سؤال... الإيمان بالقضاء و القدر

الإيمان بالقضاء و القدر

http://www.orthodoxonline.org/forum/...2010/05/60.jpg
سؤال... ارجو من الاخوة والاخوات الاحباء المشاركة في الموضوع وابداء ارأهم .

هل على المسيحي الايمان بالقضاء والقدر ولمذا ( نعم ام لا )

"اشهد عليكم اليوم السماء و الارض قد جعلت قدامك الحياة
و الموت البركة و اللعنة فاختر الحياة لكي تحيا انت و نسلك" (تث 30 : 19).

http://www.orthodoxonline.org/forum/...AD%D9%8A%D8%A9

هون خيي جورج بتلاقي الجواب
صلواتك

شكراً اخت Georgette لم اكن اعلم بان الموضوع قد طرح من قبل!!!
مع اني كنت افضل ان اسمع آراء و أفكار الاخوة عوضاً عن مقالة مقتبسة.... مع احترامي للجميع.

الوجود المسيحي مبني لا على القدر بل على الرجاء والإيمان بالعناية الإلهية .
إن التعابير الشائعة بشأن "القضاء والقدر"هي مفاهيم تتناقض مع النظرة المسيحية للوجود لأنها تنفي حرية الإنسان، تطفي الرجاء وتجعل الكون محكومًا من القدر الأعمى بدل أن يكون خليقة حرة ومحبوبة ترعاها العناية الإلهية.
وعليه مهما صعبت أمور العيش، ومهما ضاق الطريق فهناك دومًا فسحة للرجاء لأن الله "الخير الأعظم" هو حاضر دومًا حتى في أحلك الاوقات، وعليه، حتى في اشد الايام بؤساً "نستطيع التحاور مع العناية الإلهية، لأن العناية الإلهية هي الله".
وان قبول حالة مؤلمة كقضاء وقدر هو أمر خطير للغاية لأنه يقضي بشكل جذري على إمكانية الصلاة والرجاء بالله اللذين هما ركيزة علاقة الإنسان بالله".

لا ابدا'' خيي جورج
القصه ابدا مش هروب وانا لما حطيت الرابط بس تاتاخذ فكره واكيد راح يصير في مناقشات بالموضوع
لانو ما خلص هيك
صلواتك

واكيد الي رجعة عالموضوع بس ما تهرب

اقتباس:

---

المشاركة الأصلية كتبت بواسطة georgette serhan

واكيد الي رجعة عالموضوع بس ما تهرب

---

:smilie (184):

حبيبنا جورج .. دير بالك .. ما تجي و إيدك فاضية .. خللي معك سلاح .. ترى باينتها ناويتلك :smilie (132):

:sm-ool-29::sm-ool-29::sm-ool-29:

اهلين اخي العزيز مكسيموس اشكر مرورك :sm-ool-30:.
وارجو ان تعطينا رأيك ولو بأختصار شديد ( بالقضاء والقدر ):smilie (74):
وبالنسبة للاخت الغالية جورجيت اقول ... ... انا حبوب :smilie (79): ما بظن تكون قاسية علي كتير شووو رأيك .

إذا بدك رأيي باختصار شديد .. هادا هوّي : :sm-ool-16:

شو رأيك بهالاختصار ؟؟؟ :sm-ool-01: :sm-ool-29:

أما باختصار أقل شدة بشويّ : موضوع القضاء و القدر مفهوم دخلنا - برأيي - عن طريق الاسلام .. اللـه عطانا الحرية إنو نتصرف ..

و إلا على أي أساس بتكون في دينونة ؟؟ ..

و مو معنى هالحكي إنو أللـه رمانا بهالعالم هيك .. عنايتو دايماً بتحيطنا .. و بدونها ما كنا أحيا أو موجودين ..

و بعدو بيصنع أحداث بحياتنا حتى نتعلم و نكون أفضل ..

