انو مرة كنت معصبة متل العادة ومتل العادة بدي فضي جعبتي واتخانق مع اللي معصبني
وطلع مامعي وحدات كمااااااان متل العادة ركضت ع مكتبة قدام الجامعة وانا ع ملى وشي معصبة المهم بلشت ادفش بهالباب وبعد 3_4 محاولات لفتح الباب وبطريقة الدفش اسعفتني بديهتي السريعة(3سم/سا) انو الباب سحب المهم سحبتو ودخلت واحمدو ربكم كانت بنت
اللي عم تبيع لانو غير هيك كنت يممممممكن خجلت المهم قلتلا وبسرعة من دون مااتركلها مجال انو تضحك علي
بطاقةmtn
سألت كم وحدة قلتلها وباستغراب كمان (انو شو هالسؤال): وحدة
المهم طلع الدخان من ادنيها وعيونها صارو اشارات استفهام
اتاري المخلوقة قصدها بالسؤال كم وحدة بالبطاقة ماكم بطاقة
انا هون حسيت الغباااااااء متشبث براسي ومشرش عنجد هداك يوم ومن وقتها ماعاد هووب ع هداك الرصيف والله بخاف تشوفني ودل علي العالم ويصيرو يلحقوني بالشارع
المهم هاد الموقف اللي متذكرتو
وهلأ بتمنى من اللي بيقدر يفوت يشاركني بغبائي عفووووووا يعني يذكرلنا شي موقف بايخ صار معو
ومشان الله اذا ماطلع معكون كتبوا اي شي تأليف يعني ضحك ع اللحة مشان ماحس حالي لحالي