خلافاتنا مع الكنيسة الكاثوليكية !! (دراسة عميقة)

[شربل إندراوس]

أولاً مش بالضروري حدا يصدقني المهم انو انا أصدق حالي... وصراحة انا ما بهتم لرأي الناس انا عندي إله واحد... أما بالنسبة للعقائد فانا بطلت احب هذا الجدال ليس إلا... بس مع هيك بحب ألفت انو حكي جوانا مظبوت بالنسبة ليوحنا ذهبي الفم وانا قريت هذا الشي بموقع الأقباط الأورثودوكس فبراي القديس يوحنا هو عمل هيك خصوصي عشان يتعلموا اتباعو فهو شاف إنو إدا هو سكت وهو كان عارف إنو بولس راح يحكي فإذا سكت المعلم بسكتوا التلاميذ وبولس كان موجه حكيو لتلاميذ بطرس وهذا كان تواضع كبير من بطرس... أما إذا بدك تتأكد فإنت بمتناولك كتب اما انا لأ... وأنا مش راح ارجع للنقاش ومنشان أريحك إعتبرني خسرت مش أكثر ..... وأنا قلتا بكفيني إنو الكنيسة الكاثوليكية غير منحصرة على منطقة ببشروا يأفريقيا ببعثوا حركات لهون عملو طقس صيني عملوا طقس عبري للمسيحيين المتكلمين باللغة العبرية... بتمنى تتقبلوا عدم نقاشي بالعقائد... مع محبتي وشكراً....

[Maximos]

أما بالنسبة للعقائد فانا بطلت احب هذا الجدال ليس إلا.

بيكون جدال و مانو نقاش لما بيكون هدفك من الحوار شي تاني غير الحقيقة ..

انتا مشان شو شاركت ؟؟؟ مشان تبحث عن الحقيقة ؟؟ أو إنو بس بدك تقول إنو الكثلكة صح .. سوا كانت فعلاً على حق بهالنقطة أم لأ ؟؟؟

إذا الحقيقة .. عم نتناقش لنوصل إلها ..
أما الاحتمال التاني .. بيعني فقط التعصب للكثلكة .. و أنا ما بتمنالك تكون هيك .. لأنو : " ينبغي أن يُطاع اللـه أكثر من الناس " ( أعمال 5 : 29 )

و اللـه = الرب = المسيح = " الطريق و الحق و الحياة " ( يوحنا 14 : 6 )

أما بالنسبة للعقائد

أما بالنسبة للعقائد حبيبنا يا ريت تقرا المشاركة 17 اللي كتبها حبيبنا طاناسي بهالموضوع : هل الكنيسة منقسمة ؟

وأنا قلتا بكفيني إنو الكنيسة الكاثوليكية غير منحصرة على منطقة ببشروا يأفريقيا ببعثوا حركات لهون عملو طقس صيني عملوا طقس عبري للمسيحيين المتكلمين باللغة العبرية...

إذا كان هادا هوّي الأساس اللي ماشي عليه لازم تصير بروتستانتي .. لأنو اللي عم يعملوه أكتر من اللي عم يعملو الكاتوليك بكتييييييييييير ..


أما أنا - عن حالي - ما بيهمني كللللللل هالقصص .. أنا هدفي هوّي المسيح .. و المسيح هوّي الحق .. مشان هيك بحثت .. و كنت مستعد إلحق أي كنيسة بشوف فيها الحق و وجه الرب بشكل أكتر .. و ما تعللقت بالكنيسة اللي منها أبي و أمي ..

لأنو هدفي أكبر من إني أحصروا بتعصب مقيت ..


***********************

أما موضوع القديس يوحنا الذهبي الفم ( اللي حكيتو عنو و ما عطيتوني و لو رابط ) .. حتى لو كان صحيح .. رح إسألك :

هوّي عندك أهم من كلام الانجيل ؟؟؟؟


**********************

اختي جوانا ..

و إنتي على شو عم تبحثي ؟؟؟ عن تعصب للكثلكة ؟؟؟ أو عن وجه الرب = الحق ؟؟؟

من خلال اشتراكك بهالموضوع رح نعرف ( انا و انتي ) ..