اقتباس:

---

المشاركة الأصلية كتبت بواسطة Maximos

حبيبنا جورج .. دير بالك .. ما تجي و إيدك فاضية .. خللي معك سلاح .. ترى باينتها ناويتلك

---

انا لما قلت الي رجعه عالموضوع ما قصدت راجعه حارب خيي مكسيموس
انا قصدت نتناقش وكل واحد من الاخوة يحط رأيو مش يحط قنبلة

اقتباس:

---

المشاركة الأصلية كتبت بواسطة George Bayrakcioglu

وبالنسبة للاخت الغالية جورجيت اقول ... ... انا حبوب ما بظن تكون قاسية علي كتير شووو رأيك

---

خيي جورج ما في شك ابدا انك حبوب بس نصيحة اذا بدك تضل ماشي ورا كلام مكسيموس
خبز يا معتر راح تاكل
مكسيموس بيرمي فتيشة والهريبة عنده تلتين المراجل
اما بالنسبة لموضوع القضاء والقدر
اذا آمنا فيهن منكون عم نلاقي مبرر لكل اغلاطنا يعني كل واحد فينا بىصير لما بيغلط بقول هيدا قضا)ءوقدر
وبيعفي حالو من العقاب
ربنا خلقنقا احرار نختار طريقنا اذا اخترنا طريق كانت نتيجتو منيحة منقول نحن اخترنا صح واذا اخترنا طريق غلط وندمنا منرمي الغلط عالقضاء والقدر تا نهرب من الخطية
كرمال هيك المسيحية ما بتآمن بالقضاء والقدر لانا اساس مسيحيتنا هوي انو نحاسب حالنا كل يوم قبل ما ننام
ونصحح كل اغلاطنا والاهم نتحمل ،سؤوليتها وما نرميها عآلاقدار
واكيد بخلال المناقشات اللي راح تصير راح ارجع وشارك
بس لهيداك الوقت بنصحك ما تشوف مكسيموس لانو ممكن يخربطلك كل مشاريعك
صلواتك

اخوتي في المسيح Maximos و Georgette اشكر مشاركتكم واقدر رأيكم عالياً .

عندما كتبت هذا الموضوع كنت قد مللت سماع تلك الاسطوانة ( قسمته,المكتوب على الجبين ستراه العين,هيك مقدر له,و و و الخ )
وهذه التعابير والكلمات يستخدمها الكثير من المسيحيين وكأنها عقيدة من ديانتنا .....لهذا اردت ان نتكلم عن موضوع القدر,
وانا اعلم جيداً انكم تجيدون الاجابة ومن اجابتكم سيتعلم كثيرون مِن مَن لا يعرفون.

صلواتكم .

موضوع جميل
هذه الكلمات تستخدم بشكل كبير

ومش بس هيك
اوقات منقول قضاء وقدر اوقات منقول هيك الله بدو
او منقول الشيطان شاطر يعني كلها الفاظ منستعملها بس تانبرر اغلاطنا
وما نعترف انو نحن اللي عم نعمل هالاشيا بارادتنا وما حدا عم يجبرنا
يعني الانسان ما في اشطر منو لما بدو يزيح عن ظهرو اي مشكلة
بتلاقيه بيرميها عالكل الا عليه
وهيدا ضعف وقلة ايمان وعدم قدرة عالمواجهة
لهيك منلاقي كتار بآمنوا بالقضاء والقدر لانو مهرب وهيك ما بلوموا انفسهم عالغلط

اختي تريزيا اشكر مرورك ومشاركتك .:sm-ool-05::sm-ool-05::sm-ool-05:

اختي Georgette كلامك 100% صح . :smilie (175):

ساغتنم الفرصة وانقل لكم اقتباس لمشاركة قمت بها في تاريخ 12 ايار، مايو الساعة 12:51 صباحاً‏ ( facebook ):

عزيزتي مع احترامي الشديد لرأيك والجميع اقول والكلام لي ....
القدر مصطلح اخترعه الضعفاء للتهرب من المسؤلية ( ان كل نتيجة لها سبب , الفعل وردت الفعل الخ....) فان القدر لا يتحدى احد والعكس صحيح, كل ما هناك ان على الانسان ان يختار ويتحمل مسؤليت اختياره .

