مصر أرض العبوديه ......

[فيرينا]

اول ما بنلاقي اسم مصر في الكتاب المقدس بنفتكر برية التجارب وارض العبوديه وفرعون هو ابسط مثال لأبليس بقوته وظلمه وشره لبني البشر
أكيد مصر كانت زمان ارض عبودية اسرائيل بس يا ترى دلوقت في لسه ناس عايشين عبودية مصر ولا الكل عايش في الحريه ...

أفتكر من فتره اشتغلت في مكان وزوجة صاحب الشغل كل فتره تيجي وعينها اليمين او الشمال سودا ولما نسألها تقول دا ضلفة الدولاب ( تقريبا هو الباب بتاع الدولاب ) وقعت عليها ........... طبعا كان واضح انه زوجها في الاول قلت ياه للدرجه دي بتحبه انها مستحمله العذاب دا وبعد فتره اكتشفت انه دا مش حب هي عبده ليه وللأسف هي في عبوديه قاسيه ....... لانه اي سيد بيعمل اللي الكتاب قاله

" ومرروا حياتهم بعبوديه قاسيه في الطين واللبن وفي كل عمل في الحقل كل عملهم الذي عملوه بواستطهم عنفا " ( خر 1 : 14 )

من أسواء وأصعب انواع العبوديه اللي شفتها هي لما نبقى عبيد لأشخاص حتى لو كانوا اقرب الناس لينا حتى لو كانوا اولادنا او ازوجنا او اباءنا ................. أي سيد غير الرب هو سيد قاسي وظالم مهما كان

ـــــــــــــــــــــــــ ــــــــــــــــــــــــ
1 - لو كان غيرك سيدي لو غيرك أمتلك الكيان 2
من أين كنت سأعرف تلك المحبه والحنان 2

القرار
يسوع لمن سواك أذهب ومن سواك ينفع
والنفس ليست تهدأ مالم اليك ترجع

2 – لو كان غيرك سيدي لو كان بي يتحكم
من أين كنت سأرحم فأنت وحدك ترحم
لو كان غيرك سيدي لو كنت منه أقيم
من أين كنت سأرفع وبذا المقام أكرم

ـــــــــــــــــــــــــ ـــــــــــــــــــــــــ ــــــــ
كمان غير العبوديه للأشخاص في انواع تانيه كتير من العبوديه في مثلا عبيد لعادات غلط زي التدخين مثلا او المكياج الزايد اللي ساعات بيمنع البنات عن المناوله او عبيد الشهوات من شهوة المال وتعظم المعيشه والافكار الدنسه او المال ................. كمان الرب حدد العبوديه بمقياس صعب شويه

" أجابهم يسوع الحق الحق أقول لكم ان كل من يعمل الخطيه هو عبد للخطيه " ( يو 8 : 34 )

وطبعا

" ان قلنا انه ليس لنا خطيه نضل أنفسنا وليس الحق فينا " ( 1 يو 1 : 8 )

بمقياس ربنا وتعريفه للعبوديه كدا بقينا كلنا عبيد .............. كلنا واقعين كلنا بنعمل الخطيه مش بس بنعملها لاء وبنسر بيه

" اذا صنعت الشر حينئذ تبتهجين " ( ار11 : 15 )

طب والحل ..................... لما شعب بني اسرائيل كانوا عبيد في مصر الرب حررهم بذراع قويه ويد ممدوده خرجهم غصب عن فرعون أخدهم وفكهم رغم كل سلطان كان عليهم لأن الحرب للرب

لكن هنا في مشكله كبيره ربنا مش هيفرض نفسه زمان الشعب صرخ ليه من العبوديه المره

" فقال الرب اني قد رأيت مذلة شعبي الذي في مصر وسمعت صراخهم من أجل مسخريهم اني علمت أوجاعهم فنزلت لأنقذهم من أيدي المصريين ,اصعدهم من تلك الأرض الي أرض جيده وواسعه الي ارض تفيض لبنا وعسلا " ( خر 3 : 7 – 8 )

ركزت انه الرب شايف مذلتك وتعبك وحزنك بعد كل مره بتعمل فيها الخطيه .... أخدت بالك انه سمع صراخهم ...لما تصرخ ليه و تطلب منه التوبه ..... مستحيل يسيبك من غير ما يساعدك ... لو خايف من سلطان الخطيه عليك

" لذلك هكذا قال السيد الرب هانذا على فرعون ملك مصر فأكسر ذراعيه القويه والمكسوره واسقط السيف من يده " ( خر 30: 22 )

مش بس كدا لكن كمان

" أنا الرب الهكم الذي أخرجكم من أرض مصر من كونكم لهم عبيدا وقطع قيود نيركم وسيركم قياما " ( لا 26 : 13 )

................. قطع قيود نيركم وسيركم قياما ............... صدق انه يقدر وصدق انه يحب يشوفك حر وفرحان

في حاجه عايزه اقولها لو قررت تتوب وتطلب من ربنا انه يحررك من اي خطيه في حاجه مهمه لازم تاخد بالك منها ألأبن الضال او الابن الشاطر قال اقوم الأن أرجع الي ابي مقالش اقوم السنه الجايه ارجع الي ابي ولا قال اقوم بعد بكرا وارجع الي ابي ....

لانه كان واثق ان ابوه هيسامحه ويغفرله كل خطاياه

" هلم نتحاجج يقول الرب ان كانت خطاياكم كالقرمز تبيض كالثلج ان كانت حمراء كالدودي تصير كالصوف " ( أش 1 : 18 )

" قد محوت كغيم ذنوبك وكسحابه خطاياك ارجع الي لأني فديتك " ( أش 44: 22 )

.................... ارجع الي لأني فديتك ................

ـــــــــــــــــــــــــ ـــــــــــــــــــــــــ ـــــــــــــــــــ

1 – بألأحضان الابويه قلبك بينادي علي
أرجع وأتمتع برضاك غنى هناك في المحبوب
وأسمع لنداء الغفران بالأيمان جاي أتوب

قرار
راجع للأب الحنان واثق أن انا ليا مكان
بذنوبي أنا راجع بدموعي أنا راجع

2 – جايلك بخطايا سنيني عمري اللي أنقضى في أنيني
دقت مرار البعد قاسيت وأتمنيت أرجع ليك
عدت لنفسي بدمعي بكيت عند البيت صارخ ليك

[Phoenician]

thanx for this writing

[فيرينا]

العفو على ايه ربنا بارك حياتك ويستخدمك لمجد اسمه القدوس