بطلب منكم تسامحوني عن أي إساءة شخصية .. و اذكروا ضعفي بصلواتكم

[شربل إندراوس]

انا اول ما شاركت شاركت لأني غضبت من واحد بعثلي رابط... اما الآن قررت ان أشارك بالمواضيع المشتركة والماضيع الوحداوية.... أما بالنسبة للحقيقة فأنا حاسس إني لاقيتا... بالنسبة للنقاش او الجدال(لما إثنين مقتنعين بعقيدتهما) فبرأيي إنو مش عم بفيدني وبترك أمور العقائد للاهوتيون والكهنة والبطاركة....وكمان شغلة طبعاً كلام الإنجيل اهم بس بصرش أفسرو عكيفي لأنو هيك بكون هرطوقي... انا برجع للكنيسة اولاً بعدين الآباء القديسين...مع محبتي صلواتكم

[جوانا]

انا الي رجعة مكسيموس
وانا ماني متعصبة للكثلكة يمكن في كثير ما بعرفوا انه انا امي اورثودكسية وابوي كاثوليكية وما عندي التعصب للطائفة
لانه مش بعيني هيك اشياء صدقني
لانه احنا واحد بالمسيح على الاقل كشعب
انا الي رجعت وراح جبلك الرابط

[جوانا]

انا جبتلك الموقع الي شفت الكلام فيه
فينك تقرأه و تشوف
http://st-takla.org/pub_Bible-Interp...hapter-02.html

[Maximos]

انبسطت كتير بمتابعتك معنا اختي جوانا

و شكراً على الرابط ..

* كثيرون عند قراءتهم السطحية لهذا الجزء من الرسالة يظنون أن بولس قد اتهم بطرس بالرياء. لكن الأمر غير هذا؛ حقًا لم يكن هكذا، بل كان مختلفًا تمامًا. فستكتشف حكمة عظيمة من جهة الاثنين: بولس وبطرس مختفية هنا لأجل منفعة السامعين...

إذا كان هادا المقطع المقصود :
الواضح من طريقة الكتابة إنو هادا رأي الكاتب مو كلام القديس يوحنا ( مع إنو بيصب بالمعنى )
قولي هيّ مو مشكلة ..
الناحية الأهم إنو قبلها مكتوب :

يرى العلامة ترتليان والقديسون أغسطينوس وكبريانوس وأمبروسيوس وكيرلس الاسكندري أن القديس بطرس سلك هكذا عن ضعف؛ أما القديسان جيروم ويوحنا الذهبى الفم فلهما رأي مخالف، وهو أنه سلك هكذا ليعطي القديس بولس رسول الأمم الفرصة ليشرح أن التبرير بالإيمان لا بأعمال الناموس.

الأرجح إنو كلام الذهبي الفم هيك حتى ما تتشوه صورة القديس بطرس المعلم بعيون بسطاء الإيمان ..

و بكل الأحوال يعني اللي مع إنها ( مراءاة = غلط ) 5 علماء مقابل 2

هادا مو شيء قاطع ضد إنو مراءاة .. خصوصاً إنو 5< > 2

يعني بيكون إنو ناخد كلام هالتنين هوّي نوع من الانتقائية => عدم الموضوعية .. خصوصاً إنو كمان الخمسة مو مين ما كان ..

************************

بكل الأحوال .. بيبقى إنو موضوع المراءاة مثال .. و إنو يكون بطرس معصوم بتصرفاتو ( اللي هيي جزء من تعليمو بالتقليد و المحاكاة ) بيعني إنو صار أعلى من مستوى الطبيعة البشرية .. لأنو ما في إنسان ما عندو خطيئة .. ما عدا الرب المنزه عن كل عيب ..

و موضوع الضعف البشري ما فارق الرسل بعد العنصرة .. و كلامنا مو بس عن القديس بطرس الرسول ..
لأنو كمان اللي بيقرا حياة القديس يوحنا الحبيب ( اللي كان الأقرب للمسيح ) رح يلاحظ غنو اعترض بقلبو على مشيئة الرب لما عملو قرعة مشان مناطق التبشير و طلعتلو منطقة كان هوّي بيفضل غيها .. و لما قاربت السفينة اللي كان مسافر فيها على الغرق عرف إنو هادا تأديب إلو من الرب ..

مقصد الكلام : كل شخص حيّ مانو معصوم من الخطيئة .. حتى الرسل بعد العنصرة .. و من بين هالرسل قديسنا العظيم بطرس ..

يعني مشان ما تفكري إنو مستقصدينو أو في شي بيننا و بينو .. هههههه

بالتالي .. بطرس ( كواحد من هالمجموعة اللي هيي نخبة البشرية ) كان غير معصوم ..

