سؤال موجه إلى كل أخوة المنتدى

بسم الأب و الإبن و الروح القدس الإله الواحد أمين

بصراحة أنا عندي سؤال موجه مو بس لأخوة المنتدى بل لكل إنسان مسيحي

و لا أقصد منه الفلسفة و المنطق بل أريد الإجابة بكل بساطة و سلاسة

و السؤال هو كالتالي:

هل برأيك الله يعرف كل شيء سيحصل في حياتك و مسؤول عن كل أحداث حياتك؟و لماذا

يعني هل تؤمن أن الله مسؤول عن النجاح و الفشل ,الغنى و الفقر , الموت و الحياة

و أمور كثيرة من واقع الحياة...................

أم برأيك الإنسان هو من يصنع قدره و حياته بشكل مستقل عن تدخل الله و أن الله يساعد و يدبر بحكمته الأمور التي تنظم هذه الحياة بمعزل عن الهيمنة على إرادة الإنسان؟؟؟؟؟؟؟؟؟؟

لأنني بصراحة إنصدمت عندما سألت أخوتي في مدارس الأحد الأرثوذكسية , لأن كل واحد عنده جواب بيحط العقل بالكف

المهم أريد بعد النقاش الطويل أنا نتوصل إلى نتيجة نقتنع بها جميعنا قناعة جدية

و أرجو من جميع الأخوة أعضاء و زوار, مشرفين و مشاركين ..... أن يضعو و لو إجابة بسيطة

إذكروني في صلاواتكم أخوكم بالمسيح الياس

سؤال مهم اخ ألوس :
انا مع الراي التاني الي بقول انو الله لا يتدخل بشكل انه يتدخل بشكل مهيمن على حياة الانسان فالانسان يصنع نجاحه وفشله بيديه مثلا عندما اطلب من الله ان يساعدني في فحص الكلية فاني ان لم ادرس بشكل جيد فلا ينزل الله عليي ويعطيني الاجوبة ويذهب لا بل انه يبارك ما ادرسه ...
بمعنى آخر اقول كما يقول القديس غريغوريوس اللاهوتي اننا لا نستطيع ان نعرف كيف يتصرف الله بل ان كل اموره تبدو غامضة أمامنا لذلك ما علينا ان نفكر كثيرا كيف يتدخل الله ...بل هو يتدخل بحيث يحفظ كرامة الانسان وحريته بمعنى آخر يحفظ له انسانيته اما باقي الامور فالله وحده يعلم كيف يتدخل ...

شكرا كتير أخ طارق

و بتمنى المشاركة من باقي الأخوة

و شكرا

الله اعطى للانسان قواعد ايمانيه محدده ليسير عليها فى حياته .....فالله ليس ديكتاتورا ليتدخل فى حياه الانسان ولكن هذا لايجرد الله من حق سلطانه علينا فاالله يختار الوقت المناسب للاعلان عن ذاته بحيث لايصبح ديكتاتورا وفى الوقت ذاته لايهمل الانسان .
يكفينا ماقراناه فى قصه ادم وحواء ...فهو اعطاهم الامر وترك لهم حريه الاختيار عن شرط تحمل العواقب وانتائج ليكون الله حقا امين وعادل .
وخلاصه كلامى ان الله يحدد للانسان مايليق به ومالايليق

سلام الرب للجميع
بالفعل موضوع جدير بالطرح، أنا بحب قول أنو بالتأكيد ربنا بيعرف مسبقا مخطط حياة الانسان و الأحداث يلي رح تصير معه ولكنه و بنفس الوقت منح الانسان الحرية والعقل يعني الارادة مشان يختار مسار حياتو مشان هيك ربنا بيحترم حتى النهاية قرارالانسان و هو رغم قدرته الالهية اللامتناهية ما فيه يدخل حياة ( قلب) انسان اذا لم يفتح الانسان باب قلبه للرب...
هناك نقطة أخرى و هي الامور السيئة يلي بتحصل بحياة الانسان متل الحوادث و الأمراض و الكوارث فهي كتير من الاحيان بتعمل عنا تساؤلات ، ما دام الرب يعرف بوقوع هذه الأمور لما لا يتدخل ويمنع حصولها ؟؟؟
أنا شخصيا لا أستطيع إيجاد تفسير لهذا التساؤل غير بسبب ضآلة الحكمة البشرية مقارنة بالحكمة الإلهية التي في غالب الأحيان نعجز عن تفسيرها و لكن علينا تقبلها بايمان و شكر...
بتمنى من الأخوة يقدموا آرائهم كمان
بعتقد أنو هالمقالة كمان بتقدم إجابات عن الأمور المطروحة
http://www.pointsonletters.org/Year2/Issue2-52.htm
مرة تانية سلام الرب معكن

