هؤلاء ليسو مسيحيين وحرام ان نطلق عليهم اسم كنيسة

معلش يا ريت نكون منطقيين أكتر من كدا ..... الناس دول فى نظر نفسهم مسيحيين .... و فى نظر ناس كتير لا يعلموا الكثير عن المسيحية مسيحيين بردو ..... هما بيفسروا الكتاب المقدس حسب هواهم ....ماشى هما أحرار ....

لكن انا بعتقد ان للكنائس التقليدية سواء الأرثوذكسية أو الكاثوليكية المحافظة دور كبير .... أولا" فى محاولة إصلاح فكرهم المنحرف (و لو أن الموضوع صعب جدا ....بس المحاولة واجبة) ..... ثانيا" رفض جماعى و مشدد من خلال كل القنوات الإعلامية المتاحة للنوعية المنحرفة دى من الفكر و التشديد على تعاليم الكتاب المقدس التى ترفضه .... على الأقل العالم الذى يجهل المسيحية يعرف ان الناس دى منحرفة دينيا" و فكريا" و الكنائس التقليدية لا تعترف بهم كمسيحيين .... لكن الصمت أو الشجب من خلال بيان و يتنسى مع الوقت مش هيكون له أى تأثير أو فايدة .... انا مش عارفة بجد البطاركة و المطارنة اللى لهم إسماء رنانة فى الكنائس التقليدية بيعملوا ايه فى مواجهة الإنحرافات دى سواء على المستوى المحلى أو العالمى .

مع إحترامى لهم و تقديرى ساعات أشعر انهم بيهتموا بجمال ملابسهم أكتر من إهتمامهم بمواجهة الإنحرافات دى ..... الغيورين على الكنيسة قليلين و متفرقين .... و عشان كدا مش عارفين يواجهوا الهموم دى وحدهم .

ربنا يرحمنا