالطيف شو هالتحقيق الواحد بحس الكرسي الاعتراف شغلة سهلة بس عند الجد ييي كيف بدو يدبر حالو
كل عام وانتو بخير اسبوع مبارك عليكن يارب
أهلنا يارب أن نتشارك في آلامك الخلاصية

شرفت كرسي الاعتراف أخي ميلاد

أنا لاول مرة أدخل هذا الموضوع ...أو عنجد أستمتعت بهذا الموضوع كثيراً

لي بعض الاسئلة البسيطة

ما هو المكان الذي تريد أن تزورة أو البلد التي تحب أن تعيش بها غير وطنك بالطبع ؟

و أذا لم تكن سورياً فما هي الجنسية التي كنت تريد أن تكونها ؟

من هو العضو الذي تحب أن تقرأ له هنا أو الاعضاء الذين تحب أن تتابع كتاباتهم و لماذا ؟

ما هو الموقع الذي تتردد اليه دائما غير هنا ؟

ما هو الموقع الذي كرهته و لا تريد أن تدخل اليه ثانياً و لماذا ؟

و أخيرا تمنياتي لك بالصحة و عيد قيامة سعيد لك و لكل الاحباء .

محبتي

الصياد

سلامي أعطيكم
كلمة أحت دائما أن أبدأ بها كما كان سيدي ومعلمي وإلهي يملي سلامه علينا..
سلام المسيح يكون معك أخي مدحت وشكرا إلك على دخولك الموضوع وراح ابدا بجوابك على كل أسئلتك..
ما هو المكان الذي تريد أن تزورة أو البلد التي تحب أن تعيش بها غير وطنك بالطبع ؟
ولو هيدا مابدو جواب طبعا المكان الذي أحب أن أزوره هو أورشليم كنيسة القيامة هاي أمنتي بس مابحب عيش إلا ببلدي سوريا والأخص صحنايا لأن يلي مابيعرف صحنايا نص عمرو بكون ضايع.:sm-ool-01:
و أذا لم تكن سورياً فما هي الجنسية التي كنت تريد أن تكونها ؟
أنا سوري ومابحب كون إلا سوري وإذا ماكنت سوري أنا بصراحة مازرت بلاد العالم لحتى أتمنى غير بلد والجنسية للي دائما بتمناها هي الجنسية السورية..
من هو العضو الذي تحب أن تقرأ له هنا أو الاعضاء الذين تحب أن تتابع كتاباتهم و لماذا ؟
بصراحة سؤال صعب انا بحب اقرا لكل واحد بحس أنو كتاباتو بمحلا وخصوصا الأخ مكسيموس والأخ الحبيب ألكسي.. معون بتشوف الأرثوذكسية شي رائع.. بس أنا كتاباتي في الأخت سلوى للي أنا بقرئلا كتاباتها وهي بتشرف على كتاباتي .. وكمان الأخت جورجيت بتكتب كتابات جدية وداخلة للقلب وبصراحة بقرا للكل وأكتر شي بحبو هو الانتقاد الايجابي ومابزعل من نقد العالم إلي..
ما هو الموقع الذي تتردد اليه دائما غير هنا ؟
هو موقع سيرافيم ساروف الأرثوذكسي وبصراحة كل شي أرثوذكسي بترددلو ..
ما هو الموقع الذي كرهته و لا تريد أن تدخل اليه ثانياً و لماذا ؟
مافي موقع كرهته بس في مواقع أخدت منها موقف سلبي وماعد عدت أدخلها لأن بالظاهر هي مواقع على أساس مسيحية بس للأسف وأت ماتشوف المشاركات بتشوف شي مابينشاف لأنون عم يساغلوا اسم المسيح من شان يمشو حالون ويكسبو عالم ويحرفوا مبادئن...
وبالنهاية شكرا إلك أخي الصياد على مشاركتك وأسئلتك إلي وكل عام وانتي بألف خير
ا

لمسيح قام من بين الأموات ووطئ الموت بالموت ووهب الحياة للذين في القبور

شكرا أخي الحبيب على أجابتك على أسألتي

وبطلب من جميع أخوتنا المشاركة الفعالة هنا

منتظرين الاعضاء

محبتي

الصياد

المسيح قام............. حقا قام
كل عام و انت بخير و ينعاد عليك بالصحة و العافية يارب

أهلا أخت بربارة وانت بألف خير يارب دائما بصحة ومحبة وتكون دائما لبنيان جسد المسيح

بما أن الاعضاء لم يتفاعلوا حتي الان مع هذا الموضوع الشيق حقا ولا أعرف السبب !! فها أنا أشارك مجددا