شكرا كتير كتير أخ Beshara

بس بصراحة في كم نقطة ما إقتنعت فيهم زيادة

ما بعرف بس هادا رأيي

و مرة تانية شكرا كتير

مرحبا
يمكن أكون ما أجبت عن كل التساؤلات يلي عندك أو يمكن أنا أثرت تساؤلات اكتتر مما قدمت إجابات ، بس أنا واثق أنو كتابات آباء كنيستنا و فكر الكنيسة رح يجيب عن تساؤلاتك تماما مشان هيك وضعت الرابط ل مقال أبونا توما بيطار يلي يمكن يقدم إجابة أكثر " احترافية" بهالموضوع وو هي دعوة لكل الأخوة ل يزودونا ب كتابات الآباء أو ما يعرفونه مما يقدمه الكتاب المقدس حول هالموضوع....

بالنسبة للاحداث التي تصيب الانسان فهي احداث طبيعة وليست احداث قام بها الله لتدبير حياتنا يعني عندما يصاب شخص ما بحادث فهذا لايعني ان الله دبر له هذا الحادث لكي يتوب مثلا لانه لماذا لايدبر لكل اوحد منا حادث مثلا او لماذا نجد اشرارا لم يصابوا بمكروه ما ..ألعل الله لا يريد خلاصهم ؟
ليس الامر هكذا بل اقول ان الله استغل الحادث ليخلص الانسان بمعنى لم يدبره لكن استغله وهو يعمل ويستغل كل شيء لصالح الانسان ...هذا رايي

مع محبتي

هلأ بيجوز كون متأخر بس حبيت شارك

أنا بشوف أنو الله بيعرف شو بدو يصير وشو كان عم يصير والسبب أنو الله خارج الزمن أو بالأحرى فوق الزمن لهيك هوي كل شي قدامو

بس نحنا اللي منقرِّر شو بدنا نعمل بحياتنا وهي أهم صفة عطانا ياهها الرب وهيي الحرية لأنو بدونها منكون متل باقي المخلوقات

لكن الإنسان متميز كونه مخلوق على صورة الله لذا يجب أن يمتلك الحرية "ها أنذا واقفٌ على الباب أقرع، من يفتح لي أدخل وأتعشى معه" فالأمر مُتعلق بقرارنا الشخصي حتى في قبول الرب يسوع كيف بالأحرى الأمور الدنيوية الأكثر تفاهةً

عفكرة بشكرك كتير أخ أبو الياس عالمرور و المشاركة و بشكر كل الأخوة اللي شاركو و أعطو أراأهم الحلوة و اللي بحترمها كتير

بس الفكرة أنو كلنا عم نتناقض مع أنفسنا

شلون الله بيعرف شو بدو يصير قبل أنا ما قرر

أنا برأيي هادا يعتبر إنتقاص لحرية الإنسان

أنا بوجهة نظري أنو الله يعرف خفايا القلوب والعقول و لكن أن يقرر ما أفعله و ما لا أفعله قبل أن أقرر أنا حتى,فهذا إنتقاص لحريتي الشخصية

كلكم عم تقولو أنو الله بيعرف شو بدو يصير بس بيترك حرية الإختيار للبشر , كيف صارت هي بقا؟؟؟؟؟؟؟؟؟؟؟؟؟؟؟؟؟؟؟؟؟؟ ؟

إذا وافقتكم بالرأي بستنتج أنو يومياتي مكتوبة قبل ما عيشها حتى ؟؟؟؟؟ وين بقيت حريتي؟؟؟

أنا بإنتظار مشاركاتكم و أراأكم القيمة و شكراً

أخ ألوس يبدو أنك تخلط ما بين معرفة الله للأمور وبين تقريرها ...

فالله كلي القدرة وهو يعرف الماضي والحاضر والمستقبل لكن لا يقرر شيئا له علاقة باختيارك أنت ..

بمعنى معرفة الله لا تسيرك وإنما أنت تسيّر معرفة الله ......