اخوكم في المسيح George Bayrakcioglu.

اقتباس:

---

و إلا على أي أساس بتكون في دينونة ؟؟ ..

---

لو كان يوجد قضاء وقدر لكان الله اختار لنا أن نكون صالحين بما انه كلي الصلاح ولكنه يريدنا أن نختاره بمطلق حريتنا لأنه ليس كائناً سادياً يتسلى بالناس مرة يريد أن يميت احداً ومرة يريد أن يحييه مرة يريده أن يكون فقيراً ومرة يريده ان يكون غنياً..

بما انه يحبنا فهو بالطبع لا يريد لنا إلا أن نكون سعداء وما المصائب والمشاكل التي تحل بالبشرإلا نتيجة لطمعهم هم وقسوتهم هم لا بسبب قسوة الله..

صلواتكم

نقاش ممتاز وحابة ضيف عليه شغلة مهمة جداً واللي دايماً بتخلي عنا شك بهذا الموضوع وما بتخلينا نفهمه منيح واللي هي أنو "الله لا يقرر مصرينا وإنما يعلم مصيرنا" بس دايماً بيعطينا فرص.

يعني... الله عنده علم مسبق عن مصيرنا بس ما هو اللي قرره! رح اعطيكم مثال بسيط: أستاذ المدرسة أكيد بيعرف مين الطالب الشاطر ومين الطالب الكسلان وبيعرف يوم الامتحان مين رح ينجح ويجيب علامة كاملة ومين رح يرسب ويجيب علامة ناقصة، بس مع هيك، بيعمل امتحان للكل... يعني ما بيقرر هيك منو لحالو انو هذا الطلب شاطر وهذا الطالب كسلان وبيعطي علامات على كيفه! لأ... بيعمل امتحان للكل... بس ليش؟؟؟؟؟ الجواب لحتى يعطي فرصة للكل... وعل وعسى هذا الطالب الكسلان بيكون درس منيح لوقت الامتحان وينجح!

ونفس الشي ربنا... ولأنه كلي المعرفة فأكيد بيعرف (لا يقرر) مصير كل إنسان فينا... بس مع هيك بيضل بيعطينا فرص عل وعسى نتوب ونرجع لطريقه.

بتمنى تكون هالمشاركة مفيدة

صلواتكم

على فكرة... متل ما سبق وانكتب بهذا المقال... موضوع القضاء والقدر انذكر مرتين بالمنتدى.. مرة متل ما قالت أختنا جورجيت عن موضوع أبونا باسيليوس ومرة تانية بتاريخ 22 - 09 - 2008 وعنوانه الحرية والقدر وبتمنى من كل شخص مهتم بهذا الموضوع انو يقراه لأن فيه تفاصيل اكتر وأوضح

فيكم تشوفوه على هي الوصلة هون

صلواتكم

يوجد ما يسمي كل الاشياء تعمل معا للخير للذين يحبون الله ,, ويوجد ما يسمي ارادة الله لبنيه ,, وخطته لحياتنا ,, وهذا معناه اننا ايضا مخيرون ,, لان الله لايفرض نفسه عليك ولكنه ترك لك كامل الحرية ان تفكر وتختار ,,, إما تختاره بخططه الجميلة والرائعة لحياتك او تختار طرق اخرى .......
شكرا لك اخي العزيز علي هذا الموضوع

http://www.orthodoxonline.org/forum/...2010/06/15.gif ربنا يباركك

الحقيقة مايدا سبقتني....
أحد الآباء في مرة من المرات قال لي في حديث مسائي:
عمق اللاهوت الأرثوذكسي ينحصر في هذا الموضوع بـ
الله خالق، والإنسان حر
الله سابق المعرفة وليس سابق التصميم