الخجل

[Maximos]

شكراً كارين على الموضوع المهم جداً ..

رأس الحكمة مخافة الله (أم 10:9)

هون الترجمة ممكن تلعب دور .. لأنو النص عندي : بدء الحكمة مخافة الرب ( أم 9 : 10 )

و كلمة ( بدء ) معناها اللاهوتي ادقّ بكتير .. لأنو الشخص بيبدأ يصير حكيم لما بيخاف ربو .. أما ((( رأس ))) الحكمة .. فينا نقرا :

لا خوف في المحبة بل المحبة الكاملة تطرد الخوف إلى خارج لأن الخوف له عذاب و أما من خاف فلم يتكمل في المحبة ( يوحنا 4 : 18 )

بيصير المعنى : بداية الحكمة مخافة الرب + رأس الحكمة محبة الرب ..

*********************************

بالنسبة لموضوع الخجل .. رح إتوسع شوي لأنو أنا كنت من الخجولين جداً لغاية البكالوريا ..

أول شي : من وين بيجي الخجل ؟؟؟؟ و ليش الواحد بيخجل ؟؟؟

الخجل بيجي من الطموح .. ما حدا يستغرب ..

الانسان الخجول هوّي الانسان اللي بيحب - قدام الآخرين - يكون 100% .. و لما بيلاقي حالو أقل من هيك بيخجل .. و الخجل هون هوّي ردة فعل تجاه الفشل .. لأنو هالانسان معتبر حالو فشل بإنو يكون الشيء المطلوب ( أي الشخص ذو المواصفات المطلوبة ..

بأغلب الحالات _ مشان ما قول كل الحالات - الخجول إنسان محب للآخرين .. و هالمحبة بتخليه يشوف إنو هنّي كتيييييييييير تمام .. و كأنو هنّي كمان ما عندهم هالفارق بين الشيء اللي بيحبو يكونوه و بين واقعهم .. مشان هيك بيتخيّل إنو هنّي أفضل منو ..


*-------*-------*-------*

بعض الشغلات اللي تغلبت فيها على الخجل :

1- أكتر شغلة لعبت دور هيي الغضب من خجلي .. لأنو لاحظت شو هيي الإشيا اللي خسرتها و عم إخسرها كوني خجول ..
2- ملاحظة إنو هالآخرين اللي حاسبهم ( تمام ) و مشان هيك رافعين أنوفهم و ماشيين .. هنّي كمان عندهم ثغراتهم .. و اللي منها أكبر بكتير من ثغراتي ..
3- الخجل من الجنس الآخر تغلبت عليه ( بالبداية ) عن طريق تناسي إنو هالشخص من الجنس الآخر .. يعني إتعاطى و إحكي مع هالشخص كــَـــ (( شخص )) و كــَــ (( ذهن )) .. يعني بشكل طبيعي و مُجرَّد من الجنس اللي بينتمي إلو .. يعني قلت : أنا بحكي مع رفقاتي ( الشباب ) بجرأة .. طيب شو اللي بيختلف إذا كان هالشخص بنت مو شب ؟؟
4- تعلمت عبارتين من فلم لليافعين : Be tou + Talk hard
بي يو .. يعني : كون إنتا .. متل ما إنتا .. مو متل ما بتحب تكون .. أو متل ما بتتوقع الآخرين ينتظروا إنك تكون .. .. يعني : هادا الموجود .. اللي عجبوا أهلا و سهلا .. و اللي ما عجبو أللـه مع دواليبو .. و باختصار : هادا أنا .. يو تيكيت أور ليف اِت .. ( بالعربي لأنو لغتي فرنسي و انكليزيتي سمع + قراءة .. بس مو شاطر بالاملاء )
و التانية : توك هارد .. احكي بقوة .. عبّر عن نفسك متل ما هيي نفسك .. و هيّ الشغلة بدها شوية تواضع .. لأنو وقت تقول رأيك متل ما هوّي بتجرّد .. يمكن تضطر تعتذر إذا كان هالرأي غلط ..
أما التغلب على الخجل من الاعتذار : أنا غلطت .. و كل انسان بيغلط .. و شو صار يعني ؟؟ و شو المطلوب ؟؟ شو يعني بنتحر إذا غلطت ؟؟
يعني باختصار التعامل مع الغلط كأمر تم و صار واقع و صار بالماضي .. و هون بيعجبني بيت شعر :
ما فات مات و انقضى - - - - - فلا ندم على ما مضى
و هادا من باب ( الواقعية ) ..
و طبعاً الشطر التاني : ( فلا ندم على ما مضى ) بيختص بالعلاقة مع الانسان .. و ما بيوصل للعلاقة مع الرب .. و اللي بيضمن إنو ما يوصل للعلاقة مع الرب هوّي إنو قارن بين أنا شو عملت أمام الرب .. و هوّي شو عمل و عم يعمل معي ..