السلام للجميع

السؤال منطقي والموضوع مهم

الشكر لكل اللي ابدوا رايهم وحابة انا احكي لو ما في مانع

بالتأكيد يجب الفصل بن معرفة الله للأمور كونه الإله الذي لا حدود له وكونه يعرف كل شيء .. وبين التدخل في حياة الانسان



اذا طلب الانسان من الله أن يقوده وأن يكون ربان سفينة الحياة فالله سيقوده ويغيره لكن هذا كله بطلب وارادة من الانسان نفسه ..

حتى عندما كان يشفي كان السيد المسيح يقول ( أتريد أن تشفى ؟ )

الله يعرض ( ولا يفرض ) والانسان يقبل أو يرفض لكن الاله القادر والقدير على كل شيء يعرف كل شخص تماما كما يعرف الراعي الخراف .. فهو يدرك طبيعتنا وكل شيء فينا ومن هنا فانه وبحكمته اللامتناهية يدرك كيف نفكر وماذا سنقرر .. وبكل الاحوال هذه الامور تفوق ادراكنا البشري ...

أتمنى أن أكون قد وضحت فكرتي ...

أولا أنا بشكر كتير كل الإخوة الحلوين اللي ساهمو بمشاركاتهم القيمة

و تانيا .......... شو بدي قول ,حاسس حالي أمام عدة حلول

1-أنا مخي سميك و فهمي قليل

2-الموضوع صعب و مو خرج النقاش

3-أنا ما عرفت عبر عن سؤالي صح

طيب لو إعتمدنا الحالة التالتة:

خلينا نشبه الحياة بنبع مياه

و بهالحالة بيكون الله "جل جلاله" يشبه الفلاح

يعني إذا عمل الفلاح ساقية مياه من هالنبع

أكيد أكيد رح يعرف المياه لوين رح توصل و شو الطريق اللي حتمشي فيه و كيف

إذا أخدنا الأراء السابقة"مشاركاتكم الطيبة" و أسقطناها عالقصة رح نستنتج

أنو الفلاح يعرف لوين رح توصل المياه بس بدون ما يتدخل بجريانها؟؟؟؟؟

شو الفائدة؟؟؟؟ بيعرف و لا ما بيعرف المهم المياه رح توصل لنفس الهدف إذا عرف الفلاح و لا ما عرف!!! يعني القصة محسومة

بتمنى كون وضحت مشكلة الإستيعاب و قلة الفهم يلي عندي !!!

يقول بولس الرسول
إن الذي يزرعه الإنسان إياه يحصد
حرية الإنسان لا شك فيها و هو غير مسير و إذا كان الإنسان مسير فكيف يحاسبنا الله و هو يسيرنا؟؟؟؟؟
الإنسان حر و لو وصل بحريته إلى جهنم
الله بالتأكيد يتدخل في حياة الإنسان و لكن بملء حريتنا ...نحن نقبل أو لا ....الله لا يجبرنا على ما لا نريد
الله لايقرر عنا ...نحن مسؤولون عن قراراتنا و عن حياتنا
نحن مسؤولون إذا أردناه أن يتدخل أو لا
هو قال أنا واقف على الباب اقرع ......و الذي يريد يفتح...هو لا يقتحم عنوة
أما كيف يعرف قبلاً ماذا نقرر نحن؟؟؟؟؟؟
أحد الآباء شبهها لنا بلعبة البولينغ
عندما ترمي الكرة أنت تراها كيف تتحرك و تستطيع و هي تتحرك في مجراها أن ترى ماذا تصيب و تخمن مسارها
بعدين في شي بالنسبة لله انو نحنا لا نستطيع إدراك احكامه و إلا لما كان الله
مو كل شي مع الله يفهم بالعقل
لا بد من التسليم الذي يتطلب الإيمان
نقطة ثانية الله لا يجرب بالشرور و لكنه يسمح بالتجربة
و يريد كل خير لخلاص الإنسان

