نكت الجزء 2

**نبيل** · 2010-06-30, 09:01 PM

"مرة في طالب قلو للأستاذ: يا أستاذ إذا الواحد ما عمل شي يتعاقبو؟؟؟ قالو: لاء... قام قلو: أنا ما عملت الوظيفة..."

"في واحد كان عم بيحشش هوي وأبوه, خلصت الحشيشة آم الأب قلو لأبنو قوم جبلنا حشيشة . قام الولد ليجيب حشيشة بس لقطتو الشرطة على الطريق وانحبسلو شي خمس سنين... لما طلع اجت على بالو الحشيشة قام وهوي راجع على البيت جاب حشيشة... وصل على البيت فتحله أبو وقلو : شو ساعة يا زلمة؟؟؟؟...."

"كان في حماصنة عم يلعبوا على الأوتستراد, حطو قانون للعبة أنو اللي بيندعس مرتين بيطلع لبرا...."

"كان في اتنين واحد من المالكي وواحد من جوبر, اتنيناتن ضيعوا نسوانن بنفس اليوم, سأل رئيس الشرطة المالكاني: شو أوصاف مرتك؟ قلو مرتي شقرا طويلة عيونها زرق لابسة فستان أحمر قصير وشيال, سألو للجوبراني نفس السؤال قلو: هلق اتركنا من مرتي خلينا بمرتو...."

"تاجر مخدرات حمصي نزل إعلان بالجريدة: عنا طحين من اللي بالي بالك!!!...."

"كان في اتنين قاعدين, قال الأول للتاني: عم تحكني إيدي اليمين قلو بدك تقبض مصاري, بعد شوي قلو عم تحكني إيدي اليسار قلو بدك تدفع مصاري, بعد شوي قلو عم تحكني رجلي اليمين قلو رفيقو بدك تروح مشوار فرح, وبعدين قلو رجلي اليسار عم تحكني قلو بدك تروح مشوار عزى... وبعدين قلو ظهري عم بيحكني قلو : روح يلعنك واحد جربان...."

"رفيق الحريري قال لمرتو: حاسس حالي بدي موت, قالتلو بعيد الشر, قلها لاء بعيد العشاق..."

"أستاذ سأل طالب : كم عمر أبوك؟. قلو: والله ما بعرف بس صرلو زمان عنا..."

" شلون طنطات المالكي بيشتروا الحليب؟ , عمو عندك عصير بقر؟ "

"واحد صيني تجوز وحدة صينية, جابوا ولد أشقر وعيونو زرق سموه Some thing wrong "

"مسيحي ومسلم ويهودي وحمصي بدن ينكسوا بالبحر, قال المسيحي: المسيح والينا ونط, المسلم قال محمد والينا ونط, اليهودي قال موسى والينا ونط, إجا الحمصي قال: عدنان ولينا ونط...."

"قال في دبانة نادت لبنتها دبونييييي وبعد شي مرتين تلاتة ما ردت. قالتلها: وبف باف يخلع رقبتك "

"واحد سأل غبي: انت بتدخن؟؟؟ قلو والله ما بعرف ما بطلع وراي وقت بمشي "

"مجنون لقى مصباح علاء الدين.... ضل يفركو حتى مات العفريت..."

" أمس الصبح بعد العصر بنص الليل ضحكت فرحان من ضيق خلقي شاعر حمصي"

"شو الشبه بين الحمصي والسرلنكية؟؟؟؟ اتنيناتن بيكيفوا لما بتجيهم رسالة....."

"في واحد طويل كتير تجوز وحدة طويلي كتير جابوا ولد لهلأ عم يسحبوه"

"في واحد حلو كتير تجوز وحدة حلوة كتير جابوا ولد.....بدبق"

" حمصي القى محاضره دينية على مكفوفين موضوعها غض البصر "

" حمصي راح يخطب قالوله: المهر 700 ألف ليرة قال: أيه لأ ...... لقيت ب100 ألف... وحامل كمان "

" اعلنو حظر التجول في حمص طلعو الحماصنة يشوفوا ايش الموضوع "

" حمصي قال للصيدلي: اعطيني حقنة من يللي بتاخدها مرتي الصيدلي قاله شو اسمها ؟ قاله الحمصي:... مديحة "

" حمصي وقع في البحر وما غرق ليش؟ لأنه لوح "

" -حمصي متخانق مع حبيبته بعتلها مسج و قالها: انا عملت حادث ومتت "

" حمصي حب يغازل وحدة سألها: شو اسمك ؟ قالتله: اسمي بتلاقيه بالحدائق بين الزهور .. قالها: بربيش ؟ "

" حمصي قاعد عم يفكر بعمق ..... غرق "

" استاذ أراد يثبت لمديرية التربية بحمص انو الطلاب الحماصنة أذكياء مو أغبياء لمن إجا موجه التربية سأل الاستاذ الطلاب مين ربح بمعركة بدر بين المسلمين والمشركين رفع طالب ايدو قوموا الاستاذ قلة الطالب المسلمين ربحو قلو برافوعليك ومشان يثبتلو للموجه انون بيفهمو بكلشي سألون مين ربح بالمباراة بين الأرجنتين ونيجيريا كمان رفع طالب ايدو وقلو الأرجنتين قلو برافو عليك قام وقف طالب وسأل: استاذ يعني المسلمين والأرجنتين بدون يلعبو عالنهائي؟ "

" استاذ سأل طالب قلو اذكرلي اسم طائر بيبدا بحرف الكاف رد الطالب وقلو: كنتاكي "

" استاذ سأل طالب تاني قلو: اذكر لي ثلاث انواع سمك من الاسماك رد الطالب وقلو: سمك مشوي عالفحم وسمك مقلي وسمك بالصينية "

انشاء الله تكون النكت حلوة وتعجبكم

بصلواتكم