و عن الثقة بالنفس .. في أغنية عم تطلع لأحمد مكي أسلوبها الموسيقي غربي ( راب ) بس كلماتها و لا أروع .. بيقول مطلعها ( باللهجة المصرية ) :

دوَّر بنفسك جوّا نفسك
حَ تلاقي حاجة .. ما حدّش فيها ينافسك

و بيقول فيها : ممكن تكون ميزتك فِ كذا ... أو كذا .. أو كذا .. الخ


*-------*-------*-------*

هيّ - باختصار - تجربتي مع الخجل .. بشكل سريع و ( مقتضب ) (( ههههه عجبتني مقتضب .. حاسس حالي طالع فصيح فيها هههه ))

بتمنى يكون في منها فائدة للكل و بالأخص اللي عم يعاني من الخجل ..


صلواتكم

[Fr. Boutros Elzein]

ليس كل حالة خجل هي حالة مرضية كما جاء في الموضوع الرئيسي

وانا اظن ان اللإبنة المباركة كارن قد يكون خجلها بسبب مشكلة عاطفية ربما هي صغيرة السن ومغرومة بمن لا يمكن ان يجمعها به زواج لأكثر من سبب . ربما .

أو ان هناك مشكلة معقدة ( من وجهة نظرها ) في حياتها ولا تجد كيف تواجهها وليس عندها اب روحي أو مرجعية ترتاح وتثق بها . ربما .

أو انها تمر في مرحلة مواجهة مع العالم وتكوين شخصيتها الخاصة ومترددة في اثيات نفسها . وهذا ممكن وطبيعي في مرحلة تكوين الشخصية . ربما .

أو أن خجلها ايجابي . خجل الخفر والحياء ونوع من انواع الانوثة التي تتوح الفتاة هامتها بها وتجعلها محط انظار الجميع . فينعكس عليها وينتج خجلاً مضاعفاً . ولايجب ان تبالغ فيه . وقد تعتبر هذا الخجل نوع من انواع الدفاع عن النفس ضد الآخرين . ربما .

وربما كل كا قلته انا لا ينطبق عليها . وربما للمرة الأخيرة نحتاج لمن يعرف كارن شخصياً ويخبرنا كيف يراها هو .

وربما كل كلامك يا كارن هو دلع بنات . ربما وربما تريدين جذب عطف الآخرين اليكِ . وهذه وسيلة يتبعها كثيرون على النت ويوهمون القراء بحالة فيهم وهي غير موجودة . وهنا لن اقول ربما لأنها موجودة على النت .

ربماااااااااااااااااااااا ااااااااااااااااااا أنا غلطان .
انصح كارن بلقاء أب روحي تثق به وتناقش معه مشاعرها وحالتها التي
(تشكو منها ) .

كارن ابنتي ، انا احاول اثارتك ودفعكِ للإسراع بمقابله ابوك الروحي . وعندها اخبرينا نتيجة التحاليل الروحية .

وكم من اوهام وامور تعترضنا في الحياة ونعتبرها مصيرية واساسية وهي بالواقع تافهة ونحن من نضخمها ونجعل منها شيئاً .
كم من متخرجين لم يعملوا بما تخصصوا به وظنوا به مستقبلهم. ولكنهم نجحوا في مجالٍ آخر لم يدرسوه ولم يفكروا به في بداياتهم.

وكم من روميو وجوليات ( قبل الزواج) لجؤوا للطلاق لأنهم اكتشفوا انهم كانو متسرعين في قرارهم فلا من حب ولا من يحزنون لأنه لم يكن عندهم مرشد.

فليس بالضرورة ان كل ما اظنه انا في نفسي انه عيب ان يكون بالحقيقة هو عيب .
من الضروري ان يكون لكل منا مرشد نرجع اليه ونستشيره في امورنا المقلقة والمهمة وحتى التي لا نعتقدها مهمة.

{ انا تعمدت القسوة في مشاركتي هذه لكي تتحداني كارن وتقابل ابيها الروحي لتجد انها ليست بالعمق كما تظن هي . )

[لما]

اخي الغالي مكسيموس ...
شوووووووووووووووووووووو هالحلا

من الضروري ان يكون لكل منا مرشد نرجع اليه ونستشيره في امورنا المقلقة والمهمة وحتى التي لا نعتقدها مهمة.