سلام المسيح...
الله بيعرف كلشي...
طيب..اذا مافينا نحكي بالطلق خلينا نحكي بشكل فردي...يعني..شو هي الحادثة اللي الله اتدخل فيها بحياتنا وتحكم بحرياتنا الشخصية...؟؟؟؟في شي مثل معين؟؟؟
طيب ع فرض أن الله أبونا..وبتعرف الأب بيحب يتدخ بحياة أبناؤه للي بيشوفو كويس بحياتهم..في آباء بيتحكمو بمصير أبنائهم..ولكني كلي ثقة بأن الله لا يتحكم أبدا" بمصائرنا ولا يريد أن يتدخل بدون ارادتنا..لو أردناه سيتدخل ويغير الشر في حياتنا الى خير..أما اذا لم نطلب فلن يتدخل..أي نحن دائما" في قراراتنا عند مفترق طرق..يمين أو يسار؟؟؟
اذا كان اليمين هو خيارك فالله سيعرف ماذا سيحصل..واذا كان اليسار خيارك..فهو يعرف ايضا"..ولكنه قدس حريتك وخلقك على صورته..فأنت مهم بالنسبة له..وقد أعطاك سلطة وحرية في المكان الذي ترغب بالوصول اليه..
انه الأب الذي يعرف دائما" كيف يفيد أبناءه وكيف يتدخل دائما" عندما يطلبونه...

سؤالك حلو اخي اللوس..وكلنا سألنا نفس السؤال بفترة من فترات حياتنا..بس اذا بدك تتعرف أكتر ع الله..وحكمته الكبيرة..اطلب منه...وهو بيعطيك..ع قد مابتقدر تفهم رح يعطيك..
بس لا تنسى أنو الله مابيسكن الا بالأماكن الطيبة والنظيفة..لذللك اذا بدنا نطلبو..لازم نهيئلو مكان مناسب بقلوبنا..

آسف عالأطالة...

بشكر كتير كتير الأخوة الأعزاء اللي ساهمو بأراأهم القيمة

و أنا توصلت لحل بسيط

و هو أنو صار لازم لاقي أب روحي يفهمني و إرتاح معه و يكون مثقف بالأمور العقائدية

بشكركن كتير و بعتذر على إزعاجي لكم بقلة إستيعابي و فهمي

أخوكم بالمسيح الياس

ابونا جوزيف عبدالله من دير الحرف

هو اب روحي متواضع وروحاني

جميل جدا وجود أبونا الياس معنا بهالحوار و بتمنى أبونا إذا في عندو أي كتابات أو أقوال حول هالموضوع يزودنا فيها
لأنو كلنا بحاجة لاشباع استفساراتنا حول هالموضوع و خصوصا ألوس يلي بعتقد انو رح يبقى هالسؤال شاغلو لحد ما يلاقي اجابة مقنعة 100% .
سلام الرب للجميع

أحلى ما في الموضوع هو توصل ألوس أنو لازم يكون عنده أب روحي ومشاركة أبو رفيق معنا بعد غيبة طويلة منتمنى ما تتكرر

صلواتك أخي أبو رفيق

عفكرة شكرا كتير كتير أخي ألكسي........ نورت الموضوع

يعني مشاركتك بهالموضوع غالية كتير......

و بالمناسبة أبونا الياس الغالي أنا بعرفه معرفة قوية لأبونا جوزيف

و إذا بتعرف أنو تجاوز عدد أبناؤه الروحيين الألف "مو مزح"

و هو أب روحي رائع جدا

بس أنا بصراحة بعرف أب روحي قريب مني و بيكون إبنه الروحي لأبونا جوزيف

فتفرج يا رعاك الله.....

سؤال رائع جدا يا أخ الياس وأتمنى اني اعرف اجاوب على جزء منه بالنسبه للتشبيه بنبع المياه لو تقصد بيه الظروف اللي اتوجدنا فيها زي عيلتنا وشكلنا وحتى صحتنا انا سمعت مقوله رائعه عن الامر دا وهي أن ظروف كل شخص فينا هي أحسن ظروف علشان توصله للملكوت ............ حتى لو كانت في نظر الناس سيئه زي الاعاقه مثلا ودي أمور احنا منقدرش نغيرها محدش يقدر يغير عيلته بس ممكن يكون سبب بركه ليهم وسبب انهم يعرفوا الخلاص اما بالنسبه لحياتنا احنا فأنا معتقده اني حره 100 % واني صاحبه القرار في حياتي حتى لو سألت ربنا على أمر وربنا قالي رأيه بكل وضوح انا حره اني أسمع لرأيه وحره اني ارفض نصيحته ومشورته لكن معرفه الرب بمستقبلي نتيجه لان الله كلي المعرفه وان الرب مينفعش نقارن عقله وقدراته بعقلنا او قدرتنا " علت طرقي عن طرقكم وأفكاري عن أفكاركم " كمان افتكرت قصه المعلم ابراهيم الجوهري وهي انه ابنه اتنقل للسما قبل فرحه بأيام فالمعلم ابراهيم زعل جدا وكان بيعاتب على ربنا انه ليه ربنا عمل كدافالرب بعت ليه القديس العظيم الانبا انطونيوس وقاله انه مقاصد الله لا يعلمها غير الله وانه سمح بانتقال ابنه لحفظ سيرته سيره عطره للأجيال الجديدهربنا لما بتدخل في حياتنا بيتدخل للخير ديما حتى لو كان الامر بالنسبه لينا انه شر اتمنى اكون عرفت اوصل وجهة نظري واسفه على الاطاله