أرجوا الا أكون أثقلت عليك أخي ميلاد


لكل منا بعض الاحلام و الامنيات التي يريد تحقيقها في حياته

فما هي أحلامك التي تريد تحقيقها

لنفسك وفي محيطك العائلي ؟

و الاحلام التي تحلم بها للاخريين أو للعالم من حولك ؟

والاحلام أو الامنيات التي تتمني رؤيتها في وطنك سوريا و تريد أن تتحقق؟

منتظر ردك

محبتي

الصياد

سلام اخي ميلاد
اتمنى لك الراحه على الكرسي
رح ابدا الاسئله
ما اكثر شي يبسطك ويجعلك مرتاحاً في حياتك
من خلال قراءتي لردود ما هو الشي الذي جعلك تتمسك بكنيستك

كل عام وانت بخير
المسيح قام ... حقاً قام

أخي وصديقي الصياد سلام السيح القائم من بين الأموات يبقى معك ديما
أما من حهة الموضوع شيق فهو شيق بس هلأ يمكن لأن الامتحانات عالبواب من شان هيك في شوية خمول من جهة بعض الأعضاء والغايب عذرو معو
أما من جهة إنك عم تقل عليي ففففف كتيييررررر لالالا عم امزح :sm-ool-29:
فما هي أحلامك التي تريد تحقيقها

لنفسك وفي محيطك العائلي ؟
أحلامي:sm-ool-18: ييييي شو كتيري أول حلم إلي أنا وفق دراستي واختصاصي افتح أول قناة بسوريا مسيحية أرثوذكسية
هيدا أول وأهم حلم صعب شوي بس مافي شي بالدنيا مستحيل إذا اعتمدت على ربي.
والحلم التاني انو عم حاول كون باعتباري الأخ الأكبر بأسرتي أنو كون المثل الأعلى للي راح يتبعوا أخواتي طبعا على طريقة أرثوذكسية بحته
و الاحلام التي تحلم بها للاخريين أو للعالم من حولك ؟
سؤال سهل صعب بس هيدا الحكي مو بس عالعالم بينطبق كمان عليي أنا لازم نفكر شوي بالمسيح للي طول الوقت عم يفكر فينا وننقرا الكتب الأرثوذكسية بتمعن أكتر ونكون لبعض دائما بكل شي أنا بحب كل العالم يكونوا قريبين من ربي بس هيدا أهم شي
والاحلام أو الامنيات التي تتمني رؤيتها في وطنك سوريا و تريد أن تتحقق؟
أهم حلم بوطني سوريا هو آخ شو بفرح لما بشوف المطران موسى المسؤول عن ريف دمشق معزول من منصبه
لأن بهيك الكنيسة بترجع شوي بتوقف على أقدامها... راح أكتب عن هالشي بموضوع خاص بالمنتدى مرفق بالصور والتسجيلات,
سلام المسيح يكون معك أختي سهام وكل عام وانتي بخير
أما الشيء الذي بخليني مبسوط بحياتي:sm-ool-01: بتسدفي أنو يلي بحبو أكتر شي هو وأت ماشوف الكنيسة مليانة بالناس وأت ما حس أنو الشيطان بعيد عني
أما الشيء الذي جعلني متمسكا بكنيستي :sm-ool-18:فهم القديسين وسيرهم بعدين في شي بحسوا المرأ عم يجذوبو صوب كنيستو شوفي أنا كبرت بسس أنا ورفقاتي منتسابق لرن الجرس ومين في بيحس يضاين أكتر
هيدا الشي يلي خلاني متمسك بالكنيسة هو شي بصراحة مابحسن أوصفوا طبعا بفضل ربي يسوع بس عنجد سامحيني مابعرف عبر عن الشي يلي مخليني متمسك بكنيستي يلي عم يزيدا فرحا كل يوم أكتر من يلي أبلو
سلام المسيح معكن أخواتي:sm-ool-22:
المسيح قام حقا قام

كيف كان كرسي الاعتراف بالنسبة لك؟

شو بتعنيلك الحياة؟

وعجبني اكتر شي انك تعمل قناة مسيحية ارثوزكسية نشالله بالتوفيق

شكرا إلك أخت بتريسيا سلام المسيح يكون معك ديما
أما عن كرسي الاعتراف شي بارد حامي يعني متل السهل الممتنع وقت ما تكوني عم تحطي أسئلة بتحسيها شغلة بسيطة بس لما بتتوجه إلك الأسئلة وقتها الشي الجد بكون.
الحياة شو بتعنيلي بتعنيلي الكتير كنت من زمان قبل ما اتعرف على المسيح كنت حس يعني نحنا عيشين تمضاية وقت بس لما اعرفت المسيح عنجد صرت أعرف وآمن إنو للحياة إلها اهمية مو كبيرة وبس بسهي مدرسة بتعلمنا لطريق المسيح إذا نحنا بدنا شكرا على مرورك
العدرا تحميكي.

بالتوفيق يــــــــــــــــــارب