لأنو بالنهاية لو كان ممكن يكون في انسان معصوم : لكن شو معنى الخلاص اللي عملو المسيح ؟؟

[Maximos]

ملاحظة : حتى ما ينفهم من كلامي إنو خطأ بطرس كان خطأ شخصي بس و مانو تعليم عقيدي .. منرجع للنص الانجيلي :

لكن لما رايت انهم لا يسلكون باستقامة حسب حق الانجيل قلت لبطرس قدام الجميع :
ان كنت و انت يهودي تعيش امميا لا يهوديا فلماذا تلزم الامم ان يتهودوا
( غلاطية 2 : 14 )

لأنو بحديث مع أحد الأخوة لقيتو فهم عليي ( بسبب قصوري بالتعبير ) إنو هادا مجرد خطأ شخصي ( يعني متل إنك تسأليه 25x25 و يخربط بالجواب ) ..

هون كان بطرس الرسول عم يعطي تعليم عقيدي غلط .. و هادا الأمر اللي مندعوه بالعادة ( هرطقة ) ..
و مشان هالتعليم العقيدي الغلط انعقد المجمع الرسولي و اللي حكينا عنو بموضوع ( عدم أولوية بطرس ) كونو الناطق بإسم هالمجمع كان القديس يعقوب أخو الرب ..

*************************************

من كل ما سبق منستنتج إنو بطرس ماكان معصوم من الغلط ( حتى العقيدي ) + بطرس ما كان اول أسقف لروما ..

و هيك بيكون أساس ( عقيدة عصمة البابا ) هوّي أساس خاطئ و بتكون هالعقيدة خطأ ..

[Alexius - The old account]

يا أخوة مافي داعي للتشنج ولا للتعصب
في مبدأ مهم في الأرثوذكسية وهو أن روما متى عادت للشركة مع الأرثوذكسية سيتبوأ أسقفها الكرسي الأول بين المتساويين في مجمع البطاركة.
أما بالنسبة للعصمة، فالمجمع المسكوني السادس ادان بابا روما،اونوريوس، وهرطقه ومات على الهرطقة. ووافق حينها نواب البابا على هذا الحرم وأيده البابا لاوون الثاني.
فكيف نقول أن بابا روما معصوم؟
أسقف روما مكانه في الكنيسة الأرثوذكسية، متى عاد للشركة، محفوظ كما كان سابقاً: الأول بين متساويين.
اُذْكُرُوا مُرْشِدِيكُمُ الَّذِينَ كَلَّمُوكُمْ بِكَلِمَةِ اللهِ. انْظُرُوا إِلَى نِهَايَةِ سِيرَتِهِمْ فَتَمَثَّلُوا بِإِيمَانِهِمْ. (عبرانين 13: 7)
ويقول القديس يوحنا الذهبي الفم: إن كنت تريد أن تُظهرَ لي غنيّاً حقيقيّاً فأظهره لي عند خروجه من هذه الدنيا، لأني في هذا العالم لا أستطيع تمييزَ الغني عن الفقير".

صلواتكم

[Maximos]

إي هه .. نوّرت الموضوع حبيبنا ..

من زمااااااااان هالقمر ما بان .. ما تطوّل علينا الغيبات يا غالي ..

بالحقيقة بحب اشكر جوانا على النقاش الحلو .. و اللي ما لقيت فيه اي تشنج أو تعصب .. عبارة عن نقاش عادي و حلو .. فكرة بفكرة ..

و هدول الوردات للعزيزة جوانا

كلامك صحيح حبيبنا عن الأولوية الشرفية لباباروما .. لأنو متل ما كان قبل الانفصال : الأخ الكبير بين أخوته البطاركة + الأول بين متساويين ..

و انشاللـه الرب ينوّر القلوب و يرجع يصير وحدة متل الألفية الأولى ..

[جوانا]

ـشكرا مكسيموم
انا ما اجيت هون لا اخانق ولا اكون متعصبة لاي طائفة على اخرى
ايماني بطائفة لا يعني تعصبي للطائفة ...
ومثل مذكرت من قبل انا امي من طائفة الروم الاورثودكس ابوي من طائفة الروم الكاثوليك بس ما بعني انه تربيت على اي تعصب لاي طائفة او اي طرف على اخر
شكرا الك للنقاش الحلو