شكرا كتير إختي الغالية فيرينا

بس بمعونة الرب , الفكرة بلشت توضح عندي

و انا أساسا لازم يكون عندي أب روحي و هو بيساعدني بحياتي الروحية

شكرا على طرحك الجميل

الله يعرف بالامور التي سوف تحدث لكنه غير مسؤول عن حدوثها

يعني حرامي دخل على بيت وسرقه
الله يعرف بامر السرقة من قبل وقوعها
لكنه لم يرغم الشاب على السرقة
بل هو اختار ان يسرق

التفسير المنطقي لمعرفة الله بما حدث قبل وقوعه
هو ان الانسان يعرف زمانان
الاول هو الماضي
والثاني هو الحاضر
اي انه يستطيع ان يعرف ما حصل من خمسة اعوام
ويستطيع ان يعرف ما حدث قبل خمسة ايام

اما الله فهو يعرف ما حدث وما يحدث وما سوف يحدث
قان الزمن الذي نعيشه
منتهي لدى الله

يمكنني تشبيهه الحياة بفلم فيديوا
الله حضره سابقا
اما البشر فيحضرونه الآن ليس لهم القدرة على معرفة ما سوف يحدث بعد قليل
اما الله فهو عارف لانه انهى هذه الحياة

شكرا لك واتمنى ان تكون وصلة الفكرة

اقتباس:

---

المشاركة الأصلية كتبت بواسطة thelife.pro

يمكنني تشبيهه الحياة بفلم فيديوا

---

طيب يا أخي الغالي...

بما أنك اردت تشبيه الحياة بفيلم فيديو....

فأنا بتوقع نكون نحنا الممثلين.... مظبوط...

و الممثلين بيقرو النص تبعهم و بيمثلو متل ما بدو المخرج " وهون المخرج هو الله"

يعني رجعنا لنفس النقطة....

نحنا لا نملك حريتنا....

و إنما نمشي وفق سيناريو مكتوب مسبقا و باقي التنفيذ علينا...

طبعا مو هادا رأيي و إنما هيك فهمت من كتابتك.


صلواتك

نحن المشاهدين
لكننا نراها لاول مرة


اما الله عالم ما سوف يحدث

يا أخ ألوس اسمع هذه القصة:
في مرة توفى شاب صغير في السن لامرأة في روسيا بعد عدة ايام توفى ابنها الثاني. حردت المأة و زعلت من الكنيسة و من الله و لم تعد ذتهب الى الكنيسة. كان الأسقف في المدينة قديسا. ذهب الى بيت المرأة و قرع الباب. فتحت له و عندما راته اغلقته. و بقوة الله فتح الباب امامه و دخل. بعد ان دخل بدات المراة تكيل له الشتائم و السباب و تكفر بكل شيء. انتظر القديس حتى انتهت المرأة ثم تقدم من صوتي ابنيها و صلى امامهما. و اذ بجسد الصبيين يخرجان من الصورتين و يطلقان النار على بعضهما البعض. اتضح ان الشابان كانا يحبان نفس المرأة و قد عزما على قتل بعضهما. هكذا و لأن الرب محبة و يحب الشابيين أخذ روحهما قبل ان يقتلا بعضهما و لا تجد امهما تعزية فيما بعد.
قصة اخرى انه كان هناك كاهن في احدى القرى لا يؤمن الا بالقضاء و القدر و ان كل شيء يحدث من الله. في مرة من المرات كان عليه ان يخدم في كنيسة اخرى, على ان يقوم كاهن الكنيسة الأخرى بالخدمة في كنيسة الكاهن الول. و عندما كان الكاهن الول منطلقا الى الكنيسة الثانية التقى بالكاهن القاني و قال له: ان تبادلنا للخدم اليوم هو بتدبير من الله(يقصد انه شيء مكتوب) فما كان من الكاهن الثاني الذي لا يؤمن الا بحرية الانسان و ان الله يحترم هذه الحرية، ما كان منه الا ان قال: اذا كان الأمر كذلك فسأرجع الى كنيستي و هذا ما حصل.
قصتان تجيبان عن كيفية تدخل الله في حياتنا. هو يتدخل اذا كنا نحتاجه و طلبناه. هو يحترمنا. لا شيء مكتوب. انما هو يعرف كل شيء لأنه خارج الزمان و المكان, و لكن بيدنا نحن ان نغير حياتنا لأن هذا لم يكتب بعد. بمعنى آخر الله يرى كل شيء. هو يعرف مسبقا بما سيحصل دون ان يكون مكتوبا. هو لا يتجاوز حريتك. كيف يتلاقى هذان الأمران؟ موضوع صعب و لكن تحتاج لفهمه لتعلم ان الله لا يتدخل في التوافه في حياة الانسان.
لنفرض انك تريد العمل في مجال معين. الله لن يختار لك شيء. الذي سيحدث ان الفشل اذا كان حتمي الله سيعلم به و ذلك بناء على معطيات موجودة. تماما كما يمكن ان ندخل الى الكمبيوتر معلومات فيعطينا تصورات و لكن الله يعلم اليقين. دون ان يعني ذلك أن الله يتدخل(طبعا فقط اذا طلبناه ليساعدنا و فتحنا له)

