الأخ الحبيب رافي على كرسي الاعتراف

[رافي]

هلا أخت شيم،
هل ترى بأن المواقع التي كهذا الموقع ومنتدياتها لها دور بشاري فعلياً؟ وهل تنفع في تنشيط الحياة الروحية للأشخاص الذين يدخلونها إذا مروا بحالة فتور روحي أم لا؟


أكيد هي المواقع متل هيدي نوع من أنواع البشارة المهمة، بصراحة لما جيت عالإمارات كان النت فاضي من المواقع المسيحية المتميزة، كنت فوت على غوغل وأعمل بحث (المواقع الأرثوذكسية) وكان يطلع معي كم موقع، بس هلئ الوضع اختلف شوي وصار في عجقة مواقع إن صح التعبير، المهم يكون كلها نافعة وعليها(كونترول) بقصد المنتديات، وبرأي أنها مفيدة من ناحية الثقافة والمعرفة الروحية بس بتبقى سلاح ذو حدين إذا صارت نوع من الإدمان وتكون بالتالي هيي هدف أو تاخد الوقت الأطول من حياة الشخص الروحية، تبقى هي نوع من أنواع المطالعة ليس إلا، أما من ناحية الفتور الروحي بأكيد لا شيء يغني عن الصلاة.

منجي على شوية أسئلة شخصية:

أنت شو دارس؟ وشو بتشتغل بالغربة؟

أنا درست في كلية الإقتصاد بجامعة تشرين وتخرجت باختصاص محاسبة، سافرت على أبوظبي ب 2007 واشتغلت بشركة مقاولات محاسب، وحالياً أنا بنفس الشركة (مدير حسابات)

واضح انك متعلق كتير بالبلد هون بس عندي سؤال إذا صارتلك فرصة لتضل محل ما انت أو بأي مكان تاني خارج بلدك عطول وبأوضاع أحسن من هون بتبقى هونيك او بترجع لهون؟


الحقيقة أنا مش متعلق بالبلد قد ماني متعلق بالمستقبل يلي بحب أني عيشو، يعني طريقة الحياة يلي بحب كون عايشها وهيدا الشي ما بيتحقق إلا بالبلد، فأنا هون مشكلتي، باختصار موضوع الوطن بالنسبة إلي هو الكنيسة والعائلة، وهيدا الشي ما بيتحقق بالنسبة إلي غير بوطني الأم يعني سوريا.
بالنسبة لتوقيت العودة نهائياً فهو يرتبط بكم شغلة وعم حاول قدر الإمكان تتحقق هيدي الأمور بالسرعة اللازمة وبس تكون الأمور جاهزة للرجعة فما في أي عرض مادي ممكن يخليني ضل بعيد.

من هو الشخص الذي لا ترفض له طلباً؟ ولماذا؟
لا يوجد مثل هذا الشخص في حياتي، ليس هناك أمر مطلق في هذا المجال، أحترم الجميع ولكن أحترم أكثر اختياراتي، دبلوماسي جداً، لكن لا أحب أن أفعل شيء إذا لم أكن مقتنعاً به، طبعاً لكل قاعدة استثناء، والإستثناء إلى حد معقول عندي هو للصبية التي أحب. بدون ذكر الأسباب
شكراً لأسئلتك الخفيفة أخت شيم وبكرر إعجابي باسمك..وإنشالله نتعرف قريباً
صلواتك