ابونا الغالي بطرس ...شكراً لردك والذي اعتبره ليس موجه لكارين فقط انما لكل شخص ينظر الى نفسه من منظاره والذي يعتمد على فهمه
كلامك ابونا اعاد ذاكرتي الى بداية حياتي الروحية
شكرا لمحبتك :sm-otl-18: :sm-otl-18::sm-otl-18:



اختي الطيبة والمحبة كارين
الطيبة ليست ضعف والخجل ليس عيب والقوة والحق ليست شر......لكل منها وقته
عندما نستخدم الطيبة في غير وقتها وعندما نجاهر بالحقيقية في غير مكانها وامام من لا يريدها فإن النتائج ستكون معكوسة وغير ما نشتهي... وان لم نكن متسلحين بالايمان والقوة فإننا سنيأس و نتراجع ..


كارين: اعرفك وافهمك والمرات القليلة التي رايتك فيها بدى لي كم انت انسانة طيبة وتلقائية وواضحة ولكن خبرتك في الحياة قليلة وبحاجة الى متابعة مستمرة ودائمة من ابيك الروحي

خذي بنصيحة ابونا بطرس وافهمي ما بين السطور فهو كأب وراعي خبير بهذا الامور ويريد مصلحتك وسلامك في النهاية .

[Fr. Boutros Elzein]

انا اعرفك ابنتي المباركة لما

ولكني لا اعرف المباركة كارن

غايتي كانت ان اجعلها ترد وتقول لا أو نعم أو اي شيء . عما ذكرته أنا في المشاركة عن الاحتمالات التي ارفقتها بالعديد من كلمة ( ربما ) لأعني انها ليست اتهامات .
اردتها صدمة كهربائية توقظ القلب المتوقف عن الحركة . وليس صدمة توقف قلباً ينبض.

اردت ان تقول ما نوع المشكلة في حياتها لكي نساعد في تقديم النصح المطلوب وان لا يكون الكلام والردود نوع من ابداء رأي ونصائح لحالة مفترضة ولا نعلم حقيقتها .

وانا كنت افضِّل ان يكون هذا السؤال منها عن حالة خجلها . بعد ان تشعب لهذه الدرجة . كان من الأفضل ان ينقل الى معالجته مع الآباء الأجلاء في القسم الخاص بهم .

انا اردت من كلامي ان يحدث صدمة ولكن ايجابية تدفع ابنتنا كارن الى قول السر الكامن من وراء هذا الشعور الذي قالت عنه . لان مامن خلل إلا ووراؤه مسبب

ولا اقصد التجريح لا سمح الله . كما فهم بعضكم وكما بدى مستتراً خلف ردك هذا

ليبارككي الرب ابنتي لما

واصلي لكم وخاصة للعزيزة كارن .

وانا قدمت نفسي لاساعدها من قبل ورفع الموضوع عن النقاش العام . ولكن احترم قرارها . واسحب عرضي كي لا احرج احداً .

[karen]

اردتها صدمة كهربائية توقظ القلب المتوقف عن الحركة . وليس صدمة توقف قلباً ينبض.

لما قريت الرد لاول مرة صدقا انصدمت بوقتا وخاصة هي العبارة يلي حسيت قلبي توقف لحظة

وربما كل كلامك يا كارن هو دلع بنات . ربما وربما تريدين جذب عطف الآخرين اليكِ . وهذه وسيلة يتبعها كثيرون على النت ويوهمون القراء بحالة فيهم وهي غير موجودة . وهنا لن اقول ربما لأنها موجودة على النت

اما انو اجذب عطف الاخرين مستحيلة
ماني مضطرة كون بالواقع شي وبالنت شي تاني
ا

ردت ان تقول ما نوع المشكلة في حياتها لكي نساعد في تقديم النصح المطلوب وان لا يكون الكلام والردود نوع من ابداء رأي ونصائح لحالة مفترضة ولا نعلم حقيقتها .

هدون هن الحالتين تماما بس اول حالة مابحب احكي فيها بس تاني حالة اي
وانا اظن ان اللإبنة المباركة كارن قد يكون خجلها بسبب مشكلة عاطفية ربما هي صغيرة السن ومغرومة بمن لا يمكن ان يجمعها به زواج لأكثر من سبب . ربما .
او انها تمر في مرحلة مواجهة مع العالم وتكوين شخصيتها الخاصة ومترددة في اثيات نفسها . وهذا ممكن