شكرا أخي ciciorthodoxi ...

مشاركتك رائعة جدا و وجهة نظرك مقنعة بالفعل...

ربنا يقويك و تأكد تماما أنني أؤيد هذه النظرة إلى الحرية " قصدي مشاركتك"

صلواتك

يُجمع الآباء القديسون على أن الله يعرف المستقبلات. كما وتُعلّمنا الكتب الروحية أن الله خلق الإنسان وله ملء الحرية في تصرفاته. فقد خلق الإنسان على صورته كمثاله. فالإنسان طبعاً مُخيَّر. واحتراماً لحرية الإنسان زرع الله شجرة معرفة الخير والشر، فله الحرية أن يعرف الخير والشر.

الـله يعرف المستقبلات ولكن ليس هو من يُحدّدها. لأنه يعرف كل أحد منا وهو في بطن أمه. فإذا رسبت لأني لم أدرس، فأنا المسؤول عن فشلي وليس الله.

أعتقد أن تدخل الله في حياتنا هو على قدر ما نطلبه نحن، كما عندما نقول: لتكن يا رب رحمتك علينا كمثل اتّكالنا عليك. فنحن هنا نطلب رحمة الله في حياتنا.

والرب واضح في هذا الصدد، إذ يقول: هاءنذا واقفٌ على الباب وأقرع، إن سمع أحدٌ صوتي وفتح الباب أدخل إليه وأتعشّى معه وهو معي (رؤ3: 20).

وأيضاً نقول في الصلاة الربية: لتكن مشيئتك.

أعتقد أنه على قدر ما نحن متكلين على مشيئة الرب، ونطلب تدبيره في حياتنا يتدخّل هو.

إلا أن القديس يوحنا الدمشقي يذكر نوعاً آخر من عمل الرب. إذ يذكر العناية الإلهية, حيث أن الرب قد يتدخّل ليردّ إنساناً ما عن طريق ضلاله أو خطأه.

وبالنسبة للحياة والموت، فالله طبعاً هو من يعطينا نسمة الحياة.

الله اعطى للانسان قواعد ايمانيه محدده ليسير عليها فى حياته والرب خلقنا على صورته وعلينا ان نحافظ على هذه الصورة

واكيد الرب بيعرف كلشي عم يصير بحياتنا عطانا الحياة لنحنا نعرف نتصرف فيها ونستطيع التمييز من خلالها بين الخير والشر

هيدا برأي

بدي أسألكم عم نزل مواضيع بالمنتدى ماعم تنزل ليش

اختي باتريسيا ضعي تساؤلك بقسم الشكاوى مشان حدا من الأخوة يقدر يساعدك

ياريت الكل يستفاد متلك يااخ الياس ويهتمو بحياتهم الروحيه مع اب روحي ........اما بالنسبه للسؤال فااليكم هناك حديث بعنوان (لان الله معنا )بقلم الاب نقولا مالك موجود على موقع المحبه الاورثوذوكسي .لااعلم اذا كان موجود على هذا الموقع .وهو حديث جميل جدا وممكن ان يساعد في جواب الاخ الياس بصلوات ابونا نقولا مالك .......صلواتكم